Sake – Bladsy 34 – praag.co.za

IT-bedryf gaan ekonomie red

Inligtingstegnologie, IT, sal sowat 5.8 miljoen nuwe werksgeleenthede binne die volgende vier jaar skep en ‘n groot bydra tot ekonomiese groei maak, volgens die Data Korporasie, IDC, se navorsing.

Die IDC voorspel dat die IT-bedryf ‘n groot rol sal speel om ekonomieë uit neerslagtigheid te help deur meer as 75 000 nuwe besighede in die volgende vier jaar te skep.

Microsoft het die IDC se navorsing, wat die impak van IT-ontwikkeling op 52 lande bestudeer het, geborg.

Volgens dié verslag sal die groei in werksgeleenthede in die IT-bedryf drie keer meer wees as in ander sektore.

“Lande wat waarde heg aan die vernuwing van infrastruktuur, opleiding van burgerlikes en ontwikkeling van hul vaardighede sal ‘n reuse voordeel in die internasionale mark hê,” het Steve Ballmer van Microsoft gesê.

Volgens Ballmer sal innoverende tegnologie ‘n groot rol speel om produktiwiteit aan te help en ook om nuwe besighede te skep wat gepaardgaan met werksgeleenthede en daarmee saam ekonomiese groei

mech wars online

Petrol goedkoper

Suid-Afrikaanse motoriste kan in Oktober ’n verlaging van tussen 39c en 40c per liter vir petrol sien. Danksy ’n sterker rand en laer oliepryse kan verbruikers dus ‘n bietjie verligting ervaar.

Die departement van minerale en energie sê in Gauteng sal 93-oktaan petrol Woensdag met 39c tot R7,49 verlaag word en 95-oktaan aan die kus met 40c tot R7,42 per liter.

Diesel se groothandelprys word met 32,5c tot R6,55 aan die kus verlaag, en tot R6,68 in Gauteng.

безмасляный купить

SAL-hoof kry miljoene

Die Suid-Afrikaanse Lugdiens (SAL) het Khaya Ngqula, die lugdiens se voormalige uitvoerende hoof, altesame R13,651 miljoen in die afgelope finansiële jaar betaal.

Die syfer het Dinsdag aan die lig gekom toe die lugdiens se jaarverslag aan die parlement voorgelê is.

Ngqula het ’n salaris van R3,831 miljoen gekry en afleggingsbetalings van R9,35 miljoen.

Die res was pensioen-bydraes en ’n retensiebetaling.

Die voorsitter van die SAL se direksie, Jakes Gerwel, het Maandag gesê vordering word gemaak met die ondersoek na beweerde wanbestuur deur Ngqula.

Die ouditeursfirma KPMG het reeds ’n voorlopige verslag voltooi wat aan die SAL se direksie oorhandig is.

’n Forensiese verslag is egter nog nie voltooi nie.

Klerewerkers bly staak

Die staking van 55 000 werkers in die klerebedryf gaan Maandag voortduur, het die SA Clothing and Textile Workers’ Union (Sactwu) Sondag gesê.

Andre Kriel, die algemene sekretaris, het gesê dat geen ooreenkoms bereik is nadat Sactwu ‘n aanbod van die Kommissie vir Versoening, Bemiddeling en Arbitrasie (KVBA) ontvang het om in te gryp in gesprekke oor die naweek nie.

Kriel het gesê dat hulle werkgewers oor die laaste paar dae verskeie aanbiedinge op die tafel gesit het, maar die groot struikelblok is die werkgewers se loonverhoging wat bydra dat werkers hulle deel van hul jaarlikse bonus verloor.

“Werkers sal hul jaarlikse verlof-uitbetalings verloor as hulle vir sekere redes afwesig was van die werk. Hulle verloor ook oortyd betalings vir siektverlof wat eintlik geldige verlof is,” het hy gesê.

Die vakbond eis ‘n 7.9% verhoging met betaalde siekverlof en groter bonusse vir werkers in plattelandse gebiede wat die minste betaal word in die bedryf.

Die werkgewer het aan Satawu ‘n 8% loonaanbod aangebied, met “voorwaardes” wat die vakbond nie aanvaar het nie.

