Suid-Afrikaanse nuus, d.w.s. sowel nuus uit Suid-Afrika én Suider-Afrika.
Ambulanse van Kokstad is na die toneel gestuur, asook 'n weermaghelikopter met mediese personeel aan boord.
Die ongeluk het vanmore net na tienuur plaasgevind en daarom is volle besonderhede nog nie bekend nie. 'n Woordvoerder van die polisie, Zandra Wiid, het die ongeluk bevestig maar kon nog nie besonderhede verskaf nie aangesien sy wag op 'n polisiehelikopter om haar na die toneel te vervoer.
Volgens die tradisionele leiers word die filosofie van oeboentoe deur die huidige optrede teen buitelanders geskend.
Die huis van tradisionele leiers he took beklemtoon dat buitelanders wegvlug van chaos in hul lande van herkoms en het Suid-Afrikaners gevra om te onthou dat vlugtelinge weer na hul onderskeie lande sal terugkeer as probleme daar opgelos word.
Volgens die tradisionele leiers is die woorde Nkosi sikelela i Afrika oftewel God seen Afrika ook van toepassing op swartmense uit ander Afrikalande en daarom moet plaaslike gemeenskappe hulle van geweld jeens buitelanders weerhou.
Die woordvoerder vir die departement, Zinhle Mngomezulu het laat weet dat 'n vragmotor vol suur omgeslaan het.
Die bestuurder is ernstig beseer en is hospitaal toe geneem en die snelweg in 'n suidelike rigting is geheel en al gesluit verklaar weens die aard van die vrag.
Die departement raai mense aan om van alternatiewe roetes gebruik te maak aangesien dit nie bekend is hoe lank die sluiting gaan duur nie.
Elders in die buiteland kom sy bewind egter toenemend onder skoot en word hy vir Suid-Afrika se probleme geblameer. Die invloedryke nuusagentskap Reuters het so pas gesê dat Mbeki soos 'n slaapwandelaar regeer terwyl die lokasies brand.
Reuters haal die globale Franse bank BNP Paribas aan wat meen dat die rand onsekerheid tegemoet gaan weens die etniese geweld in die land. Daar kan te eniger tyd 'n politieke krisis in die land ontstaan wat Mbeki se nalatenskap kan vernietig, meen die ontleder van BNP Paribas.
Ook van binne die ANC is daar al hoe meer oproepe vir Mbeki om te bedank voor die einde van sy tweede termyn.
Die meeste van hierdie aansoeke kom van een land: Zimbabwe. Van die 27 853 aansoeke wat van buitelanders ontvang is wat hul kwalifikasies geëvalueer en erken wil hê, is 60% van Zimbabwiërs.
Maar, terwyl aanvalle op buitelanders gewoed het oor die afgelope twee weke, het die daaglikse aantal aansoeke gehalveer van 130 per dag tot 60 of 70 per dag.
Fabrieksvloerverteenwoordiger Walter Ntombela, 'n Mosambieker, is oor die naweek met pangas doodgemaak in sy kaja in die Madelakufa-plakkerskamp buite Tembisa aan die Oosrand.
Sy vrou en drie kinders het naelskraap ontkom toe hul kaja aan die brand gesteek is. Intussen skuil hulle in 'n plaaslike gemeenskapsaal en wag om na Mosambiek teruggeneem te word.
Numsa het 'n nasionale opvoedingsprogram teen xenofobie en stambewustheid by die werk geloods.
Volgens Telkom poog bedrieërs om sy korporatiewe en globale kliënte te oortuig om geld in 'n vals bankrekening te deponeer. Die vervalsers het fakse aan kliënte gestuur waarin hulle ingelig word dat Telkom se bankbesonderhede verander het.
Bedrieërs het voorgegee om Telkom se uitvoerende beampte, Reuben September, te wees. 'n Woordvoerder van die maatskappy, Thokozani Mvelase, het beklemtoon dat Telkom nie self by die bedrog betrokke is nie.
Die direkteur van polisie in Gauteng, Govindsamy Mariemuthoo, meen die nag was stil afgesien van die afbrand van 'n paar leë kajas in Katlehong aan die Oosrand.
Geen groot aanvalle is gedurende die naweek aangemeld nie.
Die jongste dodetal in die etniese geweld wat op 12 Mei in Alexandra begin het, staan op 50. Ongeveer 500 mense is gearresteer en 17 000 is deur die onluste verdryf.
Die burgemeesteres van Kaapstad het die publiek bedank vir hul selflose hulp om die buitelanders te hhuisves en van voedsel te voorsien sedert die aanvalle Donderdagaand.
