Nuus – Bladsy 22 – praag.co.za

VSA kry nuwe oog in Irak, Afghanistan en Pakistan

Die VSA se oog in Irak, Afghanistan en Pakistan, gaan nou heelwat groter wees. 'n Nuwe multikamerasensor word tans aangebring aan die onbemande vliegtuie wat vir waarneming en spioenasie in dié land gebruik word.

Die stelsel, bekend as die Gorgon Stare, is die volgende tree in die rigting van beheer oor die slagveld. Twee MQ-9 Reapers wat met WAAS, dié sensors van $15 miljoen, uitgerus is, sal later vanjaar toetsvlugte onderneem.

Kolonel Eric Mathewson, direkteur van die Unmanned Aircraft Systems Task Force by die Pentagon sê dit gaan 'n ongelooflike magsvermenigvuldiger wees.

Sierra Nevada Corporation, vervaardigers van die WAAS, het die naam uit die Griekse mitologie gebruik; die staar verander mense in klip.

Vyf elektro-optiese en vier infrarooi kameras neem dag en nag foto's uit verskillende hoeke, en verwerk dit na een geïntegreerde mosaëikbeeld wat baie breër is as wat 'n enkele lens kan lewer.

By die sentralebeheerkamer kan besluitnemers skeer oor die gebied, die oog laat kantel en inzoem op 'n klein area. As 'n insurgent buite die een raam beweeg, kan hy maklik deur die oog na 'n volgende raam op die stel vertoonmosaïekskerms gevolg word.

Die stelsel wat onder een vlerk aangebring word is lig en kompak en maak voorsiening vir die insluiting van wapenstelsels op dieselfde tuig.

Omdat al die digitale data bewaar word, is dit moontlik om die stelsel forensies aan te wend deur terug te gaan na vorige beelde om gebeurtenisse te rekonstrueer.

Taliban leier Baitullah Mehsud, is deur 'n Hellfiremissiel van 'n onbemande tuig in Pakistan gedood terwyl hy onder die indruk verkeer het dat hy versteek is, maar die bestaande MTS-stelsel is moeilik om te gebruik omdat dit 'n blik gee asof 'n mens deur 'n strooitjie kyk.

Met WAAS kan 'n hele gevegsterrein sigbaar wees, ten minste as dit vier vierkante kilometer beslaan. Enige iets wat beweeg, sal deur Gorgon se oog waargeneem word. Die bestaande MTS kan beswaarlik 'n vierkante kilometer onder bewaking inkry.

план бани фото

Polisie gaan soldategeweld ondersoek

Die polisie skiet met rubberkoe?ls op die weermag

Die polisie ondersoek die onwettige betoging deur soldate by die Uniegebou wat gister gewelddadig geraak het toe honderde lede van die getransformeerde SANW (SA Nasionale Weermag) chaos gesaai het.

Die minister van polisie, Nathi Mthethwa het in 'n verklaring die geweld "sterk veroordeel".

"Terwyl lede van die SANW het die reg om vrylik te vergader en te betoog, maar daar kan geen regverdiging vir hul gedrag wees wat hul status as beskermers van die nasie weerspreek nie," het Mtethwa gesê.

'n Loonbetoging van ongeveer 1 000 soldate, wat almal lede van die SA Nasionale Weermagvakbond is, het in chaos verval toe die groep gepoog het om op die perseel van die Uniegebou te kom.

Die polisie het rubberkoeëls en traangas gebruik om die skare uiteen te jaag. Die soldate het die polisie uitgejou, 'n petrolbom op 'n motor gegooi en ander motors gevandaliseer.

Methethwa het gesê hy het die staking met die minister van verdediging en oorlogsveterane, Lindiwe Sisulu, bespreek en dat 'n ondersoek aan die gang is.

Diegene wat aan wetsoortredings skuldig bevind word, sal gestraf word, het hy gesê.

VSA help glo met wapens van Iran na Bosniese Moslems

Voormalige Serwiese leier van Bosnië, Radovan Karadzic, het aan Associated Press gesê hy samel getuienis in dat die VSA gehelp het om wapens van Iran na Bosniese Moslems te verskeep gedurende die oorlog in sy land.

