Nuus Archives - Page 1088 of 1583

ANC vind geen verband tussen strydlied en moord

Julius Malema se gebruik van die tradisionele ANC-strydliedjie met die woorde “skiet die boere” hou nie verband met die moord op Eugene Terre’Blanche nie, het die ANC Maandag gesê.

“Die ANC is bekommerd oor die gedurige uitlatings deur sommige politieke partye, veral die AWB, VF+ en AfriForum, wat die moord met Malema se gebruik van die struggle-liedjie ‘Ayesaba amagwala’ (lafaards hardloop) by onlangse openbare byeenkomste verbind,” het die ANC-woordvoerder Jackson Mthembu in ‘n verklaring gesê.

Hy het gesê alle bewerings dat swartmense mense van enige ander ras, veral witmense, leed wil aandoen, is “ongegrond en onwaar”.

Mthembu het gesê die polisie kon geen verband tussen die gebruik van die lied en die moord op Terre’Blanche bevestig gedurende hulle voorlopige ondersoek na die saak nie.

Terre’Blanche is Saterdag vermoor ná ‘n beweerde loongeskil met twee van sy plaaswerkers.

‘n 21-jarige man en ‘n seun, 15, is in hegtenis geneem vir die moord, en sal Dinsdag in die hof verskyn.

“Ons glo die gedurige uitwysing van ‘n verband tussen die sing van die lied deur kameraad Malema en die moord op mnr. TerreBlanche is nie net moedswillig nie, maar opruiend, en word gebruik om polarisasie op grond van ras aan te hits op ‘n emosiebelaaide en sensitiewe tydstip,” het Mthembu gesê.

Hy het gesê die “voortdurende leuen” is ook op Malema persoonlik gerig.

“Ons is van mening dat hierdie doelgerigte veldtog teen die president van die ANC-jeugliga deur sekere organisasies in ons samelewing, insluitend die VF+, kan lei tot gevolge wat Suid-Afrika nie kan bekostig nie.”

Volgens Mthembu is dit tyd vir alle Suid-Afrikaners om saam te staan, om te rou, en om Terre’Blanche te begrawe met die respek wat hy verdien sonder om ander sleg te sê of te blameer.

“Die ANC doen weereens ‘n beroep op alle politieke partye en die Suid-Afrikaanse samelewing om die ondersoek aan die polisie oor te laat.

“Laat ons nie bydra tot ‘n reeds sensitiewe klimaat ná die dood van mnr. TerreBlanche deur ongegronde en gevaarlike stellings te maak nie.”

дитячи игри Фильчаков

Plaasbesettings kom teen einde 2010 – Malema

Julius Malema, die omstrede jeugleier van die ANC, het eergister in Zimbabwe gesê dat sy party ZANU-PF se voorbeeld gaan volg en teen die einde van die jaar gaan begin om plase in blanke besit oor te neem.

Luidens die Zimbabwe Mail, het Malema dié opmerkings by ‘n myn 160 kilometer van Harare af gemaak. Hy het aan ‘n skare ZANU-PF-aanhangers gesê: “Julle is nie alleen nie. Julle stryd is ons stryd.”

Volgens Malema het “Zimbabwe die weg aangewys in die stryd oor grond”. Hy het ook belowe dat “Zimbabwiese metodes gebruik gaan word” om grond van blanke boere in Suid-Afrika af te neem.

Malema het ook aan die skare gesê dat hy sal aanhou om sy liedjies met woorde soos “Skiet die Boere” te sing, ongeag Suid-Afrikaanse hofuitsprake daarteen.

Gisteraand het Malema aan die SAUK TV-nuus gesê dat hy “sulke liedjies sing sedert hy nege jaar oud is en toe het dit niemand se dood veroorsaak nie”.

Die ANC-jeugleier het Zimbabwiërs aangemoedig om maatskappye in blanke en buitelandse besit oor te neem. Volgens hom moet “die mense bevryding omhels en aanhou om teen die Westerse imperialisme te veg”.

