Geweld teen buitelanders vlam weer op in Umlazi

Die situasie by Umlazi, suid van Durban, het Dinsdagoggend na normaal teruggekeer ná gewelddadige oproer Maandag uitgebreek het teen buitelanders.

Die geweld het tot laatnag geduur toe swart inwoners winkels van buitelanders in die omgewing aangeval en geplunder het.

Hulle is glo woedend oor gerugte dat leerlinge by skole in KwaMashu ontvoer is. Die verkeer het Maandag op die Mangosuthu-hoofweg tot ‘n stilstand gekom. Die pad was met rommel versper.

Niemand is in verband met die geweld in hegtenis geneem nie.

Volgens berigte was daar ook verkeersopeenhopings in en om die Isipingo-gebied. Betogers het bande gebrand en begin klipgooi. Motoriste is aangemoedig om alternatiewe roetes te gebruik.

Die verkeer het tot stilstand gekom op die Mangosuthu-snelweg in Umlazi, ná inwoners die snelweg afgesper het.

Motoriste is ook versoek om weg te bly van Mega City, Price Mshiyeni Hospitaal, Clare Estate, Foremanweglokasie, Constantine-lokasie, Wandsbeckweg, Marriannhill, Holznerweg, Dorfnersingel, Reunionbrug en die Mega City-kruising tot verdere kennisgewing.

In 2015 is mense van die Kongo, Burundi, Rwanda, Ethiopië en Malawi in dieselfde gebied aangeval. Pres. Jacob Zuma het in Februarie vanjaar uitgevaar teen algemene wetteloosheid, asook dreigemente van geweld en intimidasie teen buitelanders.

Hy het die regering se kommer uitgespreek oor huidige dreigemente van geweld en dade van intimidasie en vernietiging van eiendom wat gerig is op nie-landsburgers wat in Suid-Afrika woon.

Inwoners in sommige gemeenskappe blameer nie-landsburgers vir die toenemende misdade, veral dwelmhandel.

Kleurlingmans verkrag, vermoor wit Matie-meisie (21) op Stellenbosch

Twee kleurlingmans het vandag in die landdroshof op Stellenbosch verskyn in verband met die moord en verkragting van Hannah Cornelius, ‘n 21-jarige BA-studente aan die universiteit op die dorp. Vernon Witbooi (32) en Geraldo Parsons (26) het op aanklagte van aanklagte van moord, roof met verswarende omstandighede, motordiefstal, verkragting en ontvoering verskyn, maar landdros Greg Jacobs het die saak vir verdere ondersoek uitgestel.

Die media is ook gelas om geen foto’s van Witbooi en Parsons te publiseer alvorens ‘n uitkenningsparade gehou is nie.

Terwyl Stellenbosch deesdae bekendstaan vir sy liberalisme en politieke korrektheid, is die hele dorp blykbaar deur die voorval geskud. Hannah Cornelius was Vrydagaand saam met ‘n kleurlingvriend en medestudent, Cheslin Marsh, in haar blou CitiGolf-motor in Birdstraat, Stellenbosch waar hulle gekaap is. Marsh is blykbaar met ‘n mes gesteek, maar het ontsnap terwyl Hanna deur die twee kleurlingmans ontvoer is.

Hanna het die blou CitiGolf-motor, wat ook op kringtelevisie vasgevang is, van haar ouma ontvang. Dit was eers haar ouma se motor, maar toe sy te oud word om te bestuur, het sy dit aan haar kleinkind geskenk.

Hoewel Hannah blykbaar ‘n Engelse privaatskool, Reddam House, bygewoon het, gaan sy uit die NG Kerk Vishoek begrawe word.

Hannah se lyk is Saterdagoggend langs die Knorhoekpad opgespoor waar sy klaarblyklik met ‘n mes gesteek en verwurg is.

Die twee kleurlingmans is omstreeks 14:00 op die plaas Dwars-in-die-weg naby Stellenbosch in die Devonvallei-omgewing gearresteer nadat hulle eers op die vlug geslaan het.

Hannah Cornelius se gesin sukkel glo om die voorval te verwerk. Haar oom Dries Cornelius het ‘n verklaring uitgereik waarin hy versoek dat die gesin se privaatheid eerbiedig word, maar het ook voor hul inhegtenisname gevra:

“Waarom? Wat is die beweegrede agter haar moord as jy klaar die motor gevat het? Ek bedoel, as hulle die vriend ontvoer het en blykbaar hom ook probeer doodmaak het… lyk dit asof hulle net wou moor. Dis onverklaarbaar: verdomde diere. Ek hoop net hulle vang die ouens wat haar vermoor het sodat ons nie nog 10 jaar hoef te wag in die hoop dat die polisie hulle kry nie.

