Suider-Afrika Archives - Page 740 of 888

Mugabe wil Zim-dollar aan rand verbind

Zimbabwe sal dit oorweeg om die Zim-dollar te koppel aan die rand, maar gaan nie die rand as geldeenheid aanneem nie, het president Robert Mugabe gesê in ‘n onderhoud wat Donderdag gepubliseer is.

“Ek kan nie sien dat ons die rand as ons hoofgeldeenheid aanvaar nie. Selfs in Sadu, die Suider-Afrikaanse doeane-unie het lede hulle eie geldeenheid, al gebruik hulle die rand,” het Mugabe aan die Harare-gebaseerde Herald Online gesê.

“Botswana het sy pula, Namibië het sy dollar, Lesotho, Swaziland, hulle almal het hul eie geldeenhede. Maar hulle baseer dit op die rand, en dit is iets wat ons kan oorweeg om hier te doen.”

Mugabe het gesê “op die oomblik gebruik ons alle internasionale geldeenhede".

“Toe die idee geopper is om mense in Amerikaanse dollar te betaal was ek daarteen en ek is steeds gekant daarteen omdat ons net nie genoeg buitelandse geld het nie. Dit is ‘n probleem wat ons selfs nou in die gesig staar.”

“Persoonlik dink ek ons behoort die Zim-dollar te herwaardeer op ‘n manier wat dit vir ‘n tyd lank sal vasmaak in ‘n verhouding met die rand. Ons sal dit vir ‘n tyd beskerm terwyl ons produksie verhoog. Maar ons moet dit beskerm.”

Mugabe het gesê sommige Zimbabwiërs het begin om te spekuleer met die Zim-dollar.

“Die probleem is dat mense van Zimbabwe spekulante geword het. Daar is sommige mense, wat as mens sê die Zim-dollar is vier teen een met die rand, hulle dit onmiddellik agt of tien tot die rand sal maak.”

“So vind die eskalasie op ‘n daaglikse basis plaas. Ons behoort die waarde van die plaaslike geld vas te maak volgens wet en dit vir nou daar te hou. Ek wil dit met die minister van finansies , Tendai Biti, bespreek.”

“En hoe maak mens dat dit werk? Deur produksie te verhoog in landbou, vervaardiging, mynwese, en die mense kan goedere en dienste verkry en dan kan mens dit blootstel aan fluktuerings in die mark,” het Mugabe gesê.

Span ondersoek breinvliesontstekingdood

‘n Uitbraakreaksiespan het Dinsdag ‘n skool in Senaone in Soweto besoek ná ‘n leerling dood is aan virale breinvliesontsteking, het die Gautengse departement van gesondheid gesê.

'n Woordvoerder Phumelele Kaunda het gesê die 7-jarige seun van Emaweni-laerskool is Maandag in die Chris Hani Baragwanath-hospitaal dood aan virale breinvliesontsteking.

Die uitbraakspan het Dinsdag die skool besoek.

Die span het die situasie by die skool geassesseer en inligting gegee aan lede van die gemeenskap wat bang is vir ‘n uitbraak van die siekte.

{mosbanner:id=10}

“Niemand is gevind wat tekens van die siekte het nie, en ook nie van die dodelike bakteriële breinvliesontsteking nie.”

“Die oorsaak van die dood en die implikasies is aan die ouers verduidelik en sal oorgedra word om vrese van ‘n uitbraak te besweer in die skool sowel as die gemeenskap,” het Kaunda gesê.

Simptome sluit in erge hoofpyn, koors, braking, irriteerbaarheid, verminderde bewustheid en uitslag op die liggaam.

Die siekte versprei deur druppels vloeistof vanuit die mond, neus en keel van mense wat die siekte onder lede het.

“Om breinvliesontsteking te voorkom, moet mens kontak vermy met enige iemand wat die siekte vermoedelik het, en ook hande was indien mens aan so 'n persoon geraak het.”

