Sake – Bladsy 10 – praag.co.za

Motlanthe bring besoek aan Libi

Kgalema Motlanthe

President Kgalema Motlanthe en sy adjunk, Fatima Hajaig, gaan vandeesweek na Libië reis vir politieke-, ekonomiese en handelsvergaderings, het die departement van buitelandse sake Maandag gesê.

Hulle vertrek Woensdag, waarna hulle met die Libiese president Moemmar Kaddafi gaan ontmoet met die oog op verbeterde verhoudings wat genoemde sake betref.

Die agenda gaan ook gesprek oor politieke en sosio-ekonomiese ontwikkeling op die kontinent insluit, die implementering van die Afrika-unieregering, die nuwe vennootskap vir die ontwikkeling van Afrika en vrede en veiligheidsinisiatiewe.

Die impak van die globale finansiële krisis en die vredesproses in die Midde-Ooste gaan ook bespreek word.

Motlanthe gaan 'n krans lê by die El-Hani-martelaarsgedenksteen in Tripoli, asook die gedenksteen vir die slagoffers van 'n Amerikaanse lugaanval van 1986 besoek.

Handels- en beleggingsgeleenthede bestaan op die gebiede van konstruksie, hidrokoolstof, mynwese, energie, toerisme, ingenieurswese, tekstiele, kommunikasie en militêre samewerking, het die departement gesê.

Eskom het ook 'n gesamentlike maatskappy gestig met Global Electrical Services Company (Gesco) en die General Electric Company of Libia (Gecol). Dit is om Gecol te help met die rehabilitasie van kragstasies en om kapasiteit binne Gecol te ontwikkel wat rehabilitasie en onderhoud betref.

Motlanthe gaan Vrydag weer na Suid-Afrika terugkeer.

дівчачі ігри онлайн Фильчаков прокурор

Suid-Korea gaan buitelandse selfone toelaat

In 'n land wat bekend is as die veiligste hawe vir plaaslik vervaardigde selfone, het Suid-Koreaanse selfoonhandelaars gesê dat hulle regstaan om buitelandse fone van Apple, RIM en Nokia aan te hou.

Handelaars is in die laaste stadium om nie-Koreaanse fone in die plaaslike mark beskikbaar te stel vir verbruikers wat angstig wag vir nuwe modeselfone soos Apple se iPhone, nadat regulerende liggame 'n verbod opgehef het wat vereis dat handstelle plaaslike programmatuur moet bevat, wat die mark effektief gesluit het vir buitelandse vervaardigers.

Suid-Koreaanse reguleerders het verlede week aangekondig dat die verpligte draadlose internetprotokol vir wedersydse aanpasbaarheid vanaf 1 April gestaak gaan word.

"Ons is gereed om binnekort Apple se iPhone in die binnelandse mark te kry," het Oh Young-Ho, 'n senior bestuurder by LG Electronics se selfoon ontwerpdivisie, gesê.

Die Suid-Koreaanse selfoonmaatskappy KTF het ook met Apple gepraat om die iPhone bekend te stel.

'n Woordvoerder by KTF het gesê die maatskappy was ook besig om met die wêreldmarkleier, Nokia, wat in Finland gestasioneer is, te praat om intreevlakfone in te bring as die verbod op oorsese produkte eers opgehef is.

Данильченко Харьков

Olieprys styg in Asi? in aanloop tot OPUL-produksievermindering

Wêreldoliepryse het Maandag in handel op die Asiese markte weer gestyg in afwagting dat OPUL die produksie van olie gaan verminder by 'n vergadering vandeesweek, het handelaars gesê.

Pryse het ook gestyg ná tekens dat die Withuis tot die redding van die beleërde Amerikaanse motorsektor kan kom, het hulle gesê.

New York se kontrak vir ligte ru-olie vir Januarie het $1,07 gestyg tot $47,35 per vaatjie nadat dit Vrydag $1,70 laer gesluit het op $46,28.