Sactwu het reeds verlede Dinsdag begin staak om aan te dring op beter lone.

Daar sal na verwagting verdere onderhandelinge tussen die twee partye en die KVBA Dinsdag sal plaasvind.

диагностика авто

Staan-staan deur die lug

Nuwe vliegtuiginterieurontwerpe mik vir meer passasiers met minder gerief. Eenvan die kontroversiële ontwerpe wat ruimte en geld bespaar, behels passasiers wat in lang rye teenoor mekaar sit.

Howard Guy, direkteur van die Britse ontwerpmaatskappy Design Q, sê mense gaan nie gelukkig wees met die nuwe uitleg nie, maar hulle sal nie omgee om minder te betaal nie.

“Natuurlik sal passasiers vlugte kan bespreek waarop daar die tradisionele sitplekplan is, maar hulle sal vir daardie luukse moet betaal.”

Guy voorsien dat die nuwe sitplekplan 50% meer passasiers sal beteken en ‘n vermindering van 30% op die kaartjieprys.

Hy het egter toegegee dat die nuwe sitplekke nie vir langer as twee uur gemaklik sal wees nie.

Die plan sal vir kort afstande werk, “enige iets tussen 30 en 80 minute”.

Trollies met verversings sal ook nie deur die nou gangetjies gestoot kan word nie en dus sal reisigers nie iets kan geniet op die vlug nie.

‘n Ander opsie wat Ryanair ondersoek het, is vertikale plekke waar passasiers eerder staan as sit. Hulle wil die staanplekke en kroegstoeltjies agter in die vliegtuie aanbring en passiers so in staat stel om gratis te reis as die vlugtyd onder ‘n uur en half is.

Die idee om ruimte te maksimaliseer word in ander vorme van transport soos luukse privaatstralers gebruik, sê die maatskappy.

Ligter sitplekke sal minder brandstof en meer passasiers beteken.

лучшее белое вино

Oliepryse tuimel agv kommer oor swak aanvraag

Oliepryse het Maandag getuimel toe die mark ongemaklik geraak het oor energie-aanvraag in Sjina, wat as ‘n sleutel tot die herstel in die wêreldwye vraag gesien word, en het toegegee aan druk van ‘n effense hoër dollar.

New York se hoofkontrak – ligte, soet ruolie vir aflewering in Oktober – het tot $69.71 gedaal, ‘n verlaging van $2.63 van Vrydag af.

In Londen het Brent Noordsee-ruolie – waarop die Suid-Afrikaanse olieprys gebaseer is – met $2.63 tot $68.69 gedaal.

“Pryse het vanoggend onder druk gekom oor sorg aangaande die robuustheid van die wêreldwye ekonomie en die aanvraag vir diesel in Sjina,” het Barclays Capital in ‘n kennisgewing aan kliënte gesê.

“Hierdie vrese is aangedryf deur Sinopec se opmerking oor dieselaanvraag wat steeds agterweë bly, met Sinopec se brandstofverkope wat laer is jaar-teen-jaar tot dusver vanjaar,” sê hulle.

Maar Barclays-ontleders het voorspel dat Sjinese dieselaanvraag in die komende maande sal verbeter as gevolg van ‘n voorraadheraanvulling deur Amerikaanse kleinhandelreuse wat ‘n aanstuurgevolg op Sjina sal hê vanweë verbeterde handel.”

для диагностики

Ongemaklike vrae oor Krygkorhoof

Die Demokratiese Alliansie gaan daarop aandring dat Krygkor aan die parlement verduidelik hoekom die sukkelende wapentuigverkrygingsmaatskappy, ‘n semi-staatsinstelling, ‘n styging van 89 persent in salaris en byvoordele aan die hoof daarvan toegeken het.

Die party se David Maynier het gister gesê hy sal Krygkor vra hoekom dit belonings op ‘n uitvoerende hoof uitgiet terwyl daar twyfel bestaan oor die maatskappy se langtermynvermoë om sy mandaat om verdedigingstuig vir die regering aan te skaf, uit te voer.

