{jathumbnail off}
Skrywer: Dan Roodt
Afrika gereed vir Chinese hulp
Afrika se ministers van buitelandse sake het China se belofte om amper R80 miljard aan Afrika te leen, verwelkom.
Hulle het egter bygevoeg dat die samewerking van elke individuele streek van groot belang is.
“Afrika is gereed vir ontwikkeling.”
“Afrika is al vir te lank agtergelaat en is nog altyd gemeet aan ongebalanseerde standaarde,” het minister Moses Wetangula van Kenia gesê.
“Byvoorbeeld, Europa het ‘n ander stel standaarde vir Oos-Europa as vir Afrika,” het hy gesê.
“Nou bied China vir ons die finansiering en die vaardighede om, byvoorbeeld, ‘n nuwe spoorlyn aan te lê.
“Wie sal dan nou nie so ‘n kans aangryp nie?”
Minister Wen Jiabao van China het tydens die Forum on China-Afrka samewerking in Egipte, lenings van amper R80 miljard aan Afrika beloof.
Die fokus sal wees op die verligting van armoede, sowel as bystand in landbou en infrastruktuur.
Hulle beoog ook om tariewe op goedere van die minder-ontwikkelde Afrika-lande, te lig.
Zainab Bangura, Sierra Leone se minister van buitelandse sake, het gesê dat hulle al baie gebaat het uit samewerking met China.
Hy en Jiabao het egter klem gelê op die feit dat daar na interne samewerking op die kontinent gestreef moet word.
Daar sal tydens die forum vergaderings tussen Chinese verteenwoordigers en verteenwoordigers van omtrent 50 Afrika lande gehou word om ‘n aksieplan vir die volgende drie jaar te bewerkstellig.
Vrou steek seun aan die brand
‘n Swart vrou van Oos-Londen is in hegtenis geneem nadat sy glo ‘n vierjarige seun aan die brand gesteek het en sy dood veroorsaak het.
Volgens polisie in die Oos-Kaap het die vrou glo Sondagmiddag brandspiritus oor die seun uitgegooi en hom aan die brand gesteek. Die voorval het in die Mdantsaneplakkerskamp plaasgevind.
“Die vrou was onder die indruk dat die seun in haar huis wou inbreek. Die bure het gesien hoe die seun, bedek in vlamme, uit die huis gestorm kom terwyl hy skreeu en roep om hulp,” het kapt. Mluleki Mbi gesê.
Die bure het die vlamme geblus en die kind na ‘n nabygeleë hospitaal geneem. Hy is later as gevolg van sy brandwonde dood.
Mbi sê die seun het rondom 15:00 na die vrou se huis gegaan opsoek na ‘n maat om mee te speel.
Die vrou sal Dinsdag op ‘n klag van moord in die Mdantsane landdroshof verskyn.
Terrorismesaak teen Bennett uitgestel
Die hooggeregshof in Zimbabwe het Maandag die terrorisme-saak teen Roy Bennett, ‘n top assistent van Zimbabwe se eerste minister Morgan Tsvangirai, uitgestel.
“Die saak is voorwaardelik na Woensdag uitgestel,” het regter Chinembiri Bhunu gesê na die saak wat in die oggend afgeskop het.
Bhunu moet ‘n uitspraak lewer oor ‘n aansoek van die staat dat die verdediging se argumente geskrap word omdat dit nie behoorlik voorgelê is nie. Bhunu moet ook sê of ‘n sleutelgetuie van die staat mag getuig.
Bennet, ‘n voormalige wit boer en die tesourier van Tsvangirai se party, die Beweging vir Demokratiese Verandering (MDC), word daarvan aangekla dat hy president Robert Mugabe drie jaar gelede probeer omverwerp het.
Bhunu sal glo ook beslis oor ‘n aansoek deur die verdediging dat Peter Hitchmann, wat volgens die staat vir Bennett in die terrorisme- en wapenklagtes ingesleep het, nie moet getuig nie.
