Kategorie: Nuus

Was dit SAPD wat Bothaville-plaasaanval geloods het?

‘n Tweede verdagte, wat deel was van ‘n groep van vier swartes wat hulle as polisiebeamptes voorgedoen het tydens ‘n gewapende roof op ‘n plaas by Bothaville in die Vrystaat meer as ‘n week gelede, is Maandag in Klerksdorp in Noordwes in hegtenis geneem.

‘n Polisiewoordvoerder, Stephen Thakeng het nog nie bevestig of polisiebeamptes by die aanval op die drie vroue en twee kinders op die Bothaville-plaas betrokke was nie. Hy sê die ondersoek is steeds té sensitief.

Thakeng sê die 36-jarige man was in besit van ‘n wit Nissan-bakkie wat gebruik is toe vier mans met polisiepette en -hemde toegang tot ‘n plaashuis verkry het.

Hulle het aan die plaaseienaar gesê hulle wil haar huis vir dwelms deursoek. ‘n Verdagte, Paballo Molaudi, is kort ná dié voorval by Orkney in hegtenis geneem. Hy sal na verwagting Donderdag aansoek om borgtog doen.

Thakeng sê die verdagte wat Maandag aangekeer is, sal môre in die hof verskyn. ‘n Vyfde verdagte, vermoedelik ‘n plaaswerker op dié plaas, is intussen vrygelaat nadat hy deur die polisie vir ondervraging aangehou is.

Intussen doen die polisie ‘n beroep op gemeenskappe om inligting te verskaf oor ‘n afsonderlike voorval in Maart in Welkom waarin twee mans, wat hulle ook as polisiebeamptes voorgedoen het, twee mynwerkers van R9000 beroof het. Thakeng sê die mynwerkers was onderweg na hul werk, toe ‘n wit Polo hul motor agtervolg het.

Die booswigte het tot langs die werkers se motor gery en aangedui dat hulle van die pad moet aftrek. Die mans het polisiewapens getoon.

Hulle het aan die werkers gesê die “polisie” het inligting ontvang dat dié twee betrokke was by ‘n diefstalvoorval by ‘n myn. Hulle het die slagoffers se motor deursoek en R9000 in die mans se besit gevind.

Thakeng sê die sogenaamde polisiebeamptes het die mynwerkers beveel om hulle te volg na die naaste polisiekantoor, waarna die booswigte weggejaag het. Die werkers het toe besef hulle is beroof.

Thakeng vra enigiemand met inligting in verband met albei voorvalle om hul naaste polisiekantoor te bel.

Intussen is die twee mans wat gesoek word in verband met die Welkom-rooftog se identiteitsprofiele bekend gestel. Een van die verdagtes is bykans 1,8 meter lank en is vermoedelik tussen die ouderdom van 35 en 40.

Hy was in die besit van ‘n swart handgeweer. Die tweede verdagte is ook bykans 1,8 meter lank, hy het ‘n donker velkleur en is tussen die ouderdom van 40 en 45.

Albei mans het Sesotho gepraat.

Japan lamgelê deur twee aardbewings

Die twee aardbewings wat dele van die suide van Japan lamgelê het, se invloed word veel verder as die middelpunt van die rampgebied gevoel.

Alhoewel dit nie so erg was soos die verwoesting van die 2011-aardbewering en die tsunami nie, word vervaardiging direk geraak.

Motorvervaardigers veral, het sedertdien lesse oor ontwrigtings in die verskaffingsketting geleer.

Toyota Motor Corp, die motorvervaardiger wat die swaarste getref is, het produksie by sy fabriek in Kyushu gestaak, waar die aardbewings laat Donderdag en vroeg Saterdag plaasgevind het.

Tot dusver is 42 mense dood en byna 1 100 beseer. Honda Motor Corp het produksie by sy motorfietsfabriek in Kumamoto, die grootste stad wat deur die aardbewing geraak is, gestaak.

Díe fabriek is ernstig in die aardbewing beskadig en vanweë naskokke was dit onveilig om die gebou binne te gaan en die omvang van die skade te inspekteer.

