Kategorie: Nuus

Meerderheid Europeërs wil Moslem-immigrasie stopsit

‘n Peiling het getoon dat ‘n meerderheid van Europeërs ‘n verbod op immigrasie uit Moslem-meerderheid lande steun, ten spyte daarvan dat inwoners vertel word deur hul huidige leiers dat hulle “vlugtelinge” móét verwelkom.

“Nuwe navorsing dui op beduidende en wydverspreide vlakke van openbare angs”, het ‘n opname aangedui. Die Chatham House Royal Institute of International Affairs het aanlynrespondente uitgevra oor hul standpunte rakende die stelling dat “alle verdere migrasie van hoofsaaklik Moslemlande gestop moet word”.

Slegs 20 persent het nie saamgestem nie, terwyl 25 persent nie ‘n mening oor die saak gehad het nie.

Die Chatham House-opname is voor die Amerikaanse president Donald Trump ‘n uitvoerende bevel wat immigrasie uit die sewe Moslem lande verbied, gedoen. Die lys van lande is deur Barack Obama opgestel, maar sy surrogate maak asof hulle dit nie weet nie en gaan tekere oor Trump se “onmenslikheid”.

Gemiddeld, dink 55 persent van die mense wat ondervra is in 10 Europese lande, dat alle toekomstige immigrasie uit Moslemlande voor die voet moet ophou. Die verbod is deur 71 persent van die mense in Pole, 65 persent in Oostenryk, 53 persent in Duitsland en 51 persent in Italië gesteun. ‘n Yslike 72 persent van Hongare het ‘n negatiewe siening van Moslems.

Die potensiële uitwerking van Moslemimmigrasie op binnelandse politiek op daardie lande, is ook uitgelig.

“In die meeste van hierdie lande, is radikale regses van wisselende grade ‘n politieke mag en wil hierdie angs oor Islam mobiliseer by die stembus, hetsy gedurende verkiesings in 2017 of op die langer termyn.”

Net twee van die tien lande was nie gekant teen immigrasie uit hoofsaaklik Moslemlande nie: Spanje en die Verenigde Koninkryk waar ‘n meerderheid van die respondente bereid is om meer Moslems te verwelkom. In die Verenigde Koninkryk, het slegs 47 persent ‘n verbod ondersteun.

‘n Ipsos Mori-peiling in 2016, het bevind dat die Europeërs die aantal Moslems wat in hul lande woon, totaal oorskat. Die Franse publiek dink daar is meer as vier keer die werklike getal en in Brittanje heers ‘n persepsie van drie keer groter as die werklike syfer.

Maar interessant het die opname bevind daar is min korrelasie met die aantal Moslems wat reeds in ‘n land gevestig is en die weersin in hulle.

“Openbare teenkanting teen verdere migrasie vanuit Moslemlande is veral intens in Oostenryk, Pole, Hongarye, Frankryk, en België,” lui die verslag. Maar daar is baie minder Moslems in Pole as in Frankryk, byvoorbeeld.

Dinosourus-tand van Knysna vir navorsing geskenk

‘n Dertienjarige seun aan die Tuinroete het Knysna op die land se argeologiese kaart geplaas deur ‘n tand van ‘n dinosourus te ontdek.

Die seun, Ben Ingel, het die tand in ‘n klip van klei op ‘n Knysna-strand, twee jaar terug gekry en pas besluit om dit te skenk vir wetenskapnavorsing.

Ingel het egter sy bevinding veilig bewaar, totdat kenners die week bevestig het dat die tand afkomstig is van ‘n massiewe vleisvretende dinosourus uit die familie Allosaurus.

OFM-nuus se korrespondent Louise Karsten berig dat ‘n navorser in fossiele, dr. Robert Gess van die Albanymuseum op Grahamstad sê toe Ingel ‘n foto van die tand aan hom stuur, het hy onmiddelik geweet dat dit ‘n tand van ‘n dinosourus is.

Gess sê die tand sal verder geanaliseer word, maar hy skat dat dit sowat 120 miljoen jaar oud is.

Hierdie bevinding is die eerste van sy soort op Knysna.

Kind ontdek ma se verminkte lyk na skool

Die polisie in Limpopo is op soek na ‘n tweede swart verdagte na die grumoord op Tanya Wiers in Pietersburg (Polokwane).

Inwoners van Sterpark sê hulle leef in vrees vir swart aanvallers omdat misdaad skerp toegeneem het. Hulle hoor al hoe meer van kapings, sê hulle.

