Streeksnuus – Bladsy 14

Wie gaan betaal?

Die ANC sal skynbaar nie finansieel voordeel trek uit die besigheidskamer wat ten duurste opgerig gaan word met die oog op die party se nasionale konferensie wat in Desember in Pietersburg plaasvind nie. “Ons, as ’n privaat maatskappy, sal besluit wat ons met die geld wil maak,” meen Nic Wolpe, die projekbestuurder vir die Network Lounge, die maatskappy wat die fasiliteit gaan oprig.

Volgens Business Day het 30 maatskappye reeds aansoek gedoen om stalletjies by die konferensie te bedryf teen R5 miljoen elk. Hierdie stalletjies sal almal in die sakekamer gebaseer wees, in ’n luukse tent net meters weg van die ANC se vergadersaal. Daar sal onder andere alkohol en sigare beskikbaar wees.

Volgens Wolpe sal die koste verbonde aan die stalletjies na sy maatskappy gaan, en nie na die ANC nie. Wolpe het ’n soortgelyke fasiliteit bedryf tydens die ANC se nasionale konferensie wat in 2002 in Stellenbosch plaasgevind het. Die ANC het bevestig dat Wolpe toestemming gegee is om die sakekamer tydens die Desember-konferensie in Pietersburg te bedryf. Die party het egter ontken dat hulle enige van die fondse gaan ontvang wat Wolpe insamel. Sy vader, Harold Wolpe, was ’n anti-apartheidsaktivis en prominente leier binne die Suid-Afrikaanse Kommunisteparty (SAKP).

Op 5 November het Donald Lee namens die Demokratiese Alliansie (DA) sy kommer uitgespreek oor die koste van die ANC se naderende konferensie. Volgens hom kan dit die Suid-Afrikaanse belastingbetalers tot R40 miljoen uit die sak jaag. By die ANC se konferensie in Stellenbosch was 11 van die 29 organisasies wat destyds betaal het om uit te stal naamlik regeringsdepartmente.

‘Ekonomie gaan agteruit terwyl elite welvaart beleef’

Moeletsi Mbeki, politieke analis en broer van president Thabo Mbeki, het gewaarsku teen Suid-Afrika se industriële agteruitgang en die feit dat daar bloot ryk eilandjies in ’n see van armoede gevorm word. Mbeki het gisteraand die Kamer van Mynwese toegespreek. Hy is ook die adjunk-voorsitter van die Suid-Afrikaanse Instituut vir Internasionale Aangeleenthede. Hy meen die ekonomie is nou in “’n fase van stadige, langtermyn agteruitgang.”

Volgens hom is die kern van die probleem die feit dat die sektore van die ekonomie wat die vinnigste groei (finansiële dienste, eiendom, sakedienste, die boubedryf, vervoerwese en kommunikasie) nie uitvoer nie en die minste arbeid verbruik. Aan die ander kant is die uitvoersektor (vervaardiging en mynwese), wat weer oor die grootste arbeidsmag beskik, besig om agteruit te gaan ten opsigte van hulle bydrae tot die bruto binnelandse produk (BBP). Vervaardiging se bydrae tot die BBP het van 25% in die vroeë tagtigerjare gedaal tot 16% in 2007. Hy het die skoenbedryf as voorbeeld genoem. “Twintig jaar gelede is 80% van skoene wat in Suid-Afrika verkoop is, hier vervaardig. Vandag word 80% van skoene egter van Asië ingevoer.”

Die magsverskuiwing van 1994 het baie hiermee te doen, meen Mbeki. “Die treffendste aspek van 1994 is dat aan die swart kant die swakste party – die bevrydingsbewegings – weggestap het met die meeste mag terwyl die sterkste faksie – die massas – grootliks verswak uit die stryd getree het.” Groot besigheid en die Weste het hulle mag onveranderd behou en selfs uitgebrei danksy demokrasie. Dit het tot gevolg gehad dat ’n model tot stand gekom het wat die uitbuiting van Suid-Afrika se minerale rykdom moontlik maak deur die aanwending van goedkoop swart arbeid, gekombineer met oordrewe salarisse vir diegene met vaardighede en wat tegniese of toesighoudende poste beklee. ’n Ekonomie wat stadig agteruitgaan, wat bloot grondstowwe uitvoer, nie genoeg poste kan skep nie en wat buitensporige salarisse aan die nuwe swart elite bied, is onvolhoubaar.

