Sake – Bladsy 45 – praag.co.za

Suid-Afrikaners kan nie meer hul polisse bekostig

17:27:58 Die tempo waarteen Suid-Afrikaners op hulle lewensversekeringspolisse wanbetaal, het gedurende die laaste ses maande met 260% toegeneem.

Die webwerf Thinkmoney se bestuurshoof, Mike Kann, sê die ontleding is gebaseer op mense wat lewensverskeringspolisse deur hulle verskeringsvennote uitgeneem het. Kann sê die normale neiging vir wanbetaling oor 'n periode van twee jaar, was tussen 15 en 20% maar dit het nou tot 40% toegeneem.

Dit is 'n verstommende vermeerdering van 260%. Kann sê teen die agtergrond van die huidige ekonomiese klimaat, is dit nie verbasend dat mense nie hulle paaiemente betaal nie. Hy stel egter voor dat mense na meer bekostigbare polisse kyk in stede daarvan om heeltemal daarmee uit te skei.

Данильченко Харьков

Meer voertuie word teruggeneem

Absa neem elke maand 1 350 voertuie van verbruikers terug, wat dit nie langer kan bekostig nie. Marcel de Klerk, senior bestuurder van Absa se voertuig- en batefinansieringsafdeling sê dit is bykans 30% meer as in die ooreenstemmende tydperk verlede jaar.

Ongeveer 80% van die voertuie val in die R120 000 tot R130 000–kategorie terwyl voertuie wat teruggeneem word, gemiddeld R80 000 in waarde beloop. De Klerk sê die waarde van voertuie wat maandeliks teruggeneem word, is moontlik soveel as R560 miljoen.

Ongeveer 30 000 voertuie word elke maand in Suid-Afrika verkoop. Voertuie wat teruggeneem word, verloor 'n verdere 35% in waarde. In die huidige marktoestande verloor die motorindustrie en banke baie geld.

De Klerk sê die bepalings van die Wet op Nasionale Krediet maak dinge ook nie makliker nie. Die wet bepaal dat voertuie nou oor 'n periode van 72 maande afbetaal kan word, in stede van die vorige 54 maande. Mense koop duurder motors as wat hulle kan bekostig en ná 72 maande sit hulle met 'n enorme finale paaiement wat meer is as wat die motor werd is.

Duurder motors beteken ook dat verbruikers meer vir dienste en versekering moet betaal. Dit word gevolglik vir eienaars onmoontlik om ná twee jaar hulle motors vir nuwer modelle in te ruil. De Klerk sê daar is 'n duidelike verhouding tussen paaiement-terme en slegte skuld.

Die goeie nuus is egter dat die agterstallige vlakke ,moontlik vanweë hoër rentekoerse, gestabiliseer het. Die wet bepaal ook dat deposito's op voertuie nie nodig is nie.

De Klerk is van mening dat jongmense, laerinkomstehuishoudings en eerstekeer-kopers die swaarste deur die Kredietwet getref word.

Sy raad is dat voornemende kopers nie die 72-maande termyn moet kies nie maar liewer goedkoper motors koop. Hy sê verbruikers kies in meer as 50% van Absa voertuigtransaksies die 72-maande-opsie.

Dieselfde persentasie kopers verkies ook om nie 'n deposito te betaal nie en 30 % van alle kopers eindig met 'n enorme paaiement ná die 72-maandeperiode.

Лобановский

Inflasie styg in Nigeri

Nigerië se jaarlikse inflasie het gestyg tot op 13% vanaf 12,4 % die vorige maand, het die Nasionale Buro vir Statistiek gesê.

Die styging is hoofsaaklik die gevolg van stygings in die pryse van sommige stapelvoedselitems, diesel, gas, boumateriale en huishoudelike items, het die buro bygevoeg.

Die verbruikersprysindeks is met 1,1 % op na 192.4 punte in September, vergeleke met 190,3 punte in Augustus 2008.

Inflasie het gestyg in die tweedekwartaal in die jaar. Dit het in Mei op 9,7% gestaan, Junie op 12% en Julie op 14% vanweë die gevolge van die globale voedselkrisis.

Nigerië het gedurende die grootste deel van 2006 en 2007 dit reggekry om die inflasie in enkelsyfers kon hou.

Privaatkonsortium gaan Eskom help

'n Privaatkonsortium het Eskom genader om 23 steenkoolkragstasies op te rig wat die land se kapasiteit met 50% kan verbeter tussen 2012 en 2017. Daar is selfs sprake van 'n kommersiële sonkragstasie onder die 27 aansoeke van voornemende onafhanklike kragprodusente wat reeds deur Eskom gekeur is om aanbiedinge voor te lê.

