Herrie oor kunswerk: “Ek is trots om rassis te wees…”

Die kunstenaar, Willem Boshoff, wat bekend is vir sy kunswerke met gegraveerde woorde, het vir omstredenheid by die Venisiese Biennale gesorg met sy werk Racist in South Africa. Dit bestaan uit ‘n gedig wat op ‘n vierkantige aluminiumplaat van 1,2m gegraveer is en ‘n litanie van bekende klagtes oor die nuwe Suid-Afrika bevat. Die gedenkplaat begin met die woorde in Engels: “I am proud to be labelled racist in South Africa if it means that…”

Die kunswerk het agter ‘n herrie onder meer polities korrekte en Engelssprekende kunstenaars veroorsaak. Een so ‘n kunstenaar het anoniem aan die koerant City Press gesê “dis ‘n ballade van blanke bevoordeling… Ek sal Boshoff nooit weer ernstig opneem nie.” Iemand anders het gesê: “Hierdie werk is nie eens ‘n liberale persoon wat weeklaag nie. Dis 100% konserwatief.” Nog ‘n linkse kunstenaar meen: “Dis 2015 en dis al wat Suid-Afrika het om te wys? Ek het nie tyd vir sulke k.. nie.”

Toe hy om kommentaar genader is, het Boshoff bloot gesê: “Ek het niks om te sê nie; die werk spreek vanself. Ek het dit in 2011 gemaak toe dit tydens ‘n eenmantentoonstelling in Johannesburg vertoon is. Ek het dit nie vir die Biennale gekies nie; dis deur ‘n komitee aangewys.”

Boshoff was en die vroeë tagtigerjare deel van ‘n avant-garde-kuns- en letterkundebeweging waarby dr. Dan Roodt van PRAAG ook destyds betrokke was. Sowel Boshoff as Roodt het met konkrete poesië en Afrikaanse woorde geëksperimenteer wat deur Uitgewery Pannevis uitgegee is. Boshoff se grootformaatdigbundel van destyds heet Kykafrikaans en sy werk met woorde en inskrywings op metaal en klip kan as ‘n voortsetting daarvan gesien word.

Wille Boshoff se digbundel, Kykafrikaans, wat in 1980 verskyn het
Wille Boshoff se digbundel, Kykafrikaans, wat in 1980 verskyn het

Roodt het die volgende kommentaar gelewer: “Mens sien nou weer ‘n tipiese linkse heksejag wat deur die Naspersmedia soos City Press en Beeld teen Boshoff gevoer word. Nóg Ferial Haffajee van City Press nóg Adriaan Basson van Beeld verstaan enigiets van kuns of letterkunde. Hulle is linkse filistyne vir wie nivellering en konformisme soos ‘n godsdiens is. In hul wêreldbeskouing is daar geen plek vir kreatiwiteit of spraakvryheid nie. Vandaar nou dié poging om Boshoff se werk te stigmatiseer. Hy lewer ook ironiese kommentaar op die obsessie met beskuldigings van ‘rassisme’ in Suid-Afrika, soos dit deur Naspers, maar ook Afriforum, gepleeg word. Die verdelingslyn in Afrikaans en in Suid-Afrika loop steeds diegene wat meer vryheid en minder geweld/terreur wil sien, teenoor die Broederbond-NP-tipes wat met die ANC/SAKP vesmelt het en vandag vir lief neem met plaasmoorde, grootskaalse verkragting en ‘n korrupte rampokkerstaat. Eintlik voer ons nog dieselfde stryd as in 1980 toe ons as jong Afrikaners gepoog het om met ‘n meer kreatiewe benadering te kom. Ek kom al hoe meer mense teë wat ons destyds ondersteun het en vandag steeds met ons saamstem. Hulle sien ook in dat die gesanik oor rassisme die nuwe soort Lammie Snyman-sensuur is. Vandag se sensors is net baie dommer en groter barbare as dié van destyds.”

