Kategorie: Afrikaanse nuus

Die Universiteit van Stellenbosch (US) se fakulteit gesondheidswetenskappe het in ‘n verslag aanbeveel dat Engels die taal van onderrig by ten minste twee instansies word, berig Die Burger.

Dit sluit die Tygerbergse kampus en die Tygerberg-hospitaal in Bellville in.

Dié verwikkeling het weer die vermoede versterk dat die bruin hekwagters wat die universiteit aangestel het om Afrikaans polities korrek, “inklusief” en aanvaarbaar te maak, Engels verkies en ten koste van Afrikaans sal bevorder.

Prof. Christo Viljoen, president van die US se konvokasie, het as ‘n “eensydige, onwetenskaplike en ‘n ongebreidelde aanval op Afrikaans as onderrig- en kommunikasietaal,” beskryf.

Volgens Viljoen word Afrikaans in die Wes-Kaap, deur 61% van die inwoners Afrikaans as huistaal gebesig.

Prof. Jimmy Volmink, die bruin dekaan van die fakulteit gesondheidswetenskappe, en me. Dianna Yach is die opstellers van die verslag. Yach is uitvoerende assistent vir transformasie en gelykheid in Volmink se kantoor.

Die verslag is volgens lede van die universiteitsraad ‘n prul. Dit is vol “onakademiese aansprake en teenstrydige aanbevelings”. Die skoonmakers by die universiteit is ook glo genader toe die verslag opgestel is.

Dr. George du Toit, dienende lid van die raad sê dit is versinnings “van ‘n fanatikus met ‘n vooropgestelde agenda.” Hy sê die belangrikste rolspelers is nie betrek nie wat dit uiters eensydig maak.

Volmink het die verslag verdedig en gesê: “Dit was ‘n manier om met studente en personeel in gesprek te tree oor wat werk en waar die fakulteit kan verbeter ten opsigte van die bevordering van gelykheid, menseregte en inklusiwiteit.”

Фильчаков Александр Васильевич

Tydens ‘n spesiale bosberaad tussen die ANC en invloedryke Afrikaanse organisasies, is daar besluit dat blankes meer “struggle”-liedjies moet leer. Verreikende besluite is ook oor die herstandaardisering van Afrikaans geneem.

Die bosberaad is Vrydag en Saterdag op ‘n wildsplaas naby Modimolle gehou. Verteenwoordigers van Solidariteit, Naspers, die Afrikaanse Taalraad, die Akademie en die Afrikaanse Handelsinstituut het saam met die ANC se kulturele lessenaar vergader om maniere te ondersoek waarop versoening in die land bevorder kan word.

Prof. Jakes Gerwel, direkteur van Naspers en Media24, het gesê: “Ons het besluit om namens alle Afrikaanses die ANC te nader om opnuut ons verbintenis tot nasiebou en versoening te bevestig. Ná ‘n openhartige gesprek, het ons konsensus verkry dat veral blankes voortaan op sigbare wyse bygestaan moet word om ‘struggle’-liedjies aan te leer en te sing.”

Die vergadering het kennis geneem van onlangse verregse besware teen die liedjie “Skiet die Boer” wat deur president Jacob Zuma tydens die ANC se eeufeesvieringe op 8 April te Bloemfontein gesing is. “So ‘n liedjie moet binne konteks gesien word, as deel van ons gemeenskaplike kultuur,” het me. Esmaré Weideman, besturende direkteur van Media24, gesê. “Ons moet verstaan waarvandaan ons kom en waarheen ons op pad is. Blankes sal groter begrip vir sulke vryheidsliedere kry as hulle dit self aanleer en begin sing.”

{youtube}QCILT7NhmIk{/youtube}

Die Suid-Afrikaanse Akademie vir Wetenskap en Kuns, wat onlangs die Markus Viljoen-medalje vir joernalistieke prestasie aan Zelda Jongbloed van Rapport, asook die Hertzogprys vir drama aan Adam Small toegeken het, het in ‘n aparte verklaring gesê: “Deur die bekroning van twee prominente bruin figure vanjaar, wil die Akademie opnuut sy verbintenis tot die reënboognasie en die transformasie van die Afrikaanse kultuur beaam.”