Die boodskap moet duidelik wees, het Mbeki gewaarsku. “As Suid-Afrika in die een-en-twintigste eeu wil ontwikkel en ontslae raak van armoede en hoë werkloosheid, kan die elite in hierdie land nie aanhou om die lewenstandaard van die middelklas in die Weste te handhaaf sonder dienooreenkomstige produktiwiteit nie.”

траверсы

Swart mans hou die motorbedryf aan die gang

Volgens statistiek wat Vrydag deur die Nasionale Vereniging van Motorvervaardigers van Suid-Afrika bekendgemaak is, het motorverkope in Oktober vanjaar met amper 7% toegeneem in vergelyking met September-verkope. Brian Riley, hoof uitvoerende beampte van Wesbank, meen dat dit meesal toegeskryf kan word aan ’n toename in swart manlike kopers. Helfte van al die aansoeke wat Wesbank deesdae vir voertuigfinansiering ontvang, is van swart mans afkomstig.

“Die persentasie swart mans wat hul motors deur hierdie bank finansier, het met 22,9% toegeneem teenoor verlede jaar, terwyl die persentasie vir blanke mans afgeneem het,” het Riley gesê. Die swart groei vind hoofsaaklik in die ouderdomsgroep van 26-36 plaas. Ook die tweedehandsemark word geraak. Volgens Riley het swart mans se aankope van tweedehandse motors oor die afgelope jaar met ’n ongelooflike 73,8% toegeneem.

лего магазины

‘Dik, verstikkende groen rook’

Olieryke Angola

Vyf mense is dood en ‘n honderdtal gehospitaliseer in Luanda as gevolg van ‘n "ongeïdentifiseerde siekte" wat in Angola uitgebreek het. Die slagoffers kom almal uit dieselfde woonbuurt volgens ‘n verklaring wat in die hoofstad uitgereik is deur dié land se gesondheidsowerhede.

"Ons weet nie wat die oorsaak is op hierdie stadium nie," het die gesondheidshoof van Luanda, dr. Vita Vemba, oor die staatsradio gesê. Hy het ook aangekondig dat ‘n kommissie saamgestel sal word wat uit spesialiste, omgewingskenners en plaaslike leiers sal bestaan om ondersoek in te stel na die oorsake.

Hy wou nie na enige spesifieke kwessies verwys nie en het verklaar dat hy sal wag tot ná die kommissie se verslag om verdere kommentaar te lewer. ‘n Onafhanklike finansiële blad was minder skugter as dr. Vemba. Wat A Capital betref is die skielike uitbraak van die onbekende "siekte" te wyte aan besoedeling in die Cacuaco-buurt.

Twee weke gelede het inwoners van Cacuaco begin kla oor "dik, verstikkende groen rook" wat by die skoorsteen van ‘n klein petrochemiese fabriek in die omgewing uitborrel. Die direkteur van A Capital, Tandala Francisco, het dit aan Franse joernaliste bevestig. Die rook het intussen opgehou.

Pasiënte kla oor simptome soos moegheid en dat hulle aan die slaap wil raak, asook moeilik praat, word in die tydskrifartikel berig. Dr. Vemba het ‘n nuwe cholera-epidemie en die ebola-virus as moontlike oorsake vir die sterftes uitgesluit.

Die enigste olieraffinadery in olieryke Angola is in Cacuaco, maar die petrochemiese fabriek ter sprake is nie deel daarvan nie. Die fabriek behoort aan ‘n subkontrakteur van die nasionale oliemaatskappy Sonangol.

Die swart diamante se fenomenale opkoms

Die jongste verslag van die All Media Products Survey (Amps) toon dat Suid-Afrikaners se inkomste oor die afgelope sewe jaar meer as verdubbel het. Swart verbruikers beskik nou oor 46,5% van verbruikerspotensiaal, in vergelyking met 40,4% vir blankes. Hierdie syfer gaan na verwagting oor die volgende vyf jaar verder styg.

Hierdie verslag is gebaseer op terugvoer van 24 000 mense wat regoor die land ondervra is. Totale persoonlike inkomste vir alle rassegroepe het van R31,1 miljard in 2000 tot R66,7 miljard in 2006/07 gestyg. Gedurende dieselfde periode het blankes se inkomste gegroei van R14 miljard (45% van die totale inkomste) na R23,4 miljard (35,2% van die totaal). Swartes se inkomste het gestyg van R13,2 miljard (42,6%) tot R34,7 miljard (52,1%). Die gemiddelde Suid-Afrikaanse huishouding se inkomste was in 1994 R2 435, in vergelyking met R5 310 vanjaar.

