Nuus Archives - Page 1262 of 1583

Kernreus EDF huur privaatondersoekers

Dit is nie 'n toneel uit 'n spioenasiefilm nie, maar 'n alledaagse, wettige verskynsel: Die wêreld van privaatondersoek.

Die sakeman in die vyfsterhotel se sitkamer het geen idee dat 'n span van vier mense hom alreeds ure lank volg nie. 'n Vrou wat naby hom plaasgeneem het en oënskynlik verveeld deur 'n tydskrif blaai, is eintlik besig om na sy selfoongesprek in te luister.

Kargus Konsultante is maar een van duisende maatskappye in dié lukratiewe bedryf wat daarin spesialiseer om inligting te versamel, 'n duur en tydrowende werk veral as fisieke agtervolging ter sprake is. Van Kargus se kliënte is Nestlé en Chanel. Meer bekend nog is ondersoekmaatskappye soos Kroll. Rekenmeesters weer gebruik dikwels hul eie opgeleide spanne.

Die klein Britse maatskappy Kargus sê ten minste vier mense is nodig om een persoon te volg. Daarby moet 'n voertuig, verskillende stelle klere en hope tyd bygereken word. Een professionele spioen vra gemiddeld byna R800 per uur.

Welbekende metodes soos 'n kamera by 'n voordeur, waarvan joernaliste dikwels gebruik maak om bekende persoonlikhede te volg, is nie onwettig nie, volgens Kargus. Daarbenewens gebruik hulle oop bronne waaruit hulle genoeg inligting kan versamel.

Kargus is onlangs deur die Franse elektrisiteitsvoorsieningsmaatskappy EDF gehuur teen R130 000 per maand om die bewegings van anti-kernkragaktiviste soos Greenpeace te monitor. Die skuif van die Franse het wenkbroue laat lig omdat kernkrag 'n uiters sensitiewe aangeleentheid is wat deur die staat behartig word.

Amptenare van die EDF is intussen aangekla omdat hulle sogenaamd spioene aangestel het om op Greenpeace te spioeneer regoor Europa. Een van die aangeklaagde veiligheidsmanne ontken dat hy die Greenpeacenetwerk gekraak het, maar het erken dat Greenpeace en ander groepe sedert 2002 dopgehou word.

Frankryk worstel steeds met hulle openbare beeld rakende kernkrag vanweë die Rainbow Warrior, Greenpeace se vaartuig, wat in 1985 deur Franse intelligensie gesink is.

Die EDF-spioenasiekwessie is voorbladnuus in Brittanje waar die EDF kort gelede British Energy, die Britse kernmaatskappy, oorgeneem het.

Brittanje is een van die lande waar kernkrag kwaai kritiek ontlok.

slots on line

IMF gaan goud verkoop

Leiers van die G20 het die IMF se plan om 403 ton goud op die mark gesit, ondersteun. Die IMF sê hulle wil daarmee die wêreld se armste lande van hulp wees. Daarbenewens sal die goudprys laag gehou word wat sal meewerk om beleggers te oortuig om nie aandele te versaak nie.

Die IMF het in 'n verklaring gesê dat hulle die "addisionele fondse van goudverkope sal aanwend om finansiële konsessies aan die armste lande toe te staan". Die ondersteuning van lidlande dui daarop dat die plan later vanjaar goedgekeur sal word.

Die IMF beoog al sedert 2007 om goud te verkoop om hulle inkomste aan te vul en die balansstaat te versterk. Maar die plan moet deur 85% van hulle 185 lede goedgekeur word.

Die VSA, wat 17% van die fonds se stemkrag hou, het daarmee ook vetoreg. Amerika het die IMF intussen laat weet dat hulle die goedkeuring van die Kongres sal moet verkry om voort te gaan.

Die Amerikaans tesourie het verlede jaar aangekondig dat hulle goedkeuring deur die Kongres sal nastreef.

Die IMF hou meer as 3 200 ton goud en is die grootste houer in die wêreld na die VSA en Duitsland. Die IMF se goud kom van lidlande wat verplig word om 25% van hulle kwota goud aan die fonds te gee. Hierdie goud mag nie deur die fonds verkoop word nie.

