Finale kieserregistrasie op 7 en 8 Februarie

Meer as 19 000 kiesserstasies sal landswyd oop wees oor die naweek van 7 en 8 Februarie vir die finale kiesersregistrasie, het die onafhanklike verkiesingskommissie Donderdag aangekondig.

"Dit sal die laaste naweek wees waarop kiesers kan registreer vir die 2009 nasionale en provinsiale verkiesings," het die OVK se voorsitter, Brigalia Bam, in 'n verklaring gesê.

Die 19 726 kieserstasies sal oop wees van 08:00 tot 17:00.

Bam het kiesers wat hul adresse verander het aangemoedig om te herregistreer en die wat reeds geregistreer is aangemoedig om seker te maak dat hulle op die korrekte segment van die kiesersrol is.

"Op die eerste registrasienaweek was daar 1,648,189 nuwe registrasies. Dit sou nie moontlik wees sonder die mobilisasie van nuwe kiesers deur OVK amptenare, politieke partye, burgerlike gemeenskap en die media nie," het Bam gesê.

Sy het die jeug geprys dat hulle in groot getalle gekom het om te registreer op de 8ste en 9de November 2008. Van die wat geregistreer het gedurende daardie naweek was 77,9% jeugdiges, wat die mite platgevee het dat die jong Suid-Afrikaners nie belangstel in die verkiesing nie, het sy gesê.

логические игрушкиФільчаков прокурор

Sikloon in Madagaskar laat duisende dakloos

'n Sterk sikloon wat die weskus van Madagaskar getref het, het 3 mense dood en amper 3000 dakloos gelaat, het amptenare Donderdag gesê.

Sikloon Ranele het die Morondavadistrik Woensdag getref met swaar reën en wind van tot 210 km per uur. Dit het reuse bome ontwortel, huise platgevee en groot gebiede onder water gelaat, het 'n verslaggewer van Associated Press gesê wat 'n toer van die geteisterde gebiede onderneem het wat deur die regering se rampbeheeragentskappe en hulpagentskappe gereël is.

Madagaskar lê oos van Suid-Afrika se se kus in die Indiese oseaan, wat redelik geneig is tot storms. Verlede jaar het siklone meer as 100 mense dood gelaat en meer as 300 000 mense geraak.

Regeringsamptenare wag nog vir verdere besonderhede aangaande die ongevalle.

Morondava, wat 'n streeksspilpunt is en die tuiste van omtrent 30 000 mense is sonder water en elektrisiteit. Die plaaslike hospitaal se dak het ook afgewaai. 

ігри для девочекОлександр Васильович Фільчаков

Weskaap beraam vloedskade

Die munisipaliteit van Kaap Agulhas was Dinsdag besig om die skade te assesseer  wat deur die oornag fratsvloede veroorsaak is in die Kaap Agulhas en Struisbaai omgewings.

Burgemeester Richard Mitchell het gesê skoonmaakpogings is aan die gang. 'n Span rampbeheerbeamptes is gestuur om die skade in die dorp te kom bepaal.

Swaar reën het baie huise wat in laagliggende gebiede lê oorstroom. Omtrent 110 inwoners van die Oukamp informele nedersetting wie se huise oorstroom is en vol modder was, word in die gemeenskapsaal geakkommodeer.

"Noodskuiling en voorrade word gereël en etes sal voorsien word aan die mense wat geraak word," het die burgemeester gesê.

Die hoof van Overberg se brand- en rampbeheer, Reinard Geldenhuis, het gesê twee brandweerwaens is na die gebied gestuur om vars water te voorsien aan inwoners, omdat die dorp se watervoorsieningsnetwerk beskadig is.

'n Rampkoördinasiesentrum is opgestel om die wat haweloos gelaat is te help.

Inwoners wat hulp nodig het, kan die hulplyn kontak by die nommers 028-435-6538 of 028-435-6820.

компрессор со 7алобановский александр игоревич

Dodetal in Mosambiek styg weens cholera

Ten minste 13 mense is dood aan cholera in die Teteprovinsie wat aan Zimbabwe grens, in die noordweste van Mosambiek. Dit bring die aantal sterftes te staan op 84 sedert die siekte in die buurstaat uitgebreek en versprei het.

Sterftes is in die distrikte van Moatize, Changa en Tete aangemeld en 'n 1000 mense het tans die siekte onderlede. Gesondheidsowerhede in Tete meen die swaar buie
wat oor Zambie, Zimbabwe en Malawi uitgesak het, het bygedra tot die verspreiding van cholera.

