Russe loods soektog vir ‘swart weduwees’ se helpers

Die twee bomaanvalle wat Maandag op Moskou se moltrein plaasgevind het, is deur vroulike selfmoordbomaanvallers uitgevoer, het Rusland se FSB-geheimediens Maandagoggend gesê.

Duisende swaargewapende polisiebeamptes is intussen by moltreinstasies, gewone treinstasies en Moskou se lughawens ontplooi.

Die Russiese polisie het ‘n landwye soektog na die helpers van die twee “swart weduwees” wat hulself opgeblaas het, van stapel gestuur. Die twee selfmoordbommers is op kringtelevisiebande van die moltreinstelsel geëien.

Die aanvalle, vermoedelik deur Tsjetsjniese separatiste, het tydens die besigste tyd van dié stad se oggendspitstyd plaasgevind en 39 mense se lewens geëis.

Pres. Dmitri Medwedef het nuwe wetgewing in die vooruitsig gestel wat die staat meer magte sal gee om op te tree teen sulke aanvalle. Hy het die aanvallers as “diere of monsters” beskryf.

Premier Poetin het sy landgenote belowe dat diegene wat verantwoordelik is vir die aanvalle, vernietig sal word.

Sergei Lavrov, Rusland se minister van buitelandse sake, sê buitelandse betrokkenheid, veral van die Al-Kaida, kan nie uitgesluit word nie.

игрушка для детей 1 годДанильченко Юрий Брониславович компромат

Roodt vat Breytenbach aan in Beeld

Dr. Dan Roodt van PRAAG antwoord Breyten Breytenbach in vandag se Beeld oor sy uitspraak dat hy ““bevoorreg was om (Afrikaans) in sy leeftyd te sien sterf”. Volgens Roodt “herinner Breyten Breytenbach se geslag Sestigers hom baie aan die munisipale betogers wat hul eie biblioteke afbrand”.

In dieselfde tyd dat Julius Malema en die ANC liedjies met reëls soos “Maak dood die Boere” as hul “kultuurgeskiedenis” verdedig, woed ‘n polemiek rondom die Afrikaanse taal opnuut. Aan die een kant is daar diegene, soos Breytenbach en heelwat bruin joernaliste en meningsvormers wat meen dat Afrikaans vandag benadeel word weens sy historiese verbintenis met apartheid en blanke oorheersing en aan die ander kant ‘n Afrikanergroepering wat die ANC-bewind en die 1994-bestel vir die agteruitgang van die taal verantwoordelik hou.

Dr. Roodt meen “dit sou ’n fout wees om die rede vir Afrikaans se openbare kreeftegang aan die taal se ‘destydse verbinding met ’n beleid van rasmeerderwaardigheid’ toe te skryf. Het Engels, Duits en Frans nie in die verlede ’n selfs groter verbintenis met rasmeerderwaardigheid gehad nie?”

Hoewel die Suid-Afrikaanse staat en die openbare ruimte in Suid-Afrika ten onregte verengels is, meen Roodt dat ‘n Afrikaanse lewe deur Afrikaners op die internet herskep word, wat selfs diaspora-Afrikaners insluit. Hy sien ook ‘n e-universiteit in die vooruitsig omdat Afrikaners nie meer die “taalleuens” van die Afrikaanse universiteite soos Stellenbosch, Pretoria, Bloemfontein, Potchefstroom en die voormalige R.A.U. glo nie.

“‘n Element waaraan ek nie in my Beeld-artikel geraak het nie, is die diskriminasie teen Afrikaners op Afrikaanse kampusse waar ons studente vir hul studies moet betaal, maar Engelstalige studente verniet met beurse mag studeer,” het dr. Roodt bygevoeg. “Kortom, die betalende Afrikaanse student moet Engels op sy kampus subsidieer sodat die universiteit en alle kursusse vinniger verengels kan word!”

раскрутка сайталобановский александр дочь

Nkwinti praat met gesplete tong

“Die minister van landelike ontwikkeling en grondhervorming, mnr. Gugile Nkwinti, se waarskuwing dat boere moet saamwerk om ‘n krisis erger as in Zimbabwe te verhoed, is onverantwoordelik en skep onsekerheid. Die boere werk lankal reeds saam, maar dit is die regering en sy onbevoegde amptenare wat nie saamwerk nie.

Die feit dat Nkwinti swart Suid-Afrikaners se siening, dat landbougrond genasionaliseer moet word deel, is in kontras met wat hy verlede week in die parlement gesê het. Nkwinti praat dus met ‘n gesplete tong oor grond,” sê mnr. Pieter Groenewald, die VF Plus se parlementêre woordvoerder oor landelike ontwikkeling en grondhervorming.

“Uitsprake soos hierdie skep die indruk by die Suid-Afrikaanse landbougemeenskap dat die Minister Zimbabwe-tipe grondhervorming onbewustelik aanmoedig. Dit is tot niemand in Suid-Afrika se voordeel nie. Grondhervorming sal begin slaag indien die regering by al die mislukte grondhervormingsprojekte ingryp.