Wat hulle wel van die hand mag sit is die addisionele 403,3 ton goud wat hulle deur buitemarktransaksies bekom het tussen 1999 en 2000. Lande wat toe rente moes betaal op IMF-lenings het dit soms in goud terugbetaal en daardie goud mag die IMF volgens hulle bepalings verkoop.

flower bridal headband Александр Фильчаков

Oudste professie gebuk onder ekonomiese krisis

Dit was seker te wagte dat die oudste professie deur die wêreld se ekonomiese hoofbrekens ingehaal sou word.

In Duitsland, een van die enkele lande waar prostitusie wettig is en buitengewoon deursigtig, het die bedryf nou maatreëls aangekondig om sake op te kikker met moderne bemarkingstegnieke, afslag en allerlei ander foefies wat die dalende aanvraag kan tem.

Sommige bordele het hulle pryse verlaag en bied gratis promosies aan terwyl ander weer 'n inklusiewe minimumprys daargestel het. Gratis buspendelvervoer, afslag vir senior burgers en dagpasse is van die planne wat tans in werking is.

'n Eienares van 'n bordeel in Hanover sê haar inkomste het met 30% gedaal en by ander klubs met soveel as 50%. "Ons beleef beslis 'n krisis. Kliënte is suinig. Hulle is bang. 'n Mens kan nie meer vir ekstras vra nie en daar is druk om die pryse te verlaag. Almal soek 'n winskopie. Spesiale aanbiedinge is deesdae noodsaaklik,"sê sy.

Daar is 400 000 profesionele prostitute in Duitsland. Amptelike syfers dui nie die verskil tussen manlik en vroulik aan nie, maar dit word algemeen aanvaar dat vroue die bedryf oorheers. Albei geslagte word gelyk onder die wet behandel.

In 2002 het nuwe wetgewing dit moontlik gemaak om te adverteer en 'n werkskontrak aan te gaan. Dus kan sekswerkers mediese versekering uitneem wat hulle voorheen nie beskore was nie.

Die jaarlikse inkomste van die bedryf beloop 14 miljard euros volgens die Verdidienstevakbond. Belastings wat die staat danksy sekswerk in, is 'n belangrike bron van inkomste vir sekere stede.

Фильчаков прокурор

ANC neem die voortou

Met die sluiting van alle stemlokale vroeg Donderdagoggend, wys die eerste uitslae dat die ANC 'n duidelike voorloper is. Die OVK sê met 1, 3% van die stemme getel, het die ANC 160 031 stemme, byna dubbel soveel as die DA met 83 287.

Die DA loop egter voor teen Cope wat op 21 608 stemme gestaan het teen 3 uur vanmore. Patricia de Lille se ID was in die vierde plek met 8 815 kruisies. Die VF Plus het 6 539 stemme en die IVP het 5 620.

Die tellery het kort na 9 uur Woensdagaand afgeskop, nadat stemlokale amptelik regoor die land gesluit het. Daar was egter 6 000 stasies wat hulle deure oopgehou het om kiesers wat ure lank tougestaan het tegemoet te kom om hulle stemme uit te bring.

Teen 3 uur Donderdagoggend het die OVK bevestig dat die laaste stemlokale hulle deure gesluit het in KwaZoeloe-Natal.

Die DA-leier, Helen Zille, loop voor in die provinsiale stryd in die Wes-Kaap waar sy hoop om premier te word. Zille was hoogs ontsteld oor die vertragings by sommige stembusse en het gesê sy is gereed om die "patetiese" OVK hof toe te sleep omdat stembriewe by 24 stasies in die Wes-Kaap en Gauteng opgeraak het.

Sy het gesê dat verlengde stemmery die ANC kan bevoordeel. Nadat nog tyd gegun is aan kiesers om hulle kruisies te gaan trek, het die ANC in plakkersgebiede buite Kaapstad diegene wat nie langer wou toustaan nie, teruggeroep.

Zille het Zuma tydens haar veldtog as 'm "gevaar vir demokrasie" beskryf.

