Creecy, DA, EFF doodstil oor skoolkinders wat aan oproer deelneem

childriotSkoolgaande kinders se betrokkenheid by gewelddadige protes wat tans Gauteng teister, is ’n groot bron van kommer.

Dit bemoeilik ook die SAPD se taak om orde te herstel aansienlik.

Die Gautengse LUR vir onderwys, Barbara Creecy, is egter doodstil oor die feit dat skoolkinders aan die oproer deelnaam.

Protesoptrede in dié gebiede gaan glo oor swak dienslewering, maar sommige ontleders meen die DA sowel as die EFF speel ‘n rol om ook kinders tot gewelddadige optrede aan te hits.

Dit is ‘n resep wat voor 1994 gewerk het om die land onregeerbaar te maak en waarmee die DA-leier, Helen Zille, goed bekend is en dikwels oor spog.

Daar was in 2014 reeds nege, moontlik tien, noodlottige skietvoorvalle waarin die polisie betrokke was.

Die aantal betogings wat tot geweld lei, het ook toegeneem. Onbekwame raads­lede wat nie hul werk doen nie, word uiteindelik die polisie se probleem.

In ’n voorlegging wat die ouditeur-generaal (OG) Woensdag voor die staande komitee oor openbare rekenings (Skoor) gelewer het, sê die OG dat tot 93% van nasionale staatsdepartemente nie voldoen aan finansiële regulasies en beheermaatreëls nie.

Dit het daartoe gelei dat staatsinstellings meer as R30 miljard gemors het, en veral die departemente van gesondheid en onderwys was die grootste sondaars.

Brig. Neville Malila, Gautengse polisiewoordvoerder, het Khutsong, Bekkersdal en Roodepoort, sowel as Bronkhorstspruit as brandpunte geïdentifiseer.

Hy het die misdadigheid en vandalisme van die oproeriges veroordeel en gesê die opstande plaas kwaai druk op die polisie se hulpbronne.

Die Suid-Afrikaanse Polisiediens (SAPD) in Gauteng moes die afgelope drie maande op 569 protesaksie reageer, waarvan 122 geweld­dadig was.

Die minister van polisie, Nathi Mthethwa, het vroeër gesê in 2013 is die polisie ingeroep by meer as 13 000 betogings waarvan 1 882 tot geweld gelei het.

Honderde mense sluit binne ure by Front Nasionaal aan

Embleem van die nuwe politieke party
Embleem van die nuwe politieke party

Honderde mense het by die nuwe politieke party, Front Nasionaal, aangesluit nadat die party se webwerf gistermiddag laat aanlyn verskyn het. Dít binne slegs enkele ure en sonder dat dit amptelik aangekondig is. Mnr. Hannes Engelbrecht, ‘n joernalis van Potchefstroom en aktivis van Boere-Krisis-Aksie, is onlangs op Dunottar tot leier van die party verkies.

Meeste mense het van die nuwe webblad via Twitter en Facebook verneem, met die nuus wat soos ‘n veldbrand versprei het. Vele mense op Facebook het gesê: “Daar is niemand anders om voor te stem nie. Julle het my stem!”

Een aktiewe PRAAG-lid het laat weet: “Ek is nou ‘n trotse lid van Front Nasionaal!” Dog een van ons lesers, ‘n Afrikaner uit Hamburg, Duitsland het op Facebook sy bedenkinge uitgespreek:

“Dit is myns insiens nie Praag se plek om enige politieke party te promoveer nie. Indien Praag die Afrikaner se Russia Today of Al Jazeera gaan word, kan hy nie bekostig om eensydigheid ten opsigte van steun aan ‘n spesifieke politieke entiteit te toon nie.”

Iemand anders uit Pretoria het weer gesê:

“Front Nasionaal moet nie net nog ‘n politieke party wees nie dit moet ‘n lewenswyse word. Politieke partye veral in blanke geledere geniet nie meer die aansien wat hulle vroeër jare gehad het nie. Front Nasionaal moet buiten partypolitiek ook direk betrokke raak by die Afrikanergemeenskap self want ek dink dis waar die probleem vandaan kom dat mense sê: ‘Maar politici soek net ons stem en na die verkiesing sien jy hulle nie meer nie.’ Die VF het die Afrikaner vergeet; dit gaan nou om ander politieke doelwitte as om Afrikanerselfbeskikking of -opheffing. Front Nasionaal moet uit die gemeenskap vir die gemeenskap wees.”