Piet Croucamp dreig PRAAG oor sy ‘God en Jesus is breindood’-video

Die marxistiese, anti-Afrikaanse lektor aan die Universiteit van Johannesburg, dr. Piet Croucamp, is tans besig om PRAAG te dreig weens ‘n opname van sy “God en Jesus is breindood”-toespraak wat op PRAAG se YouTube-kanaal geluister kan word. Die opname, in Engels, bevat growwe godlasterlike uitsprake teen Christene, Moslems en Jode, asook gelowiges in die algemeen.

‘n Engelse skrywe waarin PRAAG met “onmiddellike regstappe” gedreig word, is aan die aksiegroep gerig. Omdat PRAAG hom vir taalgelykheid en gelykberegtiging vir Afrikaans beywer, is die afsender van die epos in kennis gestel dat die organisasie geensins op Engelse regskrywes reageer nie.

SONDER BENADELING VAN REGTE

Ons lei af uit onderstaande skrywe dat u na ‘n YouTube-video verwys en regsoptrede daaroor beplan.

Let daarop dat PRAAG, die Pro-Afrikaanse Aksiegroep, geen regskrywes in die Engelse taal beantwoord nie, en op sy grondwetlike en internasionale reg aandring om sodanige skrywes in Afrikaans te ontvang.

U word dus vriendelik versoek om die versending van enige Engelstalige skrywes na dié adres te staak aangesien ons nie daarop sal reageer nie.

Die uwe,

Dr. Dan Roodt
Direkteur, PRAAG

In verdere kommentaar het dr. Dan Roodt van PRAAG gesê:

“Dr. Piet Croucamp, wat blykbaar ‘n proefskrif oor minibustaxi’s geskryf het, gedra hom meermale in die openbaar soos ‘n minibustaxibestuurder en beskik insgelyks oor die intellek van so ‘n bestuurder. Hy is iemand wat ander, veral vroue soos dr. Louise Mabille, intimideer, afdreig en op kleinlike wyse vervolg. Nie net beskou hy dit as sy reg om Moslems, Jode en Christene op ‘n growwe wyse te beledig nie, maar hy is ook sterk anti-Afrikaans en ‘n opperste Boerehater.

“In die onlangse verlede het hy dit goedgedink om Breyten Breytenbach, wat moontlik oor die afgelope 50 jaar die mees gepubliseerde digter in Afrikaans is, te beledig en uit te skel bloot omdat hy ‘n standpunt ten gunste van die behoud van Afrikaans aan die Universiteit van Stellenbosch ingeneem het. In reaksie daarop het prof. Helize van Vuuren van Port Elizabeth aan Croucamp geskryf:

“…u lyk asof u haat wil kweek, nog intenser haat teen u eie moedertaal, met u ‘bloed aan die mure’-opmerking. Duidelik het u geen besondere band met u moedertaal nie. En voel vere vir sy letterkunde.”

“Croucamp het voorheen ook beweer dat Afrikaners oor ‘n laer gemiddelde intelligensievlak as dié van ander etniese groepe beskik.

“Ons sou ons mandaat van die Afrikaanse publiek en alles waarin ons glo verraai indien ons ons deur ‘n sogenaamde ‘akademiese’ rampokker soos Piet Kopdoek laat afdreig en intimideer om ‘n bona fide-opname van wat hy as ‘n teologiese referaat beskou, van die internet te verwyder. In geen opsig het die Universiteit van Johannesburg hom nog ooit van Croucamp se standpunte en platvloerse taal wat hy gereeld in die openbaar besig, gedistansieer nie. Die enigste logiese afleiding is dat die universiteit hom inderdaad met Croucamp se menings en terme vereenselwig.

“As patriotiese Afrikaner en liefhebber van Afrikaans, vind ek dit hartverskeurend dat die voormalige Randse Afrikaanse Universiteit (RAU) tot so ‘n lae vlak kan daal as om hom met Croucamp se anti-Afrikaanse, godslasterlike, kwetsende en onnosele uitsprake te vereenselwig.”

