Komitee stel voor dat gevangenes werk

Image

Gevangenis in ‘n oorval sel

Die parlement se korrektiewedienstekomitee het voorgestel dat tronke terugkeer na die voor-1994-beleid dat gevangenes moet werk.

Dit het geblyk in 'n verslag wat gister in die parlement ter tafel gelê is ná besoeke aan die Brandfort- en Grootvleigevangenisse in die Vrystaat. In 'n verslag wat wye dekking gee, het die komitee gesê hulle is geskok om te sien hoe gevangenes heeldag in oorvol tronkselle deurbring sonder om iets konstruktiefs te doen.

Die idee om gevangenes te laat werk,is sterk gesteun vroeër vanjaar toe die DA-LP, James Selfe ,'n dokument vrygestel het met die titel: "Tronke werk waar gevangenes werk."

Die komitee het gevind dat die afgevaardigdes, soos altyd, geskok was om te sien hoedat gevangenie heeldag in oorvol selle aangehou word, en 'n terugkeer bepleit vir die voor-1994-beleid van gevangenearbeid. Die komitee het onder geen omstandighede aanbeveel dat gevangenes se menseregte geskend word of nie gerespekteer word nie, maar voel wel dat die gevangenearbeid positief kan bydra tot hulle rehabilitasie en herintegrasie in die samelewing.

"Dit sal ook 'n manier wees om druk te verlig op reeds oorvol selle en infrastruktuur. Sulke aktiwiteit sal 'n goeie werksetiek en sosiale verantwoordelikheid skep, en selfs help om vaardighede te ontwikkel wat kan bydra teen die hervoorkoms van misdade onder gevangenes."

Selfe het gesê hy was verheug deur die voorstel van die komitee en ondersteun dit ten volle. Hy het saamgestem dat dit die kanse op rehabilitasie van gevangenes heelwat kan vergroot.

Die komitee het ook gesê dat baie meer gedoen kan word om oorbevolking in tronke te  verlig, veral onder verhoorafwagtende gevangenes. 'n Multidissiplinêre benadering is nodig wat polisie, justisie, korrektiewe dienste en maatskaplike werk insluit.

"Dit is belangrik dat slegs daardie gevangenes wat 'n bedreiging vir die samelewing inhou, opgesluit word. Oortreders wat verwys kan word, behoort na rehabilitasieprogramme buite die tronk verwys te word. Meer moet gedoen word om die landdroste en justisie sensitief te maak vir die las wat verhoorafwagtende gevangenes op die korrektiewedienstesentrums plaas.

Die verslag sal deur beide huise van die parlement oorweeg word.

new online slotsДанильченко Юрий Брониславович

Zimbabwe s? cholera is ‘onder beheer’

Zimbabwe se minister van inligting het Dinsdag benadruk dat die cholera-epidemie onder beheer is en het snerpende kritiek teen die "vuil monde" van buitelandse leiers gehad wat eis dat president Robert Mugabe moet uittree.

"Ek het geen goeie woorde vir al die leiers wat een vir een uitsprake teen Zimbabwe gemaak het nie. En ek hoop dat dit die laaste keer is wat hulle hul 'vuil monde' sal oopmaak oor Zimbabwe," het Sikhanyiso Ndlovu, minister van inligting gesê.

"Nadat hulle die land met sanksies gewurg het en besmet het met cholera en antraks, probeer die Weste nou die geleentheid wat deur die ramp veroorsaak word gebruik om militêre ingryping te regverdig," het hy gesê.

Die cholerasituasie in onder beheer, het Ndlovu gesê.

"Ons het genoeg chemikalieë om water te suiwer. Ons het genoeg buitelandse kapitaal om pype te koop en rioolpype te herstel."

Ndlovu het die opposisieleier, Morgan Tsvangirai, daarvan beskuldig dat hy as marionet vir Westerse lande optree terwyl hy leiers in die SAOG-groep ignoreer.

для баниАлександр Фильчаков

Nederlandse NRO gebruik sepies teen etniese geweld

Die Nederlandse NRO Radio La Benevolencija vervaardig radioprogramme en mediaveldtogte in sentraal Afrika met die mikpunt om plaaslike inwoners te help om te verstaan hoe politieke propaganda werk en hoe om etniese en rassegeweld te weerstaan.

La Benevolencija beplan ook aksie in Nederland, om dié land se inwoners te help om hulle etniese spanning daar te kan hanteer.

"Ons is in die besigheid van media-onderrig," het George Weiss, stigter en direkteur van die Amsterdamgebaseerde NRO gesê.