Sommige van Boshoff se kritici het sy kunswerk met die lirieke van Steve Hofmeyr vergelyk. ‘n Britse akademikus aan die Universiteit van die Witwatersrand, Chris Thurman, het sy “teleurstelling” met die werk uitgespreek.

Die tema van die Suid-Afrikaanse tentoonstelling in Venisië is What remains of tomorrow en van die swart kunstenaars fokus op die xenofobiese geweld in Suid-Afrika.

Een van die kurators van die tentoonstelling, Christopher Till, sê dat Boshoff meen dat hy “in geen opsig ‘n rassis is nie, maar dat die rassekaart altyd gespeel word sodra daardie kwessies ter sprake is… Ek het half voorsien dat daar ‘n reaksie op Boshoff se werk sal wees, maar dit poog nie om konfrontasioneel te wees of om ‘n groot kwessie te skep nie. Maar dit is ‘n stem, een tussen 13 ander, en dit word deur ‘n kunstenaar vanuit ‘n bepaalde perspektief uitgespreek.”

EU skep vlootmag om swart gety terug te draai

Ministers van die Europese Unie het planne goedgekeur om ‘n vlootmag te skep om die gety van swart immigrante na die EU te keer.

Die ministers sê daar sal op mensesmokkelaars wat veral in Libië bedrywig is, gefokus word.

Sedert die VSA die Libiese staatshoof laat vermoor het, het die land in chaos verval met Islamitiese militante wat ‘n veldtog teen gematigde groepe voer.

Die EU se hoof van buitelandse beleid, Federica Mogherini sê lidlande sukkel om die las van onwettige immigrante van Afrika en die Midde-Ooste te hanteer.

Die koste van migrasie weeg swaar op Europese kiesers, ook by die stembusse in Nederland en Frankryk waar anti-immigrasiepolitiek groot sukses behaal.

Swart fortuinsoekers wat die Middelandse See oorsteek om Europa te bereik, teer in die meeste gevalle op die wit belastingbetaler en dra min by tot ekonomiese groei.

Mogherini sê die operasie sal aanstaande maand bekendgestel word, en die basis sal in Rome wees.

Sy sê daar sal ook met die Afrika Unie en Midde-Oosterse lande saamgewerk word om misdaadsindikate en mense-smokkelaars aan te keer.

Linkse partye is gekant teen die beperkings op immigrasie omdat hulle Moslems as stemvee beskou.

Die Nederlandse aktivis, Joost Niemöller, sê dit was nie altyd so nie. Die Katholiek Nieuwsblad skryf onlangs:

Volgens Niemöller heeft in de Nederlandse politiek de SP al in 1983 nog het meest verregaande onderzoek naar immigratie gedaan met het rapport Gastarbeid en kapitaal. “Daarin werd geconcludeerd dat de meeste gastarbeiders de islam aanhingen, een godsdienst waarvan men vond dat die hier niet past. Daar zagen ze twee oplossingen voor: óf deze gastarbeiders leggen hun godsdienst af, óf ze krijgen een bedrag en keren terug. Dat zou vandaag zelfs [Geert]Wilders niet meer durven voorstellen”.

Bob Hewitt gaan ses jaar agter tralies deurbring

Die voormalige Grand Slam-tenniskampioen, Bob Hewitt (75), gaan ses jaar agter tralies deurbring vir seksuele misdade.

Die oud-tennisster is skuldig bevind aan verkragting en onsedelike aanranding wat hy dertig jaar gelede gepleeg het.

Op die eerste aanklag van verkragting is sy vonnis van agt jaar vir twee jaar opgeskort indien hy R50 000 aan die Departement van Justisie betaal vir bewusmakingsveldtogte.

Regter Bam het in sy uitspraak gesê Hewitt het net homself te blameer vir sy optrede en hy sou langer gesit het, minstens 20 jaar, as hy vroeër aangekla was.

Hewitt is in Maart vanjaar skuldig bevind aan twee verkragtings sowel as onsedelike aanranding van ‘n derde vrou. Hy het die vroue aangerand terwyl hy aan hulle tennislesse gegee het.

