Dan Roodt, Author at praag.co.za

Die rede vir die arres van UG

Die senior staatsaanklaer se weiering om Uhuru Guru aan te kla en die se daaropvolgende vrylating bevestig wat ek vermoed het van die begin af:

Dit kom nie van die Zumaregime af nie. Dit kom vanaf die klomp wit lakeie uit die informante- en agente-dampkring, gekoppel aan die Broedergespuis, wat vroeër vir Mbeki gewerk het en toe deel gehad het aan die veldtog om Zuma uit te skakel deur hom in die tronk te probeer kry.

Nou is hulle desperaat en wil met alle mag en krag aan die nuwe Azaniese administrasie bewys hulle het nog ‘n doel in die bestel, sodat hulle weer geld kan kry.

Dis so maklik soos dit.

Indië weier joernaliste vir Dalai Lama

Die Indiese regering het Donderdag geweier om buitelandse joernaliste toe te laat om die Dalai Lama se besoek aan die noordoostelike staat te dek. Dít kom na ‘n lang grensdispuut met China.

Versoeke vir permitte vir buitelandse korrespondente om na die staat van Arunachal Pradesh te reis, is afgekeur. Die regering het ook permitte wat hy vroeër aan vier korresponde gegee het, teruggetrek.

Buitelanders het spesiale toestemming vanaf die regering nodig om die bergagtige staat te besoek.

“Ons is verbaas en teleurgesteld dat verslaggewers se visums gekanselleer was, voor die Dalai Lama se besoek,” het Heather Thomas, president van die Nieu-Delhi gebasseerde Foreign Correspondent’s Klub gesê.

China het die spirituele leier van Tibet se besoek aan ‘n Boeddhisteklooster in die Arunachal Pradesh stad van Tawang, ten sterkste teengestaan. Die besoek sou Sondag begin.

Alhoewel verhoudinge tussen Indië en China die afgelope paar jaar verbeter het, kan die gemoedere steeds opvlam weens die grens wat hulle deel, die onrus in Tibet en ook die verskerpte ekonomiese wedywering.

Die Dalai Lama het verlede week aangekondig dat China sy reise oorpolitiseer. Volgens hom is die besluite wat hy neem spiritueel gebasseer en nie polities nie.

10 free poker Данильченео

Malema sê grond is gesteel

Grondhervorming en die restitusiedoelwit om 30% van Suid-Afrika se landbougrond teen 2014 in swart besit te hê, is gereeld in die nuus en Cosatu en Julius Malema , voorsitter van die ANC-jeugliga, het hul opinies hieroor aan die BBC verduidelik.

Dit is reeds bekend dat die doelwit van 2014 na 2025 geskuif is en die grootste rede wat hiervoor voorgehou word is, is hoë plaaspryse, luidens ‘n berig in die Irish Times. Finansiële beperkinge, burokratiese sloerdery en die internasionale ekonomiese krisis word ook voorgehou as redes vir die huidige stand van sake.

[…]

Malema meen die Regering se gewillige koper en verkoper-benadering tot grondhervorming is onsuksesvol en grondeienaars moet ‘n ononderhandelbare aanbod van die Regering gebied word. “Ons sal betaal, maar net wat ons kan bekostig want hulle het dit in elke geval gesteel. Hulle het ons grond gesteel,” het hy aan die BBC gesê.

Cosatu-woordvoerder Patrick Craven sê die feit dat ‘n hele generasie sal verbygaan voordat restitusie werklik toegepas is, is nie goed genoeg nie. “Ons sit op ‘n sosiale tydbom. Die feit dat mense van landelike gebiede gedwing word om na plakkerskampe in stede te trek skep die soort spanning wat ons om kwessies soos dienslewering sien. Dit sal baie beter wees as hulle ‘n lewe in landelike gebiede kan maak. Die grootste rede waarom hulle nie kan nie is die feit dat grondeienaarskap in dié gebiede steeds ongebalanseerd is.”

Lees die volledige berig hier.

ds dental Фильчаков

Uhuru Guru vrygelaat

Te midde van ‘n storm wat PRAAG se berig oor die inhegtenisname van Uhuru Guru, webmeester van South Africa Sucks, veroorsaak het, is hy so pas vrygelaat, volgens ‘n sms wat van sy regsverteenwoordiger vanaf die Randburgse landdroshof ontvang is.

Blykbaar was die saak nie eens op die rol nie en is geen klag teen hom gelê nie. Hy het egter die nag in die selle van die Lindense polisiestasie deurgebring en is vanmore saam met die ander verhoorafwagtendes geboei en na die hof vervoer.