Soortgelyke klagtes teen ander amptenare van die MDC is reeds uit die hof gegooi en Bennett se inhegtenisname verlede maand het Tsvangirai aangemoedig om die eenheidsregering van Zimbabwe vir drie weke te boikot. Dit is in ‘n poging om die spanning in die magsdeling uit te wys.
Bennett is tans uit op borgtog en kan moontlik die doodstraf in die gesig staar indien hy skuldig bevind word.
Maroga bly, Godsell loop
Jacob Maroga het Barbara Hogan, minister van openbare ondernemings, in ’n brief in kennis gestel dat hy homself steeds as die uitvoerende hoof van Eskom beskou, volgens Vytjie Mentor, voorsitter van die parlement se portefeulje-komitee rakende openbare ondernemings.
Nadat nuus Maandag bekend geraak het dat Godsell bedank het, het Mentor die brief bevestig. “Hy het gesê hy aanvaar volle beheer oor al sy verantwoordelikhede, insluitend om op die direksie te wees, hy sal die onderneming bestuur,” het Mentor gesê.
Intussen het die Black Management Forum Maandagmiddag reeds Godsell se bedanking en Maroga se terugkeer verwelkom.
“Ons spreek ons waardering uit dat hy bedank het. Dit was die regte ding,” het die organisasie se besturende direkteur, Gaba Tabane, gesê.
“Ons verwelkom dit ook dat Maroga terug is by die werk.”
Intussen het ekonome gesê Godsell se bedanking is ’n “groot terugslag” wat buitelandse beleggers wat vrese het oor politieke inmenging, kan afskrik.
“Dit wil voorkom asof die gesag van die direksie ondermyn word. Dit wil ook voorkom asof die korporatiewe bestuur by Eskom erg geskud is,” het Chris Hart, ekonoom van Investment Solutions, gesê.
“Die implikasie is dat daar politieke inmenging was, dit sal betreurenswaardig wees as dit die geval is,” het Ulrich Joubert, ekonoom van Kruger International, gesê.
“Dit sal ’n paar wenkbroue in die beleggingswêreld laat lig. Finansiële markte hou nie normaalweg van politieke inmenging nie,” het Joubert gesê.
Ayanda Shezi, woordvoerder van die departement van openbare ondernemings, kon nie teen 15:00 bevestig of die res van Eskom se direksie ook bedank het nie.
Die kanker is nie in 1989 genees nie
Vandag, twintig jaar gelede, het die Berlynmuur geval. Soos Dan Roodt dit stel, was daar nie juis groot blydskap hieroor te bespeur by die Xhosagodjie Mandela of die Slovo’s van die lewe nie. Jakes Gerwel, vandag ‘n grootkop in Naspers, het selfs ‘n traan gestort toe hy die beeldmateriaal gesien het, bid jou aan!
Dit sou naïef wees om ons te verbeel dat die kommunisme verdwyn het op daardie heuglike dag. Dit was weliswaar ‘n gevoelige slag vir daardie uitgediende en simplistiese ideologie, maar soos ‘n onkruid of kanker was dit nie so maklik om dit uit te roei nie. Die kommunisme van die gees het bloot baie meer subtiel geword, maar is vandag nog net so aktueel en kwaadaardig soos die kanker wat dit voorafgegaan het.
Vandag noem mens dieselfde kwaadaardige gewas politieke korrektheid en multikulturalisme. Uitgesonderd die meer gewelddadige aspekte van sy voorganger, het dit al die kenmerke daarvan.
Die grootste beskrywings van die kommunisme is deur iemand wat self ‘n voormalige kommunis was, George Orwell, geskryf. Sy boeke 1984 en Animal Farm is uitstekende gelykenisse vir die lewe onder die kommunisme. In die boek 1984 was Engels getransformeer (bekende woord, transformasie, nie waar nie?) na ‘n nuwe taal, Newspeak. Nie net moes die mense reg praat nie, maar ook reg dink. Dit maak nie saak of die feite die ideologie weerspreek nie, jy durf nie die verkeerde denke, wat Big Brother nie aangestaan het nie, gekoester het nie.