“Op hierdie stadium probeer ons dit net verwerk. Ons sal sien wanneer die hele familie in die Kaap bymekaarkom, op dié stadium kan ons net probeer om dit te hanteer en probeer om haar ouma daardeur te kry.”

‘n Derde verdagte is blykbaar ook in hegtenis geneem, maar hy het nog nie in die hof verskyn nie. Die moontlikheid dat verdere verdagtes aandadig was, word nie uitgesluit nie.

Die hoofstroomedia is reeds besig om reaksies op sosiale media rondom die moord “te bestuur”. Verskeie kommentare is van die Netwerk24-berig verwyder, waarna die kommentaar onder aan die berig met slegs twee reaksies van die publiek as gesluit verklaar is.

Spanje: Motor maai voetgangers af

Agt mense is beseer toe ‘n motor in ‘n skare buite ‘n klub in Marbella, Spanje, geploeg het. Voetgangers buite die Ocean Club naby die strand in die gewilde toeriste-oord is getref.

Die voorval het plaasgevind op die Avenue de Lola Flores, maar wetstoepassers het gesê die voorval was nie ‘n terroriste-aanval nie. Getuies het egter aan The Sun gesê hulle het gedink dit is ‘n terroriste-aanval.

Die polisie sê die Britse bestuurder was vermoedelik onder die invloed van alkohol en die voorval is nie terreurverwant nie.

Maar in Februarie vanjaar het ‘n Britse regeringsverslag gewaarsku van “direkte bedreigings” teen Spanje uitgereik deur ISIS.

Volgens die Daily Star, het die verslag onthul dat die terreur groep, wat uit Sirië en Irak werk, sy veldtog aangepas het om Spaanse vertalers te huur, en beplan om Spaanssprekende buitelandse vegters te werf.

David Videcette, ‘n voormalige Britse teen-terrorisme-beampte wat die 7/7 Londen-bomaanvalle ondersoek het, het aan The Daily Star gesê: “Dit is baie moontlik dat daar ‘n aanval in Spanje kan wees.

“As jy daaraan dink, is Spanje een van die min lande in Europa wat die afgelope jaar nie ‘n groot aanval gehad het nie.” Videcette het gesê Spaanse oorde is besonder kwesbaar vir vragmotoraanvalle as gevolg van hul wye oop strandpromenade wat daagliks aflewerings ontvang en voertuie kom en gaan onopgemerk.

“Hulle sal dalk op soek wees na spesifieke lande met toeriste om aan te val,” het hy bygevoeg. “Dit is baie moontlik die Costa Brava, Costa Del Sol, daardie soort plekke wat op iemand se teikenlys kan wees.”

Tiende slagoffer van Manchester het ‘wit massamoord’ gevra

Martyn Hett, wat ook gesterf het in die ISIS-terreuraanval by die Manchester-arena, is hierdie week onthou as iemand wat “met passie en moed geleef het”, het die Britse poniekoerant, The Sun, berig. Die waarheid is egter dat Hett se oproepe vir massamoord van heteroseksuele “wit mans” en die verdediging van seksueel afwykende Moslems, nie die nuus gehaal het nie.

Die gay joernalis en reklame-bestuurder, is bevestig as die tiende slagoffer van die Manchester-terreuraanval. Hett was soek sedert Maandagaand se aanval ná die Ariana Grande-konsert wat 22 gedood het en meer as 50 ander beseer het.

Hett se dood is aangekondig deur sy gay kêrel Russell Hayward, op Twitter. Maar Hett het ietwat van ‘n problematiese Twitter-geskiedenis gehad.

Hier is ‘n paar van sy twiets:

“Ek stel massa-volksmoord voor” vir heteroseksuele wit mans.

“Die kommentaar draad oor die moslemaanval-storie [in Westminster, Londen] gee my ‘n senuwee-ineenstorting. Wit, Engelse rassiste wat beweer dat hulle onderdruk word.”

“Die grootste slagoffers van ISIS aanvalle was MOSLEMS.”

“Die aantal getroude moslem taxi-bestuurders wat my gratis huis toe geneem het in die hoop op ‘n vinnige “blowie”. [seksueel afwykende gedrag] Dit smelt my hart elke keer.”

Baie van die onlangse ISIS-aanvallers is “geassimileer” in die Weste in terme van hul “bevryde” seks, dwelms en alkoholgebruik. Die terreuraanvalle is egter uitgevoer om te verseker dat hulle hemel toe gaan nadat hulle hierdie godsdienstige sondes gepleeg het.

