Nuus – Bladsy 26 – praag.co.za

Tradisionele geneser vermoor eie dogter

'n Tradisionele geneser, 49, is Woensdag by Loate naby Ga-Rankuwa in hegtenis geneem vir die moord op haar dogter van twaalf, sê die polisie.

Die vrou het self die polisie teen 10vm ontbied nadat sy beweer het sy op haar dogter se liggaam buite agter die huis afgekom het, sê direkteur Sally de Beer.

Die dogter is gevind waar sy met meswonde aan haar maag, nek en bors beswyk het. Polisiehonde het die ondersoekers gelei na vier bewysstukke wat met menslike bloed deurdrenk was op die erf, het De Beer gesê.

Sy wou nie verder daaroor uitbrei nie en het gesê dit sal as bewysstukke voor die hof dien.

Drie van die items is in die huis gevind, terwyl 'n vierde in die tuin gekry is.

Die huis is ook as 'n spreekkamer vir die geneser gebruik.

Die slagoffer se moeder is deur die polisie ondervra en het ingestem om saam te werk met die ondersoek. Sy is teen 4.30nm in hegtenis geneem en vir moord aangekla.

Die tradisionele geneser sal Maandag in die landdroshof van Ga-Rankuwa verskyn.

пескоструйные Фільчаков прокурор

SA benodig ‘aktivistiese staat’ s? Zuma

President Jacob Zuma het Donderdag die Griekse, Portugese en Italiaanse gemeenskappe weer ontmoet nadat hy tydens 'n soortgelyke byeenkoms voor die verkiesing belowe het om dit te doen.

Hy is deur die minister van finansies Pravin Gordhan, die minister van polisie Nathi Mthetwa, en minister van handel en nywerheid Rob Davies, vergesel. Ministers Aaron Motsoaledi, Edna Molewa, Ebrahim Patel, Susan Shabangu, Blade Nzimande en adjunkminister Andries Nel was ook deel van die geleentheid.

Menseregteadvokaat George Bizos en sakeman Vivian Reddy het ook die ontmoeting bygewoon wat in 'n saal in Germiston gehou is.

ANC-woordvoerder Jessie Duarte, asook die hoofde van die missies van Italië, Portugal, Brasilië en Mosambiek, was teenwoordig.

Die Suid-Afrikaanse regering, het die president gesê, ondersteun 'n gemengde ekonomie wat elemente van staatsintervensie, eienaarskap en regulering van privaatbesit en kompetisie saamsnoer.

"Ons doel is om die gepaste balans van al die elemente te bereik om die doelwit van maatskaplike en ekonomiese ontwikkeling te bereik," het Zuma by die geleentheid gesê.

Hy het gereageer op 'n vraag of sy administrasie 'n vrye mark of "'n linksgesinde soort ekonomie" verkies.

Zuma het gesê daar moet erkenning wees vir Suid-Afrika se oorgeërfde werklikhede, soos die marginalisering van die meerderheid en die hoë vlakke van ongelykheid en armoede wat die noodsaak van 'n "aktivistiese staat" verhoog.

Dit beteken dat die staat oor die instrumente beskik om die land se ontwikkelingsuitdagings te kan hanteer.

Die gemeenskappe het Zuma in September 2008 ontmoet om hom te vertel van hulle vrese oor misdaad, die ekonomie, vaardighede en opvoeding, korrupsie, breëbasis swart ekonomiese bemagtiging en regstellende aksie.

Zuma het 'n warm ontvangs geniet en die gemeenskappe het hom bedank dat hy sy belofte om terug te keer indien hy verkies word, nagekom het.

Die geleentheid is deur Heleense, Italiaanse en Portugese verteenwoordigers, die HIP-alliansie, georganiseer om skakeling tussen dié gemeenskappe en die regering te vergemaklik.