Dieselfde koerant het ‘n week gelede berig dat die ANC beplan om met die hulp van Robert Mugabe se oorlogsveterane grond in Suid-Afrika te beset.

‘n Lid van ZANU-PF se veiligheidsdepartement het verlede week aan die Zimbabwe Mail gesê dat Malema se besoek aan Zimbabwe in opvolg van ‘n geheime hoëvlakgesprek tussen Robert Mugabe en Jacob Zuma geskied het. Blykbaar het Mugabe reeds vir Zuma oortuig en sy “volgehoue steun in Suid-Afrika se grondhervormings- en verinheemsingsproses verseker”.

Verlede week het ‘n hoëvlakafvaardiging van Suid-Afrika se veiligheids- en intelligensiedienste, wat noue bande met die ANC het, in Harare aangekom waar hulle ‘n tyd lank aan die Zimbabwiese Nasionale Weermag se Stafkollege in Harare opleiding sal ondergaan.

Die Suid-Afrikaanse minister van Landelike ontwikkeling, Gugule Kkwinti, het die blaam vir die mislukking van die ANC se grondhervorming op blanke boere geplaas deur hulle daarvan te beskuldig dat hulle die prys van grond opjaag.

“Indien Suid-Afrikaners wat grond besit nie die werklikheid op voetsoolvlak erken nie en nie met die regering kan saamstap wat sy planne betref nie, dan gaan hulle verantwoordelik wees vir die skep van chaos wat erger kan wees as wat ons in Zimbabwe gesien het,” het Nkwinti gesê.

Die Zimbabwiese president, Robert Mugabe, het tydens die tydvak van Mbeki se presidentskap gesê dat sy land met radikale grondhervorming en die verdrywing van blankes gewag het om die ANC tyd te gee om homself eers behoorlik in te grawe en seker te maak dat hy beheer oor die weermag en polisie geniet Volgens Mugabe kon die skouspel in Zimbabwe in die vroeë negentigerjare die onderhandelings tussen die NP en ANC laat skipbreuk lei het aangesien Suid-Afrikaanse blankes daardeur ontstel kon gewees het.

освещение лестницы в

PRAAG bars uit sy nate

PRAAG se nuus- en meningsportaal, praag.co.za, het oor die Paasnaweek uit sy nate gebars. Hoewel naweke en vakansiedae gewoonlik stiller is omdat die meeste mense by die werk ons webblad lees, was dit die afgelope twee dae presies die teenoorgestelde.

Ná die aankondiging van Eugene Terre’Blanche se dood Saterdagaand en die eerste berigte en kommentaar daaroor wat Sondag in die vroeë oggenduur op PRAAG begin verskyn het, het die gewone verkeer verdriedubbel (sien grafiek hiernaas). Volgens die gesaghebbende Google Analytics-stelsel wat wêreldwyd gebruik word om die verkeer van webwerwe te meet, het besoeke en bladlese op die webwerf gister nuwe rekords aangeteken.

Ook leserskommentaar via die blad se Disqus-stelsel, ‘n internasionale stelsel wat onlangs deur PRAAG in Afrikaans vertaal is, het ‘n geweldige oplewing getoon en by die rubriek van Dan Roodt oor Eugene Terre’Blanche en die simboliek van oorlog het tot dusver nie minder nie as 290 reaksies verskyn.

“PRAAG het hom nou reeds bewys as ‘n betroubare en prikkelende bron van inligting wat vir Afrikaners belangrik is,” het dr. Dan Roodt, uitgewer van praag.co.za, gesê. “Oor die afgelope maande het die interaktiewe gebruik van die internet en veral leserskommentaar op webwerwe met rasse skrede onder Afrikaners toegeneem. Met die huidige politieke krisis in die land rondom Malema en die moord op mnr. Eugene Terre’Blanche, vind lesers dat PRAAG nie huiwer om hul reaksies te publiseer nie terwyl sommige ander publikasies besig is om politieke debat in Afrikaans in die doofpot te probeer stop of om sodanige debat te beheer om hul eie oogmerke te dien.”

