Kategorie: Nuus

Israel, Hamas kondig nuwe skietstilstand aan

Met die internasionale klimaat wat al swaarder op Israel en die VSA weeg weens hul voortgesette aanvalle in die besette Gasa-gebied, het die twee strydende partye ingestem tot ‘n “humanitêre” skietstilstand.

Israel en die VSA wou egter nie aan dieselfde tafel van aangesig tot aangesig teenoor Hamas sit nie. Die ooreenkoms is deur bemiddelaars gesluit.

Dié skietstaking van 72-uur sal om agtuur Vrydagoggend in werking tree. Gasa se water en elekrtisiteit sal tot ‘n minimum herstel word en familielede ‘n kans gun om hul dooies te begrawe.

Onderhandelaars aan beide kante sal steeds in Kaïro in Egipte vergader om glo ‘n langtermyn-oplossing vir die geweld te probeer vind, maar die kanse vir vrede lyk skraal.

Amerika het binne ure nadat Israel ‘n VN-skool aangeval het, nog wapens aan Irsael gelewer.

Kerry het voorts gesê dat Israelse magte intussen in Gasa sal aanbly en steeds sy “defensiewe” operasies mag voortsit ten opsigte van die vernietiging van tonnels waardeur wapens na Israel gesmokkel word.

Die Amerikaanse Minister van Buitelandse Sake, John Kerry en die sekretaris-generaal van die Verenigde Nasies, Ban Ki-Moon het die skietstaking in ‘n gesamentlike verklaring bekendgemaak.

Kort voordat die jongste skietstaking aangekondig is, is nog 14 Palestyne dood in ‘n grond- en lugaanval in die Gasagebied.

Die Israelse weermag sê vyf van sy soldate is ook dood in ‘n mortieraanval naby die grens met Gasa.

Brittanje heropen polonium-saak na pedofilie-onthullings aanhou

Brittanje het Donderdag skielik die ondersoek na die dood van die voormalige Russiese agent Alexander Litwinenko heropen. Dit kom agt jaar nadat hy vergiftig is met radioaktiewe polonium.

Die Britse minister van binnelandse sake, Theresa May, bevind haarself tans midde-in ‘n groot pedofilietoesmeerskandaal waarby top-leiers van haar Konserwatiewe Party en die koninklike gesin glo betrokke is.

Prins Philip se voormalige persoonlike assistent is Woensdag aangekla dat hy ‘n kind seksueel misbruik het terwyl hy in die 1970’s vir die koninklike familie gewerk het.

Volgens ‘n polisiewoordvoerder sal Benjamin Herman Maandag in ‘n hof in Londen verskyn. Hy staan tereg op drie aanklagte van onsedelike aanranding – tussen 1972 en 1974 – van ‘n 12-jarige meisie.

Rusland sê die ondersoek na hulle agent is heropen om politieke redes. Litwinenko, ‘n voormalige KGB-beampte, het in 2000 na Brittanje gereis om op Russiese oligarge in Londen en Israel te spioeneer. In November 2006 is Litwinenko aan polonium 210-vergiftiging dood. Die Russiese regering ontken betrokkenheid by sy dood.

Die staatsaanklaer het in reaksie op May se besluit gesê, daar is geen nuwe getuienis wat na vore gekom het nie. Die vorige ondersoek het getoon dat Rusland nie met sy dood verbind kan word nie.

Die belangrikste kinkel in hierdie geval egter het in 2012 na vore gekom ná onthullings deur Marina Litwinenko, sy weduwee se prokureur dat die voormalige Russiese spioen na bewering vir Brittanje se MI6, sowel as vir die Spaanse geheime diens gewerk het.

Tot dusver het die Britte hul saak gebou alleen op artikels, onderhoude en inligting uit die media,” sê Maksim, Litwinenko se broer. “Ons het nie ‘n enkele amptelike dokument gesien wat die oorsaak van die dood verklaar nie.”

Litwinenko se familie hoop dat ‘n openbare ondersoek sal toelaat dat geheime, sensitiewe regeringsmateriaal vrygestel sal word.

Rusland se ambassadeur na die Verenigde Koninkryk, Alexander Yakowenko, het verlede week gesê dat die Britse owerhede die getuienis in hulle besit in die openbaar moet vrystel, en dat Rusland nie enige uitspraak deur ‘n geheime hof sal aanvaar nie.

Universiteitskoshuis aan die brand gesteek

’n Vrouekoshuis by die Mangosuthu Universiteit van Tegnologie (MUT) in Durban is vroeg Donderdagoggend in ligte laaie gelaat en 15 studente moes vir rookinaseming behandel word.

Thami Mchunu, studentedekaan, het Donderdag gesê ’n saak van brandstigting word deur die polisie ondersoek.

Die brand is kort ná middernag gestig. Studente en veiligheidspersoneel van die universiteit kon daarin slaag om die brand te blus.