обуви кривой

Wit ’buitelander’ in Kenia vermoor vir myngrond

Tsavoriet, in 1976 deur Campbell ontdek

Die Londense The Times berig dat 'n Britse geoloog in Kenia deur ’n bende mans met messe, spiese, pyle en boë vermoor is.

Die polisie vermoed ’n geskil oor mynregte was die oorsaak van sy wrede dood.

Sowat 30 mans het Campbell Bridges, 71, sy seun, Bruce, en vier Keniaanse werkers Dinsdag naby die dorpie Voi in ’n hinderlaag gelei. Bruce Bridges het ’n panga-hou teen die nek gekry.

Volgens hom delf onwettige myners die afgelope tyd op die familie se konsessie van 600 ha en het hulle gesin reeds talle doodsdreigemente ontvang.

Die aanvallers het die pad wat die Bridges sou neem met groot doringtakke versper en agt mans gewapen met kapmesse, spiese, knuppels, messe, pyle en boë het op hulle toegesak toe hulle voertuig tot stilstand gekom het.

Campbell Bridges is met ’n mes doodgesteek. Die res van die party het daarna op vlug geslaan.

Swartes meen glo die Campbells is buitelanders en dat die edelstene op die grond nie aan hulle behoort nie.

“Ons vermoed die moordenaars is dalk werkers van ander mense wat hier wil myn,” het John Leshindoro, adjunkpolisiehoof, volgens Sapa-AP gesê.

для поршневых

Onwettige oorgaanoorplantings gedy in China

Chinese hospitale voer steeds onwettige orgaanoorplantings op buitelanders uit, en spoor plaaslike inwoners aan om as ‘orgaanagente’ op te tree, het die departement van gesondheid en plaaslike media Donderdag berig.

Daar is 164 instansies in China wat amptelik goedgekeur is om orgaanoorplantings te uit te voer, maar minstens 16 van hulle voldoen nie aan wetgewing nie.

Volgens die koerant, China Daily, is besonderhede oor presies hoe hierdie instansies die wet oortree nie beskikbaar nie, maar word daar beweer dat sommige hospitale steeds onwettige oorplantings uitvoer.

"Die hospitale kan hulle pasiënte se identiteite vervals om wetgewing vry te spring”, het ‘n chirurg by een van die hospitale gesê.

Volgens dié chirurg is orgaanoorplantings beskikbaar vir dié wat dit kan bekostig omdat inwoners bereid is om die ekstra koste aan te gaan om nie op lang waglyste geplaas te word nie.

China het in 2007 wetgewing wat ‘oorplantings-toerisme’ voorkom, bekragtig maar minstens drie hospitale is verlede jaar beboet ná hulle steeds onwettig organe aan buitelanders verkoop het.

Die departement van gesondheid ondersoek ook klagtes van 17 Japanse toeriste wat elkeen vanjaar sowat R695 500 op nier- en leweroorplantings spandeer het.

Sowat 2 miljoen mense in China benodig jaarliks organe, maar as gevolg van ‘n tekort aan skenkers word slegs 20 000 wettige oorplantings uitgevoer.

пескоструйный станок

Mboweni neem afskeid met rentoekoersverlaging

Die Reserwebank het Donderdag, ten spyte van hoë inflasie, rentekoerse met ’n halwe persentasiepunt afgebring, maar verdere rentekoersverlagings vir 2009 lyk onwaarskynlik. Die aankondiging het kenners deur die bank verras wat dit eens was dat koerse onveranderd sou bly.

Net drie uit 26 ekonome wat deur Reuters genader is, het voorspel dat koerse kan afkom.

Rentekoerse is tans op dieselfde vlak as in April 2005, op 7%.

Die bank verwag dat inflasie eers in die tweede kwartaal van volgende jaar tot tussen 3% en 6% kan daal vanweë looneise en druk deur die vakbonde. Verskeie het juis onlangs loonverhogings van hoër as 10% vir hul lede beding.