Waarskuwings oor Manchester-terroris geïgnoreer weens Britse ‘verdraagsaamheid’ jeens Islam

Sou die Manchester-selfmoordbommer Salman Abedi aan Maandag se tragiese moorde deelgeneem het, soos die Wall Street Journal opgemerk het, indien hy nie deel was van die Amerikaanse optrede om die Libiese regering omver te werp, wat geëindig het in die verstekoorlog in Sirië wat op sy beurt bedoel is om president Assad omver te werp ter wille van ‘n Katariese gaspyplyn nie?

‘n Moslemgemeenskapswerker, wat die Manchester-bomsteller geken het, het gesê dat lede van die publiek hom reeds vyf jaar gelede by die polisie gaan aangee het nadat hy teenoor ‘n tiener erken het dat van mening was dat “selfmoordbomme toelaatbaar is”.

Die werker wie se naam nie bekend is nie, het aan die BBC gesê dat twee mense wat Abedi tydens sy tyd op hoërskool geken het, afsonderlike oproepe aan ‘n antiterreuroproepsentrum gemaak het.

Amerikaanse verdedigingsamptenare het aan Fox News verklaar dat Salman Abedi drie weke voor die Manchester-bom in Libië deurgebring het, en en net enkele dae voor die Ariana Grande-konsert na Engeland teruggekeer het, toe hy sy aanval op die konsertgangers geloods het.

Abedi se voormalige klasmaat, wat anoniem wou bly, sê hy was “kort-kort gedurende die jaar afwesig — maar ek weet nie of hy landuit was, of net nie vir skool opgedaag het nie, want hy was met die verkeerde mense deurmekaar”.

Hamid El-Sayed het aan die BBC gesê dat Abedi se akademiese wanprestasie aan kulturele faktore toegeskryf kon word. “Dit was vir hom moeilik om by die Europese lewenswyse aan te pas,” het Sayed gesê, wat vir die VN navorsing oor “radikale Islam” gedoen het en tans aan die Universiteit van Manchester verbonde is.

Tydens ‘n onderhoud met Sky News het ‘n blanke konsertganger beskryf hoe sy ‘n agterdogwekkende Arabiese vrou in die gehoor aan die veiligheidsdiens uitgewys het, maar beantwoord is met: “Hoe sou u voel indien u deur iemand verdink word?” Die veiligheidsbeamptes het niks gedoen omtrent die senuagtige Arabiese vrou wat heel aand oor haar skouer gekyk het na die plek waar die bom uiteindelik sou afgaan nie.

‘n Voormalige buurman van die selfmoordbomsteller glo dat hy al geruime tyd lid van ‘n terreurgroep moes gewees het. Antone Jones, wat naby die aanvaller in die Fallowfield-buurt van die stad gewoon het, het beskryf hoe hy gesien het dat hy die ISIS-vlag van sy huis se dak af drapeer.

Nog ‘n buurman, van Gorton, het vertel dat sy houding hom oorreed het dat hy ‘n lid van ISIS was.

Intussen is die persoon wat die bom gemaak het waarmee die Manchester-arena opgeblaas is, steeds op vrye voet en kan enige oomblik wéér toeslaan. Inligtingsdienste glo dat Abedi wat die spykerbom in die ingangsportaal van die konsertarena laat afgaan het, ‘n “muil” was en dat die toestel deur ‘n deskundige gemaak is, berig ‘n Manchesterse dagblad.

Die bom verteenwoordig ‘n groot tegniese verbetering op die kru maar dodelike aanvalle deur middel van voertuie te Westminster vanjaar, asook die gruweldade in Nice en Berlyn in 2016 waartydens vragmotors gebruik is. Die spykerbom is met boute en moere gelaai sodat die maksimum beserings in ‘n beperkte ruimte veroorsaak kon word.

Daar is vrese dat wie ook al vir die Manchester-arena-bom verantwoordelik was, weereens ‘n soortgelyke aanval sou kon uitvoer. Dinsdagaand het die Britse eerste minister, Theresa May, die VK-terreurbedreigingsvlak van ernstig tot dié van ‘n krisis verhoog.

Abedi is blykbaar nie die enigste lid van sy familie wat ekstreme menings huldig nie, in weerwil daarvan dat hy lid van die “pro-Westerse” magte in Libië was. Libiese amptenare het die selfmoordbomsteller se vader en twee broers in hegtenis geneem en het dít as ‘n komplot vir ‘n nuwe aanval onthul.