Die eerste swart verdagte het in die buurt gewerk. Van die items wat gesteel is tydens die moord is in sy besit gevind, waaronder ‘n skootrekenaar en juwele. Hy sal na verwagting Donderdag in die hof verskyn.

Wiers het verskeie steekwonde aan haar nek en ken gehad, asook aan haar hande, wat dui op pogings om haarself teen die moordenaar se mes te beskerm.

Haar oë is met ‘n skerp voorwerp verwyder.

Wiers se geskokte seun het Dinsdag op sy ma se naakte liggaam afgekom toe hy van die skool terugkom.

Volgens die polisie het die tweede swart verdagte by die Wierse gewerk.

Bruin egpaar vas na grumoord op Hennenman

‘n Bruin egpaar is in hegtenis geneem na ‘n grumoord op Wilfred Ernsting.

Die twee het Woensdag in die Hennenman-landdroshof verskyn nadat hulle in ‘n begrafplaas vasgetrek is.

Wyne Rosslee en sy vrou Charlotte se saak is tot 15 Februarie uitgestel wanneer hulle om borgtog sal aansoek doen.

Die oorledene se buurman het onraad vermoed toe die twee vermeende moordenaars met Ernsting se motor weggery het.

Hy het gaan ondersoek instel en die lyk wat onder ‘n laken toegegooi was, deur ‘n venster opgemerk. Die buurman het dadelik die polisie ontbied.

Die hele sllaapkamer met met bloed besmeer en die oorledene se hande en voete was vasgebind.

Ernsting se voertuig is reeds in ‘n swart lokasie, Phomolong, buite Hennenman opgespoor.

Zuma ontplooi weermag in parlement vir staatsrede

Die DA wil dringend met die Speaker van die Nasionale Vergadering vergader oor wat die party noem “president Jacob Zuma se militarisering van die parlement”.

Die party het voorheen saam met die EFF deel daarin gehad om die parlementsitting te ontwrig.

Zuma het die ontplooiing van 441 weermaglede goedgekeur om wet en orde by die parlementsopening te handhaaf.

Die DA se hoofsweep, John Steenhuisen sê die president se doelbewuste woordkeuse van wet en orde dui op die gebruik van militêre mag en nié net op die weermag se sermeoniële rol nie.

Die leier van die UDM, Bantu Holomisa, sê die president se besluit om soldate te ontplooi is ‘n bewys dat hy angstig is.

Die SABC sal die staatsrede regstreeks oor sy nuuskanaal en radiostasies uitsaai. Die dekking begin op drieuur die middag om kykers en luisteraars op hoogte te hou van al die gebeure.

Die oneerlikheid van oop-grens filantrope

Terwyl oop-grens entoesiaste se woede teen President Trump se immigrasiebeleid oplaai, word gesê dat Amerika sy grense moet oop hou vir die miljoene armes regoor die wêreld vir humanitêre redes, maar hul voorstelle sal nie veel verskil maak nie.

So sê joernalis Roy Beck, want vir elke miljoen wat in die Verenigde State van Amerika inkom, word daar nog 80 miljoen mense jaarliks ​​gebore in lande met uiterste vlakke van armoede, geweld of oorlog. Volgens Beck, sal selfs die afskaffing van Amerikaanse grense of tot vyf miljoen meer mense per jaar absoluut niks verander nie.

Die VSA neem ‘n miljoen mense per jaar, maar in die groter skema van dinge verander niks in die wêreld nie.

Volgens die VSA se Census Bureau statistiek, emigreer 1,3 miljoen buitelandse individue wettig na die Verenigde State per jaar. Dit sluit nie in die byna ‘n miljoen immigrante wat die land elke jaar onwettig binnekom nie.

Beck sê daarom sal oop grense eenvoudig nie werk nie. Diegene wat onbeperkte immigrasie ondersteun hou vol dat wit lande nog meer mense moet inneem, terwyl nie-blanke lande maar hul grense en nasionalisme mag hou.

‘n Ryk land soos Saoedi-Arabië aanvaar nie ‘n enkele vlugteling nie, selfs al is hulle Moslem.

“Immigrasie kan nooit ‘n doeltreffende of beduidende manier wees om om te gaan met die arm mense van die wêreld nie… hulle moet gehelp word waar hulle woon.

“Die 99,9 persent van hulle sal nooit in staat wees om te immigreer na ‘n ryk land nie… daar is geen hoop vir daardie mense nie… hulle moet blom waar hulle geplant is… die enigste plek waar 99,9 persent van hierdie mense gehelp kan word is waar hulle woon.”