Dubbelsyferloonverhogings sal die eenheidskoste van arbeid verder verhoog terwyl die vervaardigingsektor en kleinhandelverkope voortsukkel onder moeilike handelstoestande en 'n krimpende ekonomie.

Die jongste aankondiging was Tito Mboweni, president van die Reserwebank, se laaste voordat hy die leisels aan Gill Marcus oorhandig. Sedert Desember is rentekoerse reeds met vyf persentasiepunte verminder.

Mboweni het gesê Suid-Afrika se ekonomiese opswaai gaan waarskynlik ook stadiger as elders plaasvind, alhoewel daar tekens van oplewing in die wêreldekonomie is.

best game to play at a casino прокурор Фильчаков

Franse swembad verbied ‘boerkini’

‘n Boerkini

'n Franse openbare swembad in 'n voorstad van Parys, Emerainville, het 'n Moslemvrou in 'n "boerkini" verbied om daar te swem.

Franse wetmakers, 32 van hulle, is tans besig om te oorweeg of die boerka, die allesbedekkende kledingstuk wat deur Moslemvroue gedra word, verbied behoort te word of nie nadat president Nicolas Sarkozy vroeër gesê het dit is "nie welkom" in sekulêre Frankryk nie.

Amptenare van die Emerainvilleswembad sê hulle het die vrou in Julie toegelaat om te swem met haar "boerkini", 'n soort swempak met lang moue en bene en 'n kopmasker.

Toe sy egter in Augustus terugkeer, is sy aangesê om die swembad te verlaat aangesien haar kledingstuk nie "higiënies" is nie. Daniel Guillaume, swembadopsigter, sê die personeel het haar herinner dat "dit by alle (openbare) baddens verbode is om met klere te swem".

Die Franse dagblad, Le Parisien, sê die vrou net bekend as Carole, is 'n wit Franse bekeerling tot Islam en dat sy vasberade is om die beslissing in die howe te laat toets.

"Dit is doodeenvoudig segregasie," het sy aan die koerant gesê. Sy het haar "boerkini" tydens 'n onlangse vakansie in Doebaai aangekoop. "Ek het gedink ek kan swem geniet sonder om myself te ontbloot."

Plaaslike burgemeester Alain Kelyor sê dit het "niks met Islam te make nie," en dit is geen Moslemswempak nie want dit bestaan nie in die heilige Koran nie.

'n Kommunistiese parlementslid, Alain Gerin, het die swembadbestuur geloof vir hulle besluit en gesê die vrou se optrede is die bewys dat daar 'n politieke agenda agter die kledingstuk skuil.

продвижение топкарго развод

VSA se man in Afghanistan koop fluks stemme

Die Britse koerant, The Times, het met verskeie ooggetuies gepraat wat bevestig het dat die Amerikaansondersteunde kandidaat in die komende verkiesing in Afghanistan, dienende president Hamid Karzai, besig is om stemme te koop in die suide van die land.

Die suide is tradisioneel die president se magsbasis. Die ongerymdhede kan daartoe lei dat die verkiesing se legitimiteit ernstige skade ly en opstande in die noorde van die land veroorsaak

Verskeie stamhoofde en plaaslike inwoners in die Helmandprovinsie het verslag gedoen van 'n sistematiese en uitgebreide proses van stemkopery.

Een stamhoof in die Marjadistrik in Helmand sê die korrupsie word deur Karzai se familie en stambondgenote georganiseer. 'n Vorige goewerneur van Helmand is glo aktief betrokke by die koop van stemme.

Die stamhoof het getuig dat hy self die stemme in ruil vir vergoeding invorder. Hy wou nie sy naam bekend maak nie. Karzai se vertrouelinge is voorheen daarvan beskuldig dat hulle ook saamwerk met Westerse amptenare in dwelmhandel.

Diegene wat nie harde kontant ontvang vir hulle stemme nie, kry selfoonkaarte in ruil daarvoor.

