Die finale besluite omtrent toekenning van tenders moet uit die hande van politici geneem word, het ANC-president Jacob Zuma op Vrydag gesê.
“Ons moet die toekenning van tenders wegneem van die mense wat in politieke diens staan. Ons moet dit skei” het hy gesê.
In reaksie op ‘n vraag tydens ‘n Kaapstadse persklubontbyt, het hy ‘n meganisme soos ‘n tenderraad voorgestel om sulke sake te hanteer.
“Dit sal baie help om korrupsie op teen te werk, veral op regeringsvlakke.”
Zuma het gesê dat korrupsie oral teenwoordig was, en dat dit ongelukkigheid in Suid-Afrika veroorsaak.
Sjinese rekenaarkrakers het die Withuis se rekenaarnetwerk al verskeie kere binnegedring, en e-pos tussen regeringsamptenare in die hande gekry, het ‘n senior amptenaar aan die Financial Times gesê.
Die kuberaanvalle het vir kort tye deur die Withuis se veiligheid gebreek, wat hulle in staat gestel het om inligting te steel voordat kundiges die rekenaar sisteem weer kon beveilig.
Amerikaanse regerings-kuberkenners vermoed dat die aanvalle deur die Sjinese regering geborg word, maar kan dit nie definitief bewys nie.
Die nasionale kuberondersoektaakspan, ‘n eenheid wat in 2007 gestig is, het die aanvalle opgemerk. Die beampte het beklemtoon dat slegs die geklassifiseerde rekenaars aangeval is, en nie die meer veilige stelsels nie.
“Vir ‘n kort tydjie het die krakers deur die muur gebreek, waarna die muur weer herstel is. Dit is nie asof hulle onbepaalde toegang tot die stelsel het nie” het die beampte gesê. “Dit is ‘n konstante kat en muis speletjie, die soort van ding.”
Amerika het hulle pogings verskerp om kubersekuriteit te verseker in die afgelope jaar, veral nadat Sjinese krakers verlede jaar die Pentagon aangeval het, in ‘n aanval waarin die minister van verdediging, Robert Gates, se bediener wat die e-pos hanteer binnegedring is.
Amerikaanse regeringskuberondersoeke het vasgestel dat ‘n aanval op Obama en McCain se verkiesingsrekenaarnetwerke ook vanuit Sjina geloods is. Besonderhede van die aanval is die eerste keer op Newsweek bekendgemaak. Die geheimediens het aan Obama en McCain meegedeel dat hulle netwerke deur buitelandse kuberkrakers binnegedring is.
Terwyl Amerika kommer oor die aanvalle uitgespreek het, glo baie buitelandse regerings dat Amerika ook aan elektroniese spioenasie skuldig is. Bob Woodward, ’n veteraanverslaggewer van die Washington Post, het hierdie jaar onthul dat Amerika op die Irakse regering gespioeneer het.
Nkunda se soldate het beheer van Kiwanja oorgeneem op Woensdag, na hewige gevegte met die pro-regeringsmilisie, die Mai Mai. Dis net een van vele tekens dat die konflik besig is om te versprei in die ooste van die Kongo en die skietstaking besig is uitmekaar te val.
‘n VN beampte het gesê dat Kiwanja twee keer aangeval is. Die eerste keer deur die Mai Mai, wat die mense wat hulle beskuldig het dat hulle Nkunda se rebelle ondersteun en hulle vermoor het, waarna Nkunda se rebelle ingekom het en die wat hulle as Mai Mai ondersteuners beskuldig het vermoor het.
Die beampte het onder die voorwaarde van anonimiteit gepraat, aangesien hy nie toegelaat was om met verslaggewers te praat nie.
Dosyne milisiegroepe is bedrywig in die heuwels en valleie in die oostelike Kongo, ‘n wettelose gebied waar die regering en ‘n 17 000 man vredesmag vir jare al probeer om dinge onder beheer te bring.
Die gewapende groepe sluit in Mai Mai, etniese Hoetoes van Rwanda af, wat na die Kongo gevlug het nadat hulle gehelp het in die bloedige volksmoord in 1994 in Rwanda.
Nuwe gevegte tussen die weermag en rebelle het Donderdag uitgebreek noord van Kiwanja in die omgewing van Nyanzale, het die VN-woordvoerder Madnoje Mounoubai gesê. Die Kongolese weermag het hulle posisies daar verlaat en duisende vlugtelinge het ook gevlug uit die omgewing en skuiling gaan soek naby ‘n VN-basis, het hy gesê.
Later in Donderdag het die VN-vredesending in die Kongo bevestig dat Nkunda se magte die dorpies Nyanzale en Kikuku onder hulle beheer geneem het.
