Suider-Afrika – Bladsy 622

Regter se skandes

Regter in sy Jaguar

Nkola Motata, ’n regter verbonde aan die Pretoriase hoër hof, sal vandag in die Johannesburgse landdroshof verskyn op ’n aanklag van dronkbestuur. Hy word verder ook aangekla van pogings om die gereg te fnuik.

Die regter is op 6 Januarie vanjaar gearresteer toe hy met sy Jaguar deur ’n muur in Hurlingham gejaag het. Hy het hom teëgesit toe polisie hom wou arresteer en moes uiteindelik deur vyf metropolisiebeamptes in ’n polisiemotor gelaai word. Die staat beweer Motata se bloedtoets het op meer as vier keer die toegelate alkoholinhoud gedui. Hy het verder die naam van sy werkgewer as “Transval Provincial Division” geskryf en gesukkel om sy eie telefoonnommer te onthou en neer te skryf.

Motata het hom ook skuldig gemaak aan beledigings van die vroulike polisiebeamptes wat hom aanvanklik op die ongelukstoneel wou arresteer. Volgens die staat het hy geskreeu “F.. julle, onnosel vroumensbeamptes, julle kan my nie arresteer nie,” “vroumense kan my nie arresteer nie,” “julle onnosel vroue kan my nie arresteer nie,” en “n vroumens kan nie arresteer nie, dit moet ’n man wees.”

Alhoewel niemand die ongeluk, wat in die vroeë oggendure van 6 Januarie plaasgevind het, gesien het nie, is die regter “deurmekaar” agter die stuur van sy motor aangetref, te midde van die chaos van die muur wat hy stukkend gery het. Hy het aan polisie op die toneel erken dat hy die aand ’n partytjie bygewoon het en wyn gedrink het. Die regter kon nie self regop staan nie. Hy en die motor het sterk na drank geruik. Verder het hy met ’n sleeptong gepraat. Hy het aggressief geword toe hy gevra is om in ’n pypie te blaas. Hy het ook polisiebeamptes gedreig dat hy hulle sou vervolg indien hulle hom arresteer.

Na afloop van die voorval het die regter hemel en aarde probeer beweeg om sy saak van die Johannesburgse magistraatshof na die Pretoriase hoër hof te skuif, omdat hy geglo het sy status is te belangrik vir ’n doodgewone magistraatshof, maar sy pogings het misluk. Hy sal dus vandag in die eenvoudige magistraatshof moet verskyn.

designer bridal headbands

Barney se bul

Daar is gister gewoel en gewerskaf in Barney Pityana, UNISA-rektor, se Nieu-Muckleneuk-tuin. ’n Bul is opgemerk, vasgemaak aan ’n boom. Die dier sal vanmiddag om 17:00 geslag word, as deel van Pityana se dogter se huwelikseremonie.

Pityana, wat van Xhosa-afkoms is, het skynbaar die regte prosedure gevolg om die bul in sy tuin te slag, maar van sy bure is geskok en woedend. Daar word verder gewonder wie vir die seremonie gaan betaal. Die huis (’n amptelike UNISA-woning) is onlangs geverf en opgeknap. Daar word sowat 500 gaste by die troue verwag. Wit markiestente is reeds opgerig.

Volgens ’n woordvoerder van die Dierebeskermingsvereniging (DBV) in Pretoria is die organisasie bewus van die slagting. ’n Verteenwoordiger van die DBV sal teenwoordig wees om seker te maak dat die dier nie onnodig ly nie. Hy het bevestig dat daar ’n toename in sulke seremonies in Pretoria-woongebiede is.

Pityana is al sedert 2001 rektor van UNISA. Hy het ’n regsagtergrond en spesialiseer verder in swart teologie. Hy was vroeër verbonde aan die Suid-Afrikaanse menseregtekommissie. Hy het verlede jaar die Silwer Orde van die Groot Raadgewer van die Kremetart van president Thabo Mbeki ontvang. Die vermaarde joernalis Stephen Mulholland het hom al as “aggressief en bombasties” beskryf.

Лобановский Харьков

Suid-Afrika loop sy eie kernpaadjie

Buyelwa Sonjica

Suid-Afrika het besluit om voorlopig nie deel uit te maak van die VSA se projek om kernkrag te versprei en te monitor nie, aangesien die land nie sy reg wil opgee om uraan te kan verryk nie.