Ontleders het die opkoms as "oorweldigend" beskryf, maar die OVK meen dat die grootste rede vir hulle logistiese probleme eerder die konsessie was wat op die laaste nippertjie geneem is om mense by enige stemlokaal van hulle keuse te laat stem in stede van waar hulle geregistreer is.

Brigalia Bam, voorsitter van die OVK, sê die beste nuus is dat daat geen stemintimidasie was nie. Cope het egter beswaar gemaak omdat 'n senior partylid by sy huis in Motherwell in die Oos-Kaap geskiet is.

Фильчаков Харьков

SA wynverkope daal skerp

Met Suid-Afrikaners wat die effekte van stygende belasting en die resessie voel, het die verkope van wyn gedaal, het die Wyn-van-die-Maand klub Dinsdag in Kaapstad gesê.

Besturende direkteur van die land se grootste direkte wynbemarker, Tai Collard, het gesê dat die verkope in die VK ook tot ‘n skielike stilstand gekom het.

“Die Suid-Afrikaanse markaanvraag vir natuurlike wyn het essensieel ‘n nul persent groeikoers getoon vir die 12 maande periode wat in Augustus 2008 geëindig het,” het Collard gesê.

“…Die VK, wil dit voorkom, staar ook moeilike tye in die gesig. Alhoewel wynverkope in Brittanje met 6% toegeneem het tot 5,6 miljard Euro in die jaar wat geëindig het in Maart 2008, het die groei nou tot stilstand gekom.”

Die statistiek, het Collard gesê, sal ‘n slag wees vir die VK wynhandelaars wat sterk groei geniet het in die laaste paar jaar met verbruikers wat beweeg het van bier na wyn.

“Dit gaan steeds ‘n wynoorvloed beteken, daar is te veel wyn beskikbaar daar buite.”

free 5 pound no deposit

ANC gaan tweederdemeerderheid behou

Die ANC gaan sy tweederdemeerderheid behou, volgens ‘n Ipsos-Markinor ondersoek wat Dinsdag in die Beeld gepubliseer is.

Opposisiepartye het nie die geleentheid gebruik om besluitelose kiesers te swaai nie, het navorsers bevind in die ondersoek wat gehou is vir Media 24.

Ipsos-Markinor se analis, Anneke Greyling, het gesê die resultate is gebaseer op onderhoude met 3500 stemgeregtigde mense, en het getoon dat die ANC wel effens steun verloor het, maar steeds ‘n tweederdemeerderheid sal behou.

Daar word voorspel dat die ANC 67% van die stemme sal kry in teenstelling met die 69% in die algemene verkiesings in 2004.

Die voorspellings vir die ander partye is: Demokratiese alliansie (13% , teenoor 12% in 2004), Die KVP (11%), Inkhata Vryheidsparty (3,5%, af van 7% in 2004), United Democratic Movement ( 1%, af van 2% in 2004), African Christian Democratic Party (1%, af van 2% in 2004) en die Vryheidsfront Plus (1%, dieselfde as in 2004).

Mans kry ekonomies swaarder

Omdat mans die meeste industrieë domineer soos vervaardiging, konstruksie en finansies, word hulle meer as vroue geaffekteer wanneer die ekonomie krimp. Dié resessie het hulle pynlik blootgestel gelaat. Mans maak die helfte van die werksmag op, maar het meer as driekwart van die 5,1 miljoen werksverliese gedra sedert die resessie begin het. Die verhouding van mans in Amerika wat werk het, het geval van 73% tot 69%, die laagste sedert rekords begin het in 1948.

Vroue het werk verloor, maar teen ‘n minder drastiese tempo. Hulle neig om in diens te wees in gebiede soos witboordjie klerikale werk en hou driekwart van die poste in onderwys en gesondheidsorg, sektore wat die jaar effens uitgebrei het.

Die eindresultaat tans is dat meer vroue die enigste broodwinners van huishoudings geword het, en hul eggenote en kinders onderhou. Die probleme wat vroue in die werksmag in die verlede gepla het vir geslagte lank is nou almal se probleme.