“Diegene wat enige van die simptome ervaar, of wat in kontak was met iemand wat breinvliesontsteking het, behoort onmiddellik aan te meld by ‘n gesondheidsorgfasiliteit, waar hulle ondersoek sal word en die nodige medikasie sal ontvang,” het Kaunda gesê.

pearl and diamond Лобановский Харьков

‘Verander klag teen taxibestuurder na moord’ – VF Plus

Conrad Beyers

Die Vryheidsfront Plus het die Direkteur van Nasionale Vervolgings se Pretoria-kantoor versoek om die klag van strafbare manslag teen die taxibestuurder wat vir Bernadine Kruger se dood verantwoordelik is, na ‘n klag van moord te verander.

Volgens dr. Conrad Beyers, VF Plus-raadslid in die Tshwane-metroraad, kan die taxibestuurder op grond van die regsbeginsel van dolus eventualis van moord aangekla word, volgens regsadvies wat deur die party ingewin is.

Hiervolgens kan ‘n oortreder wat kon voorsien en hom daarmee versoen dat sy aksies tot iemand se dood (direk of indirek) sou lei, en steeds met daardie aksies voortgaan, aan moord skuldig wees.

{mosbannder:id=10}

“Alle inligting van ooggetuies dui daarop dat Bernadine se dood nie bloot die resultaat van roekelose bestuur is nie, maar dat daar ‘n element van opset was om haar raak te ry om haar uit die taxi se pad te dwing. Dit is moord en nie strafbare manslag nie”, het Beyers gesê.

Die VF Plus het ook gesê dat ondersoek ingestel moet word oor waarom die taxibestuurder nie op die toneel in hegtenis geneem is nie. “Dit is onaanvaarbaar dat taxibestuurders telkens die voordeel van die twyfel gegun word wanneer hulle oortree. Dit is een van die oorsake van taxibestuurders se roekelose en uitdagende houding jeens die reg en mede-padgebruikers. Hulle tree eenvoudig op asof hulle nie onderhewig aan die reg is nie.”

free online Александр Фильчаков

Soweto-ma vir kinderverwaarlosing gevang

‘n 23-jarige ma van Soweto is gearresteer vir kinderverwaarlosing ná sy haar kinders gelos het om Johannesburg toe te gaan, het polisie Woensdag gesê.

Inspekteur Kay Makhubele het gesê die vrou het haar 7-jarige en 2-jarige kinders in haar huis in Zondi toegesluit en weggegaan om ‘n paar dae saam met haar kêrel te gaan deurbring.

{mosbanner:id=10}

Bure het agtergekom iets is fout en het die plaaslike gemeenskapspolisiëringsforum vir raad geskakel.

Hulle het probeer om die kinders te red, maar uiteindelik die polisie geskakel om te kom help. Die kinders is uit die huis verwyder en na ‘n plek van veiligheid geneem.

Die ma is uiteindelik opgespoor en Dinsdag gearresteer en sal haarself nou in die Protea-landdroshof moet verdedig.

для хамама Александр Фильчаков

Vrystaatse boer tronk toe oor ‘grafskending’

‘n Vrystaatse boer wat ‘n paar geforseer het om hulle baba se oorskot op te grawe is gevonnis tot twee jaar gevangenisstraf, is Woensdag berig.

Landdros Deon van Rooyen het Fanie Hyman (52) van Koppies, in die landdroshof op Koppies Dinsdag gevonnis, het die Sowetan en Volksblad berig.

Hyman het Maria Mnisi en haar man, Phineas Johnson, gedwing om die orskot van hulle tweeweke oue baba op te grawe ná hy ‘n argument gehad het met Johnson.

{mosbanner:id=10}

Johnson het bedank, maar Hyman het Johnson beveel om sy baba se oorskot met hom saam te neem, waarna hy die twee gedwing het om die kis op te grawe.

Hy het hulle daarna Pretoria toe geneem en hulle moes in die reën agter op die bakkie sit met die kis wat in swart plastieksakke toegedraai was.

Hyman, wat aangedui het dat hy gaan appelleer teen die vonnis, is skuldig bevind aan grafskending.

