Menings – Bladsy 101

Helen Suzman se Afrikanerjuigkommando

Dis seker gebruiklik dat politici by hul afsterwe lof toegeswaai word. Die manier waarop 'n waaragtige Afrikanerjuigkommando egter hul klakkelose bewondering vir mev. Helen Suzman betuig het, behoef verdere kommentaar.

Sowel FW de Klerk as Beeld, die eertydse mondstuk van die NP in die Transvaal, skep die indruk in onderskeidelik 'n verklaring en 'n hoofartikel dat hulle dit al die jare eens was met mev. Suzman.

Die eerste, ooglopende vraag wat opkom, is: Indien mnr. De Klerk, asook Beeld, al die jare so oortuig was dat mev. Suzman se siening van Suid-Afrika as 'n groot versameling hoofsaaklik Engelssprekende individue die korrekte was, waarom het mnr. De Klerk nie al destyds uit die NP bedank en by die destydse Progge aangesluit nie? Dieselfde geld vir Beeld wat destyds gal gebraak het oor die Progge, maar wat nou ewe vroom voorgee asof die koerant al in die sewentiger- en tagtigerjare die liberale lig gesien het.

Trouens, dis te betwyfel of Beeld hoegenaamd 'n snars begryp van die klassieke liberale tradisie, want die koerant ly steeds aan die "eenwaarheid"-sindroom en verdra geen daadwerklike debat of kritiek teen die huidige, twyfelagtige bestel nie.

Helaas het die meeste Progge, soos Alan Paton se weduwee, intussen verkies om te emigreer, eerder as om die geweldsmisdaad, korrupsie, riool in die drinkwater en ander probleme van Suid-Afrikaanse "demokrasie" te verduur.

Die ander enorme stuk ironie van mev. Suzman se dood, is natuurlik dat sy 'n private Joodse begrafnis verkies het. As een van die liberale Engelstalige politici wat dit hul hardkoppige gewoonte gemaak het om etnisiteit as 'n politieke faktor in Suid-Afrika te ontken, lyk dit na 'n wanklinkende teenstrydigheid vir mev. Suzman om tydens 'n etniese begrafnis ter aarde bestel te word.

to win

2009 is ons jaar

Die jaar 2009, lyk dit vir my, gaan aan die kant van die Afrikaner wees. Ons moet net nie gras onder ons voete laat groei nie.

Daar kom al hoe meer geluide uit Afrikanergeledere, dat ons moet verenig. Natuurlik is dit belangrik, maar ons moet net sorg dat die liberaliste, sosialiste en kommuniste onder ons nie die pas aandui nie. Al is die VF+ 'n klein party, en al stem die meeste Afrikaners soos 'n klomp idiote vir die DA, wat nog nooit in sy lewe iets goeds vir die Afrikaner of sy taal gedoen het nie, is dit belangrik dat ons wat eendersdenkend is, sal saamstaan.

Die Europese Unie staan nou onder nuwe voorsitterskap; die VF+ het daarin geslaag om die Afrikaner – vir die eerste keer in dekades – op die internasionale kaart te kry; en daar is groeiende geesdrif onder Afrikaners om te konsolideer.

Ek doen 'n beroep op Afrikaners om in alle "doen en late" die eenheidsgedagte – "Eendracht maakt macht" – in gedagte te hou. Ons land is nie meer tot die grense van die RSA beperk nie, ons volk is oor die hele aarde versprei, en ons bewoon nou die hele aarde.

Maar,… dit is nog steeds nodig dat ons 'n gedeelte van ons vaderland fisies sal beset. Pretoria, Orania, Lambertsbaai, Mosselbaai, Jeffreysbaai, Richardsbaai of waar ook al, laat ons mekaar ondersteun daar waar reeds sukses is, of waar die beloftes vir sukses groot is.

Onthou, demografie was nog altyd die Afrikaner se groot vyand! Laat ons saamstaan en konsolideer.

Winde van verandering in Wes-Europa

Jacob Mouw

Die aktuele nuusberig oor die geniale Nederlander Geert Wilders verwys.

David Horowitz is 'n invloedryke meningsvormer van die VSA, en met die direkte steun en beskerming van Israel, is dit vir my as gebore Nederlander wat die publieke opinie in my kultuurbodem intiem ken, 'n seker saak dat Geert Wilders bestem is om binnekort die premier van Nederland te word en as sulks ook uiteindelik die roterende EU-presidentpos te beklee.

Harold Macmillan het Verwoerd gewaarsku oor die winde van verandering wat oor Afrika en Apartheid-Suid-Afrika sou waai, maar nou waai die winde van verandering oor Wes-Europa.

Verwoerd het geglo dat die gety in die Weste sou draai, en met Geert Wilders is dit tans besig om siender oe te gebeur!

Nasionalistiese Afrikanerleiers mag nie hierdie gigantiese geleentheid laat verbygaan nie. Afrikaans is baie naby aan die Nederlandse taal en Afrikaners is deel van die Westerse kultuur. Trouens, Afrikaners kan met reg aanspraak maak op die personifikasie van die Christelike gedeelte in die benaming van ons "Joods-Christelike" Beskawing.

In die prakryk kan hul as Nederlands-Westerse Kultuurgroep by die 185-kommissie registreer, om sodoende tot Geert Wilders se boodskap by te dra.

Geert Wilders se Party Voor Vryheid in Afrikaans staan ook vir Party Vir Vryheid.