Sy vrylating kom ná PRAAG vanmore ‘n veldtog op tou gesit het, met mediaverklarings en oproepe aan invloedryke persone. “Ons was reg om ‘n internasionale veldtog vir sy vrylating op tou te sit. Dit lyk egter asof die polisie besef het dat hulle geen saak het nie,” het Dr. Dan Roodt van PRAAG gesê.

“Die feit dat so iets kon gebeur, toon egter dat alles nie pluis is nie. Die staat het duidelik sy mes in vir die onafhanklike webwerwe wat aan die ANC se oorhoofse beheer ontkom,” het hy gesê.

Israel onderskep honderde tonne wapens

Honderde tonne wapens, tien keer die aantal van die wapenvonds wat op die Karine A in 2002 gemaak is, is Dinsdag deur die Israelse vloot 100 seemyle wes van Israel onderskep.

Militêre owerhede in Israel sê die 140-meter lange Francop, wat naby Cyprus voorgekeer is, het wapens bevat wat aan Sirië belowe is, en moontlik ook Hizbollah.

Die skip het onder die vlag van Antigua geseil en het meer as 3 000 vuurpyle van verskillende soorte, koeëls en ander ammunisie bevat.

Die vrag is deur die Suezkanaal gebring en in die Egiptiese hawestad Damietta op die Francop gelaai. Die vaartuig was oppad na Latakia in Sirië.

Die oordrag van soveel wapens kan die magsbalans tussen Israel en terreurorganisasies beïnvloed, het Brigadier-generaal Rani Ben-Yehuda, adjunk-aanvoerder van die Israelse vloot, gesê.

Israel het die skip ‘n aantal dae gemonitor en ‘n spesiale mag het in die middel van die nag aan boord gegaan. Hulle het glo sertifikate ontdek wat daarop dui dat die vrag se oorsprong van Iran was. Die vaartuig is daarna na Israel gebring.

Die skip se bemanning was nie bewus van die ware vraginhoud nie en was onder die indruk dat dit humanitêre hulp was.

Israel het Iran daarvan beskuldig dat hulle reeds drie keer vandeesjaar die VN se wapenverbod oortree het.

Israel Radio het berig dat gevorderde anti-lugafweertoerusting wat nog nooit voorheen in die streek gesien is nie, ook deel van die vrag was.

Daar was ondermeer ook 107-millimeter vuurpyle, 60-millimeter mortiere, 7.62-Kalashnikov-ammunisie, F-1 grenate en122-millimeter Katyusha-vuurpyle.

Der Spiegel het verlede maand berig dat die VSA ‘n Duitse vragskip in die Suezkanaal ondersoek het wat wapens bevat het wat vir Sirië of Hizbollah bestem was.

печка купить Фильчаков

Franse slaan vure dood oor nuwe reaktor

Frankryk probeer vure doodslaan nadat drie lande kommer uitgespreek het oor die beheer- en veiligheidstelsels van hulle nuwe ontwerp kernreaktor.

Franse amptenare sal na verwagting owerhede in die Verenigde Arabiese Emirate kontak in ‘n poging om Golfstate te oorreed om hulle tender te oorweeg. Dit is die grootste tender vir kernkrag tot nog toe.

Die Franse maatskappy Areva, mede-ontwerper van die EKR-reaktor, Total en GDF Suez is onder die drie maatskappye wat tender om ten minste vier, en moontlik ses reaktors te bou in die VAE.

Die EKR is ‘n Evolusionêre kragreaktor. Dit werk met water onder druk en is aanvanklik die Europese waterdrukreaktor genoem. Die ontwerp is deur Framatome (nou Areva NP), Electricité de France (EDF) en Siemens AG in Duitsland onderneem.

Die EKR is die wêreld se derde generasie reaktor en Frankryk se fokus in die atoomenergiesektor.

Die kommer wat hierdie week uitgespreek is, het Frankryk se kanse bederf. Die mededingers, Suid-Korea en die VSA, moes ook kritiek verduur, maar nie soveel soos die Franse nie.

Die nadeel vir die Franse is dat hulle die EKR-reaktor van meet af aan as ‘n veiliger opsie aangebied het.

Finland en Frankryk bou tans aan twee sulke reaktors.

Die Franse sê die besware oor veiligheid is vanweë hulle deursigtige veiligheidsmaatreëls.

Kernkragowerhede in Finland, Brittanje en Frankryk wat hulle kommer uitgespreek het oor die onafhanklikheid van die EKR se veiligheidstelsels van operasionele beheer, het voorheen al gekla oor die konstruksie van die reaktors.

