Vrystaat polisieman eis omkoopgeld

'n Polisieinspekteur sal na verwagting Donderdag in die hof verskyn het nadat hy omkoopgeld geëis het van twee vroue wat wou aansoek doen vir 'n dranklisensie.

Die 43-jarige man by die Kogisanongpolisiestasie in Mangaung het na bewering die twee ouerige dames wat 'n drankwinkel wil oopmaak vir geld gevra, het senior superintendent Motantsi Makhele in 'n verklaring gesê.

Die twee het by die provinsiale kommissaris gaan kla en 'n lokval is gestel vir die inspekteur.

Hy is Woensdag gearresteer na hy na die huis van een van die twee gegaan het waar hy na bewering R1500 ontvang het. Hy gaan aangekla word van korrupsie.

воронеж латкиФільчаков Олександр Васильович прокурор

Paar vermoor in plaasaanval

'n Noord-Kaapse vrou is vermoor in 'n plaasaanval en haar vriend is later dood nadat hy gyselaar gehou is in 'n voertuig wat die diewe gesteel het en later mee gebots het, het polisie Woensdag gesê.

Kaptein Cherelle Ehlers het gesê drie mans het ingebreek in die huis op 'n plaas in Brandvlei en die paar se huishoudster aangerand.

Toe die paar omtrent 17:00 by die huis kom, het die rowers te voorskyn gekom en die boer se vriendin, Loudine van Blerk doodgeskiet.

Hulle het die boer, Willouw De Klerk Cilliers en die huishoudster, wie se naam nie onmiddellik bekend is nie, vasgemaak.

Hulle is in die boer se Toyota Corolla geboender maar gedurende 'n wilde jaagtog naby Williston het die boosdoeners beheer oor die voertuig verloor en dit laat rol.

Terwyl 2 rowers waggehou het oor die boer en die huishoudster het die derde rower terug gegaan na die plaas en die boer se Toyota Hilux bakkie gesteel.

Hy het dit terugbestuur na sy medepligtiges en hulle gevangenes en hulle het weer verder gery.

Hulle het daarna met die bakkie gebots en Cilliers is op die toneel dood aan sy wonde.

Polisie het later van Blerk se lewelose liggaam in die huis aangetref.

By die huis het hulle die derde rower gearresteer.

Verskeie vuurwapens is gevind in beide voertuie, by 'n dam in die omgewing en in die plaashuis.

воздухосборник горизонтальныйФильчаков прокурор отзывы

Noorwe? skort hulp aan Madagaskar op

Noorweë het Donderdag gesê dat 'n verbod op verdere hulp aan Madagaskar wat vroeër die week ingestel is in plek sal bly onder die nuwe regering van president Andry Rajoelina, wie se amp nie internasionaal aanvaar word nie.

Noorweë, wat jaarliks 90 miljoen krone se hulp aan Madagaskar gee blyk die enigste land te wees wat die opskorting van hulp geld aangekondig het, ten spyte van ander se dreigemente gedurende Madagaskar se politieke krisis.

автомойку высокогоФильчаков Харьков

Onderwyser vas vir verkragting van leerling

'n Onderwyser by Indumo is gearresteer vir die beweerde verkragting van een van sy leerlinge, het KwaZulu-Natal se polisie Donderdag gesê.

Kaptein Jabulani Mdletshe het gesê die onderwyser is Woensdag op die skool se terrein in boeie weggeneem.

Die man het klaarblyklik met die 17-jarige leerling van Indumo, in noordelike KwaZulu-Natal gesels op 8 Maart en haar gevra om saam met hom na sy vriendin se huis toe te gaan.

"Sy het dit gedoen, maar toe hulle daar aangekom het was daar niemand nie."

Hy het haar toe na bewering verkrag.

Dae later het 'n ander onderwyser gesien die meisie is depressief, waarna die meisie vertel het wat gebeur het.

Die polisie en die meisie se ouers is daarna in kennis gestel.

светильник линейный светодиодный с выключателемДанильченко Юрий Брониславович Харьков

Graad 11 en 12 leerlinge mag dalk teruggesit word

Meer as 200 graad 11 en 12 leerlinge by 'n skool in Khaylitsha skool is deur die Wes-Kaapse departement van onderwys meegedeel dat hulle punte vir die 2008 jaar verkeerd uitgewerk is en dat hulle dalk teruggesit kan word na vorige grade.

Die departement het die skoolhoof van Mathew Goniwe Memorial High geskors hangende 'n ondersoek oor verskille tussen punte wat aan die departement gegee is en die wat in die skool se eie rekords aangeteken is.

Leerlinge moet nou wag vir die departement se distrikskurrikulumadviseurs om deur "elke eksamen vraestel en antwoordstel te werk om 'n duideliker beeld te kry van wat gebeur het", het die departementele woordvoerder Paddy Attwell gesê.

