Afrikaanse nuus – Bladsy 25

Nasperskoerante skuif na links met nuwe aanstellings

Liza Albrecht

07:41:26 Nasionale Pers, die land se grootste mediagroep wat ook die meeste Afrikaanse koerante en tydskrifte beheer, het 'n redakteurskommeling by Rapport en Beeld aangekondig wat 'n beduiende skuif na links verteenwoordig.

Liza Albrecht, die 34-jarige redaktrise van die nasionale bylaag By wat tans op Saterdae in die groep se drie dagblaaie (Die Burger, Beeld en Rapport) versprei word, word bevorder tot redakteur van Rapport. Tim du Plessis, die Sondagblad se huidige redakteur, sal voortaan die leisels by Beeld oorneem.

Die huidige redakteur van Beeld, Peet Kruger, word as oorhoofse redakteur van al vier koerante – Beeld, Die Burger, Volksblad en Rapport – aangestel. Kruger is ook bekend vir sy mening dat die Afrikaner uit Suid-Afrika gaan verdwyn;vandaar ook die konstante gebruik van die terme "Afrikaanse" in Beeld.

Kruger se aanstelling het spekulasie laat ontstaan dat Nasionale Pers dalk van plan is om die drie Afrikaanse dagblaaie in een nasionale koerant te konsolideer. Dit sal aansienlike kostebesparings meebring. Die sakegedeelte van die drie koerante word reeds op dié grondslag uitgegee en lesers in die PWV, Bloemfontein en Kaapstad sien elke dag dieselfde sakebylaag in hul onderskeie koerante.

Die verskuiwing na Beeld verteenwoordig waarskynlik 'n demovering vir Du Plessis. Oor die afgelope jaar of twee het Du Plessis kritiese kommentaar in Rapport oor die ANC begin lewer, wat waarskynlik hoër op in die mediagroep nie gewaardeer is nie. Indien die drie dagblaaie in een nasionale koerant gekonsolideer word, sal Du Plessis waarskynlik ook sy pos kwyt wees, synde 'n middeljarige blanke man. In so 'n geval sal die kleurlingredakteur van Die Burger, Henry Jeffreys, volgens transformasiereëls bevorder word tot nasionale redakteur, terwyl Rapport onder leiding van 'n vrou sal verkeer.

Onder Jeffreys se redakteurskap het Die Burger reeds 'n beduidende verskuiwing na links ondergaan, maar te oordeel aan die huidige inhoud van By, gaan Rapport die ergste deur die skommeling geraak word. Die redaksionele beleid van By onder Liza Albrecht kan as "anti-Afrikaner, met voorwaardelike steun aan die ANC" beskryf word. In sy politieke kommentaar tot dusver het By die Mbeki-faksie van die ANC ondersteun en weifel tans tussen die partye van Zuma en Lekota.

Albrecht se gunstelingrubriekskrywers in By is Max du Preez, Christi van der Westhuizen en ds. Nico Smith wat elkeen so te sê weekliks in die bylaag skryf. Al drie is uitgesproke anti-Afrikaners wat die verdwyning van Afrikaanse plekname, die Afrikanerkultuur en enigeen wat hom- of haarself as Afrikaner sien, voorstaan.

Na verwagting sal Christi van der Westhuizen veral eersdaags 'n rubriek in Rapport ontvang waarin sy haar tirades jeens Afrikaners en hul gewaande "rassisme" sal voortsit.

Benewens die politieke verskuiwing na links, word die skommeling ook deur ekonomiese en tegnologiese oorwegings genoodsaak, ten minste volgens die oorhoofse redakteur, Peet Kruger.

In 'n berig in Die Burger het Kruger hom soos volg uitgelaat:

“Wêreldwyd moet koerante pynlike aanpassings doen om die oorgang te maak van ‘n papier-koerant na ‘n nuusorganisasie wat nuus 24 uur van die dag winsgewend op papier, die internet, selfone en ander kanale aanbied. Ons posisioneer ons om daardie aanpassings pro-aktief te doen.