'n Plaaslike Afrikaanse tak van die PVV in Suid-Afrika is finansieel moontlik met die strategiese oor van die Israel-ambassade in Pretoria en die simpatieke steun van mede-blanke Joodse Westerlinge in Suid-Afrika, noudat die volkstaat Israel as die Oosterse bakermat van die Westerse beskawing en volksdemokrasie, deur die ANC en ander liberales in die openbaar en die VN-Veiligheidsraad veroordeel word weens Israel se noodweeroptrede teen radikale Islamofasciste en anti-sekulêre Koranterroriste in Gasa.

Is Geert Wilders die Nederlandssprekende De la Rey wat die Boere sal lei?

Google "Geert Wilders Wiki" en besluit self, maar een feit kan Afrikaners so lank in klip uitkap: Geert Wilders gaan glad nie vermoor word nie, maar pro-Afrikaner-premier van Nederland, en pro-Afrikaner-president van die Europese Unie word.

U het dit eerste op www.praag.co.za gelees.

Matriekuitslae: In die land van die blindes…

Die woorde van die Gautengse LUR vir onderwys, Angie Motshekga, was sekerlik ironies bedoel toe sy blykbaar in Afrikaans gesê het: "Ek wil weet hoe die Boere dit doen." Daarmee het sy verwys na die honderdpersentslaagsyfer en ongekende aantal onderskeidings wat soveel Afrikaanse skole behaal het.

Tot dusver het die ANC uit sy pad uit gegaan om juis nié die Afrikanermanier van doen na te volg nie, maar eerder die Britse koloniale manier. Veral onder die Natalse Indiër, Kader Asmal, het Suid-Afrika die baba met die badwater uitgesmyt en begin om met Britse en Kanadese onderwysmetodes soos uitkoms-gebaseerde onderrig te eksperimenteer. Ten einde die wonderbaarlike styging in die slaagpersentasie te bereik, het Asmal ook standaarde verlaag en is punte agter die skerms gemanipuleer.

In die provinsie Gauteng oftewel die PWV-gebied bestaan sewe uit die tien toppresteerders wat puntegemiddeldes betref uit Afrikaners wat aan Afrikaanse hoërskole gestudeer het. As 'n mens in ag neem dat ons slegs 13% van die bevolking in dié provinsie verteenwoodig, kom mens onder die indruk oor hoeveel beter Afrikaanse skole as Engelse skole presteer.

Terwyl 'n mens deel in die vreugde van daardie leerlinge (ek kon nog nooit aan die begrip "leerder" gewoond raak nie), skole en onderwysers wat so hard gewerk het, is die argelose opstapeling van onderskeidings tot sewe, agt, nege en selfs tien deur die uitblinkers tog kommerwekkend. Kom ons wees eerlik: onder die ou stelsel was ses onderskeidings raar en sewe onderskeidings soortgelyk aan 'n wonderwerk.

Kennelik baat Afrikaanse leeringe ook by die opwaartse punte-aanpassings wat die onderwysedepartement uitvoer om sy slaagsyfer reg te knoei. Afrikaanse skole mag nie 'n valse sin van hoe briljant ons is ontwikkel nie. Soos die spreukwoord lui: in die land van die blindes is eenoog koning.

Die toenemende prestasiegaping tussen betreklik homogene Afrikanerskole en die sogenaamde "geïntegreerde" Engelse skole bevestig net die wêreldwye tendens van multikulturele skole om swakker te vaar as ander skole waar kinders dieselfde taal, kultuur en etniese afkoms deel.

Afrikaanse skole behoort hulself dus nie aan die swakker Engelstalige skole in Suid-Afrika te meet nie, maar aan die onderwysstelsels van kleiner volke in Europa, soos dié van die Finne, Dene, Noorweërs, Vlaminge en Nederlanders.

Afrikaners verdien ook om hul eie onderwysstandaarde te kan stel, eerder as die derdewêreldstandaard van die Suid-Afrikaanse onderwysministerie en wat kennelik weinig uitdagings aan ons kinders en onderwysers bied, afgesien van die burokratiese rompslomp wat daarmee gepaard gaan.

Hoe gouer Afrikaners dus op 'n eie onderwysdepartement en beheer oor eie skole begin aandring, hoe beter.

‘Cope’ nie Afrikanertuiste

Die briefskrywer DH Fourie maak in sy artikel Wie is die sogenaamde Afrikanerleiers? , die verbysterend onlogiese gevolgtrekking dat Terror Lekota se "Congress of the People" of Kongres van die Proletariaat die nuwe politieke voertuig gaan word waardeur Afrikanerleiers na vore gaan tree.

Ek wil amper vra waar was DH Fourie die afgelope 15 jaar toe Lekota die ruggraat van die ANC bewind uitgemaak het, as ANC-voorsitter en minister van verdediging.

Lekota het die kommandostelsel afgeskaf, en die Weermag vinniger as enige ander staatsdepartement verswart. Lekota het ook persoonlik hardvogtig en met genoegdoening bygestaan toe die militêre polisie 'n tyd gelede 'n absurde opdrag uitgevoer het en die Afrikaanse kurator van die Johannesburgse oorlogsmuseum gearresteer het omdat die wapens in die museum nie volgens die ANC se wapenwette "gelisensieer" was nie.

Fourie vergeet skynbaar dat COPE onstaan het omdat die Afrikanis Thabo Mbeki nie sukses behaal het in die ANC se leierstryd nie.

Dat die stigting van COPE wel goeie nuus vir die demokrasie is en inderdaad daartoe kan bydra dat die ANC sy tweederdemeerdeheid gaan verloor, is waar. Dis egter nie nodig dat Afrikaners nou tou staan om vir COPE te gaan stem nie.