Politieke korrektheid en multikulturalisme is presies so verdrukkend as die Sowjet-regime. Jy kon voor 1989 na die koelak gestuur word as jy “teen-rewolusionêre” uitlatings gemaak het. Dis steeds met ons. As jy dit vandag waag om byvoorbeeld te sê dat die swart-op-wit geweldskoers buitensporig hoog is, kan jy jou eweneens in ‘n virtuele koelak bevind. Jy sal as rassis gebrandmerk word (in die ou Sowjet-Unie was jy ‘n “vyand van die rewolusie”) en jy kan maklik jou werk kwyt wees.
Durf jy protes aanteken teen die Rooi Rewolusie (in SA noem ons dié rewolusie transformasie) soos die Reitzhuis-studente, sal jy deur die hedendaagse Prawdas uitgekryt word as ‘n rassis, uit die universiteit geskop word en van crimen iniuria aangekla word. Die Rooi Wagte (in SA is hulle swart) wat op die Kovsiekampus dreig om “wit tewe” te verkrag, en op Tukkies se kampus dreig om blanke studente dood te maak, word egter toegelaat om hulle haatspraak te besig. Presies nes skrywers soos Solzhenitsyn gedemoniseer is en inderdaad geterroriseer is, word skrywers wat durf waag om afvallige opinies te huldig, deur die hedendaagse KGB geterroriseer.
Die wiel draai egter. Daar was ‘n groot heksejag in Pole en Duitsland op informante vir die gehate geheime polisie, die Stasi in Oos-Duitsland. Vandag is daardie einste informante steeds met ons; agterlike dinosourusse wat nie die vermoë het om vir hulself besluite te neem nie, diegene wat meegevoer word en gebreinspoel word deur die heersende ideologie en dus gedienstig, soos die breinlose robotjies wat hulle is, die Party se ideologie spu.
Die vraag is: hoe lank gaan dit neem voor ons onsself ook genees van die kanker van die nieu-kommunisme bekend as politieke korrektheid en multikulturalisme?
‘Hanteer’ neo-Nazi’s deesdae die polisie?
Die hele sage rondom die arrestasie van Uhuru Guru van South Africa Sucks is nog lank nie verby nie en vandag het ons ‘n lang brief deur hom gepubliseer waarin hy sy kant van die saak stel.
Iets wat egter ook vorendag gekom het, is die rol wat mnr. Fred Rundle, ‘n bejaarde neo-Nazi wat insgelyks bande met die AWB het, in die vervolging van die webmeester van South Africa Sucks gespeel het. ‘n Dertigtal polisiemanne het naamlik op Rundle se aandrang (of dalk sy bevel?) die voordeur van UG alias Bert Oosthuizen se huis oopgeskop, agterna al sy rekenaartoerusting, waaronder hardeskywe van sy kliënte, gekonfiskeer en sy hele gesin geterroriseer.
Ook het die polisie sorgvuldig foto’s geneem van alle boeke wat die uwe geskryf het en wat op Bert Oosthuizen se boekrak verskyn het. Die vraag het nou by my ontstaan: het dit weereens, soos destyds onder die NP-regering, onwettig geword om boeke van Dan Roodt op jou rak aan te hou?