“Soos alle ander veranderingsprosesse sal dit pynlik wees, maar ons moet dit doen as ons in die toekoms so suksesvol wil wees as wat ons tot dusver was. Media24 en Naspers se visie om pro-aktief op te tree, beteken daar is hoop vir die toekoms van goeie joernalistiek in Afrikaans.”

Fran?ois Groepe

Die hoofuitvoerendebeampte van Media24, François Groepe, het gesê wêreldwyd is mediamaatskappye besig om hul sakemodelle by gebruikerspatrone aan te pas. “Ons visie is om ons nuusaanbod verder te versterk deur nuus 24 uur per dag beskikbaar te stel, ongeag die platform en sodoende ons posisie as toonaangewende mediamaatskappy gestand te doen.

“Hierdie aanstellings is ‘n opwindende ontwikkeling vir die maatskappy. Nie net stel ons twee deurwinterde redakteurs in senior posisies aan nie, maar ook die eerste vrou wat Rapport se leisels gaan oorneem.”

Koerante se sirkulasie is wêreldwyd besig om te taan terwyl al hoe meer lesers hul tot die internet wend as hul primêre bron van nuus. Die huidige skommeling by Media24, hoewel ten dele ideologies gedrewe om die groep al hoe nader aan die ANC-bewind te posisioneer en meer vyandig teenoor die land se oorblywende Afrikaners (wat nog in groot getalle die mediagroep se koerante en tydskrifte koop), verteenwoordig ook 'n strategie om die gedrukte media "af te bestuur" ten gunste van die internet.

Оборудование

Afrikanerbond stem saam met naamsveranderinge

08:29:40 Leiers van die Afrikanerbond het op Woensdag ingestem om saam met die regering te werk oor naamsveranderinge in Gauteng, het die provinsiale regering gesê.

Woordvoerder Simon Zwane het gesê die Afrikanerbond het gedurende 'n vergadering met die Gautengse premier, Paul Mashatile, beloof om die naamsverandering te ondersteun.

"Daar is ooreengekom dat die proses van naamsverandering inklusief moes wees en die geskiedenis en agtergrond van al die mense moes weerspieël," het Zwane gesê.

Die Afrikanerbond het ook ingestem om die regering te help met misdaadvoorkoming, verbetering van onderwys en versnelling van dienslewering.

"Gedurende die vergadering het Mashatile gesê dat die regering saam met die Afrikanerbond sal werk, omdat die regering bekommerd is oor die welstand van die mense," het Zwane verder gesê.

‘Bose blanke jeugdiges is gevaarlik’

Baie Afrikanerjeugdiges is kwaad en het baie vaste sienings omtrent swartmense, het professor Jonathan Jansen Donderdag gesê.

Jansen, wat by die 5de jaarlikse Biskop Hans Brenninkmeijergedenkpraatjie in Johannesburg opgetree het, het gesê die Afrikanerjeug het geen direkte ondervinding van apartheid nie en is gebore rondom die tyd wat voormalige president Nelson Mandela uit die tronk vrygelaat is.

"Hulle, (die Afrikanerjeug) dra in hulle die saad van bitter kennis wat indien dit nie aangespreek word nie baie maklik kan ontkiem in veragtelike, gewelddadige rasseaanvalle."

Hy het die Waterkloof -vier, die Reitz-video en die Skierlikskietvoorval as voorbeelde aangehaal.

"Die Afrikanerjeugdiges se kennis is oorgedra deur die familie, die kerk, die skole, kulturele verenigings en ouderdomsgroepe," het hy gesê.

Daardie agentskappe dra gevaarlike boodskappe oor in al die blanke kringe, ten spyte van wonderlike veranderinge in die formele instellings van demokrasie.