Karadzic se verhoor sal binne die volgende paar weke voor die internasionale strafhof dien. Hy word aangekla van misdaad teen die mensdom en volksmoord gedurende die Bosniese oorlog waarin meer as 100 000 mense omgekom het.

In skriftelike antwoorde op vrae van die nuusagentskap, het Karadzic gesê hy het versoeke aan verskeie lande gerig om dokumentasie te lewer wat sy beweringe sal staaf dat hulle tussen 1992 en 1995, gedurende die konflik, 'n VN-wapenembargo oortree het.

Hy het gesê dit sluit direkte voorsiening van Amerikaanse militêre toerusting aan Bosniese Moslems in, asook Irannese wapens wat met die VSA se ondersteuning deur Kroasië gestuur is.

‘n Groen aanleg

Om na groener en meer omgewingsvriendelike motors oor te skakel, sal geen sin maak indien die fabrieke wat sulke motors vervaardig nie ook aan dieselfde streng vereistes voldoen nie.

'n Besoek aan die Tsutsumi-fabriek in Toyotastad, naby Nagoya in Japan, toon gou dat die vervaardiger omgewingskwessies ernstig opneem.

Die interessantste feit omtrent die aanleg is dat die gebou self help om die plaaslike omgewing skoon te maak. Die 22 000 vierkante meter wat die oppervlak van die gebou beslaan, is met 'n spesiale fotokatalitiese verf bedek.

Dié verf reageer met sonlig om aktiewe suurstof in die atmosfeer vry te stel. Dit breek dan skadelike verbindings van stikstofoksied (NOx) af. Om verder te help om CO2 te verminder, het werknemers van die Tsutsumi-fabriek en plaaslike inwoners in 2008 50 000 bome om die fabriek geplant.

Die helfte van Tsutsumi se elektrisiteitsbehoeftes word deur 'n verskeidenheid sonpanele met 'n oppervlak van 50 000 vierkante meter gedek wat 2 000 kW energie per uur kan verskaf. Die balans word verkry deur 'n doeltreffende gas kogenerasiestelsel.

Beligting is energiedoeltreffend en die verbruik word streng gemonitor. Die fabrieksontwerp is daarop gemik om natuurlike lig te bevoordeel en 'n beheerstelsel skakel outomaties alle onnodige ligte af.

Tsutsumi stuur geen afval of vullis uit die fabrieksgronde nie. Die hoeveelheid afval wat op die perseel verbrand word is tussen 1999 en 2006 met 82% verminder na 730 ton en die uiteindelike doelwit is om geen afval te verbrand nie.

Tussen 2003 en 2007 is die uitlate van die aanleg met 36% verminder en gedurende dieselfde tyd is die afval wat met 21% verminder deur van minder volatiele organiese materiaal gebruik te maak, 48% minder, en watergebruik is met 14% afgebring.

Tsutsumi gebruik 'n uitgebreide waterherwinningstelsel wat die volume water wat vrygestel word halveer het. Die water wat wel uitvloei, is skoner as die water in die bestaande bronne.

Vrede in Midde-Ooste kry nuwe asem

President Barack Obama gaan volgens die Britse Guardian 'n aankondiging doen oor die vredesonderhandelinge wat tot stilstand gekom het tussen Israel en die Palestyne. Volgens 'n nuwe ooreenkoms het Israel blykbaar ingestem om die uitbou van Joodse nedersettings te staak in ruil vir strenger Amerikaanse sanksies teen Iran.

Obama wil die aankondiging teen die einde van September maak. Hy sal dit by die Algemene Vergadering van die VN in New York, in die week van 23 September doen of by die G20-spitsberaad in Pittsburgh, September 24-25.

Iran is 'n eksistensiële bedreiging vir Israel, terwyl die nedersettings nie is nie, sê 'n onderhandelaar wat anoniem wil bly.

Die VSA, Brittanje en Frankryk sal aanstons die Veiligheidsraad druk om sanksies teen Iran uit te brei sodat dit die olie- en gasnywerhede insluit.