"Ons leer mense om opstokery raak te sien sodat hulle daarteen kan optree." Weiss, 'n filmmaker wat al vir dekades in humanitêre projekte betrokke is, is in Oostenryk gebore.

Oorspronklik was Radio La Benevolencija die filiaal van 'n Joodse welsynsorganisasie met dieselfde naam wat in Sarajevo, Bosnië gewerk het.

Gedurende die Balkanoorlog in die negentigerjare het die organisasie 'n neutrale posisie ingeneem en veilige skuiling, voedsel en medikasie aan alle etniese groepe verskaf terwyl die stad onder beleg was.

Op daardie stadium het Weiss 'n Nederlandse filiaal begin wat die Sarajevo-organisasie finansieel en polities gesteun het.

Toe die oorlog geëindig het, het hy die Nederlandse filiaal in 'n onafhanklike stigting omskep wat massamedia gebruik as instrument om mense in te lig oor etniese- en rassehaat en -geweld, en om mense te help om trauma te verwerk.

"Ons aktiwiteite het begin in Rwanda in 2003, ná die volksmoord," het Weiss gesê.

Weiss het gesê dat mense in die Kongo nie die politici vertrou nie, omdat hulle met internasionale diamanthandelaars saamwerk – die Israeli's, Libanese, Sjinese en ander – terwyl die geld wat gemaak word uit die handel dikwels verdwyn.

La Benevolencija se sepies poog om mense se geloof in die wet te versterk.

"Ons radioprogramme vertel aan mense dat die polisie hulle werk doen. Ons sê: indien iets met jou gebeur, het jy sekere regte, maar in plaas daarvan om die reg in eie hande te neem, gaan vra vir billike behandeling."

детские сайтыАлександр Фильчаков

Parlement?re reses onderbreek vir Pikoli-afdanking

Image

Vusi Pikoli

Die parlement se Desemberreses is met 'n week verkort weens president Kgalema Motlanthe se besluit om die geskorsde nasionale direkteur van vervolgings, Vusi Pikoli, se ontslag af te handel.

Dit is toe te skryf aan die belangrikheid van die saak en die tyd wat nodig is om dit te beredeneer, het die kantoor van die speaker Dinsdag in 'n verklaring gesê.

Ná konsultasie het die speaker van die parlement se nasionale vergadering, Gwendoline Mahlangu-Nkwabinde, en die nasionale raad van provinsies se voorsitter, Mninwa Mahlangu, besluit om die hervatting van parlement se jaarlikse sessie met 'n week vorentoe te skuif, het die verklaring gelui.

Die parlement was veronderstel om in reses te wees tot die 19de Januarie, wanneer die volgende sessie moes begin, maar dit is vervroeg na die 12de Januarie, wanneer die president se verslag ter tafel gelê sal word en na die relevante komitee verwys sal word.

"Die bedoeling is dat die saak gefinaliseer moet word binne die voorgeskrewe tydperk nadat dit ter tafel gelê is, volgens die wet."

Mahlangu-Nkwabinde en Mahlangu het reeds Motlanthe se besluit oor Pikoli ontvang.

"Die nasionale vervolgingsowerheidswet vereis van die president om die boodskap van die verwydering van die nasionale direkteur van openbare vervolgings aan die parlement bekend te maak binne 14 dae indien die parlement in sitting is of binne 14 dae ná die aanvang van die volgende sessie na die reses van die parlement.

"Nadat so 'n besluit ter tafel gelê is, het die parlement 30 dae om te besluit of die resolusie gedra sal word om die nasionale direkteur van vervolgings weer diens te laat hervat en of hy uit sy pos verwyder moet word."

Die parlement het gesê dat Mahlangu-Nkwabinde en Mahlangu besluit het dat 'n ad hoc-komitee saamgestel sal word om die saak te hanteer.

Die aanstellingsproses van die komitee sal onmiddellik begin om dit in staat te stel om die 12de Januarie 'n aanvang met die saak te neem. Die komitee sal sy eie interne prosesse bepaal in terme van die reëls van die parlement. Lede van die komitee sal bepaal word deur die partye en die proses.

укладка ламината на стену ценаФильчаков прокурор

Verbruikersbesteding daling baan weg vir rentekoersverlaging

Verbruikersbesteding het vir die eerste keer in amper tien jaar gedaal, volgens die SA Reserwebank se Kwartaalbulletin, wat pas vir Desember gepubliseer is.

