Atletiek – praag.co.za

Caster se turf kan eersdaags sit

Die manlike vroue-atleet, Caster Semenya, het ‘n goue medalje in die 800-meterwedloop vir vroue by die Olimpiese Spele in Rio de Janeiro gewen, maar nie almal is gelukkig met haar oorwinning nie.

Die kwellinge is geopper na ‘n aankondiging deur die president van die Internasionale Vereniging van Atletiekfederasies, Sebastian Coe, dat die IAAF wéér die internasionale hof vir arbitrasie in sport gaan nader.

Die hof het vroeër beslis dat vroue-atlete nie onderwerp mag word aan ‘n reël wat ‘n beperking stel op die hoeveelheid testosteroon wat natuurlik voorkom nie.

Vroue wat bo ‘n testosteroondrempel van 10 nanomoles per liter toets sal moontlik belet word om mee te ding, en sal waarskynlik “vernederende en potensieel riskante maatreëls” in die gesig staar as hulle besluit om deel te neem indien die testosteroonbeleid heringestel word.

In 2015, het die Hof van Arbitrasie vir Sport die beleid vir twee jaar opgeskort.

Die Verenigde Nasies se uitvoerende hoof vir vroue, Phumzile Mlambo-Ngcuka, het Suid-Afrikaners gevra om voort te gaan om Semenya te ondersteun.

Veiligheid moes voor haar deelname opgeskerp word. Verskeie media-instansies berig dat Olimpiese amptenare bekommerd was oor Semenya se verskyning en dat dit tot onluste deur ondersteuners van mededingers sou kon lei en in fisieke geweld sou kon ontaard.

Behalwe dat Semenya onderhoude met die media geweier het, is die media deur die Olimpiese komitee verbied om met haar te praat.

Alhoewel Caster deur Media24 vir ‘n voorblad van YOU as ‘n vrou opgetooi is, is sy intussen met ‘n vrou getroud, te wete Violet Ledile Raseboya (foto van die twee hier bo).

Die president van die Internasionale Olimpiese Komitee, Thomas Bach, het Brasilië geloof vir sy aanbieding van die Olimpiese Spele en sê dit is “puik” gedoen.

Bach het by die afsluitingseremonie van die 31ste Olimpiese Spele in die Maracana stadion in Rio de Janeiro gepraat.

Die Spele het 16 dae geduur en meer as 11 000 atlete van 206 lande en ‘n vlugtelingespan het daaraan deelgeneem.

Suid-Afrika het tien medaljes verower. Japan is die gasheer vir die volgende Olimpiese Spele in 2020.

Rugby, krieket en atletiek kry ‘n sokkerskop in die smoel

Die minister van Sport Fikile Mbalula het die voorregte van SA Rugby, Krieket Suid-Afrika en Atletiek Suid-Afrika opgeskort en die organisasies verbied om vir internasionale toernooie te bie.

Dié besluit is glo geneem as gevolg van ‘n gebrek aan transformasie by die drie.

Mbalula het sy tevredenheid met sokker uitgespreek en gesê SAFA is volledig getransformeer.

“Ek het besluit om die voorreg van Atletiek Suid-Afrika (ASA), Krieket Suid-Afrika (KSA), Netbal Suid-Afrika (NSA) en Suid-Afrikaanse Rugby (Saru) om mega internasionale toernooie aan te bied met onmiddellike effek te herroep in die Republiek van Suid-Afrika as ‘n gevolg daarvan dat die bogenoemde federasies nie aan hul eie stel transformasiedoelwitte voldoen nie,” het Mbalula gesê.

“Ek sal dié besluit hersien by die oorweging van die resultate van die 2016/2017 Transformasiebarometer.”

Mbalula het die aankondiging gedoen tydens die vrystelling van die Eminent Persons Group se bevindinge oor transformasie in sport in Pretoria.

Hy het gesê dit is “selfmoord” om nie gehoor te gee aan transformasie nie want 84% van die bevolking is swart en net 16% is wit, kleurling of Indiër.

Seun in maag getref deur spies

‘n Graad-8 leerder aan die Hoërskool Sentraal in Bloemfontein sterk in die Pelonomi-hospitaal aan nadat hy op ‘n atletiekbyeenkoms deur ‘n spies in die maag getref is.

Die skool se Gideon Goosen sê dié fratsongeluk het Vrydagmiddag op die Vrystaat-stadion plaasgevind.

Goosen sê die leerder is per ongeluk in die maag getref nadat ‘n ander atleet die spies buite die toegelate radius gegooi het.

