Kategorie: Nuus

Hongersnood tref Nigerië

Niemand weet hoeveel kinders van die honger in Nigerië sterf nie.

In vlugtelingkampe en gebiede wat te gevaarlik is as gevolg van die teenwoordigheid van die ekstremiste, volgens Dokters Sonder Grense, dreig ‘n humanitêre krisis van “katastrofiese” afmetings in die noordooste van Nigerië.

Boko Haram het sy greep verloor in sommige gebiede en van sy slagoffers begin te voorskyn tree.

“Dit is kinders wat basies honger was al hul lewens lank,” sê Jean Stowell, ‘n Amerikaanse dokter in beheer van die sentrum in Maiduguri, die streek se grootste stad. Die sentrum het vervierdubbel in grootte van 110 beddens in die afgelope weke.

Byna ‘n kwartmiljoen kinders is erg ondervoed omdat Boko Haram handel en boerdery ontwrig het. Sowat 2 miljoen mense in die streek kon nog nie bereik word nie.

Met Nigerië in ‘n resessie en sonder hulp van buite, dreig ‘n reuse hongersnood.

Nigerië se regering ondersoek verslae van amptenare wat voedselhulp aan die vlugtelinge steel.

Dokters Sonder Grense asook UNICEF se werkers word deur djihadiste geteiken.

In Bama, die streek se tweede grootste stad, sterf ses mense per dag van wanvoeding en diarree. In die vlugtelingkamp moet gesinne tevrede wees met vier handevol rys vir ‘n week.

Noord-Korea voer vyfde kerntoets uit

Noord-Korea het bevestig dat hy ‘n vyfde kerntoets uitgevoer het, ure nadat seismiese stelsels ‘n ontploffing naby sy kerntoetsterrein waargeneem het.

Dit is soortgelyk aan ‘n aardbewing van 5,3 op die Richterskaal.

Die staatstelevisie in Noord-Korea sê dié land het nou die kennis om kernplofkoppe op ballistiese vuurpyle te monteer.

Dit blyk ook dat daar geen lekkasie van kernmateriaal was tydens die toets nie en dat daar geen impak om die omgewing was nie.

Suid-Korea het intussen ‘n noodvergadering van sy nasionale veiligheidsraad belê.

Suid-Korea se intelligensiediens is bekommerd dat Noord-Korea vinniger vorder met die miniaturisering van kernkoppe vir missiele, het ‘n wetgewer by die vergadering gesê.

Kim Byung-Kee, ‘n lid van intelligensiekomitee in die Suid-Koreaanse parlement sê die Noorde se bedoeling is om ‘n sterk beeld van sy leier, Kim Jong Un (foto, heel regs) uit te straal ter die herdenking van die ontstaan van die Republiek in 1948 en om internasionale sanksies uit te daag.

Noord-Korea word deur die VN verbied om enige kern- of missieltegnologie te toets en bykomende sanksies is reeds ingestel ná sy vierde kerntoets in Januarie.

Die VN se waghondagentskap het hul “diep kommer” uitgespreek oor die toets.

Asiese markte het gedaal na die aankondiging van die toets. Na verwagting sal dit dieselfde uitwerking hê op Europese markte waar die FTSE 100, die DAX in Duitsland en die CAC 40 almal vanoggend laer geopen het.

UKZN eis dat wit visekanselier bedank

Swart studenteleiers by die Universiteit van KwaZulu-Natal eis dat die visekanselier, dr Albert van Jaarsveld (foto) en die res van die senior bestuur bedank.

Die studenteraad se sekretaris-generaal, Sifiso Memela, sê die uitvoerende bestuur is “wanfunksioneel” met ooreenkomste met studente wat nie in werking gestel word nie.

Die jongste anti-wit krete kom nadat swartes die regsbiblioteek op die universiteit se Howard-kampus afgebrand het.

Die regsbiblioteek was 85 jaar oud en kosbare boeke is vernietig.

Hulle sê egter hulle is nie bereid om kompromieë aan te gaan oor hulle eis vir verteenwoordiging op die uitvoerende bestuur van die instelling nie.

Hulle eis ook dat klasgelde onmiddellik afgeskaf word sodat hulle gratis onderwys kan geniet.

Volgens Memela en ander swart leiers het die studente nou reeds geruime tyd probeer om al die beskikbare kanale te volg om die probleme by die instelling op te los.

Die studenteleiers het intussen ook gesê hulle is bereid om vreedsaam na hulle klasse terug te keer wanneer die vierde semester op die 20 ste van die maand begin.