Brent Noordsee-ru-olie vir Januarie het 76 sent gestyg tot $47,17 per vaatjie. Die kontrakprys het Vrydag 98 sent laer gesluit op $46,41.

Ontleders sê dat OPUL waarskynlik planne sal aankondig wanneer die kartel Woensdag in Algerië ontmoet om produksie te verminder ten einde pryse te ondersteun.

Ru-oliepryse het amper 70% gedaal vanaf die rekordvlakke van meer as 147 dollar per vat wat dit in Julie behaal het. Sleutel-OPUL-lande het reeds openbare versoeke gerig dat die kartel produksievlakke verlaag.

Александр Фильчаков

Reddingsboei vir VSA motorvervaardigers onder skoot

'n Wetsontwerp om $14-miljard in lenings aan Amerikaanse motorvervaardigers is deur die Huis van Verteenwoordigers aanvaar, maar die vooruitsigte vir dié pakket bly onseker vanweë Republikeinse teenkanting in die Senaat.

Die Republikeine is ontevrede met flou-makou President George W. Bush rakende die voorstel en betoog dat enige ondersteuning vir die plaaslike motorindustrie aansienlike toegewings deur werkers en krediteure moet insluit en ook die strenger omgewingsreëls wat deur die Huis Demokrate opgedwing is, verwerp.

Die Huis het die plan laat gistermiddag met 'n stem van 237-170 goedgekeur. Volgens die plan sal geld binne dae in die koffers van 'n kontantgestremde General Motors Korporasie en Chrysler gestort word. Ford Motormaatskappy sê hulle het genoeg geld om hulle deur 2009 te sien, maar sal ook kwalifiseer vir federale hulp.

Ondersteuners haal somber waarskuwings deur GM en Chrysler bestuurslede aan wat sê hulle gaan binne weke algeheel sonder kontant wees en dat daar werklike vrese bestaan dat die vervaardigers in duie sal stort. Dit sal tienduisende werke uitwis en 'n skok wees vir 'n ekonomie wat reeds wankelrig is.

Demokrate en die Bush Withuis het gehoop die Senaat sal reeds teen vandag oor die wetgewing gestem het. Maar gebaseer op besorgdhede wat deur Republikeinse senators geopper is – en 'n steeds onduidelike vlak van ondersteuning, selfs onder Demokrate – is dit duidelik dat daar nog baie werk vir hulle wag voordat dit kan gebeur.

цена харьков

Amerikaanse kleinhandelverkope daal met 3,8% – ergste in 5 jaar

Amerikaanse kleinhandelverkope, met die uitsluiting van motors, het in November die grootste maandelikse daling in vyf jaar getoon toe verbruikers vir die derde maand in 'n ry hulle aankope beperk het, het 'n privaat verslag wat Donderdag vrygestel is getoon.

Dié daling het in November toegeneem, ten spyte van 'n skielike toename in verkope gedurende die belangrike "swart Vrydag-naweek", die drie dae ná die dankseggingsvakansiedag laat in November, volgens SpendingPulse, die handelsdatadiens van Mastercard-adviseurs, 'n filiaal van Mastercard Inc.

Verbruikersbesteding, met die uitsluiting van motors, het verlede maand met 3,8% gedaal volgens 'n seisoenaal aangepaste basis, dit is meer as die 1,5% daling wat in Oktober opgemerk is, het SpendingPulse gesê.

Die Novembersyfer was die grootste daling in een maand in SpendingPulse se geskiedenis, wat in 2003 begin het, en het die 2,4%-daling van twee maande gelede verbygesteek.

Dié verslag is die mees onlangse getuienis dat Amerikaanse handelaars die ergste vakansiehandelseisoen in die onlangse geskiedenis in die gesig staar. Die einde van die jaar se inkopeseisoen maak vir baie handelaars die grootste deel van hulle jaarlike inkomste uit.

