Kategorie: Nuus

Agent Max du Preez prys SA se ‘amper-rewolusie’

Te midde van brandstigting en geweld het Max du Preez swart studentebetogers geprys vir die “belangrike mylpaal” wat hulle vir Suid-Afrika behaal het.

Du Preez, se opmerkings volg nadat president Jacob Zuma Vrydag aangekondig het daar sal geen klasgeld-verhogings in 2016 wees nie.

Du Preez, wat reeds gebrandmerk is as ‘n agent vir buitelandse belange met sy herhaaldelike onsinnige “ontledings”, het aan OFM-nuus gesê die oorwinning skep die moontlikheid van ‘n “nuwe era”.

Volgens hom was dit verblydend om te sien die swart jeug “redelik” is en “hoe sterk geartikuleerd” hulle oorgekom het.

Dit kom nadat studente etlike dae lank klasse en veral eksamens ontwrig het om op ‘n 0%-verhoging in klasgeld aan te dring.

Hy sê die feit dat swart studente saamgestaan het en hul stempel afgedruk het, is ‘n eerste sedert Suid-Afrika ‘n demokrasie geword het.

Betogers van verskeie tersiêre instellings oor die land heen, het met #FeesMustFall ‘n merkwaardige oorwinning behaal, sê Du Preez.

Hy het gesuggereer dat die Zoeloe-faksie in die ANC se hegemonie en “oordonderende houding” jeens Xhosagemeenskappe nou tot ‘n einde gekom het.

Intussen het dit duidelik geword dat geen Zoeloefiguur in die ANC, selfs nie eens die minister van hoër onderwys, Blade Nzimande, onder enige druk verkeer oor die opstand nie.

Volgens Du Preez toon dit dat die “swart middelklas” – ‘n eufemisme vir die Xhosa-faksie en hul buitelandse handlangers – erg ontevrede is oor die manier hoe die regering bestuur word.

Daarmee het hy uiteindelik toegegee dat die Xhosa-faksie wou munt slaan uit die betoging en dit aangemoedig het om ‘n verleentheid vir die Zoeloes te skep.

Die veldtog het gegaan oor hoe die regering mense behandel, sy arrogansie en korrupsie, het Du Preez erken. “Dit was amper ‘n revolusie.”

Volgens hom het die regering geen ander keuse gehad as om aan studente hul sin te gee nie. Hy is oortuig daarvan dat regeringsgeld maklik van minder noodsaaklike besteding sal vloei na universiteite.

Zuma het ook aangekondig dat met die goedkeuring van rektore, die eksamens vir ‘n week uitgestel sal word weens die tyd wat met die betogings verlore gegaan het.

‘n Tussendepartementele taakspan sal intussen ander “uitdagings” in die tersiêre sektor ondersoek.

Vermiste DA-adjunk steeds soek in Nepal

‘n Grondsoektog na die adjunkleier van die DA in Noordwes, Petro Nel, wat saam met ‘n Russiese vlieënier meer as twee weke gelede in Nepal in ‘n mikroligte vliegtuig vermis geraak het, duur voort.

Die DA se provinsiale voorsitter, Carin Visser, sê die Russiese weermag het intussen by die soektog aangesluit.

Nel, wat van Klerksdorp is, en Valeri Puten het op 8 Oktober van Pokhara op ‘n besigtigingsvlug in die Annapurna-berge in die Himalajas vertrek en nooit teruggekeer nie. ‘n Lugsoektog is verlede week afgelas.

Nel het verlede Vrydag haar 59ste verjaardag gevier.

Volgens haar is dit nog onduidelik wanneer Nel se man JC en hul seuns, John-J en Juan, wat nou in Nepal is, na Suid-Afrika terugkeer. Nel se man het verlede Donderdag op Facebook gevra mense moet vir Petro bid en ‘n kers vir haar aansteek.

Die weermag in Nepal en plaaslike vrywilligers neem deel aan die grondsoektog.

Puten se seun, ook ‘n vlieënier, het hom ook by die soektog aangesluit.