Goosen sê die leerder is stabiel en het reeds ‘n operasie ondergaan om te verseker dat daar nie enige skade aan sy ingewande is nie.

Intussen sê ER24 se Russel Meiring die seun is aanvanklik na Mediclinic Bloemfontein geneem en later na Pelonomi oorgeplaas.

Goedkoop politiekery ontsier internasionale atletiek

Amerika en Brittanje wil Rusland graag voor volgende jaar uit die Olimpiese Spele in Rio de Janeiro skors.

Die Wêreldagentskap teen opkikkers (Wada) het Maandag aanbeveel dat Rusland uitgeskop word oor “sistemiese gebreke” in die Internasionale Vereniging van Atletiekfederasies (IAAF) jeens opkikkers.

In die verslag word gesê dat die Olimpiese Spele in Londen in 2012 “gesaboteer” is deur die IAAF se trae houding.

“Ons aanbeveling is dat die Russiese Federasie in 2016 geskors word,” het Dick Pound, president van Wada, op ’n nuuskonferensie gesê.

Die Britse oud-atleet en politikus, Sebastian Coe, tans president van die IAAF, het Wada se verslag beaam en gesê Rusland behoort geskors te word.

Rusland het met 2012-Spele met 17 medaljes, tweede na die VSA geëindig.

Die Russiese intelligensiediens (FSB) was glo tydens die Winterspele in Sotsji teenwoordig, wat gelei het tot “partydigheid en ‘n gebrek aan oordeel en integriteit”.

Klagtes van korrupsie en geldwassery is ook verlede week in Frankryk teen sy voormalige president, die 82-jarige Lamine Diack, aanhangig gemaak.

Hy word daarvan beskuldig dat hy $1,09 miljoen in omkoopgeld gekry het om positiewe opkikkertoetse van Russiese atlete toe te smeer.

Interpol het Maandag bekend gemaak dat hy ’n wêreldwye ondersoek na korrupsie en opkikkergebruik in atletiek gaan lei teen die Russiese Federasie.

Al die gevolgtrekkings in die Wada-verslag is gebaseer op onbevestigde bronne en ongegronde feite, het die Russiese minister van sport Vitaly Mutko gesê.

Mutko sê dat Rusland jaarliks sowat 15.000 monsters neem en die totale aantal atlete wat gediskwalifiseer word staan op ongeveer 2 persent, “dieselfde as in ander lande”.

“Dit is onmoontlik om vandag iets weg te steek. Al die data is daar in die databasisse onder toesig van Wada. Baie daarvan kan net nie vervals word nie,” het hy gesê.

Olimpiese atletieklegende oorlede

Die Bloemfonteinse atletieklegende en wenner van die hoogspringtitel vir vroue by die Olimpiese Spele in 1952 in Helsinki, Finland, Esther Brand is gister op die rype ouderdom van 92 jaar in Bloemfontein oorlede.

Brand is tot op hede die enigste Suid-Afrikaanse vroue-atleet wat ‘n goue medalje by ‘n Olimpiese Spele kon vermag. Sy het gewen met die destydse skêr-styl met ‘n hoogte van 1,67 meter.

Brand het tot ‘n paar jaar gelede gereeld diens gedoen as hoogspringbeampte by atletiekbyeenkomste.

Haar man, Jan Brand, het ook sy Springbokleure verwerf toe hy die land in fietsry by die 1948 Olimpiese Spele in Londen verteenwoordig het.

Caster moet hardloop sê haar regspan

Caster Semenya se prokureurs het gesê dat die 800 meter-wêreldkampioen toegelaat moet word om Dinsdag aan ‘n byeenkoms deel te neem, het Atletiek Suid-Afrika se waarnemende hoof Ray Mali gesê.

Mali het Maandag aan die Associated Press gesê dat hy vroeër in die dag ‘n telekonferensie met Semenya en haar prokureurs gehad het en dat haar prokureurs gesê het dat Semenya toegelaat moet word om weer kompeterend aan atletiek-byeenkomste deel te neem.

“Terwyl ek nou praat is daar nog geen duidelikheid nie,” het Mali in ‘n telefoniese onderhoud gesê.

“Ek is besig om die IAAF te betrek. Haar prokureurs sê sy moet hardloop.”

Mali het bygevoeg dat hy nog wag vir ‘n antwoord van die IAAF of hulle Semenya sal toelaat om in Stellenbosch aan die Yellow Pages-reeks-V byeenkoms deel te neem.

