Mugabe klou danksy diamante

Image

Betaling?

Human Rights Watch het Vrydag 'n verslag vrygestel waarin hulle beweer dat Mugabe verlede jaar die diamantmyne in die ooste van Zimbabwe met geweld oorgeneem het en 200 mense gedood het. Dit is gedoen om te verseker dat hy sy ondersteuners kan aanhou vergoed uit die inkomste en dus sodoende hulle lojaliteit verseker.

Die Marangevelde se fondse is uitgesmokkel of onwettig deur die land se reserwebank verkoop nadat dit duidelik geword het dat die astronomiese inflasiekoers dit al hoe moeiliker maak vir ZANU-PF om getroue volgelinge, waaronder soldate, se onderdanigheid te koop.

Zimbabwe se regering het die inhoud van die verslag verwerp en verklaar dat die aanklagte daarop gemik is om die land se beeld te skend, die verkoop van Zimbabwiese diamante internasionaal te stuit en om die land van broodnodige buitelandse valute te ontneem.

Verlede jaar het die Zimbabwiese staatsmedia berig dat 'n militere operasie, onder die kodenaam bekend as Operasie 'No Return', geloods is in die Marangedistrik suid van Mutare om 'n wettelose diamantstromloop te keer.

Maar die Human Rights Watch verslag beweer dit was deur die regering gebruik om die Marangevelde oor te neem en 200 myners is gedood in die operasie. Soldate het glo uit helikopters met outomatiese wapens op die mynwerkers gevuur.

Die spoeldiamantvelde is in 2006 ontdek. Weermagbrigades word in die gebied ontplooi op 'n roterende basis om meer soldate die geleentheid te gee om munt te slaan uit die diamante.

Sindikate wat uit soldate bestaan, gebruik glo kinders uit die gebied as slawearbeid en onwillige werkers word geslaan en mishandel.

Die Federasie van Diamantbeurse wat uit 28 beurse in 20 lande bestaan, het in April gevra dat hulle lede nie met diamante afkomstig uit die Marangeneerslag handel dryf nie.

Verteenwoordigers van die Kimberley Proses, 'n alliansie van industrie-, burgerlike en regeringsamptenare wat die handel in sogenaamde ' bloeddiamante' wil stuit, sal Sondag na Zimbabwe reis om vas te stel of die land die standaarde van die alliansie nastreef.

Mugabe se greep op ZANU-PF sal verslap indien die weermag se diamantinkomste afgesny word, en dit sal gevolge inhou vir die magsbalans in die land volgens HRW.

free football bet no deposit requiredпрокурор харьковской области

Dubbele skok vir verbruikers

Asof die krimpende ekonomie nie alreeds verbruikers laat les opsê nie, is twee skokaankondigings gister gemaak: Elektrisiteit gaan baie duurder word en daar is nie verdere rentekoersvelagings op die horison nie.

Die Nasionale Energiereguleerder (Nersa) het ’n kragtariefverhoging van 31,3% toegestaan nadat Eskom 34% gevra het. Dié verhoging tree op 1 Julie in werking en geld tot 31 Maart volgende jaar.

Ontleders sê dit sal verbruikers regstreeks en onregstreeks raak. Huishoudings gaan aan die einde van die maand ’n heelwat hoër kragrekening ontvang, maar hulle gaan ook meer vir goedere en dienste betaal.

Dis moeilik om presies te sê net hoeveel dit sal beloop, maar dit sal beslis ’n kettingreaksie veroorsaak wat ’n negatiewe uitwerking op inflasie en rentekoerse sal hê. 

Mense met ’n kleiner inkomste gaan die ergste getref word. Hoewel armer verbruikers net 15% meer gaan betaal, is dit steeds heelwat hoër as inflasie.

Tito Mboweni, president van die Reserwebank, het gister aangekondig dat rentekoerse vir eers onveranderd sal bly aangesien die kragtariefverhoging ’n probleem gaan wees in die stryd om inflasie te beheer.

Net op grond van die 31,3%-verhoging sal dit tussen 0,5 en 0,6 persentasiepunte bylas tot die maand-tot-maand-kerf in inflasie.

