Internasionale nuus Archives - Page 43 of 141

Clinton wil uitreik na Moslemw?reld

Hillary Clinton

Die nuwe Amerikaanse minister van buitelandse sake, Hillary Clinton, het besluit om Indonesië te besoek op haar eerste oorsese ampsbesoek, omdat sy “wil uitreik” na die Moslemwêreld, het ‘n woordvoerder Donderdag gesê.

Vir Amerika is Indonesië belangrik, as die wêreld se grootste Moslemmeerderheidsnasie, het ‘n departementele woordvoerder Robert Wood aan verslaggewers gesê.

Clinton, wat ook besoek sal bring aan Japan, Suid-Korea en Sjina, gaan senior Indonesiese amptenare ontmoet in Jakarta om “die hegte en groeiende verhouding met Indonesië en vooruitsigte op gemeenskaplike belange in suidoos-Asië” te bespreek, het hy gesê.

In sy inhuldigingstoespraak op 20 Januarie het president Barack Obama belowe om ‘n “nuwe weg vorentoe” te soek met die Moslemwêreld, “wat gebaseer is op wedersydse belange en respek”, ná 8 jaar van minder gemoedelike verhoudings met sy voorganger George W. Bush.

Nadat hy verkies is op 4 November, het die eerste swart Amerikaanse president belowe om ‘n groot toespraak te lewer in ‘n Moslemhoofstad, maar Wood het geen antwoorde gegee toe hy gevra is of Clinton die grondslag gelê het vir ‘n besoek aan Indonesië deur Obama nie. Obama het tydens 'n deel van sy kinderjare daar gewoon.

Baie Indonesiërs was gekant teen voormalige president Bush se “oorlog teen terreur” en die benadering tot buitelandse verhoudinge en hoop dat Obama ‘n nuwe styl in Amerikaanse leierskap gaan bring, met die klem op dialoog en begrip.

Wind- en sonkrag verloor woema

Wind- en sonkrag het teen ‘n snelle tempo gegroei in onlangse jare, en dit wou voorkom asof daardie groei toegeneem het, veral in Amerika onder die “groen” administrasie van die nuwe president Barack Obama.

Maar die kredietkrisis en breër ekonomiese afname het gemaak dat die teenoorgestelde nou gebeur: behalwe in geïsoleerde markte soos Sjina. Installasie van wind- en sonkrag verlangsaam en daal in sommige gevalle.

Fabrieke wat onderdele vir die industrieë vervaardig in Amerika het ‘n vlaag van afleggings aangekondig in onlangse weke en handelsgroepe projekteer 30% tot 50% daling vir die jaar vir installasies van nuwe toerusting, ‘n afname wat nog hulp van die regering onwaarskynlik sal maak.

Pryse vir turbines en sonpanele, wat hemelhoog geklim het toe die bloeityd ‘n paar jaar terug begin het, daal nou. Gemeenskappe wat hulleself ‘n klop op die skouer gegee het verlede jaar omdat hulle wind- of sonplase sou trek, moet nou verminderings hanteer.

Baie van die probleme spruit uit die kredietkrisis wat Wallstraatbanke lamgelê het. Voorheen was daar op tot 18 banke en finansiële instellings wat gewillig was om windturbines en sonpanele te finansier, om so voordeel te trek uit die mildelike regeringsbelastingvoordele. Met die banke wat soveel probleme het is daar nou nog net vier oor in die marksegment.

bridesmaid necklace and earring set

VSA kan belangrike basis verloor

Die president van Kirgistan het gesê hy gaan beveel dat die basis wat deur Amerika gebruik word om sy magte in Afghanistan se voorrade aan te vul, gesluit word, ‘n besluit wat die Amerikaanse pogings daar erg kan kniehalter.

Die president Kurmanbek Bakiyev het Dinsdag by ‘n perskonferensie in Moskou gesê dat Amerika nie genoeg betaal het om die basis in Manas te gebruik nie. Hy het ook woede uitgespreek oor ‘n geval in 2006, waarin ‘n Amerikaanse soldaat ‘n Kirgis-vragmotorbestuurder op die basis gedood het.