Trouens, die meerderheid Afrikaners het in die verlede reeds vir die DA gestem en die tweede grootste groep van Afrikaners vir die VF+. In tussenverkiesings waaraan die VF+ die afgelope twee jaar deelgeneem het, het die VF+ sy steun met meer as 210% opgestoot, terwyl die DA en die ANC se steun daar gedaal het.

As daardie selfde mense nou vir COPE gaan stem, gaan dit geen verskil aan die politieke landskap maak nie – die meubels in opposisieledere word bloot rondgeskuif.

COPE moet sy bestaansreg verdien deur ANC-steun weg te trek en so die opposisie as geheel groter te maak.

Die Afrikaner se heil is gelee in 'n sterker VF+ sowel as 'n sterker opposisie as geheel. Die alternatief vir die ANC hoef nie uit een party te bestaan nie.

'n Koalisieregering van minderheidspartye, waarvan die VF+ as Afrikanerparty 'n komponent uitmaak, kan vir Afrikaners baie meer beteken as 'n enkele opposisieparty wat in elk geval swart, Engelssprekend en met die Freedom Charter as enigste beleidsdokument gaan wees.

Die rede hiervoor is eenvoudig: as DH Fourie se "Afrikanerleiers" in COPE op 'n dag wakker word en agter kom Terror Lekota was toe nie so lief vir die Boere soos hulle voor die verkiesing gedink het nie, kan hulle net bedank en hulle setels in die parlement ontruim. As Afrikanerleiers egter die VF+ aktief steun, hulle verkiesbaar stel en en saam met 'n groter getal VF+ LPs verkies word en die VF+ vorm dan deel van 'n koalisieregering (as die ANC steun onder 50% sak), het daardie selfde Afrikanerleiers geweldig baie bedingingsmag, want as die koalisieregering op 'n dag dwaas optree, of nie hou by hulle voornemens om regstellende aksie uit te faseer nie, kan die VF+ as koalisievennoot uittree en effektief 'n regering tot 'n val bring.

Dit bied beslis vir Afrikaners meer om oor opgewonde te raak.

free mobile online

SA moet geografies verdeel word

Dr Sydney Gregan

Daar is 'n versugting onder Afrikaners dat die Afrikaner sy kragte moet saamsnoer; dat eenheid bereik moet word en dat een liggaam namens alle Afrikaners moet praat. Daar word ook opnuut hoop gevestig op die komende verkiesing.

Baie is dalk nie bewus van die feit dat 'n nuwe party, die Afrikaner Volksparty in September 2008 gestig is nie. Die party het sekere uitgangspunte:

Ons, die Afrikanervolk, erken in nederigheid die Almag en Oppergesag van die Drie-enige God;
Ons glo en weet dat die Drie-enige God verskillende volke en daarom ook ons volk in aansyn geroep het;
Ons glo dat die Drie-enige God die Beskikker van die lotgevalle van alle volke is;
Ons erken ons swakheid en afhanklikheid voor die Drie-enige God;
Die Heilige Skrif, die onfeilbare Woord van God, soos dit verstaan en uitgelê is in die Calvinistiese Hervorming waarvan die Afrikanervolk die dankbare erfgename is, vorm die grondslag van ons bestaan en ons stryd;
Ons erken dat ons voorvaders na geregtigheid vir ons volk en tegelyk vir alle ander volke in hierdie land gestrewe het;
Ons eer ons heldedom en put inspirasie uit ons volk se heroïese geskiedenis;
Ons voorvaders se eerbare stryd het vir ons eie onafhanklike soewereine republieke nagelaat waaronder die Republiek van Suid-Afrika van 1961;
Ons duurgekogte vryheid is deur verraad en bedrog aan 'n godlose kommunistiese regime oorhandig;
Ons erken nie die ANC/SAKP-regime se gesag oor ons volk nie en beskou hulle as onwettig;
Ons besef dat daar geen kortpad na vryheid is nie, maar dat dit alleen deur volgehoue stryd herwin kan word;
Ons besef dat ons vryheid alleen in verset buite hierdie bestel verkry kan word;
Ons neem nie aan enige verkiesings in terme van hierdie godlose bestel deel nie;
Ons verwerp die Grondwet van hierdie bestel wat 'n oorlogsverklaring teen ons volk is;
Ons verklaar dat enigeen wat hierdie Grondwet onderskryf in vyandskap met ons volk verkeer;
Ons bely dat skeiding van volkere nie 'n bose nie, maar 'n edele beleid was, wat voortspruit uit nasionalisme en ontwerp is om ons volk en ook ander volke se God-gewilde afsonderlike identiteite te handhaaf en te verseker op die basis van soort soek soort en leef en laat leef;
Ons het daarom geen skuldgevoel oor ons verlede nie, maar 'n selfrespek om onsself te betuig voor ons vyande;
Ons is deur God se kultuuropdrag aan die mens verplig om aktief deel te neem aan, en te stry vir, ons volk se vryheid;
Ons sweer trou aan mekaar dat ons nie sal rus voor ons ons vryheid in ons eie vaderland verkry het nie;
Ons sê dat as jy 'n trotse volk verkneg, word opstand teen die reg sy reg;
Die stryd wat ons vaders begin het sal woed tot ons sterf of oorwin het.

Wat besef moet word is dat Afrika nie minderheidspolitiek ken (of duld) nie, maar alleen magspolitiek. Die Swarte wil al die mag hê en sal nooit toelaat dat die Blanke mag met hom deel, laat staan nog die mag oorneem nie. Dit het dr Verwoerd en sy voorgangers baie goed besef. Die Blanke (met die Afrikaner aan die voorpunt) moet dus sy eie heil uitwerk binne die grense van hierdie land.