Eskom het onlangs aangedui dat die land se reserwes eers in 2014 weer op internasionale standaard sal wees. Die totale opwekkingskapasiteit van die privaatinisiatief sal om en by 20 000MW wees. Tans is Eskom se opwekkingskapasiteit omtrent 40 000MW.

Anglo American is deel van die inisiatief nadat seniorbestuur gekla het dat die proses moeisaam verloop. Die meeste aansoekers is internasionale maatskappye wat met swart bemagtigingsvennote saamwerk.

Hulle sal teen November gevra word om formele aanbiedinge voor te lê. Die ooreenkomste sal na verwagting teen 2010 geteken word en die projekte sal tussen 2012 en 2017 begin krag lewer.

Die kontrakte sal vir 25 jaar geldig wees.

free casino Фильчаков Харьков

Rand daal tot R11 per dollar

10:00:11 As gevolg van dalende wêreldbeurse, het die rand oornag tot byna R11 per dollar verswak. Vroeg vanmore is die rand deur banke op R10,84 per dollar gekwoteer. Teen die euro verhandel die rand teen R14,48 en teen die Britse pond staan die rand op R18,68.

Goud is ook laer op $842,30 per fynons.

Beleggers in globale markte soek tans na 'n veilige hawe vanweë die dalings in eiendom en aandele. Die dollar en jen baat by die sogenaamde "vlug na kwaliteit" wat aan die gang is. Dit lei ook daartoe dat buitelandse beleggers hul fondse vanuit Suid-Afrika onttrek terwille van die groter geldeenhede.

Oornag het die Amerikaanse aandelemark weer skerp gedaal ná slegte kleinhandelverkoopsyfers in die VSA. Die Standard & Poors 500-indeks het die grootste persentasieverlies sedert Swart Maandag op 19 Oktober 1987 beleef met 'n daling van 9,03% tot 907.84. Die Down Jones-nywerheidsindeks van 30 aandele het met 7,87% afgeneem tot 8577,91.

Ook in Asië het beurse vanoggend skerp gedaal met die Nikkei in Tokio wat met 11,41% tot 8 458,45 getuimel het. Europese markte het vanoggend net ná die openinge met meer as 5% gedaal.

Motorverkope in Europa kry erge knou

15:53:11 Hoë brandstofpryse en verskerpte ekonomiese onsekerheid het veroorsaak dat Europese motorverkope skerp gedaal het in September. Die industrievereniging het gesê dat voertuigregistrasies op die laagste vlak in ‘n dekade is.

Jaarlikse registrasies het gedaal met 8,2 % verlede maand, het die Europese Voertuigvervaardigersvereniging gesê. Dis te wyte aan die nadraai van die globale finansiële krisis wat Europa ook tref.

Kliënte is toenemend huiwerig om groot uitgawes te maak, en vind dit ook moeiliker om finansiering te verkry vir groot aankope, het die vereniging gesê. Syfers vir verkope in BMW, General Motors en ander vervaardigers vanuit die Ooste het almal gedaal.

Wat die daling buitengewoon gemaak het, is die feit dat motorverkope normaalweg ná die stadiger somermaande gestyg het. Voertuigregistrasies is af met 4,4 % gedurende die eerste nege maande van die jaar, vergeleke met dieselfde tydperk verlede jaar, het die vereniging gesê.

Die daling in registrasies bevestig die feit dat die markomstandighede vererger, soos die nadraai die voertuigvervaardigers begin tref.

General Motors se verkope het met 18,1 % gedaal, terwyl BMW , die wêreldleier in luuksemotors, se verkope met 15,4 % gedaal het. Toyota het met 6,8 % gedaal en ander Oosterse vervaardigers se syfers het ook sterk dalings getoon.

Kia, Mitsubishi en Honda het onderskeidelik met 13,3%, 27,1 % en 26,3 % gedaal.

Die vereniging se 7,8%-styging in Sentraal-Europa is teengewerk met ‘n 9,3%-daling in sommige Wes-Europese markte.

Gedurende die eerste 9 maande van die jaar het nuwe motorregistrasies in die Sentraal-Europagebied met 3% gestyg, vanweë die vertoning van markte in Pole en die Tsjeggiese republiek, wat onderskeidelik met 8,8% en 10,4 % gestyg het.

In dieselfde tyd is voertuigregistrasies 5% laer in Wes-Europa in die tydperk van Januarie tot September, grootliks as gevolg van laer verkope in Spanje (22%), Italië (11,3%) en Brittanje (7,5%).

