Kategorie: Nuus

Een Nederlandse film die de moeite waard lijkt

Het is meer dan 400 jaar geleden dat Michiel de Ruyter werd geboren, één van Nederlands grootste en bekendste helden. In 1667 versloeg de Ruyter de Engelse vloot op zee.

Wanneer het diep verscheurde Nederland van alle kanten wordt aangevallen en op de rand van een burgeroorlog staat, probeert één man te vechten voor het landsbelang: De Ruyter. Maar zijn successen maken hem in ogen van de machthebbers te populair

Actiegroep Michiel de Rover heeft een demonstratie aangekondigd bij de première van de “nationalistische propagandafilm” Michiel de Ruyter in het Amsterdamse Scheepvaartmuseum 26 januari aanstaande. Volgens de actiegroep was De Ruyter “beschermheer van de Nederlandse slavenhandel” en is de demonstratie gericht tegen de “verheerlijking” van de zeeheld.

Op hun Facebookpagina schrijven de activisten: ,,Door middel van lawaai en andere middelen zullen we ter plekke ons ongenoegen laten blijken over de verering van De Ruyter en over het nationalistische feestje rond de wereldpremière.”

De actiegroep is van mening dat de rol van De Ruyter als “militaire beschermheer van de slavernij” wordt verzwegen: ,,In 1665 heroverde hij na strijd tegen de Engelse koloniale concurrenten in West-Afrika slavenfort Gorée en beschermde hij slavenfort Elmina, waardoor hij de Nederlandse slavenhandel veilig stelde. Dat moet niet worden geëerd, maar juist verafschuwd.”

Koloniale overheersing

Behalve tegen de film over De Ruyter wordt ook gedemonstreerd tegen de aanwezigheid van VOC-schip De Amsterdam bij het Scheepvaartmuseum. “Alsof koloniale overheersing en onderdrukking een leuk tafereeltje is om naar te kijken.” Bovendien zal de “kwalijke rol” van het museum bij de verering van “zeeschurk” De Ruyter worden bekritiseerd.

Volgens Het Parool is het persbericht over de demonstratie verstuurd door het steunpunt De fabel van de illegaal in Leiden.

Bron: De Telegraaf

Kurt Darren belê in stamselbewaring

Met hedendaagse mediese deurbrake wat vinnig vorder, het die omstrede sanger Kurt Darren en sy vrou, Dunay besluit om hul eerste kind se stamselle as ‘n “waardevolle vorm van versekering vir haar toekomstige gesondheid” te laat bewaar.

Darren sê in ‘n verklaring dat hy en sy vrou die besluit om hul kind se stamselle te laat bewaar lank voor die geboorte van hul dogtertjie Kyrah op 10 November gemaak het.

“As jy iets ekstra kan doen om te help verseker dat jou kind ‘n beter kans het op ‘n gesonde en gelukkige lewe, waarom sou jy nie dit doen nie?” het Darren gesê.

“Die belangrikste ding vir enige ouer is om te weet dat hul kinders veilig is. Deur die bewaring van hul stamselle, het jy die gemoedsrus om te weet hulle sal ‘n baie beter kans hê om die huidige en toekomstige stamselbehandelings te kan geniet wat op ‘n dag hulle lewens mag red. Dit is ‘n baie waardevolle belegging om te maak.”

Die Darrens het ‘n Pretoriase maatskappy gebruik wat glo die gehalte van die naelstringweefsel wat gebruik word, waarborg.

Vir meer as ‘n dekade is dit reeds moontlik om ‘n baba se naelstring by geboorte te behandel om bloedstamselle te bewaar vir toekomstige mediese gebruik.

Franse kondig uitgebreide nuwe beheermaatreëls aan

Owerhede in Frankryk sê 54 verskillende sake is geopen in verband met voorvalle waar terreur glo goedgepraat word ná verlede week se terreuraanvalle in Parys, maar nie een van die 54 mense is gekoppel aan die aanvalle nie.