Die sluiting sal ‘n oorwinning wees vir Rusland, wat die basis beskou as ‘n Amerikaanse poging om beheer uit te oefen in die streek.

Die Kirgis-leier se skuif kan ‘n brose ontspanningspolitiek tussen Moskou en Washington pooitjie.

Bakiyev se aankondiging verteenwoordig ‘n direkte uitdaging aan president Barack Obama se hoogste buitelandse prioriteit, naamlik die oorlog in Afghanistan.

“Dit is ‘n baie ernstige punt, aangesien Amerika se uitganspunt is dat daar ‘n gemeenskaplike belangstelling hier is,” het Stephen Sestanovich, ‘n senior lid by die Raad vir Buitelandse Verhoudings, wat in New York is, gesê. “Indien hulle vir ons iets anders vertel sal die boodskap wel deurkom.”

Amerikaanse amptenare het Dinsdag gesê hulle hoop die aankondiging was nie definitief nie.

Geoff Morrell, die Pentagon se perssekretaris, het Manas beskryf as “’n baie belangrike” lugmagbasis vir Amerika en het gesê hy hoop dat Kirgistan sal aanhou om te onderhandel.

“In enige onderhandelings is geld dikwels die kwessie” het hy gesê. “En hopelik kan ons ‘n ooreenkoms bereik en aanhou om die basis te gebruik as lugmagbasis.”

By ‘n perskonferensie in Moskou het president Dmitri Medvedev gesê dat Rusland geensins beoog om die hou van vrede in Afghanistan, wat deur die Amerikaansegeleide koalisie gelei word, te blokkeer nie.

Die basis wat buite die hoofstad van Kirgistan se hoofstad, Bishkek geleë is, het gedien as ‘n sentrale punt, asook ‘n brandstofpunt en oorklimpunt vir NAVO se pogings in Afghanistan. Dit het in 2005 van groter belang geword, toe Oesbekistan Amerika beveel het om ‘n basis daar te verlaat. Washington het ook gekyk na sentraal-Asië omdat sy voorsieningroete in Afghanistan in deur Pakistan onder aanval gekom het.

Konsessies van Amerika – oor die beplande missielafweer sisteem in Pole en die Tsjeggiese republiek en NAVO spesifiek – kan Russiese ondersteuning beteken vir Amerika se doelwitte in Afghanistan, het Migranyan gesê. “Dit moet beskou word uit ‘n wyer konteks.”

topcargo

Obama-veldtogbestuurder kry sewesyferboekkontrak

Barack Obama se veldtogbestuurder, David Plouffe, het ingestem tot 'n sewesyferooreenkoms om 'n boek te skryf oor verlede jaar se presidensiële verkiesing. "The Audacity to Win: The Inside Story and Lessons of Barack Obama's Historic Victory" sal rondom September deur Viking uitgegee word.

Luidens 'n verklaring wat Woensdag deur Viking uitgereik is, sal die boek 'n unieke, hoëvlakverslag lewer oor onder andere “die samesprekings rondom deelname ondanks skraal kanse, die verbete primêre stryd met Hillary Clinton, die drama van die algemene verkiesingsveldtog teen John McCain en die strategiese roetes wat geneem is – en nie geneem is nie … Die boek sal ook die lesse uiteensit wat geleer is met die vorming van 'n nuwe onderneming ter waarde van $1 miljard – die gebruik van tegnologie, krisis bestuur, voetsoolvlak- en personee bestuur.” Viking is 'n druknaam van die Penguin Groep (VSA).

Belangstelling in Plouffe se boek is sterk. Die Obama-veldtog het nie net die meeste geld nóg ingesamel vir 'n presidensiële veldtog nie -ongeveer $750 miljoen- maar dit word wyd en syd geloof as die mees gesofistikeerde en bes georganiseerde veldtog. Plouffe se literêre verteenwoordiger, die Washingtonse advokaat Robert Barnett, het aan Associated Press gesê dat 17 drukname (sommige vanuit dieselfde uitgewer) om sy boek meegeding het.