Oor ’n periode van dertien maande het die swart middelklas met 30% toegeneem van twee miljoen na 2,6 miljoen mense. In 1997 was daar maar 8 766 senior swart bestuurders. Hulle getalle het egter toegeneem tot 28 658 verlede jaar. Gedurende dieselfde tydperk het blanke bestuurders verminder van 30 876 na 22 758.

Die volgende items is die gewildste in Suid-Afrikaanse huise:

· TV: 77% van alle huishoudings

· Yskas: 70%

· Hoëtroustel: 62%

· Elektriese stoof: 54%

· Mikrogolf: 42%

Die Daily Sun is die grootste dagblad in die land met 13,9% van totale lesers. Die Sunday Times is nie ver agter nie, met 11,4% van weeklikse lesers, gevolg deur die Sunday Sun met 8,1%. Business Day beskik oor die rykste lesers, met ’n gemiddelde huishoudelike inkomste van R20 159. In die algemene Afrikaanse kategorie, lees 6,6% van die lesersmark Huisgenoot.

Wat televisie betref, trek SABC1 51,6% van kykers, e-tv 36,8%, SABC2 36,3% en SABC3 23,8%. M-Net het 4,5% van die kykersmark en 6,7% kyk na DStv. Metro FM is steeds die grootste radiostasie met 15,1% van luisteraars wat daarop inskakel, gevolg deur Lesedi FM met 11,5%.Лобановский Харьков

Mbeki is ?bereid tot 3de termyn?

Die ANC-president, Thabo Mbeki, het so pas gister sy bereidheid om as derde termyn as dié party se leier aan te bly oor die SAUK-radio herhaal.

ANC-takke het begin met die proses om kandidate vir partypresident te benoem in aanloop tot die partykonferensie in Desember waar ’n nuwe leier gekies sal word. Die leierskapstryd het reeds verskeie binnegevegte in die party tot gevolg gehad en daar heers interne verdeeldheid as gevolg daarvan.

Wie ook al as die ANC-leiers verkies word, sal ook waarskynlik Suid-Afrika se nuwe president word.

Die grondwet laat nie vir Mbeki toe om vir die land se presidentskap te staan as sy tweede termyn in 2009 aan ’n einde kom nie maar volgens verskeie ontleders wil Mbeki aanhou om ’n rol in die SA politiek te speel deur as ANC-president aan te bly.

“Indien daar tydens die benoemingsproses deur ANC-lede gesê word hulle wil hê Thabo Mbeki moet as president van die ANC aanbly, kan ’n mens nie nee sê nie,” het Mbeki aan die SAUK op besoek aan Windhoek in Nambibië gesê.

“As die ANC-lede inderdaad voel dat ek die president van die ANC moet wees, dan sê ek dit strook met die kultuur en tradisies van die ANC, iets wat ek baie goed begryp,” het hy voortgegaan in die kommentaar waaroor Sapa berig het.

Die leierskapstryd sentreer rondom Mbeki en die afgedankte vorige adjunk-president Jacob Zuma wie se steun veral in die Zoeloe-gebied van Kwazulu-Natal gesetel is terwyl Mbeki die heersende Xhosa-stam verteenwoordig.

interview with Александр Фильчаков

Skaamtelose sokkerbase

Die Premier Soccer League (PSL) het R70 miljoen opsy gesit as “’n teken van dankbaarheid” vir hulle onderhandelaars se aandeel in die verkryging van borgskappe. Irvin Khoza, voorsitter van die PSL, het die nuus gister aangekondig. Volgens hom sal die bedrag “proporsioneel verdeel word tussen lede van die onderhandelingspan en ander rolspelers.”

Khoza se aankondiging volg op die PSL se jaarvergadering, waar die besluit oor die R70 miljoen goedgekeur is. Aan die begin van Oktober het Khoza egter gesê dat die PSL nog geen besluit geneem het oor kommissie nie. Trevor Manual, minister van finansies, het destyds in ’n brief aan Steve Booysen van Absa die betaling van kommissie aan die sokkerbase as “eties afstootlik en korrup” bestempel. Absa het ’n borgskap van R500 miljoen aan die PSL toegestaan. Khoza het toe na aanleiding van die minister se kritiek gesê dat geen bestuurslid van die PSL geld sou ontvang nie.

