Koningin dra by vir brandslagoffers

Koningin Elizabeth II gaan 'n privaatskenking maak ter ondersteuning van 'n fondsinsameling vir die slagoffers van Australië se ergste veldbrande ooit, het 'n koninklike woordvoerder gesê.

Buckinghampaleis het nie gesê hoe groot die skenking sal wees nie. Dit sal gemaak word aan die Victoria Veldbrand Fonds, wat begin is deur die Australiese Rooikruis, saam met die eerste minister van Victoria en die federale regering.

Koningin Elizabeth, wat Australië se titulêre staatshoof is, het soortgelyke skenkings gemaak na versoeke vir fondse gerig is na die Asiese tsunami in Desember 2004 en die Julie 2005 selfmoordbomaanvalle in die Londense openbare vervoernetwerk.

Brandweermanne het Dinsdag steeds gewerk om Australiese gemeenskappe te red wat bederig word deur die veldbrande wat 181 lewens geëis het. Dié syfer gaan na verwagting nog styg.

Die koninging het Sondag in 'n verklaring gesê: "Ek is geskok en hartseer om te hoor van die verskriklike tol wat die brande die naweek geëis het."

Sy het "innige meegevoel" uitgespreek teenoor die families van die oorledenes, "diepe simpatie" met die wie se huise afgebrand het en erkenning aan die "buitengewone" pogings van die nooddienste personeel.

бани под ключ недороголобановский александр игоревич

Zuma maak sy skuif

ImageANK-president Jacob Zuma, se regslui het hulle voorleggings aangaande Zuma se saak by die Nasionale vervolgingsgesag (VG) ingehandig, het die VG-woordvoerder Tlali Tlali gesê.

"Hulle het die dokumente vandag ingedien… en die VG sal dit oorweeg," het Tlali gesê.

Hy het egter niks gesê oor die tyd en die formaat waarin die dokumente ingehandig is nie, en het niks oor die inhoud gesê nie.

"Dis is nie moontlik nie…Wat belangrik is, is dat dit ingedien is gedurende kantoorure vandag (Dinsdag)," het hy gesê toe hy gevra is oor die voorleggings.

Zuma se prokureur, Michael Hulley, het Maandag aan SAPA gesê dat die dokumente "vertroulik" is en nie aan die media verskaf sal word nie.

"Dit is vertroulike dokumente wat net bedoel is vir die VG," het hy gesê.

Zuma se regslui was veronderstel om die voorleggings reeds op 26 Januarie in te dien, maar was nie in staat om die spertyd te haal nie. Hulle was op daardie stadium besig met die aansoek vir die appèlhof en ook die verskyning in Pietermaritzburg.

Die reg om 'n voorlegging te maak aan die VG voordat hy weer aangekla word vir korrupsie saam met die wapenmaatskappy Thint, was deel van Zuma se oorhoofse regstrategie.

Die voorlegging is gewoonlik in die vorm van 'n brief, wat dan deur die owerhede oorweeg word.

'n Onlangse uitspraak in die appèlhof het die klag teen Zuma weer ingestel.

Zuma en Thint sal uiteindelik waarskynlik albei aansoek doen dat die klag teen hulle permanent laat vaar word.

парусные яхты купитьтопкарго развод

Rasvoorkeure is hier om te bly, s? Motlanthe

ImageDie regering se beleid oor rasvoorkeure sal ferm in plek bly, het president Kgalema Motlanthe Dinsdag gesê.

In 'n antwoord in die nasionale vergadering gedurende 'n debat oor sy staatsrede, het hy verwys na die Vryheidsfront Plus leier, Pieter Mulder se stelling oor die effekte van rassevoorkeur op jong Suid-Afrikaners.

Mulder het gesê dat onder andere "hoor die jongmense dat hulle vaardighede en bydraes tot die ontwikkeling van die land nie nodig is nie."

Motlanthe het gesê die regering bly verbind aan die beginsel om ongeregtighede van die verlede reg te stel en seker te maak dat die diskriminasie waaraan die swartmense onderworpe was te staak.

"Dit is nie net logies nie, maar ook 'n konstitusionele plig," het hy gesê.

"Soos ons altyd gesê het, bly rassevoorkeur daarop gemik om alle Suid-Afrikaners te betrek op alle vlakke van die ekonomie en die sosiale lewe."

"Ons hoef net 'n paar statistieke te noem om te wys hoe rasseverdeling steeds ons samelewing kenmerk."