“Vir dié van ons wat Obama-ondersteuners was en wat dwarsdeur die veldtog dosyne, indien nie honderde, e-posse ontvang het, voel dit asof jy hierdie man ken en dat jy meer wou weet,” het die president van Viking, Clara Ferraro, aan AP gese. “Sy e-posse was baie inspirerend en opreg. Ek sou een van hulle lees en dink: 'hierdie veldtog is so slim.'” Sommige van daardie e-posse mag dalk in die boek beland, het Ferraro gesê.

Ferraro en Barnett het geweier om finansiële besonderhede te gee, maar twee uitgewers het gesê dat die aanbod minstens $1,5 miljoen tot $2 miljoen gehaal het. Die twee woordvoerders het gevra om nie geëdentifiseer te word nie, siende dat hulle nie onderhandelinge mag bespreek nie.

Barnett het al op menige miljoendollarkontrakte gewerk; sy kliënte sluit in president Barack Obama, voormalige president Clinton en voormalige eerste dame Laura Bush.
воронеж стробоскопы

Hamas steel VN-hulpgoedere in Gasastrook

Hamaspolisie in Gasa het by 'n stoor vol VN-humanitêrehulpgoedere ingebreek en duisende komberse en kospakke gesteel, het 'n VN-woordvoerder Woensdag gesê. Dit het die moontlikheid laat ontstaan van 'n skeuring tussen die organisasie wat sorg vir die meeste van Gasa se inwoners en die gebied se militante regering wat die toevoer van broodnodige hulp bedreig.

Christopher Guinness, 'n woordvoerder vir die VN se hulpagentskap (UNRWA) het gesê Hamaspolisie het Dinsdagaand by 'n pakhuis in Gasastad ingebreek en 3 500 komberse en meer as 400 kospakke wat gereed was vir verspreiding aan 500 gesinne gesteel.

"Hulle was gewapen, hulle het dit net geneem, hulle het dit met geweld geneem," het Guinness gesê, en die insident as "absoluut onaanvaarbaar" bestempel.

Polisie het die hulpmateriaal gekonfiskeer nadat UNRWA-amptenare geweier het om dit te oorhandig aan die Hamasbeheerde ministerie van sosiale sake, het hy gesê. Soortgelyke hulppakke is reeds versprei aan 70 000 inwoners gedurende die laaste twee weke.

Ahmad Kurd, die Hamas-amptenaar in beheer van die ministerie, het nie die diefstal ontken nie, maar het beweer dat die VN die hulp aan plaaslike groepe met verbintenisse aan Hamas-teenstanders verskaf.

"UNRWA het nie gedoen wat hulle gesê het hulle sal doen nie, en het hulp verleen aan groepe wie se aktiwiteite hulle verbind aan politieke aktivisme," het Kurd gesê.

VN-amptenare het gesê hulle versprei die hulp direk aan plaaslike inwoners volgens 'n lys wat saamgestel is deur gemeenskapsleiers. Hulle het gesê die hulpvoorraad was geberg in plaaslike stoorfasiliteite, en opgepas deur 'n plaaslike VN-werknemer, omdat die organisasie se normale stoorplekke vol was.

Sommige internasionale skenkers het kommer uitgespreek dat fondse wat bedoel is om Gasa te herbou in die hande van Hamas kan val, terwyl die VN probeer het om dié vrese te besweer.

'n Skenkerskonferensie is vir later die maand in Kaïro geskeduleer.

online slots no

Verkragting gebruik om vroueselfmoordbomdraers te werf

'n Vrou wat daarvan verdink was dat sy dosyne vroueselfmoordbomdraers in Irak gewerf het, het vertel hoe sy gereël het dat die slagoffers verkrag is waarna sy hulle vertel het dat martelaarskap die enigste manier waarop waarop hulle aan die skande kon ontkom.

Die Irakese weermag het die vrou se arrestasie Dinsdag aangekondig en videomateriaal gespeel waarin sy haar rol as werwingspersoon erken het.

Sy het in die video verduidelik hoe sy die vroue gewerf het en hulle na 'n boord geneem het vir opleiding en hulle laastens ontmoet het en na hulle teikens gelei het.

Later, gedurende die onderhoud uit die tronk met Associated Press, wat gevoer is met ondersoekbeamptes wat bygestaan het, het sy vertel hoe sy gehelp het om die verkragting van die jong vroue te help beplan.