Jansen het gesê dat dít waarin die Afrikanerjeug glo en hoe hulle optree 'n spieëlbeeld is van dít waarin hulle ouers glo. Hulle ouers het geglo in en voordeel getrek uit wit oorheersing in die dekades voordat hulle kinders gebore was.

Die dreigende sosiale verval wat rondom blankes plaasvind, het gemaak dat hulle rasse-eksklusiwiteit (ons behoort aan onsself), rasseoorheersing (ons is beter as swartmense), en rasseviktimisasie (ons is die teikens van swartmense) versterk, het Jansen gesê.

"In die verwysingsraamwerk van die blanke jeug word die sosiale gebeure deur 'n enkele lens beskou: swart onbevoegdheid, swart barbarisme, swart gierigheid en swart vergelding," het Jansen bygevoeg.

In 'n poging om die woede te verstaan, sê Jansen, het hy in die lewens van blanke Afrikaners gelewe. Sy bevindings is dat dit moeilik is om hulle (blanke Afrikaners) se sieninge van ander mense te verander.

Hy het gesê dat vir transformasie om suksesvol te wees, Suid-Afrikaners aan beide kante van die kleurlyn (wit en swart) bereid moet wees om na mekaar toe te beweeg.

Hy het gesê dat blankes uit hulle "gemaksone" moet beweeg en dat hulle hul medemens moet verwelkom, en nie net verdra nie indien hulle in die nuwe Suid-Afrika sukses wil behaal.

"Blanke vaders word gesien as die groot hekwagte teen rasse-integrasie in hulle huise. Ons moet bymekaarkom en dit uitwerk vir ons onthalwe en vir die toekoms," het Jansen gesê.

In sy toespraak het Jansen gesê dat baie blanke Suid-Afrikaners die onlangse xenofobiese aanvalle, die stygings in die pryse van voedsel en brandstof, asook rentekoersstygings as "swart" probleme beskou.

"Met ander woorde, die uitslag van die gesprekke dui op 'n las wat deur die witman gedra moet word," het Jansen gesê.

Rondom die "wankelrige demokrasie" het Jansen die ANC-jeugliga se boewe geblameer vir hulle "ons sal moor vir Zuma"-uitlatings.

Die toestand van die openbare instellings, die Menseregtekommissie, die Presidensie, die SAUK en die regstelsel is alles rooi vlae wat dui op die wankelrige toestand van die demokrasie.

paralume

Praag gekraak!

Soos lesers van dié webwerf gister tussen 11-uur en 3-uur agtergekom het, is ons gekraak. 'n Onbekende rekenaarkraker met 'n skuilnaam het tot die bediener deurgedring en twee virusse daarop geplaas wat agterna op elke bladsy van die webwerf verskyn het.

Onmiddellik nadat ons daarvan bewus geraak het, het ons die webwerf vanlyn gehaal om besoekers te beskerm. Ons webmeester, Albertus Kleingeld, het onverpoos gewerk om die probleem op te spoor en die bediener van die virusse te suiwer. Teen 3-uur gistermiddag kon ons genadiglik weer die webwerf aanskakel.

Ons vra om verskoning vir die ongerief gister, maar soos webmeester Albertus Kleingeld dit gestel het, "maak blootstelling aan virusse en krakers deel uit van die risiko om 'n webwerf te bedryf".

Dit is ongelukkig so dat kwaadwilliges daarbuite wat, hetsy om politieke of ideologiese redes, hetsy vir die plesier daarvan om die werk van ander te beskadig, webwerwe aanval net soos wat hulle virusse en ander skadelike programme versprei.

Praaglesers en alle internetgebruikers word aangeraai om te alle tye antivirusprogrammatuur, asook 'n vuurmuur soos Zone Alarm wat gratis afgelaai kan word, op hul rekenaars te loop.

Die voorval het die behoefte aan veiligheid op ons eie rekenaarstelsels en voortdurende paraatheid verder onderstreep aangesien die betrokke skadelike program genaamd "Antivirus 2009", wat hom juis as 'n antivirusprogram voordoen, ook die rekenaars van drie van ons medewerkers aangeval het.

