Sake – Bladsy 41 – praag.co.za

Toyota-bestuurders koop vrywillig eie maatskappy se motors

Toyota Motorkorporasie se bestuurders soek na nuwe Toyota-motors in 'n poging om verkope te help opstoot en om steun te wys vir die maatskappy, het 'n beampte van die maatskappy Woensdag gesê te midde van Japan se top voertuigvervaardiger se stryd teen 'n globale insinking.

Die skuif toon hoe moeilik tye vir Toyota is. Dit kom ná die skokkende onthulling dat Toyota vir die eerste keer in 70 jaar 'n bedryfsverlies gaan toon in die finansiele jaar wat eindig op 31 Maart.

Dié voorstel is verlede maand eers bekend gemaak in 'n interne omsendbrief wat versprei word aan omtrent 2 200 middelvlakbestuurders, wat 'n groep soortgelyk aan 'n klub vorm, het Toyota-woordvoeder Yuta Kaga gesê.

Niemand gaan geforseer word om 'n kar te koop nie, en dit staan hulle vry om enige model te kies wat hulle wil hê, solank as wat dit 'n Toyota is, het hy gesê.

Toyota het gegroei deur spanwerk te bevorder en werkers word aangemoedig om met idees vorendag te kom wat dinge kan verbeter en kostes kan bespaar.

Japannese maatskappye neig om 'n korporatiewe kultuur te skep wat baie naby aan familiebande is, alhoewel sulke praktyke tog mettertyd verminder.

Toyota-bestuurders het reeds 'n 10% vermindering in hulle bonusse aanvaar.

Topuitvoerendebeamptes gaan 'n vermindering in salaris aanvaar, maar die bedrag is volgens die maatskappy nog nie vasgestel nie.

топкарго отзыв

Fitch verlaag Anglo plc se vooruitsig

Die Fitch-graderingsagentskap het die eertydse Suid-Afrikaanse maatskappy wat tans sy hoofkantoor in Londen het, Anglo American plc, se vooruitsig van stabiel na negatief verander. Die agentskap het egter die langtermynlenerstatus en senior ongedekte lenings op enkel-"A" behou, asook die maatskappy se korttermynlenergradering van "F1".

Die senior ongedekte gradering van Anglo American Capital plc – Anglo se gewaarborgde filiaal – is ook herbevestig op "A", het Fitch Dinsdag in 'n verklaring gesê.

Die vooruitsigverandering weerspieël die moontlikheid dat Anglo se kredietsyfers gedurende 2009 buite Fitch se riglyne vir "A" mag beweeg, waaronder 'n maksimum hefboomeffek van drie keer.

Dié situasie weerspieël die maatskappy se bykomende skuldlas as gevolg van die aankoop van twee Brasiliaanse ysterertsmyne gedurende 2008.

In die loop van 2009 sal Fitch aanhou om die maatskappy se aankondigings te monitor insake maatreëls om sy kontantposisie te beskerm, asook bewegings in hulpbronpryse, teenoor bestaande beramings oor die maatskappy, het die agentskap verklaar.

Zuma-beslissing nie algeheel te blameer vir die rand se treurmare

Terwyl die voortgaande vervolging van die ANC-president, Jacob Zuma, negatief is vir die rand, is dit slegs gedeeltelik die rede vir die geldeenheid se knieserigheid, sê RMB se geldeenheidnavorsing.

“Die Appèlhof se besluit om die NVG toe te laat om Jacob Zuma te vervolg het die mark ietwat onkant gevang en het 'n negatiewe reaksie van 'n paar sent ontketen,” sê RMB in 'n geldeenheidbywerking.

“Dat daar onafgehandelde aanklagte teen 'n president is, sal negatief wees, maar belangriker is die onverbonde ongemak oor 'n moontlike verskuiwing na links ná die verkiesing,” sê RMB.

Hulle het bygevoeg dat dit môre en oormôre na verwagting baie opvlieënd op die markte sal wees na aanleiding van internasionale data en kalendergebeure.

Die rand het vanoggend teen 10,13 teenoor die Amerikaanse dollar verhandel.

how to promote лобановский харьков

Massiewe afname in voertuigverkope

Die verkope van nuwe voertuie gedurende Desember het 'n massiewe afname getoon, sê die Nasionale Vereniging van Outomobielvervaardigers van Suid-Afrika (NVOVSA.)

Die verkope van nuwe voertuie vir Desember het op 32 765 gestaan, wat 'n ontsaglike daling van 12 162 voertuie of 27,1 persent teenoor die syfers van Desember 2007 toon, sê NVOVSA.

