Internasionale nuus – Bladsy 296

Russe neem beheer van BP in Rusland

Russiese aandeelhouers het die meerderheidsbeheer van die TNK-BP-gesamentlike onderneming in Rusland verkry.

Die Britse benoemde uitvoerende beampte, Robert Dudley, moes Rusland verlaat nadat sy visum verlede week verstryk het.

Die aandeelhouers, wat gelei is deur die oligarg Mikhail Fridman, weier nou om Dudley te erken.

Hulle sê dat in sy afwesigheid moet verantwoordelikheid vir die bestuur van die maatskappy tussen die vier oorblywende direkteure verdeel word.

Hulle sluit Viktor Vekselberg in wat ook sakebelange in Suid-Afrika het, asook German Khan.

BP het belowe om al die middele tot sy beskikking te gebruik om die maatskappy se belange en regte te verdedig.

Taiwan wil kulturele erfenisstatus h? vir luglanternfees

Taiwan wil aansoek doen vir wêrelderfenisstatus vir die land se luglanternfees.

Maar dit mag moeilik gaan aangesien die land nie 'n lid van die Verenigde Nasies is nie.

Taiwan wil vir Suid-Korea voorspring alvorens Suid-Korea dit as hul eie kulturele erfenis registreer.

Suid-Korea het in Februarie 'n afvaardiging gestuur om oor die geskiedenis van luglanterns te vra, wat vrese laat ontstaan het dat Suid-Korea voor China of Taiwan vir wêrelderfenisstatus wil aansoek doen.

Die Piengsi-luglanternfees word naby Taipei gehou om vriende en familie voorspoed toe te wens deur goeie wense aan die buitekant van die papierlanterns te skryf.

Tienduisende gloeiende luglanterns word dan in die naglug opgehys.

Oeganda se president wil vierde termyn h

Oeganda se president, Yoweri Museveni, gaan probeer om in 2011 'n vierde termyn te verkry wat sy bewind tot 30 jaar sal laat strek.

Hy het belowe om na twee termyne afstand van die presidentskap te doen, maar het nou van gedagte verander.

Daar is toenemende kommer oor Museveni se outokratiese styl.

Kritici vrees dat Museveni net nog 'n Afrikaleier geword het wat verseg om van mag afstand te doen.

Die voormalige rebellevegter het die parlement aangemoedig om perke op die presidensiële termyn voor die 2006-verkiesing af te skaf.

магазин игры Фильчаков

Die grootste milit?re rekenaarkraak

Die grootste militêre rekenaarkraak van alle tye is deur die 42-jarige Gary McKinnon in 2002 vanuit Londen uitgevoer.

Hy word daarvan beskuldig dat hy onwettig toegang tot hoogs geheime Amerikaanse rekenaarstelsels verkry het.

Die IT-spesialis wat homself geleer het, sê hy was bloot besig om te kyk watse inligting die Amerikaanse regering oor vreemde vlieënde voorwerpe gehad het.

Terwyl die Britste polisie dink dat hy ses maande gemeenskapsdiens as straf behoort te kry, neem die Amerikaanse owerheid dit veel ernstiger op.

Hulle het voorgestel dat hy deur 'n militêre tribunaal verhoor word, moontlik by Guantánamo-baai en wil hom steeds uitgelewer sien.

McKinnon verdien sy brood deur 'n vurkhyser te bestuur.

topcargo кидалы

Japan gooi sy deure oop vir sy bure

Japan is deesdae die tweede mees gewilde plek om te besoek ná Hongkong vir Taiwannese toeriste

Nie alleen Taiwannese nie, maar besoekers van Suid-Korea, China en Hongkong het verlede jaar amper verdubbel van vyf jaar vroeër, volgens die Japannese toerismeorganisasie

In die deftige winkels in die Ginza-distrik van Tokio hou Chineessprekende winkelassistente Chinese note in hul kasregisters.

Die Japannese regering het visumvereistes vir toeriste van Taiwan en Suid-Korea afgeskaf en sien hulle Asiese bure as die belangrikste bydraers tot 'n groeiende toeristebedryf.

Ekonomiese groei in Oos-Asië het die ekonomiese gaping verklein om dit moontlik te maak vir ander Asiërs om nou na die eens peperduur Japan te reis.

Alhoewel Asiese besoekers aan Japan hou van inkopies, het vele ook 'n diep bewondering vir die land. Noudat hulle dit kan bekostig om te reis, wil hulle graag kom kyk hoe lyk die streek se voorloper.

