Nuus Archives - Page 1114 of 1583

Zuma se reaksie oor Pretoria

Die Vryheidsfront Plus verwelkom president Zuma se reaksie in sy parlementêre repliek op die VF Plus se besware oor die verandering van Pretoria en ander geografiese plekname.

Mnr. Zuma het in sy repliek verwys na die gesprek wat hy met dr. Pieter Mulder as VF Plus leier op 3 Februarie vanjaar oor die aangeleentheid gehad het en het herhaal dat ‘n oplossing vir naamsverandering en vir Pretoria se naam gesoek moet word wat alle partye tevrede sal stel.

Die Vrydag na die gesprek met die President (5 Februarie 2010) is die proklamasie in die staatskoerant, wat Pretoria se naamsverandering aangekondig het, amptelik teruggetrek.

Dr. Mulder het in reaksie gesê dat die Vryheidsfront Plus voorstelle aan die President gemaak het oor hoe sensitiewe sake soos hierdie hanteer moet word. Die VF Plus sal weer in die toekoms aan gesprekke oor naamsverandering deelneem.

President Zuma se verwysing na Pretoria en naamsverandering volg hieronder:

Honourable members,

In appreciating our history, we will also need to return to the difficult question of what names we should use to describe the towns, cities, streets and geographical features of our country.

The Honourable Deputy Minister and leader of the Freedom Front Plus, Dr Pieter Mulder, raised the issue of geographic name changes and specifically the name of Pretoria in his speech in this House.

I appreciate his constructive contribution to this problem.

On Wednesday 3 February, the honourable member and I had a constructive discussion in Pretoria about this problem and dealt with the issue.

I agree with him that further talks with all the parties involved will have to take place and that a solution and working method which will be acceptable to all parties will have to be found.

We must also point out that we had earlier decided, as government, not to rush with the renaming of Pretoria as it is the capital city of our country.

We need to move along together on this path to ensure that we all appreciate the significance of the process.

Фильчаков

ANC slaan bal mis oor grondsake

“Stille diplomasie jeens Robert Mugabe se grondroof en versuim om die breë publiek in te lig oor die armoedegevolge van die uitdeel van onlewensvatbare lappies grond in ‘n marginale landbouland, eerder as grondpryse moet die skuld kry vir die regering se dilemma met grondhervorming.

“Terwyl die regering steeds volhou met sy stelling dat hy lewensvatbare kleinboere wil vestig, verstrengel probleme binne die Departement van Grondsake die grondhervormingsproses en word die blaam steeds, te midde van talle bewyse tot die teendeel, op boere geplaas,” aldus ds. Theunis Botha. Leier van die Christen-Demokratiese Party (CDP) en waarnemende voorsitter van die Christen-Demokratise Alliansie (CDA).

Botha het gereageer op ‘n stelling van die minister van landelike ontwikkeling en grondhervorming, Gugile Nkwinti, dat die regering nie die beginsel van vrywillige verkoper, vrywillige koper, kan bekostig nie.

“Boonop verplig die Suid-Afrikaanse grondwet die land om internasionale ooreenkomste te respekteer. Ook die Afrika-Kommissie vir Mense- en Groepregte erken eiendomsreg en dat die billike kompensasie by onteiening betaal moet word.

“Ons stel voor dat die regering eers ‘n behoorlik grondoudit hou, omdat verskeie gesaghebbende studies toon dat die 30 % teiken van swart besit lank reeds bereik is. Die regering se weiering om so ‘n oudit te hou lyk toenemend verdag.”

детские магазины

Malema ANC se enigste juweel – Mbalula

Die ANC se omstrede jeugleier, Julius Malema, is die ANC se enigste juweel aangesien dit al is wat die ANC het, en die opposisie nie het nie, en daarom die nydige jaloesie. So het die adjunk-minister van Polisie, Fakile Mbalula, in die debat oor pres. Jacob Zuma se staatsrede gesê.