Alhoewel die Britse weermag in Helmand benadruk het dat 90% van die provinsie se inwoners toegang tot stemlokale sal hê, is daar geen regeringsteenwoordigheid in vyf van die dertien distrikte van Helmand nie.

Inwoners sê hulle glo almal sal stemme in ruil vir kontante gee omdat die mense so arm is.

Alex Strick van Linschoten, 'n navorser in Afghanistan, sê in Zarai, Panjwai en Maiwand, neem selfs die plaaslike polisie ook deel aan die stemkopery.

Die Onafhanklike Verkiesingsowerheid in Afghanistan sê alhoewel daar 160 000 toesighouers sal wees, is dit om veiligheidsredes nie moontlik om alle stemlokale te dek nie. Westerse waarnemers het ook bevestig dat toesighouding nie voldoende sal wees nie.

лобановский класс

Kernwapenvrye Afrika-verdrag bekragtig

Dertien jaar nadat dit ter tafel gelê is, is die Kernwapenvrye Afrikasoneverdrag Woensdag bekragtig, het die Instituut vir sekerheidstudies (ISS) verklaar.

Dit volg nadat Boeroendi verlede maand die verdrag ook aanvaar het.

"Die verdrag wat die hele Afrikakontinent sowel as die omringende eilande insluit, vereis dat geen kernwapens in enige Afrikaland ontwikkel, vervaardig, getoets, aangekoop of geberg word nie."

Vir die verdrag om in werking te tree, moes 28 of meer Afrikalande van die 53 wat dit onderteken het, dit bekragtig. Boeroendi was die agt-en-twintigste land.

Die verdrag ondersteun kernwetenskap en -tegnologie vir vreedsame doeleindes en vereis van alle partye om kernspervereistes streng na te kom.

Geen buitelandse vloot of vaartuig sal sonder toestemming by 'n hawe in Afrika kan aandoen sonder voorafbepaalde toestemming nie.

"Lande wat dit toelaat – vaartuie sonder toestemming – sal internasionale reg verontagsaam," het Amelia Broodryk, 'n amptenaar van die ISS aan Sapa gesê.

free bonus slots no deposit mobile

Tutu met hoogste Amerikaanse toekenning vereer

President Barack Obama het die VSA se hoogste burgerlike toekenning aan 16 "agente van verandering" oorhandig. Ontvangers van die Medal of Freedom sluit Aartsbiskop Desmond Tutu, Stephen Hawking, Moehamed Yunus van Bangladesh en voormalige Ierse president Mary Robinson in.

'n Withuisverklaring oor die keuse van Tutu, verwys na sy "onblusbare toewyding aan geregtigheid, ewige optimisme en onmiskenbare sin vir humor". Die aartsbiskop het, volgens die Withuis, "die wêreld se gewete vir dekades geroer" en "gehelp om Suid-Afrika deur 'n draaipunt in die moderne geskiedenis te lei".

Obama het Tutu vir sy "oeboentoe" geloof, 'n woord waaran die Amerikaanse president kennelik groot waarde heg.

Tutu het 'n belangrike rol gespeel om die wit minderheidsregering in Suid-Afrika tot 'n val te bring.

Die Withuis het Hawking geloof vir sy "volgehoue soeke na kennis" ten spyte van sy liggaamlike terugslae. Hy het "bygedra tot die grootste wetenskaplike ontdekkings van ons tyd".

Yunus is uitgesonder omdat hy baanbrekerswerk verrig het tov mikrofinansiering vir die wêreld se armes en Robinson vir haar morele stryd teen diskriminasie en lyding. Die Withuis het haar as 'n "kragtige voorstander van gelykheid en menseregte regoor die wêreld" beskryf.