Александр Фильчаков

Ban besoek ‘n armer Afrika

Ban Ki-moen

Die VN-sekretarisgeneraal Ban Ki-Moen het ‘n negedaetoer van Afrika begin deur Dinsdag aan VN-personeel te vertel dat die wêreld se ekonomiese probleme nie hulle pogings om armoede te verlig, oorlog en die gevolge van klimaatsveranderinge in die wiele moet ry nie.

“Selfs te midde van die globale finansiële krisis, kan ons deur saam te werk steeds beter daaraan toe wees,” het hy gedurende ‘n dinee met 'n paar dosyn top-VN-personeel in Suid-Afrika gesê.

Ten spyte van meer as ‘n half triljoen dollar se hulp wat aan Afrika bestee is in die 50 jaar sedert die eerste Afrikalande onafhanklikheid verkry het, is baie Afrikane nou armer as ‘n kwarteeu terug.

Totale hulp aan Afrika, van die wêreld se rykste nasies, beloop minder as eenderde van 1% van hulle gekombineerde nasionale inkomste, baie minder as die VN-teiken van 0,7%.

Ban en sy vrou, Joe Soen-Taek het in Johannesburg aangekom vir sy eerste amptelike besoek aan Suid-Afrika sedert hy twee jaar terug die hoof van die VN geword het.

Ban beplan om die besoek aan Afrika af te sluit in Egipte, by die oord van Sharm el-Sheik, waar verteenwoordigers van omtrent 80 skenkerlande beoog om geld vir die herbou van Gasa te belowe.

{mosbanner:id=10}

Hy beplan ook om die anti-apartheidsikoon Nelson Mandela te ontmoet, asook voormalige president Thabo Mbeki en Jacb Zuma, die regerende party se presidensiële kandidaat.

Ban kyk na maniere vir die VN om te help in Zimbabwe, gegewe Suid-Afrika se belangrike streeksrol. Mbeki bly die SAOG-bemiddelaar in Zimbabwe, en die ANK sal na verwagting die verkiesing wen in Suid-Afrika se nasionale verkiesing op 22 April.

Ban se assistente sê hulle hoop sy Afrikatoer kan verhoudings tussen Kongo en die naburige Rwanda ook verbeter.

Фильчаков

8 Vermeende kapers gevang

Polisie het 8 vermeende kapers gevang in Langa, het ‘n woordvoerder Dinsdag gesê.

Die agt, tussen ouderdomme van 16 en 29 is Sondag en Maandag gearresteer, het inspekteur Odwa Makupula gesê.

Die wat gearresteer is kyk na een klag van kaping, twee klagte van die onwettige besit van vuurwapens en ammunisie, drie klagte van besit van vermoedelik gesteelde goedere en vier klagte van opsetlike beskadiging van eiendom.

Makupula het gesê een van die mans is gearresteer na ‘n kar weggejaag het by gedurende ‘n polisie stop en soek operasie.

Die bestuurder van die kar, wat Saterdag as gesteel aangemeld is het in ‘n muur vasgery. Twee van die insittendes het weggehardloop maar ‘n derde een is gevang.

“Opvolg aksies het gelei tot die arrestasie van 7 ander mans by ‘n huis in Langa gistermiddag (Maandag),” het Makupula gesê.

“Ons het ook twee handwapens en ammunisie gevind, digitale kameras en selfone is ook gevind – alles bevestig as gesteelde goed – wat in hulle besit was. Ons soek steeds na twee manlike verdagtes.”

Maphisa-Nqakula doen aansoek om te appelleer

Mapisa-Nqakula

Die minister van binnelandse sake Novisiwe Mapisa-Nqakula het Maandag by die konstitusionele hof aansoek gedoen vir verlof tot appèl teen die uitspraak van die Pretoriase hofbeslissing dat Suid-Afrikaners wat in die buiteland woon die reg het om te stem, het SAUK-nuus berig.

Waarnemende regter Piet Ebersohn het vroeër vandeesmaand bevind dat dele van die verkiesingswet en verkiesingsregulasies ongrondwetlik is.

Dit was omdat hulle mense wat op kort besoeke is aan die buiteland en diplomatieke personeel in die buiteland toelaat om te stem, maar nie ander burgers wat in die buiteland woon nie.