Nyanzle is een van drie operasionele weermagbasisse in noord-Kivu provinsie. Die rebelle het die grootste weermagbasis in oostelike Kongo op 20 Oktober oorgeneem.
Die jongste geweld is nog ‘n slag teen die wankelrige eensydige skietstilstand wat Nkunda op 29 Oktober geïmplementeer het nadat sy soldate die buitewyke van Goma bereik het met ‘n vinnige aksie wat die Kongolese weermag laat vlug het.
Die konflik in die oostelike Kongo word aangeblaas deur sluimerende etniese haat wat van die 1994-volksmoord en Kongolese burgeroorloë vanaf 1996 tot 2002, wat buurlande laat inkom het om die Kongo se minerale rykdomme te kom plunder.
VN-vredesmagte het nie die slagting in die ooste van die Kongo gekeer nie, het 'n segsman vir president Joseph Kabila Vrydag aan verslaggewers gesê.
"Mense word wreed vermoor en MONUC, die VN se vredesmag, doen niks," het Kudusa Kasongo gesê. Hy het in Nairoba met die media gepraat waar daar tans 'n internasionale spitsberaad gehou word waar gepoog gaan word om 'n oplossing vir die toestand in die ooste van die DRK te vind.
Kongolese magte wat deur general Laurent Nkunda gelei word, het 'n weekoue skietstilstand Donderdag gebreek. Human Rights Watch sê ongeveer 20 burgerlikes is in die jingste gevegte dood.
Italië se uitgesproke premier, Silvio Berlusconi, het ‘n goeie begin gemaak deur die nuwe Amerikaanse President te komplimenteer met sy mooi "sonbruin" gelaat.
Mediamagnaat, Berlusconi, (72) het die opmerking gemaak terwyl hy Moskou besoek het, en gesê het Obama was jonk, aantreklik en mooi gesonbrand.
Gisteraand toe Berlusconi van alle kante veroordeel is vir die oënskynlik rassistiese opmerking, het hy gevra “wat is die probleem aangesien dit ‘n kompliment was. Indien mense nie ‘n sin vir humor het nie, is dit hulle probleem.”
“Net imbesiele sal die opmerking as neerhalend beskou” het hy gesê.
Die webwerf van ‘n topverkoper Italiaanse dagblad, La Repubblica, het gesê dat Berlusconi 'n groot fout gemaak het.
“Wat Berlusconi nie besef nie, is dat sy woorde skadelik is vir die beeld van ons land in die oë van die wêreld. Om te sê dat die nuwe Amerikaanse president jonk, aantreklik en sonbruin is, sal deur die hele wêreld as offensief beskou word. Dit is gelaai met gevaarlike dubbelsinnighede,” het die redakteur gesê.
In 2002 het Berlusconi met sy eerste ontmoeting met die Deense Eerste minister, Anders Fogh Rasmussen, gesê dat Rasmussen nie net ‘n goeie kollega is nie, maar ook die mees aantreklike eerste minister in Europa.
“Hy is so aantreklik, dat ek selfs daaraan dink om hom aan my vrou voor te stel” het Berlusconi gesê.
Russiese koerante het Donderdag baie min aandag gegee aan Obama se oorwinning, en eerder gefokus op president Dmitri Medvedev se staatsrede.
Die Amerikaanse verkiesing was sekondêre status gegee deur verskeie groot dagblaaie, met ‘n grootliks feitelike weergawe van die uitslae van die verkiesing en donker voorspellings oor die toekoms van Russies-Amerikaanse verhoudings.
Groter aandag was gegee aan die Kremlinleier se toespraak, waarin vir groter wetgewingshervormings gevra is wat die presidensiële mandaat sal uitbrei.
In die regeringskoerant, Rossiiskaya Gazeta, het Mikhail Margelof, voorsitter van internasionale aangeleenthede, ‘n baie pessimistiese beskouing gegee.
“Ek dink Obama sal met die verloop van tyd verstaan, of dit sal aan hom uitgewys word, dat konfrontasie met Rusland nie vir Amerika enige voordele sal inhou nie,” het hy gesê.
“Op die oomblik bestaan sy span uit mense wie se houding jeens Rusland nie baie vriendelik is nie,” het hy bygevoeg.
Honderde mense in Indië se oostelike staat, Jharkhand, het Donderdag Obama se oorwinning gevier met sang, drommespel en deur lekkers uit te deel.
Die stamme se mense, wat van die minsbevoorregte mense in die Indiese gemeenskap is, het bymekaargekom vir die vieringe naby ‘n standbeeld van Mahatma Ghandi in die Morabigronde in Jharkhand se hoofstad, Ranchi, het die IAMS-nuusagentskap berig.