Onder andere, in 2007 was die werkloosheidsyfer onder swartmense 30% terwyl dit onder blankes net 4% was.

'n Ondersoek in September 2008 het getoon dat 5,5% van swart gegradueerdes werkloos was, terwyl die syfer vir ander bevolkingsgroepe weglaatbaar klein was.

Motlanthe het ook herhaal dat ten spyte van die globale ekonomiese afplatting, die regering sal volhou met sy openbare beleggingsprojekte, waarvan die waarde toegeneem het tot R690 miljard, vir die volgende 3 jaar.

"Ons sal die openbare sektor se indiensnemingsprogramme verskerp, ons sal saam met die sakesektor werk om 'n afplatting in beleggings teen te werk en die onnodige sluiting van produksielyne te voorkom, en die regering sal maatskaplike besteding volhou en uitbrei."

купить воронеж сверлаДанильченко Юрий отзывы

Mbeki sal getuie wees van nuwe era in Zim

Die voormalige Suid-Afrikaanse president Thabo Mbeki sal die insweringseremonie van eerste minister Morgan Tsvangirai en sy adjunk Arthur Mutambura in Zimbabwe bywoon. Dit sal 'n historiese oomblik in Zimbabwe se geskiedenis wees wanneer die regerng van nasionale eenheid uiteindelik na maande van twis die ooreenkoms in plek kry.

Woordvoerder Ronnie Mamoepa het bevestig dat Mbeki die geleentheid sal bywoon as die SAOG se onderhandelaar in die magsdelingsooreenkoms.

"Dit volg na die onlangse SAOG-onderhandelde globale politieke ooreenkoms wat gefasiliteer is deur voormalige president Thabo Mbeki, waarvolgens die drie hoof politieke partye in Zimbabwe ingestem het tot 'n regering van nasionale eenheid," het Mamoepa gesê.

"Suid-Afrika, soos die res van die lande in die streek, staan gereed om die mense van Zimbabwe te help op die moeilike weg na rekonstruksie, ontwikkeling, ekonomiese herstel en nasionale rekonsiliasie."

Mbeki was aan die ontvangkant van kritiek vir sy beleid van "stille diplomasie" wat betref die Zimbabwe kwessie.

Dinsdag het president Kgalema Motlanthe gesê die ooreenkoms is 'n "bewys" van Suid-Afrika se benadering ten opsigte van Zimbabwe, "ten spyte van kritiek uit sekere geledere."

Motlanthe sal na verwagting Vrydag in Harare aankom om die inswering van kabinetsministers by te woon.

Minister van buitelandse sake en die SAOG-voorsitter, Nkosazana Dlamini-Zuma, sal ook die verrigtinge bywoon.

расчет гидроаккумуляторатопкарго развод

Baragwanath het tekort aan dokters

Te min dokters is beskikbaar om al die pasiënte in sommige departemente van die Chris Hani Baragwanath-hospitaal te behandel, het die Gauteng departement van gesondheid Dinsdag gesê.

Woordvoerder Phumelele Kaunda het gesê die hospitaal se urologie departement het nie genoeg dokters om na al die pasiënte om te sien nie.

"Die tekort aan dokters maak dit moeilik vir hulle om na al die pasiënte op dieselfde dag om te sien," het Kaunda gesê.

Maandag het die DA gesê die hospitaal keer meer as 50 pasiënte per dag weg. DA woordvoerder Jack Bloom het gesê dit is "onmenslik" dat pasiënte weggestuur word en aanbeveel word om later in die week terug te kom.

In reaksie het Kaunda gesê dat dokters slegs op "afsprake" werk.

"Pasiënte wat nie ingeboek word nie, word na die buitepasiënte gestuur waar hulle behandeling ontvang terwyl hulle wag op die datums wanneer hulle die uroloog moet sien."

Sy was egter nie in staat om te kan sê wanneer die situasie by die hospitaal opgelos sal word nie, maar sy het gesê dat hulle daaraan werk om nog dokters te huur.

"Die tekort aan dokters is 'n globale probleem, maar die Gauteng departement van gesondheid streef daarna om gesondheidswerkers te werf en te behou."

махровый халат для девочки купитьДанильченко Юрий Харьков

Tswane Universiteit van Tegnologie sluit sy deure

Alle normale aktiwiteite by die Tswane Universiteit van Tegnologie (TUT) is vandag gestaak tot verdere kennisgewing.

