Karin Roodt, Author at praag.co.za

Corrie Pypers se dogter onverwags oorlede

Corrie Pypers, fluitjieblaser en oudkaptein van die Transvaalse rugbyspan, se oudste dogter is Maandag onverwags oorlede nadat drie bloedklonte deur haar long is.

Pypers, die Vryheidsfront Plus se raadslid vir Midvaal, was onlangs in die nuus omdat hy DA-korrupsie in Midvaal ontbloot het.

Volgens Pypers was die destydse burgemeester Timothy Nast onder meer instrumenteel in die hersonering van grond, wat aan familielede van hom behoort, langs die R59-snelweg. ‘n Hersoneringsaansoek, wat industriële regte insluit, is deur die burgemeesterskomitee onder sy voorsitterskap goedgekeur slegs tien dae voor die munisipale verkiesings in 2011

Die hersoneringsproses is gekenmerk deur grootskeepse ongerymdhede en die hele aangeleentheid word steeds ondersoek.

Pypers, die Vryheidsfront Plus se raadslid vir Midvaal, sê volgens sy mening het Nast nie ‘n keuse gehad as om te bedank nie.

“In teenstelling met die uitbeelding van Nast as iemand wat Midvaal bo-gemiddeld goed bestuur het, het hy talle foute begaan wat daartoe gelei het dat die VF Plus deurlopend druk op hom geplaas het deur wanbestuur in die munisipaliteit bloot te lê,” sê Pypers.

Volgens Pypers was Nast onder meer instrumenteel in die hersonering van grond, wat aan familielede van hom behoort, langs die R59-snelweg. ‘n Hersoneringsaansoek, wat industriële regte insluit, is deur die burgemeesterskomitee onder sy voorsitterskap goedgekeur slegs tien dae voor die munisipale verkiesings in 2011

Die hersoneringsproses is gekenmerk deur grootskeepse ongerymdhede en die hele aangeleentheid word steeds ondersoek.

– See more at: http://praag.co.za/?p=15598#sthash.LQQK9vS3.dpuf

Pypers, die Vryheidsfront Plus se raadslid vir Midvaal, sê volgens sy mening het Nast nie ‘n keuse gehad as om te bedank nie.

Die hersoneringsproses is gekenmerk deur grootskeepse ongerymdhede en die hele aangeleentheid word steeds ondersoek.

– See more at: http://praag.co.za/?p=15598#sthash.LQQK9vS3.dpuf

Pypers was Woensdag diep geraak oor sy dogter Lizaan Potgieter (33) se dood.

Potgieter, ’n skoonheidsterapeut en eienaar van L-spa, het Maandagoggend ’n kliënt se naels versorg toe sy skielik vooroor geval het. Lizaan is onlangs behandel vir trombose in ’n vlak aar in haar been.

Pypers het in trane vertel dat sy op die vloer gelê het met hul aankoms. Nadia, haar sus, het haar bygekry en sy is na ’n hospitaal geneem, maar sy is later oorlede.

Minister weier om vraag oor wapenaankope te antwoord

Nosiviwe Mapisa-Nqakula, minister van verdediging, het geweier om ‘n vraag in die parlement te beantwoord oor die koste van die omstrede wapentransaksie.

Die minister het gesê sy kan nie die vraag beantwoord terwyl die verkrygingsproses deur die Seriti-kommissie ondersoek word nie.

Sy het in reaksie op ‘n vraag van die Vryheidsfront Plus gesê deur die getal bekend te maak, sal die departement van verdediging kan dalk die departement se getuienis voor die kommissie van ondersoek in gedrang bring.

David Maynier van die Demokratiese Alliansie het gesê hy het die minister twee keer dieselfde vraag gevra en sy het op albei geleenthede geweier om te reageer.

Die kommissie is in 2011 deur pres. Jacob Zuma aangestel om bewerings van korrupsie in die multimiljard-wapentransaksie te ondersoek. Die verhore is tot volgende week uitgestel. – Sapa

Siek polisiemag kos begroting R1 miljard

Die Suid-Afrikaanse Polisiediens het nagenoeg R1 miljard van sy jaarlikse begroting op siekverlof en ongeskiktheidstoelae bestee.

Senior polisiebeamptes, insluitend genl. Riah Phiyega, het Woensdag dié onthullings voor die parlementêre portefeuljekomitee oor die polisie gemaak, het Eyewitness News berig.

Parlementslede is bekommerd oor die toename in gevalle van siekteverlof in die kommissie.

Sowat 140 000 uit die 200 000 polisielede het in 2012 gemiddeld tussen sewe en nege dae siekteverlof geneem.

