Skokverslag oor misdaad teen kinders

Terwyl een kind elke drie minute in Suid-Afrika verkrag word, is daar tussen 2007 en 2008 1 410 sake van kindermoord aangemeld. Daarbenewens is nagenoeg 45% van alle verkragtings wat in Suid-Afrika aangemeld word, kinderverkragtings.

Dié en talle meer skokkende feite oor misdaad teen kinders word Donderdag, 4 Junie deur Solidariteit Helpende Hand onthul met die bekendstelling van sy kindersmisdaadverslag getiteld “Die skandvlek van ons samelewing”.

Volgens dr. Danie Langner, uitvoerende hoof van Helpende Hand, is daar nie net ʼn dringende behoefte om die probleem van misdaad teen kinders aan te pak nie, maar ook ʼn verantwoordelikheid. Die jong moordslagoffer Sheldean Human se pa, Wikus Human, het verlede jaar op 4 Junie die “Hoop vir oorwinning”-tuin vir alle kinderslagoffers van geweld in Suid-Afrika ingewy.

“By die inhuldiging is ʼn oproep op almal gedoen dat ons ʼn beter toekoms aan ons kinders verskuldig is en dit is juis wat nou gedoen moet word,” verduidelik Langner.

Helpende Hand het ook bevind dat daar ʼn geweldige tekort aan inligting oor misdaad teen kinders is. Volgens Langner het die studie bevind dat kinders toenemend aan seksuele vergrype, misdade en prostitusie blootgestel word, maar beklemtoon dat betroubare statistiek oor die probleem byna onbekombaar is.

Die studie bevat onder meer insette van kundiges in die veld – ware verhale van mense wat daagliks met gebroke kinders werk. “Dit is ʼn studie gebore uit die harte van kundiges en kinders.”

Beeld berig daar is net in Johannesburg alleen na raming sowat 10 000 kinderprostitute, volgens die Suid-Afrikaanse Beroepsvereniging oor die Misbruik van Kinders (Sapsac).

Beskikbare inligting dui daarop dat dit in Kaapstad, Durban en Port Elizabeth “ewe erg gaan”, het adv. Retha Meintjes SC, adjunkdirekteur van openbare vervolging en stigterslid van Sapsac, gesê.

Bloemfontein is glo een van die grootste fokuspunte van sindikate wat betref die handel in kinders vir seks en dwelmhandel.

Volgens Sapsac word meisies in Suid-Afrika vir tussen R2 500 en R12 000 verkoop. Daar is landwye netwerke van sindikate wat by kindermisbruik betrokke is, wat “prominente en skatryk” mense en selfs medici insluit.

Kinders so jonk as 10 jaar “word gewerf en aangewend vir seksuele misbruik deur volwassenes wat die sindikate betaal”. Sulke kinders verdien tussen R1 500 en R5 000 per dag vir die sakke van hul “hanteerders”.

Sedert die verskyning van MXit het die aantal kinderverdwynings “merkbaar” toegeneem.

Kinders wat weerstand bied, word volgens Sapsac gestraf deur “uitermatige fisieke mishandeling, selfs die dood, of deur dwelms en kos van hulle te weerhou”.

Die 43% van alle sake waarby Childline betrokke is, is dié van seksueel mishandelde kinders.

Me. Louise Aucamp, forensiese maatskaplike werker, het gesê kindermisdaadvlakke in die middel- tot hoë-inkomstegemeenskappe, waar albei ouers gegradueerdes is en hoë aansien het, het die afgelope twee jaar ontstellend toegeneem.

Helpende Hand se verslag is beskikbaar by www.kindermisdaad.co.za.

кэкАлександр Фильчаков прокурор

Vrou van vermiste vliegtuigpassasier bly hoop

ImageDie vrou van die Suid-Afrikaner, Erich Heine (41) wat vermis word nadat vlug 447 van Air France oor die Atlantiese Oseaan vermoedelik verongeluk het, is steeds vol hoop dat haar man lewe.

Alet Heine het Woensdag in 'n onderhoud gesê sy is moeg gedink. "Daar is nog steeds geen nuus nie, maar ek het op CNN gesien dat geen wrakstukke nog gevind is nie. Ons hoop steeds."