Van die Amerikaners wat die toekenning ontvang het is Sen. Edward M. Kennedy en swart filmster Sidney Poitier. "Wat hulle deel is 'n geloof dat ons lewens is wat ons daarvan maak, dat geen rassegrense, geslag of fisieke gestremdhede die menslike gees kan terughou nie en dat die grootste toetes vir 'n mens se lewe is wat ons vir ander doen," het Obama tydens die toekenningseremonie gesê.

President Harry S. Truman het die Medal of Freedom ingestel in 1945 om burgerlikes te vereer vir uitstaande diens tydens die Tweede Wêreldoorlog.

President John F. Kennedy het die toekenning in 1963 heringestel om voortreflike diens te beloon.

прожектор 100 Фільчаков прокурор

Derde varkgriepsterfgeval in SA

Varkgriepvirusse onder die mikroskoop

Die Nasionale instituut vir oordraagbare siektes het gister die land se derde H1N1-griepgeval, wat algemeen as varkgriep bekendstaan, bevestig.

"Daar was tot dusver drie varkgriepsterftes in die land. Ek gaan nie die pasiënte se name noem nie, maar die derde geval was die man uit die Wes-Kaap wat verlede week dood is," het die NIOS se dr. Lucille Blumberg gesê.

Die land se eerste gerappporteerde H1N1-slagoffer was die 22-jarige student aan die Universiteit van Stellenbosch, Ruan Muller, waaroor vroeg verlede week berig is.

Die tweede varkgriepsterfgeval was dié van 'n 15-jaaroue tiener van Bloemfontein wat eers Saterdag bevestig is.

Meer as 1 000 infeksies is tot dusver in die land opgeteken.

tennis first

Gedwonge integrasie vir New York-voorstad

Westchester County in New York, 'n voorstad wat hoofsaaklik deur blankes bewoon word, het geswig onder druk om gedwonge rasse-integrasie te begin toepas. Die voorstad se munisipaliteit is deur 'n Anti-diskriminasiesentrum gedagvaar om gesubsidieerde behuising vir swartes en Spaanssprekende kleurlinge te verskaf.

In terme van 'n skikkingsooreenkoms gaan die blanke gemeenskap van Westchester meer as $50 miljoen (ongeveer R400 miljoen) van sy eie geld, asook addisionele fondse, bestee om 750 huise of woonstelle te bou waarvan 630 aan swartes en Spaanssprekende kleurlinge beskikbaar gestel moet word. Die 120 ander wooneenhede sal aan ander kriteria moet voldoen sover dit koste en rassesamestelling betref.

Die woongebied, een van die rykste in die VSA, het sewe jaar om aan die eise vir laekostebehuising te voldoen.

Ron Sims, die Amerikaanse adjunksekretaris vir behuising en stedelike ontwikkeling, sê: "Dit hang saam met die president (Obama) se wens om 'n samelewing te sien wat ten volle geïntegreerd is. Tot nou toe het ons Gods water oor Gods akker laat loop. Hierdie is 'n geskiedkundige gebeurtenis, want ons gaan mense nou begin dwing om iets te doen."

Die hoof van die Anti-diskriminasiesentrum, wat in New York gebaseer is, het sy tevredenheid met die ooreenkoms uitgespreek. Volgens mnr. Craig Gurian, "is woningsapartheid die grondslag vir elke vorm van rasseverskil in Amerika, van opvoeding tot werk tot die lewering van gesondheidsorg".

'n "Federale toesighouer", mnr. James E. Johnson, is aangestel om te sorg dat Westchester County die integrasie-ooreenkoms nakom. Gegewe die feit dat 12 000 hektaar grond in die voorstad aan vereistes vir bouwerk voldoen, sal "die toesighouer geen probleme ondervind om te sorg dat Westchester se beleid om bekostigbare behuising uit die mees blanke buurte te hou, beëindig word nie," het Gurian voorts gesê.

полиграф защита

Zuma ontken dat Zoeloe-etnisiteit rol speel

Zuma het Dinsdagaand tydens 'n onderhoud op MetroFM geskerm dat hy bekwaamheid eerder as etnisiteit as 'n maatstaf sien.

