Nuus Archives - Page 133 of 403

Tswane Universiteit van Tegnologie sluit sy deure

Alle normale aktiwiteite by die Tswane Universiteit van Tegnologie (TUT) is vandag gestaak tot verdere kennisgewing.

Universiteitswoordvoerder Willa de Ruyter het in 'n verklaring gesê dat die besluit Dinsdag geneem is na die intimidering van nie-stakende personeel deur lede van die unies by die instituut oor die laaste paar dae.

Sy het gesê die besluit is ook beïnvloed deur geweld en vandalisme wat opgemerk is gedurende die staking.

Lede van die nasionale onderwys, gesondheid en geallieerde werkers se unie (Nehawu) en die Nasionale Unie van Tersiêre Werknemers van Suid Afrika (Nutesa) het verlede maand begin staak ook salarisverhogings.

"Die veiligheid van personeel, studente en universiteitseiendom is ons primêre bekommernis en die bestuur het die besluit geneem om enige verdere bedreigings van die veiligheid van mense en eiendom van TUT te voorkom," het De Ruyter gesê.

Aanlynregistrasies buite die kampus is egter steeds aan die gang vir senior studente wat in besit is van hulle PIN-nommers en wat nie enige blokkasies op hulle rekeninge het nie.

"Studente wat wil inskryf vir 'n B-tech graad en nog nie goedgekeur is deur hulle akademiese departemente nie, behoort die departement te kontak wanneer die universiteit heropen," het De Ruyter gesê.

Die finale sluitingsdatum vir registrasie sal vorentoe geskuif word, maar die nuwe datum sal eers bekend gemaak word wanneer die universiteit weer heropen.

Фільчаков прокурор

Sjina se grootste Afrikaprojek wankel

Sjina se grootste beleggingsooreenkoms in Afrika is besig om te wankel nadat Westerse skenkers begin druk toepas het om 'n minerale-vir-infrastruktuur kontrak in die DRK ter waarde van $9 miljard te heronderhandel.

Volgens die ooreenkoms sal 'n staatsbeheerde konsortium van Sjinese maatskappye paaie, spoorweë, hospitale en universiteite bou in ruil vir die reg om 'n kobalt- en kopermyn te ontwikkel.

Maar druk om die ooreenkoms te verander het gekom van Westerse skenkers wat nie sal skiet gee op historiese skuld van $11 miljard van die regering van president Joseph Kabila indien hy die Sjinese finansiering op kommersiële terme aanvaar nie.

Die Kongo is angstig om voordeel te trek uit die skuldverligtingskema vir arm lande en om toegang te kry tot nuwe vorme van Westerse ontwikkelingshulp, maar dit is tans nie moontlik nie, aangesien die Internasionale Monetêre Fonds 'n nuwe program vir die land moet goedkeur, wat hulle nie reg is om te doen nie.

Die fokus van die kommer, volgens Westerse diplomate in Kinshasa, is dat die ooreenkoms aan die Sjinese konsortium ongekende staatswaarborge kan gee, insluitend teen sommige regeringsbates.

Maar Wu Zexian, Sjina se ambassadeur in die Kongo, het aangedui dit sal nie so maklik wees om die kontrak te heronderhandel nie. "Hulle (Westerse instansies) is verkeerd om die Kongo te vra om die staatwaarborg te verwyder. Dit is afpersing," het hy gesê.

гидро пескоструй

Cambridge ondersteun glo slawerny, rassisme en kolonialisme

Cambridge-universiteit is gister daarvan beskuldig dat hulle slawerny en rassisme ondersteun deur 'n deftige bal te hou om die uitspattighede van die Britse ryk te vier.

Emmanuelkollege is die gasheer vir die "Ryksbal" ter ere van die "Victoriaanse statebond en al sy dekadensie" teen 'n prys van R1 360 per kop.

Maar daar was woede van anti-rassistiese groepe omdat studente aangemoedig is "om partytjie te hou asof dit 1899 is – die jaar waarin die Boereoorlog begin het en konsentrasiekampe die eerste keer gebruik is."