Hasjim Ramadan Abedi het gebieg dat beide hy en sy broer deel was van die Islamitiese Staat-groepering en dat Hasjim van die besonderhede rondom die aanval bewus was. Hasjim Abedi, wat in 1997 gebore is, is Woensdagaand in Tripoli in hegtenis geneem, het ‘n regeringsamptenaar gister aan Reuter gesê.

Die vader van die bomsteller is Woensdag in Tripoli gearresteer, het ‘n Libiese veiligheidswoordvoerder teenoor Associated Press bevestig. Die vader, Ramadan Abedi, het gesê dat nog ‘n broer van die bomsteller, Ismail, Dinsdag in hegtenis geneem is.

Vroeër het Abdel-Basit Haroen, ‘n voormalige veiligheidsbeampte in Libië, aan Associated Press gesê dat hy Ramadan Abedi persoonlik ken en dat die ouer Abedi ‘n lid van die Libiese Islamitiese Gevegsgroep is. Tydens die geallieerde inval in 2011, het lede van dié groep beweer dat hulle ‘n sleutelrol gespeel het om kolonel Moeammar Ghaddafi se bewind omver te werp. Dié mag het hom met die Nasionale Oorgangsraad in Libië vereenselwig.

Die moeder is in ‘n artikel in die Londense Guardian as ‘n “baie aangename vrou” beskryf wat ‘n vriend se dogter geleer het om die Koran te lees.

Die vader het in 1993 uit Tripoli ontsnap nadat Ghaddafi se veiligheidsowerheid ‘n lasbrief vir sy inhegtenisname uitgereik het, waarna hy om politieke asiel in Brittanje aansoek gedoen het. Die ouer Abedi het eers Londen toe geëmigreer voordat hy hom in die Whalley Range-buurt suid van Manchester gevestig het, waar hulle vir ten minste ‘n dekade lank gewoon het.

Manchester se polisiehoof, Ian Hopkins, het Woensdag aan verslaggewers gesê dat dit duidelik is dat “dit ‘n netwerk is wat ons ondersoek” toe hy die jongste nuus oor hul ondersoek na die bomaanval verstrek het.

Ná die Westminster-terreuraanval van Maart 2017, het YouGov ‘n meningspeiling onderneem waarin bevind is dat nege uit tien Britse burgers dink dat verdere terreuraanvalle waarskynlik is. Tot 70 persent van Britse burgers het gemeen dat die terreurbedreiging vererger het.

Statistiek toon dat 90 persent van Britte verwag dat meer terreuraanvalle teen hul land gepleeg gaan word. In die YouGov-peiling is bevind dat die meeste Britte ook glo dat hul regering hul taak om die terreurbedreiging te bekamp “taamlik doeltreffend” uitvoer, maar dit mag verander.

Terreuraanvalle in Europa is tans ‘n byna daaglikse gebeurtenis, en Europeërs word gekondisioneer om dié feit te aanvaar, want danksy hoofstroompropaganda troef “verdraagsaamheid” wel veiligheid.

By ‘n nagwaak in Birmingham is ‘n 39-jarige man in hegtenis geneem met twee wapens, ‘n byl en ‘n lang stok. Ongeveer ‘n duisend roubeklaers op Victoriaplein is aangesê om die perseel onmiddellik te verlaat.

“Die man het ‘n sak gedra, en as ‘n voorsorgmaatreël is Victoriaplein waar die nagwaak gehou is, ongeveer 15 minute lank ontruim. ‘n Klein byltjie tesame met ‘n lang stok is gevind,” het die polisie gesê.

FBI se James Comey was Clinton-skoothondjie

Die direkteur van die FBI, wat deur President Trump ontslaan is, was ‘n werktuig van Hillary Clinton. Sy loopbaan beklemtoon eintlik die ongesonde verhouding wat tussen groot korporasies en die politieke elite bestaan.

James Comey het die Clintons gehelp in die kriminele ondersoeke na Whitewater se eiendomsbeleggings van Bill en Hillary Clinton en is ryklik beloon vir sy moeite, sê Roger Stone, ‘n Trump-adviseur. Die afgedankte FBI-direkteur was deel van “die moeras wat president Trump belowe het om te dreineer, en die verwydering van Comey was die eerste groot stap,” verduidelik Stone.

Voormalige president Barack Obama het die Republikeinse James Comey aangestel om die Buro te lei, maar nuwe bewyse toon dat Comey net aangestel is omdat hy betrokke was by die elite se korrupsie.

Obama het die politieke operateur aangestel omdat hy Comey vertrou het om nie die elite waarvoor hy deel was, te verraai nie.