Buyelwa Sonjica, minister van mineraal-en energiesake, het gister tydens ’n perskonferensie na afloop van die Verenigde Nasies se Atoomkragagentskapvergadering in Wene gesê dat Suid-Afrika ’n uitnodiging ontvang het om deel uit te maak van die Globale Kernenergievennootskap, maar dit nie aanvaar het nie, aangesien so ’n stap nasionale kernkragbeleid in die wiele kan ry. Ingevolge hierdie VSA-inisiatief sal state gehelp word om kernbrandstof te bekom en hoef hulle dus nie hulle eie uraan te produseer nie. Kernkrag word sodoende versprei, maar nie die tegnologie waarmee wapens vervaardig kan word nie.

Elf lande het Sondag lede van die projek geword tydens die byeenkoms in Wene. Hulle is Australië, Bulgarye, Ghana, Hongarye, Jordanië, Kazakstan, Litaue, Pole, Roemenië, Slovenië, en Oekraïne. China, Frankryk, Japan en Rusland is reeds lede.

Sonjica glo dat om uraan uit te voer vir verrykingsdoeleindes en dit dan her in te voer nie sin maak nie. “Dit sal in konflik staan met ons nasionale beleid,” meen sy.

Will Tobey van die VSA het aanvanklik beklemtoon dat geen land gevra word om sy reg om uraan te verryk op te gee nie. Hy is verantwoordelik vir nie-proliferasie aangeleenthede in die VSA se nasionale kernveiligheidsadministrasie. Hy het egter later erken ”dat dit nie sin sal maak om beide te doen nie” – met ander woorde dat ’n land aansluit by die Globale Kernenergievennootskap en steeds voortgaan om sy eie uraan te verryk. Hy meen dit is wel voordelig vir lande om deel uit te maak van hierdie vennootskap, aangesien uraanverryking ’n baie duur proses is.

Volgens Sonjica is Suid-Afrika nou op soek na internasionale vennote wat die land in sy uraanverrykingsprogram kan bystaan.

двухпоршневой цена

Die ergste humanit?re krisis ter w?reld

David Coltart

Volgens David Coltart, MDC-parlementslid, is die humanitêre krisis wat Zimbabwe tans beleef, die ergste ter wêreld. Dit word egter nog in ’n groot mate deur die internasionale gemeenskap geïgnoreer. Coltart het die Verenigde Nasies (VN) daarvan beskuldig dat hulle hul plig versaak deur oor die saak te swyg. “Dit is ’n absolute katastrofe,” het Coltart aan die Reuters-nuusagentskap gesê. “Nie net sterf mense elke dag nie, maar die ineenstorting van die ekonomie is besig om die streek te destabiliseer.“

Inflasie is tans sowat 6000%, werkloosheid word op 80% gereken en prysbeheermaatreëls het meegebring dat supermarkrakke leeg is. Selfs stapelvoedsel soos brood en mieliemeel is feitlik onverkrygbaar. “Wat ons nou nodig het, is ’n enorme hulpverleningspoging. Mugabe gebruik met opset voedsel as ’n wapen,” meen Coltart. ”Die probleem is dat dinge op die oppervlak kalm lyk – dit is in die hospitale en lykshuise waar jy egter die waarheid sien.”

Volgens hom word daar wel tans vordering gemaak in die gesprekke tussen die ZANU-PF-regering en die MDC, maar lê daar nog ’n lang pad voor. Daar moet eenstemmigheid oor ’n nuwe grondwet bereik word voor die presidensiële en parlementêre verkiesings in Maart aanstaande jaar plaasvind.

Hy het voorts ’n beroep op die strydende faksies binne sy party gedoen om hulle geskille by te lê en om die verkiesing verenigd aan te pak. “As ons die verkiesing as ’n verdeelde party aanpak, sal dit ’n geskenk wees vir ZANU-PF en ’n ramp vir Zimbabwe."

