Die minister van vervoer, Dipuo Peters het die tweede besending van vier lokomotiewe, wat deur Suid-Afrikaanse ingenieurs ontwerp en in Spanje gebou is, by die Kaapstadse hawe in ontvangs geneem.
Altesaam 70 lokomotiewe sal in die volgende paar jaar in die land aankom as deel van die regering se program om openbare passasiersvervoer te moderniseer, het RSG berig.
Honderd-en-sewentig miljard rand is hiervoor begroot. Peters sê die bou van 600 nuwe treine vir Metrorail word ook beplan.
Sy sê ‘n fabriek sal in Ekurhuleni aan die Oosrand opgerig word, wat ‘n opleidingsakademie vir ingenieurs sal insluit.
Probleme met die eksamenuitslae-datastelsel word tans landwyd ondervind vir siviele- en elektriese ingenieurswese-studente by sy Tegniese- en Beroepsonderwyskolleges.
Volgens Peters sal 19 000 ingenieurs in die volgende tien jaar opgelei word by dié akademie.
Die departement van Hoër Onderwys het bevestig dat die 2014 uitslae van duisende Vlak 3 ingenieurswese-studente teruggehou word.
Intussen is Metrotreindienste tussen Johannesburg en Vereeniging vertraag weens ‘n oorhoofse kragonderbreking wat waarskynlik te wyte is aan kabeldiefstal.
En NIKS van hierdie is/word tans lokaal vervaardig nie. Die vermoë bestaan, die prys is reg maar hulle voer dit eerder in omdat die lokale maatskappy nie genoeg bye (BEE) het nie – daar is ook seker nie genoeg kaders wat hulle sny van die koek sal kry nie so ons voer dit liewer in.
Elektriese en diesel sleepkragte is deur Suid Afrikaners gebou. Dit was van die bestes, vir 3 voet spoorlyne, ter werêld. Gebou in Nigel is nie net die sleepkragte gebou nie, maar ook die trokke, en rytuie. Daar en op vele ander plekke was hierdie treine in stand gehou. Sal nooit vergeet nie, op Kimberley was daar altyd wiel inspekteurs, die ou wat met ‘n hamertjie teen die ysterwiel slaan om te hoor of daar ‘n kraak of fout in die wiel is.
Dan praat hierdie regering van werkskepping, maar hulle voer die goed in. seker maar omdat hulle weet hul maatjies staak te veel en die produk laat veel te wense.
Die dubbele standaarde van ‘n swak en hulpelose regering. Wonder wie is die president van die land en leier van die anc.