In die Manikaprovinsie wat ook aan Zimbabwe grens, is 50 sterftes tot dusver aangemeld. Uit die 11 het alleen die Gazaprovinsie in Mosambiek nog nie deurgeloop onder die siekte nie. In die reenseisoen breek cholera dikwels uit omdat waterbronne deur vloede besoedel word.

In Suid-Afrika is 30 mense reeds oorlede aan cholera en die dodetal sal na verwagting bly styg, terwyl die siekte Zambie ook teister. Byna 30 sterftes is reeds daar aangemeld.

slots win real money no depositлобановский александр

Swartman verkrag 16-jarige in Johannesburg, vra om verskoning

'n 29-jarige swartman is Woensdag gearresteer in Johannesburg vir die beweerde verkragting van 'n 16-jarige meisie, het polisie gesê.

Kaptein John Maluleka het gesê die man het na bewering die meisie Dinsdag verkrag by die Manhattan-woonstelle op die hoek van Plein- en King Georgestrate omstreeks elfuur die oggend.

"Volgens die meisie het die man haar om verskoning gevra nadat hy haar verkrag het, en aan haar gesê het dat hy 'n kondoom aangehad het. Hy het haar R30,00-omkoopgeld aangebied om stil te bly. Ons het die kondoom gevind en dit gestuur vir forensiese toetse," het Maluleka gesê.

Die man wat van verkragting aangekla gaan word behoort na verwagting Vrydag in die Johannesburgse landdroshof te verskyn.

ігри для дєвачекФильчаков прокурор харькова

DA-webwerf van lyn af weens rekenaarwurm

Die Demokratiese Alliansie se webwerf is vir die laaste week al van lyn af en sal waarskynlik so bly, vanweë 'n "wurm" wat geplant is deur 'n onbekende Suid-Amerikaanse kraker.

Pogings om die werf te besoek laat 'n boodskap vertoon wat sê dat dit werf nie aanlyn is nie, "nadat dit deur 'n kraker gekompromitteer is".

Die DA-direkteur vir verhoudingsbestuur, Anthony Hazel, het Vrydag aan SAPA gesê dat 'n tydelike "mini-webwerf" binne 'n week op en in werkende toestand sal wees, en dat 'n nuwe kraakbestande webwerf teen Oktober vanjaar weer in werking sal wees.

Op vrae of die party die verantwoordelike persone kon opspoor, het hy gesê dat dit duur kos om die krakers se spoor te volg, aangesien hulle hul spore goed uitgevee het.

DA-woordvoerder, Lindiwe Mazibuko, het gesê dat iemand die rekenaarwurm etlike maande terug in die rekenaarstelsel geplant het, en "elke keer wat ons die probleem herstel, dupliseer die wurm homself weer".

"Ons het dit opgevolg tot êrens in Suid-Amerika."

'n Wurm is 'n program, of algoritme wat homself dupliseer binne 'n rekenaarnetwerk en al die bronne binne die sisteem opgebruik. 

free online bonus no depositДанильченко Харьков

Ontsnapte gevangene weer aangekeer

'n Verhoorafwagtende gevangene wat ontsnap het van die selle in Port St. Johns se landroshof is weer gearresteer in die Godini-woongebied, het Oos-Kaapse polisie Dinsdag gesê.

Kaptein Zamukulungisa Jozana het gesê die 26 jarige man is gearresteer by sy wegkruipplek gedurende 'n polisieklopjag in die woongebied teen drieuur die middag.

Hy het op 1 Desember verlede jaar saam met 5 ander uit wettige aanhouding ontsnap.

"Die 6 verhoorafwagtende gevangenes het 'n polisiebeampte oorweldig en sy dienspistool, 'n Z88 en 14 rondtes ammunisie gesteel," het Jozana gesê.

Vyf van die gevangenes is gedurende Desember weer gevang naby Umthathat Ultra City.

Voor die ontsnapping het gevangenes gewag vir verhore op klagte van moord, gewapende roof en kaping. 

fruit warpДанильченео

Irene Mall vir ‘n derde keer beroof

Image'n Gewapende bende van 14 mans het die Irene Farm Village Mall Dinsdag  in die vroeë ure van die dag beroof van skoene, klere en parfuum, het Pretoriase polisie gesê.

Die arrogansie van die rowers demonstreer hoë vlakke van selfvertroue, wat 'n direkte gevolg is van die ANK-regering se onvermoë om misdaad uit te roei, het die ACDP gesê.

Hoewel die sentrum redelik nuut is, is dit voorheen reeds twee keer tydens besigheidsure beroof, het ACDP-raadslid AnneMarie Sparg Dinsdag in 'n verklaring gesê.