Die gevaar wat my roman en opstelle vir die samelewing inhou, is moontlik presies waaroor dit gaan. Want Rundle en diverse aanhangers van die Israelvisie, asook die eerste wegbreekfaksie van die HNP – daar bestaan ook ‘n tweede wegbreekfaksie van die HNP, waaroor binnekort meer – is lank reeds besig met ‘n veldtog teen my en veral sekere satiriese gedigte wat ek op die ouderdom van twintig geskryf het. My juvenilia word gesien as ‘n voorbeeld van “ontaarde kuns” oftewel “entartete Kunst” soos die Nazi’s gesê het. Joost, wat by geleentheid kokaïen snuif en met ontkleedanseresse verkeer, of Steve word al hulle sondes vergewe; al praat Steve se kinders ook Engels, bly hy ‘n “trotse Boer” soos vanmôre se Beeld berig. Maar dít wat ek meer as dertig jaar gelede as student geskryf het, is onvergeeflik.
Daar is egter nog ‘n groter skandvlek wat ek (asook Bert Oosthuizen se vrou en kinders) moet dra. Want sien, “Rooi Danie Roodt” soos Jeanette Koekemoer van die HNP se tweede wegbreekfaksie, die Afrikanervolksparty, na my verwys in e-posse en op dié party se webwerf, is nie raseg nie… Soos sy in ‘n epos aan haar vriend Fred Rundle op 28 September 2009 skryf:
“Luister mooi Fred… jy mag ook weet dat dit nie ‘mense’ is wat beweer dat Rooi Daan Roodt Joodse bloed in hom het nie – dit is feite.
Sy ouma, – ‘n meisie uit ‘n stoere boerefamilie wat trots was op hul nasionalistiese herkoms en van wie die oupa (Daantjie se oupagrootjie, Pik (Botha) se oupa) die hele Anglo Boere-oorlog as held deurgeworstel het (boek beskikbaar by Bienendell), – is getroud met die Jood der Jode destyds toe geld skaars was en sy verblind is deur hierdie man (wat) sy slaafs aanbid het vir die weelde wat hy haar gebied het. Net daar het hierdie Jood haar help ophou kerktoe gaan en so is tot haar kleinkinders kerkloos…
Hoef seker niks meer te sê?”
Jeanette Koekemoer en Fred Rundle wat deesdae die SAPD se klopjagte op dissidente webmeesters orkestreer in die ware sin van die woord, want daar daag ‘n hele simfonieorkes van polisiemanne en polisieafdelings by jou huis op, se standaarde van rasegtheid is egter so hoog dat hulle s’n selfs dié van die Nazi’s oortref. Enigeen wat Anna M. Louw se pragtige roman Wolftyd gelees het, sal weet wat die woord “Mischling” beteken, met ander woorde Duitsers wat ook Joodse voorouers gehad het. My oupa aan moederskant was slegs ‘n halwe Jood omdat my oupagrootjie met ‘n Skotse vrou getroud is. Terloops, hoewel my oupagrootjie ‘n Jood was, het hy tydens die Tweede Vryheidsoorlog wapens en ammunisie aan die Boeremagte verskaf en het die Engelse ‘n prys op sy kop gesit sodat hy eers jare ná 1902 dit kon waag om weer sy voete in die land te sit. Vergelyk dit nou met die horde verraaiers aan Boerekant wat deur die Engelse vir hul verraad beloon is…
Dis algemeen bekend dat die Nazi’s se raswetenskap allesbehalwe wetenskaplik was en dat dit merendeels uit ‘n soort “potloodtoets” bestaan het. Trouens, as daar onsekerheid oor ‘n persoon se “voorkoms” was, is daar na die geloof van sy grootouers gekyk. Al vier my grootouers was egter Christene, al het sommige van hulle (soos my “stoere” Boere-ouma) eienaardige interpretasies van die Bybel gehad wat nie noodwendig met die hoofstroomteologie gestrook het nie.
Die berugte Nürnberger Gesetze van 1935 het die Nazi’s se reëls oor Mischlinge of mense van “gemengde afkoms” vasgestel. Amusant genoeg, kon “kwart-Jode” (soos my ma) met rasegte Duitsers trou en hulle kinders (agste-Jode, soos ek) is as “Deutschblütiger” (Duitsbloediges) beskou. Huwelike van kwart-Jode met mekaar is egter nie toegelaat nie.