Prof. Mashupye Kgaphola, visekanselier, het gesê die skade beloop ongeveer R90 000.

Die universiteit is die afgelope week deurgeloop onder oproerige studente. ’n Groep studente wat hul die Progressiewe Jeugalliansie noem eis dat alle studente geregistreer moet word, ongeag hoeveel geld hulle die universiteit skuld in terme van uitstaande studiegelde.

Swartes het nie ‘n saak met anti-apartheidsmuseum nie

Swart inwoners het die sluiting van ‘n museum ter ere van anti-apartheidshelde genoop, en hulle beskuldig nou die owerhede dat hulle ‘n “huis vir dooie mense” gebou het, terwyl hulle in haglike omstandighede moet leef.

Die Red Location Museum in New Brighton Port Elizabeth was nie lank gelede nie, ‘n toeriste-magneet waar honderde “geheuebokse” met die verhale van anti-apartheid-aktiviste, insluitend die voormalige president Nelson Mandela, uitgestal is.

Die moderniteit van die R22 miljoen gebou, wat verskeie internasionale argitektoniese toekennings gewen het, staan ​​in totale teenstelling met die plastiek- en sinkplaatstrukture wat dien as huise vir die omliggende swart gemeenskap.

Hulle het nie ‘n saak met die monument wat vir hulle “bevryding” opgerig is nie en herken niks daarin wat vir hulle van belang is nie.

Die museum is nege maande gelede noodgewonge gesluit na dreigemente deur inwoners om besoekers aan te rand. Pogings om dit te heropen is met gewelddadige oproer begroet.

Die webwerf beweer dit is “gesluit is as gevolg van gemeenskapsprotes”, in een van die oudste lokasies van Port Elizabeth.

Die gebou is nou gestroop deur die mense wat hulself gehelp het aan elektriese bedrading, waterpype, kragproppe, omheining en houttoebehore vir hul plakkershutte.

Sekuriteitswagte is ‘n ruk gelede gehuur om die perseel te patrolleer, maar hulle het hul poste verlaat uit vrees vir hul lewens. Dit is glo voorheen as ‘n “navorsingsfasiliteit” deur geskiedkundiges gebruik.

“Die toestande is erg. Die omheining is in verskeie plekke geknip en daar is geen beligting nie,” sê ‘n wag.

“Selfs die deksels van die dreine buite is gesteel. Dit is gevaarlik, jy weet nie wanneer jy aangeval sal word nie,” het hy gesê.

Chris du Preez, die museum se waarnemende assistent-direkteur, sê dat geen artefakte of dokumente gesteel of beskadig is tydens die plundering nie.

Die museum het die 2006 Lubetkin-prys gekry, toegeken deur die Royal Institute of British Architects as die beste nuwe gebou buite die EU.

Die gebou sal gesluit bly.

Hof beslis in Transnet-pensioenarisse se guns

Die Noord-Gautengse Hooggeregshof het Donderdag in Transnet-pensioenarisse se guns beslis het dat hulle wel as ‘n groep teen Transnet en die regering kan eis.

Die kwessie is van 2006 in die parlement geopper deur die VF+, maar sonder sukses. Daarna is die hofproses uiteindelik gevolg.

Jaap Cilliers en Leon Kellerman, albei senior advokate, het die saak op ‘n gebeurlikheidsbasis aanvaar omdat daar soveel menseregteskendings teen die pensioenarisse plaasgevind het.

Van die pensioenarisse wat as leiers en koördineerders opgetree het, soos Piet van Rensburg is intussen oorlede, maar talle ander streeksorganiseerders het ingestaan.

Die bevel is met koste toegestaan teen die respondente, nadat die regter teen die ANC en Transnet beslis het.

Transnet en die regering het hulself waarskynlik ‘n krediet-degradering op die hals gehaal met hul onverskilligheid teenoor wit pensioenarisse.

Dit kan Transnet se uitbreidingsplanne striem met lenings wat moeiliker toegestaan sal word weens ‘n laer gradering.

“Die enigste manier hoe Transnet van hierdie swaard oor sy kop ontslae kan raak, is om so gou moontlik die saak met die pensioenarisse te skik.

“Die proses vorentoe is nou dat daar in talle hoofstroom-koerante advertensies geplaas gaan word om die publiek bewus te maak van die klasaksie en om die wat nie deel daarvan wil wees nie, die geleentheid te bied om uit te teken. Daarna word die volgende hofdatum vasgestel.

“Ons is hoopvol dat die volgende saak nog hierdie jaar kan plaasvind,” het ‘n regsverteenwoodiger namens Transnet gesê.

SA op hoë gereedheid teen Ebola, sê minister

Dr. Aaron Motsoaledi, die minister van gesondheid, het Woensdag gesê Suid-Afrika is op ’n hoë gereedheidsgrondslag en voorsorgmaatreëls word getref om te keer dat die Ebola-virus hierheen versprei.