Die Akademie sal voortaan saam met die RadioSondergrense werk om Afrikaans te herstandaardiseer. “Die beeldryke Kaapse taal van Adam Small moet ook gesien en gehóór word, veral oor die radio. Ons moet veral enige sprake van taalsuiwerheid finaal die nek inslaan,” het dr. Dioné Prinsloo, besturende direkteur van die Akademie, gesê. Die Akademie se Taalkommissie, wat reeds 500 Engelse woorde in ‘n bylaag by die Afrikaanse Woordelys en Spelreëls gevoeg het, sal in sy volgende uitgawe die aantal Engelse woorde tot “ten minste 5000” verhoog en hulle terselfdertyd by die hoofwoordelys inlyf.

Onder leiding van me. Lynette Francis van RSG is daar in aanloop tot die bosberaad ‘n radiodebat oor die transformasie en herstandaardisering van Afrikaans gehou. Die hoof van Afrikaanse Radio by die SAUK, Magdaleen Kruger, het insgelyks tydens dié debat verklaar dat Afrikaans van sy “apartheidsverlede gesuiwer moet word” en nie meer volgens blanke norme oor die radio gepraat moet word nie.

Mnre. Mandla Langa en Mongane Serote van die ANC se kulturele lessenaar het gesê hulle “is beïndruk deur die bereidwilligheid van Afrikaanses om ook deel te hê aan ons ryk struggle-erfenis. Ons is besig om begrip vir mekaar te ontwikkel. Dit kan net beter gaan as ons mekaar se kulture respekteer.”

Dr. Flip Buys van Solidariteit, Afriforum, Dagbreektrust, Virseker, die Virsekertrust, Radio Pretoria, die FAK, Soltech, Akademia en die Noordwes-universiteit het sy waardering uitgespreek vir die goeie gees waarin die vergadering plaasgevind het. “Ons veg nie vir ‘n beter verlede nie, maar vir ‘n beter toekoms,” het hy veklaar. “Sáám is ons tot veel meer in staat as apart van mekaar.”

Buys het onlangs ‘n eredoktorsgraad van die Noordwes-universiteit se Potchefstroom-kampus in ekonomie ontvang met die luisterryke geleentheid wat deur Dagbreektrust geborg is. In sy verklaring ná gister se bosberaad het hy gemeen: “Soos ek tydens my gradeplegtigheid op Potchefstroom gesê het: ‘Soliforum en Cosatu het dieselfde einddoelwit: ‘n beter Suid-Afrika. Ons praat saam, staak saam en stem saam.’ Nou moet ons nog net saamsing.”

Me. Esmaré Weideman van Media24 sal sorg dat daar ten minste een “struggle”-liedjie soos “Skiet die Boer” of “Hulle is honde, maak hulle dood” by die jaarlikse Huisgenoot-skouspel gesing word.

“Ons is almal Suid-Afrikaners. Daarom moet ons dieselfde liedere sing en ‘n gemeenskaplike betekenis daarin vind,” het sy gesê.

топкарго кидалы

Die akademie het Vrydag bekend gemaak dat die Markus Viljoen-medalje aan Jongbloed toegeken word vir 2012. Sy word glo vereer vir haar langdurige en hoogstaande bydrae in Afrikaanse joernalistiek.

“Jongbloed is dié outentieke Afrikaanse struggle-joernalis,” lui ‘n verklaring deur die akademie.

“Regdeur haar loopbaan, maar veral teen die einde daarvan, het sy ‘n groot invloed gehad op die vorming van joernaliste, veral dié uit die bruin gemeenskap.

“Sy word bewonder vir haar vreesloosheid, dat sy haar stem laat hoor oor netelige kwessies wat Afrikaanse mense oor grense heen raak.”

Die Hertzogprys, wat deur Rapport geborg word, is ook vanjaar aan die bruin dramaturg en digter Adam Small vir sy drama-oeuvre toegeken.