Krygkor se jaarverslag dui aan dat Sipho Thomo se jaarlikse salaris verlede jaar met 19 persent tot R1,45-miljoen verhoog is en dat sy byvoordele van R108,624 tot R1,391-miljoen verhoog is.

Die voordele sluit bonusse, prestasieverwante betalings en handelsbeperkingsbetalings in.

Die feit dat Thomo voor ‘n dissiplinêre verhoor moes verskyn oor beledigende opmerkings wat hy teenoor ‘n werknemer gemaak het en oor algemene kritiek oor sy bestuurstyl, maak dit nog meer twyfelagtig.

“Sipho Thomo is nou nie juis Jack Welsh nie,” het Maynier in ‘n verklaring gesê.

Die verslag dui aan dat Krygkor se surplus van R44-miljoen tot R37,5-miljoen gekrimp het, in weerwil van regeringsoorbetalings wat van R415-miljoen tot R479-miljoen gestyg het.

“Dit blyk dat Krygkor, sonder die regeringsoorbetalings, ‘n verlies van R441-miljoen in 2008/9 sou gemaak het.”

липецк жгуты

Google betree die drukkersbedryf met 2 miljoen boeke

Ná hulle vir vyf jaar lank boeke geskandeer het, is Google uiteindelik gereed om die drukkersbedryf vir die eerste maal te betree.

Deur 'n ooreenkoms met 'n drukkersmaatskappy, gaan Google 2 miljoen boeke aanbied waarvan die kopiereg verval het. Die boeke gaan afgehaal of verskeep word van biblioteke, universiteite en ander plekke rondom die wêreld. Google het 'n transaksie beklink met On Demand Books, die vervaardigers van die Espresso Book Machine, wat 'n 300-bladsyboek in minder as vyf minute kan druk, tesame met 'n omslag en 'n gebinde kant.

Hierdie uitgawes gaan waarskynlik omtrent $8 kos, met Google wat $1 in hul sak gaan steek, On Demand Books $1 en die handelaar $3. Die oorblywende $3 behoort die koste van die materiaal en arbeid te dek.

"Google se missie is om die wêreld se boeke meer geredelik beskikbaar te maak," sê Jennie Johnson, woordvoerder van die internetsoekleier.

Die tydsberekening van die alliansie moet Google help om die openbare voordeel van sy breër inisiatief rondom boeke te illustreer, wat tekssoektogte en 'n voorgestelde skikking in 'n regsaksie rondom kopiereg, insluit . Die kontroversiële skikking wag tans vir goedkeuring in New York en het onder spervuur gekom van die VSA se mededingingsowerhede, sowel as Amazon, Microsoft en Yahoo. Die departement van justisie gaan na verwagting Vrydag meer besonderhede oor sy teenkanting in hofstukke bekendmaak.

On Demand Books, die grootste firma van sy soort, bied alreeds 1,5 miljoen titels aan, meestal boeke van die nie-winsgewende Internet Archive. Dit sluit 200 000 titels in wat nog onder kopiereg verkeer.

Die Google-transaksie gaan On Demand se katalogus meer as verdubbel en klassieke werke soos Alice in Wonderland en Jane Eyre binne bereik van miljoene mense plaas.

Die verspreiding sal gebruik maak van On Demand se drukperse, wat in die omgewing van $100,000 kos. Daar is 'n dosyn Espresso Book Machines regoor die wêreld in bedryf, waaronder dié by die Blackwell-boekwinkel in London en by die Universiteit van Michigan.

воронеж выставочное

SA kry nuwe geld

Tito Mboweni, president van die Reserwebank, het Donderdag in Pretoria tydens sy presidentsrede by die bank se 89ste algemene jaarvergadering gesê die vervalsing van note en munte bly ’n risiko vir Suid-Afrika se ekonomie asook die bank self.

Hy het aangekondig dat Suid-Afrika sal oor vier jaar ’n nuwe geldreeks hê.

Die Reserwebank het begin om ’n nuwe reeks banknote en munte met verbeterde veiligheidseienskappe bekend te stel. Die note en munte sal ook nuwe temas hê.

Mboweni het gesê maatreëls om vervalsing te keer en die integriteit van geld in omloop te verseker, word deurlopend ingestel, het hy gesê.