Intussen het sakeleiers Maandag gewaarsku dat beplande wetgewing wat die meerderheidsaandele van buitelandse firmas binnekort in die hande van swart Zimbabwiërs sal plaas, die land se ekonomiese probleme gaan vererger. Daar word verwag dat buitelandse beleggings met ten minste 30% sal daal en dat ’n daling in die bruto binnelandse produk ook sal plaasvind

100 play games Александр Фильчаков

‘Grahamstad moet waai’

Daar is tydens ’n Makana-raadsvergadering op 13 September besluit dat die naam Grahamstad “moet waai.” Burgemeester Phumelelo Kate het gister gesê die besluit is op geskiedkundige redes gebaseer. “Die gemeenskap moet weet dat die naam, ter ere van Graham, afgedwing is deur koloniste.“

President Thabo Mbeki het reeds by twee geleenthede kritiek op die naam Grahamstad uitgespreek. Hy het in die parlement daarop gewys dat die Britse offisier kolonel John Graham “’n slagter“ was. Volgens Kate sal raadslede binnekort elke wyk besoek om te hoor wat inwoners dink van die voorgestelde nuwe naam, iRhini. “Die inheemse mense moet nou hulle eie lotgevalle bepaal deur deel te neem aan ’n proses om op ’n nuwe naam vir hulle dorp te besluit,“ meen Kate.

Volgens Smilo Grootboom, ’n lid van die Oos-Kaapse Geografiese Naamkomitee, is die komitee nie bewus van die besluit wat deur die Makana-munisipaliteit geneem is nie. Nadat ’n munisipale raad besluit het om ’n naam te verander, vereis die wet dat die betrokke munisipaliteit dan die plaaslike geografiese naamkomitee moet nader, wat die aansoek sal ondersoek om seker te maak dat wetlike aspekte nagekom is.

Indien die komitee tevrede is, word ’n aanbeveling oor die nuwe naam gemaak aan die provinsiale minister, wat dit dan voorlê aan die Suid-Afrikaanse Geografiese Naamkomitee, wat op hulle beurt die minister van kuns en kultuur oor sulke sake adviseer. Die minister het dan die reg om die nuwe naam in die staatskoerant bekend te maak.

Daar is tans 59 naamsveranderinge wat deur die Oos-Kaapse Geografiese Naamkomitee oorweeg word.

free bet casino

ANC-minister dreig met grondonteiening

Lulu Xingwana, min. van grondsake

Die ANC-minister van grondsake, Lulu Xingwana, het gister gedreig dat haar regering plase gaan onteien van boere wat “die regte van werkers skend”. Die konteks van haar uitlating was ‘n vergadering van die Voedsel en Verwante Werkersunie se nasionale konferensie in Randburg waar sy deur ‘n skare van 200 met rooi T-hemde toegejuig is.

Xingwana het gesê dat “die regering die reg het om diegene wat nie die wet (oor verblyfreg op plase) eerbiedig nie te onteien. Ek voel persoonlik dat te veel plaaswerkers hulself onder die sweep van mishandeling deur gewetenlose boere bevind.”

Haar aanval op boere volg kort op die hakke van ‘n soortgelyke uitspraak deur die adjunk-minister van grondsake, Dirk du Toit, in die parlement op Woensdag. By die pas afgelope kongres van TLU-SA, die landbou-unie, is gevoel dat Du Toit se stellings bereken is om saam te val met die landboukongres waar “Volhoubare landbou binne die Afrikarealiteit” die tema was.

Xingwana het beweer dat agt miljoen werkers van plase afgesit is van 1985 tot 2005 en dat slegs een persent van sulke uitsettings wettig was. Hierteenoor het mnr. Lourie Bosman van Agri-SA gesê dat daar sedert die begin van die jaar nog geen geval van onwettige uitsetting in die land aangemeld is nie. In terme van ‘n ooreenkoms tussen boere en die departement van grondsake, bestaan daar ‘n gesamentlike komitee om sulke gevalle te ondersoek. Sedert 1 Januarie 2007 is daar egter nog geen geval van onwettige uitsetting op ‘n plaas aangemeld nie.

Volgens Xingwana het die ANC nie met onteiening begin nie, maar het die vorige regering himself reeds sedert 1936 skuldig gemaak aan wat sy noem “skop-skiet-en-donder-onteienings”.

