Nuus Archives - Page 1272 of 1583

Hisbolla saai uit na Sjina, Australi

Die Amerikaanse regering is bekommerd dat ‘n TV-kanaal wat deur die Hisbolla-militante groep ondersteun word ‘n Indonesiese satelliet gebruik om uit te saai na die Asiese Stille-oseaanstreek, het ‘n Amerikaanse ambassadewoordvoerder gesê.

Al-Manar-TV het Indonesië se Palala C2-satelliet gehuur deur die PT Indosat-operateur met ‘n kontrak wat in April 2011 verval, volgens Indosat-woordvoerder Adita Irawati.

Die Amerikaanse regering het Al-Manar in 2006 as ‘n terroriste-entiteit verklaar.

Al-Manar en sy vennote en filiale maak ‘n erkende deel uit van Hisbolla, het Tristan Perry, ‘n openbare diplomasiebeampte by die Amerikaanse ambassade in Jakarta gesê.

Perry het gesê die stasie “blaas geweld en haat aan”. Die Amerikaanse regering het informeel sy kommer gedeel met die owerhede in Jakarta oor Al-Manar se uitsendings vanuit Indonesië, wat die wêreld se grootste Moslembevolking het.

Dié kommer is van die tafel gevee deur die minister van kommunikasie Muhammad Nuh, wat die uitsendings ‘n suiwer besigheidstransaksie noem. Hy het opgemerk dat stasies soos die BBC ook die satelliet gebruik. Die regering besit omtrent 14% van Indosat se aandele en het ‘n vetoreg oor strategiese besluite.

“Die Amerikaanse regering het geen reg om in te meng in Indosat se sake nie,” het Nuh gesê. “Dit is Indosat se besluit.”

Die Indonesiese satelliet word gebruik om Al-Manar se dikwels anti-Joodse en anti-Amerikaanse programme uit te saai na Sjina, Suidoos-Asië en Australië.

In Januarie het ‘n Thaise satellietmaatskappy opgehou om uitsendings van die Midde Oosters-gebaseerde televisiekanaal uit te saai ná hulle agtergekom het dat dit verbind was aan dié Sjiïtiese militante groep.

pro100casino прокурор Фильчаков

Departement van gesondheid is vol politieke aanstellings

Die meerderheid van senior bestuurders in die departement van gesondheid was politieke aanstellings met geen bestuursvaardighede nie, het kundiges Dinsdag aan ‘n Vigskonferensie in Durban gesê.

“Die navorsing wat ons gedoen het, toon dat tussen 50% en 60% van senior bestuurders nog nooit blootgestel is aan bestuur nie. Hulle is net aangestel vanweë hulle politiekepartyverbintenisse,” het dr. Gustaaf Wolvaardt gesê by ‘n persverklaring oor die vierde Suid-Afrikaanse Vigskonferensie.

Wolvaardt is die direkteur van die stigting vir professionele ontwikkeling.

Die driedaekonferensie met deelnemers van 52 lande het Dinsdag begin by die Inkosi Albert Luthuli-konvensiesentrum en sou na verwagting amptelik geopen word deur adjunk-president Baleka Mbete op dieselfde dag.

Suid-Afrika beleef een van die ergste Vigs-epidemies ter wêreld. Teen die einde van 2007 was daar omtrent 5,7 miljoen mense in Suid-Afrika wat met Vigs besmet is.

“Ons het nie die infrastruktuur, dokters en verpleegsters om behoorlike MIV-behandeling aan te bied nie… En ons het meer fondse vergeleke met ander lande…,” het een konferensieganger gesê.

Heimattroue Duitse jeug verbied

Die Duitse minister van binnelandse sake, Wolfgang Schäuble, het ‘n patriotiese jeuggroep, die Heimattroue Duitse Jeug (HDJ) Dinsdag verbied terwyl polisie vroegoggend klopjagte gehou het op lede se huise in verskeie deelstate.

