Suider-Afrika Archives - Page 64 of 164

SAL-hoof en sy span word ondersoek

'n Onafhanklike ondersoek sal gedoen word op die SAL hoof uitvoerende beampte Khaya Ngqula en sy uitvoerende raad, het die SAL raad van direkteure Dinsdag gesê.

Die besluit volg na 'n "buitengewone vergadering" wat bygewoon is deur die staat, as 'n SAL aandeelhouer en die raad van direkteure.

"By die vergadering is die besluit van die raad van SAL om 'n onafhanklike ondersoek te laat doen na beweringe rondom SAL se hoof uitvoerende beampte Khaya Ngqula en sy uitvoerende span goedgekeur," het die Raad in 'n verklaring gesê.

Die raad het gesê hulle sal 'n verwysingsraamwerk indien vir die ondersoek wat deur die staat goedgekeur moet word.

"Die raad sal die nodige maatreëls tref om te sorg dat die korrekte prosedure gevolg word gedurende die ondersoek, en ook met betrekking tot enige regstellende aksie, risiko mitigasie en dissiplinêre aksies wat kan ontstaan as gevolg van die bevindinge van die ondersoek."

Verdere besonderhede sal bekend gemaak word met die verloop van tyd, het die raad gesê.

Vroeër die maand het die Sunday Times berig dat Servair, 'n konsortium waarvan Vusi Sithole – 'n besigheidsvennoot van Ngqula en sy vrou Mbali Gasi – 'n mede eienaar is, die voorkeur verskaffer is wat omtrent 180 000 etes per week moet voorsien op binnelandse vlugte van SAL.

Man dood in Alexandra-rooftog

'n Man is dood en twee ander, insluitend 'n polisiereservis is gewond in'n skietgeveg na 'n rooftog in Alexandra Dinsdagaand, het polisie gesê.

Inspekteur Moses Maphakela het gesê die reservis is geskiet nadat hy teen die vier mans vasgeloop het wat 'n slaghuis by die Pan Africa inkopiesentrum beroof het.

"Vier gewapende mans het die slaghuis teen 5 uur die middag binnegegaan, wapens op die kassiere gerig en almal beveel om op die grond te gaan lê," het Maphakela gesê.

Toe almal gelê het, het die rowers drie kasregisters leeggemaak in plastieksakke en die slaghuis verlaat. Op pad uit het hulle "waarskuwingskote geskiet om die mense uit die pad te kry."

"Dit was toe wat 'n reservis van die Alexandra polisiestasie wat op patrollie was n die omgewing hulle gesien het. Hulle het op hom geskiet toe hulle besef dat hy hulle raakgesien het en 'n geveg het uitgebreek."

Gedurende die onderonsie is een van die rowers doodgeskiet terwyl die polisiereservis en een van die mense by die winkels beide in die been geskiet is.

"Paramedici het die rower dood verklaar met hulle aankoms, waarna die reservis en die ander persoon na die hospitaal geneem is," het hy gesê.

Polisie wat na die toneel geroep is het 'n rewolwer van die dooie rower gekonfiskeer.

Die ander drie mans is steeds op vrye voet na hulle gevlug het met die gesteelde geld, het Maphakela gesê.

для сауны Фильчаков

Zuma maak sy skuif

ANK-president Jacob Zuma, se regslui het hulle voorleggings aangaande Zuma se saak by die Nasionale vervolgingsgesag (VG) ingehandig, het die VG-woordvoerder Tlali Tlali gesê.

"Hulle het die dokumente vandag ingedien… en die VG sal dit oorweeg," het Tlali gesê.

Hy het egter niks gesê oor die tyd en die formaat waarin die dokumente ingehandig is nie, en het niks oor die inhoud gesê nie.

"Dis is nie moontlik nie…Wat belangrik is, is dat dit ingedien is gedurende kantoorure vandag (Dinsdag)," het hy gesê toe hy gevra is oor die voorleggings.