Verbruikersbesteding daling baan weg vir rentekoersverlaging

Verbruikersbesteding het vir die eerste keer in amper tien jaar gedaal, volgens die SA Reserwebank se Kwartaalbulletin, wat pas vir Desember gepubliseer is.

"Werklike finale verbruiksbesteding vir huishoudings het met 'n jaargebonde koers van 0,8 persent in die derde kwartaal van 2008 afgeneem.

"Dit was die eerste inkrimping sedert die vierde kwartaal van 1998."

Die data gee vir die bank ruimte om rentekoerse hierdie week te verlaag.

"Ja, verbruikersbestedingsdata laat ruimte vir 'n verlaging," sê T-SEC ekonoom, Mike Schüssler.

"Ons kry 'n duidelike idee dat die ekonomie besig is om spoed te verloor – en ek dink die bank sal die repokoers met vyftig basispunte sny.

Die bank sal eers net matig begin met die sny van koerse – maar die verlagings sal later groter word.

Goewerneur Mboweni is ietwat besorg oor die uitwerking van verlagings op die rand – en dit is iets wat hy ook duidelik gemaak het in die Kwartaalbulletin."

Die bank het die repokoers ses keer sedert die middel van 2007 verhoog en dit het veroorsaak dat verbruikers besteding ingerem het maar dit het ook die land se ekonomiese groei laat verlangsaam.

Intelsat wil R2,5-milard se satelliet lanseer

Die satellietverskaffer, Intelsat, en 'n Suid-Afrikaanse beleggersgroep het vandag planne aangekondig om 'n nuwe satelliet van R2,5-miljard die ruimte in te stuur.

Die satelliet, wat die “Intelsat Nuwe Dagbreek” sal heet, sal hoëspoedinternet-, telefoon- en televisiedienste aan die kontinent beskikbaar stel en sal na verwagting teen vroeg 2011 in diens tree, het Intelsat in 'n verklaring gesê.

“Afrika was die afgelope tyd een van die snelgroeiendste streke vir vaste satellietdienste,” lui die verklaring.

“Die Nuwe Dagbreek-deelprojek is opgerig om oplossings vir kommunikasiebehoeftes in Afrika te verskaf.”

Die projek sal deur 15 persent ekwiteite en 85 persent lenings gefinansier word.

“Gedurende die loop van die satelliet se leeftyd, sal dit wêreldgehalte verbindings verskaf wat besigheid sal toelaat om te groei en landelike gemeenskappe in staat sal stel om te verbind,” het die voorsitter van die Convergence Partners belggersgroep, Andile Ngcaba, in 'n verklaring gesê.

“Wanneer dit eers in diens is, sal die Intelsat Nuwe Dagbreek deel van ons globale, verbruiksbestande satellietnetwerk wees, wat groeikapasiteit sal verskaf en ons sal toelaat om ons dienste aan ons langdurige klante in Afrika te voorsien,” sê Intelsat se hoofbestuurder, David McGlade.

Swak kommunikasie word dikwels verantwoordelik gehou vir swak investering in Afrika. Die gebrek aan infrastruktuur in baie lande met swart regerings het die gebruik van landlyndienste onwenslik gemaak en verbruikers gedwing om oor te skakel na satelliet- of draadlose tegnologie.

online uk топкарго

Globale krisis gaan SA banke raak

Die huidige globale finansiële krisis gaan 'n impak hê op die banksektor, het die Bankvereniging van Suid-Afrika (BVSA) gesê.

"Alhoewel mens tog 'n uitwerking gaan sien, is die banksektor fundamenteel gesond," het BVSA se besturende direkteur, Cas Coovadia, gesê.

"Ons glo dat daar toepaslike regulasies in die sektor is, en dat die nalatenskap van wisselkoersbeheer en die geleidelike uitfasering daarvan ons in 'n mate beskerm."

Hy het gesê dat daar erge skuld in die sektor gaan wees volgende jaar, maar dat BVSA saam met die wyer kredietindustrie sal werk.