Heine, vader van drie dogters, een van ses jaar en 'n tweeling van vier, woon die afgelope jaar in Rio de Janeiro waar hy die Duitse staalmaatskappy ThyssenKrupp se eenheid in Brasilië bestuur, het Beeld berig.

Volgens die Star koerant het Heine se loopbaan by Iskor begin en is hy bevorder tot algemene bestuurder. Iskor is later deur ArcelorMittal SA.oorgeneem.

Sy broer Neil het aan geselsradio 702 gesê Erich het 'n Duitse sowel as Suid-Afrikaanse paspoort gehad en het drie jaar lank in Duitsland gewerk.

Dit is 'n baie moeilike tyd vir sy gesin, het hy aan die radio gesê.

Brasiliaanse owerhede het wrakstukke in die Oseaan opgemerk in die gebied waar die vliegtuig Maandag vermis geraak het.

 
Nelson Jobim, minister van verdediging van Brasilië, het aan die media gesê die wrakstukke "is sonder twyfel" dié van die vermiste vliegtuig.
 
Dit sluit "'n oranje reddingsbaadjie, 'n vliegtuigsitplek, 'n drom, vliegtuigbrandstof en olie" in luidens 'n verklaring wat die Brasiliaanse weermag vroeër uitgereik het.
 

купить ролики в киевеФильчаков Харьков

Rotteplaag tref Johannesburg danksy plakkersrommel

Image'n Rotteplaag het in die ooste van Johannesburg uitgebreek en inwoners in die nabyheid van Diepsloot, noordwes van die stad, kla ook oor rotte. Gas, rotvalle, uile en verdrinkingsemmers word nou in Ekurhuleni ingespan om die plaag te bekamp.

Die "geïntegreerde knaagdierbeheerplan", 'n dodelike vyffaseplan, is 'n poging deur plaaslike regering, die gemeenskap en belangegroepe volgens woordvoerder van die Ekurhulenimetroraadwoordvoerder, Zweli Dlamini.

Die probleem is reeds te groot om van privaateienaars, wie se vertantwoordelikheid dit is om plaagbeheer toe te pas, te verwag om 'n oplossing te vind. Dlamini het gesê 'n gesamentlike poging is nou nodig.

Inwoners word nou gevra om op die uitkyk te wees vir rotte en muise en mense wat in "warm kolle" woon waar knaagdiere buite beheer is, word deur gesondheidswerkers besoek en van rotvalle voorsien

Die gesondheidswerkers inspekteer wonings, reik 'n kennisgewing uit en met 'n opvolgbesoek kan 'n boete uitgeskryf word indien die inwoner nie gereageer het op die kennisgewing om van die plaag onder beheer te bring nie.

In die eerste fase word plaaggebiede en die oorsake geïdentifiseer en in die tweede word rotte gevang en uitgeroei. Rotvalle word tans in warm kolle soos Tembisa, Thokoza, Katlehong en ander plakkerskampe uitgedeel.

Die verdrinkingsemmer is in Phomolong, Tembisa, geloods waar halfvol emmers water met sonneblomsaad gebruik word om rotte te lok en te verdrink. In Kathorus is 'n uilprojek van stapel gestuur.

In die derde fase word 'n skoonmaakaksie beoog en in die vierde 'n gemeenskapsopleidingsprojek. In die laaste en vyfde fase gaan wetgewing afgedwing word wat die Omgewingsbewaringswet, die Omgewingsbestuurswet en openbare gesondheidswette en munisipale wette insluit.

Ten spyte daarvan dat honderde duisende rotte al vergas is, gaan die probl;eem nie weg nie, volgens Dlamini, omdat vullis oral gestrooi word.

"Dit is die grootste bydraende faktor wat die rotteplaag betref," het die munisipaliteit se uitvoerende omgewingsbestuurder Mandla Sithole gesê, verwysende na die rondstrooing van rommel.

люстры 5 рожковые подвесныеДанильченко Юрий Брониславович

Mamelodi-inwoners weier om dienste te betaal

'n Geskil tussen inwoners van hostelle in Mamelodi het uitgeloop op geweld en intimidasie en het tot die inhegtenisname van 17 mense gelei, volgens die polisie in Gauteng.

