Suider-Afrika Archives - Page 38 of 164

IVP ontken dat Buthelezi siek is

Die IVP het Maandag mediaberigte ontken waarin beweer word dat Dr Mangosuthu Buthelezi inderhaas na 'n hospitaal gebring is.

"Die IVP-president is blakend gesond en het verlede week 'n roetine ondersoek ondergaan," het die party se voorsitter Zanele kaMagwaza-Msibi gesê.

"In teenstelling met kwaadwillige mediabeweringe, het die IVP-president die afgelope naweek tuis in Mahlabathini deurgebring."

Die berig van Buthelezi se ongesteldheid het in die Zoeloenuusblad, die Ilanga verskyn. Sy het 'n beroep op die media gedoen om af te sien van sensasiesoekende, onware beriggewing wat tot spanning en druk in IVP-geledere kan lei.

Senior IVP-leier Blessed Gwala het aan Sapa gesê Buthelezi het Maandag saam met hom 'n uitvoerende vergadering in Durban bygewoon. "Hy is op die oomblik hier by my. Hy is gesond. Ons is regtig geskok deur die berigte in die media."

love topcargo отзывы

Gevangenisse tans sonder veiligheidstelsels

Die departement van korrektiewe dienste het Sondag ontken dat daar 'n risiko bestaan by gevangenisse omdat 'n kontrak met 'n sekere veiligheidsmaatskappy ten einde geloop het.

Segsman Manelisi Wolela, het gesê hulle sal seker maak dat daar oor die "korttermyn" geen ontsnappings is nie.

"Gespesialiseerde veiligheidstelsels is net 'n bykomstigheid by ons bestaande veiligheidstelsel by gevangenisse, waarvan die menslike komponent die belangrikste is," het hy gesê.

Volgens die Sunday Times het die department se kontrak met Sondolo IT, wat verantwoordelik was vir byna 600 privaat personeellede in 66 tronke regdeur die land, Vrydag ten einde geloop.

Die maatskappy het Vrydagoggend hulle lede uit 72 beheerkamers onttrek. Dit sluit Pretoria Sentraal, Johannesburg Gevangenis, Kaapstad se Pollsmoor Gevangenis en Durban se Westville Gevangenis in. Vyf streeksbeheersentra asook die nasionale beheerkamer is tans sonder waarnemingsvermoë.

Wolela meen hulle grootste prestasie was om die koers van ontsnappings af te bring. "Dit was nog voor ons die tegnologie aangewend het," het hy gesê.

Hy het nietemin toegegee dat dit 'n belangrike onderdeel van die gevangenisse se geïntegreerde veiligheidstelsels verteenwoordig en gesê dat sy departement reeds poste averteer om die gaping te vul.

Teen Junie sal die proses klaarblyklik afgehandel wees.

Boesak vra steun vir Zille

Die ANC moet ophou met "egopolitiek" en die DA se Helen Zille 'n kans gee om die Wes-Kaap te regeer, het die leier van Cope in die provinsie, Alan Boesak Sondag gesê.

"Hoekom nou 'n opdraende stryd voer teen die administrasie van 'n opposisieparty as dit gewone Suid-Afrikaners is wat ly onder hierdie soort egopolitiek?" het Boesak in 'n verklaring gesê.

Die ANC het verlede week 'n "skadukabinet" in die Wes-Kaap bekend gemaak wat onder leiding van die huidige premier, Lynne Brown, sal dien.

"Terwyl die DA en Zille ook nie my ideale keuse vir die regering in die Wes-Kaap is nie, is die feit dat hulle ingestem is deur dieselfde mense wat vyf jaar gelede die Wes-Kaap in die hande van die ANC geplaas het, iets wat aanvaarding en respek vra en die Wes-Kaap moet dieselfde ondersteuning geniet van die regerende party as die ander gebiede wat hulle beheer," het Boesak gesê.

Фильчаков прокурор

Volskaalse grieppandemie nie uitgesluit

Die Wêreldgesondheidsorganisasie meen dat die Mexikaanse griepvirus die pandemiewaarskuwingsvlak van ses, ’n volskaalse pandemie, kan bereik. ’n Vlak van ses beteken daar is volgehoue uitbrekings van die siekte in minstens twee WGO-streke. Die waarskuwingsvlak is tans vyf.

Die WGO het verklarings van die Amerikaanse sentrum vir siektebeheer dat die virus nie so dodelik is soos die Spaanse griep (1918 -1919) nie, verwerp. Die WGO het gister aangekondig dat 17 lande intussen 787 bevestigde gevalle van Mexikaanse griep bekendgemaak het.