Klasgeldverhogings en fooie bly steeds ‘n netelige kwessie waar die privaatsektor die universiteite sal moet bystaan indien hulle steeds wil inkoop by die heersende ideologie van swart uitnemendheid.

Vir die befondsing van universiteite is die regering tans die enigste bron van finansiële steun.

Swart sowel as wit studente sukkel om te betaal, en hoewel die privaatsektor kan help, is hulle traag om swart studente te ondersteun, en flink om wittes af te takel.

Daar steek ook geen waarheid in berigte ‘n student verkrag tydens die oproer nie, het die Universiteit van KwaZulu-Natal intussen in ‘n amptelike verklaring gesê.

“Dit is heeltemal onwaar, ons weet dit vir ‘n feit,” het UKZN se woordvoerder, Lesiba Seshoka aan eNCA gesê.

“Daar was ‘n berig van seksuele aanranding wat nie op die kampus plaasgevind het nie. Die persoon beweer dit is een van ons studente wat betrokke was, en as sodanig is ons ‘n belanghebbende party.”

Die EFF het die skuld vir die huidige krisis by die land se universiteite op die regering gepak.

‘n EFF-parlementslid, Leigh-Ann Mathys, sê ‘n regering wat omgee vir sy jeug sal hulle help om toegang te kry tot gratis, hoë kwaliteit onderrig.

Heersende droogte aan apartheid toegeskryf

Die regering het Suid-Afrikaners versoek om water te bespaar, weens droogtevooruitsigte wat nie binne die afsienbare toekoms gaan verander nie.

Apartheid is intussen weer blameer vir die heersende droogtetoestand. In die Oos-Kaap het ANC-lede gesê die waterskaarste is te wyte aan die ou wit regering.

Gedurende ‘n raadsvergadering in Queenstown, wou ‘n wit raadslid weet, waarom die watervoorraad in die Oos-Kaap so swak bestuur word.

‘n Swart raadslid het hom toe as volg geantwoord: “Dit is die skuld van die ou apartheidsregime. Julle het die damme te groot gebou en nou sukkel ons om die damme vol te kry wanneer dit reën. Julle moes die damme kleiner gemaak het, dan het dit gouer vol geword en dan het ons genoeg water gehad voor die dam weer leeg word.”

Die Interministeriële Taakspan oor Droogte sê die damvlakke in die land is op hulle laagste vlakke in jare.

Die Minister van Samewerkende Regering en Tradisionele Sake, Des van Rooyen, het in die Parlement op ‘n nuuskonferensie gesê die gemiddelde damvlakke teen die vyfde September was 53 persent teenoor 63 persent verlede jaar.

Die Mogale City-munisipaliteit wat Krugersdorp aan die Wes-Rand insluit, het intussen inwoners gevra om dringend water te bespaar.

Dit volg na ‘n riglyn van die Departement van Water en Sanitasie dat munisipaliteite in Gauteng onmiddellik hulle waterverbruik met 15 persent moet verminder.

Dit is weens die daling in die watervlakke in die Vaalrivier wat die hele Gauteng van water voorsien.

‘n Woordvoerder van die munisipaliteit, Nkosana Zali, sê mense behoort nie hulle motors met tuinslange te was nie, behoort korter te stort en krane toe te draai wanneer hulle tande borsel.

Die Nelson Mandelabaai munisipaliteit in die Oos-Kaap het reeds daarin gelaag om meer as ‘n duisend lekkasies in die Uitenhagegebied reg te maak.

Daar is reeds vierduisend lekkasies aangemeld omdat die talle lekplekke in die Uitenhage en Despatchgebiede nie herstel word nie.

Munisipale amptenare van Port Elizabeth het intussen opdrag gekry om naweke in die gebiede te werk om die lekplekke te herstel.

VN, Israel sê Jodehaat op hoogste vlakke ooit

Jodehaat en demonisering van Israel is op “die hoogste vlak van ons leeftyd,” sê Israel se ambassadeur by die Verenigde Nasies.

Danny Danon het by ‘n hoë-vlakvergadering oor antisemitisme Woensdag by die VN se hoofkwartier in New York gepraat.

“Oor ‘n derde van Europese Jode is bang om ‘n hoofbedekking of Ster van Dawid te dra in die openbaar,” sê Danon.