Behalwe dat hierdie regime onwettig regeer, is die realiteit dat Swart regering tot mislukking gedoem is. Afrika is die aanskouingsles daarvan. Dit is die Blankes wat hierdie bestel aan die gang hou, dog sal ook hierdie bestel in duie laat stort. Dit kan op die klippe uitgekap word.

Die enigste blywende oplossing vir hierdie land is dat dit gepartisioneer moet word (Joegoslawië is seker een van die beste voorbeelde van 'n land wat ooreenkomstig etniese grense gepartisioneer is). Elke volk moet sy eie land hê. En hoe "onprakties" dit ook al op hierdie stadium mag klink, dit bly die enigste oplossing vir hierdie land. Benewens al die verskille wat daar is tussen Swart en Wit, is daar ook die kwessie van IK. As ons as Blankes (met 'n gemiddelde IK van 105) tevrede is om deur mense met 'n gemiddelde IK van 80 regeer te word, versaak ons alles waarvoor ons voorouers gestaan en voor gestry het. IK vorm die grondslag van kultuur en uiteraard ook van 'n volk se lewens- en wêreldbeskouing. Ja, ook of jou godsdiens primitief sal wees, of nie…

Binne die parlement sal dit 'n geklets wees van die môre tot die aand oor die grootste onbenullighede. Soos in die afgelope 14 jaar. En so sal die Swartes met hulle liberale geldbase vir die wêreld vertel dat "demokrasie werk". Intussen word ons volk se posisie al hoe hagliker.

Buite die parlement moet die Afrikaner dus sy kragte saamsnoer en as 'n volk met historiese regte aandring op sy eie land. As daaroor eers eensgesindheid gekry is, is al ver gevorder na selfbeskikking vir ons eie volk.

Alles dui daarop dat weens verskeie faktore; sommige totaal buite ons beheer (soos die naderende wêreldwye resessie en moontlike depressie) dinge ook in ons land radikaal kan verander binne afsienbare tyd. Sulke toestande gaan gewoonlik met geweld gepaard. In Afrika is geweld trouens die reël, eerder as die uitsondering. Dit mag juis die geleentheid wees om ons volk se vryheid terug te kry. Wat egter besef moet word, is dat dit nooit binne die huidige bestel verkry sal word nie.

Intussen moet mense hulle geestelik weerbaar maak en ook fisies staal vir dít wat voorlê. Die les van Bloedrivier is immers een van 'n volk wat die vyand die stryd aangesê het juis omdat hulle geestelik weerbaar was – nadat hulle tot hulle verdriet moes sien dat onderhandeling met die Swarte nie deug nie.

Uit die geskiedenis is veel te leer oor die eise van 'n vryheidstryd in Afrika. Ons nooi Afrikaners uit om aan te sluit by 'n party wat die uitdagings van Afrika aanvaar.

Ons moet terugkeer na Germaanse volkstradisies

Rondom 25 Desember vier die Germaanse heidene, waaruit Afrikaners afstam, steeds die tradisionele Wendefees of Mitwinternacht.

Dit is 'n tyd van vernuwing met die hoop op n voorspoedige jaar. Ons voorouers was immers ook boere en die fees het sy oorsprong juis in die landbou. Tydens die kerstening van Europa is hierdie tradisies as heksery bestempel en met mening, soms met die grusame dood op 'n brandstapel vernietig. Volkseie gelowe is afgemaak as blote mitologie en die res is Christengeskiedenis.

Vandag is ons weer vry om ons volkse tradisies uit te leef. Vryheid van spraak en religie word in die grondwet verseker. Met die hoop dat Lekota se nuwe party die tweederde meerderheid van die ANC kan stuit, is ons verseker van die behoud van die grondwet. Met Afrikanerinsae in die party kan ons – en sal ons – die semantiek rondom regstellende aksie en swart bemagtiging kan transformeer na meer toegeeflike begrippe met betrekking tot huidig benadeelde Afrikaners.

In die lig van hierdie nuwe wending in die politieke magspel, wens ek almal 'n vernuwende en inspirerende 2009 toe. Ook 'n Geseënde Kersfees vir alle Christene.

Sommige van ons glo anders, dink anders en doen anders. Maar ons almal bly Afrikaners. En dis die band wat ons moet saambind. Ons moet bereid wees om mekaar te verdra ten spyte van ons religieuse verskille wat in ons pad staan na emansipasie vanuit ons huidige intellektuele slawerny.

Weg met die doemprofete en slegtenuusdraers. Ons almal ken die realiteite van Afrika, maar daar is altyd hoop. Met die regte benadering, impetus en beveiligingsaksies van ons gemeenskappe, kan ons weer gedy.

Ons het dit al gedoen en ons kan dit weer doen.

Mag die Afrikaner homself weer vind in hierdie opwindende tye.

casino no deposit bonus no download

Wie is die sogenaamde ‘Afrikanerleiers’?

Verskeie skrywers aan Praag maak gedurig melding van Afrikanerleiers in 'n politieke konteks asof sodanige leiers wel bestaan. Wie is hierdie leiers na wie hulle verwys? Behalwe die verkose parlementslede van die Vryheidsfront Plus, wat maar 'n klein minderheid Afrikaners verteenwoordig, dra ek geen kennis van enige ander politieke Afrikanerleiers nie.