Ander toekennings het gegaan aan Sonja Loots vir Sirkusboere (Eugène Maraisprys) en Ingrid Winterbach vir Die boek van toeval en toeverlaat (C.L. Engelbrechtprys vir letterkunde).

лобановский александр биография

Die VF Plus het gesê dat dit jammer is dat die ANC besluit het om oorhaastig met die straatnaamveranderinge voort te gaan voordat gesprekke en onderhandelinge hieroor behoorlik deurgevoer is. “Waarom 18 jaar nadat die ANC in 1994 oorgeneem het, nou skielik die haastigheid? Duidelik word kort termyn ANC voordeel met die oog op hulle leiersverkiesings later vanjaar bo die belange van gewone Pretorianers gestel,” het dr. Conrad Beyers, die VF Plus raadslid in die Tshwane Metroraad gesê.

Volgens dr. Beyers, wat by die onderhandelinge betrokke was, het die ANC homself weereens bewys as ‘n oneerlike onderhandelingsvennoot. Tydens onderhandelinge het die ANC, in die persoon van die Burgemeester, aan die VF Plus ‘n aanbod gemaak dat Pretoria se naam behoue kan bly terwyl ‘n oplossing rakende die straatname gevind moet word. Hiervan het niks gekom nie.

Die VF Plus se uitgangspunt bly dat dat dit ‘n fout is om histories sensitiewe name te verander. Daar is genoeg neutrale straatname en nuwe strate waar die ANC hulle helde kan benoem. Die VF Plus het dit deurgaans in die onderhandelinge duidelik gemaak dat teen hierdie agtergrond, die partye tot ‘n kompromis as ‘n pakket, met die nodige waarborge, bereid is. Terwyl hierdie gesprekke nog aan die gang was, het die VF Plus verneem dat die ANC besluit het om eensydig met die straatnaamveranderinge voort te gaan.

“Tydens gesprekke het ek genoem dat daar ‘oorlog’ sal wees as die ANC byvoorbeeld histories sensitiewe name soos Pretorius- en Paul Kruger-strate sou verander. Daarna het die ANC besluit om daardie twee name te behou – en verkeerdelik aangeneem dat die VF Plus slegs met daardie twee name tevrede sou wees – daar was op geen stadium ‘n finale ooreenkoms nie en die VF Plus het nog nooit openbaar aangekondig dat ‘n kompromis bestaan (soos Ramokgopa beweer) nie”, het Beyers gesê.

Die DA het tydens die raadsvergadering geargumenteer dat die meeste Afrikaners vir die DA stem en dat dit beteken dat die meeste Afrikaners saam met die DA die naamsveranderinge ondersteun – iets wat die VF Plus as belaglik afgemaak het. Die DA se steun vir die naamsveranderinge in Pretoria en in Kaapstad gaan ‘n groot deel van sy Afrikaner-kiesers vervreem.

Александр Фильчаков Васильевич

Mentor het op Willie Spies, regsadviseur van AfriForum, se Facebook-blad haar onomwonde mening gegee. Spies het by navraag aan Beeld gesê dit is Mentor se reg om haar standpunt te huldig.

“Laat hulle gaan kak! Wie se land is SA? Hulle gaan nou te ver! Moet ek nou iets gaan sê oor watse name gee hulle vir hul strate in Nederland? Hulle dink hulle is nog onse masters? Kak!”

Die DA is tans besig om die straatnaamkwessie te probreer systap in ‘n poging om swart inwoners ter wille te wees. Hulle het aangedui dat hulle buite stemming sal bly oor die aangeleentheid.

Олександр Васильович Фільчаков

Die raad van die SA Akademie vir Wetenskap en Kuns het op Vrydag 23 Maart die Hertzogprys vir 2012 aan die digter-dramaturg-skrywer, Adam Small, vir sy drama-oeuvre toegeken. Dié besluit is ‘n politieke een en dwaas, sê skrywers en uitgewers.