Binnekort sal praag.co.za na ‘n nuwe bedienerstelsel verhuis om die toename in lesersverkeer beter te hanteer, waarna die verwagte groei in lesersgetalle waarskynlik sal voortduur.

best email marketing topcargo отзывы

Roodt blameer ANC vir Terre’Blanche-moord

Dr. Dan Roodt van PRAAG en inligtingshoof van die Vryheidsfront Plus in Gauteng, het die ANC vir die moord op Eugene Terre’Blanche geblameer. “Die ANC, veral sy jeugvleuel, het ‘n klimaat van anti-Afrikanerhaat in Suid-Afrika geskep. Gevolglik bevind Suid-Afrika hom in ‘n laevlak- etniese konflik wat ná ‘n hoëprofielmoord soos dié op mnr. Terre’Blanche noodwendig gaan eskaleer.”

In ‘n verklaring aan die media het Roodt sy meegevoel met Terre’Blanche se gesin uitgespreek ná “‘n weersinwekkende moord wat op ‘n wrede en primitiewe manier gepleeg is. Mnr. Terre’Blanche was ‘n kleurryke politieke en kulturele figuur, asook ‘n egte Afrikaner. Sy politieke styl was dramaties, sy taal dikwels poëties. Hy het groot waardering vir die Afrikanergeskiedenis en -kultuur gekoester, asook ‘n liefde vir die Afrikaanse taal. VIr hom om so ‘n verskriklike dood te sterf, is simbolies van die anargie waarin Suid-Afrika vinnig besig is om te verval.”

Hoewel Eugene Terre’Blanche lief was vir nasionalistiese en selfse neo-fascistiese beelde, het hy hom nooit aan haatspraak skuldig gemaak of die tipe rasgegronde haat wat die ANC tans in Suid-Afrika opstook nie. Hy het swart tale gepraat en hom dikwels ten gunste van vryheid en selfbeskikking vir Afrikavolkere uitgespreek, net soos hy vir sy eie Afrikanervolk nagestreef het.”

Roodt het ‘n beroep op Afrikanereenheid gedoen. “Ongelukkig is die barbaarse moord op Terre’Blanche bloot die jongste in ‘n reeks skokkend gewelddadige voorvalle waarin Afrikaners, oud en jonk, geteiken is met moord, verkragting en ongemotiveerde aanvalle,” het hy gesê. “Die skrif is aan die muur in kolossale letters. Mnr. Julius Malema se onlangse besoek aan Zimbabwe en aanhoudende oproepe tot volksmoord op Afrikaners en Boere het ‘n klimaat vir verdere anargie, grondbesettings van die Zimbabwe-tipe, hongersnood en selfs massamoord geskep. Slegs ‘n vertoning van eenheid en vasberadenheid in die aangesig van dié ernstige bedreigings sal die storm van haat en vergelding wat in die harte en verstand van ons vyande broei kan keer.”

Volgens dr. Roodt verkeer Suid-Afrika tans by ‘n keerpunt “Die huidige klimaat van geweld en onverdraagsaamheid is die gevolg van jare se anti-Afrikanerprogaganda en stereotipering, veral deur die SAUK, wat direk deur die regerende party beheer word. Óf Suid-Afrika gaan die bekende paadjie van vele Afrikalande volg en in etniese konflik en burgeroorlog verval, óf die land gaan daarin slaag op voor die afgrond waaroor dit tans huiwer, weg te kom,” het hy gesê.

Hy het ook ‘n beroep op die internasionale gemeenskap, die VSA, Europese Unie en die Verenigde Nasies gedoen om in te gryp ten einde die bloedbad stop te sit wat tans in Suid-Afrika plaasvind.

topcargo

Eugene Terre’blanche vermoor

Die leier van die Afrikanerweerstandsbeweging (AWB), Engene Terre’blanche, is Saterdagmiddag met ‘n panga en knopkierie op sy plaas 10 km buite Ventersdorp vermoor, het die polisie in Noordwes bevestig.