Plakkate wat die geleentheid adverteer het gelees: "Eens was daar 'n koninkryk wat 'n kwart van die wêreld se bevolking regeer het, wat omtrent dieselfde verhouding van die wêreld se grond oorheers het en byna al die oseane gedomineer het."

"Hulle het gesê dat die son nooit ondergaan op die Britse ryk nie – maar by die ryksbal sal jy wens dat dit nooit opkom nie."

"Reis saam met ons na die Indiese Raj, 'n ontluikende Australië en die Wes-Indiese eilande. Ons nooi jou uit om die Pax Britannica te ervaar en partytjie te hou asof dit 1899 is."

Teenstaanders het die tema as "kwetsend" beskou en die organiseerders beskuldig dat hulle "wit snobiste uit die boonste klasse van die samelewing" is.

'n Groot ongelukkigheid het uitgebreek onder die studente by die kollege – ook bekend as onder studente as "Emma" – op die sosiale netwerk Facebook.

Die Ryksbal, wat plaasvind op 14 Junie, is die jaareindfunksie vir die kollege en daar word van meeste studente verwag om dit by te woon.

Maar dosyne het kommer uitgespreek oor die tema op die Facebook-groep 'Emma against the empire' wat eis dat die tema laat vaar word.

Studente het weersin getoon omdat dit in 1899 was wat Brittanje 'n driejarige-oorlog teen die Boere begin het in wat nou Suid-Afrika is.

Die konflik word gesien as 'n donker hoofstuk in die imperiale geskiedenis, waarin daar massas plaaslike mense bymekaar gemaak is in kampe, wat later Hitler se doodskampe geïnspireer het.

Die Britse ryk, wat lank terug 'n kwart van die wêreld beslaan het, word ook beskuldig dat hy slawerny en uitbuiting in Afrika en Asië laat voortbestaan.

"Kolonialisme word geassosieer met onderdrukking, uitbuiting en slawerny. Ons is nie oorsensitief nie, maar mens moet êrens 'n streep trek. Vir 'n vooraanstaande universiteit soos Cambridge is dit verbasend hoe oningelig sommige mense kan wees."

Manuel gaan besteding opstoot

Suid-Afrika gaan na verwagting 'n hele klomp geld spandeer om sy ekonomie te versterk teen die globale afplatting, wanneer die minister van finansies, mnr. Trevor Manuel Woensdag die begroting bekendmaak, het ekonome gesê.

Met veldtogte sterk aan die gang vir die komende algemene verkiesing, sal Manuel waarskynlik ook die ANK se planne om armoede en werkloosheid teen te werk, bekendmaak, in 'n poging van die regering om die groot maatskaplike gaping te oorbrug.

Ekonome voorspel dat met inkomstes wat afgeneem het en beloftes van spandering wat toegeneem het, die begrotingsoorskryding kan toeneem van 1,6% van die bruto binnelandse produk – teen die laaste skatting in Oktober – tot soveel as 3,5%.

Manuel het lank reeds Suid-Afrika se ortodokse ekonomiese beleid verdedig teen versoeke vir groter maatskaplike besteding en redeneer dat die konserwatiewe beleid sover die land beskerm het teen die ergste van die globale krisis.

Maar in Oktober het hy Suid-Afrika se eerste begrotingstekort aangekondig sedert 2005, as 'n gevolg van verswakking in uitvoere en daling in kommoditeitspryse.

Vier maande gelede het Manuel gewaarsku dat groei in 2009 sal afneem na 3%, na vier jaar van groei teen 5% per jaar, maar ekonome het gesê dat daardie skatting weer verlaag sal moet word.

"Ons eie skatting is iets nader aan1%," het Sanlam se groepsekonoom, Jac Laubscher gesê.