Adam Small vier vanjaar sy 75ste verjaardag. Hy het reeds in 2009, die SA Akademie se eeufeesjaar, ook die Akademie se Eeufeesmedalje vir sy hele oeuvre ontvang.

Die aankondiging van die toekenning is met min entoesiasme by die lesende Afrikaanse publiek begroet. By die Akademie egter, het die vreugdevure glo hoog gebrand oor ‘n “eenparige besluit”.

Dr Michael le Cordeur stel dit duidelik: “Ek was verlede week die eerste keer in my lewe deel van die Akademieraad se vergadering. En ek het my stem helder en duidelik laat opklink ten gunste daarvan dat die Hertzogprys aan Adam Small toegeken word. Ons kon kwalik ons blydskap beteuel.

“In sy literatuurgeskiedenis het JC Kannemeyer Kanna hy kô hystoe vermeld saam met die belangrikste internasionale dramaturge in die wêreld.  Die Hertzogprys is die hoogste literêre onderskeiding wat die SA Akademie kan toeken.”

Nicol Stassen, uitgewer, het intussen beswaar gemaak oor die toekenning. Stassen sê die reglement maak net voorsiening vir werke wat die afgelope drie jaar verskyn het.

Le Cordeur is briesend vir die uitgewer wat “dink soos ’n kapitalis”. Hy het Stassen daarvan beskuldig dat hy sy boeke wil bevorder vir eie gewin en uit ‘n apartheidsverlede argumenteer.

“Ons moet die foute van die verlede regmaak,” meen le Cordeur. Hy het nie uitgebrei oor die stand van die Afrikaanse drama as die Hertzogprys aan ‘n 75-jarige persoon toegeken word wat jare laas ‘n nuwe werk geproduseer het nie.

Skrywers wat nie aan die Akademie se onverkwiklike en “dwase politiekery” wou deelneem nie, het aan Praag gesê die instelling is deur bruin intellektuele oorgeneem onder leiding van dr. Dioné Prinsloo.

Dr. Prinsloo dien ook op Afriforum se direksie.

topcargo отзывы сотрудников

‘n Webwerf waarvandaan protesboodskappe aan Marcus Agius, voorsitter van Barclays, gestuur kan word om die beweerde grootskaalse afleggings by Absa te staak, moet gesluit word sê Absa.

Hulle sal ‘n dringende aansoek voor die hooggeregshof bring om die webblad te sluit. Absa wil die vakbond keer om Absa se kopiereg, handelsmerk en domeinnaam se skend.

“Dit [die aansoek] hou verband met Solidariteit se onwettige gebruik van Absa se logo, slagspreuk en domeinnaam op Solidariteit se webwerwe,” sê die bank in ‘n verklaring.

Solidariteit beroep hulself op hulle “grondwetlike reg op vryheid van spraak”, het die vakbond gesê.

Absa sê die vakbond se reg op spraakvryheid is nie die grondkwessie nie. Absa se handelsmerk word deur Solidariteit, ‘n derde party, geskend, sê die bank.

Фільчаков Олександр Васильович

“Ons wil die regering dwing om die tolstelsel heeltemal af te skaf. Die regering moet verstaan dat die publiek se weerstand teen die stelsel nie sal weggaan nie. Daarom loods ons ‘n protesaksie wat uit verskillende elemente gaan bestaan en oor ‘n tydperk van ‘n maand gaan ontvou,” het adv Anton Alberts, VF Plus parlementêre woordvoerder oor vervoer, gesê. “Ons glo dat die algemene protes teen die tolstelsel ook die kiem gaan dra vir die stelselmatige ontwikkeling van ‘n algemene belastingprotes teen buitensporige belastings en swak dienslewering” het Alberts bygevoeg.

Die protesaksie sal uit die volgende elemente bestaan:

· Vanaf 07:00 op Donderdag 28 Maart 2012 sal ‘n konvooi van karavane, motors en motorfietse met protesbaniere op die snelweë om Johannesburg en tussen Johannesburg en Pretoria ry.