Kaptein Adèle Myburgh het gesê dat Terre’blanche, 69, deur twee swartes wat vir hom gewerk het nadat hulle na bewering in argument met hom oor betaling omstreeks 6 nm. betrokke was.

“Mnr. Terre’Blanche se liggaam is op die bed met gesigs- en kopbeserings gevind. Daar was ‘n panga en ‘n knopkierie langs die bed.

“‘n 21-jarige en ‘n `15-jarige is in hegtenis geneem en van sy moord aangekla. Die twee het aan die polisie vertel dat ‘n argument onstaan het omdat hulle nie vir hul werk op die plaas betaal is nie,” het sy gesê.

Volgens Myburgh was Terre’blanche alleen met die twee werkers ten tyde van die aanval.

Sê het gesê die twee sou binnekort in die hof op aanklagte van moorde verskyn.

Die Demokratiese Alliansie in Noordwes het sy “woede en kommer” oor Terre’blanche se moord uitgespreek.

“Dit het plaasgevind in ‘n provinsie waar rassespanning in die landelike boeregemeenskap toenemend aangestook word deur onverantwoordelike rassistiese uitlatings deur die ANC-jeugligaleier, Julius Malema, en Cosatu-sekretaris van Noordwes, Solly Pheto, het die DA-LP Juanita Terblanche gesê.

Sy het verder gemeen dat die DA nie Terre’blanche se politieke oortuigings deel nie maar dat ‘n aanval van dié aard as ‘n aanval op die diverse onderdele van die Suid-Afrikaanse demokrasie beskou moet word.

Terblanche het haar meegevoel aan die gesin oorgedra en ‘n beroep op mense gedoen om kalm te bly.

DIe Noordwes-LUR vir openbare veiligheid Howard Yawa het met skok op die nuus van Terre’blanche se dood gereageer en het ‘n beroep op kalmte in die provinsie gedoen.

Yawa het die “gevoellose moorde in die sterkste moontlike terme” verwerp en ook ‘n beroep op mense gedoen om die reg toe te laat om sy gang te gaan.

прессы Лобановский Харьков

Tony Blair keer terug

Tony Blair, voormalige Britse premier, het sy terugkeer na Britse politiek Dinsdag aangekondig in ‘n poging om die sukkelende Arbeidersparty te help red.

Blair het by die Trimdon Labour-klub gepraat. Hy het sy opvolger Gordon Brown se “ondervinding, kragtigheid, en oordeel” geprys.

Blair het by dieselfde klub sy intree as leier van die Arbeidersparty in 1994 aangekondig en ook sy bedanking in 2007 ingedien.

Ten spyte daarvan dat hy drie verkiesings in ‘n ry gewen het, is Blair se gewildheid steeds laag as gevolg van sy besluit om Brittanje by die oorlog in Irak te betrek. Maar, kenners meen “hy is ‘n sterk genoeg figuur om die uitslag van die verkiesing te kan beïnvloed.”

Фільчаков прокурор

VSA toets kernmissiel

‘n Westerse militêre amptenaar sê die VSA het ‘n toetslansering van ‘n ballistiese missiel wat kernkoppe kan dra vanaf ‘n duikboot gedoen in ‘n gesamentlike militêre operasie met Saoedie-Arabië.

Die amptenaar sê die Trident-missiel is Woensdag afgevuur, maar kon nie ‘n spesifieke plek gee vanwaar dit gedoen is nie. Hy het op voorwaarde dat hy anoniem bly gepraat vanweë die sensitiwiteit van die kwessie.

Die VSA het hulle missielverdediging opgeskerp in die Golf om enige moontlike missielaanvalle vanuit Iran die hoof te kan bied.