Comey het steeds talle bande met die politieke operasie van Clinton. Sy broer, Peter Comey, is ‘n uitvoerende beampte by DLA Piper, die regsfirma wat verantwoordelik is vir die belastingopgawes van die Clinton-stigting en James hou die verband vir sy broer se huis.

Dit is ‘n direkte finansiële skakel tussen Comey en die Clinton-stigting, wat daarop dui dat hy, terwyl hy Hillary ondersoek het, nie gretig was om oortredings deur die Clintons te vind nie, sodat hulle misdade tydens sy drie jaar lange tydperk by die FBI ongestraf kon bly.

Hy was vir dekades lank by die Clinton-netwerk betrokke, volgens Stone. In 1996 het James Comey opgetree as die adjunk-spesiale ondersoeker vir die Senaatskomitee wat die Whitewater-skandaal ondersoek het. Die Senaat was besig om skaduagtige eiendomsbeleggings te ondersoek terwyl Bill Clinton die goewerneur van Arkansas was.

“Baie mense wat aan die Whitewater-maatskappy gekoppel was, is in hegtenis geneem en aangekla van meer as 40 misdade, maar die Clintons het ongeskaad gebly. James Comey het erken dat Hillary Clinton die ondersoek belemmer het en getuienis vernietig het, maar het besluit om haar nie te vervolg weens ‘n gebrek aan ‘opset’,” sê Stone.

“James Comey het sy truuk van 23 jaar gelede ná die oorspronklike Whitewater-ondersoek herhaal. Weereens het hy besluit om nie aan te kla nie – hierdie keer vir Hillary se misbruik van geklassifiseerde inligting, selfs nadat hy haar optrede veroordeel het. Dieselfde bedrieglike verskoning is gebruik van ‘n gebrek aan opset.”

James Comey het in wese die onreg herhaal waar die politieke elite vry van gevolge is en is daarvoor behoorlik beloon.

Nadat hy die Departement van Justisie in 2005 verlaat het, het Comey in die winsgewende private sektor gewerk. Stone sê dat Comey by Lockheed Martin – die grootste ontvanger van kontrakte van die Departement van Verdediging – aangestel is en meer as $6 miljoen betaal is voordat hy die korporasie in 2010 verlaat het as ‘n beloning vir die hulp aan die Clintons. Daarna het hy ‘n vennoot geword van die Clinton Global Initiative en het nie minder nie as 17 kontrakte van die Hillary Clinton-staatsdepartement ontvang.

James Comey het Lockheed Martin as ‘n baie ryk man verlaat en by die direksie van HSBC Holdings, ‘n Britse bank en langtermyn vennoot van die Clinton-stigting, aangesluit.

Intussen het die onopgeloste moordsaak van die Demokratiese Nasionale Komitee se data-ontleder Seth Rich ooreenkomste met baie geheimsinnige sterftes van individue wat verband hou met die Clintons.

Fox News, via anonieme FBI-bronne, het bevestig dat die vermoorde DNC-personeellid Rich die Wikileaks-bron was vir onthullings wat bewys het dat die DNC opsetlik die veldtog van Bernie Sanders ondermyn het om Hillary te help.

Dosyne mense het geheimsinnige dode gesterf en dikwels net voordat hulle gereed was om inkriminerende bewyse oor die Clintons se aktiwiteite te onthul.

Rich het as data-ontleder vir die Demokratiese Nasionale Komitee gewerk en meer as 44 000 DNC-e-posse aan WikiLeaks gestuur, vanaf Januarie 2015 tot einde Mei 2016, soos WND berig het.

Die media beskuldig steeds die “Russe” dat Hillary verloor het.

In een e-pos wat deur WikiLeaks vrygestel is, het die president van die Clinton-veldtog, John Podesta, gesê hy wil ‘n voorbeeld maak van die persoon wat die e-posse uitgelek het.

Hoofstroom Amerikaanse media raak al hoe meer onnosel oor die ‘Kremlin’

Die Verenigde State is in groot gevaar om deur die Russies-Ortodokse Kerk oorgeneem te word, volgens die tydskrif Time. Ten minste, dit is wat die beeld van die Withuis wat met die ikoniese katedraal in Moskou verweef is, op die weeklikse voorblad vertel.

Die idee is gesteel uit die satiriese publikasie MAD, het MAD in ‘n aanlynpos verlede Donderdag gesê wat die omslagbeelde langs mekaar wys.

MAD se dekking van 12 Desember 2016 verskyn met die opskrif “Poetin se invloed oor die Trompet groei,” en het die beroemde koepels van St Basil bo-op die Wit Huis as afbeelding gebruik.