“Op die grondslag van marksegment, het voertuigverkope gedurende Desember 2008 (met die uitsondering van kleinvolumebusverkope) in elke segment skerp afgeneem teenoor die ooreenstemmende maand van Desember 2007,” het NVOVSA bygevoeg.

In kommentaar op die jaar 2008 het die assosiasie gesê die verkope van nuwe voertuie het erg teruggesak op die rug van laer verkope van nuwe motors, asook ligte- en mediumgroottehandelsvoertuie.

NVOVSA berig dat algehele verkope met 123 757 eenhede verswak het, oftewel met 20,3 persent tot 488 951 voertuie teenoor die 612 708 voertuie wat in 2007 verkoop is.

“Dit verteenwoordig die laagste jaarlikse bedryfsverkope sedert 2004,” sê NVOVSA.

095у

Massmart maak toename in verkope bekend

Vir die 26 weke tot 28 Desember 2008 het Massmart se totale verkope toegeneem met 13,2% teenoor die vorige periode. Die toename was R22,8 miljard, het die genoteerde handelaar Donderdag bekend gemaak.

Dit was met 'n inflasiekoers oor die afgelope 12 maande wat geskat is op 9,9%, het die groep gesê.

Vergelykende winkelverkope het met 11,9% toegeneem.

Vroeër het Pick 'n Pay gesê dat hulle nie teleurgesteld was met die feestyd se verkope nie.

"Ons was voorbereid vir goeie verkope oor die feesseisoen en kopers het verbasende vasbyt getoon, selfs in ekonomies moeilike tye en verkoopsyfers het ons skattings oortref," het Dennis Cope, die groep se finansiële direkteur, gesê.

play fortune teller лобановский обыск

MTN-Verizon-samesmelting goedgekeur

Die samesmelting tussen MTN en Verizon is goedgekeur deur die mededingingstribunaal, het 'n woordvoerder wat anoniem wou bly Donderdag gesê.

Sy het gesê dat 'n verklaring later in die dag deur die tribunaal uitgereik sou word.

In terme van die samesmeltingstransaksie tussen MTN en Verizon, het die IT maatskappy Verizon European Holdings sy belange in Verizon SA (69,38%) aan die selfoonoperateur MTN verkoop.

прокурор Фильчаков

Pick ‘n Pay ‘nie teleurgesteld’ met Kersverkope

Winkelgangers by Pick ‘n Pay

Pick 'n Pay was nie teleurgesteld met sy feestydverkope nie, het die maatskappy Donderdag gesê.

"Ons was voorbereid vir goeie verkope gedurende die feesgety en was nie teleurgesteld nie, kliënte het ook verbasende vasbyt getoon, selfs onder moeilike ekonomiese tye en verkoopsyfers het geskatte voorspellings oortref," het Dennis Cope, die groep se finansiële direkteur gesê.

Hy het gesê dat die hoeveelheid kopers wat laaste aankope gemaak het in die drie dae voor Kersfees baie meer was as in vorige jare.

"Soos wat verwag is, het verbruikers hulle swaar verdiende geld meer wyslik bestee," het Cope gesê. Meesal het hulle "nuttige geskenke gekoop met 'n lang lewensduur" soos MP3-spelers, Playstations en ander elektroniese en rekenaargoedere.

Ander praktiese geskenke het ingesluit "terug skool toe"-items en toiletware, veral in die "karakter-handelsmerke"-reekse, het Cope gesê.

"Verbruikers het ook meer aandag gegee aan eenheidspryse (bv. prys per volume of gewig) en kleiner verpakkings gekoop."

Voorspellings dat meer mense die jaar sou tuis bly was duidelik in die toename in verkope van braaitoerusting, buitelug speletjies en swembadspeelgoed, het Cope bygevoeg.

Ten opsigte van kos, het die gewone items wat met Kersfees geassosieer word soos kalkoene en vrugtepasteie goed gedoen, asook drinkgoed wat sterk in aanvraag was.

игры для девочикы

Vervaardiging daal in November, s? statistiekdiens

Vervaardigingsuitsette vir November het gedaal met 4,4% jaar-tot-jaar, het Statistiek SA Donderdag gesê.

"Alle kategorieë het dalings getoon, en die grootste daling was in die yster- en staalsektor," het Nedbank-ekonoom Carmen Altenkirch gesê.

Die data het 'n algemene afname in saketoestande getoon, wat wys dat maatskappye huiwerig is om tans beleggings te maak.

Nog 'n merkbare verlaging was in die motornywerheid, het Altenkirch gesê.