‘n Amptenaar uit die departement van verdediging in Washington het die lansering bevestig maar wou ook anomiem bly omdat hy nie toestemming gehad het om op rekord te praat nie. Hy het egter gesê dit het laat verlede week plaasgevind en dit was deel van ‘n demonstrasie.

‘Regses misbruik die howe’ – ANC

“Regse elemente” misbruik die ANC se sensitiwiteit vir die land se diversiteit, het die Gautengse sekretaris van die ANC, David Makhura gister gesê.

“Ons (die ANC) is geweldig sensitief vir die diversiteit van ons mense… ons dink hierdie sensitiwiteit word tans deur die ander kant misbruik,” het hy in Johannesburg gesê.

“Daar word met ons sensitiwiteit woer-woer gespeel

“Ons praat van diegene wat teen transformasie in Suid-Afrika gekant is.”

Makhuru het dié uitlatings tydens ‘n mediakonferensie met joernaliste en die drieledige alliansievennote – die ANC, Cosatu en die Suid-Afrikaanse Kommunisteparty – in Gauteng gemaak.

Hy het na naamsveranderings, hofgedinge teen die gebruik van vryheidsliedjies en hofaansoeke teen regstellende aksie as voorbeelde van dié tipe opposisie verwys.

“Regse” optrede op dié gebiede het getoon dat hulle “selfvertroue toeneem dat hulle die progressiewe en revolusionêre magte oor ‘n verskeidenheid aangeleenthede kan uitdaag”.

“Hulle gaan sover dat hulle die howe gebruik om die beleid van dié land uit te daag,” het hy gesê.

Die Vryheidsfront Plus en AfriForum het klagtes by die regsowerheid aanhanging gemaak oor die president van die ANC-jeugliga, Julius Malema, se gesingery van ‘n vryheidsliedjie met die woorde “Dubula ibhunu (skiet die boer)”.

In Februarie het die vakbond Solidariteit ‘n saak oor regstellende aksie gewen waarin kaptein Renate Barnard deur die Suid-Afrikaanse polisie bevorder behoort te word nadat dié pos weens haar ras aan haar geweier is.

“Wie sê dat die regses nie daar in ons howe is nie?

“Ons word gekwel deur die selfvertroue van die die regse elemente.”

Cosatu se provinsiale sekretaris Dumisane Dakile het gesê politieke vooruitgang wat deur demokrasie bereik is word deur dié groep in die land se howe teengestaan en het ook bevraagteken of die howe self al getransformeer is.

“Dit is die herverskyning van die vyand van die NDR (nasionale demokratiese revolusie).”

Hy het gehoop dat die “regses wat ‘n bedreiging raak” deur die ANC se nasionale algemene raad in September bespreek kan word.

Die alliansie in Gauteng het besluit dat die naamsverandering van Pretoria na Tshwane ondersteun moet word – iets wat sterk deur die Vryheidsfront Plus, Afriforum, PRAAG en ander Afrikanerorganisasies teengestaan word.

Makhura het gesê dat die ANC-bewind se benadering tot naamsveranderings “baie sensitief” is.

Hy het bygevoeg dat die regering nie apartheidsmonumente na demokrasie vernietig het nie.

“Indien ons hierdie monumente sou verwyder, sou ons kinders nie weet dat daar ‘n vryheidstryd was nie.

“As ons ons soos veroweraars gedra, sou daar nie eens ‘n grondslag vir onderhandeling wees nie,” het hy gesê.

Die alliansie wil “ondubbelsinniglik” die “geskiedenis en erfenis” van die vryheidstryd verdedig.

“Dit sluit die ryk kultuur van vryheidsliedere, gedigte en dans in wat ons mense geïnspireer het om die militêre mag van die apartheidsbewind tydens die donkerste dae van staatsvergrype en verdrukking teen te gaan.”