"Die fokus gaan wees op herstrukturering eerder as om sake in die regstelsel in te druk, en ons hoop dat mense ons halfpad sal ontmoet."

Coovadia het gesê dat slegte skuld steeds redelik min is.

In die eerste ses maande van 2008 het Standard bank slegte skuld van 1,27% gehad, Absa 0,93% en Nedbank 0,96%.

Coovadia het gesê die land se banke is goed gekapitaliseer en hulle finansiering is sterk. Die vier grootste banke het totale bates in die buiteland ter waarde van R600 miljard. Blootstelling aan subprimaportefeuljes was minimaal, het hy gesê.

потолочную люстру Фильчаков прокурор

Olieprys styg vanaf vierjaarlaagtepunt

Oliepryse het Maandag in Asië van 'n vierjaarlaagtepunt af gestyg tot bokant $43 'n vat, nadat OPUL se president aangekondig het dat die groep beleggers kan verras met 'n groot verlaging in olieproduksie later vandeesmaand.

Ligte ru-olie vir Januarie was met $2,45 per vat op na $43,26 in elektroniese handel op die New York Merchantile Exchange teen laat middag in Singapoer. Die kontrakprys het Vrydag gedaal met amper $3 om op $40,81 vas te steek.

Pryse het so laag soos $40,50 gedaal, vlakke wat in Desember 2004 laas gesien is. Chakib Khelil, president van OPUL het Saterdag gesê dat die groep 'n baie groot verlaging in produksiekwotas kan aankondig met hulle volgende vergadering op 17 Desember in Algerië.

для бани

W?reldmarkte styg n? regeringstimulus

Wêreldmarkte het Maandag herstel ná Sjinese beamptes nuwe maatreëls ingestel het om groei aan te moedig en verkose president Barack Obama gesê het dat die wêreld se grootste ekonomie homself uit die resessie gaan bestee.

Hong Kong se Hang Seng-indeks het met 1 198,17 punte, of 8,7% gestyg tot 15,044.87 : die hoogste sluitingsvlak in sewe weke en Japan se Nikkei 225 het met 411,54 punte, 5,2% gestyf tot 8 329,05.

Groot Europese markte het gestyg tydens die opening met Brittanje se FTSE-100 wat 5,5% geklim het tot 4 272,42, Duitsland se DAX het 6,4% gestyf tot 4 661,19 en Frankryk se CAC-40 wat 6,8% toegeneem het in waarde tot op 3 191,34.

Soos hulle kollegas in Amerika Vrydag gemaak het, het Asiese en Europese beleggers nuus dat Amerikaanse werkgewers 533 000 poste gaan verminder in November, die meeste in 34 jaar, geïgnoreer. In plaas daarvan het beleggers moed geskep uit tekens dat die wêreld se grootste ekonomieë meer moeite doen om ekonomiese groei aan te help.

лестницу в Фільчаков прокурор

Merrill Lynch waarsku dat oliepryse kan daal tot $25

Merrill Lynch het gewaarsku dat oliepryse so laag as $25 kan daal teen volgende jaar indien die resessie wat Amerika, Europa en Japan raak na Sjina uitbrei. Sjina is die hoofdrywer in die vraag op kommoditeitsmarkte in onlangse jare.

Merrill se waarskuwing het gekom nadat oliepryse onder die $44-vlak gedaal het Donderdag, die laagste in amper 4 jaar, ten spyte van dramatiese verlagings in rentekoerse in Brittanje, Europa en Swede.

Francisco Blanch, hoof van aandelenavorsing by Merrill Lynch het gesê sy scenario is dat oliepryse teen gemiddeld $50 per vaatjie sal stabiliseer volgende jaar, maar het gewaarsku: "'n tydelike daling in die olieprys tot onder $25 is moontlik indien die globale resessie na Sjina uitbrei".