Japan is nie net nommer-een wat hoë tegnologie en mode betref nie, maar ook vir populêre kultuur geniet hulle 'n groot aanhang regoor Asië.

Navorsing toon dat Westerlinge graag kulturele instellings soos tempels besoek, terwyl Asiërs graag fabrieke besigtig, inkopies doen en dan die natuurskoon en warmbronne geniet.

мойка оборудования

Beperk die gebruik van selfone

Die direkteur van die Pittsburgse kankerinstituut het 'n ongekende waarskuwing aan sy fakulteit en personeel gerig: Beperk selfoongebruik of loop die risiko van kanker.

Sy waarskuwing staan teenoor vele studies wat nie 'n verband tussen breinkanker en selfoongebruik kon vind nie.

Dr. Herberman, die direkteur, sê hy grond sy kommer op ongepubliseerde data.

Hy sê dit neem te lank om antwoorde van die wetenskap te verkry en hy glo mense moet nou optree, veral waar kinders betrokke is.

Hy meen dis 'n geval van eerder bang Jan as dooie Jan.

Die owerhede in Brittanje, Frankryk en Indië het gewaarsku dat mens versigtig moet wees om kinders selfone te laat gebruik.

Wetenskaplikes ontdek die sneller vir noorderligte

Wetenskaplikes sê hulle het ontdek presies wat die geheimsinnige noordelike poolligte, die aurora borealis, laat dans.

Navorsers by NASA wou die verskynsel beter verstaan.

Hulle sê die wisselwerking van magnetiese velde en gelade deeltjies wat uitwaarts vanaf die son geprojekteer word, veroorsaak kleurvolle elektriese storms in die poolgebiede.

Nadat wetenskaplikes 'n substorm gemeet het, het hulle gevind dat die magnetiese velde eers gebreek word waarna die auroras uitbars. Die partikelstroom het eers ná die ontwrigting plaasgevind, anders as wat voorheen geglo is.

Tussen 2010 en 2012 word hewige sonstorms verwag

Hulle hoop dis 'n stap vooruit om betroubare voorspellings van geomagnetiese storms te onwikkel wat wentelende satelliete en elektriese kragnetwerke op die grond kan versteur.

Die bevindings het in 'n artikel verskyn wat gister deur die webwerf van die tydskrif Science gepubliseer is.

Die poolwedren is aan die gang

Die wedren om petroleumbronne in die poolsirkel mag binnekort warm word.

Soos wat die poolyslaag smelt en toegang tot ruolie en gas moeiliker raak, word die Noordpool die volgende onverkende ruoliegebied.

'n Groot geologiese opname het bevind dat die koue tot soveel as 'n vyfde van die wêreld se onontdekte reserwes mag bevat.

Die gebied kan soveel as 90 miljard vate olie hou en 1,670 ttriljoen kubieke voet natuurlike gas. Dit is 13 persent van die wêreld se onontdekte olie en 30 persent van onontdekte gas.

Vele van die nuwe bronne bevind hul in Rusland volgens die jongste bevindinge van die Amerikaanse Geologiese Opname.

Dit sou Rusland se posisie as 'n vername energiespeler verhoog en ook sy magtige greep op Europa se energievoorraad verstewig.

'n Resies om beheer van die arktiese hulpbronne het reeds tussen die Verenigde State, Rusland en Kanada begin.

Verlede jaar het 'n Russiese duikboot 'n onderwatervlag by die Noordpool geplant wat Kanada en Denemarke genoop het om hul eie territoriale eise te stel.

topcargo кидалы

Irak word Beijing verbied

Die Internasionale Olimpiese Komittee het bevestig dat Irak verbied sal word om aan die Beijing Spele deel te neem.

Dit is 'n groot terugslag vir die sewe Irakese atlete wat gehoop het om aan die Olimpiese toernooi deel te neem.

Die IOK het 'n brief waarin die skorsing aangekondig word gister aan die Irakese minister van Jeug en Sport, Jassim Mohammed Jaffer, gestuur.

Die IOK het Irak as gevolg van politieke inmenging in sy nasionale Olimpiese komittee uitgeskop. Die Irakese komittee is verlede maand afgedank en vervang deur 'n nuwe bestuur met Jafaar aan die stuur.

Die IOK het Irak vroeër, ná die afdanking van die Olimpiese komitee, gewaarsku dat hulle sanksies kan verwag.

мультик куклы барби

Switserse burgers gewaarsku om nie na Libi? te reis nie

Switserland het sy burgers gewaarsku om nie na Libië te reis nie nadat die Switserse polisie die jongste seun van Moeammar Kadaffi in hegtenis geneem het vir 'n beweerde aanranding op twee van sy bediendes.