“Die alliansie doen nie ‘n “beroep op oorlog” nie, maar wil met diegene wat gekant is teen transformasie deur demokratiese middele in gesprek tree.

“Dit gaan nie oor blankes in Suid-Afrika nie, maar oor ‘n politieke beweging.

“Hierdie dinge word in die naam van Afrikaners gedoen, in die naam van boere… ons word nie om die bos gelei nie… dis ‘n politieke beweging.”

Die regse agenda word deur verskillende politieke magte gevolg, het hy gesê.

“Ons gaan ons beheer oor die staat en instellings gebruik om die verandering wat ons nodig het na te jaag.”

no deposit bet Лобановский

‘As drankie bestaan wat mens swart laat word…’

De Zuid-Afrikaanse dichteres Antjie Krog schreef een boek, ‘Begging to Be Black’, dat alleen al door zijn titel in Zuid-Afrika voor ophef zorgde. ‘Bestond er een drankje waardoor ik zwart kon worden’, zegt ze in een interview met Knack, ‘ik zou het meteen opdrinken.

Blanken in Zuid-Afrika klagen nu dat zwarten bevoordeeld worden en de beste banen krijgen. Maar toch is er niet één die zwart wil worden. Toen ik een kind was, zei mijn moeder dat je van geslacht veranderde als je onder een regenboog door liep. Ik wilde graag een jongen zijn, en dus probeerde ik dat. Mijn broers deden dat nooit. Ze wilden geen meisje zijn, zoals ze ook niet zwart willen zijn. En ze zijn boos omdat iemand anders dat wel wil. In het woord begging in de titel van het boek zit wanhoop en een verlangen om iets minder te zijn.’

‘Het immorele gedrag van een aantal zwarte politici valt steeds moeilijker te verdedigen,’ zegt de voormalige antiapartheidsactiviste, ‘maar dat mag voor blanken geen reden zijn tot leedvermaak. Ik heb Duitsers nog nooit kritiek horen uiten op Israël en ik begrijp ook wel waarom: ze voelen zich op de een of andere manier toch verantwoordelijk voor wat daar nu allemaal gebeurt.’

WK voetbal

Krog praat over het WK voetbal dat op 11 juni in Zuid-Afrika van start gaat (‘Voetbal is in Zuid-Afrika de sport van de armen. Voetbal in Zuid-Afrika is zwart.’), over de naweeën van de apartheid en het in Europa wijd verspreide pessimisme ten aanzien van het zwarte continent: ‘Een vorm van racisme.’ Ze vertelt hoe ze zich geërgerd heeft bij de feestelijkheden naar aanleiding van de twintigste verjaardag van de vrijlating van Nelson Mandela: ‘Het grote probleem is dat we er niet in slagen etnische tegenstellingen te overbruggen en een identiteit op te bouwen die gebaseerd is op diversiteit. Twintig jaar geleden stonden we in Zuid-Afrika allemaal achter Nelson Mandela. We hadden het gevoel dat hij onze identiteit belichaamde. Dat gevoel is weg. Mandela is nu oud en bijna blind, en onze identiteit is aan het verkruimelen. Maar we houden vast aan Mandela omdat hij ons nog altijd beter doet lijken dan we zijn. Dat krijgt langzamerhand iets pathetisch.’

Piet Piryns en Hubert van Humbeeck

Lees die berig hier.

детский плед купить

Zanu-PF rol die rooi tapyt uit vir Malema

Zanu-PF kan skaars wag vir die besoek. Die staatsmedia is die ene afwagting en ‘n vergadering met president Robert Mugabe is belê sowel as ten minste vyf van sy ministers.

Die verlosser wat gaan neerdaal uit die hoogtes is niemand minder nie as ANC-jeugligaleier Julius Malema, wat Vrydag op Harare se lughawe neerstryk.

Malema se besoek kon nie op ‘n beter tyd vir Zanu-PF kom nie. Die party is desperaat is vir enige ondersteuning van sy beleid.