Ekonome glo dat al drie dié lande ‘n resessie in die gesig staar.

Aandelemarkte in Asi? skiet op

Aandelemarkte in Asië is aansienlik op nadat regerings ingespring het om banke te red in 'n finansiële krisis wat erger lyk as die Groot Depressie. Die Dow het die grootste styging in 75 jaar getoon.

Tokio se Nikkei-indeks was teen etenstyd Dinsdag met 13% op, een van die grootste stygings ooit. Hong Kong, Sydney en Seoul is ook hoër nadat Europese rererings miljarde dollar aan hulle krediethonger banke beskikbaar gestel het.

Die VSA beplan om verdere aandele in verskeie banke te bekom, bo en behalwe die hulppakket van 700 miljard dollar. In Europa is 'n triljoen dollar in die banksektor ingepomp en lenings tussen groot spelers het regeringswaarborge ontvang.

In Australië het eerste minister Kevin Rudd 'n hulppakket van 7,25 miljard dollar bekendgemaak. Hy sê daarsonder sal ekonomiese groei en werksgeleenthede bedreig word.

сварочный инвертор с

‘Vryval-Vrydag’ op w?reldbeurse

15:07:46 'n Britse koerant het vandag "Vryval-Vrydag" genoem omdat die Londense FTSE 100-indeks binne 7 minute vanmôre met 440 punte gedaal het en sodoende 80 miljard pond (900 miljard rand) se waarde uitgewis het.

Per sekonde het aandele in Londen $200 miljoen verloor. In Johannesburg het die Algehele indeks van die plaaslike beurs op 'n stadium ook 8% laer verhandel, maar is tans 4,12% laer op 20377.

Vrese vir 'n wêreldwye resessie of selfs depressie het hulpbronpryse ook skerp laat daal, met die olieprys wat vir die eerste keer in 'n jaar onder $80 per vat verhandel het. Daar is egter min troos vir Suid-Afrikaanse motoriste aangesien die verswakking in die rand van die afgelope week die daling in die olieprys grootliks uitkanselleer en petrolpryse dus hoog gaan bly.

Paniek in Asi?, SA krisis kom oor SEB en eiendom

09:31:05 Asiese aandele het vanmôre skerp geval, met Japan se Nikkei-indeks wat meer as 10% getuimel het, terwyl die jen en Amerikaanse skatkiswissels in waarde gestyg het. Daar heers nou volslae paniek aangesien al die regeringspogings tot dusver om weer vertroue in kredietmarkte te skep, misluk het.

Gisteraand het die Amerikaanse indekse, die Dow Jones-indeks van 30 nywerheidsaandele, die Standard & Poors 500-indeks van die 500 grootste maatskappye, asook die tegnologieswaar NASDAQ-indeks almal met meer as sewe persent gedaal.

Na verwagting gaan daar vandag 'n verdere bloedbad op Europese beurse, asook die Johannesburgse Aandelebeurs, plaasvind. Die daling in aandele kan veroorsaak dat die kredietkrisis wat elders ter wêreld heers ook na Suid-Afrika oorspoel vanweë die reusebedrae geld wat deur banke uitgeleen is vir swartbemagtigingstransaksies. Die skerp en vinnige dalings veroorsaak dat die sekuriteit vir SEB-lenings gou-gou minder werd raak as die bedrae van uitstaande lenings aan swart beleggers.

Indien banke hul lenings aan SEB-maatskappye terugroep en die onderliggende aandele inderhaas op die mark verkoop, gaan die paniekverkope die algemene daling in batewaardes vererger en mag SA banke soos hul oorsese eweknieë bankrot speel vanweë grootskaalse verliese op die miljarde rande se SEB-transaksies wat die afgelope paar jaar gedoen is.

SA banke het ook begin om huise van nie-betalers terug te neem en duisende huise in Johannesburg en ander groot stede gaan op veilings verkoop word. Die verdere verliese wat banke op huislenings gaan ly, gaan banke se kapitaal, wat gewoonlik slegs 10% van bates en uitstaande skulde dek, verder uitwis.

воронеж торцевые topcargo

Geldchaos bring SEB onder skoot

Die silwer randjie om die donker wolk van die internasionale finansiële krisis, is dat Swart Ekonomiese Bemagtigingsbeleggers hard teruggebring is aarde toe.

Dié handjievol elite miljardêrs het gesamentlik miljarde rande in ekwiteit verloor in onstuimige verwikkelinge op die wêreld se effektebeurse. Die Ramaphosas en Motsepes van hierdie wêreld moes uiteindelik op die harde manier leer dat politieke verbintenisse kitsfortuine kon besorg maar die behoud daarvan nie kan waarborg nie.