Universiteitswoordvoerder Willa de Ruyter het in 'n verklaring gesê dat die besluit Dinsdag geneem is na die intimidering van nie-stakende personeel deur lede van die unies by die instituut oor die laaste paar dae.

Sy het gesê die besluit is ook beïnvloed deur geweld en vandalisme wat opgemerk is gedurende die staking.

Lede van die nasionale onderwys, gesondheid en geallieerde werkers se unie (Nehawu) en die Nasionale Unie van Tersiêre Werknemers van Suid Afrika (Nutesa) het verlede maand begin staak ook salarisverhogings.

"Die veiligheid van personeel, studente en universiteitseiendom is ons primêre bekommernis en die bestuur het die besluit geneem om enige verdere bedreigings van die veiligheid van mense en eiendom van TUT te voorkom," het De Ruyter gesê.

Aanlynregistrasies buite die kampus is egter steeds aan die gang vir senior studente wat in besit is van hulle PIN-nommers en wat nie enige blokkasies op hulle rekeninge het nie.

"Studente wat wil inskryf vir 'n B-tech graad en nog nie goedgekeur is deur hulle akademiese departemente nie, behoort die departement te kontak wanneer die universiteit heropen," het De Ruyter gesê.

Die finale sluitingsdatum vir registrasie sal vorentoe geskuif word, maar die nuwe datum sal eers bekend gemaak word wanneer die universiteit weer heropen.

дитячі ігри для дівчатокФільчаков прокурор

Sjina se grootste Afrikaprojek wankel

Sjina se grootste beleggingsooreenkoms in Afrika is besig om te wankel nadat Westerse skenkers begin druk toepas het om 'n minerale-vir-infrastruktuur kontrak in die DRK ter waarde van $9 miljard te heronderhandel.

Volgens die ooreenkoms sal 'n staatsbeheerde konsortium van Sjinese maatskappye paaie, spoorweë, hospitale en universiteite bou in ruil vir die reg om 'n kobalt- en kopermyn te ontwikkel.

Maar druk om die ooreenkoms te verander het gekom van Westerse skenkers wat nie sal skiet gee op historiese skuld van $11 miljard van die regering van president Joseph Kabila indien hy die Sjinese finansiering op kommersiële terme aanvaar nie.

Die Kongo is angstig om voordeel te trek uit die skuldverligtingskema vir arm lande en om toegang te kry tot nuwe vorme van Westerse ontwikkelingshulp, maar dit is tans nie moontlik nie, aangesien die Internasionale Monetêre Fonds 'n nuwe program vir die land moet goedkeur, wat hulle nie reg is om te doen nie.

Die fokus van die kommer, volgens Westerse diplomate in Kinshasa, is dat die ooreenkoms aan die Sjinese konsortium ongekende staatswaarborge kan gee, insluitend teen sommige regeringsbates.

Maar Wu Zexian, Sjina se ambassadeur in die Kongo, het aangedui dit sal nie so maklik wees om die kontrak te heronderhandel nie. "Hulle (Westerse instansies) is verkeerd om die Kongo te vra om die staatwaarborg te verwyder. Dit is afpersing," het hy gesê.

гидро пескоструйОлександр Васильович Фільчаков

Cambridge ondersteun glo slawerny, rassisme en kolonialisme

ImageCambridge-universiteit is gister daarvan beskuldig dat hulle slawerny en rassisme ondersteun deur 'n deftige bal te hou om die uitspattighede van die Britse ryk te vier.

Emmanuelkollege is die gasheer vir die "Ryksbal" ter ere van die "Victoriaanse statebond en al sy dekadensie" teen 'n prys van R1 360 per kop.

Maar daar was woede van anti-rassistiese groepe omdat studente aangemoedig is "om partytjie te hou asof dit 1899 is – die jaar waarin die Boereoorlog begin het en konsentrasiekampe die eerste keer gebruik is."

Plakkate wat die geleentheid adverteer het gelees: "Eens was daar 'n koninkryk wat 'n kwart van die wêreld se bevolking regeer het, wat omtrent dieselfde verhouding van die wêreld se grond oorheers het en byna al die oseane gedomineer het."

"Hulle het gesê dat die son nooit ondergaan op die Britse ryk nie – maar by die ryksbal sal jy wens dat dit nooit opkom nie."

"Reis saam met ons na die Indiese Raj, 'n ontluikende Australië en die Wes-Indiese eilande. Ons nooi jou uit om die Pax Britannica te ervaar en partytjie te hou asof dit 1899 is."