Suid-Afrikaanse maatskappye het reeds begin om duisende poste te sny, met Anglo Platinum wat Maandag gesê het dat 10 000 kontrak- en mynwerkers die jaar hulle werk kan verloor.

free money slots

Olieprys verhandel onder $40 per vat

Oliepryse het Dinsdag in Asië onder $40 per vat rondgespeel selfs na beleggers bewus geraak het van die massiewe Amerikaanse stimulushulppakket as 'n moontlike versterking vir die dalende ru-olie aanvraag.

Ligte ru-olie vir Maartlewering het met 35 sent gestyg tot $39,91 per vat in Singapoer op die New York Merchatile Exchange. Die kontrak het oornag met 61 sent gedaal tot op $39,56.

Die senaat het Maandag 'n $838 miljard ekonomiese stimulus wet in 'n toetsstemming goedgekeur, en die finale goedkeuring vir Dinsdag gelaat. Die plan sal dan gerekonsilieer moet word met 'n $819 miljard pakket deur die huis van verteenwoordigers.

Die maatreël wat nader beweeg aan goedkeuring in die senaat vra vir meer belastingverligting en minder spandering as die wetgewing wat tans voor die huis van verteenwoordigers dien.

VSA vrees sterker Taliban

Daar is toenemende kommer onder Amerikaanse weermag- en intelligensie amptenare oor verskillende militante se skuilplekke in Pakistan wat volgens hulle die Amerikaanse weermag se pogings in Afghanistan die jaar kan belemmer.

Amerikaanse amptenare fokus toenemend op die Pakistanse stad Quetta, waar Taliban leiers na bewering 'n belangrike rol speel om geweld aan te blaas in suidelike Afghanistan.

Terwyl Amerika voorberei om soveel as 30 000 ekstra soldate in Afghanistan in te stuur, sê die weermag- en intelligensieamptenare dat dit 'n nuttelose oefening kan wees indien daar nie gepoog word om die Taliban leiers in Quetta te vang of dood te maak en die groep se voorraadaanvullingsroetes na Afghanistan af te sny nie.

Vanuit Quetta, werk Taliban leiers, insluitend Mullah Muhammad Omar, 'n geestelike leier met net een oog, om bevelvoerders in suidelike Afghanistan te lei, geld in te samel van ryk skenkers in die Golfgebied en wapens en nuwe soldate by die oorlogsfront te kry, volgens Obama se administrasie en militêre amptenare.

Een voormalige intelligensieamptenaar met jare se diens in Afghanistan en Pakistan het die situasie vergelyk met Amerika se probleme gedurende die Vietnam oorlog, toe Viëtnamese guerrillas 'n veilige hawe in Kambodja gebruik het om nuwe soldate en wapens in te bring.

"Die dilemma op die oomblik…" het Seth Jones, 'n terrorisme analis by die Rand Corporation gesê, "is dat sommige elemente van die Pakistaniregering steeds aanhou om die Taliban as alternatiewe organisasie in Afghanistan te ondersteun."

Александр Фильчаков

SA se R300m vir Zim word vermors

Suid-Afrikaanse belastingbetalers se geskenk van R300 miljoen aan Zimbabwe was 'n mors van geld en sommige van dit word aangewend tot die voordeel van President Robert Mugabe se vertrouelinge in Zanu-PF.

Die skenking – of hulp – is laat verlede jaar aangekondig deur die minister van finansies, mnr. Trevor Manuel, wat belowe het die hulp sal net oorhandig word na 'n internasionaal erkende regering van nasionale eenheid in plek is.

President Kgalema Motlanthe het dit ook herhaal.

'n Kits SAOG organisasie, die Zimbabwe Ontwikkelingshulp Raamwerk is gevorm om landbouhulp na die Zimbabwiese boere te kanaliseer.

Die raamwerk is nog nie heeltemal in werking nie en die onpartydigheid daarvan word bevraagteken.

Die hulp het in Zimbabwe begin invloei nog voor Kersfees.

Dit is meestal saad, kunsmis en brandstof van Suid-Afrikaanse maatskappye en dit is gestuur ten spyte van waarskuwings van Zimbabwiese landboukundiges dat meeste daarvan te laat is vir die somerseisoen, en dat tensy dit versigtig verdeel word dit misbruik gaan word.