Tesame met die koste van ongeskiktheidsverlof deur diegene wat hul siekte- en jaarlikse verlof opgebruik het, het die polisiediens meer as R800 miljoen bestee.

Drie onderwysers geskors na swaksiende verdrink

Drie onderwysers van die skool vir blindes in Christiana in Noordwes is geskors nadat ‘n leerder wat gedeeltelik blind is, verdrink het.

Brian Setswambung, woordvoerder van die provinsiale departement van onderwys, het gesê die drie is ná van ‘n voorlopige ondersoek geskors.

“Die departement dink daar is moontlik ‘n prima facie-saak van nalatigheid.”

Sikhona Mogapi, ‘n gr. 2-leerder, het op 15 September in die skool se swembad verdrink.

Sers. Kealeboga Molale het toe gesê die kind het vermoedelik oor ‘n heining by die swembad geklim. Hy het geen sigbare beserings gehad nie.

Wendy Matsemela, LUR vir onderwys, het Woensdag in ‘n verklaring gesê ‘n taakspan wat die voorval ondersoek, sal binnekort ‘n verslag indien. – Sapa

Hoof van Britse geheimediens vaar uit teen Snowden

Die gesteelde topgeheime dokumente wat in The Guardian gepubliseer is, is ‘n “geskenk” aan terroriste, het die hoof van MI5 gewaarsku.

In ‘n striemende aanval het Andrew Parker gesê die publikasie van vertroulike lêers wat uitgelek is deur die Amerikaanse voortvlugtige Edward Snowden het groot skade veroorsaak in die vermoë van Brittanje se intelligensiedienste .

Sekuriteitsamptenare sê die onthulling kom neer op ‘n handleiding wat terroriste adviseer oor die beste manier om opsporing te vermy.

In Whitehall word dit beskou as die grootste skade aan die Anglo-Amerikaanse veiligheidsopset in die geskiedenis. In sy eerste openbare toespraak sedert hy vroeër vanjaar aangestel is, het Parker gesê die lekkasies gee aan terroriste die voordeel.

Hy het gesê daar is ‘n paar duisend Islamitiese ekstremiste in die Verenigde Koninkryk wat die Britse volk as ‘n wettige teiken beskou.

Die sekuriteitsdienste werk deurentyd om die fanatici te stop, maar MI5 moet nou dreigemente op meer fronte as ooit tevore hanteer.

Snowden, ‘n voormalige kontrakteur vir die National Security Agency, het in Mei vanjaar gevlug uit die VSA met duisende geklassifiseerde dokumente oor die NSA en GCHQ, wat hy aan The Guardian oorhandig het.

Die koerant het sedertdien tien duisende woorde gepubliseer oor die geheime tegnieke wat gebruik word deur GCHQ om e-pos, selfoonrekords en kommunikasie op die internet te monitor.

Die eerste Guardian-onthullings was vroeg in Junie toe hulle uitgewys het dat geheimedienste direkte toegang tot die rekenaarstelsels van AOL, Apple, Facebook, Google, Microsoft, Paltalk, Skype, Yahoo en YouTube het.

Lede van GCHQ het op die koerant toegesak en toegesien dat skootrekenaars en hardeskywe by die koerant se kantore vernietig word.

“Verslagdoening van GCHQ is noodsaaklik vir die veiligheid van die land en sy burgers.

Parker het gewys op die gevaar wat Britse onderdane wat terugkeer van gevegte in Sirië inhou.

Die ANC se prestasies

Deur Johan Theron.

Batebestuur handel in wese oor finansiële en fisiese bates. Menslike bates word apart gesien en bestuur maar wanneer die prestasie van ‘n organisasie soos bv die ANC bereken word, sal mens na al drie hierdie aspekte moet kyk. Omdat data oor die ANC nie beskikbaar is nie, sal ‘n omstandigheidsgetuienis gebruik word ter oorweging van organisatoriese prestasie.

Menslike bates in die ANC is nie veel werd nie aangesien meer as 60 politieke moorde alreeds (in die ANC) plaasgevind het. Die gedagte aan lidmaatskapsverval en ooreenstemmende opleiding kan nie beter versinnebeeld word as deur net te verwys na Julius Malema nie en val lynreg in met die voor-1994 ontwikkelling van “self defence units” wat vandag nog misbruik word vir politieke redes. Betreffende die verdubbelling aan studente sedert 1994 kan mens maar net verwys na Agang se standpunt dat die swak opvoedingstelsel in SA veroorsaak is deur die ANC. Daarom, wat menslike hulpbronne betref is die opsomming dat die ANC geen vordering gemaak het sedert 1994 nie, van toepassing op sy eie kaart-draende geledere, asook die land se geledere.