Hoewel ons nie paranoïes is nie, word die moontlikheid nie uitgesluit dat ons juis aangeval is vanweë ons onverskrokke standpunte ten gunste van Afrikaans en Afrikaneroorlewing in Suid-Afrika nie.

баня Фильчаков прокурор

Woes se kubergenesing help

Die webwerf Woes help aspirant skrywers om beter blootstelling en terugvoer op hul werk te ontvang, en daar is ontdek dat die webwerf mense selfs op emosionele vlak help, soos die volgende getuigskrif toon.

Afrikaanse in die kuberruim het tans meer as 3 200 skrywers wat al amper 27,000 gedigte op die web gepubliseer het. Dit sluit nie eers die kategorieë soos artikels, kortverhale en sosiale kommentaar in nie. Lees wat Kobus Olivier, alias Bigfoot, van Woes sê.

"Woes en sy mense het in 'n maand se tyd daarin geslaag om my met ander oë na die lewe te laat kyk. Soms is daar dinge in die lewe wat jy weet, maar jy is te swak om dit toe te pas. Dan lees jy van ander se pyn en joune begin vervaag. Verder het julle klomp by Woes my 'n geskenk gegee wat besig is om my lewe te verander. Julle het my geleer dat ek tog daaraan kan dink om 'n moontlike skryftalent verder te probeer ontwikkel.

Laastens was dit vir my wonderlik om uit mense se kommentaar te sien dat enkele van die dinge wat ek kwytgeraak het, tog aanklank vind en wel 'n verskil maak aan iemand se lewe. Dit is altwee dinge wat ek op hierdie stadium baie nodig het.

Hierdie webtuiste het die reddingtou van soveel mense geword. Dit bied geleenthede, maar ook 'n veilige hawe waarheen ons klomp stukkendes kan ontsnap en onbevange kan skryf oor die dinge wat in ons binneste vasgekeer is. Dit bevry mense en maak hulle heel.

Baie dankie vir hierdie buitengewone en baie spesiale wegkruipplek wat sonlig in mense se lewens bring. Pols gerus ander ook, hulle sal vir jou dieselfde tipe van terugvoer gee."

игры дляя девочек Александр Фильчаков

Nou word Reitz-koshuis swart

12:52:08 Jan van Niekerk, provinsiale jeugleier van die VF Plus in die Vrystaat, het met skok gereageer op die Universiteit van die Vrystaat se voorneme om 50 swart studente met Thukata-beurse in die Reitz-kamerwonings te huisves. Volgens Van Niekerk bevestig hierdie optrede van die UV-bestuur weereens hul onsensitiwiteit teenoor die blanke studente aan die UV.

“Deel van die kritiek van blanke studente oor integrasie, was dat die UV net blanke koshuise wil verswart”, het van Niekerk bygevoeg.

Die redes wat die UV aangevoer het waarom Reitz-kamerwonings gesluit moes word, was onder andere om rassisme te beveg en rasseversoening aan te moedig. Die huidige besluit om 50 swart studente in die koshuis te huisves, getuig van die UV-bestuur se eensydige transformasiebeleid.

Volgens Wouter Wessels, Leier van die VF Plus Kovsies, was die VF Plus van die begin af gekant teen die sluiting van Reitz, aangesien ‘n hele koshuis gestraf is vir vier studente se sogenaamde verkeerde optrede. Dit was vir die VF Plus onaanvaarbaar dat die inwoners so vinnig, in die middel van ‘n eksamen, uit die koshuis moes trek. Dit is nou duidelik dat die bestuur steeds nie met hul beplanning vir die diversiteitsinstituut begin het nie en kon hulle die inwoners minstens tot aan die einde van 2008 se akademiese jaar in die koshuis laat aanbly het, soos die VF Plus Kovsies voorsgestel het.