"Nuwe hostelle is onlangs deur die metroraad gebou met gesinseenhede en die raad wil nou die ou hostel afbreek," het konstabel Sam Shibambo.gesê. Inwoners van die ou hostel probeer om die sloping te keer van hulle wonings deur inwoners van die nuwe hostel te intimideer en hulle wonings te vandaliseer.

Shibambo sê die ou hostelinwoners hoop hulle kan die nuwe intrekkers tot só 'n mate intimideer dat hulle uittrek sodat die raad die nuwe hostel sal toemaak.

Inwoners van die ou hostel weier om in die nuwe hostel in te trek omdat hulle voortaan vir dienste sal moet betaal.

"Hulle sal vir water, elektrisiteit en huur moet betaal," het Shibambo gesê. Hy sê meer arrestasies kan verwag word. Die 17 sal Woensdag voor die landdros in Mamelodi verskyn.

рубашка для девочки купитьалександр лобановский харьков класс

Wit aktrise weier om swarte te soen

‘n Suid-Afrikaanse teaterproduksie wat daarop gemik was om kinders te oortuig dat rasseharmonie heers, se aktrise het bedank nadat sy van rassisme beskuldig is.

Carolyn Forword (foto hier bo) het van die verhoog gestap van die produksie getiteld The Pied Piper of Hamelin nadat sy deur die regisseur aangesê is om haar mede-akteur Unathi Dyantyi herhaaldelik op die lippe te soen.

Unathi.jpg~original
Unathi Dyantyi

Forword, 22, sê die gesoenery was nie betaamlik voor ‘n gehoor van jong kinders nie, en daarbenewens was dit onhigiënies. Daar is drie wit en een swart akteur wat in die stuk speel.

Dyantyi beweer haar beswaar dat sy kieme wou vermy was deur rassisme gemotiveer.

Dyantyi, 28, sê Forword het hom weggestoot en weggeskram daarvan om hom te soen gedurende opvoerings van die teaterstuk. “Ek het elke keer soos ‘n stuk kak gevoel wanneer ons dit moes doen vanweë die manier waarop sy my behandel het,” het hy gesê. “Sy wou my nie soen nie. Sy het gesê sy vind dit onnodig en die soen was onhigiënies.”

“Ek is sprakeloos. Wat is onhigiënies omtrent ‘n soen? En wat is onnodig daaromtrent? Dit is nodig vir wat die regisseur wil bereik. Hy wil ‘n boodskap oordra dat dit OK is vir verkillende kulture om verlief te raak. Ons is ‘n multikulturele gemeenskap en ons probeer dit uitbeeld.”

Die Riverside Theatre Company, wat in Cape Town is, het gehoop om die Pied Piper na Foward se ou skool te neem, maar sy het daarteen beswaar gemaak. Volgens Dyanti wou sy nie hê haar ouers moet sien dat sy ‘n swart man soen nie.

“Sy is opgelei as aktrise in drama, maar nogtans het sy ‘n probleem met soen. Dit het nog nooit met my gebeur nie. Daar is steeds rassisme in Suid-Afrika vandag, maar dit is baie subtiel.”

Forword het na 12 opvoerings van die Pied Piper onttrek en ‘n ander aktrise sal die 50 volgende opvoerings doen. Sy het die aanklagte van rassisme teen haar wat eers in die Sowetan verskyn het, verwerp”

“Dis ‘n opvoering vir 8-jariges,” het sy gesê. “Hulle wil dat ek die ou vir 20 sekondes soen, wat onbetaamlik is voor daardie gehoor. Dit sal nie goed afgaan voor ‘n Katolieke skool nie, byvoorbeeld. Dit sou onhigiënies wees want dis ‘n reisende opvoering. Ek het uitgeloop want die regisseur het ons geen idee gegee van waar ons gaan oorbly nie. Dit het niks te doene gehad met die soenery nie. Maar nou is ek ‘n rassis.”

Leslie Ehrhardt, die regisseur het Dyantyi se weergawe ondersteun. “Daar was sonder twyfel ‘n rasse-element van die begin tot einde.” Hy het gesê Carolyn het hom weggestoot en haar gesig getrek “asof dit die ergste ding op aarde was om hom te soen”.

Ehrhardt het dit as ‘n verskriklike toestand beskryf dat ‘n 22-jarige wat gedurende 15 jaar se demokrasie ‘n ander opvoeding moes gehad het. Hy het gesê hy is uiters geskok.