In die VSA het meer as 400 skole hul deure gesluit en ongeveer 250 000 kinders word hierdeur geraak.

Die virus het vermoedelik reeds by tot 1 000 mense in New York voorgekom, maar niemand in die stad is noodlottig geraak daardeur nie. Van die160 gevalle in die VSA is een kind dood weens die griep.

In die Europese Unie is die aantal mense wat positief vir Mexikaanse griep getoets het, 49.

зарядное устройство

Die ‘Tuin van Eden’ is dor en leeg

Uit 'n onlangse genetiese studie blyk dit dat die Paradys langs die grens tussen Namibië en Angola lê, 'n dorre en leë stukkie aarde. In dié streek, waarvan die koördinate 12.5 grade O en 17.5 grade Z is, lewe die San. Hulle taal waarvan die klikgeluid kenmerkend is, is volgens sommige kenners 'n regstreekse oorblyfsel van oorspronklike menselike spraak.

Dit is van die bevindinge uit 'n studie van Afrika se genetika, die mees omvattende wat nog tot op hede onderneem is. Die navorsers, onder leiding van Sarah Tishkoff van die universiteit van Pennsylvanië, het die gene bestudeer van meer as 3 000 mense in 121 van die 2 000 bevolkingsgroepe in Afrika. Daaruit is bevind dat die genetiee diversiteit op die kontinent groter is as op om het enige ander plek op aarde.

Volgens dr. Tishkoff was die uitgangspunt van die studie die stelling dat die oudste bevolkingsgroep die grootste genetiese diversiteit sou vertoon en dat dit sal afneem namate bevolkingsgroepen migreer.

Die uiteinde: "Die brongebied vir migrasie in Afrika lê in die streek waar die San tans woon. Dit word weergegee in die groot mate van diversiteit binne die bevolking." Of die San dalk self geïmmigreer het uit 'n ander Tuin van Eden is uit die ondersoek nie duidelik nie, "maar is wel 'n moontlikheid", aldus Tishkoff.

монтаж бани

Obama ignoreer Zuma se inhuldiging

Een en twintig staatshoofde het sover bevestig dat hulle die ANC-leier Jacob Zuma se inhuldiging as die land se 4de demokraties verkose president gaan bywoon, het die departement van buitelandse sake Woensdag gesê.

Direkteurgeneraal Ayanda Ntsaluba het in Pretoria aan die media gesê dat bevestigings instroom vir die feestelikhede wat beplan word vir die 9de Mei. Die buitelandse besoekerslys sal duideliker word teen Maandag of Dinsdag.

“So ver het 21 staatshoofde bevestig dat hulle gaan kom, en daar is daar is ook 20 ander lande wat teenwoordig sal wees.”

Ntsaluba het gesê die 20 ander lande sal verteenwoordig wees meestal deur hulle ministers van buitelandse sake en spesiale gesante.

Hy wou nie uitbrei oor watter staatshoofde teenwoordig sal wees nie, aangesien dit ‘n sensitiewe saak is en daar is sekuriteitsredes. Hy het wel bevestig dat die Amerikaanse president Barack Obama nie teenwoordig sal wees nie.

Intussen gaan voorbereidings voort vir die inhuldiging van ongeveer R75 miljoen by die Uniegeboue, met werkers wat besig is en stellasies orals op die gronde.

светильники на дом

Boeing stort in DRK neer

‘n Boeing 737 wat op ‘n toetsvlug was het Woensdag suidoos van die Kongo se hoofstad neergestort, en ten minste drie mense dood gelaat, het amptenare gesê.

Die vliegtuig het “onbekende tegniese probleme” ondervind kort na opstyging van Brazzaville, hoofstad van die naburige Republiek van die Kongo, het minister van vervoer Matthiew Mpita aan Associated Press gesê.

Mpita het gesê drie liggame is sover gevind en ‘n hoë dodetol word nie verwag nie, omdat die vliegtuig op ‘n toetsvlug was.

Mpindi Kabeya, ‘n adviseur aan die Kongo se eerste minister het gesê twee identiteitskaarte is gevind: een van ‘n Algeriese loods en nog een van ‘n student van Brazzaville. Mpita het egter gesê dit is te vroeg om die identiteit van die oorledenes vas te stel.

Lugveiligheid is iets wat lank reeds baie laks is in die Kongo, waar amptenare maklik omgekoop word en vaste onderhoudskedules baie skaars is. Daar was ten minste 20 noodlottige vliegtuigongelukke sedert 1996.

In Oktober 2007 is ten minste 50 mense dood toe ‘n vragvliegtuig in drie huise vasgevlieg het net na opstyging van Kinshasa se internasionale lughawe op ‘n vlug na sentraal Kongo.