Hy sal brandstof verskaf in die oorlog wat woed rondom Mugabe se veldtog om beheer van groot maatskappye vir swart beleggers. Die Beweging vir Demokratiese Verandering, die MDC, verwerp egter die jeugligaleier se besoek, en het na Malema verwys as “‘n valse revolusionêr wat ‘n puik leefstyl handhaaf”.

Malema sal nie die MDC ontmoet nie, want dit is ‘n vergadering van bevrydingsbewegings en die twee partye het niks in gemeen het, die ANC-jeugliga het gesê.

Salomo Madzore, sekretaris-generaal van die MDC-jeugliga, het gekla dat Malema se pro-arm houding “valse stryd retoriek” is en dat hy net aandag met sy besoek aan Zimbabwe wil weglei van kritiek terug by die huis.

“As jy na hom kyk, en die leefstyl van ‘n [bemagtigingsminister Saviour] Kasukuwere, sal jy sien dat daar niks is om hulle te identifiseer met die armes nie. Ek het gesien hoe die twee huise van Malema in Sandton lyk,” het Madzore gesê.

Hierdie week Kasukuwere lof op “Kameraad” Malema uitgestort, en gesê dat hy “die nuwe fase van ekonomiese rewolusie aan die gang is,” beliggaam.

Die MDC word, onder meer deur Malema, as ‘n marionet van die Weste beskou.

Maar Zanu-PF se stygende opwinding vir Vrydag was duidelik sigbaar waar duisende plakkate in die strate soos palmtakke wapper op die jeugleier se eerskomende besoek aan die stad. Die uitvoerende bestuur van die Zanu-PF-party se jeugvleuel is die hele week reeds bedrywig in vergaderings, besig met beplanning van die besoek.

‘n Reeks afsprake is gereël, met ‘n besoek aan landbougebiede en myne asook ‘n besoek aan ‘n voormalige ANC-veilige huis. Die Regstellende Aksie Groep, ‘n radikale swart bemagtigingsdrukgroep, sal ‘n maaltyd in sy eer hou.

Die hoogtepunt van Malema se besoek sal ‘n saamtrek in Harare Saterdag wees. Daar is opwellende belangstelling in sy verskyning, selfs onder talle MDC-ondersteuners, ondanks die ontkennings.

Tongai Kasukuwere, ‘n Zanu-PF-jeugligalid, en ‘n jonger broer van die bemagtigingsminister, het gesê sy party wil met Malema en sy span gesels om te sien hoe die twee lande kan voordeel trek uit hul mynbou-hulpbronne.

“Zanu-PF en die ANC het ‘n gemeenskaplike ideologie, ons is van dieselfde skool van denke,” het hy gesê.

Volgens die amptenaar vir internasionale aangeleenthede Abner Mosaase, het die Suid-Afrikaanse jeugbeweging solidariteit met Zanu-PF belowe, maar beklemtoon ook terselftertyd die belangrikheid van organisasievernuwing.

Hy het gesê die hoofdoel van die toer was die herlewing van bevrydingsbewegings in Suider-Afrika, wat die jeugligas van Swapo in Namibië, Mosambiek se Frelimo en Angola se MPLA insluit.

In ‘n opmerking dat daar dalk kritiek teen Zanu-PF kan kom, het Mosaase gesê die begrip van organisatoriese vernuwing “beteken die weë, en dat die party betrokke moet bly in die samelewing”.

Hy het gesê die boodskap weerspreek nie dié van die Suid-Afrikaanse regering oor Zimbabwe nie, aangesien dit ook die werk wat begin is met Zimbabwe se politieke ooreenkoms, bevorder. Hy het gesê die ANC-jeugliga ook wil lesse oor die buurland se grondhervorming proses leer.

Die Suid-Afrikaanse regering het gesê dat hulle nie bekommerd is oor die jeugliga se interaksie met Zanu-PF nie. “Hulle kan dit doen omdat hulle heeltemal verskillende entiteite is.”