Volgens verslae het leerlinge onderwysers beskuldig dat hulle die punte hoër gemaak het om meer leerlinge te laat slaag aan die einde van 2008, 'n aksie wat volgens die onderwysregte groep Equal Education vroeër die week "onrus" veroorsaak het by die skool.

Maar Attwell het Woensdag gesê dit lyk "op hierdie stadium" nie of punte verhoog is nie.

"Ons amptenare kyk meer na hoe die punte aangeteken is en hoe dit geïnterpreteer is," het Attwell gesê.

Hy het gesê 210 leerlinge in graad 11 en 12 word deur die ondersoek geraak.

Die leerlinge bly in hulle huidige grade terwyl die ondersoek voortduur.

slot machinesАлександр Фильчаков Васильевич

Geen arrestasies in R170 miljoen dwelmvonds

Geen arrestasies is gemaak in verband met Dinsdag se dwelmvonds van R170 miljoen by die O R  Tambo lughawe nie, het polisie Donderdag gesê.

Misdaadintelligensie en Interpolwoordvoerder Tummi Golding het gesê daar is geen nuwe ontwikkelings in die polisieondersoek in die saak nie.

Die 565kg dwelms is ontdek by die Johannesburgse lughawe gedurende 'n roetine ondersoek van vlug EK761 van Pakistan kort na dit geland het die Dinsdagmiddag.

Golding het vroeër gesê ondersoek sal gedoen word om vas te stel of bemanningslede betrokke is.

Golding het ook gesê die polisie gaan kyk of daar 'n skakel tussen die Johannesburgse vonds en nog een in Brasilië verlede week is, toe 57 mense, insluitend lughawepersoneel, polisiebeamptes en bemanningslede gearresteer is.

асти игристоеФильчаков прокурор харьков

Frankryk deur nuwe vlaag stakings getref

Image‘n Nuwe vlaag landwye stakings deur woedende werkers wat eis dat president Sarkozy meer doen om die ekonomiese krisis te bestry, het Frankryk Donderdag getref.

Spoorvervoer deur Frankryk is ontwrig, hoewel die hoëspoed TGV-treine wat Frankryk met ander Europese nasies verbind normaal loop. In Parys blyk dit dat baie mense net by die huis gebly het aangesien verkeer op die moltreine gedurende spitsverkeer heelwat minder beknop was al gewoonweg.

Skole, hospitale en die posdiens is ook geraak. Parys se polisie het twee roetes uitgelê deur die hoofstad, in plek van die normale een, vir die skares wat verwag word in ‘n protesmars wat na verwagting vroeg die middag sal begin. Unies het ‘n beroep gedoen op werknemers in die openbare en privaatsektore om aan te sluit by die stakings.

Die ongewone besluit is geneem om die oorvloed van optoggangers te hanteer van die Place de la Republique af na die Place de la Nation in oostelike Parys.

“Die opmars is wettig en nuttig vir die land. Miskien sal die owerhede as gevolg van die betoging besluit om te reageer op die goed wat vir die Franse belangrik is,” het die voormalige sosialiste presidentskandidaat Segolene Royal Donderdag op RTL radio gesê.

‘n Staking laat in Januarie het tussen 1 en 2 miljoen mense in die strate van Frankryk gehad. Weke later het President Sarkozy maatreëls aangekondig om mense te help wat deur die finansiële krisis geraak word, insluitend spesiale bonusse vir die behoeftiges. Vakunieleiers wil verdere onderhandelings hê om meer maatreëls in plek te kry om dié te help wat sukkel as gevolg van die krisis.

Sarkozy het aan ministers tydens ‘n kabinetsvergadering Woensdag gesê dat hy “die kommer van die Franse verstaan”, maar hy het gesê dat hy geen verdere planne het vir addisionele maatreëls nie.

Die begrotingsminister Eric Woerth het gesê dit wat reeds aangekondig is sal maatskaplike uitgawes in 2009 met byna $13 miljard verhoog.

Volgens die baie sterk CGT-unie word sowat 200 protesmarse beplan vir Donderdag en Vrydag in Frankryk. Die unie het lede in verskeie sektore van die ekonomie.

гостиная с каминомпрокурор Фильчаков

Beweerde rowers op heterdaad betrap

Vyf gewapende mans is Dinsdag gearresteer nadat hulle in ‘n huis in Kempton Park gevang is wat hulle probeer beroof het, het die Ekhurulenipolisie gesê.

Kaptein Jethro Mtshali het gesê die mans wat by die huis aangekom het in ‘n wit Toyota Condor is deur bure op die perseel gesien.

Die buurman het die polisie geskakel wat die mans in die huis gevang het. Die mans het klaarblyklik die familie aangehou en met telefoondrade vasgebind voor hulle die huis deursoek het.