Sy het gesê dat sy dan ingetree het om die slagoffers te oortuig om selfmoordbomdraers te word as die enigste manier om aan die skande te ontkom.

Die vrou is geïdentifiseer as Samira Ahmed Jassin, wat ook bekend is onder die bynaam "Umm al-Mumineen", wat beteken die moeder van die gelowiges.

Ten minste 36 selfmoordbomdraers het gepoog of was suksesvol in 32 aanvalle wat verlede jaar uitgevoer is, vergeleke met 8 in 2007, volgens Amerikaanse militêre statistieke.

Die weermag het gesê hulle kan nie inligting gee vir die jaar oor die hoeveelheid vroueselfmoordbomdraers nie, maar op 4 Januarie het 'n vrou haarself opgeblaas tussen Iranese pelgrims in Bagdad, waar meer as 3 dosyn mense in die aanval dood is.

раскрутка сайта

Obama se poging om Wallstraatspandabelrigheid te tem

Barack Obama

Die Amerikaanse president Barack Obama het Woensdag 'n salarisbeperking van 500 000 Amerikaanse dollar geplaas op uitvoerende beamptes van finansiële instellings wat die belastingbetalers se hulp vra om hulle maatskappye uit te help, in 'n poging om Wallstraat se spandabelrigheid hok te slaan.

Die president het ook belowe dat die tesourie volgende week 'n nuwe strategie bekend sal maak om bevrore kredietmarkte oop te maak, in 'n poging om lenings en verbruik tydens die grootste ekonomiese krisis sedert 1930 aan te help.

"Wat mense kwaad maak, en met reg, is dat uitvoerende beamptes beloon word vir mislukking, veral wanneer daardie mislukking deur die Amerikaanse belastingbetalers gesubsidieer word," het Obama by die Withuis gesê.

"Vir topuitvoerendebeamptes om hulleself te beloon met daardie tipe vergoedingspakkette in die middel van 'n ekonomiese krisis is nie net swak smaak nie – dit is slegte strategie en ek as president sal dit nie verdra nie."

Volgens nuwe reëls, mag base van maatskappye wat voordeel trek uit hulp van die tesourie nie meer as $500 000 per jaar betaal word nie, het Obama gesê.

Obama se ongelukkigheid met Wallstraat se vrygewigheid het verlede week opgevlam ná hy 'n koerantberig gelees het wat besonderhede verskaf het van die $18,4 miljard in bonusse wat Wallstraatfirmas verlede jaar gekry het, selfs nadat aandelemarkte getuimel het en die ekonomie in 'n resessie verval het.

Kritici van die Withuis sal waarskynlik redeneer dat die stap dit moeiliker sal maak vir Wallstraatfirmas om toptalent te lok en dit mag lei tot huiwerigheid van sukkelende maatskappye om hulpfondse te aanvaar.

topcargo развод

Migrasie-agentskap gaan Oegandese rebelleleier help om hom oor te gee

Die Internasionale Organisasie vir Migrasie (IOM) het Dinsdag gesê dat hulle gereed is om as waarnemer op te tree indien die tweede in bevel van die Oegandese rebellegroep, die LRA, homself wil oorgee.

Okot Odhiambo, die adjunkleier onder Joseph Kony, het verlede week uit die DRK aan AFP gesê dat hy vir veilige deurgang gevra het en reg was om te desserteer ná hy 'n ernstige skietwond opgedoen het.

Die rebellebevelvoerder het op daardie stadium aangedring dat sy oorgawe deur die IOM onderhandel moet word en dat onderhandelings met die Oegandese weermag deur die internasionale agentskap gedoen moet word.

Die IOM het Dinsdag in 'n verklaring gesê dat hulle met "belanghebbende partye ooreen gekom het om as waarnemer op te tree indien die LRA se 2de in bevel, Okot Odhiambo aan Oegandese magte oorgee."

"In teenstelling met onlangse berigte dat Odhiambo, wat deur die internasionale strafhof gesoek word, aan Oeganda oorhandig word deur die IOM en dan oorhandig sal word aan die Oegandese owerhede, het Odhiambo ingestem om aan die Oegandese weermag oor te gee met die IOM as waarnemer."