Die PSL-raad het op 30 Oktober vir die eerste keer oor die kwessie vergader en het besluit om eerder die frase “teken van dankbaarheid” as “kommissie” te gebruik. Die 70 miljoen is afkomstig uit borgskappe wat deur die PSL bekom is. ’n Groep van drie persone, naamlik Jomo Sono, Jabu Khumalo en Jose Ferreira, gaan besluit presies hoe die bedrag verdeel moet word.

мой домик для барби

Zille vra vir meeluisterbande

Helen Zille

Die Kaapse burgemeester, Helen Zille, het die polisie versoek om na die meesluisterbande betreffende die stad se “spioenasie”-skandaal te luister.

Sy het Maandag dié versoek in ’n brief gerig aan die provinsiale kommissaris Mzwandile Petros nadat die polisie die bande aan joernaliste teruggespeel het.

Sy het in ’n verklaring gesê dat Petros die bande aan die Weskaapse premier, Ebrahim Rasool en die leier van die Onafhanklike Demokratie, Patricia de Lille, “voorgelê” het.

Die bande is gemaak deur ’n privaatspeurder, Philip du Toit, wat in die diens van George Fivaz en vennote verkeer. Laasgenoemde is aangestel om die aktiwiteite van raadslid Badi Chaaban te ondersoek.

In die brief sê Zille, wat ook leier van die Demokratiese Alliansie is, aan Petros: “Versuim om dieselfde toegang aan my te verleen sal die persepsie versterk dat die polisie selektiewe inligting aan sekere politieke leiers vir hul eie doeleindes vrystel.”

De Lille het in ’n verklaring vroeër in die dag gesê dat sy Petros ontmoet het en het besonderhede oor sekere bande verskaf, blykbaar dieselfde klankmateriaal wat verlede week aan joernaliste gespeel is.

“Ek kan nou bevestig dat daar meer as 300 bande is,” het sy gesê.

“Indien daar ’n behoefte bestaan om ondersoek in te stel, moet ons as politieke leiers van wettige regeringsinstansies gebruik maak, soos om toestemming van ’n landdros of regter te vra.”

“Om dit op enige ander manier uit te voer, is onwettig,” het sy gesê.

Zille het ’n ondersoek na die “spioenasie”-insident deur ’n vorige regter of senior advokaat belowe ná gerugte dat die stad R98000 betaal het vir ’n ondersoek wat deur die SA gelas op die vooraand van die onlangse oorloopperiode.

Du Toit, wat tans in aanhouding op ’n klag van gewapende roof verkeer, is gevra om bewerings te ondersoek dat Chaaban omkoopgeld aan mederaadslede aangebied het om oor te loop.

Daar is op die bande – wat blykbaar ’n aantal insluit van vóór die Chaaban-ondersoek – by Du Toit se huis beslag gelê deur die polisie wat tans die onwettige meeluistering van telefoonoproepe ondersoek.

построить сауну цена

Olie uit klip

The Times, Londen, het berig dat ‘n toordokter in Zimbabwe die regering olie uit klip belowe het. Vir haar "ontdekking" het sy nie alleen 5 miljard Zimbawiese dollar (R1 miljoen) ontvang nie, maar ook ‘n plaas, voedsel en dienste. Nomatter Tagarira is voorts ‘n stel lyfwagte aangebied om haar en haar "vonds" te beskerm in die Chinhoyi-distrik, 100km van Harare. Zimbabwe ondervind steeds ‘n ernstige brandstoftekort.

Die olie-uit-klip-wonderwerk is na 15 maande egter ontrafel, nadat Tagarira kabinentministers, polisiehoofde en weermagpersoneel oortuig het dat olie uit ‘n sekere klip vloei indien dit geslaan word. Dit blyk nou dat die klip per pyp verbind was aan ‘n ou dieselopslagplek wat uit die Rhodesiese bosoorlog van die sewentigerjare dateer waar ‘n helper van die toordokter die kraantjie op ‘n teken beheer het. Die toordokter se ondergrondse tenk het egter leeggeloop en vir haar toertjie was sy toenemend afhanklik van vragmotorbestuurders vir diesel om die tenk te bly aanvul.