Mtshali het gesê ‘n vuurwapen is ook gevind.

Die mans is aangekla van gewapende roof, besit van ‘n ongelisensieerde vuurwapen en ammunisie.

Hy het gesê die mans sal in die Kempton Park se landdroshof verskyn wanneer polisie vasgestel het of hulle verbind is aan ander misdade.

тамбов жидкоеФильчаков Александр Васильевич

Skole getref deur rekenaarbedrogspul

Mpumalanga skole word nou deur mense bedrieg wat belowe om rekenaars te skenk aan die skole en ruil vir ‘n “deposito”, het die provinsie se onderwys departement Donderdag gesê.

Woordvoerder Jasper Zwane het gesê die skole is gevra om eers ‘n deposito van tussen R1000 en R4000 te betaal as versekering vir die rekenaars.

“Die gesiglose mense skakel die skole en belowe dat die (onderwys) departement, in samewerking met bekende instansies, die rekenaars gaan skenk,” het Zwane gesê.

“Tot hede het twee skole rondom Nelspruit sulke oproepe gekry vanoggend (Donderdag).”

Hy het gesê die skole moet die besonderhede van die persoon neerskryf en die insident aan die polisie en die onderwys departement rapporteer.

“Dit sal die departement in staat stel om die omvang van die probleem vas te stel en help om die bedrieërs vas te trek,” het Zwane gesê.

для водоснабженияпрокурор Фильчаков

Resessie laat Amerikaners visvang

ImageTerwyl Amerikaners duur vakansies, etes en inkopie-uitstappies verminder, verkies baie om die rustige tydverdryf van visvang weer aan te pak, volgens die sporthengelindustrie en verslae van aaswinkels en hengelaars.

Van die ysige noorde tot vlieghengelstrome in Texas, is hengel aan die toeneem. Vir families is dit ‘n goedkoop manier om uit te kom. Die met ‘n slag vir die tydverdryf kan die kosrekening laat krimp en vir die wat onlangs uit hul werk is, is dit iets om te doen.

“Ek sien baie meer hengelaars hier,” het John Miller, eienaar van Bob’s Sport & Tackle in Katonah, New York gesê. “Met die ekonomie wat so sleg is, en mense wat hulle werk verloor en nie by die huis wil sit en niks doen nie.”

“Die goedkoper alternatief is om te gaan visvang,” het hy gesê.

In ‘n vorige resessie in Amerika van 2001 tot 2002, het uitgawes op hengelgerei met 12% gestyg tot $343 miljoen, volgens die National Sporting Goods Association (NSGA), ‘n handelsliggaam wat rekord hou van hoeveel mense op sportgoedere spandeer.

Wanneer mens die koste van visstokke, hengelgereikaste, aas, lyne en ander toerusting inreken, is hengel as ontspanning in Amerika ‘n $2,2 miljard industrie, volgens die vereniging se data.

Sportnetwerk ESPN het 44 bladsye bygesit in hulle “Bassmaster” tydskrif, op versoek van verskaffers van bote en toerusting wat wil adverteer.

In Texas het die verkoop van vislisensies heelwat toegeneem in onlangse maande, het Tom Harvey, ‘n woordvoeder vir die Texas Parke en Wildlewe departement gesê.

In Lewisville, Dallas, sê Mike Hamilton, ‘n 47-jarige vlieghengelaar dat die visvang iets is wat hy kan doen sonder om baie geld te spandeer.

“Ek glo nie daaraan om baie geld te spandeer op my tydverdryf nie,” het hy gesê terwyl hy in die stroom staan met die vliegstok in die hand.

Alan James Nute, eienaar van A.J.’s Bait & Tackle shop het gesê die verkoop van aas is 25% hoër die seisoen.

Een van die redes hoekom meer mense  visvang is omdat dit nog lekker goedkoop is, amper enige iemand kan dit doen.

“Sommige mense se werkure is verkort en nou het hulle naweke vry. Of hulle het hulle werk verloor en het niks ander om te doen nie,” het hy gesê.

In 2007, toe die Amerikaanse ekonomie begin terugsak het, het die spandering op visstokke en katrolle ‘n 10 jaar hoogtepunt van $356 miljoen bereik, het die NSGA gesê. Data vir verlede jaar is nog nie beskikbaar nie.

John Konz, 65, wat werk by ‘n watersuiweringsaanleg in Texas het gesê die lae koste is een van die goed wat hom na die sport aangetrek het. Hy het sy vliegstok gereed gemaak het op die bank van ‘n forelstroom wat $5 per dag kos om by te gaan visvang.

“Wat anders kan mens doen wat jou net $5 per dag gaan kos?” het hy gevra. “Mens kan nie verkeerd gaan met visvang nie.”

что лучше ультразвуковая чистка зубов или air flowФильчаков прокуратура харьков