In teenstelling met bg. het die SAIRR bepaal in sy 2011-2012 “The Rainbow Index” dat slegs een van die 10 meetkriteria sedert 1994 verbeter het – naamlik “Liberation of the poor” en dit was slegs moontlik (in my opinie) agv van blanke belastinggeld vir “toelae” ens. Dit is ironies synde BMW se beleggings-weerhouding agv arbeidsonrus – en veral in die lig van Harvard se waarskuwing (lank gelede) dat produktiwiteit ‘n langtermyn Suid Afrikaanse probleem is.

Betreffende finansiële bates het die ANC na 1994 begin sukkel agv die vertraging in internasionale donasies maar het dit fluks verbeter sedert die bekende wapenstransaksie met British Aerospace en die huidige Chancellor House aandele in Hitachi. Die res van SA het egter begin agteruit gaan (in my opinie) as mens kyk na die Rand/USD wisselkoers en die algemene verkope generasie verhouding (sales generation ratio) waar die land se bates ‘n sekere inkomste vereis oor tyd. Hierdie “fisiese bate verhouding” aspek is nie nuut nie en word as standaardpraktyk ge-ouditeer waarna rapportering van hierdie verhouding wetens/onwetens ge-ignoreer word. Maar met die nuutgevonde kennis van “financial Bonds” het hierdie ouditeringsgaping verander in ‘n verstommende toekomstige geleentheid vir die ANC. Opsommenderwys kan gesê word dat geld in ‘n ontrekkende (extractive manner) beweeg en daarom SA se swak Gini-koeffisient. Geld beweeg dus weg van mense en fisiese bates in plaas van om hulle/dit te onderhou.

Betreffende fisiese bates is hierbo genoem dat die bate verkope generasie verhouding nie tred hou nie maar aangesien die ANC nie regtig bates behalwe Luthuli-huis (in die openbaar) besit nie is dit natuurlik nie hulle fokus nie. In terme van die land is die ANC egter van mening dat die “levers of state power” soos Eskom en Transnet (die land se) bates moet bestuur en ontwikkel (om werk te verskaf). Die goue gans wat tot dusver so gehoorsaam belasting moes betaal het, word nou verder uitgebuit deur “bonds” uit te neem (soos vir die E-toll stelsel). Die fisiese bate verkope generasie verhouding word dus kunsmatig verbeter op die belofte dat die huidige belastingbetalerskorps nog steeds oor 40 jaar instaat sal wees om die skuldmiljarde te betaal, wetende dat onderhoud nie gaan plaasvind nie – of duur gaan wees.

Die gedagte dat die ANC presteer deur studente te verdubbel, huise te verdubbel en elektriese geriewe te verdubbel is dus belaglik want hulle het dit nie self gedoen nie en gaan dit ook nie self onderhou nie. Die SAIRR bevorder dieselfde wanvoorstelling. Om die waarheid te sê is hierdie wanvoorstelling waarskynlik grootliks bydraend tot die arbeidsonrus in die land en vererger SAIRR eintlik ons situasie – wat nie baie menslik is van hulle nie.

Markte verwelkom Yellen-benoeming as Fed-voorsitter

Die wêreld sal binnekort ‘n nuwe monetêre leier hê. Die Amerikaanse president, Barack Obama sal Janet Yellen eersdaags benoem as volgende voorsitter van die Federale Reserweraad.

Die 67-jarige Yellen wat tans ondervoorsitter is, sal, indien die Senaat die benoeming goedkeur, Ben Bernanke opvolg wanneer sy termyn aan die einde van Januarie verstryk.

Sy sal die eerste vrou wees wat aan die hoof van Amerika se sentrale bank staan. Sy is beter gekwalifiseer as Alan Greenspan wat nie ‘n regte PhD gehad het nie, maar ‘n ere-graad en nooit eers ‘n opstel oor ekonomie gepen nie.

Yellen is glo nie soos Greenspan ‘n suiwer politieke aanstelling nie. Haar man is die Nobelpryswenner George Akerlof wat die teorie van doeltreffende markte teorie gekritiseer het.

Sy was hoof van Bill Clinton se Raad van ekonomiese adviseurs tussen 1997-1999, toe sy die krisis in Asië moes hanteer.