Die regering het in Junie besluit dat haar beweringe genoeg substansie bevat om ‘n "taakspan" af te vaardig om ondersoek in te stel, maar nooit daaraan gedink dat ‘n enkele geoloog ook ewe goed uitsluitsel sou kon gee nie. Die groep het klaarblyklik bestaan uit politici en weermaglede, aangevoer deur die adjunk-polisiekommissaris. Die eerste verslag aan Mugabe se politburo was dat die diesel-uit-die-klip vragmotors sonder probleme laat funksioneer.

Dit is nie die eerste keer dat Mugabe van toordokters gebruik maak om die bevolking te beheer nie. In 1981 het hy gebruik gemaak van Sophia Mbuya Nehanda om sy veldtog om wittes uit die land te verdryf van stapel te stuur. Deur ‘n destydse vertroueling, die minister van gesondheid Herbert Sylvester Ushewokunze, is die moorde op die Afrikaanse Roux-egpaar van Mkwari met behulp van die toordokter beplan. In die hofsake wat daarna gevolg het, het die beskuldigdes en hul handlangers openlik na die haatlike Afrikaners verwys.

Die Van As-moorde by Mudspruit was ‘n voorsetting van dié veldtog. Ten spyte van Ushewokunze se betrokkenheid en die feit dat hy sy eie milisie bedryf het, is hy uiteindelik bevorder en deur Brittanje as vennoot erken. Lord Soames se onderhandelaars wat, nadat hulle met oorweldigende getuienis van die anti-wit veldtog gekonfronteer is, het die versekering gegee dat anti-wit voorstanders van ZANU PF voortaan verbied sal word. Brittanje het egter destyds nie by dié onderneming gehou nie en Mugabe sterk bly ondersteun.

Net soos Tagarira is Nehanda ook uiteindelik aangekla. Haar groeiende invloed het ‘n bedreiging ingehou vir Mugabe. Die daaropvolgende heraanstelling van Ushewokunze in Mugabe se regering het die Los Angeles Herald Examiner op 18 Augsutus 1984 genoop om ‘n artikel onder die opskrif: "Do we want South Africa to become another Zimbabwe?" te publiseer. Brittanje het weliswaar meer as 20 jaar gehad om te reageer teen Mugabe se vergrype waartydens hulle nie ‘n vinger veroer het nie.

Met rukke en stote vorentoe

Statistiek Suid-Afrika het op 24 Oktober die eerste resultate van hulle 2007 Gemeenskapsopname bekend gemaak. Pali Lehohla, direkteur-generaal van die departement, het tydens ’n funksie in Tuynhuis die verslag aan president Thabo Mbeki oorhandig. Die verslag het betrekking op die 48 miljoen inwoners in die land en is gebaseer op antwoorde wat van 255 000 huishoudings ontvang is. Hierdie opname was veronderstel om die vakuum te vul wat gelaat is deur die regering se besluit om voortaan net elke tien jaar ’n sensus te hou.

“Betekenisvolle vordering is gemaak met betrekking tot die verbetering van die lewensomstandighede van Suid-Afrikaners,” meen die organisasie. Daar word egter gewaarsku dat die demografiese groei meebring dat die grootte van Suid-Afrika se arbeidsmag steeds opwaarts neig. Volgens die 2001-sensus was daar 44,8 miljoen mense in die land.

Die ondersoek na Suid-Afrikaanse huishoudings het aangetoon dat 70,5% van huishoudings nou in formele nedersettings geleë is. Die 2001-sensusgetal was 68,5%. Daar is tans 80% huishoudings met elektrisiteit in vergelyking met 69,7% in 2001. Die Oos-Kaap het die laagste persentasie wat elektrisiteitstoegang betref. Verder het sowat 8% mense landwyd nog geen toegang tot toiletfasiliteite nie. Die hoeveelheid huishoudings wat oor ’n selfoon beskik, het egter oor die afgelope ses jaar meer as verdubbel. 15,7% het verder rekenaars tuis, maar net 7,3% beskik oor internettoegang by die huis.

Ten opsigte van onderwys het die hoeveelheid mense ouer as 20 met “’n mate van hoërskoolopleiding” agter die blad van 30,8% in 2001 tot 40,1% vanjaar toegeneem. Die persentasie van diegene met ’n graad 12-kwalifikasie het egter gedaal van 20,4% na 18,6%. Daar is verder ook ’n daling van 18% na 10% onder diegene wat geen skoolopleiding ondergaan het nie. Blanke kinders het die hoogste skoolbywoning en kleurlingkinders die laagste.