· Deur die loop van April sal die aksie herhaal word indien die regering nie positief reageer nie.

· Daar sal op verskeie naweke ‘n blikskudaksie by besige verkeerskruisings gehou word waartydens motoriste enige kleingeld vir die regsfonds kan skenk in ruil vir protesplakkers.

· Die VF Plus Jeug sal ook virtuele protesoptogte reel.

Alle motoriste word uitgenooi om agter die konvooi met hulle ligte aan te ry. Die konvooi vertek om 07:00 van die Shell Ultra City op die Ben Schoeman hoofweg na Johannesburg .

Фільчаков Олександр Васильович прокурор

Dié organisasie het nou in die sleurstroom van die DA ingeval om die Grondwet te “red”. In sy huidige gedaante beskerm die Grondwet privaat eiendomsreg, sê hulle. Volgens dr. Tertius Delport is dit egter nie die geval nie en kan enige eiendom reeds “in die openbare belang” onteien word onder die veelgeprese dokument in sy huidige gedaante.

Afriforum het ook nie aangedui hoe die Grondwet tot dusver daarin geslaag het om Afrikaners se regte te beskerm nie. Duisende Afrikaners was reeds slagoffers van plaasmoorde en haatmisdaad onder die huidige Grondwet.

Afriforum glo die Nasionale Demokratiese Revolusie gaan ‘n “tweede oorgangsfase” in Suid-Afrika begin. Hulle het geen kommentaar gelewer daarop dat die ANC se oogmerke nog nooit afgewyk het van hul oorspronklike doelstellings of dat sleutelfigure in die NP asook die NP-media, te wete Naspers, hulleself volkome vereenselwig het met daardie doelstellings nie.

Afriforum meen dat die “1994-skikking oor die wêreld heen as ʼn ooreenkoms tussen die voormalige NP-regering, die huidige ANC-regering en ander belanghebbende partye beskou word”.

Hulle sê dié skikking het in die Grondwet van Suid-Afrika neerslag gevind. “Die ANC se optrede sal dus niks anders as politieke kontrakbreuk wees nie.”

Ontleders sê dit is duidelik dat Afriforum die NP se oorgawe aan die ANC wil probeer voorstel as ‘n ooreenkoms tussen die onderskeie onderhandelingspartye. Dié ooreenkoms het egter verval toe FW de Klerk uit die regering van Nasionale Eenheid bedank het.

Die NP het destyds die blanke kiesers ‘n tweede referendum belowe alvorens drastiese veranderinge ingestel sou word. Dit het egter nooit plaasgevind nie en kiesers is met die fait accompli van ‘n politieke en militêre oorgawe gekonfronteer.

прокурор Фильчаков

Volgens dr. Conrad Beyers, VF Plus-raadslid, wat self by van die veelparty-gesprekke en ander onderhandelinge betrokke was, lyk dit asof die ANC en DA hierdie veelparty-forum misbruik om die skyn te wek dat daar konsensus bestaan rondom die naamsveranderinge – terwyl dit geensins die geval is nie. Die VF Plus sal dit ernstig oorweeg om hom te onttrek van die forum indien die burgemeester voortgaan om misbruik te maak van die forum en onwaarhede te gebruik om verkeerde persepsies by die publiek oor die naamsverandering te skep.

“Die VF Plus het dit pertinent by vergaderings gestel dat daar eers met party-strukture gekonsulteer sal word voordat die VF Plus deel van enige ooreenkoms sal word,” het Dr. Beyers gesê.

“Die DA was deurgaans in gesprekke entoesiasties oor die ANC se lys van straatname wat moet verander – die DA verander tans ook talle Afrikaansse straatname in Kaapstad. Die ANC en DA mag moontlik saamstem oor die verandering van die straatname, maar die VF Plus het op geen stadium ingestem tot die verandering van die straatname nie”, het Beyers bygevoeg.

Die VF Plus het dit weereens benadruk dat die party sal voortgaan met gesprekke rakende ‘n oplossing vir die naamdispuut in Pretoria. Die party het ook gesê dat die gebrekkige openbare konsultasieproses die naamsveranderingsproses oopmaak vir hof-aksie en die VF Plus hou alle opsies oop in die verband.