Die Vryheidsfront Plus wat agter die hofsaak is, vra nou dat die konstitusionele hof die uitspraak moet bevestig.

In die kennisgewing aan die hof wat Maphia-Nqakula Maandag ingedien het, beweer sy dat Ebersohn foute gemaak het in byna al sy bevindings.

Onder die foute is dat om sekere klasse van mense nie toe te laat om te stem nie polities van aard is, en dat om net sekere mense toe te laat om te stem diskriminasie is.

Die minister het ook die aansoeke van ander politieke partye teengestaan wat by die saak wil aansluit ter ondersteuning van die VF+.

Die konstitusionele hof het Woensdag en Vrydag volgende week opsy gesit om al die aansoeke te hoor.

free casino slots Александр Фильчаков

VN-humanit?re span ontmoet Zim-leiers

‘n VN-humanitêre span wat in Zimbabwe is om die land se humanitêre krisis te assesseer, het Maandag vergader met president Robert Mugabe en die nuwe eerste minister Morgan Tsvangirai, het ‘n amptenaar gesê.

“Die VN-span het die nuwe eerste minister ontmoet gedurende die oggend en die president laat in die middag; hulle het humanitêre sake bespreek,” het die amptenaar aan AFP gesê.

Die VN wil ‘n samewerkingspoging skep met die regering oor hoe om die humanitêre sake aan te spreek,” het die amptenaar gesê, en bygevoeg dat meer besonderhede oor die vergadering Dinsdag vrygestel sal word.

Die span wat gelei word deur Catherine Bragg, die VN se assistentsekretarisgeneraal vir humanitêre sake, is op ‘n 5 dae besoek aan die land wat deur krisisse oorweldig is, na amper ‘n dekade van ekonomiese wanbestuur.

Bragg het Sondag gesê “Die doel van die besoek is om die realiteit van die situasie in Zimbabwe te verstaan.”

Die span sluit in verteenwoordigers van die Wêreld Gesondheidsorganisasie (WHO), die Wêreld Voedsel Program (WVP) en die VN Kinderfonds (UNICEF).

Zimbabwe stry tans teen ‘n cholera-epidemie wat meer as 400 mense dood gelaat het, ‘n ernstige voedseltekort en ‘n ekonomie wat in vryval verkeer.

Suid-Afrikaanse president, Kgalema Motlanthe, die voorsitter van die SAOG het die organisasie se ministers van finansies die week byeen geroep om ‘n plan te maak om Zimbabwe uit die krisis te help.

Twee weke gelede is Tsvangirai ingesweer as eerste minister, waardeur hy aangesluit het by sy eertydse teenstaander Mugabe in ‘n regering van nasionale eenheid.

гольфа для девочки Данильченео

De Beers gaan twee myne in Botswana sluit

Botswana se hoofmynmaatskappy het Maandag gesê dat hulle twee diamantmyne vir die res van die jaar sluit en 588 poste verminder om die dalende aanvraag te hanteer te midde van die globale ekonomiese afplatting.

Debswana, wat besit word deur die regering en die diamantreus De Beers, het gesê hulle gaan operasies by noordelike myne in Orapa en Damtshaa staak.

Twee ander myne wat gesluit was sedert die Kersvakansie sal egter weer op 14 April begin werk, het die maatskappy bygevoeg.

‘n Verslag wat verlede week deur De Beers uitgereik is, het aangedui dat produksie by Debswana met 4% gedaal het van 33,6 miljoen karaat in 2007 tot 32,3 miljoen karaat in 2008.

De Beers het verlede jaar ‘n 6,9 miljard wins aangekondig, wat 0,8% op is, weens die toenemende aanvraag in die eerste 9 maande van 2008. In die laaste kwartaal het aanvraag gedaal regoor die wêreld, volgens die maatskappy.

Botswana is die wêreld se grootse produsent van diamante per volume en per waarde. Ongeslypte diamante is die land se grootste industrie, wat 50% van openbare inkomste bydra, 33% van bruto binnelandse produk en 70% van buitelandse verdienste.

справка форма 086у