Suider-Afrika Archives - Page 85 of 164

Kleurlinge ‘nie onderverteenwoordig’ in ANC

Die ANC se sekretarisgeneraal Gwede Mantashe het Woensdag 'n beroep gedoen op Kleurlinge om hulleself nie as 'n minderheid te beskou nie, en klagtes dat hulle onderverteenwoordig is in die ANC verwerp.

By die Austerville-gemeenskapsaal in Durban se grootliks Kleurlinggemeenskap, Wentworth, het Mantashe gesê: "Wanneer mens aan die idee van 'n minderheidsgroep gewoond raak, begin mens dink soos 'n minderheidsgroep."

Hy het gesê dat hy gekant is teen die term minderheidsgroep, "omdat dit mense verdeel. Ons moet onsself as een groep beskou."

Een inwoner het gekla dat hy "nie wit genoeg was onder die apartheidsregering nie, en nie swart genoeg is onder die huidige regering nie".

Mantashe het gereageer dat die persoon "nie afwesig is nie, jy is teenwoordig binne die ANC".

Hy het daarna die name van bekende Kleurling-ANC-lede afgerammel, insluitend die huidige minister van finansies, Trevor Manuel en Geoff Doidge.

Met verwysing na die ANC se pogings om die KVP te verhoed om die naam te gebruik, het Mantashe gesê dat die 1955-Kliptown Congress of the people "'n erfenis is wat aan ons almal behoort. Niemand mag die erfenis steel wat aan ons almal behoort nie".

Hy het gesê dat hy vol hoop is dat die uitslag in die Pretoriase hoogeregshof suksesvol sal wees vir die ANC.

Hy het gesê dat "die ANC nie bekommerd is oor die groep van drie wat die ANC verlaat het nie".

no deposit win

Geen wapentransaksiekommissie nie, s? Motlanthe

President Kgalema Motlanthe het hernude oproepe vir die presidensie om 'n kommissie van ondersoek na die wapentransaksie aan te stel,

Kgalema Motlanthe

verwerp.

“Die regering het nog altyd volgehou dat indien enige iemand inligting het wat individue betrek, moet so 'n persoon sulke inligting deurstuur na wetstoepassingsagentskappe,” het sy segsman, Thabo Masebe aan Sapa gesê.

Die president was oortuig daarvan dat 'n kommissie van ondersoek nie 'n geskikte werktuig sou wees om beweerde kriminele aktiwiteite gedurende die wapentransaksie te ondersoek nie.

“Daar is reeds 'n ondersoek aan die gang mna sekere van hierdie aangeleenthede en ons is gerus dat ons wetstoepassinsagentskappe heeltemal in staat is om enige aantygings rakende die wapentransaksie te hanteer,” sê Masebe.

Aartsbiskop Desmond Tutu en die voormalige president, FW de Klerk, het aan Motlanthe geskryf en versoek dat hy 'n onafhanklike kommissie moet saamstel om agter die kap van die byl in die wapentransaksie te kom.

Masebe sê 'n brief sal aan Tutu en De Klerk gestuur word om hulle van Motlanthe se besluit te verwittig. Die brief sal openbaar gemaak word.

Tutu en De Klerk se oproep het steun gekry van godsdiensleiers, akademici, skrywers, aktiviste en politici.

accessories wedding топкарго развод

Sekspo-organiseerders verdedig advertensies

Die organiseerders van Sekspo gaan voort om hulle advertensieveldtog te verdedig nadat die Advertensiestandaarde-owerheid geweier het om die banbevel oor promosiestof wat vir die vorige skou gebruik is, op te hef.

“Ons glo ons advertensies was in goeie smaak en beslis, gegewe die aard van die geleentheid, duidelik is oor die kommunikasie daarvan.

Televisie-uitsendings wat goedgekeur is vir alle ouderdomme wys by tye meer seksueelbelaaide inhoud,” sê die organiseerder Silas Howarth in 'n verklaring.

Die Sekspo is in November in Midrand gehou om seksverwante produkte van speelgoed tot onderklere te vertoon, met aktiwiteite wat werkswinkels oor hoe om beter orgasmes te bereik, ingesluit het.

Die vertoonbordadvertensies, waarvan boude die vertoonstuk was met teks wat lees “Groter en Sexyer” is verbied op grond daarvan dat dit die stereotipering van vrouens as seksobjekte versterk en dat dit daartoe kan lei dat kinders dieselfde siening huldig.