Фильчаков прокурор отзывы

Afrikaners word nie gehaat nie en hulle helde word nié geteiken in die proses om om die straatname van Pretoria te verander nie, het die stad se burgemeester gesê, volgens Beeld.

“Daar sal nooit aangevoer word dat die Afrikaner geen rol gespeel het nie, maar die stad moet verteenwoordigend wees van almal se verlede.”

Ramokgopa Kgosientso het tydens sy toespraak Woensdag die kwessie só verduidelik.

Hy het gesê dit was ‘n wanbegrip dat Afrikaanse name geteiken word.

“Daar sal nooit aangevoer word dat Afrikaners nie ‘n rol gespeel het nie, maar die stad moet almal se verlede verteenwoordig.”

‘n Besluit oor Pretoria se naam is nog nie geneem is, het hy gesê.

“Al die opsies sal op die tafel bly.”

Brandon Topham, DA-leier in die raad, het gesê: “Die DA het die name van oudpres. FW de Klerk en Helen Suzman voorgestel.”

Afriforum is glo ook geken in die konsultasieproses oor die naamsvernaderinge, sê die burgemeester.

Ramokgopa het Dinsdag gesê hoewel die besluit “tegnies” in Paul Mashatile, minister van kuns en kultuur se kantoor geneem moet word, is dit ‘n openbare proses waarin die ANC se mening swaar sal weeg.

Daar word verwag dat die 27 nuwe straatname bespreek en goedgekeur sal word tydens ‘n raadsvergadering Dinsdag, het Beeld berig.

лобановский харьков

Basson was in die getuiebank vir ‘n tweede dag om die klag onetiese en onprofessionele gedrag voor die Raad vir Gesondheidsberoepe van Suid-Afrika (HPCSA) te trotseer.

Die aanklagte spruit uit sy betrokkenheid in die apartheidsregering se chemiese en biologiese oorlogvoering in die 1980’s en vroeë 1990’s.

Basson het getuig dat ‘n koördinerende komitee en die geneesheer-generaal daardie tyd in totale beheer van die program was en dat hy net die bevel uitgevoer het as ‘n soldaat.

“Sy besluit was finaal en ek moes toesien dat die werk gedoen word,” het hy gesê.

Hy het gesê dat, hoewel hy uit die destydse Suid-Afrikaanse Weermag (SAW) in 1992 afgetree het, hy teruggeroep is in ‘n burgerlike kapasiteit om toesig te hou oor die vernietiging van wapens en stowwe wat deel gevorm het van die projek.

Slegs die traangas is gered, en ‘n paar ton daarvan is aan die polisie oorhandig.

Basson het bevestig dat dit sy taak was om ‘n verdedigende chemiese en biologiese oorlogvoeringsvermoë in die SAW te skep, maar het gesê ‘n beperkte offensiewe vermoë was ook nodig om slagveldtoestande gelyk te maak.

Die SANW het na Suid-Afrika se eerste demokratiese verkiesing in 1994 die SAW vervang, maar die personeel van die SAW, die tuislandmagte en die gewapende vleuels van politieke partye is daarin opgeneem.

Volgens Basson, het voormalige president FW de Klerk hom heraangestel by die SANW, op ‘n burgerlike vlak, om te help om die chemiese en biologiese oorlogvoering af te bou.

Daarna het verskeie vergaderings met die Amerikaanse en Britse regerings gevolg, en oud-president Nelson Mandela het hom na afloop daarvan weer aangestel in ‘n burgerlike hoedanigheid as hoof van kardiologie by die militêre hospitaal.

“Die Amerikaanse en Britse regerings het my op daardie stadium beskou as ‘n bedreiging en wou my onder beheer kry. Die aanvanklike voorstel was dat hulle my sou aanstel en dat ek vir hulle sou werk as ‘n chemiese en biologiese oorlogvoeringkonsultant.