Nkwinti het self erken 90% van die projekte het misluk. As die regering nie ingryp by die mislukte projekte nie, sal waardevolle landbougrond wat voedselsekerheid moet waarborg, vir altyd verlore wees,” het Groenewald gesê.

какой подоконник лучшеДанильченко Харьков

Swart Amerikaners is ook ‘Negers’

Die Amerikaanse sensusburo het uitgebreide navorsing gedoen om die vraelys vir 2010 so goed as moontlik op te stel sodat die invullers behoorlike data oor ras en etnisiteit kan terugstuur.

Desnieteenstaande het lastige probleme reeds opgeduik, soos PRAAG vroeër berig het.

Veral Latyns-Amerikaanse inwoners is nie seker aan watter ras hulle behoort nie.

Shelley Lowe, ‘n sensuswoordvoerder sê ras en etnisiteit is twee vreemde begripe vir sekere mense en “hulle vind dit moeilik om te verstaan”.

Die Latyns-Amerikaanse gemeenskap stuur nie die vorms terug nie, en sensuswerkers moet van huis na huis gaan om die inligting te versamel.

In sulke gebiede moet die owerhede ses keer soveel sensuspersoneel ontplooi as in wit gebiede om data te versamel.

In die navorsing wat die sensusburo gedoen het voordat die vorms opgestel is, het hulle bevind dat ras en etnisiteit nie geredelik van mekaar te onderskei is vir Latyns-Amerikaanse inwoners nie.

Nogtans het Latyns-Amerikaanse organisasies aangedring op verskeie vrae oor die kwessie en nie ‘n enkele vraag nie.

Lowe sê die spesifieke bewoording is meermale getoets. Dit is byvoorbeeld waarom die woord “Neger” saam met “Swart” en “Afro-Amerikaans” verskyn.

Volgens Lowe verkies swartes dit steeds om “Neger” self in te vul by die twee bogenoemde terms.

“Die woord vind aanklank by sekere mense,” het sy gesê.

Vir die 2010 sensus is verskillende opsies ook gedruk en uitgedeel sodat die sensusburo die koers van terugbesorging en datagehalte kan monitor vir 2020 se opname.

videoФильчаков прокурор харькова

Italiaanse sokkerrassisme hardnekkig

Die Italiaanse sokkerliga het toenemend met uitinge van rassevoorkeur by wedstryde van die A-reeks kampioenskap te make.

Italiaanse sokkerowerhede moet ingryp om rassisme die hoof te bied het die AIC, die Italiaanse Sokkervereniging, Maandag gesê nadat swart spelers Clarence Seedorf en Jonathan Zebina die naweek moes deurloop.

AC Milan se swart Surinaamse middelvelder Seedorf is deur ondersteuners van Lazio met aapgeluide gekoggel toe die twee spanne met een doel elk gelykop gespeel het.

Die klub van Rome is met 15 000 euro beboet vir hulle rassistiese gedrag.

AS Roma, nog ‘n Roomse klub, is Saterdag met 25 000 euros beboet vir rassitiese krete van hulle ondersteuners nadat hulle Inter-Milan met 2-1 geklop het.

Zebina, ‘n Juventus-speler, het Sondag ná ‘n wedstryd teen Atalanta ‘n hou teen die agterkant van sy nek gekry wat hy aan rassisme toegeskryf het.

Die AIC het Maandag ‘n verklaring uitgereik waarin hulle algehele solidariteit met Seedorf en Zebina uitspreek vir die rassisme wat hulle moes verduur.

“Ons is ferm in die veroordeling van hierdie skaamtelose gedrag en die AIC hoop dat alle elemente in sokker sal saamwerk om konkrete stappe te neem om dié soort onopgevoede gedrag van ‘n gewelddadige minderheid te isoleer en stil te maak ten alle koste.”

Die Franse Zebina het voorheen al gekla oor rassisme. Hy sê hy is deur rassiste uitgelok en het daarom sy middelvinger na sy eie ondersteuners opgehou nadat sy span met 4-1 teen Fulham verloor het in ‘n Europese ligawedstryd vroeër dié maand.

Italiaanse sokker het deurentyd met rassevoorvalle te kampe. Juventus moes verlede seisoen ‘n wedstryd agter geslote stadionhekke speel omdat hulle ondersteuners glo aanstootlike liedjies sing.

games casino online freeОлександр Васильович Фільчаков

Slenkdalkoors versprei na Wes-Kaap

Die gevreesde slenkdalkoors het na die Wes-Kaap versprei met ‘n veearts wat vermoedelik dié virus opgedoen en 14 diere wat reeds gevrek het.

Die provinsiale departement van landbou en gesondheid het Maandag gesê die man het glo dié virus opgedoen terwyl hy ‘n nadoodse ondersoek op twee dooie koeie gedoen het.

Wouter Kriel, ‘n woordvoerder van die provinsiale departement van landbou, het gesê twee Jersey-koeie het naby die grens tussen die Noord- en Wes-Kaap gevrek.

Twaalf Merino-lammers het op ‘n plaas in die ooste van Beaufort-Wes gevrek.