Die organiseerders het kapsie gemaak en gesê hulle vertoon 'n vrou in beheer van haar seksualiteit en hulle het betoog dat 48 persent van die mense wat die ekspo bywoon, vrouens is.

Hulle appèl was nie suksesvol nie, met die owerheid wat Dinsdag beslis het dat die veldtog klousules wat verband hou met vrouens en kinders in die Advertensiepraktykskode, oortree.

Howarth was “verbyster” deur die diskriminasie teen Sekspo se kreatiwiteit en sê: “Dit is vreemd dat 'n blinde oog gedraai word na advertensies wat sekere aspekte van geïmpliseerde naaktheid daarstel.”

Die Durbanse skou, geskeduleer vir die 5de tot die 8ste Februarie, sal 'n nuwe veldtog aanhef.

“Terwyl ons nuwe advertensies meer as 'n winkbrou sal lig, het ons seker gemaak dat ons daartoe verbind bly dat dit binne die perke van goeie smaak en verantwoordelike advertering bly,” sê hy.

games kazino

VN wil $17,5m h? vir Zim-choleraprobleem

Die VN se kinderfonds het Dinsdag gesê dat hulle $17,5 miljoen nodig het om die choleraprobleem in Zimbabwe die hoof te bied, te midde van waarskuwings dat nog derduisende mense die siekte kan opdoen.

"Zimbabwe sukkel met 'n choleraprobleem van ongekende omvang," het UNICEF in 'n persverklaring gesê.

"Gedurende die laaste 8 weke het die krisis vinnig uitgebrei terwyl die basiese dienslewering ineengestort het. Skole en hospitale maak toe, pasiënte het geen toegang tot gesondheidsorg nie, en onderwysers, verpleegsters en dokters is nie in staat om werk toe te gaan nie," het die verklaring gelui.

Die VN reken dat 589 mense reeds dood is van cholera in Zimbabwe teen die 5de Desember, en dat 13 960 gevalle van besmetting ook al aangemeld is.

Twee gedood, een beseer in Kaapse taxi-voorvalle

'n Man en 'n vrou het doodgebrand terwyl 'n ander persoon in die kop geskiet en gewond is in aparte voorvalle waarby minibustaxi's betrokke was in die Weskaap, het polisie Woensdag gesê.

Kaptein Joe Wilson het gesê 'n taxibestuurder is Dinsdag geskiet ná 'n polisiejaagtog naby Delft, omtrent 'n uur nadat betoger uitmekaar gegaan het ná 'n optog teen die instelling van busse vir pendelaars.

In 'n ander voorval is 'n man en 'n vrou doodgebrand nadat 'n taxi met klippe gegooi is, waarna die taxi beheer verloor het en in 'n wendyhuis vasgery het in Heidelbergpark in die Strand.

"Die taxi het aan die brand geslaan en twee mense wat in die wendyhuis gewoon het, 'n man en vrou, was onder die taxi vasgekeer. Hulle het doodgebrand," het inspekteur Olebogeng Tawana gesê.

Twee insittendes in die taxi is lig beseer en 'n saak van strafbare manslag is geopen.

Tawana het gesê dit is onbekend hoekom die taxi met klippe gegooi is.

no deposit casino free topcargo

Polisie betoog teen geweld in Johannesburg

Honderde polisebeamptes en staatsaanklaers het begin bymekaarkom by die Johannesburgse sentrale polisiestasie ter ondersteuning van die "16 dae"-veldtog van geen geweld teen vroue en kinders.

Lede in polisieuniform wat Suid-Afrikaanse vlae dra het voorberei om na Beyers Naudeplein te marsjeer, waar 'n dokument wat toewyding aan die veldtog toesê, geteken gaan word.

Nasionale vervolgingsgesagpersoneel, gemeenskapspolisiëringlede en Johannesburgse metropolisielede was almal teenwoordig.

Hulle gaan gelei word deur 'n marsjeerorkes van jong seuns en metropolisieoffisiere.

Die woordvoerder vir die metropolisie, hoofsuperintendent Wayne Minnaar, het gesê paaie wat toegemaak gaan word, sluit Markstraat, Simmonds-, Sauer- en Commisionerstraat in.