Time van 18 Mei 2017, toon die Withuis wat skynbaar in St. Basil’s verander, maar in die artikel word oor die “Kremlin” geteem. Die Christelike kruise bo-op St Basil is ook vreemd genoeg afwesig.

Is die redakteurs van Time so onnosel? Die tydskrif gaan te kere oor president Trump en die federale ondersoek na Rusland se beweerde knoeiery in die presidentsverkiesing van 2016, en noem nooit die kerk nie. Waarom beeld Time dan die kerk uit?

St. Basil’s is in 1923 deur die Sowjet-regering toegemaak en is vandag ‘n museum. In teenstelling met die algemene indrukke van Time-lesers en linkses, is dit nie deel van die Kremlin-kompleks nie.

Liberale Amerikaners in die media het ook gedink dat Time se “Kremlin” oulik is, en hulle het hul onkunde op sosiale media uitgestal. St Basil is dalk naby die Kremlin, maar nie die Kremlin nie.

Die legendariese Oos-Ortodokse struktuur is terloops 456 jaar oud.

Newsweek het met Time meegeding vir oningeligtheid en lae-graad anti-Russiese propaganda. Volgens Newsweek, is “Rusland ‘n dodelike bedreiging”, alhoewel Rusland nog geen land aangeval het in die onlangse geskiedenis nie.

“Amerika se grootste skat – sy demokrasie – word aangeval in wat [senator John] McCain – wat vir baie van die Washington-elite praat – ‘n ‘oorlogsdaad’ genoem het.”

Die Independent het Time se “treffende dekking” van die “Kremlin” ook ten hemele geprys.

Maar CNN se dekking was die mees vertraagde. CNN het eers oor die “Kremlin” gekyf, maar na hulle die fout ontdek het, het hulle skielik van Rusland se “minarette” gepraat, asof die kerk ‘n Moslem-struktuur is.

Britse Moslem verantwoordelik vir aanval in Manchester, weermag ontplooi

ISIS het Dinsdag amptelik verantwoordelikheid aanvaar vir die aanval op konsertgangers in Manchester deur sy Amaq News Agency, volgens die SITE Intelligence Group. Die ISIS-verklaring het hom ‘n “soldaat” van die Kalifaat genoem.

Salman Abedi (23), is geïdentifiseer as die aanvaller in wat beskryf is as ‘n spykerbomaanval by die Manchester-arena aan die einde van ‘n Ariana Grande-konsert. Hy het homself en ten minste 22 mense opgeblaas terwyl 59 ander gewond is, het CBS News berig.

Twee Amerikaanse amptenare sê die vermeende bommer het vermoedelik met die trein na Manchester vanaf Londen gereis, het Reuters berig. Hy was bekend aan die Britse veiligheidsmagte en het slegs dae vóór die aanval vanaf Libië teruggekeer.

Vyfduisend troepe is in die VK ontplooi en premier Theresa May sê nog aanvalle word verwag.

Volgens Paul Joseph Watson van Infowars, was die ouers van selfmoordbommer Libiese vlugtelinge wat in die VK verwelkom is.

Britse amptenare probeer vasstel wie van die aanval vooraf geweet het en of daar ‘n netwerk van mense was wat gehelp het. Bronne het ook gesê hul doel sal wees om vas te stel of Abedi self die dodelike toestel gebou het, of as ‘n meesterbrein agter die ontploffing gebruik het.

Teenterrorisme-eenhede het Dinsdag op verskeie plekke in Greater Manchester toegeslaan. ‘n Bron het aan The Sun gesê die aanval het baie kundigheid vereis.

Dit word nou gevrees dat Abedi deel was van ‘n meer sinistere netwerk. “Die fokus sal nou wees op sy vriende, familie en ander bande om te sien of daar ‘n terroriste netwerk agter hom was.” ‘n Beheerde ontploffing het plaasgevind by ‘n adres in Fallowfield, Manchester.

Ten minste twee ander adresse wat met Abedi verband hou, is ook deursoek met meer arrestasies wat in die volgende 24 uur verwag word. Die polisie het soektogte uitgevoer in Whalley Range, ‘n gebied van Manchester wat nie minder nie as 4 moskees bevat.

Abedi was ‘n Britse burger, wat in Desember 1995 in Manchester gebore is. Hy was glo van Libiese oorsprong en het minstens drie broers en susters. Abedi het vermoedelik ‘n geïmproviseerde ploftoestel gebruik, het die polisie gesê. Boute en skroewe is op die toneel van die ontploffing gevind, het getuies gesê.