Drukgroepe en aktiviste het gekla dat Hewitt te lig daarvan afgekom het, maar die regter het sy swak gesondheidstoestand glo ook oorweeg. Hewitt het vroeër beroerte gehad.

Vrou herhaaldelik verkrag by weermagbasis

‘n Soldaat van die Tempe-weermagbasis in Bloemfontein sal na verwagting eerskomende Maandag in die plaaslike landdroshof om borgtog aansoek doen nadat hy glo ‘n jong meisie die afgelope naweek herhaaldelik verkrag het.

Die soldaat was vermoedelik swart.

Polisiewoordvoerder, Chaka Marope, sê die verdagte het Sondag in die vroeë oggendure glo ‘n 22-jarige meisie, wat ‘n geleentheid gesoek het, langs die pad in Nelson Mandelarylaan met sy motor opgelaai.

Volgens Marope het die verdagte na bewering die meisie na sy huis op die basis geneem en herhaaldelik verkrag.

Sy het daarin geslaag om weg te kom waarna die verdagte haar agternagesit het en weer verkrag het.

‘n Buurman het die meisie hoor skree en ondersoek gaan instel. Marope sê die verdagte is op die toneel in hegtenis geneem.

Hy bly in aanhouding nadat hy vandag vlugtig in die hof op ‘n aanklag van verkragting verskyn het.

Kovsies moet kampuskleuterskool sluit

Die private kleuterskool op die Universiteit van die Vrystaat se Bloemfontein-kampus, Tiny Professors, gaan volgende maand sy deure sluit.

Dit kom nadat die skool vroeër die maand ‘n brief, wat in OFM-nuus se besit is, aan ouers gestuur het waarin aangekondig word dat die skool op 5 Junie weens geldelike probleme gaan sluit.

In die brief word dit aan ouers gestel dat hulle hul kinders by die eienaar van die kleuterskool, Ricka van Kerkhof se dogter se skool in die stad kan inskryf.

Volgens die UV se Lacea Loader speel die skool ‘n belangrike rol by die universiteit en gaan nie sy deure sluit nie.

Die kleuterskool sien om na kleuters sedert 2012 nadat werknemers toenemende vir ‘n kleuterskool op kampus gevra het.

Intussen volgens ‘n ingeligte bron, wat verkies om anoniem te bly, is daar reeds vir ‘n geruime tyd probleme by die skool. Dit sluit glo onder meer swak versorging van die kinders in.

Tientalle kinders is al sedert die begin van die jaar deur hul ouers in ander kleuterskole geplaas.

Welkom woedend oor naamsveranderinge

Inwoners van Welkom is ontevrede oor die voorgestelde plek- en straatnaamsveranderinge in die Matjhabeng Plaaslike Munisipaliteit.

Van die voorgestelde veranderinge sluit onder andere Constantia-straat na Govan Mbeki-weg, Jan Hofmeyer-straat na Ahmed Kathrada-weg en Volksweg na Andrew Mlangeni in.

Inwoners kla dat sulke veranderinge nie versoenend is nie maar sal eerder verdeeldheid aanhelp.

Intussen het sakeondernemings van Welkom gesê hulle is ontevrede met die finansiële implikasies wat sulke naamsveranderinge tot gevolg sal hê, en dat daar belangriker sake is om op te fokus.

Daar sal hierdie Vrydag om 16:00 ’n openbare vergadering by die TS Du Plessis-saal wees waar inwoners hul menings kan lug.

Suid-Kaap: Voëls toets negatief vir voëlgriep

Talle dooie voëls in die Suid-Kaap is negatief vir voëlgriep getoets, het RSG berig.

Die staatsveearts is ontbied nadat dooie trekvoëls in die Wildernis-gebied ontdek is.

‘n Woordvoerder van SanParke, Nandi Mgwadlamba sê daar is geen teken van voëlgriep of Newcastle-siekte by die voëls opgespoor nie.