Immigrasie word gebruik as ‘n regverdiging vir geweld en anti-wit rassisme. Diegene wat sulke emosiebelaaide verhale van filantropie blindelings glo en rasionele denke verafsku, behoort die werklikheid van miljoene immigrante uit arm lande te oorweeg.

In 2015, het slegs 2 miljard mense in die ontwikkelde wêreld gewoon, terwyl die ander 5,2 miljard mense in die ontwikkelende wêreld leef. Dit is dus ‘n vorm van intellektuele oneerlikheid om voor te gee dat wêreldwye armoede en die gevolglike vlugtelingkrisis opgelos kan word deur middel van hoër vlakke van immigrasie na die ontwikkelde wêreld.

Die Amerikaanse federale regering bedryf 126 verskillende welsyns- of anti-armoede programme. Federale welsynsbesteding alleen beloop meer as $14,848 vir elke arm man, vrou en kind. Vir ‘n tipiese arm gesin van drie, is dit meer as $44,500. Gekombineer met staats-en plaaslike besteding, bestee die regering $20,000 aan elke arm persoon in Amerika, of $61,830 per arm gesin van drie.

Miljoene meer immigrante sal die VSA se welsynstelsel laat inplof, sonder om selfs ‘n duik op armoede in die wêreld te maak.

“Selfs al verdubbel ons immigrasie [in die VSA] na twee miljoen per jaar … wat heeltemal ons fisiese, natuurlike en sosiale infrastruktuur sal oorweldig, kon ons nie eens ‘n sigbare verskil maak nie,” sê Beck.

Google sit agter Moslemverbod se regsgedinge

Wie betaal vir duur “Moslem-reisverbod” regsgedinge in die VSA? Dis nie net die gewone ou walgwors George Soros nie.

Terwyl organisasies befonds deur Soros ook betrokke is, is die ander bron van fondse in die voortdurende anti-Trumpveldtog, Google.

Soos Bloomberg berig, het die maatskappy betaal om meer as 120 handtekeninge in te samel van meestal tegnologie maatskappye wat die howe gaan nader teen die uitvoerende bevel President Donald Trump om sekere Moslemimmigrante uit te hou.

Google was die een wat vir Hillary Clinton ‘n “strategiese plan” opgetrek het om te help dat die Demokrate wen, maar het liederlik daarin gefaal om hul kandidaat verkies te kry, ten spyte van hul beste pogings.

Tegnologiereuse is op ‘n ware kruistog om hul goedkoop H1-B werkers te hou, en ander maatskappye met soortgelyke behoeftes het nou aangebied om ‘n deel van die koste te finansier, het Bloomberg geopenbaar.

Alphabet, wat die moeite gekoördineer het, het die regsfirma Mayer Brown LLP in Washington DC genader om die anti-Trump regsaak te hanteer.

Die tegnologie maatskappye hou vol dat die ekonomiese en sosiale bydrae van immigrante “enorm” is. In hul argumente wat Sondag in die Amerikaanse Hof van Appèl in San Francisco geliasseer is, ondersteun hulle ‘n regsgeding deur die state van Washington en Minnesota om Trump se uitvoerende bevel te stop.

Apple, Airbnb, Facebook, Microsoft, Tesla, Lyft, Netflix, Snap en Uber is van die tegnologie maatskappye wat deel maak van die aanslag.

“Immigrante maak baie van die grootste ontdekkings in die land [VSA] en het ‘n paar van die land se mees innoverende en ikoniese maatskappye tot stand gebring,” lui die verklaring. “Amerika is lank bewus van die belangrikheid om onsself te beskerm teen diegene wat ons skade sal doen. Maar ons fundamentele verbintenis tot die verwelkoming van immigrante is nooit daardeur geraak nie – deur middel van verhoogde agtergrondnavorsing en ander beheermaatreëls op mense wat na ons land wil kom.”

‘n Appélhof in Amerika het reeds argumente aangehoor oor of President Donald Trump se reisverbod teen Moslems diskrimineer.

Die uitvoerende bevel het ‘n tydelik verbod geplaas op alle vlugtelinge en besoekers uit sewe hoofsaaklik Moslemlande. Die bevel is verlede week deur ‘n federale regter opgehef.

Regter Richard Clifton het gevra of dit diskriminasie is indien dit slegs 15 persent van die wêreld se Moslems raak. Hy is een van drie regters in die Appélhof wat later die week uitspraak sal lewer.