“Ek glo dat ons almal bewus is van die probleme op plase en dat hulle vra om dringende en besliste ingryping deur alle strategiese vennote,” het sy voortgegaan. “Ons moet beklemtoon dat plaaswerkers ook mense is en menswaardige behandeling verdien.”

Xingwana het gesê dat die debat en die behoefte om verblyfregkwessies aggressief ter hersien gedurende die Grondberaad in 2005 beklemtoon is. By die beraad is ‘n oproep gedoen om ‘n moratorium op alle uitsettings te plaas en om die huidige wetlike bestel te wysig.

Dit het die departement van grondsake genoop om drie studies aan te vra waarin bepaal sou word hoeveel mense op plase woon, hoe die wetgewing hersien behoort te word, asook die moratorium op alle uitsettings.

Die eerste studie het getoon dat daar 3 miljoen mense op plase woon. Die studies is intussen voltooi en sal deur die departement vrygestel word op Maandag 17 September. ‘n Aksieplan sal onmiddellik daarna opgetrek word.

“Sommige van die mislukkings is nie as gevolg van die wetgewing nie, maar as gevolg van die vermoë van die staat om dit te implementeer.”

“Nuwe strategieë word ontwikkel, insluitende die daarstelling van die Grondregtebestuursfasiliteit.’

Regsverteenwoordiging het nog altyd die uitslag van uitsettingsake bepaal en sodoende het plaaswerkers en plaasbewoners sulke sake verloor.

“Dit is belangrik dat die staat behoorlike meganismes in werking stel om diegene wat nie regsverteenwoordiging kan bekostig nie van hulp te wees.”

Ander elemente van die Grondregtebestuursfasiliteit sal ‘n oproepsentrum by die departement insluit om plaaswerkers en –bewoners te help, asook ‘n kommunikasiestrategie om bewustheid van grondregte te verhoog.

“Ek beoog om ‘n grondregtebewustheidsveldtog van staple te stuur en om ook gebiede met ‘n hoë voorkoms van uitsettings te besoek,” het sy gesê.

“Dade van mishandeling op plase was nie in belang van die groei en ontwikkeling van landbou, ‘n belangrike pilaar van die landsekonomie, nie,” het sy voorts verklaar.

“As regering gaan ons alles in ons vermoë doen om toestande op plase te normaliseer.”

Xingwana het ‘n beroep op boere wat steeds die menseregte van hul werkers skend gedoen om “sulke gedrag te laat vaar”.

“Ek wil boere ook vra om die werksomstandighede van diegene wat hulle dien te verbeter. Aan die ander kant doen ek ‘n beroep op plaaswerkers om met hul werknemers saam te werk,” het Xingwana gesê.

Parlement ontaard in klug

Speaker Baleka Mbete het Mike Waters van die DA se gedrag in die parlement as "buitensporig, sonder respek en heeltemal onbeskof" beskryf. Waters sal vir ‘n tydperk van vyf werksdae geskors word.

In ‘n klugtige atmosfeer wat Woensdag in die parlement geheers het, het die Britsgebore Waters en die Speaker in ‘n oor-en-weer relletjie oor die kwessie van die omstrede minister van gesondheid se verlede, op mekaar begin gil.

Mbete het geëis dat Waters die huis en parlementêre kompleks dadelik verlaat. Dit kom nadat Waters Woensdag skriftelik gevra het of Manto Tshabalala-Msimang in 1976 wel van diefstal beskuldig is en gevra is om die hospitaal in Botswana waar sy gewerk het, te verlaat.

Maar die Speaker het geweier dat die vraag behandel word. Mbete se reëling het Waters laat opvlam: "Hierdie is ‘n grap, ‘n absolute grap … u probeer ‘n dief beskerm, Madame Speaker." Mbete het Donderdag herhaal dat die kwessie nie oop is vir bespreking nie. Volgens die Speaker was Waters nie bereid om die gebou te verlaat nie en het hy haar gesag openlik uitgedaag.

Sy het verder gemeen dat Waters se teregwysing nie gepas genoeg is nie en dat hy swaarder gestraf behoort te word. Die meeste DA-lede het ná die onderonsie Woensdag die saal verlaat om "demokrasie te verdedig". Sandra Botha, die DA se parlementêre leier, het gesê dat demokrasie "ondermyn" word.