Dit blyk dat die voëls gevrek het van ‘n bakteriële infeksie wat in die grond voorkom.

Warm temperature is nodig om dit te versprei. Dit hou geen gevaar vir mense in nie.

Tshwane ignoreer omgedolwe oprit

‘n Montanapark-inwoner van Pretoria is warm onder die kraag na die plaveisel van haar oprit deur die Tshwane-metro in Desember opgegrawe is om ‘n gebarste waterpyp te herstel net so gelaat het.

Volgens Charmaine van der Walt is die plaveisel van haar eiendom in Besembiesiestraat sedert Desember opgegrawe.

“Die probleem het ontstaan nadat ‘n waterpyp gebars het. Na byna sewe dae het die metro die gebarste pyp herstel, maar die plaveisel net so omgedolwe gelaat. Na verskeie oproepe en e-posse het die metro belowe om iemand in Januarie te stuur om dit te herstel en ek wag nou nog,” het ‘n gefrustreerde Van der Walt gesê.

Van der Walt het gesê sy probeer haar huis verkoop, maar geen kopers wil die huis hê met plaveisel voor die oprit wat omgedolwe is nie.

Sy versoek die metro om die plaveisel so spoedig as moontlik te herstel om enige verdere ongerief te vermy.

Die metro het op verskeie navrae van Rekord Noord wat aan hulle gerig is nie gereageer nie.

Liggaam van vrou in motor gevind

Die liggaam van 34-jarige vrou is Maandagoggend in haar motor by Boardwalk Office Park in Faerie Glen, Pretoria gevind, het die polisie se woordvoerder ao Dave Miller gesê.

Miller het gesê die motor is gevind in die parkeerterrein van die kantoorpark.

‘n Ooggetuie, wat anoniem wil bly, het gesê die vrou is glo by ‘n kafeerestaurant regoor die kantoorpark Sondagnag opgemerk.

“Ek het by die kantoor opgedaag teen 07:50 en polisie op die toneel aangetref. Die liggaam is verwyder omstreeks 10:00. Van wat ons kon sien, was sy ‘n wit vrou.”

Miller het gesê hy kan nog nie die tyd en die oorsaak van die onbekende vrou se dood bevestig nie.

Hy het gesê ‘n nadoodse ondersoek sal gedoen word.

Pik Botha se seun vaar uit teen BRICS

Dr Roelof Botha meen BRICS se anti-Amerikaanse ingesteldheid kan Suid-Afrika suur bekom. Botha, Pik Botha se seun, het in ‘n meningstuk in Netwerk24 gesê die Wêreldbank en die Internasionale Monetêre Fonds in onvervangbaar wat “vryemarkbeginsels, private eiendomsreg, vryheid van spraak en demokrasie” betref.

Botha sê Suid-Afrika behoort sy deelname aan BRICS te heroorweeg omdat lidmaatskap “verhoudinge kan vertroebel met lande wat veel groter bydraes tot ons ekonomiese welvaart lewer en is buitendien hopeloos onbekostigbaar vanuit ’n fiskale hoek”.

Heelwat opgewondenheid het vier jaar gelede geheers toe Suid-Afrika genooi is om deel te word van die destydse Bric-groepering (Brasilië, Rusland, Indië en China).

Die nuwe klub van toonaangewende ontluikende ekonomieë staan as Brics bekend en sou kwansuis wesenlike ekonomiese voordele vir al vyf die lede inhou, veral op die gebied van internasionale handel en die ontwikkeling van infrastruktuur.

Agterna beskou is dié hoop grootliks beskaam. Met die uitsondering van Indië, wat ’n daadwerklike poging aangewend het om meer goedere van Suid-Afrika in te voer, het uitvoerhandel na Brasilië en Rusland onbenullig klein gebly (gesamentlik ’n rapsie meer as 1% van Suid-Afrika se totale uitvoer in 2014).