Regeringsamptenare het opgemerk dat die HDJ wat in Kiel geregistreer is, nou amptelik ontbind is, het mediaberigte gesê. Intussen het polisie die huise van lede in die deelstate Laer-Sakse, Berlyn en Brandenburg binnegegaan om klubgelde te konfiskeer.

Volgens die ministerie van binnelandse sake oortree die groep ‘n klubwet, wat sê dat indien groepe die landswette oortree of teen 'n internasionale verstandhouding inbeweeg, dit verbied kan word.

Die uitsaaier MDR het gesê die minister van binnelandse sake baseer sy besluit op getuienis wat verlede jaar in Oktober gevind is in klopjagte wat bewys het dat die groep effektief oorlogsgereed is en dus onwettig is.

Op sy webwerf sê die HDJ dat hulle stry vir ‘n onafhanklike Duitsland, vir tradisionele waardes en ‘n lewensstyl wat gereflekteer word in ‘n gesonde liggaam, gees en karakter. Die groep stry ook teen die gebruik van Engels in hulle Duitse moedertaal.

Hulle koerant “Firebrand” het ‘n subtitel “Jonk, Wild, Lojaal teenoor die volk”.

free slots

Op die rand van ?die duisternis?

Die VN sekretarisgeneraal Ban Ki-Moen en die hele Veiligheidsraad probeer om Haïti in ‘n “voorbeeld-A” te verander om buitelandse hulp te laat aanhou vloei, ten spyte van meer beperkte begrotings. Almal van hulle benadruk dat die arm land by ‘n kruispad staan tussen redding en die duisternis, soos mnr. Ki-Moen dit gestel het. Haïti se onluste verlede jaar was redelik intens, met die land wat steier onder voedseloproere wat die regering omvergewerp het en ‘n reeks orkane wat honderde dood gelaat het en die ekonomie verder op sy knieë dwing.

Die VN is nou bekommerd dat hoewel die grondslag gelê is om die bedreigings die hoof te bied, die geleentheid as gevolg van die globale krisis sal verbygaan. Omtrent nog 46 miljoen mense sal na verwagting vanjaar in armoede ondergaan te midde van die grootste afname in wêreldhandel in 80 jaar, volgens die Wêreldbank.

Die vredesmag het byvoorbeeld oorlog verklaar teen die bendes wat ‘n plaag is in Haiti, met ‘n mate van sukses. Ontvoerings het afgeneem van 722 slagoffers in 2006 tot 258 slagoffers verlede jaar, volgens VN-statistieke.

Met die kwessie van sekuriteit wat verbeter is, het mnr. Ki-Moen mnr. Collier – ‘n Oxford-professor wie se boek oor die herstel van mislukte state, “The Bottom Line”, hom baie gewild gemaak het by die VNhoofkwartier – opdrag gegee om 'n oplossing uit te dink om Haïti reg te ruk. Hier is waarmee hulle te doen het: Sowat 40% van die veselperskeoes is te erg gekneus om uitgevoer te word as gevolg van Haïti se slegte paaie.

Inwoners van Haïti soek dikwels werk in Amerika, maar dié veiligheidsnet het effens gekrimp as gevolg van die resessie. Met sowat 900 000 jeugdiges wat na verwagting die arbeidsmark gaan betree in die volgende 5 jaar, lyk hulle slegte vooruitsigte na ‘n groot bedreiging vir stabiliteit.

Dit het 5 maande geneem om ‘n nuwe regering aangestel te kry ná die 2008-voedselonluste, en VN amptenare sê ontwikkeling word in die wiele gery deur ‘n korrupte regstelsel, swak eiendomswette en baie oneffektiewe hawens.

Afrika is hierdie seisoen groot modetema

Die verrassende ding van 2009 se lentemodes, waar Afrikastyl soos ‘n drompols in klere en bykomstighede weerklink, is dat dit nie oor die etniese sy gaan nie, maar meer ‘n gestileerde Afrikavoorkoms, met ryk kleure wat ‘n sterk identiteit oordra.

Johan Galliano het Afrika na Dior gebring, weereens met skoene waaarop vrugbaarheidsimbole gekerf is in die hoë hakke. Maar dit was die gevormde haarstyle wat die sterkste impak gemaak het, saam met die weef-effek teksture uit Parys.