Zuma het gereageer op beskuldigings dat hy veral Zoeloes aanstel en ook dat die debat oor minderhede voorkeur geniet bo belangrike ekonomiese kwessies.

“Sodra die land begin argumenteer oor etnisiteit, beweeg ons in ’n gevaarlike rigting,” het hy gesê.

Zuma het benadruk dat “lui” en “arrogante” amptenare nie geduld moet word nie. “Ons staan almal in diens van die mense. Ons kan nie optree asof ons die mense se baas is nie. Die mense het daarom die reg om ontslae te raak van amptenare wat hulle nie meer wil hê nie.”

Oor die kwessie van duur ampsmotors het hy gesê: “Ek is seker ministers neem die kritiek in ag noudat dit openbare kennis is. Ons het nog nie weer gehoor van motors wat gekoop is nie.”

игрыдля topcargo кидалы

125 000 vuurwapens vir vernietiging ingehandig

Volgens die minister van polisie, mnr. Nathi Mthethwa, is 125 716 wettige vuurwapens vanaf 1 Julie 2004 tot 31 Desember 2008, by polisiestasies ingedien om vernietig te word. Hy het op ‘n skriftelike vraag van mnr. Pieter Groenewald van die Vryheidsfront Plus in die Parlement geantwoord. Volgens die antwoord van die minister het die polisie ook vandat die nuwe vuurwapenwet op 1 Julie 2004 in werking getree het tot 30 Junie 2009, op 104 880 onwettige vuurwapens beslag gelê.

“Dit is duidelik dat, volgens die syfers wat die minister verskaf het, die vuurwapenregistrasieproses in terme van die nuwe wet ernstige probleme ondervind. Uit vorige antwoorde van die minister was daar tot Februarie vanjaar 881 136 aansoeke vir herlisensiëring van vuurwapens. As die 125 716 wat vrywillig ingehandig is bygevoeg word, is dit ‘n totaal van een miljoen (1 006 852) vuurwapens. As in ag geneem word dat daar ongeveer 4 miljoen wettige vuurwapens in Suid-Afrika is, is daar nog 3 miljoen vuurwapens waarvoor aansoek om herregistrasie gedoen moet word. Hierdie syfers toon dat die minister verdere herregistrasie sal moet toelaat. Die Vryheidsfront Plus is reeds in gesprek met die minister hieroor”, sê mnr. Pieter Groenewald (LP), hoofwoordvoerder van polisie vir die Vryheidsfront Plus.

“Die beslaglegging op 104 880 onwettige vuurwapens word verwelkom. As in ag geneem word dat 33 823 hiervan vrywillig ingehandig was in die amnestieperiode van 1 Januarie tot 30 Junie 2005, sal dit die minister loon om weer so 'n amnestieperiode in te stel”, het Groenewald gesê.

Фильчаков прокурор

Mona Lisa kry beker in die gesig

Die Mona Lisa deur Leonardo da Vinci

‘n Russiese besoeker aan die Louvre Museum het ‘n leë gebaktekleibeker na die Mona Lisa gegooi.

‘n Woordvoerder van die museum het bevestig dat die Da Vinci-meesterstuk niks in verlede week se aanval oorgekom het nie, alhoewel die beker in stukke gebreek het.

Hy het Dinsdag gesê dat klein krake op die glas wat die portret beskerm begin vorm het, maar dit sal binnekort reggemaak word.

Die portret se veiligheidsalarm het dadelik afgegaan en die polisie het ‘n vrou weggelei terwyl ander bewonderaars voortgegaan het om die pragstuk te bekyk.

Die polisie in Parys het bevestig dat die vrou na ‘n psigiatriese inrigting geneem is, maar wou nie bekend maak wie sy is en wat die rede vir die voorval was nie.

люстры