“As die IAAF nee sê en Caster hardloop in elk geval, sal dit vêrreikende gevolge vir atletiek hê,” het Mali gesê.

“Ek probeer om die IAAF betrokke te kry en in kennis te stel.”

Die Johannesburgse kantoor van Semenya se prokureur, Dewey en LeBoeuf, kon nie Maandag bereik word vir kommentaar nie.

Nick Davies, woordvoerder vir die IAAF, het gesê dat hy “geen inligting” het oor enige verwikkelinge nie.

Alhoewel daar geen skorsing is wat Semenya verhoed om deel te neem nie, word daar beweer dat die 19-jarige ooreengekom het om nie kompeterend deel te neem voordat die IAAF hul bevindinge oor haar geslagstoetse bekendgemaak het nie.

Semenya-geslagstoets eersdaags bekend

Die Internasionale Vereniging van Atletiekfederasies (IAAF) sal eersdaags die uitslae van geslagstoetse op Caster Semenya gereed te hê.

’n Woordvoerder vir die IAAF, Nick Davies, het Dinsdag aan Associated Press gesê medici en opkikkerspesialiste sal ongeveer twee weke neem om die toetsresultate te analiseer.

Davies het verduidelik dat die atletiekbeheerliggaam slegs met dié konkrete bewyse ’n besluit oor Semenya kan neem.

Dit is onwaarskynlik dat die 800 m-wêreldkampioen haar medalje sal verloor, ongeag die resultate van die geslagstoetse op haar, het die woordvoerder bygevoeg.

Vrae oor die 18-jarige Suid-Afrikaanse atleet se werklike geslag het 'n storm ontketen ná haar oorwinning in die 800 m-wedloop vir vroue by die Wêreldkampioenskappe verlede maand in Berlyn.

трек для машинок

Onderduimsheid of chromosoom?

Nadat dit bekend geraak het dat wetenskaplikes selulêre materiaal deur 'n speekselmonster van die Suid-Afrikaanse atletiekster Caster Semenya aangevra het, geniet vrae oor die uitkoms van die werklike geslag van die atleet tans die wêreld se aandag.

Volgens sportwette, moet die paneel deskundiges wat die ondersoek gaan voer, 'n endokrinoloog en 'n sielkundige insluit.

Daar was al talle gevalle van doodgewone oneerlikheid en onderduimsheid, maar ook gevalle waar atlete wat as vroue geklassifiseer is, hulle hele lewe lank deurgaan met manlike chromosoommateriaal waarvan hulle nie bewus is nie.

In die 1930's is die Duitse hoogspringer Dora Ratjen ontbloot as Hermann, 'n man wat homself as 'n vrou voorgedoen het. Hy het daarna gesê die Nazi's, met hulle obsessie oor die volk se meerderwaardigheid, het hom daartoe gedwing

In 1964, is die Poolse naelloper Ewa Klobukowska met twee medaljes by die Somerspele in Tokio beloon, maar het in 1967 'n chromosoomtoets nie geslaag nie.

Die mees misterieuse geval bly egter dié van Stella Walsh, nog 'n Poolse naelloper. Sy is in 1980 in 'n gewapende roof gedood en 'n nadoodse ondersoek het aan die lig gebring dat sy manlike en vroulike geslagsdele gehad het.

free bet

Is SA se nuwe kampioen ‘n man of ‘n vrou?

Semenya, Woensdag in Berlyn

Die IAAF, die internasionale atletiekliggaam, het gesê daar is drie weke gelede ’n versoek aan Atletiek Suid-Afrika (ASA) gestuur om Caster Semenya, Suid-Afrika se nuwe 800m-kampioen, vir ’n geslagstoets te stuur.

Die versoek het gekom nadat sy op die Afrika-junior-byeenkoms in Mauritius die 800 in1:56.72 gewen het

Die toets is ’n besonder ingewikkelde proses en die uitslae sal eers oor ’n twee tot vier weke bekend gemaak word.

Die IAAF het 'n mediese kommissie bestaande uit 12 lede aangestel en dit sluit toevallig 'n Suid-Afrikaanse dokter in. Hulle sal ook met medici in Suid-Afrika skakel.

Dit is ironies dat Semenya by dieselfde stadion deur vrae oor haar geslag geteister word. In 1936 was die Poolse naelloper Stella Walsh onder verdenking nadat sy die silwermedalje gewen het.

Walsh het in 1932 by die Los Angeles Olimpiese Spele die goue medalje gewen. Ná haar dood in 1988 is bevind dat sy "dubbelsinnige genitalië" gehad het wat meer manlik as vroulik was.