Materiaal by baie groot modehuise, soos Lanvin, is dierepatrone wat vernuwe is in helde kleure. Die mees dramatiese voorbeeld van sulke materiaal is gebied deur die Japanese ontwerper Junya Watanabe. Armbande is orals die seisoen, van wye stukke tot smal armbande, meestal in moderne materiaal wat ivoor en horing van bedreigde spesies naboots.

Die ironie is dat een tree op die Afrikabodem in hierdie seisoen se Afrika-geïnspireerde skoene waarskynlik selfs die hardste modeslaaf op haar knieë sal bring. Tog, in mode skep drome wense. En daar, tussen die hoë hakke is daar ook sandale, plat met bandjies, in slangvel en vergulde vals krokodilleer, wat net so nuttig kan wees op die banke van die Limpoporivier as in die wêreld se mode-hoofstede.

Die koloniale wêreld was ook ontgin vir inspirasie. Die hitte-en-stof kleure van klipgrys en sandbeige, met effense tinte van militêre kakie skep weer ander Afrika-scenario’s. Vir Hermes beteken dit die herskep van die effek van woestynsand op die oppervlak van rimpelende suede rokke. Vir Ralph Lauren het die koloniale voorkoms êrens tussen Indië en Afrika.

playing slots games

SAOG sal Zim bystaan

Die SAOG-lande het gister ’n hulpplan van nagenoeg R97 miljard vir Zimbabwe goedgekeur. Hoewel die bedrag in beginsel goedgekeur is, moet lidlande nog aandui hoeveel elkeen bereid is om te skenk.

Zimbabwe sal ook voortaan die rand gebruik omdat die Zimbabwiese dollar weens wegholinflasie laat vaar is. ’n Suid-Afrikaanse diplomatieke bron het aan Beeld gesê Zimbabwe wil teen September die rand “amptelik” as sy geldeenheid aanvaar.

Nkosazana Dlamini-Zuma, minister van buitelandse sake, het gesê die SAOG het ooreengekom om R19,4 miljard aan noodverligting beskikbaar te stel.

’n Suid-Afrikaanse diplomatieke bron het aan Beeld gesê die ondertekening van Zimbabwe en Suid-Afrika se bilaterale beleggingsbeskermingsooreenkoms (Bippa), wat Suid-Afrikaanse beleggers teen onteiening in Zimbabwe beskerm, sloer.

Zimbabwe het gister gesê albei partye is “gereed om te teken”. Die land wil egter plase in Suid-Afrikaanse besit van die pakt uitsluit, wat die plase vatbaar vir onteiening sal maak.

Ek sal nie ophou nie, s? Zille aan Zuma

DA-leier Helen Zille het gesê sy sal voortgaan met haar versoeke dat die ANK-leier Jacob Zuma vervolg moet word.

“Nee mnr. Zuma, ek sal nie ophou nie,” het sy in ‘n vvorbereide veldtogtoespraak in die Paarl in die Wes-Kaap Maandagaand gesê.

Zille het gereageer op vroeëre opmerkings van Zuma, wat die naweek aan ‘n ANK-saamtrek gesê het dat “pleks dat hulle besig is om stemme te werf, hulle (die opposisie partye) besig is om hof toe te gaan om besluite wat nie bestaan nie uit te daag.”

‘n Finale besluit word Maandag verwag van die Nasionale Vervolgingsgesag wanneer hulle sal aandui of hulle beplan om die klagtes tee Zuma te laat vaar en of hulle gaan voortgaan daarmee.

Die DA het gesê indien die Nasionale Vervolgingsgesag die klagtes laat vaar, sal die DA dit oorweeg om ‘n privaatregsaksie teen hom te bring.

Zille het Maandag gesê indien Zuma nie in die hof verskyn nie, kan dit nie aanvaar word dat hy onskuldig is nie.