Dít alles om te sê dat Fred Rundle ‘n soort super-Nazi is wat hoë ideale van rassuiwerheid aanhang as hy en Jeanette Koekemoer my “onsuiwere” afkoms as “feite” bespreek. Sy hele aksie teen Bert Oosthuizen word daarom ten dele ook gemotiveer deur Oosthuizen se huwelik met ‘n Christen-vrou, maar met ‘n kwart Joodse bloed in haar are…
In ‘n erg gekruide e-pos vaar Rundle teen Bert Oosthuizen en sy gade uit deur te sê: “And also you admit that the disgusting whore you are married to is a dirty Jew bitch! I have no time for dirty Jews they are worse than kaffirs… I never trusted you for betraying our people and so dirtying our blood. Your wife is a dirty Jew and your children are half-breed spawn from the synagogue of Satan. I wish the kaffirs will teach you a lesson and rape and kill your children you sick twisted perverted bastard.”
Fred Rundle gaan in dieselfde e-pos voort deur my, Bert Oosthuizen en Frikkie Potgieter as “verraaiers” te bestempel wat by ‘n AWB-vergadering aan die kaak gestel sal word:
“For the third time I invite you to show your face at Trim Park in Ventersdorp to come and face the people on Saturday. When I take the podium the people will find out who real the enemies and traitors of rhe Boervolk are. Bert Oosthuizen, Dan Roodt and Frikkie Potgieter, joiners and traitors of the Boervolk! They are working hand in hand with the ememy towards our downfall. But they have a big surprise coming. When the day comes when the Boervolk regains its freedom, these traitor bastards will be hanging from the trees with ropes around their necks.
Stay strong people our day is coming. We must fight the enemy wherever he is, even if the enemy is some of our own people.”
Is dit nie insiggewend dat die SA Polisiediens, waarvan een kwart van die lede oor misdaadrekords beskik en sommige in uniform blanke vroue verkrag, nou ook ag slaan op neo-Nazi’s en “Ariërs” soos Fred Rundle wat die wêreld van mense met hoogstens ‘n breukdeel Joodse bloed wil suiwer nie? Daar bestaan natuurlik heelwat raakpunte tussen swart nasionalisme en nasionaal-sosialisme. Marcus Garvey, die vader van swart nasionalisme wat by geleentheid ook deur Mbeki aangehaal is, was ‘n groot bewonderaar van Adolf Hitler.
Maar soos wat Suid-Afrika uitrafel, sal ons seker nog vreemder ideologiese manifestasies aanskou. Want terwyl die Jodin Gill Marcus vir Tito Mboweni as goewerneur van die Reserwebank opvolg en die Joodse gemeenskap in Johannesburg die aantal Jode in ANC-magsposisies vier, het die ANC se departement van buitelandse sake ‘n onverbiddelik pro-Palestynse standpunt ingeneem. Terselfdertyd is die polisie besig om hand om die blaas met neo- of super-Nazi’s teen Afrikanerwebmeesters op te tree wat dalk iewers ‘n baie vae verband met Jode het.
Noudat ek daaraan dink, Max du Preez het mos ook op ‘n stadium beweer dat ek nie van “suiwer Afrikanerafkoms is nie”. Sy kinders se huistaal is egter… reg geraai, Engels.
Wat ‘n sirkus! En die aartsnar Malema is nog nie eens president nie.
SA boulers so venynig soos blommetjies
Die deeltydse krieketspelers uit die land van staatsgedrewe anoreksie het gister koeëlvas gelyk teen die beste wat die Protea-boulaanval in hulle rigting afgevuur het. Tatenda Taibu en Stuart Matsikenyeri het met groot sorgeloosheid 188 lopies van 193 balle gesloeg. Dit het gekom na ‘n topordeintuimeling wat Zimbabwe vyf paaltjies gekos het vir ‘n katspoegie meer as 40 lopies. Die Proteas het darem die ordentlikheid gehad om te wen, maar dit net omdat hulle kolwers 295 lopies van ‘n lustelose aanval af geslaan het.