Voorts wys finansiële deskundiges uit dat SEB-magnate dit nou baie moeiliker sal vind om derde-partyfinansiering te lok. SEB is 'n luukse wat selfs die rykste lande kwalik sou kon bekostig. Voorheen het banke met oop hande na SEB-bevoorregtes gevry, maar die onstuimigheid in die markte laat hulle nou skugter om lenings aan dié kaders beskikbaar te stel.

Die SEB-ellende eindig ook nie daar nie. Baie van hulle is tot hulle kroontjies toe in skuld, wat hulle ondernemings se aandelepryse nog meer onder druk plaas.

Van die hoëprofielmaatskappye met 'n beduidende SEB-komponent wat deurgeloop het, sluit Imperial, MTN, Barloworld, SASOL en Ou Mutual in.

Toekomstige SEB-transaksies huiwer by die afgrond want banke soos ABSA, Nedbank en Standard Bank is nou huiwerig om dié lenings toe te staan indien dit nie verseker word deur derde partye nie.

Die sakewêreld wag nou om te sien met watter beslistheid iemand soos Suid-Afrika se eie Meneer Apprentice, Tokyo Sexwale, die krisis gaan hanteer. Miskien hét sy versetverlede hom voorberei om die katastrofe te bestuur. Maar niemand hou asem op nie.

медсправка 086 у Данильченео

Finansi?le krisis kan Eskom benadeel

Trevor Manuel het vandag gesê dat die globale finansiële krisis ‘n groot impak kan hê op Eskom se planne om uit te brei.

Volgens hom kan die planne om geld te leen baie moontlik geraak word, aangesien dit moeiliker gaan wees om lenings te verkry en die koste van die infrastruktuur gaan beïnvloed.

Bouwerk wat die 2010-sokkerwêreldbeker voorafgaan, sal ook beïnvloed word. Boukoste is volgens hom ‘n groot bedreiging, maar hy is tans nie te bekommerd daaroor nie.

Business Day sê dat meer as 500 miljard rand begroot is om vervoer en infrastruktuur voor die sokkerskouspel op te gradeer.

Suid-Afrikaanse banke is toegerus om die krisis te hanteer, maar daar kan wel beperkings wees ten opsigte van toegang na buitelandse kontant.

Manuel het gesê dat die krisis ‘n nuwe denkwyse in die finansiële wêreld teweeg sal bring.

Manuel sê dat daar ‘n groot herkalibrering gaan wees van wat gedoen word en hoe dit oor die volgende ses maande en langer gefinansier gaan word.

грузовой

Slegte nuus vir motoriste

Met die rand se verswakking teenoor die dollar gister, die laagste in sewe jaar, is dit slegte nuus vir motoriste. Selfs al daal die olieprys omdat die vraag na olie afneem soos die ekonomie wêreldwyd verstadig, sal die swak rand veroorsaak dat brandstof duur bly.

’n Swak wisselkoers sal Suid-Afrika se tekort op die lopende rekening nóg groter laat word. Dié tekort moet natuurlik gefinansier word, wat duur kos.

Die Reserwebank se jongste syfers toon dat Suid-Afrika in Julie ’n tekort op die lopende rekening gehad het van R14,3 miljard. In Augustus het dit tot R5,1 miljard gekrimp, maar dié syfer is steeds hoog.

Die meeste ander ontwikkelende lande het oorskotte op hul lopende rekenings en is dus in ’n beter posisie om die huidige finansiële krisis die hoof te bied.

best casino uk Фільчаков прокурор

Duitsers boos oor hulp aan VSA-motorvervaardigers

Die 700 miljard dollar aan hulp wat wetgewers Vrydag toegelaat het, kan volgens Berlyn indirekte hulp aan die Amerikaanse motorvervaardigers gee. Die Duitsers is reeds woedend oor ‘n 25-miljarddollarhulppakket wat vroeër verlede week aan motorvervaardigers toegestaan is.

Ná die twee keer wat die Amerikaners hulp verleen het aan ‘n kwynende ekonomie verlede week is die Duitse motornywerheid baie ongelukkig. Die regering in Berlyn is van mening dat vrye mededinging deur die stappe van die Amerikaners benadeel kan word.

Vrydagaand het die Amerikaanse huis van verteenwoordigers ná twee rondtes van stemme en baie onderhandeling die 700-miljardhulppakket taanvaar om weer vertroue in die markte te herstel.

Die bewoording van die ooreenkoms maak dit egter moontlik vir die tesourie om enige lenings wat in erge finansiële knyp is uit te koop.