Die opmars sa na verwagting teen middagete afsluit.

for wedding

Komitee stel voor dat gevangenes werk

Gevangenis in ‘n oorval sel

Die parlement se korrektiewedienstekomitee het voorgestel dat tronke terugkeer na die voor-1994-beleid dat gevangenes moet werk.

Dit het geblyk in 'n verslag wat gister in die parlement ter tafel gelê is ná besoeke aan die Brandfort- en Grootvleigevangenisse in die Vrystaat. In 'n verslag wat wye dekking gee, het die komitee gesê hulle is geskok om te sien hoe gevangenes heeldag in oorvol tronkselle deurbring sonder om iets konstruktiefs te doen.

Die idee om gevangenes te laat werk,is sterk gesteun vroeër vanjaar toe die DA-LP, James Selfe ,'n dokument vrygestel het met die titel: "Tronke werk waar gevangenes werk."

Die komitee het gevind dat die afgevaardigdes, soos altyd, geskok was om te sien hoedat gevangenie heeldag in oorvol selle aangehou word, en 'n terugkeer bepleit vir die voor-1994-beleid van gevangenearbeid. Die komitee het onder geen omstandighede aanbeveel dat gevangenes se menseregte geskend word of nie gerespekteer word nie, maar voel wel dat die gevangenearbeid positief kan bydra tot hulle rehabilitasie en herintegrasie in die samelewing.

"Dit sal ook 'n manier wees om druk te verlig op reeds oorvol selle en infrastruktuur. Sulke aktiwiteit sal 'n goeie werksetiek en sosiale verantwoordelikheid skep, en selfs help om vaardighede te ontwikkel wat kan bydra teen die hervoorkoms van misdade onder gevangenes."

Selfe het gesê hy was verheug deur die voorstel van die komitee en ondersteun dit ten volle. Hy het saamgestem dat dit die kanse op rehabilitasie van gevangenes heelwat kan vergroot.

Die komitee het ook gesê dat baie meer gedoen kan word om oorbevolking in tronke te verlig, veral onder verhoorafwagtende gevangenes. 'n Multidissiplinêre benadering is nodig wat polisie, justisie, korrektiewe dienste en maatskaplike werk insluit.

"Dit is belangrik dat slegs daardie gevangenes wat 'n bedreiging vir die samelewing inhou, opgesluit word. Oortreders wat verwys kan word, behoort na rehabilitasieprogramme buite die tronk verwys te word. Meer moet gedoen word om die landdroste en justisie sensitief te maak vir die las wat verhoorafwagtende gevangenes op die korrektiewedienstesentrums plaas.

Die verslag sal deur beide huise van die parlement oorweeg word.

new online slots

Zimbabwe s? cholera is ‘onder beheer’

Zimbabwe se minister van inligting het Dinsdag benadruk dat die cholera-epidemie onder beheer is en het snerpende kritiek teen die "vuil monde" van buitelandse leiers gehad wat eis dat president Robert Mugabe moet uittree.

"Ek het geen goeie woorde vir al die leiers wat een vir een uitsprake teen Zimbabwe gemaak het nie. En ek hoop dat dit die laaste keer is wat hulle hul 'vuil monde' sal oopmaak oor Zimbabwe," het Sikhanyiso Ndlovu, minister van inligting gesê.

"Nadat hulle die land met sanksies gewurg het en besmet het met cholera en antraks, probeer die Weste nou die geleentheid wat deur die ramp veroorsaak word gebruik om militêre ingryping te regverdig," het hy gesê.

Die cholerasituasie in onder beheer, het Ndlovu gesê.

"Ons het genoeg chemikalieë om water te suiwer. Ons het genoeg buitelandse kapitaal om pype te koop en rioolpype te herstel."

Ndlovu het die opposisieleier, Morgan Tsvangirai, daarvan beskuldig dat hy as marionet vir Westerse lande optree terwyl hy leiers in die SAOG-groep ignoreer.

для бани Александр Фильчаков

Nederlandse NRO gebruik sepies teen etniese geweld

Die Nederlandse NRO Radio La Benevolencija vervaardig radioprogramme en mediaveldtogte in sentraal Afrika met die mikpunt om plaaslike inwoners te help om te verstaan hoe politieke propaganda werk en hoe om etniese en rassegeweld te weerstaan.