Tot die uitslag bekend is, mag Semenya aan wedlope deelneem.

Semenya het Woensdagaand in Berlyn die eindronde van die 800 m vir vroue met die vinnigste tyd van 1:55.45 hierdie jaar gewen, byna 20 m voor haar naaste teenstander, Janeth Jepkosgei Busienei van Kenia.

Phiwe Mlangeni-Tsholetsane, bestuurder van die Suid-Afrikaanse span, sê sy gewete is skoon. Hy wou nie bevestig of ontken dat die 18-jarige atleet van die Universiteit van Pretoria die toets tans ondergaan of nie.

детская посуда киев

Pistorius buite gevaar

Die lemnaeler, Oscar Pistorius, is in ‘n bevredigende toestand ná ‘n bootongeluk op die Vaalrivier verlede naweek, het Gautengse polisie Woensdag gesê.

Mazibuko het gesê polisie stel tans ondersoek in na ‘n saak van roekelose en nalatige bestuur, maar kon nie sê of alkohol ‘n rol gespeel het in die ongeluk nie. Mazibuko het gesê ‘n besluit of Pistorius aangekla sal word of nie, sal later geneem word.

Beeld het aan verslaggewers gesê dat Pistorius die tweedehandse boot net 4 dae voor die ongeluk in ontvangs geneem het.

Die ongeluk het Saterdag gebeur en Pistorius het ernstige gesigbeserings opgedoen.

соль для

Fanie Lombard besit die meeste medaljes as Paralimpi?r

Fanie Lombard is nou die eienaar van die meeste medaljes deur 'n Suid-Afrikaanse Paralimpiër.

Hy het met brons in die F42-gewigstoot by die Paralimpiese spele in Beijing weggestap.

Sy suksesse oor die jare staan nou op sewe goue medaljes, twee silwermedaljes en twee bronsmedaljes.

Hy het in die derde plek met sy 13,87 meter-poging geëindig.

Die veteraan van vier Paralimpiese speles sal aanstaande jaar veertig word.

депутат лобановский

Jamaika oorheers die naellope

Jamaika het gister 'n groot slag in Olimpiese goue medaljes geslaan deur hul oorwinning in die 200 meter vir vroue.

Daarmee het die land sy oorheersing oor die Verenigde State verseël.

Veronica Campbell-Brown van dié Karibbiese eiland het deurgeseil om die eerste plek in die 200m-item in te neem, nadat sy reeds halfpad 'n meter voor die ander atlete was.

Die Amerikaanse wêreldkampioen Allyson Felix was tweede en die 100-metersilwermedaljewenner Kerron Stewart van Jamaika was derde.

Die Amerikaners is van die 100m-aflos gediskwalifiseer omdat sowel die vroue as die mans hul stokke laat val het.

Die oorwinning gaan meer vreugde na 'n eiland bring wat reeds jubel oor die twee wêreldrekords en dubbele naelloopgoud van Usain Bolt, andersins bekend as Usain "Lightning" Bolt.

Olimpiese goue medaljes nie eintlik ware Jakob nie

Die goue medaljes wat by die Beijing-spele uitgeloof word, is meesal van silwer gemaak.

Die organiseringskomitee van die Beijing-Olimpiese Spele het dit Maandag erken.

Elke medalje bevat slegs 6% suiwer goud, het die sekretaris-generaal van die spele, Wang Wei, gesê.

Die meeste metaal is silwer. Wang het gesê dat die bewerings van internetskrywers dat die medaljes lood bevat vals is.

Die rustowwe vir die medaljes is van Australië afkomstig en is deur 'n staatsgekeurde owerheid getoets om seker te maak dat hulle uit edelmetale bestaan.

Carl Lewis maan atlete om op te hou met stimulante

Die Olimpiese legende Carl Lewis sê mededingende atlete moet die stryd teen verbode middels lei.

Lewis, wat 10 Olimpiese medaljes gewen het, waaronder nege goues in naellope en versprong van 1979 tot 1996, het sportmanne en – vroue gevra om 'n standpunt in te neem.

Totdat hulle so maak, gaan dit 'n kwessie bly, het hy gesê.

Hy was ook uitgesproke oor sy eie ervaring met verbode middels.

Lewis het vier dwelmtoetse gefaal gedurende die Olimpiese uitdunne in 1988.

Dit het geblyk dat hy net een van meer as 100 atlete was wat toegelaat is om straf vry te spring en dat hy toegelaat is om aan die Seoul-spele deel te neem.

набор полицейского