Die hulporganisasie Gift of the Givers het kos en drinkgoed aan betogende studente belowe by die Uniegebou.
Tienduisende beplan ‘n opmars na die Uniegebou in Pretoria waar hulle deur President Jacob Zuma toegespreek sal word.
Die presidensie het in ‘n verklaring gesê dat Zuma met die universiteits- en studente-leiers sal vergader om die situasie wat gelei het tot landwye protes, te besleg.
Betogers is ontevrede oor ‘n 6% verhoging in klasfooie.
Gift of the Givers se Imtiaz Sooliman sê hulle het die studente ondersteun in hul ‘n oproep vir toegang tot gehalte-onderwys.
Hy sê hierdie oproep is veral belangrik vir studente uit benadeelde agtergronde.
Leave a Reply
You must be logged in to post a comment.