In sy algemene repliek op Facebook op hierdie en ander kommentare het dr. Dan Roodt, die onderleier van Front Nasionaal, soos volg gereageer:

“Front Nasionaal moet die parlementêre speerpunt van ‘n breë Afrikanerbeweging wees wat vir ons mense werk skep, ‘n plek in die ekonomie oopstoei, na hul veiligheid begin omsien, maar hulle ook van nuuts af aan weer opvoed en kultiveer. Ons is ook moeg vir Hollywood-losbandigheid, dekadensie, dwelms vir ons kinders waarmee ons bietjie-vir-bietjie finaal tot niks afgebreek word. Slawe, met ons jong dogters wat prostitute en dwelmslawe van Nigeriërs word. Hoe laag het ons nie geval onder die ‘leiding’ van FW en Naarpers nie!”

Anell Fourie
Anell Fourie, tesouriere van Front Nasionaal

Terselfdertyd sal sowel PRAAG as Front Nasionaal hul onderlinge identiteite behou, met PRAAG wat as gemeenskapsmedia-orgaan Afrikaanse nuus en menings publiseer, en Front Nasionaal wat die parlementêre geveg vir die Afrikaner en goedgesinde blankes aanpak.

Soortgelyk aan die nuwe Europese politieke partye wat opgang maak, bestaan Front Nasionaal ook nie uit beroepspolitici nie, maar uit ‘n verskeidenheid aktiviste en gewone mense. Die jongste FN-bestuurslid is die tesouriere, me. Anell Fourie van Pretoria, wat berading aan verkragtingslagoffers verskaf. Haar blootstelling aan die skadukant van die “reënboognasie” het haar oortuig om polities betrokke te raak. Sy het ook verlede jaar aktief aan die Rooi Oktober-betoging teen geweldsmisdaad deelgeneem.

SAUK-hoës ‘het nie denkvaardighede nie’: verslag

Riaan Signs off
Riaan Cruywagen se laaste nuusuitsending. Het die SAUK daarmee saam 90% van hul vaardighede verloor?

‘n Vaardigheidsoudit deur PricewaterhouseCoopers (PwC) het bevind dat die uitvoerende en senior bestuur van die SAUK “nie oor die minimum- strategiese denkvaardighede besik nie”.

Die verslag deur die ouditeursmaatskappy is gister aan die parlement se kommunikasie-oorsigkomitee voorgelê. Daarin word insgelyks bevind dat 56 persent van die uitsaaier se bestuur nie in staat was om “afdoende probleemoplossingsvaardighede te toon” en om belangrike besluite te kan neem nie.

Wat hul kennis van digitale media betref, is die SAUK ook in die duister, veral wat betref die oorskakeling na digitale media.

Ondanks dié onbevoegdhede, het ‘n lid van die SAUK-raad, Bongani Khumalo, aan die parlement gesê dat die raad heeltemal “goed funksioneer” en dat senior bestuurders mans en vroue “van hoë integreiteit” was met “doeltreffende oorsig oor hulle”.

Studente sweer ouers is dood om lenings te kry

Dis nie regtig waar nie
Dis nie regtig waar nie

Die Nasionale Studente Finansiële Hulpskema ( NSFAS ) het gister aan die Parlement vertel hoe studente wat nie finansiële ondersteuning nodig het nie die skema misbruik en bedrieg.

Baie studente ondertekening selfs beëdigde verklarings om te verklaar dat hulle ouers dood is.

By die staande komitee oor hulpbronne in die parlement Dinsdag, het NSFAS se hoof Msulwa Daca gesê daar is “baie bedrog” teen die stelsel.

“Jy vind dat meer en meer studente gaan en hulle teken beëdigde verklarings.

“Byvoorbeeld, hulle sal sê dat [hulle] ouers oorlede is, maar as jy gaan verder grawe vind jy uit dat hul ouers lewe en ‘n inkomste te verdien,” het Daca gesê.

Daca het gesê hy kan nie kwantifiseer hoe groot die probleem is nie, maar kriminele ondersoeke is in omtrent drie of vier gevalle ingestel verlede jaar.

Studente wat gevang word, verloor hul NSFAS-lenings en loop die risiko van dissiplinêre verhore en skorsing.

In ‘n poging om die probleem te bekamp, is NSFAS tans gekoppel aan databasisse soos die een by die Departement van Binnelandse Sake om ‘n student se eise te verifieer.