Die huidige plan om ‘n gedeelte van die perseel aan die Thuthuka-beurshouers af te staan, is onaanvaarbaar. Wessels het bevestig dat die VF Plus Kovsies binnekort met die UV-bestuur sal vergader om hierdie dringende aangeleentheid te bespreek.

светильник Лобановский Харьков

Vryheidsfront Plus wen Tuksverkiesing vir 12de agtereenvolgende keer

16:07:45 Die Vryheidsfront Plus-gesteunde kandidate het 75% van die setels ingepalm tydens die onlangse studenteraadsverkiesing van die Universiteit van Pretoria. Dit is die twaalfde agtereenvolgende keer dat die VF+TAS dié oorwinning behaal.

Die algemene vergadering het vandag byeengekom en Hector Beyers en Charl Oberholzer van VF+TAS is as onderskeidelik voorsitter en onder-voorsitter aangewys.

Volgens die VF Plus-jeugleier, Cornelius Jansen van Rensburg, is hierdie `n bewys dat studente steeds gemakliker is om vir polities gesteunde kandidate te stem as vir sogenaamde onafhanklike kandidate.

Hector Beyers sê studenteregte en die onafhanklikheid van studentestrukture moet as belangrik geag word. "Ons beoog om tydens hierdie termyn studentebelange van alle studentegemeenskappe te bevorder”, het Beyers bygevoeg.

Die TUKS-SR-verkiesing was die laaste van `n reeks SR-verkiesings waaraan die VF Plus-jeug suksesvol deelgeneem het.

Фильчаков

Straatnaamkwessie ‘n krisis, s? VF Plus

“Die ANC se roekelose hantering van die straatnaamkwessie in Pretoria het nou krisisafmetings aangeneem en verg nou dringend ingryping.”

Dit was die reaksie van die VF Plus se LP en voorsitter in die Groter-Pretoria streek, Willie Spies, op die geweld wat gisteraand in die Pretoria-Noord stadsaal uitgebreek het tussen strydende faksies oor die naamkwessie.

Die geweld het uitgebreek toe 'n swart inwoner 'n wit inwoner, volgens berigte van agter met 'n stoel geslaan het. Tydens die daaropvolgende hewige argumente is 'n wit inwoner gearresteer, terwyl die persoon wat die aanval met die stoel geloods het nie eens aangespreek is nie – hy is trouens later weer deur die organiseerders van die vergadering na die verrigtinge teruggenooi.

Spies het gesê die saak moet nou uit die hande van die plaaslike ANC geneem word omdat die ernstige spanning wat deur hulle aksies geskep word, 'n landswye impak kan hê. Die party het gesê dat hy sy voorbereiding van regsaksie teen die stadsraad gaan versnel om die proses so gou moontlik onwettig te laat verklaar deur die howe.

аксессуары для бани Фильчаков

Metropolisie tree ‘soos Gestapo’ op in Pretoria

Swart polisieman gebruik geweld teen blanke Afrikaanse vrou, gisteraand in Pretoria

07:34:07 'n Vergadering oor straatnaamsveranderings in Pretoria gisteraand het handuit geruk, met swart metropolisielede wat geweld teen blanke Afrikaanse vroue gebruik het (sien foto hiernaas).

Die vergadering is deur verskeie Afrikanergroepe bygewoon, waaronder Afriforum en die Verkennersjeug. Die byeenkoms het sonder probleme begin maar toe Mnr. Jan Beyers van die Verkenners se punt van orde blatant van die tafel gevee is, het ontstoke lede van die vergadering hul stemme laat hoor.

Mnr. Beyers se punt van orde het behels dat die vergadering moet verdaag aangesien dit 'n onwettige vergadering was. Terwyl daar aangedring is dat die punt van orde aanvaar moes word, het polisieverteenwoordiging skerp toegeneem. Gemoedere het begin oplaai tussen diegene wat gekant was teen die naamsveranderings en diegene wat daarvoor was.