“Ons bewusmakingsprogramme is uiters effektief,” het Motsoaledi gesê.

Suid-Afrikaners hoef nie paniekbevange te raak dat die Ebola-virus uit Wes-Afrika ‘n gevaar inhou nie.

Sedert die Ebola-epidemie – die grootste tot nog toe in die geskiedenis – het die gesondheidsdepartement in samewerking met die Nasionale Instituut vir Oordraagbare Siektes(Nios) kennisgewings aan beamptes by toegangspunte na Suid-Afrika gestuur.

Dit sluit die burgerlugvaartowerheid ook in.

Gesondheidswerkers het ook opdrag gekry om op te let vir reisigers wat onlangs in Wes-Afrika was.

Die virus het reeds tot die dood van meer as 670 gelei.

Kaapse treinstasies gesluit weens oproerige pendelaars

Metrorail moes inderhaas elf treinstasies tussen Philippi en Nyanga op die Kaapse Vlakte sluit weens oproerige pendelaars.

Intimidasie en geweld deur gefrustreerde reisigers is aangemeld nadat duisende gestrand is omdat vandale sinjaalkabels by ‘n sleutelkruising gesteel het.

Sowat 80 treine in die gebied is erg ontwrig, en die skade word op byna twee miljoen rand geraam.

Busdienste sal Donderdag Kaapse pendelaars na hulle werk vervoer.

Duisende pendelaars sal na verwagting die hele Donderdag vertragings beleef.

Die Wes-Kaapse minister van vervoer, Donald Grant, het die dade van vandalisme skerp veroordeel.

‘n Woordvoerder van Metrorail, Riana Scott, het bevestig dat die polisie die misdaad ondersoek. Scott sê die kabels wat gesny is, is multilynkabels en tot 37 dunner kabels is binne in een groot kabel saamgevoeg.

Sy sê hulle reken dat dit sowat twee-en-‘n halfmiljoen rand sal kos om dit te vervang.

NGV het glo nie al Selebi-getuienis blootgelê nie

Die Nasionale Vervolgingsgesag is volgens berigte besig met ‘n interne ondersoek na die vervolging van die voormalige nasionale polisiekommissaris, Jackie Selebi.

Volgens die koerant The New Age het Selebi se familie en regspan ‘n klag gelê dat die vervolgingsgesag nie al die getuienis in sy besit bekendgemaak het tydens Selebi se hofsaak nie.

Die geskorste hoof van die NVG se eenheid vir integriteitsbestuur, Prince Mokotedi, het aan die koerant bevestig dat die klag ondersoek word.

Mokotedi gaan na verwagting môre sy bedankingsbrief by die NVG indien.

Selebi is in Augustus 2010 tot 15 jaar tronkstraf gevonnis nadat die hof bevind het dat hy omkoopgeld van die dwelmhandelaar, Glenn Agliotti ontvang het.

Hy is in 2012 op mediese parool vrygelaat.

Bron: RSG

Vermeende kaper in Fourways geskiet

Die bestuurder van ‘n voertuig wat na bewering gekaap is in Randburg, is in deur die polisie geskiet.

Die polisie het die bestuurder agternagesit, in Witkoppenweg en skote op die voertuig gevuur.

Die motor het toe in die heining van ‘n sakeperseel op die hoek van Main- en Witkoppenweg in ‘n heining vasgejaag.

Volgens polisiebeamptes op die toneel is die verdagte voertuig, ‘n silwer Honda Civic deur hulle opgemerk en agtervolg.

The bestuurder is tydens die skietery gewond en is na ‘n nabygeleë hospitaal geneem.

Fourways Review se nuusredakteur, Daniella Potter was op die toneel en het gesê die verkeer in Witkoppenweg was ‘n tyd lank ontwrig, maar is weer normaal.

Oproer by Medunsa omdat studente druip: dis ‘rassisme’

Terwyl die ANC en SAKP gewoonlik ontken dat swartmense onder die vorige regering toegelaat is om wiskunde te doen en om in die medisyne te studeer, weerspreek die bestaan van Medunsa dié stellings.

‘n Voortslepende tudentestaking by dié mediese universiteit om swart dokters op te lei, het oor die afgelope week tot geweldige skade gelei en studente laat niemand op die kampus toe totdat daar aan hul “eise voldoen” is nie. Hulle versper die ingang met brandende buitebande en steek ook voertuie aan die brand.

Onder andere beweer studente dat “rassistiese professore” hulle moedswillig druip. Dis onduidelik of die professore wit of swart is.

Die oproerige studente het aan die polisie in hul Njala-voertuig geskree:

“Ons is nie bang vir hulle nie! Ons soek hulle.”

Die studente word ondersteun deur die swart studente-organisasie, Sasco, wie se woordvoerder verklaar het:

“Die universiteit diskrimineer teen sekere studente en laat hulle opsetlik druip.”

Studente eis ook meer geld van die nasionale studentebeursskema, NSFAS.