“Meer as die helfte van Franse Jode oorweeg om te emigreer omdat hulle nie veilig voel om as Jode in Frankryk te woon nie. Vandag hoor ons dinge oor Jode en die Joodse volk wat ons gedink het tot die bladsye van die geskiedenis hoort. … Anti-Semitisme is terug in die alledaagse lewe sonder skaamte.”

Danon het ook gesê sosiale media bied ‘n “nuwe soort bedreiging” in die sin dat anti-Semitisme baie vinnig globaal versprei.

“Die gebruik van die gereedskap van aanlyn sosiale netwerke om die Joodse volk en die Joodse staat te demoniseer, dit is Anti-Semitisme 2.0.”

“Die vyande van die Jode gebruik die gereedskap van moderne tegnologie om Jode regoor die wêreld te teiken en te teister,” het hy gesê, en bygevoeg dat die moderne wêreld die lewe makliker vir anti-Semiete maak want “al wat jy nodig het, is Wi-Fi, ‘n Facebookrekening, en ‘n diep haat vir Jode.”

“Dit is meer doeltreffend as die Protokolle van die Ouderlinge van Sion,” het hy bygevoeg.

Die VN se sekretaris-generaal, Ban Ki-moon het die forum via video toegespreek, en anti-Semitisme “een van die wêreld se oudste, mees deurdringende en dodelikste vorms van haat” genoem.

Britte vaar uit teen Chinese lugdiens se ‘rassisme’

‘n Britse Hindoe, Vivendra Sharma (foto) het uitgevaar teen die Chinese lugdiens Air China en hulle van “rassisme” beskuldig.

Air China het skynbaar hul passasiers gewaarsku om versigtig te wees wanneer hulle sekere gebiede in Engeland besoek waar etniese minderhede met donker velle woon.

Die raad, in Engels en Mandaryns, is deur ‘n Chinese joernalis raakgesien in ‘n tydskrif wat Air China op hul vliegtuie beskikbaar stel.

Volgens berigte is baie Britte woedend oor die beeld wat die lugdiens van Londen weergee.

Sharma, ‘n lid van die Arbeidersparty wat ‘n nie-wit distrik in Londen verteenwoordig, het Woensdag gesê dat hy het aan die ambassadeur van China in Brittanje geskryf, en eis ‘n verskoning vir die “blatante onwaarheid en rassistiese stellings”.

Haze Fan, ‘n produsent van CNBC, het ‘n foto getwiet van die tweetalige artikel van die tydskrif. Gebiede waar daar nie wittes woon nie, moet glo vermy word, het die tydskrif aanbeveel.

Die tydskrif berig dat Londen oor die algemeen veilig is, maar dat toeriste nie saans alleen moet uitgaan nie en vroue nie op hul eie moet reis nie.

Luidens die berig moet mense versigtig wees as hulle, soos dit gestel word, gebiede binnegaan wat hoofsaaklik deur Indiërs, Pakistani’s en swart mense bewoon word nie.

Air China het nie op die berigte gereageer nie.

Cosas steun brand van klaskamer deur swart Kaapse skoliere

Die Congress of South African Students (Cosas) steun die betogings deur leerlinge van die Joe Slovo-skool in Khayelitsha wat reeds die skool gevandaliseer sodat dit tans tot stilstand gekom het. Leerlinge verwerp die skoolreëls oor laatkom, wat onder andere behels dat ‘n boete van R2 deur laatkommers betaal moet word.

Gister was die skool verlate (foto hier bo) nadat ‘n klaskamer aan die brand gesteek en onderwysers se motors beskadig is.

Volgens die provinsiale sekretaris van Cosas, Michael Malayo, beplan hulle om leerlinge van ander skole in Khayelitsha te vra om saam met Joe Slovo-leerlinge te betoog.

“Teen Vrydag (môre) wil ons al die leerlinge van die 21 skole (in die lokasie) gaan haal en na die LUR vir onderwys toe opruk,” sê hy.

Benewens die R2-boetes vir laatkommers, word die skoolhoof Majiet Parker, daarvan beskuldig dat hy lyfstraf toepas en boonop swanger meisies beboet.

Gister het leerlinge ‘n memorandum aan amptenare van die Wes-Kaapse onderwysdepartement oorhandig. Die betogende leerlinge wil hê dat Parker van die skool verwyder moet word.

Die skoolhoof ontken egter dat hy swanger meisies beboet, maar erken dat hy laatkommers met R2 elke beboet.