Die departement van Justisie se regsverteenwoordiger het ‘n beroep op die regters gedoen om die bevel weer in te stel, en sê die kongres het die president die mag gegee om te beheer wie die land kan binnegaan en wie nie.

Swart Demokraat braak gal oor ‘Poetin se inval in Korea’

Die swart Demokratiese Kongreslid Maxine Waters hou nie van president Vladimir Poetin se “inval in Korea” nie, en dit terwyl Poetin die Amerikaanse president stewig in ‘n omhelsing hou.

Waters het ook ‘n beroep gedoen vir die vervolging van president Donald Trump, al het sy geen bewyse gegee dat Trump die wet oortree het nie.

Verslaggewers het verbaas geluister hoe Waters, saam met ander Huis Demokrate, gepoog het om die saak te stel vir waarom Demokrate die vervolging van Trump moet oorweeg.

“Hoe kan ‘n president wat optree op die wyse waarop hy optree – of hy praat oor die [Moslem]reisverbod, die manier waarop hy teen Moslems uitvaar, en of hy praat oor sy verhouding met (Vladimir) Poetin en die Kremlin en die wete dat hulle ons gekraak het (Demokratiese Kongres Komitee veldtog) en die DNK (Demokratiese Nasionale Komitee),” het Waters uitgevaar.

“En die wete dat hy verantwoordelik is vir die verskaffing van die bomme wat onskuldige kinders en gesinne vermoor het in … uhm … in, uhm …” het sy gesê, maar kon nie die naam onthou totdat iemand agter haar gefluister het nie: “Aleppo.”

“Ja … in Aleppo,” het sy gesê. Onverstoord het Waters voortgegaan, “En die feit dat hy met sy arms om Poetin staan terwyl Poetin se inval in Korea vorder.”

Korea, die Krim, die twee moet dieselfde klink vir Waters, maar verslaggewers het na haar gestaar in ongeloof.

Met verwysing na Trump, het sy gesê: “Ek dink hy verkeer in daardie soort posisie waar mense sal begin vra:” Wat gaan ons doen? En die antwoord gaan wees: ‘Uiteindelik gaan ons iets daaromtrent doen’.”

Moskou verwag intussen ‘n verskoning van Fox News ná gasheer Bill O’Reilly die Russiese president Vladimir Poetin ‘n “moordenaar” genoem het. Die onvleiende term is gebruik om te bevraagteken of Donald Trump se voorneme om nouer saam te werk met Rusland wenslik is.

Kremlin woordvoerder Dmitri Peskov het gesê: “Ons sou verkies om ‘n verskoning te ontvang aan die Russiese president van ‘n gerespekteerde TV-stasie soos dié.” Hy het gesê dis onaanvaarbaar en beledigend.

Trump het die nare kommentaar afgemaak ten tye van die onderhoud en gesê: “Daar is ‘n baie moordenaars. Ons het baie moordenaars hier [in die VSA]. Wat, dink jy ons land is so onskuldig?”

Trump het nie spesifieke Amerikaanse amptenare genoem nie, maar verwys na die Amerikaanse inval in Irak in 2003 as ‘n voorbeeld van waarom hy nie dink dat Amerika so onskuldige kan wees nie.

Soustreinpassasiers kerm oor haatspraakwet

Die FW de Klerk-stigting het ‘n voorlegging aan die Suid-Afrikaanse Menseregtekommissie gedoen oor rassisme op sosiale media in Suid-Afrika, in die aanloop tot die kommissie se openbare sittings wat volgende week plaasvind.

Die besware van die Stigting klink soos ‘n klug. Hulle sê die gebruik van sosiale media “word nie betwis nie”, maar wel die gebruik van rassistiese en beledigende woorde om mense te beskryf.

Terwyl die hoofstroommedia en die soutreinpassasiers oor die fynere punte van liberale ideologie murmureer, word daar daagliks wittes doodgemartel waaroor geen haan kraai nie.

Dit lyk of sekere belange kwaad is omdat hulle nie meer vir Jacob Zuma sal kan verkleineer nie.

Die wetsontwerp maak sogenaamde “haatspraak” ‘n misdaad en sal ook bestaande misdade, soos aanranding, verhef tot ‘n haatmisdaad indien die oortreding aangevuur is deur vooroordeel en onverdraagsaamheid. Dit is natuurlik teen wittes gemik, maar veral diegene wat maak asof hulle rasblind is.