мебель для

Moetiemoord in Noordwes

Die geskende liggaam van ’n 17-jare seun is gister naby Pellastat in Madikwe gevind, het die Noordwespolisie gesê.

Superintendent Louis Jacobs het verklaar dat die seun se lyk langs die pad deur ’n verbyganger vroeg Donderdagoggend ontdek is.

Sy tong en skaamdele is verwyder. Dit wil voorkom asof die seun elders aangeval, geskend en vermoor is en sy lyk langs die pad gelos is, het Jacobs gesê.

Hy is Woensdagoggend laas lewendig gesien en het saam met sy twee broers in die omgewing gewoon.

Die polisie poog tans om met sy ouers in aanraking te kom om hulle van die voorval in kennis te stel.

Intussen verkeer ’n 13-jarige seun wat op 5 Augustus in ’n geskende toestand naby sy stat buite Rustenburg gevind steeds in ’n ernstige toestand, het Jacobs gesê.

Die polisie is besig om albei insidente te ondersoek. Jacobs wou nie spekuleer oor die motiewe toe hy gevra is of dit rituele aanvalle was nie.

дитячи машини

Rwanda wil nie meer SAOG-lid wees

Rwanda se president, Paul Kagame, het Woensdag gesê dat sy land nie langer belangstel om deel te word van die Suider-Afrikaanse Ontwikkelingsgemeenskap (SAOG) nie. Hy wou nie dat Rwanda te veel "oorvleuelende" rolle met ander blokke speel nie.

"As ‘n land moet ons ons lidmaatskap rasionaliseer," het hy aan joernaliste verduidelik aan die einde van sy driedaagse amptelike besoek aan Malawi. Rwanda het twee jaar gelede aansoek gedoen om deel te word van SAOG. Tans is daar 14 state wat deel is van die Ontwikkelingsgemeenskap.

Kagame meen dat lidmaatskap aan SAOG dalk nie so ekonomies voordelig sal wees as wat oorspronklik gemeen is nie. Hy het aangedui dat Rwanda wel binne die Oos- en Suid-Afrikaanse gemeenskap sal aanbly. Kagame was in Malawi om handels- en landboubetrekkinge uit te brei.

Kagame hoop om sy land in die Dubai van Suider-Afrika te omskep. Microsoft se Bill Gates, Riley Bechtel van Bechtel, Steve Forbes en topbestuurders van Google, Merrill Lynch, Starbucks, Columbia Sportswear, Morgan Stanley, en General Electric was al gaste van die president.

Die eertydse guerillaleier het ‘n diploma in sakestudies gedoen dmv korrespondensie toe hy as staatshoof ingetree het. Hy het sy eksamen onder toesig van die Britse ambassadeur afgelê. Die president hoop dat Amerikaanse sakevernuf sy land beter sal kan dien as hulporganisasies.

‘n Franse regter Jean-Louis Bruguière, het Kagame en 10 van sy militêre personeellede verlede jaar gelas om in Frankryk voor die gereg te verskyn omdat hulle klaarblyklik die noodlottige missiel op Hoetoe-president Juvenal Habyarimana se vliegtuig afgevuur het. Dié insident het die begin van ‘n volkskaalse volksmoord in Rwanda tot gevolg gehad.

Rwanda se buurlande, die DRK en Tanzanië, is albei SAOG-lede. Rwanda en Malawi het ook onderneem om hul kulturele bande te versterk.

Лобановский Харьков

Oud-president se vrou gearresteer

Lang vingers

Die eggenote van die eertydse Zambiese president Frederick Chiluba is Maandag in hegtenis geneem nadat sy probeer het om van haar man se gesteelde bates te verkoop. ‘n Paar dae tevore het ‘n hof bevind dat daar nie genoeg getuienis teen Regina Chiluba is om haar van korrupsie aan te kla nie.

Sy is vanaf haar woning in Lusaka deur gewapende polisielede na die polisiestasie geneem. Nadat haar advokate tussenbeide getree het, is sy op borgtog vrygelaat. Die oud-president en ‘n tiental aanhangers het sy vrou na die stasie vergesel.