Israel wil ook hulle verhoudinge met hulle Arabiese bure normaliseer. Dit sluit die reg vir die El Al-lugdiens om Arabiese lande se lugruim te gebruik, in. Israel vra ook dat buurlande hulle verbod op reisigers met stempels van Israel in hulle paspoorte, nietig verklaar.

'n Meningsopname in Israel het Woensdag aangetoon dat die ooreenkoms om Joodse nedersettings te staak, nie gewild is by Israeli's nie. Byna twee-derdes is daarteen gekant.

Diplomate in Wene sê dat Iran sedert die einde van Mei nog nie verdere uraanverrykingssentrifuges opgerig het nie, nadat hulle voorheen hulle kapasiteit oor drie agtereenvolgende jare uitgebou het.

"Daar is geen bykomende sentrifuges wat uraan verryk sedert die einde van Mei nie," het 'n senior diplomaat, wat anoniem wou bly, in Wene gesê.

Die IAEA sal na verwagting hierdie week 'n verslag bekend maak oor die verlangsaamde pas waarteen Iran sentrifuges uitbrei. Die verslag sal waarskynlik ook 'n invloed op die vredesonderhandelinge in die Midde-Ooste wat binnekort hervat gaan word, hê.

лобановский депутат

Polisie skiet op weermag

Lede van die polisie het rubberkoeëls en traangas op ‘n groep van 1 000 soldate gevuur nadat hulle by die Uniegebou probeer inbreek het.

Die departement van verdediging het Woensdag gesê die polisie het met die “nodige geweld” opgetree toe ‘n groep betogers oor ‘n heining buite die gebou probeer klim het.

Die betogers is lede van die Suid-Afrikaanse Nasionale Weermag (SANW).

Volgens ‘n woordvoerder vir die departement, Ndivhuwo Mabaya, het die betogers motors beskadig en ‘n militêre voertuig aan die brand gesteek.

Een betoger is lig beseer.

Die protesoptog deur SANW-soldate is vroeër Woensdag deur die hooggeregshof in Pretoria onwettig verklaar.

Die soldate het aansoek gedoen om ’n optog na die Uniegebou te voer oor salarisse.

Лобановский Харьков

Mugabe ongesteld?

Die Zimbawiese minister van verdediging Emmerson Mnangagwa kon Woensdag nie bevestig of ontken dat president Robert Mugabe vir mediese sorg in Dubai is nie.

"Ons lees dit in die koerante," het hy gesê nadat Suid-Afrikaanse mediaberigte verskyn het waarin beweer word dat Mugabe ongesteld is.

"Sover ek weet, is hy gesond, tensy dit 'n kleine onwelheid is soos griep wat hy dalk opgedoen het terwyl hy weg was."

Hy het egter bevestig dat die 85-jarige president nog steeds uit die land is.

Amptelike segsman George Charamba kon nie vir kommentaar bereik word nie.

Mugabe was Dinsdag sonder verklaring afwesig by 'n staatsbegrafnis van 'n senior amptenaar van sy Zanu-PF party.

Die Zimbawiese president sal president Jacob Zuma Donderdag by die Harare Landbouskou ontvang.

Onvermelde regeringsbronne beweer dat Mugabe Woensdag, verlede week, teruggekeer het na 'n amptelike besoek aan Namibië, maar byna dadelik weer na Dubai vertrek het met 'n klein delegasie.

Toerisme daal met 40 persent

Europese toeriste het SA versaak…

Die aantal oorsese vakansiegangers wat Suid-Afrika besoek – besoekers vanuit Afrika uitgesluit – het met 40 persent afgeneem, berig Sake24.

Die Suider-Afrikaanse Toerismediensvereniging se hoof van toerismedienste, Michael Tatalias, het gesê dat "ontspanningstoerisme" – buitelanders wat Suid-Afrika op vakansie besoek – met 40 persent in die jaar tot einde Mei afgeneem het.