Lede van die SAKP en ANC in T-hemde van hul partye het luidkeels hul steun vir die naamsveranderings te kenne gegee. Geweld het uitgebreek toe 'n lid van die SAKP/ANC 'n stoel na die Verkenners geslinger het. Die swart Metropolisielede het hul egter aan die kant van die SAKP/ANC geskaar en hardhandig teen Verkennerlede begin optree. Een lid van die Verkenners is in hegtenis geneem.

Mnr. Werner Smook, voorsitter van die Verkennersjeug, het gesê: "Die arrestasie is onregmatig en die behandeling van die polisie was hardhandig en uiters eensydig. Verskeie lede van die Verkenners oorweeg regstappe in verband hiermee."

Ná die arrestasie is die ligte van die saal afgeskakel en die polisie het die aanwesiges met traangas bestook. Die meeste mense wat teen die naamsverandering gekant was, het op dié stadium die saal verlaat.

Hierna is die vergadering egter hervat met die doel om "steun" vir die naamsveranderings te betoon. Volgens mnr. Werner Smook "is verskeie van ons lede met arrestasie gedreig indien hulle weer die saal sou betree. Gevolglik is die vergadering verder bykans net bygewoon deur lede van die SAKP/ANC. Dit is uiters ondemokraties en op grond daarvan alleen is die vergadering 'n klug en verwerp ons die uitkoms daarvan."

Mnr Kallie Kriel van Afriforum het 'n poging aangewend om die polisie te oortuig om die SAKP/ANC-lid wat die Verkenners met die stoel geslaan het, te arresteer. Hy het die persoon aan die polisie uitgewys, maar is toe self hardhandig uit die saal verwyder. Blykbaar is mnr Kriel ook deur 'n senior lid van die Metropolisie aangerand.

Agterna is vorms uitgedeel waarop voorstelle vir nuwe straatname gemaak kon word. Volgens die Verkenners se woordvoerder "bevestig dit weereens dat die metroraad die besluit alreeds geneem het om die name te verander. Geen kans word dus gegun om teen die veranderings te protesteer nie. Die Verkenners is 'n vreedsame kultuurorganisasie en betreur die gewelddadige optrede van die ANC/SAKP en die polisie wat van Gestapo-tipe optrede gebruik gemaak het."

slots game лобановский депутат

Swart mense is hul eie grootste vyand

Swart mense is hulle eie grootste vyand, het Lot Ndlovu, president van die Swart Bestuursforum (SBF) vandag gesê.

Swart mense swaai vinnig om na materialisme, soos mens kan sien aan hoe vinnig hulle hul luukse motors en huise vertoon. Ndlovu het dit as baie kras beskryf.

Hy sê dat baie swart besigheidsmanne net daarop uit is om hulleself te verryk, en dat hulle nie in transformasie belangstel nie.

Volgens hom het die transformasieproses gestruikel en hy meen dat sommige swart sakemanne nie deel is van die program nie.

Ndlovu het met afgevaardigdes gepraat oor die belangrikheid daarvan om goed te presteer in mens se werk. Hy het gesê dat swart mense hulle eie grootste vyande is.

Ndlovu, wat die visevoorsiter is van die Nedbankgroep, het gesê dat topswartuitvoerendebeamptes dikwels nie hulle eie maatskappye se gebrek aan transformasie kritiseer nie.

Hulle vermy die onderwerp van die bevordering van swartmense, vanuit ‘n gevoel van skuld teenoor dié wat hulle in die magsposisies geplaas het.

Ndlovu het gevra vir die aanstelling van ‘n liggaam wat swart bestuurders kan aanbeveel, om te sorg dat dié bevoegde mense in senior poste in maatskappye aangestel word.

Volgens hom moet daar gekyk word na die aanstelling van mense, aangesien mense dikwels as uitvoerende beamptes aangestel word, terwyl daar vrae is oor hulle bevoegdheid. Hy sê dat die oplossings vir die probleem antwoorde uit eie bodem verg.