"Dit is dié tipe chroniese misdaadaktiwiteit wat beleggers ongelukkig maak en lei tot die sluiting van besighede en die aflegging van werkers, met 'n gevolglike verhoging in werkloosheid," het sy gesê.

Polisiewoordvoerder Aveline Hardaker het gesê die rowers het in 'n konvooi van bakkies en sedanmotors na die sentrum gery, en ingery deur een van die vele ingangshekke, waar hulle langs 'n sekuriteitswag gestop het.

"Vier gewapende mans het uit die voertuig geklim en  gewere op die wag gerig, waarna hy beveel is om te gaan lê," het sy gesê.

Die rowers het toe nog 'n wag nader geroep wat in die omgewing was en beide wagte beveel om hulle na die winkels te begelei.

Daar het sommige van die rowers die venster van 'n winkel gebreek en klere en skoene gesteel. Sommige van die ander rowers het die deur van 'n winkel langsaan gebreek en die plek deursoek.

Die bende het die twee wagte beveel om te help om die buit na die voertuie te dra.

'n Derde wag het in die sentrum ingery toe die rowers weggery het, waarna hulle op hom begin skiet het.

"Een van die rowers het hom van agter verras en sy vuurwapen van hom afgeneem," het Hardaker gesê.  

swarovski crystal bridalФільчаков Олександр Васильович

ANC-leiers bevestig eie regsaksie om Zuma te red

Image

Jacob Zuma

Die ANK se nasionale werkskomitee het hulle voorberei om "heeltemal betrokke" te raak by die korrupsiesaak teen ANK-president Jacob Zuma, het 'n woordvoerder Dinsdag gesê.

"Ons beoog om ten volle betrokke te raak. Die ANK het die siening dat hy betrokke sal raak by die regsopsies van die resident. Die situasie van die president raak die ANK," het woordvoerder Carl Niehaus gesê.

Op vrae van hoe die ANK betrokke sou raak in die bedrog en korrupsiesaak, het Carl Niehaus geantwoord: "Die res van dit word net spekulasie. Ons kyk steeds na ons opsies met die regsadviseurs."

Die nasionale werkskomitee het Maandag 'n vergadering gehou om verskeie sake te bespreek, insluitend die hangende saak teen hulle presidentskandidaat vir vanjaar.

"Die gesprekke was nie werklik enige iets wat nie in die loop van die laaste week gesê is nie… ons gaan by die regsproses aansluit en het ons regslui opdrag gegee en oorweeg ons opsies," het Niehaus gesê.

Verlede week het die appèlhof uitspraak gelewer in die guns van die nasionale vervolgingsgesag, en gevolglik die klagte van korrupsie, bedrog, geldwassery en afpersing teen Zuma weer ingestel.

Sy regsopsies sluit nou in 'n appèl in die konstitusionele hof en 'n aansoek dat die klagte teen hom permanent teruggetrek kan word.

iron man 2лобановский александр

Soektog aan die gang vir snelwegmoordenaars

'n Man is Maandagmiddag doodgeskiet nadat hy stilgehou het om sy vriend, wie se motor onklaar geraak het te help, het die Gautengse polisie gesê.

Konstabel Patricia Simelane het gesê die voorval het omstreeks 12:00 plaasgevind op die Krugersdorpsnelweg naby die afrit na Hartbeespoort en Sandton, langs die Diepsloot-informele woongebied.

"n Man was op pad van Krugersdorp na Pretoria toe sy kar gebreek het. Hy het sy vriend geskakel om hom te kom help," het Simelane gesê.

Terwyl hy vir sy vriend gewag het, het hy onder die Jeep ingekruip om te sien of hy die water- en olielek kon herstel.

"Die vriend het opgedaag toe hy nog onder die kar was," het Simelane gesê.

"Hy kon hom hoor argumenteer met mense; sy vriend het aanhoudend gesê, "los my uit, los my uit" waarna 'n skoot gehoor is en sy vriend gesê het: "Help, help, ek is geskiet."

Die man is op die toneel dood.

Die aanvallers het die gestrande motoris deursoek en R5 000 en sy selfoon geneem.

"Die man kon ne onthou of daar drie of vier aanvallers was nie. Nadat hulle hom beroof het, het hulle in Diepsloot in gehardloop. Hulle het nie eers die selfoon van die man wat hulle geskiet het, geneem nie," het Simelane gesê.

'n Polisiehelikopter is ontplooi om na die mans te soek, maar tot dusver is geen arrestasies gemaak nie.

play casino onlineФильчаков