In die geheel het die aantal buitelandse besoekers, wat besoekers uit ander Afrikalande uitsluit maar sakebesoekers, sportbesoekers en familiebesoekers insluit, het met 110 000 oftewel 11,7 persent, gedaal.

Matsatsi Marobe, die uitvoerende hoof van die Toerismesakeraad van SA, het die syfers bevestig en gesê dat die persentasie buitelandse vakansiegangers met tussen 30 en 40 persent afgeneem het.

free video

Wapenvergoedingsaak hof toe

'n Eis om vergoeding vir wapens wat onder die wet op vuurwapenbeheer ingehandig is, gaan aanstaande week in die Kaapse Hoë Hof beredeneer word, het die Geregtigheidsalliansie van Suid-Afrika gister gesê.

Die organisasie sê hy het hom by die Valsbaaiskietklub gevoeg deur te eis dat die minister van polisie binne 60 dae riglyne opstel vir vergoeding soos dit deur artikel 137 van die Vuurwapenbeheerwet vereis word.

Die staat se weiering om tot dusver vergoeding te betaal was strydig met sy grondwetlike verpligtinge wat verband hou met die beginsels wat openbare administrasie reël.

Die Geregtigheidsalliansie het gesê dat sowel individue as wapenhandelaars finansiële verliese deur dié weiering gely het.

In een van die ondersteunende verklarings wat by die hof geliasseer is, het 'n handelaar gesê dat sy 'n verlies van meer as R2 miljoen gely het omdat sy haar voorraad wapens moes inhandig.

купить игрушку

Koerante gaan oorleef s? M&G se redakteur

Nic Dawes, redakteur van die Mail & Guardian, het aan die Kaapse Persklub gesê die koerantbedryf sal nie doodgaan nie want mense het inligting nodig. Sy koerant het reeds net een nuuskantoor, waar die papier- sowel as elektroniese uitgawes voorberei word.

Dawes het die BBC se webtuiste uitgesonder as een van die bestes.

Die resessie knou verkope, maar Dawes voel dit is nie waar dat koerante hul relevansie weens webwerwe verloor nie.

Hy het egter beklemtoon dat armes nie toegang tot digitale nuus het nie, en homself daartoe verbind om relevant vir algar te wees. Die resep, sê hy, moet nog gevind word.

Hy het gesê dis nog nie aand in die bedryf nie, "maar baie van die swaarmoedigheid is oordrewe".

Rupert Murdoch het pas aangekondig dat hy ’n gratis koerant in Londen gaan sluit. Dawes gesê hy was verstom oor die swak gehalte van gratis koerante in Londen omdat die inhoud hoofsaaklik skindernuus oor glanspersoonlikhede bevat.

мозаика лобановский класс

Merkel en Obama se eierdansie

Die manier waarop Angela Merkel die Duitse onderneming Opel gered het en terselfdertyd voorkom het dat die reddende kapitaal na General Motors VSA toe vloei, toon ondubbelsinnig dat die VSA geensins in staat is om voorwaardes af te dwing nie. Dit geld ook vir die wyse waarop Fiat belang in Chrysler bekom het. Sulke gebeurtenisse is 'n openlike vernedering vir die VSA dat hy nou by onder meer Europa moet aanklop.

Sarkozy het verlede jaar openlik die Amerikaans-Britse beleid ondersteun om op uitermate groot skaal banknote te druk en te versprei teneinde koopkrag te skep. Hy is daarin deur Duitsland en Italië gestuit, maar Sarkozy is stellig die beste moontlikheid om verdeeldheid in die Europese Unie te veroorsaak noudat Brittanje verder ineenstort en minstens voorlopig van geen belang is nie.

In haar Nuwejaarsboodskap op 31 Desember 2008 het Bondskanselier Merkel die VSA en Brittanje se beleid om met groot bedrae papiergeld die krisis te wil besleg, onomwonde verwerp. Sy het haar die gramskap van die nootbankhoofde Bernanke (Federale Reserweraad van die VSA) en Trichet (Europese Sentrale Bank) op die hals gehaal met 'n skerp teregwysing dat hulle nie met groot nootuitgifte die finansiële beleid van die lidlande van die Europese Unie (EU) moet ondermyn nie.