Swart studentebetogers verloor stoom

Terwyl studentebetogings besig is om momentum te verloor, het die Nasionale Vergadering ‘n blitsdebat geskeduleer oor transformasie in hoër onderwys.

Verskeie studenteleiers sal na verwagting die debat by die parlement met ‘n duidelike anti-wit strekking bywoon.

Talle wit studente wat betrokke was by die opstand, het na afloop gesê hulle is deur swartes aangesê om nie deel te neem nie, want dis ‘n swart opstand waar wittes nie welkom is nie.

Die minister van hoër onderwys, Blade Nzimande sal die debat lei, wat sal fokus op ‘n “gebrek aan transformasie, en rassisme” asook gratis tersiêre onderrig.

By die Universiteite van Pretoria en Wits en die Tshwane Universiteit van Tegnologie is daar tot ‘n vergelyk gekom.

Klasse sal vandag by die Universiteit van Pretoria begin, terwyl die TUT en die Universiteite van Kaapstad en Witwatersrand Woensdag sal voortgaan.

Verskeie ander universiteite het intussen ooreenkomste met opstokers bereik, maar ontevredenheid heers steeds by sekere instellings.

Die visekanselier en rektor van die Universiteit van die Vrystaat, Jonathan Jansen, wou nie betogers Maandag toespreek nie.

Dit is volgens die Suid-Afrikaanse Studente-kongres se voorsitter in die Motheo-distrik, Bongani Zwane.

Sasco het voor die hoofgebou van die UV se Bloemfontein-kampus saamgedrom in die hoop dat Jansen hulle sou toespreek rakende terugvoer op ‘n griefskrif wat hulle verlede Maandag aan universiteitsbestuur oorhandig het.

Die griewe sluit onder meer duur studierekords en koshuisgelde in.

Intussen sê Zwane het Jansen ingestem om die grieflys Dinsdag in ontvangs te neem. Hy sê word tans reëlings getref om na Jansen se kantoor op te ruk.

By die Universiteit van Limpopo het geweld op die Turfloop-kampus uitgebreek.

Dertien studente is in hegtenis geneem nadat betogers onder meer kafeterias by die kampus beskadig en geplunder het, slegs ure nadat betogers ‘n griefskrif aan die universiteitsbestuur oorhandig het.

Die dertien sal verskyn op aanklagte van kwaadwillige saakbeskadiging en diefstal.

Die woordvoerder van die universiteit, Kgalema Mokgoba sê hul vernaamste eise soos die kwessie van gratis onderrig berus by die nasionale regering. Die omvang van die skade op die kampus is nog nie bepaal nie.

Die Universiteit van Kaapstad is besig om die aanklagte teen van sy studente en werkers weens die oortreding van ‘n hofinterdik, terug te trek.

Die universiteit is ook in gesprek met die Nasionale Vervolgingsgesag om die aanklagte teen betogers wat die parlement bestorm het, te laat vaar.

Twee vooraanstaandes uit die Xhosa-faksie se seuns is in hegtenis geneem tydens die oproer waar onluste-polisie van skokgranate moes gebruikmaak om die stormloop te keer.

Die aangekeerdes sluit die seuns van die eerwaarde Frank Chikane en die visekanselier van die universiteit, Max Price in.

Nege-en-twintig studente is verlede Donderdag met ‘n waarskuwing vrygelaat, met hul volgende hofverskyning wat op 23 Februarie aanstaande jaar moet plaasvind.

Tuks heropen ná gister se ontwrigting deur swart studente

Die Universiteit van Pretoria heropen vandag nadat dié instelling gister weereens tot stilstand gekom het toe lede van die EFF, Sasco en opgeruide swart studente aktiwiteite ontwrig het. Blanke studente in die biblioteek is aangesê om die kampus te verlaat of daar sal geweld teen hulle gebruik word. Hierna het die universiteit ‘n Engelse boodskap aan alle studente per sms uitgestuur waarin verrigtinge vir die dag opgeskort is:

Students, academic activities are suspended for today, due to disruptions by students. Further info will follow on the web later today.