Die polsie wou nie kommentaar lewer nie en het bloot gesê dat ‘n spesiale ondersoek wat onderneem is om die Chiluba-regering (1991-2001) se korrupsie te ondersoek en dat daar mettertyd ‘n verklaring daaroor uitgereik sal word.

‘n Woordvoerder van die oud-staatshoof het gesê dat Chiluba sy vrou "in die sel gaan besoek het met sy lyfwagte". Regina Chiluba was glo briesend en het geweier om met die gereg saam te werk omdat hulle volgens haar haar onskuld misken.

Haar man word daarvan verdink dat hy $500 000 in sy sak getseek het. Die Zambiese hof sal in Februarie uitspraak lewer. Chiluba is deur ‘n Britse hof skuldig bevind aan die misbruik van openbare fondse ter waarde van miljoene en sy bates in Brittanje is bevries.

для насосов лобановский обыск

Zimbabwe is ‘landbouleier’

Obiang

Teodoro Obiang Nguema Mbasogo het Vrydag gesê dat Zimbabwe se ervaring en landboukennis oorgedra behoort te word na die mense van Ekwatoriaal-Guinee. Hy het Robert Mugabe geprys omdat Zimbabwe se landbousektor die "mees gevorderde in Afrika" is en ‘n "leier" op dié gebied. Obiang, die neef van eertydse president Francisco Macías Nguema, was die internasionale gas by die landbouskou in Harare.

Obiang se voorloper word daavan verdink dat hy ‘n derde van sy bevolking binne 11 jaar uitgewis het. Hy is deur sy neef, die huidige staatshoof, in 1979 laat vermoor tydens ‘n militêre oorname. Human Rights Watch beskou Obiang nietemin as een van die ergste menseregtevergrypers en in 1995 het die VSA besluit om hul ambassade te sluit in dié land.

Meer as 70% van landbougrond in Zimbabwe was voorheen in die hande van wit boere, maar in 2000 het Mugabe se plan om van kommersiële boere ontslae te raak in werking getree en het sogenaamde "oorlogsveterane" plase beset. Die inflasiekoers staan tans op 7 600% danksy die ekonomiese ineenstorting wat gevolg het op die grondhervormingsbeleid.

Die olieryke Ekwatoriaal-Guinee verskaf tans olie aan energiegestremde Zimbabwe. In 2004 het 70 huursoldate ‘n staatsgreep beplan om van Obiang ontslae te raak. Die eertydse Britse premier se seun, Mark Thatcher, en Simon Mann, ‘n spesialissoldaat, het die plan bedink wat ter elfder ure op die rotse geloop het nadat sy span Suid-Afrikaanse helpers in Harare aangekeer is.

стоит построить

Burgemeester van moord aangekla

Die burgemeester van Dundee, ’n dorp in Noord-Natal, is op ’n moordklag in hegtenis geneem, tesame met twee medepligtiges.

Die polisiewoordvoerder, direkteur Phindile Radebe, het gister bevestig dat “die burgemeester van een van die munisipalititeite in die Dundee-gebied” gearresteer is.

Volgens ’n Sapa-korrespondent, is die burgemeester Donderdag in hegtenis geneem tesame met twee medepligtiges op klagtes wat verband hou met die skiet van die ANC-takvoorsitter, Grishen Bujram (42) op 15 Junie vanjaar.

Die drie persone sal waarskynlik more in die landdroshof op Dundee verskyn.

Bujram is in sy motor doodgeskiet gedurende die nag van 15 Junie in die Sibongile-woonbuurt.

Zimbabwiese landbouskou

Te koop

"Hier is niks vir ons nie. Nie kunsmis nie, nie saad nie… Dis baie teleurstellend." So praat Mildred Chitada wat suikerriet en mielies verbou en vrees dat landbouers wat die landbouskou in Harare bywoon hierdie week met leë hande huistoe sal gaan.

"Die regering moes ten minste probeer het om kunsmis in die hande te kry vir ons, die nuwe boere. Die nuwe boere moet gehelp word want ons het niks," het sy bygevoeg. Die landbouskou is ‘n skadu van wat dit voorheen was nadat 4000 wit boere van hulle plase verwyder is.

Duisende Zimbabwiese boere het in Harare bymekaar gekom vir die landbouskou wat Vrydag amptelik deur Teodoro Obiang Nguema van Ekwatoriaal-Guinee geopen sal word.