прокурор Фильчаков

Irak se olie-inkomste styg met R550 miljard

‘n Olietenkskip

'n Irakese olieamptenaar het gesê die land se olie-inkomste is met 30% op teenoor verlede jaar ná omtrent R550 miljard, ten spyte van die skerp daling in wêreldoliepryse in die tweede helfte van verlede jaar.

Falah al-Amiri, die hoof van die staat se oliebemarkingsorganisasie, het ook Donderdag aan Associated Press gesê dat Irakse olieuitvoere gemiddeld 1,85 miljoen vate per dag was in 2008, wat 'n verhoging van 13,5% teenoor 2007 verteenwoordig.

Hy het gesê Desember se uitvoere het omtrent 1,815 miljoen vate per dag bereik.

Hy verwag dat Irak vandeesmaand 2 miljoen vate per dag sal uitvoer.

Irak maak staat op olieuitvoere vir 95% van sy begroting. Die land het swaargekry toe oliepryse met ongeveer 70% van die rekordvlak van omtrent $150 per vat verlede Julie gedaal het.

mositaldent

Olieprys stabiel n? 12%-daling oornag

Oliepryse is stabiel onder $43 per vat in Asië nadat 'n hoër as verwagte toename in Amerikaanse voorrade oornag 'n 12%-afname in ru-oliepryse veroorsaak het.

Ligte, soet ru-olie vir Februarie het met 14 sent gedaal tot $42,49 per vaatjie in elektroniese handel op die New York Merchantile Exchange teen middagtyd in Singapoer.

Woensdag het die kontrak met $5,95 gedaal om op $42,63 te stabiliseer ná die Energie-inligtingsdministrasie gesê het dat die voorrade van kommersiële ru-olie met 6,7 miljoen vaatjies toegeneem het. Dit was heelwat meer as die 1,5 miljoen vaatjies wat deur analiste van Platts, die energie-inligtingstak van McGraw-Hill, voorspel is.

"Daardie voorraadsyfers herinner die markte daaraan dat die vraag steeds swak bly," het Toby Hassall, 'n ontleder by die beleggingsfirma Commodity Warrants Australië in Sydney gesê.

"Enige prysherstellings sal waarskynlik in die nabye toekoms van korte duur wees."

Meer slegte ekonomiese nuus en korporatiewe nuus vanuit Amerika het ook aangedui dat die vraag verlangsaam en het gehelp om pryse onder druk te plaas.

Фільчаков прокурор

Mededingingsraad keur MTN/iTalk-samesmelting goed

Die mededingingsraad het Dinsdag goedkeuring gegee dat die samesmelting van die selfoonmaatskappye MTN en iTalk kan voortgaan.

MTN wat mobiele stem- en datadienste verskaf, sal die oorblywende 59% van iTalk-aandele bekom, het die registrateur van die tribunaal, Lerato Motaung, in 'n verklaring gesê.

Die maatskappy sal dus al die aandele wat iTalk uitgereik het behou en alleen beheer oor iTalk uitoefen.

iTalk verkoop lugtyd, handstukke en verwante produkte.

одежда интернет

Deflasie van SA eiendomspryse vererger

Huisprysdeflasie op 'n jaargrondslag het in Desember vererger tot -1,7%, het Eerste Nasionale Bank Maandag gesê toe hulle die huisprysindeks vrygestel het.

Huisprysinflasie vir 2008 is gemiddeld 5,2% beter vanweë beter omstandighede vroeg in verlede jaar.

Vir 2008 as 'n geheel was die gemiddelde huisprys R748 591, wat 5,2% hoër was as die R711 591 vir 2007.

Die gemiddelde prysinflasievlak vir die jaar was heelwat laer as die 11,2%-gemiddeld vir 2007 en verteenwoordig die vierde jaar waartydens huisprystoename verswak het van die 29,5%-vlak wat in 2004 behaal is, "wat die topjaar was in die mees onlangse behuisingsbloeitydperk," het ENB gesê.

Dit wil voorkom asof die mark vir twee slaapkamerhuise en kleiner die swakplek verteenwoordig, het die bank gesê.

Vir die vierde kwartaal van 2008 het die gemiddelde tweeslaapkamerhuisprys (R332 000) met 9,6% afgeneem wat 'n jaar-tot-jaarvergelyking betref.

"Dit verteenwoordig 'n daling van 6,5% jaar-tot-jaardeflasie in die vorige kwartaal," het ENB gesê.

Die deeltitel "twee slaapkamer en kleiner"-mark het effens beter gevaar maar ook in die gemiddelde prysdeflasie inbeweeg in die finale kwartaal van 2008, het FNB gesê.