Malema sê hy gaan ‘alle blanke besittings vat’ sodra hy aan bewind kom

Die Afro-marxistiese leier Julius Malema het oor die naweek sy ondersteuners vertel dat sy EFF-party alle wit eiendom sal konfiskeer sodra dit aan bewind kom. Hy het gepraat by ‘n byeenkoms ter herinnering aan die ANC-SAKP-terroris Solomon Mahlangu wat vir die dood van verskeie blanke burgerlikes verantwoordelik was, en wat deur die vorige Afrikanerregering ter dood veroordeel en tereggestel is. Die byeenkoms het by die Universiteit van Pretoria se Mamelodi-kampus, wat in die lokasie met dieselfde naam geleë is, plaasgevind.

Terwyl sommige waarnemers spekuleer dat Malema deel van ‘n toekomstige ekstreemlinkse regering in Suid-Afrika mag wees soos wat die mediaveldtog teen Jacob Zuma sy tol eis, het die “opperbevelvoerder” van die Ekonomiese Vryheidsvegters die land se blankes gewaarsku dat hulle geen rede het om die oënskynlike ongewildheid van die ANC en Suid-Afrikaanse Kommunisteparty te vier nie.

“Die blanke minderheid klap hande terwyl die EFF Zuma kritiseer en dink dat ons vergeet het dat swartmense die grond terug wil hê. Maar ons het nie. Julle is volgende.”

Floyd Shivambu, die adjunkpresident van die EFF, het voorspel dat die radikale Malema aan bewind sou kom en “die volgende president van Suid-Afrika gaan wees”.

Malema het voor ‘n volgepakte saal van sy swart ondersteuners gepraat, met baie wat op die vloer gesit het omdat daar nie genoeg sitplekke was nie. Onder luide applous het hy gesê:

“Ons het Nkandla gekeer en die Guptas is weg. Nou gaan ons ons land terugvat. Al die mooi geboue in dié land is deur swartes sonder betaling gebou. Dit behoort ook aan ons. Ons gaan die land met alles daarin terugvat, of die wittes nou daarvan hou of nie.”

‘Ons kan nie met blankes vriende wees nie’

Malema het die witman as “die vyand” beskryf. “Dit is die witman wat Solomon Mahlangu doodgemaak het en hoewel ons op versoening moet fokus, kan ons nie met blankes vriende wees nie. Ons moet die swart ras bevry. Geen blanke het hierheen gekom saam met grond nie.”Malema het beklemtoon dat die terroris Solomon Mahlangu bowenal ‘n swart nasionalis was wat namens die swart ras teen die wit ras geveg het. Die familie van Mahlangu het gepoog om Malema te verhoed om Mahlangu se naam by sy vergadering te gebruik, maar het daarin misluk.

Volgens Malema is Mahlangu, toe hy die blanke burgerlikes gedood het, “geinspireer deur die pogings van Tsietsie Mashinini. Wie is Tsietsie Mashinini? Hy was ‘n lid van Swart Bewussyn en daarom was Mahlangu Swart Bewussyn.

“Solomon Mahlangu is deur Swart Bewussyn geïnspireer wat ‘n leidende beweging was, aangesien al die leiers in ballingskap of ondergronds was. Ons mense het na Steve Biko opgesien. Solomon Mahlangu het van Swart Bewussyn geweet voor hy die ANC geken het. Hy het slegs die ANC leer ken toe hy landuit is.”

Hy het ook gesê dat Zuma nie die werklike vyand is nie.

“Moenie dink dat Zuma ons vyand is nie. Zuma is nie ons vyand nie, hy staan net in ons pad, en ons moet van hom ontslae raak om ons grond terug te kry, ” het Malema gesê.

“Zuma staan tussen ons en ons vyand. Gee pad. Zuma moet padgee want dis hulle [die blankes] wat ons grond gesteel het.”

Malema wil hê dat Mahlangu se teregstelling gewreek moet word deur almal wat by sy hofsaak in die laat sewentigerjare betrokke was, in die hande te kry.