Die meeste Afrikaners het in die laaste verkiesing vir die DA gestem, maar hulle beskou Helen Zille nie as 'n Afrikanerleier nie.
Afrikanerdenke, soos in die geval van ander beskaafde Europese kulture, strek oor die hele politieke spektrum van heel links tot heel regs. Twintig jaar gelede (in die tyd van die NP, KP, HNP en AWB) was omtrent 85% Afrikaners regs van die middelpunt en verregs. Die meeste van hulle het linkse Afrikaners as vyande beskou en hul Afrikanerskap bevraagteken.
Vandag is dit 'n heel ander storie. Ek skat 10% Afrikaners is vandag verlinks; 30% is links van die middelpunt; 40% is regs van die middelpunt en 20% verregs.
As iemand in 1985 voorspel het dat die meeste Afrikaners in 2004 vir die destydse anti-Afrikaner Progressiewe Party, nou die DA, sou stem, sou Afrikaners dit as laster beskou het. Vandag word 'n Afrikaner soos Van Zyl Slabbert nie meer deur die meeste Afrikaners as vyand beskou nie. Sy Afrikanerskap word ook nie (behalwe deur verregses) bevraagteken nie. 'n Besliste Afrikaner-verskuiwing na links.
Die Afrikaners links en regs van die middel van die politieke spektrum is leierloos. Niemand maak selfs aanspraak op leierskap vir hierdie groep nie, behalwe miskien die VF Plus, wat op die ou end ook maar 'n ronde nul vir die Afrikaner beteken.
Verregse Afrikaners het hulle in die verlede om selfaangestelde leiers gegroepeer, bv. Robbie Leybrand van die Ossawa Brandwag-tydperk, Eugène Terreblanche van die tagtigerjare se AWB en Van Tonder se BBB. Wanneer die selfaangestelde leier tot niet gaan, verbrokkel sy groep ook, soos met die AWB toe Terreblanche in onguns verval het.
'n Kenmerk van die verregse politiek is sy verbetenheid om andersdenkende Afrikaners te probeer dwing om ook so te dink en om hulle gedurig aan te val en te kasty, eerder as om op die werklike Afrikaner-bedreiging te konsentreer. Die Afrikaner het mag verloor as gevolg van die vete tussen die KP en die HNP voor 1994. Elkeen het in gevaarlike tye probeer om sy magsbasis onder regse Afrikaners te vergroot ten koste van die ander. Hulle het die groter Afrikaner-bedreiging uit die oog verloor, en vandag sit ons met die gebakte pere. Vandag bestaan hierdie partye nie eens meer nie.
Die Afrikaner, soos die Engelsman, Jood, Griek, Portugees, Kleurling en Indiër in hierdie land, is elkeen 'n leierlose minderheid, elkeen magteloos om enigiets daadwerkliks vir sy volk te doen.
Die ander minderhede oorbrug die probleem deur in die guns van die ANC te bly, soos die Indiërs, of deur hulle heeltemal te onttrek, soos die Grieke, wat net landsburgers wil wees wat hul eiesoortige taal en kultuur tuis beoefen.
Maar die Afrikaner is vandag heeltemal gemarginaliseer, selfs in die DA. Selfs die Indiërs, wat 'n heelwat kleiner groep as die Afrikaner is, het 'n groter sê in die Parlement as die Afrikaner.
Die Zoeloes, die Xhosas en elke ander swart volk in Suid-Afrika het hul raad van stamhoofde of opperhoofde. Gesamentlik vorm hierdie rade die Raad van Tradisionele Leiers in die Parlement.
Die grondwet maak voorsiening vir die Afrikaner om homself soortgelyk te verteenwoordig, maar hy gryp nie die geleentheid aan nie, te bang vir 'n teenreaksie. Ek sien uit na die dag wanneer daar 'n Afrikanerraad sal bestaan wat die volle spektrum van Afrikanerdenke sal verteenwoordig.
In Amerika staan die Swart Koukus saam in belang van swart Amerikaners ondanks onderlinge politieke verskille. Net swart Afrika-Amerikaners mag lede van hierdie Swart Koukus wees. Hierdie koukus het gehelp om Obama as die volgende Amerikaanse president verkies te kry.
In Suid-Afrika is daar eksklusief swart groepe soos die swart prokureursorde en die vakbond vir swart joernaliste. Ons is te bang om dieselfde te doen uit vrees dat ons as rassiste uitgeskel gaan word. Boonop is die Afrikaner te individualisties en te besig om oor allerhande kleinlikhede te kibbel om eksklusief eie organisasies op die been te bring.
As die Afrikaner nie wakker skrik en saam as VOLK optree nie, sal ons met nostalgie na verspilde geleenthede terugkyk, soos ons vandag terugkyk na die vermorste kanse van die tagtigerjare. Die Afrikaner sal verby sy onderlinge geskille na die groter Afrikanerprentjie moet kyk as hy as VOLK wil voortbestaan.
Myns insiens is die Afrikaanse taal nie in die gedrang of in gevaar nie. 'n Te groot persentasie van die totale bevolking (blank en nie-blank) praat Afrikaans. Daar is 'n groter kans dat die swart tale tot niet sal gaan omdat al hoe meer swartes vrywillig hul eie tale ten gunste van Engels prysgee.
Die Afrikaner as VOLK is in gevaar. Die groot gevaar is dat die blanke Afrikaner in die toekoms nie meer as Afrikaner gesien gaan word nie, maar as individuele blanke Afrikaanssprekende landsburger.
Die Congress of the People (Cope) bied 'n gulde geleentheid vir die Afrikaner. As die ANC nie meer so 'n groot tweederde-meerderheid in die Parlement het nie, kan hy nie meer sy beleid na willekeur op die hele bevolking nie, die Afrikaner inkluis, afdwing nie. Hy sal ook nie na willekeur straat- en dorpsname kan verander nie. Om hierdie geleentheid te benut, sal die Afrikaner die nuwe party sterk moet steun.
Vir die eerste keer bestaan daar nou 'n party in Suid-Afrika wat die verlede en die kloof tussen die verskillende rasse en volke daadwerklik kan oorbrug. Watter alternatief is daar? Die ANC is 'n swart rassistiese party; die Inkhata Vryheidsparty is hoofsaaklik vir Zoeloes en sal waarskynlik binnekort by die ANC ingelyf word; die DA sleep nog sy anti-Afrikanerverlede met hom saam en doen weinig vir die baie Afrikaners wat hom steun; die Vryheidsfront Plus is 'n lamsakkige Afrikanerparty sonder veel Afrikanersteun en vermag weinig vir die Afrikaner; en dan is daar 'n klomp ander kleiner partye wie se bestaan net staatsgeld mors.
Die kanse is goed dat baie lede van opposisiepartye net voor die verkiesing na Cope gaan oorloop. Ek glo die meeste is teen hierdie tyd keelvol omdat hul partye sedert 1994 nog niks noemenswaardig vir hulle kon verrig nie.
Met die verwagte bykomende oorloop van ontevrede ANC-aanhangers sal 'n enkele verenigde sterk opposisie (wat hopelik al die klein opposisiepartye sal insluk) met sterk Afrikanersteun tot stand kom, of hopelik 'n nuwe regering met die ANC in opposisie.
In die lig van die sukses van die Amerikaanse demokrasie lyk dit of 'n tweepartystelsel (bv. die Republikeine en die Demokrate) beter resultate lewer as demokrasieë met talle kleiner partye, wat uiteindelik koalisies moet vorm om te kan regeer.
Hopelik sal die Afrikaner hierdie geleentheid nie dié keer verspil nie! Ek sien uit na die volgende verkiesing wat die Afrikaner sy regmatige plek in die Parlement sal laat inneem. Dan eers sal die ware Afrikanerleiers uitgeken word. Vir die eerste keer sedert 1994 is ek opgewonde oor die politiek, vir die eerste keer gaan ek stem, en ek gaan stem vir die nuwe party.