Mbalula het ook in die bresse getree vir die komende debat binne die ANC oor die nasionalisering van myne, wat deur die ANC se jeugliga op die tafel geplaas is. Volgens Mbalula is die nasionaliseringsbeginsel nie nuut vir die ANC nie. SAPA

Ander nuusstories, kortliks:

Zuma se vriendin kry groot tender onder verdagte omstandighede

Die IVP skree blou moord nadat dit aan die lig gekom het dat ‘n tender vir die voorsiening van verversings aan die KwaZulu-Natalse Wetgewer aan die ma van twee van pres. Jacob Zuma se buite-egtelike kinders toegeken is. Sapa en News 24 berig die tenderbedrag beloop R1,3 miljoen, terwyl IOL die waarde op R3 miljoen stel. Volgens die IVP is die tender toegeken voor die hersieningsperiode van 21 dae verloop het, en dat dit ook nie soos die wet vereis in die staatskoerant geadverteer was nie. Die Wetgewer hou vol dat dit ‘n openbare tenders was en dat meer as 50 voorleggings ontvang is.

Vanjaar 5 biljoen mobiele foongebruikers – VN

Die VN se Internasionale Telekommunikasie-Unie berig dat die wêreld vanjaar sy 5 biljoenste selfoonsubskripsie-intekenaar gaan oplewer. Dit volg na ‘n skerp toename in gebruik van Smart Phones in die ontwikkelde wêreld en mobiele telefone in die ontwikkelende wêreld. Die aantal mobiele breëband-intekenare gaan vanjaar ook die een biljoenkerf verbysteek. AFP

clue board game online

Volstruispolitiek oor rassisme in Nederland

Terwyl die Nederlandse owerheid steeds gereeld ontken dat sekere insidente ‘n rassistiese ondertoon het, kom rassistiese geweld, vernielsug en bedrygings al dekades lank gereeld in die land voor.

Hierdie stellings kom uit die pas verskene boek, Al Eeuwenlang een gastvrij volk – Racistisch geweld en overheidsreacties in Nederland (1950-2009) deur die politieke ontleder, Rob Witte.

Die eerste deel van sy boek se titel verwys na ‘n opmerking twee jaar gelede deur minister Rita Verdonk toe sy gesê het die Nederlanders is al eeue lank ‘n gasvrye volk. Witte gebruik hierdie opmerking as parodiese vertrekpunt tot die skets van die werklikheid, naamlik ‘n volk wat al dekades lank dikwels baie rassisties teenoor aankomelinge optree. Hy meen dit het veral sedert die Tweede Wêreldoorlog struktureel voorgekom. Oor die jare het die teikengroepe verander, die optrede nie. Eers was dit Spaanse en Italiaanse gasarbeiders wat dit hotagter gekry het, later Marokkaanse en Turkse gasarbeiders, en nou is Moslems in die algemeen in die visier.

Dit is juis die volstruispolitiek hieroor wat daartoe lei dat plaaslike owerhede, wat amptelik van g’n sout af water geweet het nie, met hul broeke op die knieë gevang word wanneer geweld oorkook. – Trouw

slots slots

Boere se belangrike rol

“Dit is onbillik om van Suid-Afrikaanse kommersiële boere te verwag om meer werksgeleenthede te skep en so met landelike ontwikkeling te help as hulle geen sekerheid oor hulle toekoms het nie,” het dr. Pieter Mulder, VF Plus-leier en adjunkminister van Landbou, Bosbou en Visserye in die Parlementêre debat oor president Zuma se staatsrede gesê.

Landelike ontwikkeling is met reg een van die prioriteite van die regering. “In my kontak die afgelope nege maande met landbouers dwarsdeur die land, besef hulle die belangrikheid hiervan en bied hulle hulle hulp aan. Die kommersiële boere vra egter aan my hoe hulle meer werksgeleenthede kan skep en hulle boerdery kan uitbrei as hulle na vyftien jaar steeds nie seker is of hulle hul grond gaan behou nie,” volgens dr. Mulder.