‘n Wit boer met ‘n Holstein-kudde probeer ook by die skou van sy diere ontslae raak. Sy plaas is verdeel tussen 34 nuwe boere en dus is sy weiding van meer as 600 hektaar verminder na 20 en kan hy nie meer die kudde aanhou nie.

Nuwe boere maak geen vordering nie omdat elektrisiteitsvoorsiening, voorrade en kennis ontbreek. Zesa, die Zimabwiese nasionale elektrisiteitsvoorsieningsliggaam, was ook teenwoordig om gemoedere te probeer kalmeer. Die twee kragsentrales kan nie behoorlik funksioneer nie omdat daar nie genoeg steenkool is nie.

Drie kunsmisfabrieke moes verlede maand sluit omdat ekonomiese toestande in die land so agteruitgegaan het. Vóór 2000 het Zimbabwe mielies na Zambië en Malawi uitgevoer. Mugabe hou egter vol dat droogte verantwoordelik is vir die haglike omstandighede.

Organiseerders het Dinsdag probeer om optimisties te bly, teen alle waarskynlikheid en getuienis in, en aan die media gesê dat Zimbabwe nie op die rand van ‘n ineenstorting is nie en dat die landbouskou ‘n yslike sukses gaan wees.

сайт игрушек

Moetie-aanval in Noordwes

Die man wat die laaste persoon was wat ’n jong swart seun twee weke gelede gesien het, net voor hy wreedaardig vermink is, is die pas afgelope naweek dood aangetref in die dorpie Phela, in Noordwes. Dit is nog nie bekend wie hom vermoor het nie. Sy liggaam is sowat 500 meter gevind van die veekraal waar hy die dertienjarige seun die laaste keer gesien het.

Die seun, Bahumi Mogorosi, is op 5 Augustus naby Rustenburg aangeval. Hy was besig om sy pa se vee op te pas toe hy oorval is. Sy aanvallers het sy tong, geslagsdele en lippe uitgesny. Sy regterarm is by die elmboog afgekap. Ná die aanval het hy sowat 150 meter gekruip om hulp te kry. Hy verkeer tans in ’n ernstige toestand in die hospitaal.

Toordokters glo dat ’n afgesnyde hand wat onder ’n winkeldeur begrawe word, vir die winkeleienaar goeie geluk en flinke sake kan beteken. Die hand wink naamlik klante en geld nader.

Volgens dr Gerard Laubschagne, wat aan die hoof staan van ’n polisie-eenheid wat moetiemoorde- en aanvalle ondersoek, kom sulke aanvalle nog gereeld voor. Hierdie moorde word egter dikwels nie by die polisie aangemeld nie. Alhoewel amptelike statistiek nie beskikbaar is nie, glo hy dat tot 300 sulke moorde jaarliks plaasvind. Polisielede hanteer sulke gevalle dikwels soos gewone moorde, wat beteken dat Labuschagne en sy eenheid nie daarby betrek word nie.

Die meeste tradisionele genesers beperk hulle tot die gebruik van kruie, boombas en dele van dierkarkasse, maar die geloof bestaan dat menslike ledemate oor geweldige krag beskik en die konkoksie wat verkoop word dus baie duurder maak. Volgens Labuschagne is dit moeilik om sulke gevalle op te los, aangesien verskillende partye betrokke is. Die geneser sal aan die moordenaar beskryf watter liggaamsdele hy benodig.

Dit moet verwyder word terwyl die slagoffer nog leef. Testikels is gewild vir viriliteitsresepte, tonge word verwyder om mans te help om vroue met hulle woorde te bekoor en vet van die maag of borste word gebruik om geluk te bring. Indien die moordenaar gevang word, wil hy dikwels nie die naam van die geneser verklap nie, omdat hy vrees dat hy getoor kan word.

Labuschagne het geen illusies dat sy eenheid hierdie praktyk gaan beëindig nie. “Die praktyk gaan al vir eeue lank aan, dit is niks nuuts nie. Ek dink nie enigiemand glo dat ons moetiemoorde gaan verhoed nie, net so min soos mens kan beweer dat prostitusie beëindig kan word.“

Фильчаков Харьков