Vyf politieke partye gederegistreer deur OVK

Die (Engels-eentalige) embleem van die OVK
Die (Engels-eentalige) embleem van die OVK

Die Onafhanklike Verkiesingskomissie het besluit om vyf politieke partye in die aanloop tot vanjaar se algemene verkiesing te deregistreer.

In ‘n verklaring het die woordvoerder van die OVK, Kate Bapela, vandag gesê: “Elke jaar moet ons seker maak dat die partye steeds bestaan en steeds aktief is.”

“Dit is ‘n administratiewe funksie wat ons vervul. Ons stuur herinnerings na die partye om uit te vind of hulle steeds aktief is. Indien hulle nie antwoord nie, word hulle gederegistreer.”

Volgens Bapela is herinnerings aan vanjaar aan vyf partye gestuur: die Justisieparty, die Real Congress, die United Democratic Civic Organisation, die Unemployed People’s Party en die Christelike Front, waarna hulle gederegistreer is.

“Ons het geen antwoord van hulle ontvang nie. Ons weet nie wat hul status is nie, dus is hulle gederegistreer.”

Kennisgewings van die deregistrasie is in verskeie dagblaaie gepubliseer.

Swartes brand kliniek af by Bronkhorstspruit

burningtyresSwartes van die Bronkhorstspruit-omgewing in Gauteng het geboue, waaronder ook ‘n kliniek aan die brand gesteek.

‘n Polisiewoordvoerder, Johannes Japhta, sê ‘n kliniek, ‘n huis en ‘n saal is in Rethabiseng afgebrand.

Hy het bevestig dat die onrus wat verlede week in Zithobeni uitgebreek het, nou na ander gebiede uitgebrei het.

Japhta sê twee mense is tot dusver in hegtenis geneem op aanklagte van openbare geweld.

Meer as 50 mense is Dinsdag in hegtenis geneem nadat ‘n biblioteek en huis aan die brand gesteek is.

Die lokasie-inwoners het oproerig geraak omdat hulle sukkel om voorafbetaalde elektrisiteit te kry.

Hulle het ‘n satelliet-polisiestasie in Zithobeni en die munisipale kantore aan die brand gesteek.

Die polisie is opnuut in Sebokeng in die Vaaldriehoek ontplooi. Sommige krotbewoners is glo ontevrede oor behuising en ander oor ‘n gebrek aan dienste.

Swartes het toegang tot die gebied byna heeltemal afgesper. Die oproer het vroeg vanoggend uitgebreek.

Die LUR vir gemeenskapsveiligheid in Gauteng, Faith Mazibuko het vroeër die geweld veroordeel en as misdadigheid bestempel.

Mazibuko sê die talle voorvalle waar staatseiendom beskadig word en sakeondernemings geplunder, is kommerwekkend.

Sy het in Parktown in Johannesburg Februarie as die Maand vir Veiligheid aangekondig, en mense aangemoedig om hul griewe op ‘n passende wyse te lug.

McBride kry verdere hupstoot vir Opod-toppos

McBride
McBride

Die benoeming van Robert McBride as hoof van die polisie se onafhanklike ondersoekdirektoraat is deur die Nasionale Raad van Provinsies se Gekose Komitee oor Veiligheid en Grondwetlike Ontwikkeling die benoeming ondersteun.

Sy welbekende daad was om bomme by die “Why Not” Restaurant en Magoo’s Bar in Durban op 14 Junie 1986 te plant waarin drie blanke vroue dood is en 69 mense beseer.

Hy is gevange geneem en skuldig bevind en daarna tot die dood gevonnis, maar later begenadig in 1992 nadat sy optrede as “polities gemotiveer” geklassifiseer is.

Hy het later amnestie by die Waarheid-en- Versoeningskommissie ( WVK) ontvang nadat die ANC hul vroeë ontkennings van betrokkenheid by die aanval laat vaar het.

Die Waarheid-en-Versoeningskommissie het oor die bomaanval gesê: “Dit blyk dat nie baie nie, indien enige, van die slagoffers in hierdie voorval lede van die Suid-Afrikaanse Polisiediens [die teiken] was.

McBride het amnestie vir die aanval gekry, hoewel die kommissie bevind het dat dit ‘n “growwe skending van menseregte” was.

In 1998 is McBride in hegtenis geneem deur die Mosambiekse polisie op aanklagte van wapensmokkelary, en in 1999, terwyl hy in die geselskap van onderwêreldbase by ‘n gesellinklub was, is McBride aangekla van aanranding.

In 2011, is McBride skuldig bevind aan dronkbestuur en dwarsboming van die gereg, en gevonnis tot vyf jaar tronkstraf. Hy is in April verlede jaar vrygespreek.