As die SA boulers vergeet hoe gehalte boulwerk lyk, kon hulle maar net op TV gekyk het hoe die Australiese tweetal, Mitchell Johnson en Doug Bollinger, die Indiërs in Kerrieland vloer toe geboul het. Johnson het 3 vir 39 gevat en Bollinger het terreur gesaai met 5 vir 35.
Dis die soort boulwerk wat nodig gaan wees teen ‘n Engelse span wat luilekker die Warriors afgeransel het. Andrew Strauss het ‘n moeitelose 117 geslaan. Dit lyk nie of daar ‘n Kersfees hierdie Desember vir die Proteas gaan wees nie.
Vrystaat kom help!
Die Springbokke se skrumvertoning was Vrydagaand so verlep dat selfs Peter de Villiers dit agtergekom het. Gelukkig vir hom was die vergruisde voorry van die aand, Jannie du Plessis, Gurthrow Steenkamp en Chilliboy Ralepelle bedagsaam genoeg om beserings op te doen. Beserings is niks om oor te grinnik nie, maar die een se seer is die ander se eer, kan mens sê. Die keer kom die agterstallige eer die Vrystaters Adriaan Strauss en Wian du Preez asook die verloopte Vrystater CJ van der Linde toe. So, daar is hoop…
All Blacks doen alles aan Wallis
Nieu-Seeland se liefling, Dan Carter, het Saterdag geen genade gehad met ‘n desperate Wallis nie. Hy het veertien punte raak geskop en met haker Andrew Hore se drie daarby, het die All Blacks 19 punte gebank, oorgenoeg om Wallis se gaaie vir die 21ste keer in ‘n ry sedert 1953 te skop. Al Wallis se manne, en al Wallis se perde was nie genoeg om te keer dat hulle eier weer ‘n keer van die muur afval nie.
Die triomf van Jonny Wilkinson
Hy kan lak, hy kan skop, hy kan uitgee. Jonny Wilkinson was Saterdag die koning van Twickenham in Engeland se wedstryd teen Australië. Die man was kalm, die man was doelgerig en die man was inspirerend in sy eerste toetswedstryd in agtien maande. Die hele Engeland was aangedaan en gaande. Hy het al Engeland se punte – nege daarvan – aangeteken. Met soveel voortreflikheid wat uitgestal is, word dit in Brittanje as ‘n blote tegniese hinderlikheid beskou dat die Engelse die wedstryd verloor het, net omdat die Australiërs 18 punte aangeteken het.
Olie na hartelus
Wanneer dit kom by hartgesondheid, mag gesuiwerde olyfolie beter wees as ander groente-olies, luidens nuwe navorsing.
Volgens Europese navorsers mag gesuiwerde olyfolie veral doeltreffend wees om die risiko van hartsiektes te verminder vanweë die hoë vlak van antioksidante wat dit bevat.
In ‘n studie van 200 gesonde mans het navorsers bevind dat gesuiwerde olyfolie – ryk in antioksidante wat bekend is as polifenole – sterker hartgesondheidseffekte toon as die geprosesseerde “nie-gesuiwerde” soorte.
Die bevindings dui daarop dat daar meer is aan gesuiwerde olyfolie as net die voorsiening van hartgesonde mono-onversadigde vet, luidens die studie se skrywers. Hulle meen dat polifenole verantwoordelik is vir die gesondheidsvoordele wat toegeskryf word aan dié olie.
Eintlik is gesuiwerde olyfolie die enigste groente-olie wat ryk is in polifenole, het dr. Maria-Isabel Covas, die studie se hoofnavorser, gesê.