Die EDF en Areva het onder skoot gekom die afgelope paar maande, veral in Finland waar die bou van die reaktor al met drie maande vertraag is en etlike miljarde euro oor die begroting is.

Areva het belowe om die beheerstelsel te verbeter teen die einde van die jaar.

Die Franse regering sê die kwessie het buite beheer geraak omdat die Franse kernowerheid, ‘n onafhanklike liggaam, ‘n deursigtige beleid voorstaan en alle korrespondensie op die internet publiseer.

прокурор Фильчаков

Ystervuis teen webwerwe

Die inhegtenisname van die bekende Johannesburgse “blogger” Uhuru Guru van die woernaal South Africa Sucks het gister skokgolwe deur Suid-Afrika se internetgemeenskap gestuur. Oënskynlik het die ANC-bewind op die vooraand van die Wêreldsokkerbeker tot hardhandige optrede oorgegaan teen webwerwe wat die land se probleme soos misdaad en verdrukking van minderhede aan die groot klok hang. Daar is ook die afgelope dae ‘n veldtog deur anonieme briefskrywers op LitNet, ‘n webwerf in die Media24-stal, gevoer teen die misdaadberigte wat South Africa Sucks gewoonlik met kommentaar aanbied.

Die voordeur van Uhuru Guru is gisteroggend om 6:30 deur ‘n “taakmag” van die polisie afgeskop en hy en sy gesin is hardhandig uit die bed gepluk. Sy vrou is nie toegelaat om enige oproepe te maak nie en selfs sy dogtertjies se selfone is gekonfiskeer, tesame met alle rekenaartoerusting in die huis. Die taakmag, wat uit lede van die polisie, veiligheidspolisie en verskeie spesialiseenhede soos kubermisdaad bestaan het, het die webmeester ook oor PRAAG en dr. Dan Roodt ondervra, wat moontlik kan veroorsaak dat die polisie se veldtog na hierdie webwerf kan uitbrei.

Uhuru Guru, wat tans om sakeredes verkies om anoniem te bly, is agterna na ‘n Johannesburgse polisiestasie geneem waar hy tans in aanhouding verkeer. Volgens sy regsverteenwoordiger is daar duidelike pogings deur die staat om die regsproses te vertraag ten einde hom vir die maksimum periode vir ondervraging aan te hou. Die klagtes teen hom is onduidelik, maar daar word gepraat van crimen injuria, asook ‘n insident tydens 1993 toe een van sy werknemers gesteelde goedere ter waarde van enkele honderd rand op sy perseel versteek het. Dit wil voorkom asof die polisie dié klag wat sestien jaar gelede teruggetrek is, op hul rekenaar opgespoor het ten einde ‘n verskoning te vind om hom in hegtenis te neem.

Volgens Uhuru Guru se regsverteenwoordiger is “die hardhandige en oordrewe optrede deur die polisie… duidelik polities gemotiveer”.

PRAAG het enkele dae gelede vanuit ‘n bron binne die ANC verneem dat daar ‘n groep blanke Afrikaners binne die polisie verkeer wat weens transformasiedruk hul eie poste en begrotings moet motiveer deur op ‘n fiktiewe “regse gevaar” te spioeneer. Die polisie wat gister teen Uhuru Guru van South Africa Sucks opgetree het, was blykbaar deur die bank blanke Afrikaners wat direk aan hoofkantoor rapporteer en nie aan enige plaaslike polisiestasie nie.

Volgens Uhuru Guru se regsvereentwoordiger het hulle ‘n “sinistere indruk gemaak, presies soos die ou Veiligheidspolisie in die tagtigerjare onder die Nasionale Party. Ek was destyds baie links gewees en as ek nie so ontnugter was deur die nuwe Suid-Afrika nie, sou ek seker steeds links gewees het. Daarom moes ek dikwels met die Veiligheidspolisie namens kliënte onderhandel wat in aanhouding was. Gister se ervaring het my ‘n gevoel van déjà vu gegee. Dit was presies dieselfde, dieselfde mense, dieselfde metodes, dieselfde kyk in die oë. Een van: ‘Te hel met jou. Ons maak wat ons wil.'”