Die gemiddelde prys van deeltiteltweeslaapkamerhuise (R612 072) het met 0,4% gedaal op 'n jaar-tot-jaarbasis, terwyl die gemiddelde prys van deeltiteleenhede wat kleiner is as twee slaapkamers (R434 535) met 0,2% gedaal het.

ENB het gevind dat die drie slaapkamermark stewiger voorkom in vergelyking en steeds in die enkelsyferprysinflasie verkeer, hoewel dit ook 'n verstadigende neiging toon.

Amerikaanse verbruikersvertroue daal tot historiese laagtepunt

Amerikaanse verbruikersvertroue het 'n historiese laagtepunt bereik in Desember, en verder gedaal vanweë die vooruitsig van stygende werksverliese, Die daling verteenwoordig nog 'n teken dat verbruikersbesteding waarskynlik nie daarin sal slaag om Amerika vinnig uit die jaarlange resessie te help nie.

Verbruikers was maande lank senuweeagtig om groot bedrae geld te bestee; mense het nuwe klere vermy en het eerder winkelhandelsname aangekoop by die kruidenierswinkels, wat alles daartoe bygedra het dat dit vir handelaars die ergste vakansieseisoen in dekades kan wees.

Die verbruikersvertroue-indeks wat deur die konferensieraad ('n private navorsingsgroep) gemeet is, het tot 38 gedaal in Desember van 'n hersiene 44,7 in November. Dit is die laagste punt sedert die groep begin het om die indeks in 1967 saam te stel en is onderkant die vorige laagtepunt van 38,8 in Oktober.

Ekonome wat deur Thomson Reuters ondervra is, het verwag dat die indeks inkrementeel sou styg tot 45.

"Dalende vertroue ten opsigte van die behoud van poste en dalende pryse van bates werk teen die optimisme wat mag ontstaan het as gevolg van dalende brandstofpryse," het Dana Saporta, 'n Amerikaanse ekonoom by die beleggingsbank Dresdner Kleinwort, gesê.

Die werkloosheid het 'n 15-jaarrekordvlak bereik in November en ekonome verwag addisionele verliese aan poste in die eerste helfte van 2009. Die mense wat in die konferensieraadondersoek gesê het dat dit moeilik is om werk te kry het in Desember toegeneem tot 42% teenoor 37,1% in November, toe werkloosheid op 6,7% gestaan het.

детям топкарго

SA handelstekort vergroot in November

Suid-Afrika se handelstekort het in November vergroot tot R12,1 miljard – grootliks te wyte aan hoër voertuiginvoere en laer edelmetaaluitvoere – het amptelike data Dinsdag getoon.

Die Suid-Afrikaanse inkomstediens het gesê die gaping het toegeneem van R9,8 miljard in Oktober, ten spyte van 'n skerp afname in olie-invoere.

Ekonome wat verlede week deur Reuters ondervra is, het 'n tekort van R6 miljard voorspel, maar die handelsyfers is tradisioneel moeilik om te voorspel.

Uitvoere het met 17,93% gedaal terwyl invoere met 12,59% toegeneem het. Edelmetale, wat die grootste deel van die uitvoere opmaak, het met 30% gedaal vanweë die swak globale ekonomie.

"Dit is baie meer as wat ons verwag het… en dit is nie 'n goeie syfer nie. Dit toon voortslepende strukturele probleme in ons handelsrekening," het Russel Lamberti, 'n ekonoom by die markontleders ETM gesê.

Die SAID het gesê die saamgestelde handelstekort vir die eerste 11 maande van die jaar was R84,2 miljard, teenoor R68,1 miljard verlede jaar gedurende dieselfde tyd, wat druk plaas op 'n ongesonde lopende rekening.

Die tekort op die lopende rekening, wat met 7,9% van die bruto binnelandse produk toegeneem het in die derde kwartaal van 2008, het op 'n 36-jaar-hoogtepunt van 7,3% vir 2007 verkeer en sal na verwagting toeneem tot 8,9% van BBP in 2010.

Lamberti het gesê die handelstekort mag dalk afneem in die komende paar maande terwyl invoerders en uitvoerders aanpas ná 'n skerp daling in die rand.

Die rand het vanjaar omtrent 27% teen die dollar verloor. Terwyl dit herstel het van 'n ses-en-'n-half-jaarlaagtepunt van 11,88 in Oktober, is meeste ontleders maar negatief omtrent die mediumtermynvooruitsig, deels as gevolg van die hoë lopenderekeningtekort.

дівчачі ігри онлайн