Chabane-ongeluk was beplan sê FB-gebruiker

Die familie van die ontslape minister van die Staatsdiens, Collins Chabane, het ‘n klagte teen ‘n Facebookgebruiker, Thembani Chabane, ingedien, het RSG berig.

Chabane beweer dat die ongeluk waarin die minister en sy twee lyfwagte dood is, beplan was.

Chabane en sy twee wagte is dood toe hulle voertuig in die vroeë oggendure naby Polokwane op die N1 teen ‘n vragmotor gebots het.

Chabane wat aanvoer dat hy familie van die voomalige minister is, voer op sy Facebookbladsy aan dat ‘n lid van die ANC se Uitvoerende Komitee in Limpopo die vragmotorbestuurder omgekoop het om die ongeluk te veroorsaak.

‘n Familiewoordvoerder, Percy Chabane, sê hulle het verklarings by die polisie afgelê.

Swart aanvallers sak op ‘n groep wit tieners toe

‘n Video van ‘n groot groep swartes wat ‘n paar wit tieners, vermoedelik van Vryheid, buite ‘n vulstasie in Pongola aanval maak opslae.

Die voorval het omstreeks 03:30 verlede Sondag plaasgevind en is verfilm deur ‘n getuie wat gevra het om anoniem te bly vir veiligheidsredes.

Die rede vir die aanval is onbekend.

Die swart aanvallers kan gesien word waar hulle herhaaldelik die jongmense met stokke slaan, en volgens die getuienis, na suikerrietkapmesse soek waarmee die aanval bloedig kon raak.

Die getuie het gesê Pongola se polisiebeamptes is onmiddellik in kennis gestel en het na die toneel gehaas, maar het nie ingegryp nie.

“Hulle het net gestaan en gekyk met hul hande in hul sakke,” sê die getuie. Die veiligheidswagte het die getuie gedreig om nie die voorval te verfilm nie.

Pongola se SAPD stasiebevelvoerder het die video gesien en gaan glo ‘n dissiplinêre ondersoek van stapel stuur.

Grafte ontdek toe landboubedrog op die lappe kom

Die KwaZulu-Natalse premier, Senzo Mchunu gaan president Jacob Zuma vra om ‘n omvattende ondersoek van stapel te stuur na die grafte wat aan die Suidkus in suikerrietlande ontdek is.

Mchunu het die bykans honderd grafte by die Glenroy-plaas in Dududu besoek.

Hy sê die owerhede wil in dié stadium geen moontlikhede uitsluit oor wat kon gebeur het nie. Aanduidings is egter dat gevangenes wat as arbeiders ingespan is, op die grond begrawe is.

Daar is ook bewerings dat dit mense is wat deur die destydse Veiligheidspolisie vermoor is, het RSG berig.

Intussen is grootskaalse bedrog in die KwaZulu-Natalse departement van landbou ontbloot. ‘n Opposisielid sê sowat 175 miljoen rand het weens onreëlmatighede en wanadministrasie verdwyn.

‘n Forensiese verslag wat verlede maand afgesluit is, is nog steeds nie vrygestel nie.

Die forensiese ondersoek is glo net halfpad afgehandel wat beteken dat die bedrag dalk meer as 300 miljoen rand kan beloop.

Opvolg vir Madiba-nonsens beplan

Die uitgewer, Pan McMillan, sal glo die opvolg van oudpresident Nelson Mandela se boek, Long Walk to Freedom publiseer. Die sal aanstaande jaar die lig sien.

Mandela, wat voorgehou is as die skrywer van Long Walk to Freedom, se spookskrywer is die voormalige Time-redakteur, Richard Stengel.

Vir byna drie jaar het Stengel saam met Mandela geëet, gereis en geleef om op sy outobiografie te skryf.

Stengel sê hy het neergepen wat Mandela “hardop gedink het”, maar kennelik was die doel van die boek om ‘n bepaalde Amerikaanse agenda in Mandela se “eie woorde” te klee.

Die uitgewer beweer nou dit was altyd die oud-terroris se bedoeling om ‘n volledige weergawe van sy tyd as President te publiseer. Die argiewe van die Nelson Mandelastigting bevat glo ‘n persoonlik geskrewe weergawe van die boek.

Pan McMillan sê Mandela se weduwee, Graca Machel, wou sy wense vervul om die opvolg te voltooi.

Die boek gee glo die swart tronkvoël se perspektief op die eerste demokraties verkose regering.

Dit is nie bekend wie die redigering van die geskrewe manuskrip sal behartig nie, nog ‘n aanduiding dat lesers weer die produk van ‘n skaduagtige manipulasie kan verwag.

Nog ‘n renoster val in Etosja

Die eerste renosterkarkas wat vanjaar in die Etosja Nasionale Park gestroop is, is Vrydag gevind. Dit is die vierde karkas wat in vyf maande in dié spogpark gevind is, het die Republikein berig.