“Alle groente-olies, behalwe gesuiwerde olyfolie, ondergaan ‘n proses waarin alle polifenole bykans verlore raak,” het dr. Covas, ‘n navorser verbonde aan die Munisipale Instituut vir Mediese Navorsing in Spanje gesê.
Selfs “gewone” olyfolie het ‘n laer polifenool-inhoud omdat dit ‘n versnit is van gesuiwerde olyfolie en ‘n meer geprosesseerde vorm van dié olie.
Vir die studie is 200 jong en middeljarige mans aangesê om drie olyfolies oor ‘n kwessie van drie weke te gebruik. Een olie was ‘n gesuiwerde olyfolie wat hoog is in polifinole; die ander twee is verder geprosesseer met gematigde tot lae polifenool-vlakke.
Die mans het die olie in die plek van ander dieet-vette gebruik.
Teen die einde van die studie het die navorsers bevind dat die mans se vlakke van “goeie” HDL cholesterol baie hoog was nadat hulle drie weke lank gesuiwerde olyfolie gebruik het. Hulle het ook ‘n afname getoon in sogenaamde oksidatiewe stres, ‘n proses waarin “slegte” LDL cholesterol in are gestort word.
Mono-onversadigde vette is lankal reeds bekend as ‘n gesonder alternatief tot die versadigde vette wat in diereprodukte soos botter gevind word, het dr. Covas gesê. Dit, tesame met die voordele van polifenole, maak van olyfolie ‘n “goeie bron van goeie vet”.
Toets jou kennis van die olyf deur telkens Waar of Onwaar te antwoord. Met vergunning van Olyfboom
Tel dan jou korrekte antwoorde. As jy meer as 15 uit 20 reg het, klop jouself op die skouer. Jy het ’n lewendige belangstelling in olywe en praat met gesag.
1. Frantoio is ’n kultivar wat hoofsaaklik vir die maak van olyfolie gebruik word.
2. ’n Olie met ’n delikate geur is die ideale pasmaat vir roerbraaigeregte, pastasouse en mengelslaai.
3. Frantoio het ’n intense olyfgeur.
4. Hoe groener die olywe wanneer dit gepluk word, hoe groener die kleur van die olie.
5. Die kleur van olyfolie is ’n aanduiding van gehalte.
6. ’n Goeie olie hou 12 maande, totdat die volgende oesjaar vrygestel word, in ’n donker bottel.
7. Die verskil tussen “Extra Virgin” en “Virgin” olyfolie is dat eersgenoemde gemaak word van olie wat net een keer gepers word.
8. Die verteerbaarheid van olyfolie word deur verhitting beïnvloed.
9. Die Griekse godin wat volgens legende ’n olyfboom uit die aarde opgetower en sodoende die gode se guns gewen het, se naam was Athena.
10. Pesto, ’n geïnspireerde konkoksie van vars kruie, olyfolie, knoffel, kaas en dennepitte wat as ’n vars sous met pasta geniet word, is in Genoa uitgedink.
11. “Olive Pomace Oil” is olyfolie van ’n swakker gehalte.
12. Olyfolie hou langer as dit in die yskas gebêre word.
13. Verfynde olyfolie (“Refined olive oil”) is ’n superieure produk.
14. Manzanilla is die tafelolyf wat meestal uitgehol en met soetrissie of knoffel gevul word.
15. Die gewildste olyfkultivar in Suid- Afrika is Kalamata.
16. ’n Jong olyfboom het nadat dit geplant is, nie meer as 5 liter water per week nodig nie.
17. Die groot groen ghoens word van die kultivar Barouni gemaak.
18. Die vier Manzanilla-olyfbome in jou tuin groei fantasties, maar hulle wil nie dra nie. Windskade is die mees voor-die-hand-liggende oorsaak.