“Waarom moet ons om verskoning vra dat ons slawe is? Hulle sê ons moet met hulle versoen. Ons wil sien wie het mense by die galg gehang. Ons wil hul gesigte sien. Ons kan nie met mense versoen wat ons nie ken nie.

“Waar is die aanklaers at vir die doodstraf gevra het? Waar is die regters wat ons broers ter dood veroordeel het? Hulle moet hiernatoe kom, ons wil hulle spreek.

“Versoening moet nooit geregtigheid vervang nie. Geregtigheid is die teruggawe van die grond. Ons moet vir ons grond veg,” het hy gesê.

 

Wit pa op hoewe doodgeskiet

‘n Witman is Vrydagaand koelbloedig op ‘n hoewe in Mnandi, Centurion, deur swart aanvallers doodgeskiet.

Douglas Morgan (72) het glo drie skote gehoor waarvan een sy seun, Mathew (43) getref het.

Die swartes het die alarm onskadelik gestel.

Mathew, ‘n pa van twee jong seuntjies, is in die kop geskiet en is op die toneel dood. ‘n Skootrekenaar is uit sy huis gesteel.

Die aanvallers het daarna op Mathew se pa en ‘n mede-inwoner losgetrek toe hulle wou gaan ondersoek instel.

Een van die skote wat op Willem van Beest van Andel gerig was, het ‘n boom neffens hom getref. Die koeël van ‘n 9 mm-pistool het in die stam vasgeslaan.

Die aanvallers het daarna op die vlug geslaan en die polisie en buurtwag is ontbied.

Douglas woon al 47 jaar op die hoewe, waar ‘n aantal ander mense ook woon. Hy sê hy gaan sy seun se dood wreek.

Dodetal in Ekwador-aardbewing styg

Die dodetal in die aardbewing in Ekwador in Suid-Amerika is opnuut opwaarts aangepas nadat dit intussen weer skerp gestyg het, het RSG berig.

Berigte is ontvang van bevestiging deur Ekwador se president, Rafael Correa dat die dodetal nou op 272 staan.

Die skudding het 7,8 op die Richterskaal gemeet, sowat 160km van die hoofstad Quito.

Reddingswerkers en troepe soek steeds na moontlike oorlewendes van eergister se aardbewing waarin meer as 2500 mense beseer is.

Tienduisend soldate en 3500 polisielede is ontplooi te midde van die omvanryke skade.

Brûe het meegegee en woonstelgeboue het onder andere ingetuimel.

Die adjunkpresident, Jorge Glas het bevestig dat internasionale hulp aangebied is.

Clinton uitgevang dat sy lieg oor Benghazi

Die konserwatiewe groep Judicial Watch het dokumente vrygestel wat verband hou met die aanval in Benghazi op 11 September 2012, waartydens ‘n Amerikaanse ambassadeur en ‘n paar CIA-grootkoppe vermoor is.

Die dokumente bewys dat die Obama-administrasie en in besonder Hillary Clinton geweet dat die aanval in Benghazi deel was van ‘n Al-Qaeda-operasie.

Clinton en die Obama-administrasie het in die openbaar beweer die aanval was in reaksie op ‘n anti-Moslem film wat op die Internet versprei is.

Judicial Watch het telefoontranskripsies van die aand van 11 September 2012 vrygestel waarin die destydse minister van buitelandse sake Hillary Clinton die destydse Egiptiese premier Hisham Kandil vertel die terreuraanval “het niks te doen met die film nie”.

Clinton het ook haar dogter ingelig per e-pos dat die aanval deur ‘n “Al-Qaeda-agtige groep” uitgevoer is.

Die Amerikaanse administrasie kon dit nie erken nie, aangesien hulle besig was om die terreurgroep te befonds om ‘n staatsgreep in Sirië te gaan uitvoer.

Net ure voordat die ambassadeur vermoor is, het hy gesprekke met ‘n Turkse verteenwoordiger gehad wat die Siriese operasie sou bestuur. Clinton kon nie bekostig dat dit op die lappe kom nie.