’n Karkas van ’n jong renoster met drie koeëlwonde is Vrydag deur toeriste by ’n watergat by Dolomite Camp aan die westekant van die park gevind.

Die hoof van die polisie se eenheid vir beskermde spesies (PRU), hoof­inspekteur Barry de Klerk, het gister die voorval aan Republikein bevestig.

“Dit is bevestig dat ’n renosterbul geskiet is. Hy het sowat ses kilometer ver gehardloop nadat hy gekwes is en by die watergat geval en gevrek,” het De Klerk gesê. “Die horings is nie verwyder nie. Volgens parkbeamptes is die bul sowat vyf jaar oud.”

’n Windhoekse egpaar wat die naweek by Dolomite Camp was, sê hulle is belet om by die watergat in te gaan, want parkbeamptes was glo besig met ’n operasie.

“Later het hulle weer verby ons gery en dit het gelyk of daar iets agterop die lorrie gelê het. Daar was ’n klomp regeringsvoertuie,” het die man gesê.

Die eerste renosterkarkas wat in Etosja gevind is, was einde Oktober verlede jaar in die suidwestelike gedeelte van die park gekry. Die horings van die swartrenosterbul­ was verwyder.

Die renoster was met ’n naspoortoeste­l toegerus en toe die sein skielik verdwyn, het natuurbewaarders­ na die renoster­ gaan soek en die karkas in die omgewing­ van Otjovasandu gekry. Dit word vermoed dat die renoster­ twee of drie dae voor die karkas gevind is, gestroop is.

In November is nóg twee renosterkarkasse met hul horings verwyder in Etosja gevind.

Die twee karkasse is sowat drie tot vier kilometer van mekaar in die omgewing van Ombika gevind.

Volgens die ministerie van die omgewing en toerisme is die een moontlik in Februarie 2014 gestroop en die ander karkas was sowat twee tot drie maande oud.

Een van die verdagtes van renosterstropery in Etosha, dr. Gerson Kandjii, die voormalige spandokter van die Brave Warriors, is tans in aanhouding saam met vier ander be­skuldigdes, nadat hy van die onlangse moord op mnr. Reinhard Schmidt, die Duitse eienaar van die Namibië Hoodia Jagplaas naby Kalkrand, aangekla is.

Minstens 34 renosterkarkasse is verlede jaar in Namibië gevind.

Eskom gerook deur swart bemagtigingsmaatskappye

RSG berig dat kragtariefverhogings nie die astronomiese stygende kostes by Eskom sal dek nie.

Die Kaapse Kamer van Handel en Nywerheid sê dit is onwaarskynlik dat tariefverhogings Eskom sal kan red indien daar nie aandag gegee word aan kostes wat oënskynlik handuitgeruk het nie.

Die president van die Kamer, Janine Myburgh, sê ‘n kwart van Eskom se opwekkingsvermoë is van lyn af vir instandhouding of herstelwerk, maar die koste styg nog steeds.

Myburgh sê primêre energiekoste, hoofsaaklik steenkool, het in die laaste ses jaar van 19 miljard rand tot 70 miljard rand opgeskiet.

Sy sê Eskom betaal na bewering tot vier keer meer as die standaardtarief vir steenkool van sekere swart bemagtigingsmaatskappye.

‘n Energie-ontleder, Ted Blom, sê Eskom se koste skiet die hoogte in omdat hy van sy grondstowwe van maatskappye in swart beheer moet aankoop.

Die opposisie het die Nasionale Energiereguleerder intussen gevra om enige verdere tariefverhogings vir Eskom vir die jaar af te keur.

NERSA het bevestig dat Eskom besig is om ‘n aansoek voor te berei om prysvasstellings te heropen wat die weg sal baan vir nog verhogings in kragtariewe.

Die opposisie sê hulle sal die Minister van Finansies skriftelik nader om hom te vra dat hy die aansoek van die hand wys.

Indien die aansoek goedgekeur word, sal die tariewe op 1 April met tot 23 persent styg.

Eskom spook die afgelope tyd om die ligte aan te hou en sy kredietgradering is tot rommelstatus verlaag na die skorsing van vier van sy uitvoerende hoofde.

Valke-sage duur voort

Berning Ntlemeza, waarnemende hoof van die Valke, is oneerlik en het ‘n gebrek aan integriteit en eer, het ‘n regter van die hooggeregshof Maandag gesê.

“Die derde respondent [Ntlemeza] het besluit om die Opod-verslag en dossier wat in sy besit is van die hof te weerhou,” het regter Elias Matojane in die hooggeregshof in Pretoria gesê.

Volgens Matojane sou die verslag die hof in staat gestel het om ‘n behoorlike beoordeling van die saak teen die applikant te maak. Die applikant is Shadrack Sibiya, geskorste hoof van die Valke in Gauteng.