China is egter die grootste bron van hoofbrekens. Drie spesifieke probleemgebiede het die afgelope vier jaar ontstaan.

Eerstens het Suid-Afrika se uitvoer na China met slegs 4% gegroei sedert lidmaatskap van Brics.

Tweedens word dié uitvoer hoofsaaklik deur slegs twee items verteenwoordig, naamlik steenkool en ystererts, terwyl China nie veel belangstel in produkte met ’n betreklik hoë toegevoegde waarde nie (laasgenoemde behels hoofsaaklik afdelings 4, 6 tot 12, 16 en 17 van die internasionale standaard-klassifikasie van produkte).

China het verlede jaar slegs R11,5 miljard se goedere in dié produkgroepe van Suid-Afrika aangekoop, vergeleke met R13,2 miljard, R29,7 miljard en R31,2 miljard wat deur onderskeidelik Engeland, Duitsland en Amerika aangekoop is.

Derdens het Suid-Afrika ’n haas onversadigbare aptyt vir invoer van China ontwikkel, wat die handelstekort met dié land verlede jaar tot ’n nuwe rekord laat klim het.

Totale invoer van China het verlede jaar R168 miljard beloop, wat ’n handelstekort van R73 miljard met die wêreld se tweede grootste ekonomie verteenwoordig.

Die omvang van dié tekort word in perspektief gestel indien dit met die totale tekort op die Suid-Afrikaanse handelsbalans vir 2014 vergelyk word, naamlik R69 miljard (volgens die Reserwebank).

Dit beteken dat Suid-Afrika ’n handelsoorskot sou aangeteken het indien geen handel met China plaasgevind het nie.

Die groeiende handelstekort met China is veral kommerwekkend teen die agtergrond van Suid-Afrika se lidmaatskap van Brics, wat al hoe meer na ’n windeier lyk – met die uitsondering van handel met Indië.

Dit wil voorkom asof die Suid-Afrikaanse regering swak besluite geneem het ten opsigte van die keuse van handelsvennote met wie ­groter samewerking vir ­wedersydse ekonomiese voordele nagestreef word.

Suid-Afrikaanse uitvoer na tradisionele demokratiese handelsvennote het die afgelope vier jaar met indrukwekkende stygings vorendag gekom, ondanks die nagevolge van die 2009-resessie. Uitvoer na Amerika, Duitsland, Engeland en Nederland het sedert 2011 met onderskeidelik 14%, 16%, 30% en 51% toegeneem.

Die onlangse stigting van die Brics-ontwikkelingsbank (amptelik bekend as die Nuwe Ontwikkelingsbank) is ook ’n tameletjie, aangesien Suid-Afrika se vereiste bydrae tot die aanvangskapitaal van dié instelling buitensporig hoog is, naamlik $10 miljard.

Elkeen van die vyf lidlande is veronderstel om gelyke bydraes tot die stigtingskapitaal van $50 miljard te lewer, wat ’n belaglike reëling is indien relatiewe ekonomiese grootte in ag geneem word.

Suid-Afrika se BBP is slegs 2% van die gesamentlike ekonomiese uitset van Brics en dit sou billik (en nogal logies) gewees het om die omvang van elke land se BBP as maatstaf vir die kapitaal van die Brics-Ontwikkelingsbank te gebruik.

Die rekening vir lidmaatskap van die bank eindig ­egter nie hier nie. Daar word later van elke land ’n verdere $10 miljard verwag, asook ’n bedrag van $20 miljard vir die sogenaamde reserwe-valutafonds.

Die omvang van dié finansiële verpligting vir deelname aan die Brics-ontwikkelingsbank kan op twee maniere toegelig word: Dit is meer as die gesamentlike jaarlikse staatsuitgawes aan die SA Polisiediens, alle ekonomiese dienste, behuising, gemeenskapsontwikkeling en watervoorsiening.

Verder is dit ongeveer gelyk aan die algehele gesamentlike toegevoegde waarde van landbou, mynbou en konstruksie (in 2014).