Forword het insgelyks gekla dat Ehrhardt, 42, homself onbetaamlik gedra het teenoor haar asook dat die akkomodasie en vervoer wat aan die akteurs gebied is, veel te wense oorlaat.

гидроаккумулятор купить спбЛобановский Харьков

Zuma oorweeg Guardian se skikkingsvoorstel

President Jacob Zuma het 'n nuwe skikkingsvoorstel van die Britse koerant, The Guardian, ontvang om die lastereis wat teen hulle aanhangig gemaak is, te besleg.

Rapport het Sondag berig dat die skikkingsvoorstel heelwat beter is as die eerste bedrag en dat die president dit moontlik mag aanvaar. Mediaspesialis Liesl Göttert, wat Zuma se lastereise hanteer, het dit aan die koerant bevestig.

Zuma het die koerant se eerste aanbod van 10,000 pond, of sowat R128 000, van die hand gewys. Hy het die koerant verlede maand vir laster gedagvaar nadat die joernalis Simon Jenkins 'n artikel daarin die lig laat sien het met die titel "Get used to a corrupt and chaotic South Africa. But don't write it off".

Dit is op 6 Maart gepubliseer en Zuma is daarin beskryf as 'n "verkragter" en 'n "krimineel". Zuma was klaarblyklik "baie teleurgesteld" met die Guardian se daaropvolgende verskoning.

Göttert sê Zuma sal oor die naweek 'n besluit neem oor die nuwe aanbod.

In die verskoning wat die koerant op 21 April aangebied het, het hulle gesê hulle is jammer dat hulle gesuggereer het dat Zuma skuldig bevind is aan verkragting en gesê dit het gekom as gevolg van 'n "redigeerprobleem".

treasures of egyptФильчаков прокурор харьков

Oud-Renamoguerrillas vermis na ontploffing

ImageDosyne Mosambiekse voormalige guerrillas word vermis nadat 'n reeks ontploffings hulle hookwartier in die sentrum van die land geruk het.

Die Maringue-basis is die tuiste van ongeveer 150 rebelle van die vorige Renamorebellebeweging. Hulle is deesdae die grootste opposisieparty, en het hulleself van geweld weerhou met die einde van die burgeroorlog wat in 1992 aangebreek het.

Hulle het egter deurentyd geweier om te ontwapen ondanks versoeke van die regering en wou ook nie by die polisie ingelyf word nie.

'n Voormalige rebelleleier, Martinho Gwedere, sê ou ammunisie het die reeks ontploffings veroorsaak verlede Woensdag en hy het sedertdien nog nie weer van baie van sy kollegas gehoor nie.

Die owerhede het Sondag by plaaslike inwoners gepleit om versigtig te wees in die teenwoordigheid van ongelanseerde vuurpyle en landmyne.

светильники карданный купитьлобановский класс харьков

Dosyne Renamorebelle vermis na ontploffing

Dosyne Mosambiekse voormalige guerrillas word vermis nadat 'n reeks ontploffings hulle hookwartier in die sentrum van die land geruk het.

Die Maringue-basis is die tuiste van ongeveer 150 rebelle van die vorige Renamorebellebeweging. Hulle is deesdae die grootste opposisieparty, en het hulleself van geweld weerhou met die einde van die burgeroorlog wat in 1992 aangebreek het.

Hulle het egter deurentyd geweier om te ontwapen ondanks versoeke van die regering en wou ook nie by die polisie ingelyf word nie.

'n Voormalige rebelleleier, Martinho Gwedere, sê ou ammunisie het die reeks ontploffings veroorsaak verlede Woensdag en hy het sedertdien nog nie weer van baie van sy kollegas gehoor nie.

Die owerhede het Sondag by plaaslike inwoners gepleit om versigtig te wees in die teenwoordigheid van ongelanseerde vuurpyle en landmyne.

строительство саунАлександр Фильчаков прокурор

Boesak onthul glo dat Manuel ook skenkersgeld misbruik het

Trevor Manuel, hoof van die beplanningskommissie in die presidentskantoor, is besig om regsadvies in te win oor ’n bewering dat hy geld ontvang het by Allan Boesak se destydse Stigting vir Vrede en Geregtigheid.