Ntlemeza het aansoek gedoen om te appelleer teen die hof se vorige beslissing dat Sibiya se skorsing ongrondwetlik was en teruggetrek moet word. Ntlemeza se aansoek is van die hand gewys.

“Ek is van mening dat die optrede van die derde respondent [Ntlemeza] wys dat hy eensydig en oneerlik is. Die derde respondent het onder eed valse verklarings afgelê en dit wys hy is eensydig en het ‘n gebrek aan integriteit en eer,” het Matojane in sy uitspraak gesê. Matojane het in Februarie gelas dat Sibiya se skorsing ongeldig was en Ntlemeza het drie dae hierna appèl aangeteken.

Ntlemeza het Sibiya geskors hangende ‘n ondersoek na sy beweerde betrokkenheid by die onwettige uitlewering van Zimbabwiërs in 2010. Sibiya het aangevoer dat die Onafhanklike Polisie-ondersoekdirektoraat (Opod) bevind het dat hy nie betrokke was by die uitlewerings nie.

Bob Hewitt skuldig aan verkragting

Die voormalige tenniskampioen, Bob Hewitt is in die hof in Palm Ridge aan die Oos-Rand skuldig bevind op twee aanklagte van verkragting en een van onsedelike aanranding.

RSG het berig dat die 75-jarige Hewitt aangekla is van die verkragting van twee van sy voormalige studente, Theresa “Twiggy” Tolken en Suellen Sheehan in die 1980’s, en die onsedelike aanranding van ‘n derde vrou, wie se naam nie bekendgemaak mag word nie.

Regter Bert Bam het beslis dat die staat sy saak bo alle redelike twyfel bewys het.

Bam het gesê die drie klaers het basiese regte, en tyd het nie die misdade uitgevee nie.

Volgens Ban moet ‘n skuldige persoon nie ongestraf bly nie.

Minister bevestig dat De Kock onder toesig is

Die Minister van Justisie, Mike Masutha het bevestig dat die voormalige Vlakplaas-bevelvoerder, Eugene de Kock uit die gevangenis vrygelaat en onder toesig van korrektiewe dienste is, het RSG berig.

Die minister wou glo op versoek van De Kock geen verdere inligting verstrek nie. De Kock het in Januarie parool ontvang, maar dit het verlede week aan die lig gekom dat hy moontlik teen sy sin aangehou word.

De Kock se prokureur, Julian Knight sê hy is deur ‘n tussenganger in kennis gestel dat sy kliënt ontevrede is met die huidige situasie en dat hy met sy lewe wil aangaan.

Volgens berigte word De Kock vir sy eie veiligheid op ‘n geheime plek aangehou.

Malema kom tot wit ikonoklaste se redding

Amerikaners breek Saddam se standbeeld af
Amerikaners breek Saddam se standbeeld af
Die EFF-leier Julius Malema het tot wit ikonoklaste se redding gekom en ‘n beroep op Suid-Afrikaners gedoen om die wet te verontagsaam en alle “apartheid-era simbole”, soos die standbeeld van die voormalige Eerste Minister Louis Botha buite die Parlement, af te breek.

Volgens die Sunday Independent, het Malema ook mense aangemoedig om Cecil John Rhodes se standbeeld by die Universiteit van Kaapstad te vernietig, alhoewel daar reeds konsensus bestaan dat die standbeeld verwyder moet word.

Dit lyk na die jongste poging om Rhodes se standbeeld te red, aangesien enige onwettige optrede sal verhoed dat die standbeeld uiteindelik geskuif word.

Dit is nie seker of Malema bedoel het Rhodes en Botha se standbeelde soos Saddam Hoessein s’n in Irak neergevel behoort te word nie. Die VSA was besonder trots dat hulle Hoessein se standbeeld uit sy voetstuk gebreek het met hulle inval in die land.

Amerika het leuens versprei oor Irak se wapens van massavernietiging wat nooit gevind is nie, om ‘n inval in Irak te regverdig en honderdeduisende burgerlikes en kinders te vermoor.

Malema het intussen gesê hy is nie bekommerd oor die feit dat hy in hegtenis geneem kan word vir die aanhitsing van openbare geweld nie, omdat hy nie ‘n “vrot regering” respekteer nie.

Die jong swart leier, wat toenemend soos nog ‘n buikspreker – ‘n lewendige een – optree, het mense aangemoedig om wit simbole te vernietig, voor ‘n juigende gepeupel in Langa in Kaapstad Saterdag om “menseregte” te vier.

“Ek daag jou uit. Ek daag jou uit. Revolusie is nie ‘n wettige aktiwiteit nie. Jy moet ophou luister na hierdie dinge soos ‘dit is onwettig’. Daar is niks soos dit nie,” het hy gesê.

“Ek daag jou uit, die vegters van die Wes-Kaap, die standbeeld van Louis Botha by die Parlement, dit moet weg…… hoe dit gebeur, ek is nie geïnteresseerd nie… maak ‘n plan met daardie standbeeld.”