Blykbaar het die universiteit sedertdien met die radikale swart studente gesprek gevoer, want intussen het die rektor en visekanselier, prof. Cheryl de la Rey, die volgende boodskap op die UP-webblad in Engels en Afrikaans gepubliseer:

Die Visekanselier en Rektor van die Universiteit van Pretoria het vandag (26 Oktober 2015) indringende gesprekke met die verteenwoordigers van al die studenteliggame gevoer.

‘n Formele ooreenkoms tussen al die partye is onderteken, waarin daar ooreengekom is dat akademiese aktiwiteite op 27 Oktober 2015 sal hervat.

Die aangepaste skedule vir eksamens sal sou gou as moontlik gekommunikeer word.

Dekane sal verdere kommunikasie spesifiek tot hul fakulteite hanteer rakende reëlings vir die herskedulering van toetse, indiening van werksopdragte en ander akademiese aktiwiteite.

Alle amptelike inligting rakende toetse, werkopdragte en eksamens sal beskikbaar gestel word op die UP-webtuiste en ClickUP.

Soos ons terugkeer na normale akademiese aktiwiteite, vertrou ek dat studente en UP-personeellede sal fokus op die opkomende jaareindeksamens en die afsluiting van die akademiese jaar.

Prof CM de la Rey
Visekanselier en Rektor

‘Meeste studente by universiteite is swart’

Die minister van hoër onderwys, Blade Nzimande sê sommige universiteite se probleme is toe te skryf daaraan dat die regering ‘n slagoffer van sy eie sukses is.

Nzimande het gesê die aantal swart studente aan universiteite het sedert 1994 toegeneem, die meeste studente is swart en die universiteite het boonop uitgebrei.

Nzimande sê die land kán wel gratis onderwys bekostig, maar die geld moet uit die privaatsektor kom.

Hy sê al die finansiële implikasies van klasgelde wat nie vir 2016 verhoog sal word nie, is nog nie duidelik nie. Die tekort blyk sowat drie miljard rand te wees.

Nzimande het voorts erken dat daar sedert 1994 ‘n daling in regeringshulp aan universiteite is.

Die aankondiging oor klasgeldverhogings wat verlede week tot landwye betogings gelei het, het etniese politieke faksies binne die ANC en EFF gemobiliseer.

Die opstand het by talle instellings tot geweld, plundery en brandstigting gelei.

President Jacob Zuma sê ernstige oorweging word tans geskenk aan die hersiening van universiteite se outonomie.

Hy het by die Oliver Tambo-gedenklesing in Port Elizabeth gesê die siening is dat daar ‘n verskil moet wees tussen die outonomie van universiteite en akademiese vryheid.

Die sekretaris-generaal van die ANC, Gwede Mantashe vroeër gesê universiteitsrade en visekanseliers misbruik hul outonomie om studente uit te sluit.

Die DA sê intussen die regering moet sy aandeel in Vodacom wat vir R2 miljard verkoop is, gebruik om universiteite te befonds.

Die DA sê ‘n verdere sowat R720 miljoen wat aan die departement van internasionale betrekkinge toegeken is om die verswakking van die rand teen te werk, kan eerder aan universiteite gaan.

Korrupsie gedy onder swart skoolhoofde

Swart skoolhoofde is klaarblyklik nóú betrokke by die verkoop van eksamenvraestelle of die verskaffing van antwoordstelle aan leerlinge tydens toetse.

Dit is volgens die verslag van Corruption Watch getiteld “Die verlies van beginsels” wat Donderdag vrygestel is.

Die grootste deel van gerapporteerde gevalle kom uit die Vrystaat, Gauteng, KwaZulu-Natal en die Oos-Kaap.

Een van Corruption Watc se amptenare Leanne Govindsamy sê hulle het ook bevind dat daar geen gevolge vir die korrupte skoolhoofde is nie.