печи дровяные для прокурор Фильчаков

Watertekort te danke aan lekkasies

Siviele tegnoloog Nathaniel Padayachee het gesê sy firma is aangestel om te kyk na die watertekorte by Mbazwana, ‘n gemeenskap van sowat 30 000 mense aan die KwaZulu-Natalse noordkus.

Hy het gesê hulle het gevind omtrent 30% van die behandelde water wat na die dorp aangelê is kan nie voor verantwoording gedoen word nie.

Die konsultante het 18 groot lekkasies gevind en herstel in die bestaande deel van die dorp, en nog honderde in ‘n naburige laekoste behuisingskema.

Daar het jeugdiges watermeters uitgeruk van sowat 400 HOP-huise om te verkoop aan mense in ander gebiede sodat hulle kan betaal vir hulle wateraansluitings.

Mense in die HOP-huise het gepoog om met plastieksakke en stokke die lekkasies wat ontstaan het, te stop.

Vier vas vir moord op boer

Polisie het 4 mense gearresteer in Sutherland, in die Noord-Kaap na die liggaam van ‘n 71-jarige boer gevind is in sy plaashuis naby die dorp, het ‘n polisiewoordvoerder Woensdag gesê.

Superintendent Hendrik Swart het gesê die arrestasies het gevolg na die ontdekking van Klaas van Wyk se liggaam op die plaas Keerom vroeg Woensdag.

“Bure van die boer het sy bakkie gevind wat gerol het langs die pad wat van die plaas af na Sutherland toe lei,” het Swart gesê.

Die polisie is gekontak en beamptes het na die plaas gegaan om ondersoek in te stel.

Bloed is gevind in die huis en beamptes het van Wyk se liggaam in een van die slaapkamers gevind.

“Hy het ‘n sigbare nekwond gehad,” het Swart gesê, en bygevoeg dat die huis deursoek is.

Van Wyk het klaarblyklik alleen gewoon. Plaaswerkers het aan die polisie gesê dat hulle herde gelag gehoor het van die plaashuis af teen omtrent 9 uur Dinsdag aand.

Swart het gesê vier mense wat in ‘n wit Volkswagen Golf rondgery het is Woensdagoggend gearresteer.

Hulle sal na verwagting binnekort in die Sutherland landdroshof verskyn op aanklagte van moord.game big bang

Onderhoud oor tokolosieverkragting goedgekeur

‘n Vrystaatse radiostasie wat ‘n onderhoud uitgesaai het met ‘n man wat glo elke nag deur ‘n tokolosie verkrag is, het nie die grense van vryheid van spraak oortree nie, het die uitsaaiklagtekommissie bevind.

In die uitspraak wat Dinsdag gemaak is, het die uitsaaiklagtekommissie een klagte van ‘n persoon van die hand gewys dat Radio OFM gespot het met ‘n persoon wat sielsiek is deur die onderhoud uit te saai.

Nog ‘n klaer, net bekend as R. Thirtle, het die onderhoudvoerder Rian van Heerden aangetree oor hy klaarblyklik ‘n grap wou maak van iets wat ‘n baie werklike fenomeen is.

“Dit is ‘n feit dat die gees Incubus mense saans verkrag,” het Thirtle gesê.

“En dit is veral algemeen onder die swart mense…wat die tradisionele geloof van aanbidding van voorvadergeeste volg. Maar meer algemeen onder swart vroue, wat deur die tokolosie verkrag word in die aande.”

“Dit is nie ‘n storie nie, dis ‘n feit, en daar is duisende getuies wat dit kan bevestig. Dit is ‘n baie traumatiese ervaring om in die donker verkrag te word deur ‘n swaar ding wat op jou bene sit, waaroor jy geen beheer het nie.”

“En om te weet dit is ‘n demoon wat dit doen maak dit soveel erger.”

Die kommissie het gesê hulle het ‘n totaal van vier klagtes ontvang oor die uitsending, wat net voor 5 uur die middag van 18 Maart uitgesaai is.

Die klaers het beweer die onderhoud was nie geskik vir kinders nie, en is uitgesaai op ‘n tyd wat baie kinders na verwagting kan luister.

Die kommissie het egter bevind dat die teikengehoor van die stasie nie kinders was nie, dat die kinders wat dit wel gehor het waarskynlik niks sou verstaan nie, en dat dit geen obsene offensiewe taal bevat het nie.

Die stasie het ook herhaaldelik waarskuwings uitgesaai vooraf dat luisteraars die onderhoud aanstootlik mag vind.

OFM het Van Heerden vir twee dae geskors na die uitsending.