LIbië het sy diplomate uit Switserland onttrek en het visums vir Switserse burgers opgeskort.

Vername Switserse burgers word ook op verskeie aanklagte in Libië aangehou.

Die Switserse maatskappye ABB Beperk en Nestlé SA het hul deure gesluit en Swissair het vlugte opgeskort.

Hannibal Kadaffi en sy vrou is verlede week deur die polisie by 'n luuksehotel in Genève in hegtenis geneem.

'n Dagblad in Genève berig dat twee van Kadaffi se bediendes beweer het dat hulle deur hul werkgewers by die hotel met 'n gordel en 'n hanger geslaan is.

воронеж подъемное топкарго развод

Australiese inflasie ongemaklik hoog

Australië se inflasiekoers het sy grootste kwartaallikse styging in 17 jaar getoon soos wat verbruikers gebuk gaan onder hoër verbandkoerse en rekordpetrolpryse.

Dit het met 1,5 persent oor die afgelope drie maande wat op 30 Junie geëindig het, gestyg.

Die onverwagse hoë kwartaallikse styging in die VPI het die inflasiekoers tot bokant 4,5 persent gedwing.

Die Reserwebank van Australië sal waarskynlik sy verwysingsrentekoers by die hoogste merk in 12 jaar van 7,25 persent hou.

Die Australiese ekonomie verkeer in sy 17de jaar van aanhoudende groei, maar toon tekens van verslapping.

'n Hoofekonoom van die Commonwealth Bank of Australia het gesê dat die jongste VPI-syfers getoon het dat Australië se inflasiekoers ongemaklik hoog is.
Onsekerheid neem toe oor die kwessie of Nieu-Seeland sy rentekoerse gaan verminder te midde van tekens dat sy ekonomie op pad na 'n resessie is.

online free bet

Nigeri? stem vir die doodstraf

Die hoop om honderde gevangenes in die dodesel in Nigerië te red, het vervaag toe parlementslede teen 'n wetsontwerp gestem het wat alle doodstrawwe in lewenslange gevangenisstraf sou omskep het.

LP's van alle kante het die wetsontwerp om die doodstraf af te skaf, verwerp.

Menseregte-aktiviste is geskok deur die mate van teenkanting teen die wet, aangesien selfs politici vanuit die Christelike suide van die land eenparig daarteen gestem het.

Die wetsontwerp was die heel eerste poging om Nigerië se doodstraf in die parlement te toets.

Die voorstel om dit af te skaf het uitgegaan van die gedagte dat die doodstraf in Nigerië uitgedien is omdat dit nie tot enige rehabilitering of geregtigheid lei nie en ook niemand afskrik nie.

In 2007 is ten minste 20 doodsvonnisse uitgespreek en meer as 500 mense wag tans teregstelling af.русских и

Kameroense digter besmet bewustelik Poolse vroue met MIV

'n Kameroense digter en aktivis wat as 'n vlugteling sedert 1999 in Pole woon, word tans daarvan aangekla dat hy 11 vroue met die MIV-virus besmet het.

Die verhoor van Simon Moleke Njie, wat 34 jaar oud is en ook as Simon Mol bekend is, sal na verwagting etlike maande duur.

Mol het aan ondersoekbeamptes gesê hy het nie destyds geweet dat hy MIV-positief is nie.

Maar Poolse ondersoekbeamptes sê dat verskeie van sy metgeselle aan hom vertel het dat hulle positief getoets is.

Mol het voorheen die nuus in Pole se liberale koerante gehaal toe hy veldtogte teen rassisme georganiseer het.

Ek is soos Mandela, s? Islamitiese vegter

'n Somaliese Islamitiese aktivis wat van bande met al-Kaeda verdink word, het homself met Nelson Mandela vergelyk. Hy meen dat hy ook veg om sy land van vreemde besetting te bevry.

Sjeik Hassan Dahir Aweys word deur die Amerikaanse regering as 'n terroris gelys maar noem homself 'n vryheidsvegter. Volgens hom was Nelson Mandela ook eens 'n terroris en was hy op 'n VSA-lys van mense wat daarvan beskuldig word dat hulle terrorisme aanblaas, maar nou is hy 'n patriot en 'n gerespekteerde figuur.

Aan die begin van dié maand is Nelson Mandela en die African National Congress van 'n Amerikaanse immigrasieswartlys vir moontlike terroriste afgehaal waarop hulle 30 jaar lank verkeer het.

зарядное устройство