компрессор цена

Min hoop vir laaste wit boere in Zim

Zim-boer by tuiste

Elf van Zimbabwe se laaste wit boere gaan tereg moet staan op ’n aanklag dat hulle die regering se uitsettingsbevele verontagsaam het. Hulle aansoek om op hulle plase aan te bly terwyl hulle hul hofsaak voorberei, is verlede Donderdag geweier.

’n Magistraat in Chegutu, noordwes van Harare, het bepaal dat die boere nou al lank genoeg “die regsproses misbruik het” en dat hulle hul plase summier moet verlaat. Die boere is almal van Masjonaland afkomstig. Volgens wetgewing ontvang boere ultimatums om hulle eiendom te ontruim indien die grond bestem is vir swart boere en kan hulle twee jaar in die tronk beland as hulle weier om dit te doen.

Die groep se prokureurs het beswaar aangeteken en wil nou die Hoër Hof nader. Hulle meen hulle kliënte se eiendomsreg en reg op vergoeding word nie in ag geneem nie. Een van die boere, wat die hof kopskuddend verlaat het, meen die magistraat se uitspraak van verlede week was “polities.” Hy was egter te bang om sy naam aan die media te verskaf.

Hordes mense, insluitende die boere se families en swartes wat reeds van hulle buurplase besit geneem het, het die hofsaak bygewoon. Die boere het Vrydag ’n saak aanhangig gemaak by die Suider-Afrika Ontwikkelingsgemeenskap se hof om die beplande uitsettingsbevele te laat nietig verklaar.

Ten minste 4000 eiendomme is reeds deur die Zimbabwiese regering gekonfiskeer sedert die vlaag plaasbesettings in 2000 begin het. Minder as 400 wit boere is nog steeds op hulle plase woonagtig. Baie van die nuwe swart plaaseienaars bewerk die grond glad nie, maar hou die plase bloot vir prestigewaarde, terwyl ander hul nuwe plase in partytjiesentrums omskep het. Volgens die Verenigde Nasies se Wêreldvoedselprogram benodig ten minste ’n derde van die bevolking dringende voedselhulp.

lucky bells

Winnie steun dalk vir Tokyo

Winnie Mandela

Verwarring heers oor Winnie Madikizela-Mandela en haar verbintenis met Tokyo Sexwale. Gister het Sexwale se verkiesingskomitee in die Oos-Kaap berig dat sy die komende naweek saam met Sexwale sou optree tydens twee byeenkomste in die streek: Saterdag in Mdantsane. Oos-Londen, en Sondag in die Chris Hani-distrik.

Sexwale se woordvoerder, Chris Vick, het egter gisteraand aangekondig dat die vroeëre berig foutief was en dat Sexwale die naweek in die Vrystaat moet optree. Madikizela-Mandela wou tot dusver nog nie kommentaar op die aangeleentheid lewer nie. Volgens Ncebu Faku, prominente ANC-leier in die Oos-Kaap en ook ’n ondersteuner van Sexwale, gesels Madikizela-Mandela en Sexwale egter weekliks met mekaar.

In Julie vanjaar het Sexwale ’n splinternuwe BMW 7-model vir die moeder van die nasie aangekoop. Die motor is sowat R715 000 werd en hy het met sy tjekboek daarvoor betaal. Dit word gesien as ’n poging om haar steun te wen vir sy pogings om aan die einde van die jaar as voorsitter van die ANC verkies te word.

Intussen het die Daily Dispatch gister berig dat die ANC die meeste steun in die Oos-Kaap het. 153 164 Mense is lede van die party in hierdie provinsie. Kwazulu-Natal het 102 742 ingeskrewe lede, Gauteng 59 909, die Vrystaat 61 310, Limpopo 67 632, Mpumalanga 54 913, Noordwes 47 353, die Noord-Kaap 37 267 en die Wes-Kaap 36 947.

Gebaseer op hulle ledegetalle gaan die Oos-Kaap en Kwazulu-Natal die grootste sê hê in die aanwysing van die party se nuwe nasionale voorsitter in Desember vanjaar. Die Oos-Kaap ondersteun tans vir Thabo Mbeki, terwyl Kwazulu-Natal bankvas agter Jacob Zuma staan.

86 справка

Studente rumoer by Wits

SR-voorsitter gearresteer

Betogende studente het vir die tweede dag lesings by die Universiteit van die Witwatersrand se Braamfontein-kampus ontwrig. Hulle is ongelukkig omdat klasgeld volgende jaar verhoog gaan word en omdat studente self vir hulle akkommodasie moet betaal.