play slot on

Gese?nde Kersfees aan al ons lesers

Vanaf die PRAAG-redaksie, 'n Geseënde Kersfees aan al ons lesers! Dankie vir u troue ondersteuning gedurende die jaar wat van www.praag.co.za 'n gedugte speler in die nuwe Afrikaanse media gemaak het.

Hoewel Kersdag ook 'n heidense oorsprong het as die dag waarop die sonnewending in die noordelike halfrond gevier is, het dit reeds tweeduisend jaar lank 'n Christelike betekenis as die geboortedag van Jesus Christus wat vir ons sondes aan die kruis gesterf het.

Kersfees 2008 kom aan die einde van 'n jaar waartydens die onsekerheid wat ons as volk tans teister weereens verdiep het. Nie net die wêreldwye ekonomiese afswaai nie, maar ook Suid-Afrika se vele politieke en sosiale probleme waaraan daar feitlik niks gedoen word nie, stem baie Afrkaners tot pessimisme. Vele verlaat ons vaderland of beplan om dit te verlaat op soek na 'n beter toekoms elders.

Wat die Afrikaner egter byna uniek onder Westerse volke maak, is sy onwrikbare geloof. Kersfees is daarom 'n goeie tyd om ons geloof in 'n toekoms in 'n eie vrye vaderland – dít waarvoor ons voorgeslagte soveel opgeoffer het – te herbevestig. In die jaar wat kom, gaan ons opnuut gelouter word deur 'n onregverdige en dikwels rassistiese bestel wat deur buitelandse moondhede en verraaiers in eie geledere op ons afgedwing is.

Dit sou 'n illusie wees om te dink dat die komende verkiesing waartydens die Nguni-party, die ANC, die Sotho-party van Lekota en Shilowa mekaar die stryd gaan aansê hoegenaamd enigiets aan die Afrikaner se lot as slaaf en belastingbetaler gaan verander.

D.F. Malan se beroemde motto, "Glo in jou God! Glo in jou volk! Glo in jouself!" is vandag meer as ooit op ons van toepassing. Indien elkeen van ons in ons eie vermoëns glo, asook ons intellektuele en fisieke vermoëns om ons van die huidige verdrukking te bevry, sál ons onstuitbaar raak. Terwyl daar egter gemor en getwyfel word, sal ons in die huidige moeras bly vasval.

Kersdag is by uitstek ook 'n dag waarop Afrikaners landwyd en selfs globaal – denkende aan ons vele familielede wat weens geweld en rassisme in ons eie land in die buiteland verkeer – as gesinne feesvier. Dis ook 'n dag wat deur die gasvryheid en geselligheid waarvoor ons mense beroemd is, gekenmerk word.

Op sulke dae ervaar ons die oorvloed wat ons hier op die wêreld se armste kontinent, in 'n byna onherbersame land, geskep het, bloot deur ons vernuf en werkywer. Laat die trots waarmee elke gasvrou en gasheer hul feesmaal op Kersdag gaan voorsit, ons inspireer om dieselfde trots in die prestasies en vermoëns van die Afrikaner te ontwikkel.