"Werklike finale verbruiksbesteding vir huishoudings het met 'n jaargebonde koers van 0,8 persent in die derde kwartaal van 2008 afgeneem.

"Dit was die eerste inkrimping sedert die vierde kwartaal van 1998."

Die data gee vir die bank ruimte om rentekoerse hierdie week te verlaag.

"Ja, verbruikersbestedingsdata laat ruimte vir 'n verlaging," sê T-SEC ekonoom, Mike Schüssler.

"Ons kry 'n duidelike idee dat die ekonomie besig is om spoed te verloor – en ek dink die bank sal die repokoers met vyftig basispunte sny.

Die bank sal eers net matig begin met die sny van koerse – maar die verlagings sal later groter word.

Goewerneur Mboweni is ietwat besorg oor die uitwerking van verlagings op die rand – en dit is iets wat hy ook duidelik gemaak het in die Kwartaalbulletin."

Die bank het die repokoers ses keer sedert die middel van 2007 verhoog en dit het veroorsaak dat verbruikers besteding ingerem het maar dit het ook die land se ekonomiese groei laat verlangsaam.

методы пломбирования корневых каналовФільчаков Олександр Васильович прокурор

Intelsat wil R2,5-milard se satelliet lanseer

Die satellietverskaffer, Intelsat, en 'n Suid-Afrikaanse beleggersgroep het vandag planne aangekondig om 'n nuwe satelliet van R2,5-miljard die ruimte in te stuur.

Die satelliet, wat die “Intelsat Nuwe Dagbreek” sal heet, sal hoëspoedinternet-, telefoon- en televisiedienste aan die kontinent beskikbaar stel en sal na verwagting teen vroeg 2011 in diens tree, het Intelsat in 'n verklaring gesê.

“Afrika was die afgelope tyd een van die snelgroeiendste streke vir vaste satellietdienste,” lui die verklaring.

“Die Nuwe Dagbreek-deelprojek is opgerig om oplossings vir kommunikasiebehoeftes in Afrika te verskaf.”

Die projek sal deur 15 persent ekwiteite en 85 persent lenings gefinansier word.

“Gedurende die loop van die satelliet se leeftyd, sal dit wêreldgehalte verbindings verskaf wat besigheid sal toelaat om te groei en landelike gemeenskappe in staat sal stel om te verbind,” het die voorsitter van die Convergence Partners belggersgroep, Andile Ngcaba, in 'n verklaring gesê.

“Wanneer dit eers in diens is, sal die Intelsat Nuwe Dagbreek deel van ons globale, verbruiksbestande satellietnetwerk wees, wat groeikapasiteit sal verskaf en ons sal toelaat om ons dienste aan ons langdurige klante in Afrika te voorsien,” sê Intelsat se hoofbestuurder, David McGlade.

Swak kommunikasie word dikwels verantwoordelik gehou vir swak investering in Afrika. Die gebrek aan infrastruktuur in baie lande met swart regerings het die gebruik van landlyndienste onwenslik gemaak en verbruikers gedwing om oor te skakel na satelliet- of draadlose tegnologie.

online ukтопкарго

Derby-Lewis sal volgende jaar weet

Clive Derby-Lewis, wat gevonnis is vir die moord op die SAKP-leier, Chris Hani, se paroolaansoek sal volgende jaar voor 'n volle bank van hooggeregshofregters aangehoor word.

Sy regsverteenwoordiger, Marius Coertze, sê die aangeleentheid is oorgedra na die 10de Maart, volgende jaar, sodat 'n volle bank van drie regters dit kan aanhoor.

"Ons het vandag geherskeduleer om voort te gaan, maar die staatsadvokaat se kantoor het 'n volle bank versoek."

Hy sê die regterpresident wou 'n volle bank vir die aangeleentheid hê.

Die regsverteenwoordigers van die Hani-familie, wat deur George Bizos verteenwoordig word, het aangedui dat hulle in die aangeleentheid geken wil word.

Die paroolraad wil ook inspraak in die saak lewer. Die datum van die 10de Maart is 'n voorlopige datum wat deur die adjunk-regterpresident, Jerry Shongwe, bevestig moet word.

Coertze sê hy dink sy kliënt het 'n sterk saak.

Derby-Lewis, wat al vyftien jaar van 'n lewensvonnis uitgedien het, was saam met Janusz Walus skuldig bevind aan die sluipmoord op Hani op die 10de April 1993.

Hulle doodsvonnisse is in 1995 omgeskakel na lewenslange gevangenisstraf.