Zuma se prokureur, Michael Hulley, het Maandag aan SAPA gesê dat die dokumente "vertroulik" is en nie aan die media verskaf sal word nie.

"Dit is vertroulike dokumente wat net bedoel is vir die VG," het hy gesê.

Zuma se regslui was veronderstel om die voorleggings reeds op 26 Januarie in te dien, maar was nie in staat om die spertyd te haal nie. Hulle was op daardie stadium besig met die aansoek vir die appèlhof en ook die verskyning in Pietermaritzburg.

Die reg om 'n voorlegging te maak aan die VG voordat hy weer aangekla word vir korrupsie saam met die wapenmaatskappy Thint, was deel van Zuma se oorhoofse regstrategie.

Die voorlegging is gewoonlik in die vorm van 'n brief, wat dan deur die owerhede oorweeg word.

'n Onlangse uitspraak in die appèlhof het die klag teen Zuma weer ingestel.

Zuma en Thint sal uiteindelik waarskynlik albei aansoek doen dat die klag teen hulle permanent laat vaar word.

парусные яхты купить топкарго развод

Rasvoorkeure is hier om te bly, s? Motlanthe

Die regering se beleid oor rasvoorkeure sal ferm in plek bly, het president Kgalema Motlanthe Dinsdag gesê.

In 'n antwoord in die nasionale vergadering gedurende 'n debat oor sy staatsrede, het hy verwys na die Vryheidsfront Plus leier, Pieter Mulder se stelling oor die effekte van rassevoorkeur op jong Suid-Afrikaners.

Mulder het gesê dat onder andere "hoor die jongmense dat hulle vaardighede en bydraes tot die ontwikkeling van die land nie nodig is nie."

Motlanthe het gesê die regering bly verbind aan die beginsel om ongeregtighede van die verlede reg te stel en seker te maak dat die diskriminasie waaraan die swartmense onderworpe was te staak.

"Dit is nie net logies nie, maar ook 'n konstitusionele plig," het hy gesê.

"Soos ons altyd gesê het, bly rassevoorkeur daarop gemik om alle Suid-Afrikaners te betrek op alle vlakke van die ekonomie en die sosiale lewe."

"Ons hoef net 'n paar statistieke te noem om te wys hoe rasseverdeling steeds ons samelewing kenmerk."

Onder andere, in 2007 was die werkloosheidsyfer onder swartmense 30% terwyl dit onder blankes net 4% was.

'n Ondersoek in September 2008 het getoon dat 5,5% van swart gegradueerdes werkloos was, terwyl die syfer vir ander bevolkingsgroepe weglaatbaar klein was.

Motlanthe het ook herhaal dat ten spyte van die globale ekonomiese afplatting, die regering sal volhou met sy openbare beleggingsprojekte, waarvan die waarde toegeneem het tot R690 miljard, vir die volgende 3 jaar.

"Ons sal die openbare sektor se indiensnemingsprogramme verskerp, ons sal saam met die sakesektor werk om 'n afplatting in beleggings teen te werk en die onnodige sluiting van produksielyne te voorkom, en die regering sal maatskaplike besteding volhou en uitbrei."

Mbeki sal getuie wees van nuwe era in Zim

Die voormalige Suid-Afrikaanse president Thabo Mbeki sal die insweringseremonie van eerste minister Morgan Tsvangirai en sy adjunk Arthur Mutambura in Zimbabwe bywoon. Dit sal 'n historiese oomblik in Zimbabwe se geskiedenis wees wanneer die regerng van nasionale eenheid uiteindelik na maande van twis die ooreenkoms in plek kry.

Woordvoerder Ronnie Mamoepa het bevestig dat Mbeki die geleentheid sal bywoon as die SAOG se onderhandelaar in die magsdelingsooreenkoms.