Suyasj Maharaj is vanoggend uit sy lesingsaal geboender toe honderde studente, wat struggle-liedere gesing het, by die saal ingebars het. “Ons het verwag dat die polisie buite sou wees toe ons die lokaal verlaat, maar daar was niemand nie. Ons wou polisiebeskerming hê, want dit het gelyk of die betogers ons regtig kon seermaak,” het hy gesê. Volgens Maharaj het die betogers teen die deur van die lokaal gehamer en daarop aangedring dat daar vir hulle oopgemaak word. Die studente aan die binnekant het egter die deur so goed moontlik versper. Die betogers het later die deur met geweld oopgedwing, studente uitgejaag en op die banke rondgespring. Sommige studente is hardhandig deur die betogers rondgeruk.

Die polisie beweer dat hulle wel die situasie op die kampus gemonitor het. Die vorige dag moes polisielede met rubberkoeëls op die skare losbrand toe hulle met klippe bestook is en motors beskadig is. Die voorsitter en vise-voorsitter van die verteenwoordigende studenteraad is gearresteer. Die studenteraad dring daarop aan dat die universiteit geen verhogings in klasgelde mag deurvoer nie.

раскрутка сайта лобановский обыск

Qunta en die pampoenpille

Christine Qunta

Die Demokratiese Alliansie (DA) het ’n klagte aanhangig gemaak teen die omstrede Christine Qunta, huidige adjunk-voorsitter van die SABC-raad. Sy word daarvan beskuldig dat sy die regulasies van die wet op medisyne & verwante middele oortree het. Die klagte is Maandag deur Mike Waters, die DA se segman oor gesondheidsake, by Kaapstad-sentraalpolisiestasie ingedien.

Qunta word daarvan beskuldig dat sy geassosieer word met ’n produk wat voorgehou word as ’n

middel wat vigs kan genees. “Mense soos me Qunta, wat hulleself assosieer met ongetoetste produkte wat onmoontlike voordele adverteer, maak wins uit Suid-Afrika se tragiese vigspandemie eerder as om konstruktiewe stappe te doen om besmetting te verminder en diegene te help wat reeds die siekte onder lede het,” meen Waters. Aangesien die Medisynebeheerraad geweier het om teen Qunta op te tree, het die DA besluit om die klag te lê.

Tydens onlangse onderhoude wat met Qunta gevoer is vir aanstellings op die nuwe SABC-raad, het dit aan die lig gekom dat sy ’n direkteur is van ’n maatskappy genaamd Comforter’s Healing Gift. Geen kliniese toetse is nog op hierdie produkte uitgevoer nie. Daar is geen bewyse dat hierdie produkte vigs doeltreffend kan bekamp nie en tog beweer een van Qunta se mede-direkteure, Freddie Isaacs, dat die produkte wel vigs kan genees. Die hoofbestanddeel in hierdie reeks is wilde pampoen. Isaacs is die kleurlingman wat sowat vyf jaar gelede in Cradock aangekondig het dat God hom aangewys het as ’n apostel en dat hy binnekort sou sterf. Hy het sy eie begrafnis gereël en stelling ingeneem op sy bed. Die dag van sy dood het egter gekom en gegaan en Isaacs was steeds springlewendig. Die polisie moes later ingryp om woedende en teleurgestelde volgelinge van die apostel te keer om hulle leier aan te rand. Kort hierna het die apostel uit die dorp gevlug en ’n hele klomp gefrustreerde skuldeisers agtergelaat.

Zachie Achmat van die Treatment Action Campaign het vroeër gedreig dat hy hof toe sal gaan indien Qunta weer tot die SABC-raad verkies word.

Qunta is een van twaalf kandidate wat deur die parlementêre kommunikasiekomitee geselekteer is om op die nuwe SABC-raad te dien. President Thabo Mbeki moet hulle aanstellings nou amptelik goedkeur.

Christine Qunta, ’n vurige aanhanger van Mbeki en die prokureur wat die ewe omstrede Ronald Suresh Roberts verdedig, is gereeld in die spervuur met haar stellings oor blankes en rassisme. Sy is ’n praktiserende prokureur en skryf ’n rubriek vir die Business Day. Van die boeke wat al uit haar pen verskyn het, heet Who’s Afraid of Affirmative Action? A Survival Guide for Black Professionals en African Women: The Success Story.