Die hoofde het teruggekap en aangevoer dat hulle op hulle ingeslane weg sal volhard. Trichet is 'n Fransman en dit kan Obama se doel versterk om die verhouding tussen Duitsland en Frankryk, die toonaangewende EU-lande, te vertroebel.

Die ekonomiese krisis kring duidelik na die staatkundig-politieke gebied uit. Brittanje is reeds buite die gevegsterrein geplaas. Ook die VSA ervaar 'n swak en verswakkende toestand omdat hy verplig is om 'n bedelhand na buite uit te hou in sy pogings om General Motors en Chrysler en ander groot finansiële instellings te probeer red.

Die VSA het die Britse hegemonie met en tydens die Tweede Wêreldoorlog nie net staatkundig beëindig nie, maar ook Sterling se oorheersende rol vernietig. Dit is merkwaardig dat juis Duitsland en Italië, die oorwonnenes van die Tweede Wêreldoorlog, nou die toon vir die VSA aangee.

Uittreksel uit EUROPA EN DIE VSA deur Dr PE vd Dussen

Semenya se testosteroonvlakke drie keer ho?r as normaal

Heidi, nou Andreas Krieger

Dit het aan die lig gekom dat 'n toets voor haar laaste wedloop aangetoon het dat Semenya se testosteroonvlakke drie keer hoër is as wat normaal is vir 'n vrou. Dié bevinding het aanleiding gegee tot die vrae wat daar tans heers oor die geslag van Semenya.

Die testosteroontoets is reeds glo in Suid-Afrika gedoen.

Leonard Chuene, voorsitter van ASA, het Dinsdag by sy aankoms by die land se grootste lughawe, die IAAF se "openbare vernedering" van Caster Semenya skerp gekritiseer. Chuene wil die IAAF die stryd aansê omdat hulle die Suid-Afrikaanse atleet se regte as vrou glo misken.

Semenya het die rekord van Zola Budd, die kaalvoetwonder vir die 800m, ook in die stof laat byt.

Manlike lede van die sokkerspan waarmee sy in haar tuisdorpie meegeding het, was volgens SAPA ook by die lughawe om haar te verwelkom.

Chuene se onversetlike houding kan Semenya duur te staan kom, aangesien die organiseerders van groot internasionale byeeenkomste nie die atleet gaan uitnooi solank vrae oor haar geslag nie opgeklaar word nie.

’n Wêreldkampioen kan glo tussen R150 000 en R200 000 ontvang om deel te neem

Daar word ook gespekuleer dat Dr Ekkart Arbeit, die voormalige Oos-Duitse afrigter, Semenya met anaboliese steroïdes behandel het wat moontlik die manlikheid van die atleet veroorsaak het.

Arbeit word daarvan beskuldig dat hy 'n vorige vroue-atleet Heidi Krieger, soveel van die middels ingegee het dat sy 'n geslagsveranderingsoperasie in 1997 moes ondergaan en nou as 'n man, Andreas Krieger, lewe. Semenya het glo saamgewerk met dié afrigter.

Arbeit het die aanklagte in die verlede teen hom erken en destyds om verskoning gevra vir sy rol daarin.

Die Suid-Afrikaanse parlement is steeds erg gekrenk oor die "oordrewe en verskriklike ondermyning van regte en privaatheid" van Semenya en maak gereed om 'n klag in te dien by die VN se kommissaris van Menseregte omdat die atleet se geslag tans bevraagteken word.

сауны в Лобановский Харьков

Afriforum s? Malema saai verdeeldheid

AfriForum Jeug het die president van die ANC Jeugliga, Julius Malema, daarvan beskuldig dat hy ŉ rasse-ideoloog is, wat klaarblyklik selfs bereid is om puik prestasies deur Suid-Afrikaanse atlete te misbruik om verdeeldheid in die land te saai.

Dit volg nadat Malema Dinsdag met die aankoms van dié atlete by die Johannesburgse lughawe, ŉ aanval op wittes geloods het omdat daar volgens Malema se oordeel te min wittes op die lughawe was.