Boesak kan weer in die hof 'n draai maak weens onthullings in sy nuwe boek Running with Horses – Reflections of an Accidental Politician, oor watter van sy mede-struggleleiers almal geld in hulle sakke gesteek het.

Boesak, wat ’n Cope-lid van die Wes-Kaapse parlement is, is skuldig bevind en tot tronkstraf gevonnis nadat hy bedrog gepleeg het met skenkersgeld. Hy wou nie in hofsaak getuig nie, en het deurentyd volgehou dat belangrike ANC-leiers geldelik deur die stigting gesteun is.

Thabo Mbeki het uiteindelik aan die bruin predikant presidensiële kwytskelding gegee, waarmee sy misdaadrekord geskrap is.

Rapport het gister berig dat Boesak onder meer Trevor Manuel se vorige vrou asook Christmas Tinto, en sy familie gehelp het.

Boesak vertel ook van ’n besoek van regter Siraj Desai, ’n Kaapse regter met ’n struggle-agtergrond, en hoe die "werklikheid ingeskop het" met regter Siraj Desai wat gesê het hy moet tronkstraf sien as ’n 'laaste opoffering vir die struggle'.

Desai het gesê hy sal eers die boek lees voordat hy kommentaar lewer. Running with Horses word op 12 Junie bekend gestel. 

пескоструйка своими рукамиtopcargo отзыв

MDC eis Mugabe-binnekring se koppe

 Die Zimbabwiese beweging vir demokratiese verandering (MDC) het gister die stadige pas van verandering betreur en geëis dat Gideon Gono, president van die reserwebank, en Johannes Tomana, prokureur-generaal, onmiddellik bedank.

In resolusies wat die party op sy jaarlikse konferensie aanvaar het, het die MDC ook gevra vir ’n streekberaad om verskille tussen Morgan Tsvangirai, sy leier en die premier, en pres. Robert Mugabe op te los omdat dit die eenheidsregering kniehalter.

Die MDC kritiseer al lank Mugabe se besluit om Gono as hoof van die reserwebank en Tomana as prokureur-generaal te behou.

Tsvangirai het die kwessie verlede week probeer ontlont deur te sê die Suider-Afrikaanse Ontwikkelingsgemeenskap moet oor hul toekoms besluit. Nietemin het die MDC in sy resolusies, voorgelees deur mnr. Tendai Biti, MDC-sekretaris-generaal en minister van finansies, gesê albei moet hul poste onmiddellik ontruim in die nasionale belang.

Gono word wyd gekritiseer omdat hy Zimbabwe se ekonomiese vryval en rekord-inflasie nie kon keer nie en Tomana weens politiek gedrewe vervolgings ná verlede jaar se betwiste presidentsverkiesing.

Tsvangirai het sterk teenstand in MDC-geledere gekry oor die magsdelingsooreenkoms wat hy in Februarie met Mugabe gesluit het. Die resolusie maak dit duidelik die party is ongelukkig oor wat konferensiegangers as ’n gebrek aan hervorming en voortgesette intimidasie van hul aanhangers deur pro-Mugabe-militante beskou.

Die party het gesê die regering moet iets doen aan die “stadige pas van media-hervorming, die stadige instelling van die 100 dae-plan, voortgesette ontplooiing van soldate in dorpe en die teenwoordigheid van militante en spookwerkers se name op die regering se salarisstaat”.

Tsvangirai het sy ondersteuners aan die einde van die konferensie probeer paai en gesê hy het nie van die party se oogmerke afstand gedoen nie. “Die oorgangsregering, ’n koalisieregering, is ’n stap na ’n nuwe en demokratiese Zimbabwe.”

Hy het wel sy teleurstelling oor vertragings met die instelling van die koalisie-ooreenkoms uitgespreek. “Ons is teleurgesteld oor die pas van die instelling van party van die kwessies in die omvattende politieke ooreenkoms.

“Die regering se agenda moet nie die party se agenda verwater nie. Ons moet erken kompromieë is waarskynlik, maar ons moet nie demobiliseer nie. Ons moet ons partystrukture bly versterk in voorbereiding van die verkiesing.”
оборудование для сто краснодарАлександр Фильчаков прокурор