Dit laat die vermoede ontstaan dat Francois Hollande se Sosialistiese regering basies regte en vryhede verontagsaam eerder as om vryheid van spraak te verdedig soos hulle wil voorgee met Charlie Hebdo.

Onder diegene wat aangehou word is Dieudonne, ‘n gewilde, maar omstrede swart komediant.

Hy het grappe gemaak oor die gewapende man wat ‘n polisievrou doodgeskiet het, asook die supermark-aanval waarin vier mense dood is en is in hegtenis geneem op aanklagte van “verdediging terrorisme.”

Dieudonne wat ‘n politieke loopbaan in die oog gehad het, is veral gekant teen wat hy as die Joodse invloed in Frankryk beskou.

Die oënskynlik kriminele stelling wat hy op Facebook gepos het, lui: “Vanaand, wat my betref, voel ek soos Charlie Coulibaly.”

Al-Qaeda in die Arabiese Skiereiland het Woensdag verantwoordelikheid vir die Charlie Hebdo-aanval in Parys verlede week aanvaar.

Die senior leier in Jemen het in ‘n video op YouTube aanspreeklikheid aanvaar vir die aanval waartydens 12 mense dood is.

Nasr al-Ansi, ‘n prominente bevelvoerder in die Arabiese Skiereiland sê die aanval is beplan in opdrag van die hoof van al-Kaïda, Ayman al-Zawahri.

In ‘n boodskap aan alle Franse aanklaers en regters, het die Franse ministerie van justisie intussen verduidelik waarom diegene wat die Parys-terreuraanvalle goedpraat sowel as diegene wat verantwoordelik is vir “rassistiese” of “anti-Semitiese woorde of dade”, aangehou en aangekla moet word. Islam word nie een keer in die boodskap genoem nie.

Die ministerie van justisie het gesê die 54 mense, waaronder vier minderjariges is reeds skuldig bevind onder dié spesiale maatreëls vir onmiddellike vonnisoplegging.

Aanhitsing van terrorisme kan vyf-jaar tronkstraf – of tot sewe jaar vir die aanhitsing van terrorisme aanlyn –  beteken.

Die Franse president, Francois Hollande het intussen vanaf ‘n Franse kernvliegdekskip, die  Charles de Gaulle, gesê die “situasie regverdig ons vliegdekskip se teenwoordigheid”.

Die regering het hul aanvalle op spraakvryheid verdedig en voorts gesê nuwe wette oor selfoonmeeluistering en ander intelligensiemaatreëls sal binnekort afgekondig word om “terrorisme te beveg”.

‘n Franse regeringswoordvoerder Stephane Le Foll het gesê ‘n projek om Frankryk se onderwysstelsel, stedelike beleid en integrasiemodel, te heroorweeg word ook in die vooruitsig gestel om die dieper probleme oor “ongelykheid”, veral by behuisingsprojekte, aan te spreek.

Alhoewel die Jemeense militante sê die aanval op die kantoor van die Charlie Hebdo was uit “wraak vir die profeet”, sê Amerikaanse intelligensie-amptenare hulle het geen bewyse dat AQAP die aanval gekoördineer het of geweet het daarvan voor die tyd nie.

Die amptenare het op voorwaarde van anonimiteit met Kanada se CBC News gepraat, want hulle was nie gemagtig om geklassifiseerde sake in die openbaar te bespreek nie.

Die Franse polisie ondersoek ook tien aanvalle op moskees sedertdien.

ANC woedend oor Kaapstad se beperkings

Die ANC wil die Menseregtekommissie of die parlement nader omdat Kaapstad glo die party benadeel het in die aanloop tot sy 103de verjaarsdagvieringe.

“Die stad het voorwaardes aan ons opgelê om ons te frustreer en te verseker dat ons byeenkoms nie suksesvol is nie,” het Zizi Kodwa, woordvoerder van die ANC, aan Sapa gesê. “Alles wat ondemokraties is, is deur die Wes-Kaap gedoen om alle donker mense [darkies] uit Kaapstad te hou en Kaapstad onbesmet te hou.”

Die stad het glo donker deelnemers se beweegruimte beperk.