“Ek vind dit snaaks dat sommige mense sê ek het geen belang om my te bekommer oor Zuma se korrupsieverhoor nie. Hulle sê dat ek die beginsel moet respekteer dat mens as onskuldig beskou word tot hulle skuldig bewys word.”

“Natuurlik respekteer ek die beginsel. Maar as ons toelaat dat Zuma nie in die hof verskyn nie as gevolg van ‘n agterkamerooreenkoms met die Nasionale Vervolgingsgesag, sal ons geensins weet of hy skuldig of onskuldig is nie.”new online slots

Bomdreigement jaag wapenaansoekers uiteen

‘n Bomdreigement het die Pretoria-sentraal polisiestasie Maandag leeggemaak, en sowat 600 aansoekers wat wag vir lisensies buite in die straat gelaat, het Gautengse polisie gesê.

“Ons wag vir die honde-eenheid om deur te kom sodat die gemeenskap kan inkom en hulle aansoeke voltooi,” het kaptein Tessa Jansen gesê.

Die bomdreigement is omtrent 6-uur die aand ingebel.

Jansen kon nie sê of die dreigement verband hou met die groot aantal wapenaansoekers nie.купить игрушку

Rekenaars wat aangelos word kos VSA $2,8 miljard per jaar

“Ek gee toe, ek dink nie veel aan die saak nie. Ek los my skootrekenaar oornag aan omdat ek weet in die oggend neem dit omtrent 5 minute om alles aan die gang te kry, nie net die aanskakel nie, maar ook die verskeie toepassings wat moet oopmaak.”

“Ek begin die dag met die aflaai van my oornag e-pos, filter uit die gemorspos en begin om andersins reg te maak vir die dag,” het ‘n rekenaargebruiker gesê wat anoniem wil bly.

Maar al die vermorsde krag van rekenaars wat snags aan staan tel, en een studie het nou ten einde laaste probeer om dit te meet. Die totaal? ‘n Geskatte $2,8 miljard se vermorsde energie elke jaar in Amerika alleen.

Op die basis van CO2, is dit 20 miljoen ton koolstofdioksied, omtrent die hoeveelheid wat vervaardig word deur 4 miljoen karre op die pad.

Данильченео

Navorsers gebruik genetika om misdaad op te los

Navorsers begin gene identifiseer wat mense se fisiese eienskappe bepaal, soos gesigstruktuur, velkleur of selfs of hulle links of regs is. Dit kan polisie in staat stel om ‘n prentjie te bou van hoe ‘n krimineel lyk, nie net van soms onbetroubare ooggetuies nie, maar deur die analise van DNA wat gevind word op misdaadtonele.

Die aksie om fisiese eienskappe te bepaal van genetiese materiaal staan bekend as DNA forensiese fenotipering, en dit het klaarblyklik reeds gehelp om sommige moeilike ondersoeke op te los. In 2004 het polisie in Louisiana ‘n reeksmoordenaar gevang wat volgens ooggetuies se inligting wit was, maar wie se misdaadtoneel DNA voorgestel het – en korrek ook – dat hy swart was. Brittanje se forensiese dienste gebruik ‘n soortgelyke “etniese inferensie” toets om moordenaars en verkragters op te spoor.

Kommer oor die etniese en sosiale uitdagings maak dat Duitsland nie die gebruik van DNA toelaat vir etniese inferensie of fisiese eienskappe nie. Net so ook ‘n paar Amerikaanse state, insluitend Wyoming, Indiana en Rhode Island. Brittanje en Nederland laat dit wel toe.

DMA-gebaseerde ras-profielsamestelling “moet baie versigtig aangewend word”, veral in ‘n diverse land soos Amerika, het Bert-Jaap Koops van Tilburguniversiteit in Nederland gesê, wat die regulering van verskeie lande bestudeer het. “Sommige mense kan verbintenisse maak tussen ras, misdaad en genetiese disposisie” en so stigmatisering aanmoedig.

Maar wetenskaplikes werk daaraan om die tekortkominge te oorbrug en sê dat meer presiese DNA toetse vir etnisiteit en verskeie fisiese eienskappe op die horison is.

купить детский домик Фильчаков