яхтенные туры Лобановский

Telkombaas verdien R1-miljoen per maand

Reuben September… het rede om tevrede te lyk

Reuben September is besig om 'n eens moderne telekommunikasiereus tot Derde Wêreld-status te reduseer. Daarvoor betaal ek en jy vir hom 'n prestasiebonus van R150 000 per maand.

Volgens 'n pas vrygestelde jaarverslag, het Telkom se uitvoerende hoof, Reuben September, niks minder as R12 827 648 aan vergoeding vir die jaar tot op 31 Maart ontvang nie. Dit sluit 'n basiese vergoeding van R3 555 800, 'n prestasiebonus van R1 841 396 en "by- en ander voordele" van R7 430 452 in.

Die hooffinansiëlebeampte, Peter Nelson, het vir vier maande se werk R1 841 568 ontvang. Hy het eers in Desember 2008 by Telkom aangesluit, wat beteken dat hy R460 392 per maand betaal is.

Telkom se voorsitter, Shirley Lue Arnold, het net meer as 'n miljoen rand ontvang vir vier kwartaalvergaderings en 11 spesiale raadsittings. Dit werk op ongeveer R67 000 per vergadering uit.

Telkom het die afgelope vyftien jaar, nieteenstaande 'n monopolie vir meeste van dié tyd, verval tot 'n sukkelende maatskappy met uitgediende toerusting wat peperduur tariewe vir skandalige diens hef.

регулятор давления

ANC gaan wittes vir gesondheidsburokrasie melk

’n Dokument van die ANC se taakspan wat 'n gesondheidsversekeringstelsel, NGV, deur hoër belastings wil finansier, is verlede week gelek. Een doelwit is om meer geld uit belastingbetalers te tap met ’n “gesondheidsorgbelasting” om 'n enorme gesondheidsburokrasie sonder die nodige dienste te finansier.

Dit kan tot 15% meer aan belasting kos om openbare gesondheidsorg te "verbeter" indien die plan aanvaar word.

Die NGV is ’n beplande stelsel waartoe alle Suid-Afrikaners sal móét bydra – en hoe ryker hoe meer – in ruil vir basiese mediese dienste. Die staat sal ook daartoe bydra deur geld wat hy van belastingbetalers invorder.

Dit sal 'n bykomende R80 miljard tot R100 miljard per jaar uit die belastingbetaler se sak beteken.

Daar is geen aanduiding van hoe presies die geld bestee of beheer sal word nie, maar belastingbetalers sal gemiddeld tussen 12,3% en 15,4% meer moet betaal.

Die uitwerking wat die bykomende belastinglas op die ekonomie gaan hê, word op die koop toe nie in berekening gebring nie.

Volgens aanduidings in die gelekte verslag gaan geld op ’n buite-balansstaatgrondslag aan die NGV toegestaan word wat beteken dit sal nie onder toesig van die nasionale tesourie en parlement wees nie.

Mediese fondse gaan bly en mense sal steeds mediese dekking kan uitneem nadat hulle tot die nasionale stelsel bygedra het.

Hulle sal egter nie meer belastingkortings op hul bydraes tot sulke fondse kan eis nie.

Die ANC hoop om die nuwe nasionale plan teen 2014 in werking te hê.

clue classic online game Лобановский Харьков

SAID-stakers gaan Beitbrug ontwrig

Werkers van die Suid-Afrikaanse Inkomstediens, SAID, sal na verwagting Vrydag in ‘n optog by die Beitbruggrenspos deelneem as deel van die landwye staking om verhoogde salarisse.

Die betogers beplan om ‘n memorandum aan die bestuur van die Beitbruggrenspos te oorhandig.

Die verkeer sal na verwagting op die N1 tussen die grensposte van Suid-Afrika en Zimbabwe ontwrig word, het die SAUK berig.

Die National Education, Health and Allied Workers’ Union (Nehawu) en die Staatsamptenarevereniging van Suid-Afrika, PSA, het die SAID se onlangse salarisaanbod van 11% verwerp.

Dié lede het Maandag begin staak om ‘n salarisverhoging van 13%.