Die Duitsers is bang dat dié tipe hulp die speelvelde, wat voorheen gelyk was, kan omkrap, en met reg ook. Die hoof van General Motors, Rick Wagoner, het sy verskyning op die motorskou in Parys gekanselleer om by Washington te gaan aanklop vir deel van die hulppakket, aldus die BBC. Volgens Der Spiegel is die Duitsers bekommerd dat die 50 miljard euro (67,8 miljard dollar) die Amerikaanse motorvervaardigers heelwat kan versterk.

Verlede Dinsdag het Detroit baie meer direkte hulp ontvang, nadat President Bush wetgewing onderteken het wat ‘n 25-miljardeuro-laerentelening aan motormaatskappye beskikbaar gestel het. Dit is met die doel om vervaardigers te help met die oorskakeling na die vervaardiging van voertuie wat meer ekonomies op brandstof is.

Die hele idee is om regeringshulp aan vervaardigers te verleen sodat hulle die punt kan bereik om motors te maak wat 6,7 liter per 100 kilometer kan haal teen 2020. Skattings rondom die hulp wat daarvoor benodig word, loop so hoog soos 100 miljard euro.

General Motors se hoofoperasionelebeampte, Fritz Henderson, het aan die BBC gesê dat dit nie ‘n skenking is nie maar ‘n lening wat bedoel is om projekte te finansier.

Duitse motorvervaardigers voel egter anders oor die saak. “Ons is gekant teen subsidiëringskompetisies” het Matthias Wissman, hoof van Duitsland se VDA-voertuigindustrievereniging aan die tydskrif Motor Trend gesê in September toe die wetgewing in die Amerikaanse kongres ter tafel gelê is. Anton Weinmann, hoof van die vragmotorvervaardiger MAN het aan Motor Trend gesê: “Daardie soort subsidie het ‘n verwronge kompetisie tot gevolg… in die vervaardigingsbedryf moet mens dinge los vir die vrye mark.”

Europa het ook onlangs die omgewingstandaarde vir motorvervaardigers gelig. Hulle verskil van die VSA s'n wat pleks daarvan om aan die vervaardigers hulp te verleen met die omskakeling, eerder stywe boetes oplê indien die vervaardigers nie aan die wetgewing gehoor wil gee nie.

курна для хамама цена

Manuel ‘n ‘onbekende faktor’ in wegbreekaksie

'n Nuwe onbekende faktor in die Suid-Afrikaanse ekonomie is wat gaan finansiesminister, Trevor Manuel, se partyverband wees as 'n nuwe party weg van die ANC gestig word?

Dit is die vraag wat die hoofekonoom van Econometrix, Azar Jammine, vra ná die nuus dat daar 'n sterk beweging is na die stigting van so 'n party deur ontevrede ANC-lede na die uittrede van Thabo Mbeki twee weke gelede.

Jammine beklemtoon die feit dat Manuel wat weer sy eed geneem het om in die nuwe kabinet onder President Kgalema Motlanthe te dien, kontinuiteit verseker het en gehelp het om ekonomiese stabiliteit te anker. Hy sê die land het op 23 September 'n voorsmakie gekry van wat sal gebeur as Manuel die toneel verlaat.

Jammine het verwys na 'n verklaring van die presidensie dat Manuel uit sy pos bedank het. Manuel het later die dag aangekondig dat hy steeds as minister sal dien en dat sy bedankingsbrief slegs daaroor gegaan het dat die nuwe administrasie sonder enige hindernis kan voortgaan.

Die Rand het met 20 sent teen die dollar gedaal voordat die "bedanking"opgeklaar is. Jammine sê as dit 'n 1912 ANC-party gaan wees, is Manuel se partyverband 'n onbekende faktor. Manuel is die wêreld se langsdienende minister van finansies.

Hy is in 1999 deur Mbeki aangestel en is sedert 1991 lid van die ANC se Nasionale Uitvoerende Komitee. Hy was tussen 1994 en 1996 die minister van Handel en Nywerheid. Daar was lankal reeds gerugte dat hy as minister sal bedank om 'n internasionale pos te aanvaar.

Vroeër het die voormalige ANC-voorsitter en minister van Verdediging, Mosiuoa Lekota, op 'n mediakonferensie aangekondig dat hy en 'n groep andersdenkende indiwidue regoor die land, binne die volgende twee weke 'n konferensie of 'n kongres gaan hou om oor die pad vorentoe te besluit. Sonder om die reguit te sê dat hy en sy genote van die ANC gaan wegbreek het hy so na as wat moontlik is aan 'n eensydige onafhanklikheidsverklaring gekom.