“My rol sou gewees het om te verseker dat die tegnologie wat in die Westerse wêreld ontwikkel is, oorgedra word aan ontwikkelende lande vir vreedsame doeleindes.

“Die Suid-Afrikaanse regering het nie gehou van die idee dat een van hul burgers vir ander regerings werk nie en president Mandela het beveel dat ek weer in die weermag in ‘n burgerlike hoedanigheid aangestel moet word,” het hy gesê.

Hy beweer dat die regulasies aangepas is vir ‘n dag om sy heraanstelling  in 1995 toe te laat.

Hy was daarna ‘n lid van die SANW, totdat hy in 2003 begin met ‘n privaat kardiologie praktyk in Kaapstad, en het daarna geen verdere betrokkenheid by chemiese en biologiese oorlogvoering gehad nie.

Volgens Basson, het hy weer by die Universiteit van Pretoria ingeskryf vir die heropleiding as ‘n kardioloog om sy kollegas en pasiënte te oortuig dat hy op gelyke voet as ‘n kardioloog kon praktiseer.

Basson het sy standpunt herhaal dat die 1980’s “mal jare” was en dat sy optrede gesien moet word in die konteks van die tye.

“Mense het dinge gedoen. Dokters het bomme geplant. Besluite is gemaak in die konteks van die tyd.

“Niks wat ek gedoen het was op die benadeling van iemand gemik nie. Om die waarheid te sê dit was daarop gemik om die behoud van die lewe te bevorder asook minimale lewensverlies.

“… Ek het nog nooit oneties of onprofessioneel opgetree nie,” het hy gesê.

Salie Joubert SC, het Basson beskuldig daarvan dat hy “halwe waarhede vertel”, onder andere, om te probeer om sy kwalifikasie as chemikus te verwyder van sy opleiding as ‘n mediese dokter tydens sy bedrywighede as hoof van die biologiese oorlogvoeringsprogram.

Hy het dit aan Basson gestel dat hy weer in die SANW aangestel is, want hy het saam met Libië gewerk, en is beskou as ‘n bedreiging wat onder beheer gehou moes word.

Basson het verskeie kere besoek aan Libië oor ‘n tydperk van 10 jaar gebring, maar het gesê hy het geen idee gehad wat met president Mandela gedurende die tyd bespreek is nie.

Basson het erken dat sy opleiding in fisiologiese chemie was, maar het gesê hy is aangestel om die projek te laat loop, want hy het ‘n beter kennis van chemie as die meeste van sy militêre en mediese kollegas gehad en daardie kennis is gebruik vir die projek.

“… Stop enige dokter op die straat en vra hom of hy in staat sou gewees het om dit te doen,” het hy gesê.

Hy het ontken dat dit as ‘n skok gekom het toe die HPCSA besluit het om voort te gaan met die professionele wangedrag-aanklagte teen hom, maar het gesê hy het gedink dat hy in staat sou wees om “met sy lewe” aan te gaan na die Grondwethof ‘n beslissing in 2005 bevestig het.

Die verhoor duur voort.

Фильчаков прокурор отзывы

Maandag het hy getuig dat sy betrokkenheid in apartheid Suid-Afrika se chemiese en biologiese oorlogvoeringsprogramme daarop gemik was om lewens te red.

“Die riglyne is neergelê deur die geneesheer-generaal, wat ‘n mediese dokter van internasionale aansien was en wat verskeie regerings in ander lande geadviseer het,” het hy gesê.

“As ‘n mediese dokter kan ek kan saamleef met die idee dat ek beserings en ​​die dood voorkom het deur middel van my betrokkenheid in die ontwikkeling van die stowwe.”

Basson staar vier aanklagte van onprofessionele en onetiese gedrag in die gesig.

Die aanklagte hou verband met sy optrede as ‘n mediese dokter toe hy die hoof van die land se chemiese en biologiese oorlogvoering navorsingprogram vir die weermag in die 1980’s en vroeë 1990’s tydens die apartheid-era was.

Фильчаков Александр Васильевич