Helene Rossouw, ‘n woordvoerder van die departement van gesondheid, het gesê die veearts se simptome sluit in koors, erge hoofpyn, spierpyn en erge oogpyn.

Bloedmonsters is geneem om die oorsaak van die simptome vas te stel. Die man is onder mediese toesig by sy huis en sy toestand is stabiel.

‘n Totaal van 63 mense landwyd is met dié virus besmet.

Volgens die departement van gesondheid is 54 van dié gevalle en twee sterftes in die Vrystaat aangemeld. Vier gevalle is in die Oos-Kaap en vyf gevalle in die Noord-Kaap aangemeld.

Kriel het skaap- en veeboere aangeraai om nie hul vee in nat, laagliggende gebiede met ‘n groot muskietbevolking te laat wei nie.

“Die gebruik van insekdoders kan oorweeg word vir waardevolle vee. Omdat dit ‘n virale siekte is, is geen spesifieke behandeling beskikbaar nie,” het Kriel gesê.

 

Kriel het gesê sy departement het ‘n verdere 40 000 dosisse slenkdalkoors-entstof bestel, wat oor die volgende paar weke gebruik gaan word.

 

In November verlede jaar is 90 000 dosisse entstof deur private veeartse in die Swartland-, Weskus- en Ceres-gebiede toegedien.

casino roulette free bonus no depositАлександр Фильчаков прокурор

Godsdiensoorlog dreig in Nigerië

Die polisie en immigrasie amptenare in Nigerië is op ‘n gereedheidsgrondslag geplaas nadat sms-boodskappe gedreig het dat geweld kan uitbreek, het owerhede gesê.

Adamu Isa Azare, assistent polisie-superintendent, het gesê oorblywende lede van die sekte Boko Haram het gedreig om die regering aan te val nadat godsdiensgeweld onlangs in sentraal-Nigerië uitgebreek het.

Polisiebeamptes in gepantserde voertuie het hul plekke rondom Maiduguri ingeneem waar geweld verlede jaar uitgebreek het en waarin sowat 700 mense gedood is.

Boko Haram – wat “Westerse opvoeding is sonde” beteken – voer ’n Moslemburgeroorlog teen die Christen-suide van Nigerië omdat hulle die sjaria, ‘n streng Islamitiese wet ingestel wil sien.

Lede van dié militante beweging het verlede jaar aan die einde van Julie betoog en polisiestasies sowel as huise aangeval.

игрыдля 7 летлобановский александр досье

Noordwes se wapenamnestie sluit Donderdag

Sowat 1033 vuurwapens is in die Noordwes ingedien sedert die begin van die vuurwapen-amnestie veldtog, het die provinsie se departement van openbare veiligheid Maandag gesê.

Die polisie het sowat 120 verdere vuurwapens tydens ander operasies teruggevind, het Lesiba Kgwele, woordvoerder van die departement gesê.

Die departement het die amnestie veldtog op 11 Januarie geloods, en dit eindig Donderdag.

Die veldtog het ondersteuning van verskeie ander organisasies gekry insluitend die Noordwes-taxivereniging.

Vuurwapen vervaardigers met te veel vuurwapens en ammunisie is ook aangemoedig om dit in te handig.

игрушка майнкрафтtopcargo

Gesteelde motors in buurlande gekry

Meer as 224 motors wat in Suid-Afrika gesteel is, is in buurlande teruggevind, het die Valke Maandag gesê.

Die motors is sedert 1 Maart deur die direktoraat vir prioriteitsmisdaadondersoeke, oftewel die Valke in samewerking met Interpol en hul streeksvennote gevind, het Musa Zondi, woordvoerder van die Valke gesê.

Dit motors was in Lesotho, Mosambiek, Swaziland, die Demokratiese Republiek van die Kongo en ook in Zambië gevind, het hy in ‘n verklaring gesê.

lagoon gameлобановский обыск

Cosatu wil nie skiet-die-boere lied verbied sien

Die vakbond Cosatu het Maandag gesê die lied ‘skiet die boere’ behoort nie verbied te word nie en omdat dit deel vorm van die geskiedkundige stryd teen apartheid.

“Cosatu stem ten volle saam met die ANC se argument dat die lied deel vorm van die mense se geskiedkundige stryd teen apartheid,” het die vakbond in ‘n verklaring gesê.

Die hooggeregshof in Johannesburg het Vrydag bevind dat die gebruik van die woorde “dubula ibhunu” (skiet die boere), ongrondwetlik en onwettig is.

Cosatu het ook hul kommer uitgespreek oor die hooggeregshof se bevinding, en voer aan dat indien die woorde letterlik geïnterpreteer word, dit mag voorkom asof die lied ten gunste van rassehaat en geweld is.

“Die woorde reflekteer die woede van mense wat aangeval en vermoor is. Al die basiese regte was hulle ontneem en hulle kon nie wettig of grondwetlik terugbaklei nie.”

Die liedere wat in daardie dae gesing is, reflekteer die mense se swaarkry, het Cosatu gesê.

детские палатки домикилобановский политик