"Dit volg na die onlangse SAOG-onderhandelde globale politieke ooreenkoms wat gefasiliteer is deur voormalige president Thabo Mbeki, waarvolgens die drie hoof politieke partye in Zimbabwe ingestem het tot 'n regering van nasionale eenheid," het Mamoepa gesê.

"Suid-Afrika, soos die res van die lande in die streek, staan gereed om die mense van Zimbabwe te help op die moeilike weg na rekonstruksie, ontwikkeling, ekonomiese herstel en nasionale rekonsiliasie."

Mbeki was aan die ontvangkant van kritiek vir sy beleid van "stille diplomasie" wat betref die Zimbabwe kwessie.

Dinsdag het president Kgalema Motlanthe gesê die ooreenkoms is 'n "bewys" van Suid-Afrika se benadering ten opsigte van Zimbabwe, "ten spyte van kritiek uit sekere geledere."

Motlanthe sal na verwagting Vrydag in Harare aankom om die inswering van kabinetsministers by te woon.

Minister van buitelandse sake en die SAOG-voorsitter, Nkosazana Dlamini-Zuma, sal ook die verrigtinge bywoon.

топкарго развод

Baragwanath het tekort aan dokters

Te min dokters is beskikbaar om al die pasiënte in sommige departemente van die Chris Hani Baragwanath-hospitaal te behandel, het die Gauteng departement van gesondheid Dinsdag gesê.

Woordvoerder Phumelele Kaunda het gesê die hospitaal se urologie departement het nie genoeg dokters om na al die pasiënte om te sien nie.

"Die tekort aan dokters maak dit moeilik vir hulle om na al die pasiënte op dieselfde dag om te sien," het Kaunda gesê.

Maandag het die DA gesê die hospitaal keer meer as 50 pasiënte per dag weg. DA woordvoerder Jack Bloom het gesê dit is "onmenslik" dat pasiënte weggestuur word en aanbeveel word om later in die week terug te kom.

In reaksie het Kaunda gesê dat dokters slegs op "afsprake" werk.

"Pasiënte wat nie ingeboek word nie, word na die buitepasiënte gestuur waar hulle behandeling ontvang terwyl hulle wag op die datums wanneer hulle die uroloog moet sien."

Sy was egter nie in staat om te kan sê wanneer die situasie by die hospitaal opgelos sal word nie, maar sy het gesê dat hulle daaraan werk om nog dokters te huur.

"Die tekort aan dokters is 'n globale probleem, maar die Gauteng departement van gesondheid streef daarna om gesondheidswerkers te werf en te behou."

Tswane Universiteit van Tegnologie sluit sy deure

Alle normale aktiwiteite by die Tswane Universiteit van Tegnologie (TUT) is vandag gestaak tot verdere kennisgewing.

Universiteitswoordvoerder Willa de Ruyter het in 'n verklaring gesê dat die besluit Dinsdag geneem is na die intimidering van nie-stakende personeel deur lede van die unies by die instituut oor die laaste paar dae.

Sy het gesê die besluit is ook beïnvloed deur geweld en vandalisme wat opgemerk is gedurende die staking.

Lede van die nasionale onderwys, gesondheid en geallieerde werkers se unie (Nehawu) en die Nasionale Unie van Tersiêre Werknemers van Suid Afrika (Nutesa) het verlede maand begin staak ook salarisverhogings.

"Die veiligheid van personeel, studente en universiteitseiendom is ons primêre bekommernis en die bestuur het die besluit geneem om enige verdere bedreigings van die veiligheid van mense en eiendom van TUT te voorkom," het De Ruyter gesê.

Aanlynregistrasies buite die kampus is egter steeds aan die gang vir senior studente wat in besit is van hulle PIN-nommers en wat nie enige blokkasies op hulle rekeninge het nie.

"Studente wat wil inskryf vir 'n B-tech graad en nog nie goedgekeur is deur hulle akademiese departemente nie, behoort die departement te kontak wanneer die universiteit heropen," het De Ruyter gesê.