“Daar heers ook groot onsekerheid oor veiligheid op die platteland met die groot aantal plaasmoorde. Waarom kan moorde op plase nie as afsonderlike polisie-statistiek gegee word nie? Die boerderygemeenskap aanvaar die rede is dat plaasmoorde, van wit en swart, nie vir die regering belangrik is nie,” het Mulder gesê.

Dr. Mulder het ook na die twintig Afrikastate verwys wat allerlei aanloklike aanbiedinge maak om Suid-Afrikaanse kommersiële boere te kry om by hulle te kom boer. Dit gee ‘n aanduiding van die groot waarde wat in die res van Afrika aan Suid-Afrikaanse kommersiële boere geheg word.

online casino eu

Pieter Mulder se toespraak

“Misdaad en die feit dat Suid-Afrikaners nie meer veilig in hulle eie huise voel nie, is een van die ernstigste probleme in die land. As die president dan slegs enkele sinne in sy toespraak aan misdaad wy, beteken dit dat misdaad nie ’n prioriteit van die regering is nie,” het dr. Pieter Mulder, VF Plus-leier en adjunkminister van Landbou, Bosbou en Visserye in die Parlementêre debat oor president Zuma se staatsrede gesê.

“Wanneer gaan die ANC leer om nie die rassekaart te gebruik as hulle van iemand anders verskil nie?” het dr. Mulder gevra.

“Waarom moet al 36 Universiteitskampusse in Suid-Afrika Engels wees? As ek argumenteer dat ten minste twee of drie van hierdie kampusse oorwegend Afrikaans moet wees, met wit, bruin en swart Afrikaanse student, dan word dit deur regeringswoordvoerders ‘bedekte rassisme’ genoem.”

“As jy ’n Afrikaanse kunstefees hou, is dit skielik rassisme, maar ’n Zoeloe-fees in KwaZulu-Natal is nie.”

Dr. Mulder het die president se aankondiging verwelkom dat daar subsidies ingestel gaan word vir maatskappye wat jong onervare werkers aanstel. Hy wou egter weet of hierdie voorstel ook vir jong wit werkers geld.

“Die regering maak ’n groot fout as hulle nie kennis neem van die groeiende weerstand en polarisasie wat regstellende aksie by veral jong mense veroorsaak nie. Die swart ryk en middelklas is reeds aansienlik groter as die wit ryk en middelklas. Regstellende aksie neem tans slegs ras in ag en nie ekonomiese vermoë nie. Om watter rede moet ’n swart miljoenêr se kind deur hierdie maatreëls bevoordeel word, terwyl ’n arm wit kind benadeel word?” het Mulder gevra.

Treine bots in België

Twee passasierstreine het Maandag in die Belgiese stad van Halle, suid van Brussel, gebots. Verskeie mense is beseer en heelwat ander is nog in die waens vasgekeer, het die polisie gesê.

Die twee treine het kop-aan-kop teenmekaar gebots, een kilometer vanaf Halle-treinstasie. Daar is nog nie vasgestel hoeveel mense in die ongeluk beseer is nie.

Die ongeluk het gedurende oggend-spitstyd plaasgevind.

брекет система topcargo

Obama se beeld geskuif

Owerhede het ‘n standbeeld van Barack Obama in Indonesië se hoofstad verwyder, en dit Maandag na ‘n nabygeleë laerskool geskuif, wat die Amerikaanse president as ‘n kind bygewoon het.

Die brons standbeeld, wat deur ‘n kinderfoto van Obama geïnspireer is, waar hy op tienjarige ouderdom met ‘n kortbroek en ‘n skoenlapper op sy uitgesteekte duim staan, word gekritiseer sedert dit verlede jaar in Desember in Djakarta se park staangemaak is.

Kwaadwilliges meen dat ‘n Indonesiese held in plaas van Obama vereer moet word, omdat hy steeds politieke beleide in werking kan stel wat Indonesië skade kan berokkeni.