Corruption Watch het meer as 1 100 gevalle van korrupsie aangeteken sedert hulle begin het met hulle skoleveldtog.

In hierdie verslae, word 54% van alle skoolhoofde as die primêre skuldiges in korrupte aktiwiteite aangedui.

Kaapstad, Wits gesluit omdat betogers wil aanhou

Die akademiese program aan die Universiteit van Kaapstad sal Maandag gesluit bly, het die instelling Sondag via Twitter aangekondig.

“Na deeglike oorweging sal die kampus gesluit wees môre, Maandag, Oktober 26, 2015,” het die Universiteit getwiet.

Dit kom nadat ‘n Xhosa-faksie oor verhogings vir 2016 by universiteite begin betoog het.

In ‘n opstand wat gekenmerk is deur geweld, is President Jacob Zuma versoek om klasgelde nie vir volgende jaar te verhoog nie.

Intussen het amokmakers by die Universiteit van die Witwatersrand beloof om hul #FeesMustFall-veldtog voort te sit totdat daar aan al hul eise voldoen word, insluitend gratis onderwys vir almal, het hulle Saterdag aangekondig.

Een van die betogerleiers van die beweging, die EFF se Wits-organiseerder Vuyani Pambo het gesê die besluit om voort te gaan met die veldtog is op Saterdagmiddag op die kampus geneem.

“Die besluit is geneem in ‘n massavergadering vandag [Saterdag] dat ons moet voortgaan omdat ons nie kry wat ons wil hê nie, naamlik gratis onderwys.”

Ten spyte van Zuma se onderneming dat klasgelde nie volgende jaar verhoog sal word nie, het ‘n woordvoerder van die NWU se Mafikeng-kampus, Sondag gesê daar is aanduidings dat die kampus Maandag gesluit gaan bly.

Alle akademiese bedrywighede word egter vandag by die Universiteit van Pretoria hervat, maar eksamens sal eers van Woensdag af geskryf word.

Die biblioteek en studiesentrums sal ook vandag oop wees en die gewone Maandag-rooster sal gevolg word.

Hersiene toets- en eksamenroosters sal dié week aan studente gegee word.

Wit Sweed dood twee in ‘rasse-aanval’

Anton Lundin Pettersson het twee mense gedood en twee ander met ‘n swaard beseer by ‘n skool in Swede.

Vrydag het die Sweedse polisiehoof Niclas Hallgren verklaar dat die man wat twee mense gedood het “deur rassistiese motiewe beweeg is”.

“Ons is daarvan oortuig dat die aanvaller deur rassistiese motiewe beweeg is,” het hy gesê. “Ons het tot hierdie gevolgtrekking gekom op grond van wat ons gevind het toe ons sy woonstel deursoek het, sy optrede tydens die gebeure en ook op die basis van hoe hy sy slagoffers gekies het.”

Hy het glo die anti-immigrasieparty, die Sweedse Demokrate, en ander regse politici op Facebook ondersteun.

Die swaardaanvaller van Trollhättan is eers later in die hospitaal aan sy wonde dood, nadat hy deur die polisie buite die skool geskiet is.

Die media het voor hy dood is reeds berig dat hy “doodgeskiet” is, maar die hospitaal waar hy opgeneem is, het die berigte weerlê.

Volgens ‘n woordvoerder van die hospitaal is hy gedurende ‘n noodoperasie wat op hom uitgevoer is, dood.

Die 21-jarige verdagte het ‘n masker en ‘n swart uniform gedra, vermom soos ‘n karakter uit die film Star Wars.

Hy het ‘n onderwyser en ‘n skoolkind met sy swaard vermoor en nog ‘n onderwyser en ‘n kind is in ‘n kritieke toestand in die hospitaal.

Die aanvaller het na bewering voor die aanval foto’s saam met skoolkinders geneem.

Volgens berigte het van die skoolkinders gedink dit is ‘n poets vir Halloween.

Navorsers sê Trollhättan die mees gesegregeerde stad in Swede, met immigrante wat almal gekonsentreer is in Kronogården.