Meeste van die saad het te laat aangekom om te plant en word geëet, en die verkeerde tipe kunsmis was gestuur vir die tyd van die jaar, in die volwasse siklus van jaarlikse gewasse soos mielies.

Voor Kersfees is 60 000 liter diesel ook na Zimbabwe gestuur..

'n Senior staatsamptenaar, wat werk in die tegniese ondersteuningsnetwerk vir boere, Agritex, in die vrugbare Mashonaland-wes provinsie, het bevestig dat hulp van Suid-Afrika dikwels net beskikbaar was vir Zanu-PF ondersteuners in dele van die land, veral Mashonaland-wes, Mugabe se tuisprovinsie en Mashonaland-sentraal waar Zanu-PF ook in beheer is.

Suid-Afrikaners het nou visums vir die VK nodig

Die Britse regering het veranderinge aangekondig aan die visumvereistes vir Suid-Afrikaanse burgers wat deur Brittanje wil reis of daar gaan besoek aflê.

Vanaf 3 Maart 2009, moet Suid-Afrikaanse burgers wat Brittanje wil besoek of daardeur reis 'n visum moet bekom voor die tyd. Daar sal 'n tydelike vrystelling wees van die reël vir die mense wat voorheen na die Verenigde Koninkryk gereis het op hul huidige paspoorte.

Indien mens vir die eerste keer na Brittanje reis, of indien mens se huidige paspoort nie bewyse het van vorige besoeke aan Brittanje nie ( soos byvoorbeeld die stempel by aankoms) moet mens vir 'n visum aansoek doen.

Indien mens voorheen na Brittanje gereis het op jou huidige paspoort, sal dit nie nodig wees om aansoek te doen vir 'n visum nie.

Anglo Plats gaan 10 000 afdank

Anglo Plats, die wêreld se grootste verskaffers van platinum het Maandag gesê dat soveel as 10 000 poste afgeskaf kan word vanjaar om die laer pryse en dalende aanvraag van motorvervaardigers te hanteer.

Hoof uitvoerende beampte, Neville Nicolau, het gesê dat 8 000 poste in die eerste helfte van die jaar verlore kan gaan, met omtrent driekwart daarvan wat die kontrakwerkers sal tref en die res die mynwerkers.

Nog 2 000 mynwerkers kan in die 2de helfte van die jaar hulle poste verloor, het hy gesê. Sulke poste wat verlore gaan vir mynwerkers behoort te kom uit die jaarlikse arbeidsomset van omtrent 5% in die mynvelde.

"Die globale ekonomiese krisis het toegeslaan en ons middeltermynstrategie beïnvloed," het Nicolau gesê.

Die maatskappy se verdienste het toegeneem na R13,3 miljard, van R12,32 miljard verlede jaar.

Anglo Platinum, wat sowat twee vyfdes van die wêreld se platinum produseer, het gesê vanjaar se produksie sal redelik konstant bly op ongeveer 2,3 miljoen onse.

Nicolau het gesê die maatskappy verwag dat pryse die jaar sal stabiliseer op omtrent $1000 per ons, na verlede jaar se groot daling toe pryse geval het van meer as $2000 per ons na ongeveer $800 per ons.

Pryse het herstel na net onder $1000 per ons teen die einde van die jaar.

топкарго развод

Man in Johannesburg tydens rooftog geskiet

'n Man is Maandagaand in die bors geskiet gedurende 'n rooftog in sy huis in Lonehill, Johannesburg, het paramedici gesê.

Vier mens het na bewering die man se huis in 'n meenthuis kompleks in Concourse drive binnegekom deur die balkon en hom en sy vrou met vuurwapens aangehou omstreeks 10 uur die aand, het woordvoerder vir ER24 Werner Vermaak gesê.

Die man, wat in sy 50's is, is in 'n kritieke toestand hospitaal toe geneem na die voorval. Sy vrou is nie beseer nie.

'n Sekuriteitsmaatskappy het een van die vermeende rowers in 'n straat daar naby gevang.