Verlede week is McBride se benoeming deur die Portefeuljekomitee oor Polisie gesteun, nadat McBride vir die pos benoem het.

Opposisiepartye is sterk gekant teen McBride se aanstelling in die pos.

Die pos is sedert Francois Beukman se bedanking in 2012 vakant.

Posaflewering deur staking ontwrig

pos‘n Staking deur tydelike poskantoorwerkers wat aflewering ontwrig, is in sy tweede week.

Die tydelike werkers het besluit om te staak totdat hulle permanente aanstellings kry.

Talle mense kla dat pos laat, of glad nie, afgelewer word nie.

Dienste in Johannesburg en Pretoria word die ergste geraak met posbusse wat nou al veertien dae leeg staan.

Die poskantoor sê daar kan nie aan die stakende werkers se eise voldoen word nie.

‘n Woordvoerder van die poskantoor het vroeër gesê dat so ‘n stap reuse finansiële verliese sal meebring.

Wie is die geheime buitelandse skenker?

George Soros
George Soros?

Die ANC is baie bekommerd oor die rol wat ‘n geheime internasionale skenker gespeel het om opposisiepolitiek in Suid-Afrika te manipuleer.

Druk deur ‘n buitelandse skenker het glo gelei tot die samesmeltingsplan van die DA en Agang SA wat binne enkele dae gesneuwel het.

Afrika is ‘n puinhoop van mislukkings weens buitelandse rolspelers wat politieke opportuniste ondersteun om regerings tot ‘n val te bring. Dit lei tot groter onstabiliteit en twis en dikwels tot geweld op die vasteland.

“Wat die meeste kommer wek, is die openbare erkenning van die twee partye se leiers dat buitelandse elemente, wat hul geldelike hulpbronne as hefboom gebruik, in staat is om aan hulle voor te skryf hoe hulle hul organisasie moet struktureer, wie hulle moet lei, met wie hulle moet twia soek . . .” het Jackson Mthembu, ANC-woordvoerder gesê.

Die ANC het gesê die nuutste onthulling is hopelik nie ’n weerspieëling van die rol wat dié twee partye speel om kiesers se grondwetlike reg te ondermyn om vrye politieke keuses uit te oefen nie.

The New Age het berig dat Ramphele gesê het ’n skenker wou sien dat Agang en die DA saamsmelt.

James Selfe, voorsitter van die DA se federale bestuur, het die kritiek afgelag. “Ek stel voor hulle gaan konsulteer die Wizard of Oz, wat weet van goed soos Never-Neverland.”

Zille het later ontken dan die twee partye onder druk geplaas is deur die skenker wat fondse sou weerhou indien die samesmelting nie gebeur nie, alhoewel sy self vroeër getwiet het dat Ramphele deur ‘n skenker gedwing is tot ‘n samesmelting.

Zille het trouens in die twiet gesê: “Dit was nie net een skenker wat druk op Mamphela geplaas het nie. Dit was elke skenker. Hulle wil ’n verenigde, sterk opposisie hê.”

Zille het ook erken dat sy weet wie die skenker is, maar wou nie die naam bekend maak nie. Volgens sekere bronne is die skenker George Soros se Open Society Foundation, maar dit kon nie bevestig word nie.

Politieke partye, waaronder ook die ANC, is steeds lugtig om die name van hul skenkers bekend te maak.

Skaliegasontginning kom beslis, sê minister

miningindabaDie regering het dit duidelik gemaak dat hy “beslis maar verantwoordelik” sal voortgaan met die ontginning van skaliegas.

Die minister van minerale hulpbronne, Susan Shabangu het by die opening van die Mynbou-indaba in Kaapstad se amptelike opening gepraat.

Sy het gesê finale regulasies in hierdie verband sal binnekort bekend gemaak word.

Die minister sê na beraming is daar tot 485.000 miljard kubieke voet skaliegas in die Karoo se rotsformasies.

Sy sê dit is noodsaaklik dat skaliegas ontgin word wat sal bydra tot koste-doeltreffende energie, werkskepping en talle ander voordele.

Shabangu sê die regering is opgewonde oor “spelbrekerontdekkings” in petroleumontwikkeling langs die kus en in die binneland.

Die indaba het sowat 8000 afgevaardigdes gelok, wat 2100 maatskappye en 110 lande verteenwoordig. Dit word gereken as die wêreld se grootste mynbou-investeringsgebeurtenis.

Die geleentheid eindig op Donderdag.