La Benevolencija beplan ook aksie in Nederland, om dié land se inwoners te help om hulle etniese spanning daar te kan hanteer.

"Ons is in die besigheid van media-onderrig," het George Weiss, stigter en direkteur van die Amsterdamgebaseerde NRO gesê.

"Ons leer mense om opstokery raak te sien sodat hulle daarteen kan optree." Weiss, 'n filmmaker wat al vir dekades in humanitêre projekte betrokke is, is in Oostenryk gebore.

Oorspronklik was Radio La Benevolencija die filiaal van 'n Joodse welsynsorganisasie met dieselfde naam wat in Sarajevo, Bosnië gewerk het.

Gedurende die Balkanoorlog in die negentigerjare het die organisasie 'n neutrale posisie ingeneem en veilige skuiling, voedsel en medikasie aan alle etniese groepe verskaf terwyl die stad onder beleg was.

Op daardie stadium het Weiss 'n Nederlandse filiaal begin wat die Sarajevo-organisasie finansieel en polities gesteun het.

Toe die oorlog geëindig het, het hy die Nederlandse filiaal in 'n onafhanklike stigting omskep wat massamedia gebruik as instrument om mense in te lig oor etniese- en rassehaat en -geweld, en om mense te help om trauma te verwerk.

"Ons aktiwiteite het begin in Rwanda in 2003, ná die volksmoord," het Weiss gesê.

Weiss het gesê dat mense in die Kongo nie die politici vertrou nie, omdat hulle met internasionale diamanthandelaars saamwerk – die Israeli's, Libanese, Sjinese en ander – terwyl die geld wat gemaak word uit die handel dikwels verdwyn.

La Benevolencija se sepies poog om mense se geloof in die wet te versterk.

"Ons radioprogramme vertel aan mense dat die polisie hulle werk doen. Ons sê: indien iets met jou gebeur, het jy sekere regte, maar in plaas daarvan om die reg in eie hande te neem, gaan vra vir billike behandeling."

детские сайты Александр Фильчаков

Parlement?re reses onderbreek vir Pikoli-afdanking

Vusi Pikoli

Die parlement se Desemberreses is met 'n week verkort weens president Kgalema Motlanthe se besluit om die geskorsde nasionale direkteur van vervolgings, Vusi Pikoli, se ontslag af te handel.

Dit is toe te skryf aan die belangrikheid van die saak en die tyd wat nodig is om dit te beredeneer, het die kantoor van die speaker Dinsdag in 'n verklaring gesê.

Ná konsultasie het die speaker van die parlement se nasionale vergadering, Gwendoline Mahlangu-Nkwabinde, en die nasionale raad van provinsies se voorsitter, Mninwa Mahlangu, besluit om die hervatting van parlement se jaarlikse sessie met 'n week vorentoe te skuif, het die verklaring gelui.

Die parlement was veronderstel om in reses te wees tot die 19de Januarie, wanneer die volgende sessie moes begin, maar dit is vervroeg na die 12de Januarie, wanneer die president se verslag ter tafel gelê sal word en na die relevante komitee verwys sal word.

"Die bedoeling is dat die saak gefinaliseer moet word binne die voorgeskrewe tydperk nadat dit ter tafel gelê is, volgens die wet."

Mahlangu-Nkwabinde en Mahlangu het reeds Motlanthe se besluit oor Pikoli ontvang.

"Die nasionale vervolgingsowerheidswet vereis van die president om die boodskap van die verwydering van die nasionale direkteur van openbare vervolgings aan die parlement bekend te maak binne 14 dae indien die parlement in sitting is of binne 14 dae ná die aanvang van die volgende sessie na die reses van die parlement.

"Nadat so 'n besluit ter tafel gelê is, het die parlement 30 dae om te besluit of die resolusie gedra sal word om die nasionale direkteur van vervolgings weer diens te laat hervat en of hy uit sy pos verwyder moet word."

Die parlement het gesê dat Mahlangu-Nkwabinde en Mahlangu besluit het dat 'n ad hoc-komitee saamgestel sal word om die saak te hanteer.

Die aanstellingsproses van die komitee sal onmiddellik begin om dit in staat te stel om die 12de Januarie 'n aanvang met die saak te neem. Die komitee sal sy eie interne prosesse bepaal in terme van die reëls van die parlement. Lede van die komitee sal bepaal word deur die partye en die proses.

Фильчаков прокурор