In 'n wêreld van gebrek en selfs hongersnood, voorsien Afrikanerboere die hele subkontinent van voedsel. Feitlik alles wat ons elke dag, maar ook op Kersdag, aan tafel aan ons kinders en gades voorsit, word deur Afrikaners iewers in ons land geproduseer. Hierdie wonderbaarlike landboubedryf, soos ons taal, kultuur en selfs fisieke voortbestaan, word bedreig deur die soort bose en rassistiese ideologie wat reeds 'n Zimbabwe op sy knieë gebring het.

Terwyl ons op Kersdag die vrugte van die Goeie geniet, laat ons nie vergeet dat die Bose afgunstig op ons welvaart, sukses en vrede is nie. En ons verkeer reeds in 'n Bose bestel wat elke dag sy haat en nyd jeens ons volk op velerlei wyses demonstreer.

Christus het na die aarde gekom om vrede te bring, maar daarvoor is hy gekruisig. Op soortgelyke wyse wou die Afrikaner vrede en welvaart in Suid-Afrika skep, maar is ons verguis en belaster. Vandag word ons in ons huise en op ons plase dikwels grusaam vermoor.

Christus roep ons ook op om vir Hom soldaat te wees en om Sy erfenis en ons geliefdes met alles te verdedig, as dit moet.

Laat ons in die komende jare, in 2009 en vorentoe, soldate vir ons Verlosser wees en ons van hierdie bose bestel bevry.

top 10 free

Transformasie lei tot cholera

Die nuus dat daar ook nou choleragevalle in Johannesburg voorkom, het Suid-Afrika volledig binne die kategorie van 'n derdewêreldland geplaas. Terwyl transformasie oorkant die Limpopo gemanifesteer het in ekonomiese verval, hongersnood en natuurlik cholera, wil dit voorkom asof die suiwering van blanke ingenieurs en gesondheidsamptenare deur die ANC-bewind juis tot onsuiwer water en siektes gaan lei.

In Brittanje en die VSA heers daar seker groot tevredenheid met dié stand van sake, want binnekort gaan daar ook hulpkrete vanuit Suid-Afrika opgaan om 'n cholera-epidemie onder beheer te bring, wat ons voorheen eerstewêreldland se volslae afhanklikheid van buitelandse kundigheid en logistiek sal demonstreer.

Vir die Afrikaner wat eens so trots was op ons land se infrastruktuur – waaronder skoon water, riolering en voortreflike staatshospitale vir alle bevolkingsgroepe – is dit 'n bitter pil om te sluk. Binne minder as een geslag het ons gevorder van ingenieursvernuf wat geboue hoër as vyftig verdiepings in Johannesburg kon oprig tot die agterlikheid van cholera wat in die veelgeroemde finansiële hoofstad van Afrika uitgebreek het.

Nie dat cholera egter die voorstanders van transformasie, grondhervorming en ander ekstreem-linkse, rassistiese ideologieë van stryk sal bring nie. Tensy daar iewers opstand of weerstand kom, sal Suid-Afrika op sy gebaande weg na 'n Zimbabwe voortsnel.

бани внутри

Opvolg: sogenaamde ‘haatkampe’

Soos die lede van die PRAAG Facebook-groep alreeds verneem het, is die "rassistiese, anti-swart, Afrikaner-terreurkampe" toe eintlik net 'n paar plase waar kinders geleer word om hulself te beskerm en so 'n bietjie disipline te ontwikkel. Die arme bloedjie wat gekerm het dat hy "ontvoer" was, het van sy huis af weggeloop en onder valse voorwendsels by die kamp opgedaag. Die artikel kan op die Beeld-webwerf gelees word.

топкарго отзывы

Sogenaamde ‘haatkamp’

Dit is met 'n luide "haai siestog" wat ek gisteroggend in Beeld lees oor die sogenaamde haatkamp wat dan nou in Limpopo ontdek is. Soos almal seker al gehoor het, "ontvoer die leiers van hierdie 'haatkamp' jong wit kinders en leer hul om swartes te haat". Hulle word ook blykbaar geleer om goeie skuts te wees en boonop leer hulle oorlewingsvaardighede, à la die ou SAW-opleiding.

Nou, ek het drie dinge hieroor te sê:

Eerstens dink ek nie die deursnee-Afrikanerjongeling het nodig om na 'n kamp geneem te word en gebreinspoel te word om 'n afsku jeens die terroristeregime te ontwikkel nie. Ons is boonop gebore skuts wat uitmuntend skiet. Toe ek die eerste keer met my windbuks aanlê op die rype ouderdom van vyf jaar, kon ek alreeds 'n pakkie Lion-vuurhoutjies raakskiet.

Tweedens hou hierdie storie net soveel water as die beweerde rugby-rasse-aanval waarvan toe niks gekom het nie. Beide stories is so vaag dat g'n mens hond haaraf kan maak nie.

Derdens "demand" ek dat dieselfde hoeveelheid blootstelling gegee word aan die haatkampe wat in Natal ontdek is, maar g'n haan na kraai nie. Die 12-jarige "struggle-veterane" word ook geleer om wittes te haat en te verkrag en dood te maak.

Hier kom groot moeilikheid (ek sal maar liewer nie Kilo-Alfa-Kilo sê nie). Hulle is besig om verskonings uit te dink om die wapen meer offisieel teen ons op te neem en ons kan dit nie laat gebeur nie. Ons moet aandie wêreld daarbuite wys dat ons ordentlike mense is. Vredeliewend. Gasvry. Gelowig. Vreedsaam maar hardegat.