Stamleier, Bahurra Ekka, het gesê dat Obama, ‘n Afro-Amerikaner, se oorwinning ‘n groot stap was in die stryd teen rassediskriminasie.
“Dit is ‘n rooiletterdag in die geskiedenis van die wêreld” het ‘n plakkaat gelees by die byeenkoms.
Die stamme se mense, ook bekend as adivasis, of oorspronklike inwoners, maak sowat 8 % van Indië se 1,2 miljard mense uit. Jharkhand is een van die Indiese state wat ‘n groot bevolking van dié mense het, omtrent 26,3 % volgens die 2001 sensus.
Lede van Indië se stamgemeenskap is hoofsaaklik arm, met min grondbesit, ten spyte van 'n regstellendeaksiebeleid wat al vir dekades in plek is. Hulle leiers kla steeds oor rassediskriminasie.
“Swartmense het altyd teenstand in die wêreld gekry” het Bahura Ekka, ‘n stamleier gesê. “Ons glo dat met rassediskriminasie tot ‘n einde sal kom met Obama se oorwinning in die presidentsverkiesing.”
“Ons het gekies om die oorwinning te vier voor die standbeeld van Ghandi, wat die eerste persoon was om die stryd teen rassediskriminasie in Suid-Afrika te begin” het Ekka gesê.
“Die droom is verwesenlik” was die opskrif van die People Daily, terwyl die Daily Metro gelui het “Ons seun, ons hoop”. Albei koerante het gratis Obama-plakkate geadverteer.
Kenia se topdagblad, Daily Nation, het ’n foto van Obama met sy vrou en twee dogters op die voorblad gehad. In die hoofartikel sê dié koerant Afrika het groot verwagtinge van die eerste swart Amerikaanse president. “Daar is heelwat verkeerd met Amerika, die wêreld en die verhoudinge tussen die twee.”
Vir die eerste keer het navorsers al die gene van ‘n persoon met kanker gedekodeer en ‘n stel mutasies gevind wat die siekte veroorsaak of die verspreiding daarvan aangehelp het.
Selle van ‘n vrou wat aan leukemie oorlede is, is gedekodeer, en die wetenskaplikes het die DNS van haar normale, gesonde selle vergelyk met die wat deur kanker aangetas was. Daarna het hulle 10 mutasies opgespoor, wat klaarblyklik abnormale groei aanhelp, en die selle verhoed om teen normale tempo te groei wat die selle in staat stel om chemoterapie teen te staan.
Mutasies is genetiese foute, en die wat wel gevind is in die navorsing is nie ingebore nie, maar het later in die lewe ontstaan, soos wat meeste mutasies is wat kanker veroorsaak. Slegs 5 tot 10% van kankers word geag as van oorerflike oorsprong te wees.
Die nuwe navorsing, wat gekyk het na die hele genoom, al die DNS, en gemik het om al die mutasies in ‘n spesifieke kanker vas te stel, het heelwat verskil van vorige studies wat gekyk het na minder gene vir spesifieke mutasies. Die projek, wat maande geneem het, en 'n miljoen dollar gekos het, was moontlik gemaak deur onlangse nuwe tegnologie wat dit makliker en goedkoper gemaak het om 100 miljoen DNS deeltjies te toets as wat dit gekos het om voorheen 100 stukkies DNS te toets.
Die studie was gedoen by die Washington Universiteit in St. Louis en is in die joernaal Nature gepubliseer. Dit is die eerste verslag van genoomkanker en navorsers sê daar is nog baie op pad.
Helen Zille, leier van die DA het gister haar teleurstelling uitgespreek dat Jacob Zuma nie gaan deelneem aan die debat wat môre tussen politieke leiers gaan plaasvind nie.
ANC sekretaris generaal, Gwede Mantashe gaan in Zuma se plek die debat bywoon. Dit is ironies, aangesien dit Zuma was wat Sondag sy politieke opponente uitgedaag het tot ‘n debat. In die uitdaging het Zuma gesê dat die nuwe Shikotaparty en die DA geen beleid het om aan die mense te bied nie.
“Ek het vandag gehoor dat Zuma vir die vierde keer die geleentheid vir ‘n debat prysgegee het, dit is baie jammer, aangesien Zuma die opponente uitgedaag het vir die debat in sy toespraak in Soweto” het Zille gesê.
ZIlle het aan die organiseerder, The Star, gesê dat sy slegs sal deelneem indien Zuma self daar sal wees, “maar Zuma het die uitnodiging van die hand gewys en Gwede Mantashe sal nou die regerende party verteenwoordig”
“Hy toon ‘n baie duidelike minagting vir politieke opposisie en demokrasie” het sy gesê. “Ek herhaal my uitdaging aan Jacob Zuma om uit sy hoek te kom en die beleid van die regerende party te verdedig.”