"Van daardie tyd af sal die Oegandese owerhede verantwoordelik wees vir Odhiambo," het die IOM bygevoeg.

Die Geneefse agentskap sal hulp verleen aan 'n geskatte 85 ontvoeringslagoffers en LRA-soldate wat Odhiambo vergesel, insluitend kinder-en vrouesoldate.

Die IOM het 'n mandaat om hulp te verleen met die integrasie van voormalige LRA-vegters.игры для девочкам

Weste verander houding oor Zimbabwe

Brittanje het, ten spyte van skeptisisme oor Zimbabwe se nuwe koalisieregering, belowe om die land ter wille van die sukkelende bevolking te help. Dit dui 'n aanpassing in die Weste se houding teenoor Zimbabwe aan.

Hierdie opmerkings van Mark Malloch Brown is 'n eggo van die geluide uit Washington sedert die opposisieleier Morgan Tsvangirai ingestem het om in 'n magsdelingsregering met President Robert Mugabe betrek te word.

Die Obama-administrasie het die VSA se aandrang dat Mugabe moet uittree, laat vaar, en die Europese Unie het ook die ooreenkoms verwelkom, alhoewel Westerse moondhede sê hulle is nog nie gereed om sanksies op die president en sy gevolg op te hef totdat hulle tasbare bewyse van hervorming sien nie.

Malloch Brown sê hy is deur Afrika-leiers by 'n spitsberaad in die Ethiopiese hoofstad oortuig dat die nuwe regering 'n kans gegun moet word.

“Ek dink die een boodskap wat ek helder en duidelik uit hierdie spitsberaad gekry het en waarvoor ek baie simpatie het, is dat ons dit 'n kans moet gee, dat ons ons bes sal doen om dit te ondersteun, want die behoeftes van Zimbabwiërs is so oorweldigend,” sê hy.

“Ons is skepties maar ons moet probeer om dit te laat werk.”

Hy het bygevoeg dat Brittanje en ander lande vrygewige skenkers sal wees indien die ooreenkoms suksesvol is.

Mugabe het intussen 'n sessie van die spitsberaad oor die wêreldwye ekonomiese krisis gebruik om los te trek teen Westerse moondhede wat hy daarvan beskuldig dat hulle ondersteuning aan Zimbabwe van die IMF en Wêreldbank geblokkeer het.

“As gevolg van sekere onwettige, eensydige en ekstraterritoriale wetgewing deur sommige magtige lede van hierdie instellings, is die gebruik van ons lidmaatskapregte gesmoor,” het hy aan ander Afrika-leiers gesê.лобановский обыск

Degas se dansertjie gaan vir R193-miljoen

'n Bronsuitgawe van die beroemde standbeeld van 'n jong ballerina deur Edgar Degas het op 'n veiling in Londen vir nagenoeg R193-miljoen verkoop, sê die afslaers Sotheby’s.

“Petite Danseuse de Quatorze Ans” is een van verskeie weergawes van die werk wat 'n opskudding veroorsaak het oor die realistiese uitbeelding van 'n 14-jarige meisie toe die eerste wasuitgawe daarvan in Parys in 1881 uitgestal het.

Dit is aan 'n privaat Asiërversamelaar vir 13,26-miljoen Pond insluitende die koper se permium tydens 'n veiling in die Britse hoofstad verkoop en klop die gidsprys van tussen nege- en 12-miljoen Pond.

Die standbeeld, bekend as “Die Danseressie,” is in 1922 in brons gegiet. Dit toon die jong meisie wat 'n neteldoekrok en 'n satynhaarlint dra en wat poseer met haar hande agter haar rug en een voet vorentoe.

Helena Newman, vise-voorsitter van Impressioniste en moderne kuns by Sotheby’s, sê die standbeeld was een van die belangrikste deur Degas en “ongetwyfeld een van die ikoniese standbeelde van die Impressionismetydperk.

“Die rekordbrekende prys wat behaal is vir hierdie uitstaande standbeeld is 'n eerbewys aan die krag van die mark vir skaars werke van uitstaande gehalte,” sê sy.игры д девоч