19. Wanneer jy olywe koop om self in te lê, is dit belangrik dat die olywe almal dieselfde grootte moet wees.
20. Throubes is ’n Griekse olyfkultivar.
ANTWOORDE
1. Waar. Frantoio, saam met Leccino, is die belangrikste oliekultivars in Suid- Afrika. 2. Onwaar. Hoewel mense persoonlike voorkeure het, is ’n delikate olie nommerpas saam met gestoomde vis, groente en aartappels in die skil. Medium vrugtige olie met grasagtige geure is meer geskik vir pasta en groenslaai.
3. Waar. Veral as dit jonk en vars is.
4. Waar. Die kleur van die olie hang egter meer af van faktore soos kultivar- en grondtipe, as van rypheid.
5. Onwaar. In Italië word olyfolie amptelik in ’n blou glas geproe, sodat die kleur geen rol kan speel by die beoordeling van gehalte nie.
6. Onwaar. ’n Goeie olie hou maklik 18 maande wanneer dit weg van hitte, lig en lug gestoor word.
7. Waar. “Extra Virgin” moet egter minder as 1 persent suur bevat, terwyl “Virgin” tot 3 persent suur kan bevat.
8. Onwaar. Olyfolie kan ses tot sewe keer verhit word sonder dat dit enige gesondheidsvoordele inboet.
9. Waar.
10. Waar. Die oorspronklike weergawe, met basilie, staan bekend as Pesto Genovese. Probeer gerus om jou eiers in pestobotter te braai, of kikker mayonnaise met ’n eetlepel pesto op.
11. Onwaar, want dit mag glad nie as olyfolie geklassifiseer word nie. Dit word chemies geëkstraheer uit die soliede doppekoek wat agterbly nadat die olywe gepars is.
12. Onwaar. Dit sal verdik en stol.
13. Onwaar. Net soos “Pomace Oil” word dit chemies gemanipuleer, wat die unieke geure bederf en baie van die gesondheidsvoordele vernietig.
14. Waar.
15. Onwaar, hoewel dit die mees gesogte keuse is onder plaaslike verwerkers. Die kultivar wat die meeste aangeplant word, is Mission, omdat dit vir olie sowel as tafelolywe geskik is. Mission lewer ’n delikate olie met subtiele geure.
16. Onwaar. Dit benodig omtrent 15 tot 20 liter water weekliks.
17. Waar, hoewel dit in die spreektaal meestal as Queen-olywe bekend staan.
18. Onwaar. Die olyf is minder onderhewig aan windskade as ander vrugsoorte. Die rede is waarskynlik ’n gebrek aan kruisbestuiwing. Plant gerus ’n Frantoio saam met die ander en kyk wat gebeur.
19. Onwaar. Grootte maak glad nie saak nie. Dis egter baie belangrik dat hulle ferm moet wees!
20. Onwaar. Dit is songedroogde olywe wat droog verpak word. Dit word geweeg en in die verhouding 9 dele olywe tot 1 deel growwe sout gemeng. Die eerste maand word dit daagliks gemeng deur in ’n houer te skud of te rol, daarna algaande minder totdat dit drie maande later gereed is, dalk selfs langer. As dit te sout vir jou palaat is, kan dit ’n rukkie in water geweek word, gedreineer en dan in olyfolie saam met Provensaalse kruie of karweisaad gerol word. Heerlik!
Hoe lank kan olyfolie hou? Alle goeie olies behoort duidelik aan te dui wanneer die leeftyd van die produk verval. Die leeftyd van olyfolie kan so kort as drie maande wees indien dit nie reg gestoor was nie, dit in ’n deursigtige glasbottel verkoop word, op ’n rak in die supermark bokant verhitte deli-produkte uitgestal word, en tuis in helder lig sonder die prop rondstaan. Dit kan drie tot vier jaar lank hou mits die vrugte gesond halfryp geoes is, ’n kultivar is wat ’n hoë polifenoliese inhoud het, gefiltreer en in ’n goed verseëlde donker bottel verpak is, en deur die handelaar sowel as die verbruiker op ’n koel, donker plek gebêre word.