детский велосипед

Eskom vermors glo miljarde

Cobus Schmidt, DA-LP, het Woensdag tydens ’n sitting van die parlementêre portefeuljekomitee oor energie gesê ernstige wanbestuur, soos die 400 000 ton steenkool wat “verdwyn” het, kenmerk Eskom.

Die komitee het Eskom en Nersa se swak hantering van elektrisiteitstariewe weereens vir kritiek uitgesonder.

Schmidt het interne dokumente van Eskom gebruik om daarop te wys dat 80 000 ton steenkool by die Arnot-kragsentrale verdwyn het en 278 000 ton by die Kriel-kragsentrale.

Onnodige aankope van steenkool tydens die elektrisiteitskrisis verlede jaar het tot die vermorsing van miljoene rande gelei het.

Schmidt hou die uitvoerende hoof van Eskom, Jacob Maroga, daarvoor verantwoordelik.

Maroga het voorheen aan die portefeuljekomitee gesê verbruikers kan gerus wees dat “die geld van hoë kragtariewe nie aan ondoeltreffendhede bestee sal word nie”.

Die steenkool wat aangekoop is kragtens Eskom se mandaat om noodaankope te doen, het byna R250 miljoen gekos. Volgens 'n interne dokument van die kragvoorsiener sou die steenkool onder normale omstandighede sowat R70 miljoen gekos het.

Schmidt het gesê Eskom self beweer niemand is boonop daarvoor verantwoordelik gehou nie.

Daarbenewens vermors Eskom R2 miljard per jaar op konsultante en die toekenning van bonusse beloop ook R2 miljard.

Voorts het Schmidt gesê dat “oorbetalings” van meer as R70 miljoen gedoen is waar Eskom vir BHP Billiton betaal het vir swak gehalte steenkool. Die swak steenkool is as as een van die redes vir die probleme met kragopwekking aangevoer.

Steenkoolmyne wat langtermyn-kontrakte met Eskom het, lewer 20% tot 50% minder kole as waartoe hulle kontraktueel verbind is en vervoerkoste wissel tussen R60 miljoen en R150 miljoen per maand.

Die verliese is verder vergroot deur die steenkoolreserwes van 12 dae tot 41 dae te vermeerder.

Volgens Schmidt kan Eskom se direkteure gedagvaar te word vir “growwe nalatigheid” in die bestuur van die land se steenkoolreserwes. Eskom het sy grootste verlies tot nog toe, sowat R9 miljard, gely.

Eskom se aansoek om verdere tariefverhogings sal teen die einde van September ingedien word.

no deposit online

SAID-staking gaan voort

Die vakbond Nehawu sê hulle verwerp die aanbod van die Suid-Afrikaanse Inkomstediens, SAID, van 9% tot 11% aan nie-vakbondlede wat nou in werking gaan tree.

SAID het in ’n verklaring gesê sy aanbod is redelik en finaal. Die verhoging gaan van 11 September af terugwerkend tot 1 Julie aan alle nie-vakbondlede toegestaan word.

Nehawu se staking van nagenoeg 6 000 lede, byna die helfte van die SAID se personeel, gaan egter voort.

Sizwe Pamla van Nehawu sê hulle staan by hulle eis vir ’n verhoging van 12,8% vir al die werkers en het die regering gewaarsku dat hulle die mense se geduld toets..

Die Vereniging van Staatsamptenare, VSA, het sy lede opdrag gegee om terug te keer werk toe, maar sal glo eers Donderdag by 'n nasionale bedingingsraadvergadering aankondig of die aanbod aanvaar of verwerp word.

Adrian Lackay, woordvoerder van die SAID, sê gevalle van intimidasie in Kaapstad, Soweto, Mthatha, by die Lebombo-grenspos en die Durbanse hawe. Videomateriaal van gevalle van geweld en intimidasie deur vakbondlede sal deur SAID bestudeer word.

Die geen-werk-geen-betalingreël sal geld vir stakende werkers, het Lackay gesê.

RSG het berig dat talle mense onverrigter sake omgedraai het by SAID-kantore.

SAID het belowe dat die nodige bystand verleen sal word in die geval van ’n uitgerekte staking.

online slots