Die ANC se voorgestelde “haatspraakwet” is kennelik ‘n rooi vlag vir die wit soustreinwa wat gedink het daar kan na regs en links geslaan word, soos die De Klerk-stigting. In wese moedig die Stigting veroordelings teen mense soos Penny Sparrow aan, maar wil vir “ewewigtigtigheid” ‘n paar swartes ook ingesluit sien weens hul “rassistiese” uitsprake om hul plekkie op die draad by die ander “nie-rassige” draadsitters te verseker.

Advokaat Nadine Badenhorst, regsverteenwoordiger vir Vryheid van Geloof Suid-Afrika, ‘n “stem vir die Christelike Kerk in Suid-Afrika”, sê die wetsontwerp in sy huidige vorm sal gelowiges se monde snoer deurdat die “verkondiging, onderrig of gesprek” oor omstrede Skriftuurlike kwessies soos “aborsie, kreasionisme, genadedood, prostitusie, seksuele onsedelikheid” nie geduld sal word nie.

Badenhorst het gewaarsku dat “liberale aktiviste” besig is om “hul eie agenda te bevorder, wat na hul mening, ‘ekstremisties, fundamentalisties, eng en bekrompe’ is”.

Die Suid-Afrikaanse Unie van Onafhanklike Kerke het die wetsontwerp veroordeel en gesê dit maak inbreuk op Christene se regte.

Volgens die wetsontwerp word kritiek teen mense se seksuele oriëntasie as ‘n haatmisdaad beskou. Die NG Kerk het onlangs by ‘n buitengewone algemene sinode besluit dat predikante van dié kerk nie meer homoseksuele mense mag in die eg mag verbind nie.

Die amptelike naam van die wetsontwerp is die Voorkoming en Bestryding van Haatmisdaad en Haatspraak.

In kort, sal die voorgestelde wet alle openbare uitinge kriminaliseer wat “rassistiese” stellings maak, (soos Penny Sparrow se berugte Facebookpos waarin morsjorse as ape beskryf word) of die president, byvoorbeeld, belaglik maak. Dit sluit komediante en spotprenttekenaars in.

Die departement van Justisie het die sperdatum vir die publiek om voorleggings te maak oor die voorgestelde nuwe wetgewing om haatmisdade en haatspraak te bekamp, voorheen uitgestel.

Die sperdatum vir kommentaar oor die voorgestelde Wet op die Voorkoming en Bekamping van Haatmisdade en Haatspraak, is verleng.

Kritici beweer dat hoewel die wetsontwerp geïnspireer is deur anti-haatspraak wette in Kenia, Australië en Kanada, dit spraakvryheid grondig aantas. Die Suid-Afrikaanse weergawe bevat baie feller bepalings. Dit val buite die aanvaarde norme en verpligtinge oor internasionale vryheid van spraak en gaan veel verder as ‘n internasionale anti-haatspraak instrument.

Die Suid-Afrikaanse boetes vir haatspraak lyk baie erger. Vir ‘n eerste oortreding is dit ‘n drie-jaar tronkstraf of ‘n boete, en vir ‘n tweede oortreding kan die tronkstraf 10 jaar of ‘n ooreenstemmende boete wees. In Brittanje is dit eerder ‘n ses-maande tronkstraf vir ‘n eerste oortreding.

In 25 Januarie vanjaar het Duitsland hul haatspraakwet afgeskaf wat die eer van besoekende buitelandse leiers beskerm, net betyds vir ‘n staatsbesoek deur president Donald Trump wat op hande is. Kennelik dink die Duitse regering hulle moet genoeg vryheid gegun word om Trump sleg te sê.

Vermeende bankrowers wat by sekuriteitsmaatskappy gewerk het voor

Twee verdagtes het in die landdroshof in Randburg verskyn in verband met die rooftog by die Ferndale-tak van Eerste Nasionale Bank in Desember.

Die twee mans, werknemers van die Chubb veiligheidsmaatskappy het blykbaar ‘n gat in die muur van die bank geboor om toegang tot die kluis te kry.

Sowat 632 sluitkissies met juwele, vuurwapens, geld en dokumente is geroof. Die polisie het drie dae ná die rooftog 250 van die sluitkissies opgespoor.

Die Valke het die twee verdagtes Donderdag in hegtenis geneem en ook beslag gelê op ‘n ongelisensieerde vuurwapen en ammunisie.

Die verdagtes verskyn weer Maandag in die hof om aansoek te doen om borgtog. Die Valke sê nog inhegtenisnemings kan volg.