Sy jongste slagoffer is as agtjarige Saffie Rose Roussos.

Die aantal potensiële terroriste wat in die Verenigde Koninkryk dopgehou word, het tot byna 3 500 gegroei, maar hulle word nie so streng as ‘n jaar gelede gemonitor nie, het The Express berig. In plaas daarvan word blankes ondersoek.

Sewentig (25 persent) van die mense wat in 2015 gearresteer is, was wit, terwyl 91 (35 persent) van dié wat verlede jaar aangehou is, wit was. Onder spesiale polisie magte kan mense vir tot nege uur aangehou word, DNS-monsters en vingerafdrukke geneem word, sonder die nodige redes.

Sowat 400 ISIS-opgeleide vegters het vermoedelik teruggekeer van konflikte in Sirië en Irak, maar nuwe statistieke toon die aantal arrestasies, deursoekings, en ondersoeke van verdagte terroriste in hawens en lughawens het van 2015 tot 2016 gedaal.

Net ná die aanval in Manchester het die BBC-joernalis, Katty Kay, aan kykers gesê dat Europeërs “gewoond moet raak aan terreuraanvalle omdat ons dit nooit heeltemal kan stop nie”.

UKIP-leier Nigel Farage, het gesê oop-grense aktiviste en politici wat die lewens van onskuldiges op die altaar van globalisme opoffer, moet die skuld vir die bloedbad dra.

“Wat hierdie politici gedoen het, in die ruimte van net 15 jaar, kan die gang van die manier waarop ons in die land in die volgende 100 jaar leef, beïnvloed,” het hy gesê. “Ek onthou, ongeveer vyf jaar gelede, dat ek gesê het ons het ‘n ‘vyfde kolom’ gehad wat in ons eie volk bestaan.

“Dit is die eerste keer in ons geskiedenis dat ons mense onder ons gehad het wat ons waardes wou vernietig en ons eintlik selfs wou doodmaak en ek onthou die absolute golf van veroordeling teen my.”

Sowat 55 persent van Europeërs ondersteun ‘n einde aan immigrasie uit Moslemlande, terwyl slegs 20 persent die status quo wil behou. Dit is ‘n volstrekte meerderheid wat Islamiete uit wil hê.

Britse sensusdata van 2011 toon dat Manchester 15,8 persent Moslem was, en dat Islam die vinnigste groeiende godsdiens in die stad toe was.

Kinders onder slagoffers van selfmoordbomaanslag by Manchester-konsert

Ondersteuners van die Islamitiese Staat vier volgens berigte die aanval by ‘n popmusiekkonsert in Manchester, Engeland, op sosiale media. Minstens 22 mense is dood en meer as 50 is gewond by ‘n musiekkonsert van die Amerikaanse popster, Ariana Grande.

Die Britse polisie ondersoek dit as ‘n terreurdaad, maar geen militante groep het nog aanspreeklikheid vir die aanval buite die Manchester-arena aanvaar nie.

Hoofkonstabel Ian Hopkins sê die aanvaller het in die ontploffing gesterf. Hopkins het bevestig dat kinders onder die 22 mense is wat dood is.

Hy sê ondersoeke is aan die gang om vas te stel of die aanvaller deel was van ‘n netwerk.

Hy sê die polisie glo die man het “‘n geïmproviseerde ploftoestel gebruik”, wat daarop dui dat dit ‘n selfmoordbomaanval was.

Die Twitter-rekeninge van mense wat bande het met die Islamitiese Staat verwys met hutsmerke na die ontploffing, waarop vreugdeboodskappe instroom en soortgelyke aanvalle op ander plekke aangemoedig word.

Intussen het die popster, Ariana Grande, in reaksie op die ontploffing gesê sy is stomgeslaan.

Paul Nuttall, die Ukip-leier wat ook ‘n parlementslid vir Noordwes-Engeland is, het bevestig dat sy party sy verkiesingsveldtog sal opskort. In ‘n verklaring vanoggend het Nuttall gesê:

“Net wakker geword met die verskriklike nuus in die hart van my kiesafdeling, Manchester. My gebede en gedagtes is met diegene wat geraak word. Bly sterk.”

Die Britse verkiesing is dalk in die weegskaal nadat ander partye ook aangekondig het dat hulle hul werwingsveldtogte sal staak.

Ebola is terug, maar sal heksery entstof teenwerk?