Vroue word minder betaal as mans, en nie net in die professionele wêreld nie. Die blouboordjie poste wat verlore gaan is nie lae-salaris-poste nie: konstruksiewerkers verdien gemiddeld $840 per week, teenoor die Amerikaanse gemiddelde salaris van $616 per week. Gesondheid en onderwyswerkers in teenstelling verdien omtrent $620 per week; die gemiddelde weeklikse salaris vir verkoopsposte is $385.

Vroue is ook meer geneig om in en uit die werksmag te beweeg, en neem deeltydse poste soos om na kinders te kyk. Hulle het ook minder byvoordele soos gesondheidsversekering. Baie huishoudings wat nou op die vrou se inkomste staatmaak, kry swaar.

детские палатки

Joods-Amerikaanse prokureur noem Tutu ?n rassis en swendelaar

Die Amerikaanse prokureur Alan Dershowitz het Maandag op die kantlyne van die Durban hersieningskonferensie oor rassisme in Geneva gesê dat Switserland se president ondersteunend is van “haarverspreiding” en dat die anti-apartheidsaktivis Desmond Tutu ‘n “rassis en ‘n swendelaar” is.

Hy het gesê hy sal die administrasie van president Obama aanmoedig om Switserland se dienste as verteenwoordigers in Iran te staak.

Amerika en Tehran het nie diplomatieke verhoudinge gehad sedert die Islamitiese rewolusie nie asook geen teenwoordigheid tydens die daaropvolgende gyselaarsdrama nie.

Switserse president Hans Rudolph Mertz het Sondag Iran se president Mahmoud Ahmedinejad ontmoet, wat later in ‘n toespraak aan die konferensie neerhalend en negatief was teenoor Israel.

“Tutu is ‘n swendelaar en ‘n rassis” het Dershowitz gesê van die Nobelpryswenner en Suid-Afrika se aartsbiskop. Hy is “blind, doof en stom as dit kom by sake rakende Israel.”

Tutu het steun toegesê aan die Palestyne en was die leier van ‘n ondersoeksending in die Gasastrook vir die VN se menseregte-organisasies.

instagram for brands

Duitse popsangeres in aanhouding oor MIV-status

Nadja Benaissa, ‘n welbekende Duitse sanger, liedjieskrywer en soms aktrise, wat sterstatus bereik het as een van die stigterslede van die suksesvolle damespopgroep ‘No Angels’, die grootste verkoper vir 'n Duitse damesgroep tot hede, staar 10 jaar tronkstraf in die gesig. Benaissa is van gemengde afkoms.

Sy is hierdie maand gearresteer deur Duitse polisie na sy verdink is dat sy onbeskermde seks gehad het met 3 mans tussen 2004 en 2006, sonder om hulle in te lig dat sy MIV-positief was.

Sy staar 'n moontlike klag van die bedoeling om ernstige liggaamlike skade aan te rig, in die gesig. Sy bly in aanhouding na ‘n regter bevind het dat die gevaar bestaan dat sy weer die oortreding mag begaan. Indien sy skuldig bevind word, dra die oortreding ‘n vonnis van 6 maande tot 10 jaar tronkstraf.

topcargo отзыв

VN probeer anti-rassismekonferensie red

Met konferensiegangers wat weer Dinsdag bymekaargekom het by die VN se anti-rassimekonferensie, het top VN-amptenare probeer om die bohaai te beheer na die anti-Israel aanslag deur Iran se president. Ahmadinejad se toespraak het veroorsaak dat konferensiegangers die vergadering en masse verlaat het Maandag.

“Ek het gelet op wat gesê was in die president se toespraak, en dit het geen verband met die konferensie nie, en dus behoort dit niks te doen te hê met die uitslag nie,” het Navi Pillay, die VN se hoëkommissaris vir menseregte aan verslaggewers in Geneva gesê.

Pillay het gesê konferensiegangers behoort nie toe te laat dat die vyfdag Durbanse Hersieningskonferensie teen rassisme gesaboteur word deur een persoon wat onsmaaklike opmerkings gemaak het nie.

Sy het president Mahmoud Ahmadinejad beskryf as iemand wat tradisioneel ongure opmerkings maak.