Александр Фильчаков

Oop grense is kranksinnig

Die uitspraak deur die sogenaamde minister van binnelandse sake, Nosiviwe Mapisa-Nqakula, dat Suid-Afrika nie sy grensbeheer gaan verskerp ondanks groot getalle onwettige immigrante wat oor ons grense stroom nie, is so wêreldvreemd dat dit aan die kranksinnige grens. Trouens, vergeleke hiermee was Mbeki se alternatiewe vigssienings hiperrasioneel en wetenskaplik verantwoordbaar.

Enigeen wat nie die rampspoedige gevolge kan voorsien indien honderde miljoene armes vanuit Afrika suid van die Sahara na die kontinent se ekonomiese swaartepunt stroom nie, is nie in staat om logies te dink nie. Weereens: het ons hier met Afrikadenke te make wat, erger as in Mbeki se geval, eenvoudig nie vatbaar vir bewysvoering is nie?

Terwyl die Europese Unie oor 'n omvattende plan beskik om onwettige immigrasie te bekamp, verklaar Suid-Afrika met sy veel kleiner ekonomie wat skaars in eie behoeftes kan voorsien, 'n beleid van oop grense!

Die afgedankte navorser van die WNNR, dr. Anthony Turton, het juis gewys op die gevaar van grootskaalse etniese geweld wat in die land kan losbars as gevolg van 'n verwaarlosing van ons waterbronne. Kan 'n mens jou voorstel watter soort kruitvat Suid-Afrika gaan word indien die oopgrensbeleid tot sy logiese uiteinde van megastede bestaande uit plakkerskampe sonder skoon water of elektrisiteit lei?

Die ANC beskou dit as sy goeie reg om die land te vernietig, net soos wat Robert Mugabe dit as sy voorreg beskou het om Zimbabwe af te takel tot die treurige toestand waarin dié eens welvarende land vandag verkeer.

Die Afrikaner egter, wat meer as enige ander volksgroep in Suid-Afrika opgeoffer het om ons infrastruktuur en staat te vestig, is nie geken in dié besluit om ons land op 'n skinkbord aan die honger massas van Afrika te oorhandig nie. Moontlik was dit deel van die fyndruk op die blanko tjek wat mnr. FW de Klerk in 1994 uitgeskryf het, maar ons is nooit oor die saak ingelig nie.

Indien daar nie nou aktiewe weerstand teen die ANC se toenemend vergesogte en dikwels rassistiese beleidsrigtings kom nie, gaan ons baie vinniger as wat ons dink "transformeer" tot 'n cholerabesmette hool soos Zimbabwe.

Selfs al kom daar nie weerstand van Afrikaners wat hul geboortereg opeis om 'n heenkome in dié wêrelddeel vir hulself te beding nie, sal die blote instroming van miljoene immigrante die land vanself destabiliseer.

Wat dus ook al gebeur, is die dae van die Suid-Afrikaanse eenheidstaat, die 1910-staat, getel en sal dit waarskynlik vroeër of later begin voorbrokkel. 'n Toekomstige eie staat is die Afrikaner se enigste hoop op langtermynoorlewing soos wat die gevolge van massamigrasie, waterbesoedeling, grondhervorming, rassistiese arbeidswette en ander euwels ons land soos Zimbabwe tot in die grond afbreek.

Diegene wat dit nie begryp nie, moet maar solank padgee Australië toe.

ігри для дєвачєк

Die handskoene moet nou af

Gustav Venter se Rubriek, Die eerste reël van oorlewing: Doen jou deel verwys. Die Afrikaner het reeds vantevore gedurende die 2de Anglo-Boere oorlog sy land verloor as gevolg van sy "gentlemanliness".

Daar is verskeie voorvalle waar die Boere hulle voordeel oor die Britse magte nie opgevolg het nie en as gevolg het die Britte ons land by ons afgeneem.

Vandag gaan dit nog net so beroerd. Die Afrikaner onderhandel, en hy bespreek, en hy kom met planne en alles word vanuit 'n Westerse, Christelike, beskaafde siening benader. Hy is bereid om saam te werk, om sy vyand die voordeel van die twyfel te gee.

Ons praat saam met ons vyande oor 'n tafel, ons vergader met hulle, ons behandel hulle soos ons eweknieë. Ons moet tog net nie aanstoot aan iemand gee nie. En spaar ons tog dat ons net nie as rasisste uitgekryt kan word nie. En intussen word elke geleentheid wat ons ons vyande bied, deur hulle met ope arms aangegryp en teen ons gerig.

As jy in Afrika gebore en getoë is dan leer jy vinnig dat slegs dié wat die hardste slaan, wat die langste asem het en wat die swaarste gewig kan dra die een is wat mag kan afdwing. Dis die ongeskrewe wet van Afrika. As ons dit nog nie geleer het nie, beter ons vinnig vir ons vliegtuigkaartjies Australië toe bespreek.

Venter slaan die spyker op die kop; die tyd vir mooipraat en redeneer, en soebat werk nie, mense! Dis tyd vir hard praat en harder doen. Om hoed in die hand jou saak voor 'n vyandige regering te gaan bepleit is reeds oor en oor as tydmors bewys. Net die sterk radikale aksies – nie praat – van 'n volk wat ALMAL saamstaan en na die selfdedoelwit mik, gaan werk.

Kom ons los nou maar die mooipraat en die vergaderings, ons mors net tyd. Ons het die finansiële vermoë, die intelligensie, die werkslus en die ruggraat om ons vryheid te bewerkstellig. Ons besef dit sal opofferings verg, maar ons het al tevore en ons sal weer.

Ons moet net onthou: Eenheid is mag.

casino sign up