Globale oliebehoeftes kan dalk verder daal terwyl banke steeds voortgaan om krediet aan verbruikers en maatskappye te verminder. Oliepryse kan hul laagste vlak bereik in die eerste helfte van volgende jaar en stelselmatig begin herstel in die tweede helfte van die jaar, vanaf Julie 2009.

of thrones Фильчаков прокурор

Amerikaanse motorverkope daal tot laagste vlakke sedert 1982

Amerikaanse motorverkope het in November 37% gedaal tot die laagste vlak in 26 jaar en enige verwagtinge dat die swak jaar sy laagtepunt bereik het, gekelder. Dit het verdere ammunisie gegee vir die Detroit-voertuigvervaardigers se saak om te vra vir 'n verdere lening van die kongres om die industrie te red.

Elke groot motorvervaardiger in die VSA het gister 'n jaar-tot-jaardaling van meer as 30% in verkoopsyfers getoon. Die Detroit-motorvervaardigers is die ergste getref, met GM se Amerikaanse verkope wat 41% gedaal het en Chrysler wat 47% gedaal het.

Hulle oorsese teenstaanders het ook slegte resultate gehad. Toyota-verkope het met 34% gedaal, Nissan met 42% en Honda met 32%.

сканер Данильченео

Manuel gaan begroting bekendmaak op 11 Februarie

Minister van finansies, Trevor Manuel, gaan sy 2009/2010 begrotingsrede lewer op 11 Februarie, het sy kantoor Maandag bekendgemaak.

Manuel lewer normaalweg sy begrotingstoespraak in die 2de helfte van Februarie, maar die datum is vervroeg met die oog op die verkiesing, wat na verwagting vroeg volgende jaar sal plaasvind.

лобановский класс

Winkelassistent doodgetrap deur skare swart winskopiejagters

'n Winkelassistent is doodgetrap deur 'n skare winskopiejagters by 'n winkel wat 'n uitverkoping geadverteer het die naweek in 'n New Yorkse voorstad.

Polisie het gesê dat 'n buitebeheer skare van meer as 2000 swart mense deur die deure van 'n Long Island Wallmart gebars het en Jdiytai Damour omgestamp het.

Damour, (34), 'n immigrant van Haïti het na asem gehyg terwyl die skare die winkel ingestroom het. Die winkel behoort aan dieselfde Amerikaanse groep wat Brittanje se Asdakettingwinkelgroep het.

Polisielede wat probeer het om hom noodbehandeling te gee is ook in die chaos vertrap. Vier ander kliente, insluitend 'n 8 maande swanger vrou is in die hospitaal behandel vir geringe beserings.

"Hulle het die deure van die skarniere afgeloop. Hy is voor my doodgetrap," het Jimmy Overby (43) gesê. "Hulle het my ook omgestamp. Ek moes letterlik baklei om hulle van my rug af te hou."

Die skare het sedert Donderdagaand begin saamdrom. Vyf minute voor die winkel moes oopmaak het kopers begin druk teen die glasdeure. Senuweeagtige werkers by die winkel het 'n menslike ketting gevorm om kopers terug te hou, maar hulle is oorweldig.

By 'n Wallmart in Columbus, Ohio, het 'n bakleiery uitgebreek tussen 'n man en vrou oor 'n televisiestel wat afgemerk is van $1000 tot $798.

Twee mans by 'n Toys 'R' Us uitverkoping in Palm Desert, Kalifornië, het mekaar doodgeskiet nadat die vrouens wat saam met hulle was, 'n woordewisseling begin het.

Die dag na die Amerikaanse dankseggingsvakansiedag is bekend as Swart Vrydag, omdat dit na bewering die dag is wat winkels begin om profyt te maak en in die "swart" in te gaan.

Die dag is die begin van die Kersfees en Nuwejaar inkopieseisoen, wat die groter deel van die winkels se jaarlikse verkoopsyfers opmaak.

roulette free