Kodwa beweer die stad het die party versoek om van Computicket gebruik te maak vir kaartjies vir verlede week se byeenkoms by die Kaapstad-stadion.

“Dit is onprakties, jy kan nie dit implementeer nie. Die meerderheid van ons mense het nie toegang tot Computicket of die internet nie.”

Kodwa beweer verder dat die ANC se plakkate vir die byeenkoms ook gereguleer is en dat hulle die plakkate weer moes laat druk nadat die stad nie tevrede was met die eerste stel nie.

Smouse is ook verbied om enigiets by die stadion te verkoop.

Kodwa het gesê die ANC wil uitvind wie die stad opdrag gegee het om sulke beperkings af te dwing.

Zara Nicholson, woordvoerder vir die Kaapstadse burgemeester, het gesê hulle verwelkom enige ondersoek.

“Ten spyte van die ANC se histerie, hul oordrewe gevoel van geregtigdheid en die ongekende druk wat hulle op die stad se amptenare geplaas het, het ons ten alle tye met respek opgetree en gehou by wetgewing, beleid en die stadion se verhuringskontrak … en daarom verwelkom ons enige ondersoek.”

Nicholson het gesê dit is kommerwekkend dat die ANC goeie bestuur interpreteer as ‘n vorm van sabotasie. Sy het gesê enigiemand wat die stadion vir ‘n byeenkoms gebruik, word aan dieselfde bepalings en voorwaardes onderwerp.

Geklee in geel, groen en swart het ondersteuners in lang toue gewag by kitskosrestaurante.

Die vieringe in die gebied het kitskosverkope op die dag laat verdubbel, maar “daar was negatiewe” sê eienaars.

“Ons werk as ‘n Halaal-oktrooi, so ons bedien nie alkohol in ons winkel nie en laat dit nie toe nie, maar die mense het met hul alkohol ingekom en geweier om op te hou drink.

“Sommige van ons [Halaal-]kliënte was so ongelukkig dat hulle foto’s geneem het en gerapporteer het aan Hoofkantoor, wat ons ons Halaal-sertifikaat kan kos.”

In ‘n aparte voorval, het ‘n swart kliënt geweier om die algemene vier olywe per slaai te aanvaar, en beweer dat hy minder olywe ontvang het omdat hy swart is.

‘n KFC-areabestuurder Michael Forbes het gesê albei Seepunt en Langstraat se verkope was “uiters” hoog.

Bottelstore het oor diefstal gekla.

Een bottelstoorbestuurder het gesê: “Ons ervaar meer diefstal van voorraad as gewoonlik As gevolg daarvan het ons nie die teiken verkope van die dag bereik nie.”

 

E-tol-verslag vandag vrygestel

David Makhura, Gautengse premier, sal Donderdag die finale verslag van e-tol se sosio-ekonomiese impak op die provinsie se snelweë, bekend stel.

Die premier se kantoor het in ‘n verklaring gesê die verslag sal Donderdag om 12:00 tydens ʼn mediakonferensie vrygestel word, het Sapa berig.

Makhura het die paneel in Julie byeengebring om die ekonomiese en maatskaplike impak van die e-tolstelsel te ondersoek. Die ondersoekspan het openbare verhore gehou.

Die span het sy verslag op 30 November aan Makhura oorhandig maar die inhoud daarvan is nie bekend gemaak nie.

Aanvallers skiet witte op landgoed dood

Clive Anthony Bowers, 60, is in sy huis naby Witrivier in Mpumalanga doodgeskiet.

Brig. Selvy Mohlala, woordvoerder van die polisie, het gesê Bowers en sy vrou het Dinsdagaand van ‘n geluid in die huis wakker geword op die Bundu Wildlife-landgoed.

Volgens Mohlala was die aanvallers reeds in die huis en het hulle Bowers doodgeskiet.

Die moordenaars het met ‘n televisiestel en selfone gevlug. Niemand is nog in hegtenis geneem in verband met die voorval nie, maar die aanvallers was vermoedelik swart.