Obama, wie se Amerikaanse ma met ‘n Indonesiër getroud was, nadat sy van Obama se Keniaanse pa geskei is, het vanaf 1967 tot 1971 in die hoofstad skoolgegaan, en word deur baie Indonesiërs as toegeneë beskou.

Edi Kusyanto, ‘n onderwyser by die skool wat Obama bygewoon het, het gesê die 110cm standbeeld sal op die skoolgronde wees wanneer die president Djakarta in Maart besoek.

Die standbeeld is deur privaatskenkings opgerig, maar goewerneur Fauzi Bowo betaal nou vir die verskuiwing.

Ron Mullers, ‘n Amerikaner wat in Djakarta woon, en wie met die idee vorendag gekom het om geld vir die standbeeld in te samel, wou nie kommentaar lewer oor óf hy dink mense oorreageer nie.

Indonesië is die tuiste van die wêreld se grootste Moslem bevolking, en baie mense hier glo dat Obama verhoudinge met die Weste gaan verbeter.

Zille sê nasionalisering geniet nie steun

Helen Zille, DA-leier, het tydens ’n mediakonferensie by die parlement teen die nasionalisering van die myne gewaarsku.

Volgens haar is nasionalisering van die myne nie ‘n kwessie wat enige steun in die kabinet geniet nie.

Sy het ook gesê dit kan Suid-Afrika 10 jaar terugsit. “Ons het uit die semi-staatsinstellings geleer dat dit nie baie doeltreffend is nie. Die laaste ding wat ons wil hê, is om nóg tien jaar te verloor deur hulpbronne in ondoeltreffende, yslike staatsondernemings te stort.

“Dit kan hulpbronne wegneem van produktiewe beleggingsbesteding wat aansporings en meer ekonomiese aktiwiteit kan skep.

Sy het gesê dit is die verkeerde soort debat en ‘n mors van tyd.

Die grootste struikelblok in ekonomiese ontwikkeling is volgens die DA-leier is nie die eienaarskap van myne nie, maar die gebrek aan vaardighede in die onderwysstelsel.

046-1 бланк

Business Express onder klippe gesteek

“Die feit dat die Business Express tussen Pretoria en Johannesburg vanoggend met klippe bestook is, plaas die veiligheid van passasiers op die trein onder verdenking,” sê mnr. Jaco Mulder, VF Plus-LPW vir Gauteng.

Volgens me. Christel Liebenberg, kantoorbestuurder van die VF Plus in die Gauteng Wetgewer, was sy ‘n passasier op die trein wat vanoggend net voor 06:00 vanuit Centurion na Johannesburg vertrek het. Die trein het naby Tembisa gaan staan, vermoedelik vanweë ‘n kragonderbreking wat vermoedelik verband hou met kabeldiefstal in die Kaalfontein/Kemptonpark-omgewing. Die passasiers moes oorklim op ‘n ander Business Express wat kort na sy vertrek onder die klippe gesteek is deur mense langs die treinspoor en ook vanuit ‘n stilstaande Metrotrein.

Volgens me. Liebenberg is van die vensters stukkend gegooi en het glasskerwe deur die trein getrek, waarop passasiers gillend skuiling op die vloer van die trein gesoek het. Talle passasiers, waaronder vroue en kinders, is erg getraumatiseer deur die voorval veral omdat dit vantevore ook plaasgevind het.

“Indien die regering nie die veiligheid van passasiers op openbare vervoerstelsels kan waarborg nie, is dit ook gedoem tot mislukking en sal daar van die Gautrein ook niks kom nie. Voorvalle soos dié kan die Wêreldbekersokker versuur terwyl daar reeds ‘n vraag bestaan oor die veiligheid van toeriste,” het Mulder bygevoeg.

Volgens Mulder is die regering se onvermoë om diens te kan lewer toenemend besig om tot publieke opstand te lei. “Die VF Plus eis dat die regering hul veiligheidsmaatreëls op openbare vervoerstelsels onmiddellik opskerp.”

мозаика