Hy sê dat dit tyd is vir swart leiers om transformasie die eerste prioriteit te maak, en het ook bygevoeg dat daar ongelooflike onregverdighede aangaan met sommige swartbemagtigings transaksies. Volgend hom is dit belangrik om te gaan slaap met ‘n skoon gewete.

Ndlovu se stelling oor materialisme het kommentaar van die moderator van die sessie ontlok toe hy gesê het dat hy bly is hy het sy duur mansjetknope nie vandag aangehad nie.

Blade Nzimande van die SAKP het gesê swart besigheidsmanne kan aan hulle SEB-skoene herken word, omdat die punte nouer word, en dit is so lank dat die mense agteruit na ‘n deur toe moet loop om te voorkom dat die skoene klop aan die deur voordat die persoon by die deur kom.

AfriForum teleurgesteld oor Naas Botha

15:04:37 Die burgerregte-inisiatief AfriForum het sy teleurstelling uitgespreek met Naas Botha se uitlating in die media dat “as hulle die Springbok wil skiet, moet hulle dit nou doen en klaarkry.”

Volgens Kallie Kriel, uitvoerende hoof van AfriForum, het die Springbok-tradisie 'n groot rol gespeel om Botha as rugbylegende te help vestig en sou 'n mens verwag dat iemand soos hy nie voor politieke druk van radikale elemente soos Butana Komphela moet swig nie.

“Botha verdien vandag groot geld as rugby-aanbieder op die rug van die Springbok en nou is hy nie bereid om die hand wat hom voed in beskerming te neem nie,” het Kriel bygevoeg.

Kriel het ook aangedui dat AfriForum nie die stryd vir die behoud van die Springbok gewonne sal gee nie. Volgens hom het AfriForum reeds 'n regsopinie van 'n senior advokaat aangevra om die nuwe Sportwet ongrondwetlik te laat verklaar. Dit is volgens Kriel nodig omdat dit juis die nuwe Sportwet is wat dit vir elemente wat buite rugby staan, moontlik maak om polities in te meng in rugby se sake en van die Springbok ontslae te probeer raak. “Die Springbok is 'n geregistreerde handelsmerk van die Suid-Afrikaanse Rugby-unie en inmenging om dit te verwyder, sal op onteiening neerkom,” het Kriel gesê.

play

Uitslag van plaaslike verkiesing in ANC se guns

08:52:01 Die ANC het ‘n plaaslike verkiesing gewen wat Woensdag in die Alexandra-woongebied gehou is.

Die party het gewen met 1125 stemme, gevolg deur die IVP met 423 stemme en die UDM met 49 stemme, het Gauteng-woordvoerder Nkenke Kekana gesê.

Die verkiesing is gehou ná die dood van ‘n ANC-raadslid wat in ‘n motorongeluk dood is. Duna Madise is die nuwe raadslid ná die verkiesing.

лестницы на Лобановский

Lekota en Shilowa span saam vir konvensie oor nuwe party

17:35:29 ‘n Nasionale konvensie wat kan aanleiding gee tot die stigting van ‘n nuwe party deur ontnugterde ANC-lede word vir November beplan, het voormalige Gauteng-premier, Mbhazima Shilowa, vandag gesê.

Shilowa, wat Lekota se idees vir so 'n konvensie ondersteun, is die sameroeper vir die konvensie wat oop die 2de November beplan word by ‘n plek wat nog afgekondig moet word.

Shilowa het gesê dat hy lank gedink het oor die saak, en het besluit om met onmiddellike ingang uit die ANC te bedank. Hy het homself verder ook gewillig verklaar om die konvensie te reël op voltydse basis, in samewerking met Mosiuoa Lekota en ander kamerade.

Hy verwag dat die ANC hom ook sal slegmaak, en met sinspeling op Zuma se stelling dat dit koud is buite die ANC het hy gesê dat meeste mense sal vind dat Suid-Afrika ‘n sonskynland is.