Nuwe lokomotiewe in ontvangs geneem

Die minister van vervoer, Dipuo Peters het die tweede besending van vier lokomotiewe, wat deur Suid-Afrikaanse ingenieurs ontwerp en in Spanje gebou is, by die Kaapstadse hawe in ontvangs geneem.

Altesaam 70 lokomotiewe sal in die volgende paar jaar in die land aankom as deel van die regering se program om openbare passasiersvervoer te moderniseer, het RSG berig.

Honderd-en-sewentig miljard rand is hiervoor begroot. Peters sê die bou van 600 nuwe treine vir Metrorail word ook beplan.

Sy sê ‘n fabriek sal in Ekurhuleni aan die Oosrand opgerig word, wat ‘n opleidingsakademie vir ingenieurs sal insluit.

Probleme met die eksamenuitslae-datastelsel word tans landwyd ondervind vir siviele- en elektriese ingenieurswese-studente by sy Tegniese- en Beroepsonderwyskolleges.

Volgens Peters sal 19 000 ingenieurs in die volgende tien jaar opgelei word by dié akademie.

Die departement van Hoër Onderwys het bevestig dat die 2014 uitslae van duisende Vlak 3 ingenieurswese-studente teruggehou word.

Intussen is Metrotreindienste tussen Johannesburg en Vereeniging vertraag weens ‘n oorhoofse kragonderbreking wat waarskynlik te wyte is aan kabeldiefstal.

Dresden se Frauenkirche byna reg

Een van die mooiste geboue in die wêreld, Dresden se Frauenkirche in Duitsland maak tans vordering met die jaarlikse skoonmaak- en opknappingsproses wat onderneem is.

Dié bekende kerk is tydens bomaanvalle gedurende die laaste maande van die Tweede Wêreldoorlog verwoes, maar het in 2005 na jare van herbouing weer sy deure geopen.

Die kerk wat van uit alle dele van die stad duidelik sigbaar is met sy groot koepel, is in ‘n Evangelies-Luterse hoogbarokstyl gebou.

Na die opknapping wat in Oktober 1995 afgerond is, is die kerk amptelik ook weer in gebruik geneem.

Die restourasie het na raming 130 miljoen euro gekos.

dresden_1

Swartman gevang met vermoorde vriendin se lyk in kruiwa

‘n Swartman is in hegtenis geneem omdat hy die ontbindende lyk van sy vriendin in ‘n kruiwa in Bloemfontein rondgestoot het, berig die Vrystaatse polisie.

Haar liggaam is onder komberse weggesteek, maar ‘n plaaslike inwoner het soos in ‘n rillerfliek haar voet onder die kombers sien uitsteek. Dit het rondom 05:30 gister in Kagisanong gebeur, het die polisiewoordvoerder Pater Kareli in ‘n verklaring gesê.

Die 35-jarige man is gevang en geslaan toe hy probeer weghardloop.

Die polisie in Kagisanong het die swartman na die Pelonomihospitaal geneem waar hy in ‘n ernstige toestand onder polisiebewaking verkeer.

Die lyk is as die verdagte se 31-jarige vriendin geëien.

‘n Moordsaak is geopen en ‘n nadoodse ondersoek vind plaas.

Metrobeampte deur minibus doodgery

‘n Tshwane-metropolisiebeampte is Dinsdag deur ‘n minibus doodgery terwyl hy verkeer gereguleer het.

Isaac Mahamba, woordvoerder van die metropolisie, het gesê die beampte het verkeer gereguleer by ʼn kruising waar die verkeersligte buite werking was in die Pretoriase middestad.

Volgens Mahamba het ‘n minibus die beampte omgery en is hy daarna na ‘n hospitaal gehaas waar hy enkele ure later aan sy beserings beswyk het.

Die minibusbestuurder staar ‘n klag van strafbare manslag in die gesig.

Die metropolisie het sy meegevoel en skok oor die voorval uitgespreek gesê: “Ons is geskok oor wat gebeur het want mens sal nie verwag dat hy gaan sterf terwyl hy aan diens is nie.”