Gister was daar ‘n groot polisiemag by die skool nadat die klaskamer deur betogende leerlinge aan die brand gesteek is, asook motors van onderwysers beskadig is.

Nuwe OB goedgekeur

Die Nasionale Vergadering het die ontleder van die Staatsveiligheidsagentskap, Busisiwe Mkhwebane, as die nuwe Openbare Beskermer goedgekeur.

Die Vergadering het die adhoc-komitee se verslag oorweeg waarin Mkhwebane as die voorkeurkandidaat aangedui is om die uittredende Thuli Madonsela te vervang.

Al die partye behalwe die DA het ten gunste van haar gestem. Volgens die DA is sy ‘n “spioen van Suid-Afrika se geheimediens”.

Volgens die grondwet moes sy minstens 60 persent, oftewel 240, van die 400 stemme kry. ‘n Totaal van 263 lede het vir haar gestem, en slegs nege-en-sewentig teen haar.

Die uittredende Openbare Beskermer, Thuli Madonsela, het ‘n beroep op haar opvolger Mkhwebane gedoen om haar deur die Grondwet en die oppergesag van die reg te laat lei.

Madonsela het ‘n toekenning in Pretoria ontvang terwyl die Nasionale Vergadering Mkhwebane se benoeming om haar pos oor te neem bekragtig het, en kon nie die geleentheid bywoon nie.

Madonsela sê formele gelukwensinge sal volg onmiddellik nadat President Jacob Zuma Mkhwebane se aanstellling bevestig het.

Beroemde Afrikaanse tenoor oorlede

Die beroemde Afrikaanse operasanger, Johan Botha is by sy huis in Wenen in Oostenryk oorlede.

Die sanger is net meer as ‘n jaar gelede met lewerkanker gediagnoseer.

Botha was kort voor sy dood in Suid-Afrika waar hy ‘n reeks konserte vir die Suid-Afrikaanse Kankervereniging sou hou. Die Gautengse konserte is egter weens sy gesondheid gekanselleer.

Die 51-jarige Botha was een van die voorste internasionale tenore en het in al die bekende operahuise in die wêreld opgetree.

As gevolg van sy ernstige siekte moes Botha op 28 April die “Turandot” première by die Weense Staatsopera kanselleer.

Botha het kort tevore “Otello” by die Salzburg Paasfees afgestel en kon nie sy rol as Siegmund in die “Die Walküre” in die Semperoperahuis volstaan nie.

Merkel waarsku dat linkses ‘hul woorde moet kies’ sodat regses nie steun wen nie

Kanselier Angela Merkel het Woensdag haar regering se hantering van die vloed­golf migrante wat Duitsland verlede jaar binnegekom het, verdedig.

Sy het toegegee dat heelwat nog gedoen moet word en gewaarsku dat kommer, wat tot toenemende steun vir anti-immigrasie nasio­nalistiese partye gelei het, met erns bejeën moet word.

Merkel het gesê linkse partye moet hul taalgebruik en retoriek aanpas sodat regses nie ontstig word en stemme kry nie.

Sy het wetgewers in Berlyn meegedeel dat sedert verlede jaar dieselfde tyd toe sy hulle toegespreek het, Duitsland ’n “ver pad” gekom het om honderdduisende migrante te “integreer”.

Die Duitse media steek die ware toedrag van sake oor migrante-integrasie, aanvalle en verkragtings egter weg.

“Die situasie is aansienlik beter as verlede jaar, maar baie moet nog baie gedoen word,” het Merkel sonder ironie gesê.

Die afgelope naweek het Merkel se Christelike Demokratiese Unie (CDU) ’n vernederende derde plek behaal in verkiesings in Mecklenburg-Wes-Pomeranse, waar Merkel se parlementêre kiesafdeling geleë is.

Die nasionalistiese anti-­immigrasie Alternatief vir Duitsland (AfD) het die oorwinning behaal.

Dié deelstaat is die tuiste van enkele migrante, maar Merkel het ná die verkiesing erken dat die uitslae meer met nasionale as plaaslike kwessies te doen het.

Sy het die Bundestag, waar die AfD nie verteenwoordiging het nie, meegedeel dat die verkiesing ’n weerspieëling was van die “blou oog” wat “diegene wat op slagspreuke en die soeke na maklike oplossings staatmaak” toegedien het.

Sy het gewaarsku dat kiesers se kommer, hetsy gegrond of ongegrond, moet ernstig deur almal opgeneem word, omdat die AfD steun van al die hoofpartye afgerokkel het.