Oorbesteding op hophuise in Noord-Kaap bekyk

Miljoene rande se oorbesteding aan die herstel van HOP-huise en doelwitte wat nie gehaal is nie, is van die probleme by die Noord-Kaapse departement van Menslike Nedersettings wat later vandeesmaand in die parlement gaan draai.

Die voorsitter van die parlement se portefeuljekomitee oor Menslike Nedersettings, Nocawe Mafu, het dié departement aangesê om weer ‘n voorlegging aan die komitee te doen.

Dit volg nadat dié komitee Dinsdag die departement se voorlegging sterk gekritiseer het. Die departement moes verslag doen oor sy prestasie tydens die vorige boekjaar en sy planne en doelwitte vir die volgende boekjaar.

Die voorlegging het onder meer gewys dat die departement verskeie doelwitte, soos die uitreiking van titelaktes en die bou van HOP-huise, nie bereik het nie. Van die probleme wat glo hiervoor verantwoordelik was, was die koste vir die vervoer van boumateriaal na afgeleë dorpe en die tekort aan professionele dienste.

Lede het egter gesê die departement moet ‘n meer volledige voorlegging gaan voorberei en met die nodige antwoorde op hul vrae terugkeer.

Busongeluk eis ANC-lede wat nuwe manifes moet versprei

Die name van die elf ANC-oorledenes wat in ‘n busongeluk dood is, is nog nie bekend nie.

Die elf is dood en 58 is beseer toe ‘n bus wat 70 ANC-stemvee aangery het, op die N1-hoofweg buite Winburg verongeluk het. Ten minste 21 verkeer tans in ‘n kritieke toestand.

Die bus het Sondag, 20 km buite Winburg in die rigting van Ventersburg omgeslaan en was na Ekurhuleni, Gauteng, op pad.

Die stemvee was op pad terug van die ANC se verkiesingsbyeenkoms in Port Elizabeth. Hulle sou die nuwe verkiesingsmanifes gaan bekendstel.

Die oorsaak van die ongeluk is nie bekend nie, maar die busbestuurder het glo beheer oor die bus verloor en passasiers is uit die bus geslinger toe dit omgeslaan het.

Van die passasiers was glo onder die bus vasgekeer op die ongelukstoneel.

Die beseerdes is na hospitale in Welkom, Winburg, Kroonstad en Virginia vervoer.

Opposisie stook rewolusie na oproermaker in aanhouding sterf

Die leier van Gambië se sterkste opposisieparty is Saterdag ná ’n tweede ronde betogings in dié land in hegtenis geneem.

Die opposisie stook ‘n rewolusie in die land.

Lede van die opposisieparty eis antwoorde oor die dood van een van die party se leiers terwyl hy in aanhouding was.

Intussen is twee ander ook glo in aanhouding dood, maar Reuters kon nie die name verskaf nie.

Die United Democratic Party (UDP) se leier, Ousainou Darboe, ’n menseregte-advokaat, is saam met drie ander partyleiers deur die polisie weggelei kort nadat hulle met ’n protesoptog vanaf sy huis in die hoofstad, Banjoel, begin het.

Veiligheidsmagte gewapen met aanvalsgewere, het volgens ooggetuies die betogers met traangas bestook.

“Ousainou Darboe en ander senior uitvoerende lede is in hegtenis en verskeie mense is aangerand,” het Modou Ceesay, ’n ooggetuie aan AFP gesê.

Sowat 150 ondersteuners het saam met Darboe geëis dat geregtigheid geskied nadat die party se sektretaris, Solo Sandeng, Donderdag in polisie-aanhouding gesterf het.

Gambië het onlangs aangekondig dat hulle as gasheer vir die Organisasie van Islamitiese Samewerking se beraad in 2018 sal optree.

Aan die einde van die jaar sal die inwoners ‘n nuwe president kies.

Gambiaanse opposisielede het verlede week ‘n beroep gedoen dat perke vir presidensiële termyne in Gambië ingestel word.

President Jammeh is een van ‘n aantal Afrika-leiers wat termynperke uit hul grondwet gehaal het na ‘n referendum.