‘n Nuwe Ebola-uitbraak is in die Demokratiese Republiek van die Kongo verklaar na die dood van drie mense aan die virus gekoppel is. Ten minste een van die oorledenes het positief getoets vir die virus, volgens die land se gesondheidsministerie. Maar sal ‘n entstof deur heksery teengewerk word?

Toetse van nege mense wat op of na 22 April met koors in die Bas-Uele-provinsie opgeneem is, het die siekte gewys, het die verklaring gesê.

Bosvleis is vermoedelik die oorsprong van die vorige verwoestende Wes-Afrika Ebola-uitbraak. Die eerste slagoffer se familie het vlermuise geëet, wat die virus dra. Die vleis van wilde diere is gewild in Afrika, insluitende die eet van sjimpansees, vlermuise en rotte. Dit kan selfs die eet van slangvleis insluit.

Maar Afrikane glo Ebola is ‘n gevolg van heksery en “bose geeste”, nie boskos nie.

“Ebola is ‘n baie skrikwekkende siekte en jy het verskillende persepsies van die siekte … antropoloë gaan nou uit om te sien of mense glo dit is ‘n aansteeklike siekte of as heksery of so iets beskou word,” het Hilde de Clerck gesê. Sy werk vir Dokters Sonder Grense (MSF), wat ook noodspanne na die DRK gestuur het.

“As ons die vertroue kry, kan ons voortgaan. Dit is iets wat mens moet doen voor die bekendstelling [van ‘n entstof]. [As jy dit nie doen nie] kan jy meer skade doen, jy kan mense laat skrik, hulle kan misverstaan ​​wat die entstof is.”

In Afrika se Kongo-bekken eet mense volgens die Sentrum vir Internasionale Bosbounavorsing ‘n beraamde vyf miljoen ton bosvleis per jaar.

Ebola is vir die eerste keer in 1976 geïdentifiseer, en dit is die agtste uitbraak sedert 1976 in die DRK, maar die virus het nog nooit so vinnig of so ver as in Wes-Afrika versprei nie.

In Wes-Afrika, tussen Desember 2013 en Januarie 2016, het meer as 11 000 mense aan die siekte gesterf. In 2014 het ‘n drie maande-lange epidemie in die Kongo 49 mense gedood.

Die Wêreldgesondheidsorganisasie het Ebola as onder beheer in Maart 2016 verklaar.

Begin Mei het die WGO in Guinee die einde van die siekte gevier met uitvoerende hoof Margaret Chan, by die episentrum van die verwoestende Ebola-uitbreking van 2014-2016, in die hoofstad, Conakry. Chan het ook aangekondig dat toetse vir die Ebola-entstof suksesvol was.

“Wetenskaplikes weet nog nie presies waar die Ebola-virus tussen die uitbrekings versteek word nie, maar byna alle kenners stem saam dat ‘n ander uitbraak onvermydelik is. As dit gebeur, sal die wêreld baie beter voorbereid wees.”

Terwyl Chan die aankondiging gemaak het, was die volgende uitbreking reeds aan die gang. Op 22 April is in Likati, ‘n afgeleë noordelike streek in die DRK, ‘n nuwe geval van Ebola gediagnoseer.

Vanaf 15 Mei was daar reeds 19 vermeende gevalle en drie sterftes, volgens die WGO.

Daar is na wat berig word 300 000 dosisse van die entstof wat regstaan in Kanada, betaal deur die Kanadese belastingbetalers. Die koste om dit na Afrika te kry, is iets ysliks.

“Die geaffekteerde area het las van ‘n groot logistieke uitdaging, want daar is nie ‘n koueketting nie, hoe om die korrekte temperatuur van die entstof in die afgeleë en beboste veld te behou. Dit verg ‘n groot logistieke operasie om die probleem van berging op te los,” het Eugene Kabembi, ‘n WGO-woordvoerder, gesê.

Die oorsprong van die Wes-Afrika-uitbraak is nagespoor na ‘n tweejarige kind uit die dorp Gueckedou in die suid-ooste van Guinee, ‘n gebied waar bosvleis gereeld geëet word.

Die kind, “Child Zero” het op 6 Desember 2013 gesterf. Die kind se familie het bevestig dat hulle twee spesies van vlermuise wat die Ebola-virus dra, geëet het.

Die Washington Post het destyds bevraagteken hoekom “Afrikane jag en boskos eet, ten spyte van die Ebola-gevaar”, maar kon geen antwoord verskaf nie, net totale verbystering.

‘n Span van kundiges en spesialiste van Medecins Sans Frontières, die Amerikaanse Sentrum vir Siektebeheer, Unicef ​​en WGO, sal ontplooi word om die nuutste uitbraak aan te pak.