Die Saab-fabriek is in Trollhättan geleë en sou hierdie jaar twee keer meer immigrante ontvang as die vorige jaar, naamlik 160 000.

Dit is die derde soortgelyke voorval van sy soort te midde van oplaaiende weerstand teen massa-immigrasie wêreldwyd.

In die twee vorige gevalle het Anders Breivik en Dylan Roof glo ook uit rassistiese oorwegings moorde gepleeg.

Duisende ruk op vir massasaamtrek in Pretoria

Tienduisende betogers is tans besig om op te ruk na die Uniegebou. Studente-organsisasie Sasco het swart skoolkinders en werkers aangemoedig om deel te wees van die “studenteprotes”.

News24 berig dat betogers, talle geklee in swart, reeds by die Universiteit van Pretoria saamgetrek is en besig is om mekaar op te sweep.

Honderde betogers is ook van Johannesburg na Pretoria onderweg om deel te neem aan die massa-betoging oor universiteitsgeld by die Uniegebou.

Hulle word ingebus vir die massasaamtrek.

Studenteleiers en die bestuur van tersiêre instellings in die land vergader vanoggend met president Jacob Zuma om ‘n oplossing vir die voortslepende onrus en geweld te kry wat universiteite regoor die land lamlê.

Die studente eis dat universiteitsgeld nie aanstaande jaar verhoog word nie.

Die sekretaris-generaal van die ANC, Gwede Mantashe het intussen ‘n beroep op sy partylede gedoen om politieke binnegevegte te staak en eerder te help om ‘n oplossing vir die studentebetogings te vind.

Mantashe het gereageer op berigte dat die ANC Jeugliga in Gauteng die Minister van Hoër Onderwys, Blade Nzimande gevra het om te bedank.

Die liga sê Nzimande het nie aan sy mandaat voldoen om met die proses te begin om gratis hoër onderwys te verseker en om tersiêre onderrrig te transformeer nie.

Nzimande het sosiale media aan die brand met sy oproep vir ‘n #StudentsMustFall-beweging as hulle weier om ‘n universiteitfooitoename van 6% te aanvaar.

“… As die studente dit nie aanvaar nie sal ons ons eie beweging begin ‘studente moet val’,” het hy gesê by ‘n perskonferensie vroeër hierdie week.

Mantashe sê die studente-betogings moet nié gesien word as protes teen die ANC of die regering nie.

Mantashe sê ‘n memorandum met betogers se eise, sal aan die regering oorhandig word.

Duisende betogers het Donderdag buite Luthuli-huis in Johannesburg byeengekom om die memorandum aan Mantashe te oorhandig.

Hy sê die eise in die memorandum sal in vandag se vergadering tussen President Jacob Zuma, universiteitleiers en studente-verteenwoordigers bespreek word, maar die betogers moet ophou om die leierskap te probeer verneder.

Betogers het Mantashe Donderdag beveel om te sit toe hy hulle wou toespreek.

In Londen was wit “raadgewers” druk besig om swartes te help met ‘n betoging voor die Suid-Afrikaanse missie wat vandag in “solidariteit” sal plaasvind.

Moslemhulporganisasie steun opmars na Uniegebou

Die hulporganisasie Gift of the Givers het kos en drinkgoed aan betogende studente belowe by die Uniegebou.

Tienduisende beplan ‘n opmars na die Uniegebou in Pretoria waar hulle deur President Jacob Zuma toegespreek sal word.

Die presidensie het in ‘n verklaring gesê dat Zuma met die universiteits- en studente-leiers sal vergader om die situasie wat gelei het tot landwye protes, te besleg.

Betogers is ontevrede oor ‘n 6% verhoging in klasfooie.

Gift of the Givers se Imtiaz Sooliman sê hulle het die studente ondersteun in hul ‘n oproep vir toegang tot gehalte-onderwys.

Hy sê hierdie oproep is veral belangrik vir studente uit benadeelde agtergronde.