диагностика автоФільчаков Олександр Васильович прокурор

Globale krisis gaan SA banke raak

ImageDie huidige globale finansiële krisis gaan 'n impak hê op die banksektor, het die Bankvereniging van Suid-Afrika (BVSA) gesê.

"Alhoewel mens tog 'n uitwerking gaan sien, is die banksektor fundamenteel gesond," het BVSA se besturende direkteur, Cas Coovadia, gesê.

"Ons glo dat daar toepaslike regulasies in die sektor is, en dat die nalatenskap van wisselkoersbeheer en die geleidelike uitfasering daarvan ons in 'n mate beskerm."

Hy het gesê dat daar erge skuld in die sektor gaan wees volgende jaar, maar dat BVSA saam met die wyer kredietindustrie sal werk.

"Die fokus gaan wees op herstrukturering eerder as om sake in die regstelsel in te druk, en ons hoop dat mense ons halfpad sal ontmoet."

Coovadia het gesê dat slegte skuld steeds redelik min is.

In die eerste ses maande van 2008 het Standard bank slegte skuld van 1,27% gehad, Absa 0,93% en Nedbank 0,96%.

Coovadia het gesê die land se banke is goed gekapitaliseer en hulle finansiering is sterk. Die vier grootste banke het totale bates in die buiteland ter waarde van R600 miljard. Blootstelling aan subprimaportefeuljes was minimaal, het hy gesê.

потолочную люструФильчаков прокурор

Suid-Afrika gaan nie grensbeheer toepas nie

Suid-Afrika gaan nie grensbeheer verskerp nie, ten spyte van die groot hoeveelheid onwettige immigrante wat die land binnekom, het die minister van binnelandse sake, Nosiviwe Mapisa-Nqakula Dinsdag gesê.

"Ekonomiese migrante sal altyd 'n manier vind om in gebiede in te beweeg waar hulle nie behoort te wees nie," het sy aan verslaggewers gesê. "Mens sal dit nie kan voorkom nie."

Die ergste ding wat Suid-Afrika kan doen "is om terug te gaan na die verlede waar elektriese heinings mense se beweging beperk het".

Sy het gepraat by 'n mediakongres oor immigrasielogistiek vir die 2010 Fifa-wêreldbekersokker, en hoe Afrikalande geakkommodeer sal word vir die gebeurtenis.

Met verwysing na Beitbrug, Suid-Afrika se grenspos met Zimbabwe, het sy gesê dat dit oorspronklik bedoel is as 'n plek wat baie min beweging tussen Suid-Afrika en die res van Afrika sal toelaat.

"Maar ons praat van die vrye beweging van mense," het sy gesê.

Strenger grensbeheer sal "eintlik onwettige immigrante aanmoedig".

"Ons klem is op die fasilitering van beweging in plaas van strenger grensbeheer, dan weet mens wie in die land inkom en wat hulle doen."

Daar is geen amptelike syfers beskikbaar oor die hoeveelheid onwettige immigrante in Suid-Afrika nie, maar sommige skattings plaas dit so hoog as 10 miljoen mense, 'n situasie wat vererger word deur die sosio-ekonomiese en politieke krisis in Zimbabwe.    

accessories weddingФільчаков Олександр Васильович

Sangoma in hof oor verkragting

'n Sangoma sal na verwagting Woensdag in die landdroshof op Sebokeng verskyn vir verkragting, het die Gautengpolisie gesê.

Die 39-jarige man het na bewering 'n 22-jarige vrou by sy huis in Ennerdale, suid van Johannseburg verkrag, waarna hy beweer het dat hy 'n bose gees uit haar wou verdryf, het konstabel Edwin Ntsheo Dinsdag gesê.

Die sangoma het na bewering Saterdag na die vrou se huis gegaan waar hy na haar broer gesoek het. Haar broer was nie op daardie stadium by die huis nie, en hy het haar gevra om hom te vergesel om kruie vir haar broer te kom haal by sy huis.

Onderweg na sy huis het die sangoma haar vertel dat sy 'n bose gees (tokkelossie) in haar het en dat hy daarvan sal moet ontslae raak.

Die sangoma het haar gesê om haar klere uit te trek en op haar rug te gaan lê sodat hy haar kan "skoonmaak" omdat die tokkelossie sterk is. Daarna het hy haar verkrag.

Die sangoma is Maandagoggend gearresteer nadat die vrou 'n saak van verkragting Sondag teen hom aanhangig gemaak het.  

куклы барбілобановский александр фото