Shilowa het op 29 September bedank, ‘n week nadat voormalige president Mbeki uit sy pos herroep is deur die ANC.

Hy (Shilowa) gaan eerstens ‘n voorbereidings komitee saamstel uit prominente persone, waarna hulle saam die land gaan deurreis om met verskillende sektore van die samelewing te praat oor hoe om “demokrasie te beskerm en voorspoed te bevorder” in die land.

Hy het lede van die publiek aangemoedig om hulle standpunte na die konvensie te bring, ook dié wat glo die konvensie moet die begin van ‘n nuwe party aankondig.

Gesprekke gaan ook insluit die verkiesingsproses, en die onmiddellike verkiesing van ‘n president, pleks daarvan dat die nasionale president deur die party verkies word.

Indien ‘n party gestig word, gaan dit harde werk wees om takke te stig en partylyste saam te stel, wat natuurlik die gewone twis onder mekaar tot gevolg het.

Hy het gespot dat hy nou net een man is met ‘n selfoon, maar hy beplan om die eerste van die voorkonvensiegesprekke op Vrydag, 17 Oktober te hou by sy tuisdorp, Olifantshoek, in die Limpopo-provinsie.

Op ‘n vraag van wie die konvensie lei, het hy geantwoord dat hy en Lekota saam aan die stuur is.

Lekota het gesê dat hy bekommerd was omdat die ANC afgewyk het van die beginsels in die vryheidsverklaring op die manier waarop hulle teen die vervolging van Zuma beswaar gemaak het tydens die korrupsiesake.

Dié klagte is deur die Pietermaritzburgse Hooggeregshof ter syde gestel en Mbeki is gedwing om te bedank op ‘n manier wat Shilowa en Lekota in die openbaar bevraagteken het.

Die ANC het Lekota se bedankings verwelkom en gesê dié gedrag is onaanvaarbaar en onwelkom. Die party gaan na bewering ‘n radikale besluit omtrent Lekota se toekoms in die party neem in ‘n vergadering wat op Woensdag moet plaasvind.

UDM-leier, Bantu Holomisa, wat self ook uit die party geskors is vanweë ‘n partydispuut, sê hy is geskok oor die dreigement, aangesien dit ‘n atmosfeer vir geweld en vyandigheid skep.

Shilowa se politieke loopbaan strek oor baie jare, van voor die ANC se verbanning omgekeer is, daarna sekretarisgeneraal van Cosatu, ‘n lid van die SAKP se sentrale komitee en ook as onderhandelaar by die konvensie vir ‘n demokratiese Suid-Afrika.

Shilowa sê die mense is te besig met die ANC se interne sake, maar voeg by dat hoewel die ANC ‘n metode is om verandering te bring, daar ook ’n breër samelewing is.

Op die vraag oor sy vrou, Wendy Luhabe, se politieke affiliasie, het hy gesê sy is intelligent genoeg om haar eie besluite te neem.

free online

Motorstropery gevind in Kew-nedersetting

13:48:18 ‘n 32-jarige man is Woensdag in hegtenis geneem nadat die polisie ses gesteelde of gekaapte voertuie in sy werkswinkel in die Kew-informele nedersetting naby Bramley in Gauteng gekry het.

Inspekteur Moses Maphakela het gesê dat die polisie ‘n wenk gekry het van lede van die gemeenskap aangaande ‘n beweerde motorstropery in 3destraat in die Kew-nedersetting.

Toe die polisie opdaag, het hulle 4 Golfs gekry, asook ‘n Nissan Sentra en ‘n Caravelle.

By die nagaan van die voertuie se onderstelnommers is daar bevind dat sommige van die goedere gesteel is, terwyl ander in die Gauteng-omgewing gekaap is.

Die man is gearresteer en behoort binnekort in die Wynbergse Landdroshof te verskyn op aanklagte van die besit van gesteelde voertuie en gesteelde voertuigonderdele, het Maphakela gesê.

генератор аренда