Die aankondiging word verwag te midde van ‘n gedeeltelike regeringstilstand sedert die begin van die maand nadat die Kongres nie ‘n begroting kon goedkeur nie, weens ‘n dooiepunt tussen die Republikeine en die Demokrate.

Die stilstand kan verder uitkring indien die Kongres nie teen die 17de van die maand maatreëls goedkeur om die skuldplafon te lig nie.

Die aangewese voorsitter van die Fed gaan deelname aan die arbeidsmark as die belangrikste baken stel. Monetêre beleid sal los bly. Markte is weer gespaar en die Brics sal makliker kan asemhaal. Sy is ook ‘n voorstander van staatsingryping en inflasie.

Die markte het egter haar waarskynlike aanstelling verwelkom met ‘n styging.

Nogtans sê ekonome ons is reeds ver verby die punt dat die geldvoorraadborrel batepryse kan laat bly styg. Sy sal waarskynlik aanhou geld druk om te probeer om werk te skep.

Negentig persent van Soweto betaal nie elektrisiteit nie

Die minister van Openbare Ondernemings, Malusi Gigaba, het gewaarsku dat dit al moeiliker raak om die fondse te vind om Eskom se beleggingsprogramme te ondersteun weens die strenger kredietsituasie in die VSA, het Business Day Woensdag berig.

Hy het ook gesê wanbetaling is ‘n ernstige dilemma vir Eskom, het die koerant berig

Hy het dit gesê ter voorbereiding van ‘n toespraak by die Konvensie van die Vereniging van Munisipale Elektrisiteitsnutsmaatskappye in Oos-Londen.

Gigaba sê dit sal in die toekoms al moeiliker raak om bedryfskapitaal te vind.

Hy sê veral wanbetalers en agterstallige skuld deur munisipaliteite moet dringend aangespreek word om volgehoue beleggings te verseker.

“Die kwessie van die betaling vir dienste deur die kliënte, sowel as die munisipale elektrisiteit skuld, moet aangespreek word sodat as kapitale beleggings voortgaan, ons nie op die ‘gebruiker-betaal’-beginsel ‘n kompromie aangaan nie.“

Gigaba het gesê 90% van huishoudings wat Eskom geld skuld, is van Soweto, en dit sluit munsipale skuld in.

Die gesamentlike skuld van 10 munisipaleite aan Eskom, beloop R2,5 miljard.

Outa verloor tol-appèl

Die Bondgenootskap teen Stedelike Tol, Outa, het sy teleurstelling uitgespreek met die uitspraak in die Bloemfonteinse Appèlhof waar sy laaste poging om die Gautengse e-tolstelsel te keer, van die hand gewys is.

Outa sê hy gaan die uitspraak bestudeer en die organisasie sal môre ‘n mediakonferensie hou.

Die Bondgenootskap het geappèlleer teen ‘n hofuitspraak verlede jaar wat die implementering van die tolstelsel deur die Padagentskap – Sanral – gemagtig het.

Outa het onder andere aangevoer dat daar nie behoorlike openbare raadpleging was nie. Regter Fritz Brand het in sy uitspraak gesê die horlosie kan nie teruggedraai word tot vyf jaar gelede toe die tolstelsel bekend gemaak is nie.

Hy sê in dié tydperk is groot hoofweg-opgraderings gedoen, wat nie ongedaan gemaak kan word nie, en tóe eers is die hersieningsaansoek gebring.

Hy sê die nadeel is dat hoewel Gautengers meestal vir die paaie gaan betaal, dit tot die res van die land se ekonomie sal bydra.

Brand sê die nadeel is dat Sanral R20 miljard hiervoor met geleende geld betaal het, en indien geen tolgeld gehef word nie, die regering uiteindelik daarvoor sal moet opdok.

Brand sê die koste gaan waarskynlik gedelg word deur diegene wat dit vermoedelik die minste kan bekostig, en die impak op hulle sal nie gering wees nie.

Geen kostebevel is gemaak nie. – RSG

Flysafair mag nog nie vlieg nie

Die Noord-Gautengse hooggeregshof in Pretoria het Dinsdag teen die nuwe laekoste-lugdiens FlySafair beslis.

Comair en Skywise voer aan dat FlySafair nie voldoen aan Suid-Afrika se regulasies vir eienaarskap nie, het Eyewitness News berig.

Die hof het ‘n bevel uitgereik dat FlySafair nie kan handel dryf totdat sy lisensie nie hernu is nie.

Die lugdens het reeds kaartjies aan passasiers verkoop, maar het Dinsdagmiddag op Twitter gesê hy sal klante ten volle vergoed indien hulle nie hul vlugte wil uitstel nie.