Teenstaanders het die tema as "kwetsend" beskou en die organiseerders beskuldig dat hulle "wit snobiste uit die boonste klasse van die samelewing" is.

'n Groot ongelukkigheid het uitgebreek onder die studente by die kollege – ook bekend as onder studente as "Emma" – op die sosiale netwerk Facebook.

Die Ryksbal, wat plaasvind op 14 Junie, is die jaareindfunksie vir die kollege en daar word van meeste studente verwag om dit by te woon.

Maar dosyne het kommer uitgespreek oor die tema op die Facebook-groep 'Emma against the empire' wat eis dat die tema laat vaar word.

Studente het weersin getoon omdat dit in 1899 was wat Brittanje 'n driejarige-oorlog teen die Boere begin het in wat nou Suid-Afrika is.

Die konflik word gesien as 'n donker hoofstuk in die imperiale geskiedenis, waarin daar massas plaaslike mense bymekaar gemaak is in kampe, wat later Hitler se doodskampe geïnspireer het.

Die Britse ryk, wat lank terug 'n kwart van die wêreld beslaan het, word ook beskuldig dat hy slawerny en uitbuiting in Afrika en Asië laat voortbestaan.

"Kolonialisme word geassosieer met onderdrukking, uitbuiting en slawerny. Ons is nie oorsensitief nie, maar mens moet êrens 'n streep trek. Vir 'n vooraanstaande universiteit soos Cambridge is dit verbasend hoe oningelig sommige mense kan wees."

пробурить артезианскую скважину ценаданильченко юрій Харків

Manuel gaan besteding opstoot

Suid-Afrika gaan na verwagting 'n hele klomp geld spandeer om sy ekonomie te versterk teen die globale afplatting, wanneer die minister van finansies, mnr. Trevor Manuel Woensdag die begroting bekendmaak, het ekonome gesê.

Met veldtogte sterk aan die gang vir die komende algemene verkiesing, sal Manuel waarskynlik ook die ANK se planne om armoede en werkloosheid teen te werk, bekendmaak, in 'n poging van die regering om die groot maatskaplike gaping te oorbrug.

Ekonome voorspel dat met inkomstes wat afgeneem het en beloftes van spandering wat toegeneem het, die begrotingsoorskryding kan toeneem van 1,6% van die bruto binnelandse produk – teen die laaste skatting in Oktober – tot soveel as 3,5%.

Manuel het lank reeds Suid-Afrika se ortodokse ekonomiese beleid verdedig teen versoeke vir groter maatskaplike besteding en redeneer dat die konserwatiewe beleid sover die land beskerm het teen die ergste van die globale krisis.

Maar in Oktober het hy Suid-Afrika se eerste begrotingstekort aangekondig sedert 2005, as 'n gevolg van verswakking in uitvoere en daling in kommoditeitspryse.

Vier maande gelede het Manuel gewaarsku dat groei in 2009 sal afneem na 3%, na vier jaar van groei teen 5% per jaar, maar ekonome het gesê dat daardie skatting weer verlaag sal moet word.

"Ons eie skatting is iets nader aan1%," het Sanlam se groepsekonoom, Jac Laubscher gesê.

Suid-Afrikaanse maatskappye het reeds begin om duisende poste te sny, met Anglo Platinum wat Maandag gesê het dat 10 000 kontrak- en mynwerkers die jaar hulle werk kan verloor.

free money slotsлобановский александр биография

Olieprys verhandel onder $40 per vat

Oliepryse het Dinsdag in Asië onder $40 per vat rondgespeel selfs na beleggers bewus geraak het van die massiewe Amerikaanse stimulushulppakket as 'n moontlike versterking vir die dalende ru-olie aanvraag.

Ligte ru-olie vir Maartlewering het met 35 sent gestyg tot $39,91 per vat in Singapoer op die New York Merchatile Exchange. Die kontrak het oornag met 61 sent gedaal tot op $39,56.

Die senaat het Maandag 'n $838 miljard ekonomiese stimulus wet in 'n toetsstemming goedgekeur, en die finale goedkeuring vir Dinsdag gelaat. Die plan sal dan gerekonsilieer moet word met 'n $819 miljard pakket deur die huis van verteenwoordigers.

Die maatreël wat nader beweeg aan goedkeuring in die senaat vra vir meer belastingverligting en minder spandering as die wetgewing wat tans voor die huis van verteenwoordigers dien.

летний комбинезон для девочкиОлександр Фільчаков прокурор