Die Suid-Afrikaanse Nasionale Weermag is by magte en was nog altyd om alle opdragte tuis en oorsee te vervul, volgens kommunikasiehoof Siphiwe Dlamini.
Die Departement van Verdediging wil graag vrese dat hy nie na behore kan ingryp om die polisie te help om xenofobiese aanvalle te stopnie, besweer.
Samewerking met die polisie is niks nuuts nie en die SANW het 'n belangrike rol gespeel om tydens verlede jaar se staatsdiensstaking orde te verseker.
Sapa berig dat 'n man Vrydagaand in Springs doodgeskiet is nadat hy na bewering 'n vuurwapen op lede van die SANW gerig het.
Daar word berig dat Robert Mugabe na Singapoer gevlieg het vir kankertoetse. Blykbaar word vermoed dat die 84-jarige Zimbabwiese leier prostaatkanker onder lede het.Mugabe sou gister na sy land terugkeer na enkele dae in Singapoer. Met die verval in Zimbabwe se gesondheidstelsel is sulke behandeling nie meer in Zimbabwe moontlik nie.
Mugabe se besoek aan Singapoer spreek ook van sy groter afhanklikheid van die Ooste noudat Westerse lande hul rug op Mugabe gekeer het met sanksies en diplomatieke druk teen sy bewind.
Die Rookruis van Suid-Afrika het vandag aangekondig dat dit 25 000 mense versorg wat oor die afgelope week in antivreemdelinggeweld dakloos gelaat is.
“Die Rooikruis help tans 25 000 mense wat in 21 liggings versprei is, hoofsaaklik in Johannesburg. Die situasie het versleg aangesien geweld nou in Durban en Kaapstad uitgebreek het,” het die Rooikruis se direkteur vir Suidelike Afrika, Françoise de Goff, gesê.
Sy meen dat diegene wat voor die aanvalle vlug, wat tot meer as 40 sterftes gelei het, reeds ‘n potensiële probleem vir hul lande van herkoms verteenwoordig.
“As ons duisende mense het wat terugkeer sal dit beslis ‘n probleem skep,” het sy gesê, en bygevoeg dat mense wat geregistreer is om die grense van lande soos Botswana en Mosambiek oor te steek oor die potensiaal beskik om ‘n “groot invloei” te veroorsaak.
“Op hierdie stadium word mense deur hul regerings verwelkom, hulle word ontvang en die Rooikruis staan hulle by. Hulle sal moet hul lewens in hul lande van herkoms hervat.
Volgens haar het die duisende vlugtelinge geen ander keuse as om te sit en wag terwyl hulle hul situasie probeer aanspreek nie.
“Sekere mense beskik oor familie tuis, ander is huiwerig en weet nie waarheen om te gaan nie. Sekere mense wil hier bly maar hulle weet nie of hulle in ‘n toestand sal kan leef wat veilig is nie.
Buitelanders uit Afrikalande word deur plaaslike swartes geteiken wat hulle daarvan beskuldig dat hulle misdaad pleeg en hulle van werke ontneem. Hulle huise word afgebrand en hulle word uit slumgebiede verdryf.
Omtrent 15 000 het na raming na Mosambiek teruggevlug en duisende meer wag op busse om hulle terug na hul lande te neem.
“Mense is bang, sommige het gesien hoe hul huise afgebrand en vernietig is, ander is weer geslaan en beseer. Die mense bevind hulle werklik in ‘n toestand van vrees. Hulle weet nie wat die toekoms inhou nie, of hulle sal kan terugkeer of bly of vertrek nie,” het De Goff gesê.
Volgens haar verskaf die Rooikruis basiese mediese sorg, voedsel en komberse aan die verdrewenes, asook sielkundige ondersteuning aan diegene wat getraumatiseer is.
Die polisie se vermoë om onluste te beheer het afgeneem as gevolg van 'n herstruktureringsproses wat in 2006 uitgevoer is. Volgens die Johannesburgse koerant die Mail & Guardian is dit die rede waarom die polisie onlangs die hulp van die weermag moes inroep om etniese geweld in lokasies en elders te beheer.
Die Instituut vir Sekerheidstudies het in 'n ondersoek verlede jaar bevind dat die herstrukturering die moreel van die polisiediens aangetas het en ook tot verliese aan personeel gelei het.
Voor die herstrukturing het die Gautengprovinsie oor 1383 operasionele lede in sewe peletons beskik en daarna oor slegs 614 in drie peletons.
Opleiding het ook verswak.