Volgens die nasionale voorsitter van AfriForum Jeug, Ernst Roets, het lede van AfriForum Jeug wat vandag by die lughawe teenwoordig was, besluit om te loop toe dit duidelik geword het dat Malema en die ANC Jeugliga die geleentheid gekaap het om ŉ anti-wit agenda te bevorder.

Roets het in reaksie op Malema se vraag oor waar die wittes is, gesê Malema loods voortdurend aanvalle op wittes en dat Malema tog nie in alle erns kan verwag dat wittes moet opdaag by plekke waar Malema ŉ toespraak lewer nie.

“Malema moet dalk begin besef dat hyself die probleem is en dat meer mense sal opdaag om sporthelde te verwelkom as geleenthede soos vandag nie deur mense soos Malema misbruik word nie,” het Roets bygevoeg.

Volgens Roets is mense oor ŉ wye spektrum trots op die land se atlete se prestasies en word die geleentheid wat dit bied om wedersydse erkenning en respek tussen gemeenskappe te bevorder, belemmer deur die Malemas in die land.

Malema se vraag was uiteraard moedswillg want die krieket- en rugbyspanne is hoofsaaklik wit en die sokkerspanne swart. Die onderskeie sporte se juigkommando’s daag gewoonlik soos per ras op. Afriforum het nie daarop kommentaar gelewer nie.

lego friends купить киев депутат лобановский

Kundigheid kan Pretoria se finansies herstel

Conrad Beyers

Die Vryheidsfront Plus het in ‘n verklaring gesê dat die party oor die vermoë en strategiese kontakte beskik om die Tshwane-metroraad se geldsake te help herstel, indien die party die geleentheid gegun word.

Die VF Plus het gesê dat langtermyn-oplossings, eerder as korttermyn-krisisbestuur, benodig word om finansiële vertroue in die metroraad te herstel.

Volgens dr. Conrad Beyers, VF Plus-raadslid, is die metroraad se huidige finansiële verknorsing te wyte aan swak bestuur en ‘n afwesigheid van toekomsbeplanning, wat die gevolg is van ‘n ernstige tekort aan kundigheid in die metroraad se finansiële department.

“Die VF Plus bied aan om die nodige kundigheid te help mobiliseer ten einde die stad op finansiële gebied te red. Ons het ‘n keuse – ons kan aanhou histeries skree en gil sonder enige resultate en soos die DA hoop dat alles in duie stort. As die stad egter in duie stort, sit almal sonder water en ligte. Of ons kan probeer red wat te redde is,” het Beyers gesê.

Die VF Plus het gesê die verhoging van die stadsraad se oortrokke fasiliteit vanaf R500 miljoen tot R1.2 miljard is onverantwoordelik vanweë die risiko’s daaraan verbonde.

Volgens Beyers is dit onhoudbaar dat enige instansie se oortrokke fasiliteit byna 10% van die totale begroting uitmaak. Buiten die hoë koste van sulke korttermyn-finansiering is daar groot risiko’s aan verbonde. Indien die finansierders bekommerd raak oor die sekuriteit van hulle fondse, kan hulle eis dat oortrokke skuld onmiddellik terugbetaal word. Gevolglike beslaglegging op die munisipaliteit se kontant kan tot ‘n totale ineenstorting lei.

Die VF Plus is tans in gesprek met verskeie organisasies wat oor die vermoë beskik om finansiële kundigheid te mobiliseer. Die VF Plus self beskik oor mense met sterk agtergrond in finansiële bestuur en aktuariële wetenskap.

Die VF Plus beskik oor ‘n databasis van kundiges wat opgebou is tydens die party se SA Talent-veldtog waarmee die party poog om kundigheid na die staatsdiens terug te bring. Die VF Plus het ook organisasies soos die Afrikanerbond, die Pretoria Sakekamer, die Afrikaanse Handelsinstituut asook ander professionele liggame geïdentifiseer wat hiertoe ‘n bydrae kan maak.

By Donderdag 27 Augustus se raadsvergadering sal die VF Plus die voorstelle ter tafel lê.