Die finale sluitingsdatum vir registrasie sal vorentoe geskuif word, maar die nuwe datum sal eers bekend gemaak word wanneer die universiteit weer heropen.

Фільчаков прокурор

SA se R300m vir Zim word vermors

Suid-Afrikaanse belastingbetalers se geskenk van R300 miljoen aan Zimbabwe was 'n mors van geld en sommige van dit word aangewend tot die voordeel van President Robert Mugabe se vertrouelinge in Zanu-PF.

Die skenking – of hulp – is laat verlede jaar aangekondig deur die minister van finansies, mnr. Trevor Manuel, wat belowe het die hulp sal net oorhandig word na 'n internasionaal erkende regering van nasionale eenheid in plek is.

President Kgalema Motlanthe het dit ook herhaal.

'n Kits SAOG organisasie, die Zimbabwe Ontwikkelingshulp Raamwerk is gevorm om landbouhulp na die Zimbabwiese boere te kanaliseer.

Die raamwerk is nog nie heeltemal in werking nie en die onpartydigheid daarvan word bevraagteken.

Die hulp het in Zimbabwe begin invloei nog voor Kersfees.

Dit is meestal saad, kunsmis en brandstof van Suid-Afrikaanse maatskappye en dit is gestuur ten spyte van waarskuwings van Zimbabwiese landboukundiges dat meeste daarvan te laat is vir die somerseisoen, en dat tensy dit versigtig verdeel word dit misbruik gaan word.

Meeste van die saad het te laat aangekom om te plant en word geëet, en die verkeerde tipe kunsmis was gestuur vir die tyd van die jaar, in die volwasse siklus van jaarlikse gewasse soos mielies.

Voor Kersfees is 60 000 liter diesel ook na Zimbabwe gestuur..

'n Senior staatsamptenaar, wat werk in die tegniese ondersteuningsnetwerk vir boere, Agritex, in die vrugbare Mashonaland-wes provinsie, het bevestig dat hulp van Suid-Afrika dikwels net beskikbaar was vir Zanu-PF ondersteuners in dele van die land, veral Mashonaland-wes, Mugabe se tuisprovinsie en Mashonaland-sentraal waar Zanu-PF ook in beheer is.

Man in Johannesburg tydens rooftog geskiet

'n Man is Maandagaand in die bors geskiet gedurende 'n rooftog in sy huis in Lonehill, Johannesburg, het paramedici gesê.

Vier mens het na bewering die man se huis in 'n meenthuis kompleks in Concourse drive binnegekom deur die balkon en hom en sy vrou met vuurwapens aangehou omstreeks 10 uur die aand, het woordvoerder vir ER24 Werner Vermaak gesê.

Die man, wat in sy 50's is, is in 'n kritieke toestand hospitaal toe geneem na die voorval. Sy vrou is nie beseer nie.

'n Sekuriteitsmaatskappy het een van die vermeende rowers in 'n straat daar naby gevang.

Kapers laat man kaal agter

Kapers het 'n motoris kaal uitgetrek en hom langs die pad in Rietgat gelaat, het polisie gesê.

Inspekteur Sello Mangena het gesê die motoris is deur drie kapers aangeval toe hy stilgehou het by 'n stopstraat op die Winterveldpad omstreek 3 uur die oggend.

Hulle het hom met vuurwapens gedreig en in sy motor geklim, waarna hy beveel is om na Maubane in Hammanskraal te ry.

Daar het hulle hom uit die vertuig uit gedwing en sy klere van hom af gestroop voor hulle met sy Volkswagen Jetta Fox, met registrasienommer CDX 545GP weggery het.

Sy beursie met R160,00 in kontant en bankkaarte was in sy broek se sak. Mangena het gesê die man het 'n verbygaande motoris voorgekeer wat hom na 'n polisiestasie geneem het, waar hulle vir hom klere gegee het.

мебель для