Dr. Dan Roodt van PRAAG het intussen verklaar dat “daar geen bande tussen PRAAG en South Africa Sucks bestaan nie. Terwyl South Africa Sucks se hooffokus misdaad en Suid-Afrika se rasseprobleme is, wil praag.co.za ‘n onafhanklike, algemene kuberkoerant wees wat lesers oor allerlei sake inlig en ook onverskrokke, maar beskaafde kommentaar lewer. Hoewel die feite oor misdaad wat in South Africa Sucks vermeld word gewoonlik waar is, handhaaf die blad ‘n polemiese en uitdagende toon wat nie ons styl is nie. Maar dis Uhuru Guru se goeie reg, indien Suid-Afrika wel ‘n demokrasie met spraakvryheid sou wees. Die huidige gebeure laat egter twyfel of Suid-Afrika veel langer op die etiket ‘liberale demokrasie’ sal kan aanspraak maak.”

Dr. Roodt was egter vol moed dat die alternatiewe Afrikaanse media die huidige aanslag van die staat sou oorleef. “Die ANC is ‘n magshonger monster wat geen teenspraak of alternatiewe sienings duld nie. Immers het die beweging sy tande in die ou Oos-Europa geslyp waar totalitêre bewinde alle aspekte van die samelewing beheer het. Daarom, toe ons praag.co.za as ‘n e-koerant gevestig het, het ons die blad se bediener in die VSA opgestel waar ons die beskerming van die Amerikaanse grondwet en wette oor vryheid van spraak geniet. Nóg die ANC, nóg die Veiligheidspolisie wat tans ‘n voorbeeld van South Africa Sucks gemaak het, kan ons stilmaak. Al word ons almal in die tronk gesit weens ons menings teen geweldsmisdaad en meerderheidsoorheersing in Suid-Afrika, beskik ons ook oor mense in oorsese lande wat die webwerf van daar af kan bedryf en aanhou publiseer.”

Die Hogan-hop

{jathumbnail off}

лайт люстры лобановский обыск

Hogan skerm vir Eskombaas

Barbara Hogan, minister van openbare ondernemings, sê die omstrede hoof van Eskom, Jacob Maroga, is nie alleen verantwoordelik vir dié kragreus se probleme nie.

Hogan het Woensdag op vrae van die nasionale vergadering reageer en gesê dit is onregverdig om Maroga te blameer.

Fin24 het vroeër berig dat pres. Jacob Zuma ingegryp het om te keer dat die Eskomraad Maroga in die pad steek.

Die raad is nou in ‘n stryd met die regering gewikkel.

“Intussen swyg Eskom oor die feit dat hy nou nie meer ‘n baas het nie. ‘n Amptelike woordvoerder word vir die afgelope paar dae lastig geval vir inligting, maar kon nog nie antwoorde verskaf nie,” het Fin24 berig.

Hogan se woordvoerder en die presidensie weier ook om kommentaar te lewer.

Volgens Fin24 is die raad ontevrede met Maroga oor die manier waarop hy ‘n verslag van Susan Olsen hanteer het.

In Julie 2007, ses maande voor die kragkrisis, het Olsen, ‘n Amerikaanse kragkonsultant, Maroga in ‘n verslag gewaarsku dat Eskom se steenkoolafdeling mits ernstige stappe gedoen word, “‘n ineenstorting in die gesig staar”.

Cobus Schmidt, ‘n woordvoerder van die DA, het gesê dit was nie Zuma se plek om aan die Eskomraad voor te skryf dat hulle Maroga nie kan afdank nie.

Hy sê Maroga moet vir verskeie redes in die pad gesteek word.

Dié redes sluit in sy besluit om Olsen af te dank en die verlies van R2 miljard per dag toe Suid-Afrika hard geslaan is deur beurtkrag.

играшки Александр Фильчаков

Studente brand lesingsaal af, beskadig biblioteek, rekenaarlokale

‘n Lesingsaal by die Universiteit van Zululand is aan die brand gesteek en die gebou is met klippe bestook toe ‘n studenteraadsvergadering verdaag het.

“Een lesingsaal is heeltemal verwoes nadat dit aan die brand gesteek is en ‘n hele aantal ander geboue is ook deur ‘n klipgooiery beskadig,” het Sishokonke Mapisa, die sekretaris van die universiteit, gesê.

“Skade van oor ‘n miljoen rand is aangerig.”

Studente het die biblioteek, rekenaar lokale en lesingsale beskadig.

Volgens Kapt. Thulani Zwane, ‘n polisiewoordvoerder, word die saak ondersoek en is niemand nog in hegtenis geneem nie.

Xolani Ngwezi, sekretaris van Sadesmo het gesê dat die SA Students Congress (Sasco) verantwoordelik is vir die skade.

Hulle het glo uit ‘n studenteraadsvergadering geloop weens ontevredenheid rondom die verkiesingsproses.

стоматология