Munisipaliteite gaan die verhogings beswaarlik kan hanteer en 'n hele paar staar bankrotskap in die gesig.

Ondernemings gaan sukkel, maar verbruikers dra uiteindelik die swaarste las. Cosatu het in ’n verklaring gesê Nersa se besluit gaan katastrofies wees.

Cosatu meen klein en middelslagondernemings sal nie die resessie sowel as die stygende kragkoste kan oorleef nie. Hulle voorspel dat meer maatskappye hul deure sal moet sluit en hoër werkloosheid.

камера для пескоструяданильченко юрій броніславович

Afleggingskema kom om werkers te help

’n Konsepvoorstel vir ’n opleidingsafleggingskema kan volgende week bekend gemaak word, het president Jacob Zuma Woensdag gesê.

Zuma het gesê die wêreldwye resessie verg dat politieke partye en ander sektore saamwerk.

“Die resessie tref ons nou op volle krag,” het hy gesê.

Die kwartaallikse indiensnemingsopname van die formele sektor het gewys dat sowat 179 000 poste in die eerste kwartaal van 2009 besnoei is.

Die sektore wat die ergste gely het, was klein- en groothandel, finansies, vervaardiging, mynbou en konstruksie.

“Terwyl ons weet ons pogings nie alle gevolge van die krisis kan keer nie, het ons op verskeie maniere ingegryp, soos besluit in die raamwerkooreenkoms in reaksie tot die krisis,” het Zuma gesê.

“Die regering sal verder ingryp en ’n finale konsepvoorstel vir ’n opleidingsafleggingskema volgende week aan ons maatskaplike vennote wys,” het hy gesê.

Die doel van die skema was om ten minste ’n paar van die werkers in hul poste te hou en hulle op te lei in die verlangsamende tydperk.

Hulle sal relevante opleiding, voordele en ’n toelaag in plaas van hul lone, vir ’n tydperk ontvang, het Zuma gesê.

оборудование для диагностикиДанильченко Харьков

SA se PPI duik

Suid-Afrika se produsenteprysindeks was -3.0% jaar-tot-jaar in Mei van April se 2,9%, het Statistiek Suid-Afrika Donderdag bekend gemaak.

SSA het gesê op ’n maandelikse grondslag was PPI -1,1% in vergelyking met -0,2% in April. 

Ingevoerde hulpbroninflasie was -16,7% jaar-tot-jaar in Mei in vergelyking met die -14,7% van die vorige maand, terwyl uitgevoerde hulpbroninflasie op -6,0% jaar-tot-jaar gestaan het van die vorige -2,7%. 

Ekonome wat aan ’n Reuters-opname deelgeneem het, het verlede week voorspel dat PPI -1,8% jaar-tot-jaar sou wees en sou optel tot 0,1% op ’n maandelikse grondslag.

машинки на радиоуправлении для взрослыхФильчаков

Van Reenenspas gesluit

Van Reenenspas naby Harrysmith in KwaZulu-Natal is gesluit nadat sterk winde Donderdagoggend 'n vragmotor op die pad omgewaai het. 

Die pas is vir verkeer gesluit en vragmotorbestuurders word gewaarsku om daarop te let dat die weerstoestande in baie gebiede in die provinsie gevaarlik is, het vervoer-woordvoerder Nonkululeko Mbatha gesê.

Daar is ook wegholveldbrande in die provinsie wat verkeersopeenhopings veroorsaak het weens digte rook wat sigbaarheid verswak het.

строительство саунлобановский харьков класс

Apie urineer op president

Onbewus van die soogdier in die takke bokant sy kop, het Zambiese president Rupiah Banda, die media Woensdag buite die Staatshuis toegespreek. Terwyl die president gepraat het, het die apie op die niksvermoedende leier geurineer.

"Jy het op my baadjie geurineer," het 'n verbaasde Banda aan die apie gesê. Die apie is een van vele wat hulleself in die bome van die Staathuis in Lusaka, waar die president se kantore is, tuisgemaak het.

"Ek gaan hierdie apie vir mnr Sata gee om te eet vir middagete," het hy gespot. Banda het Michael Sata, die opposisieleier, in verlede jaar se verkiesings verslaan.

Banda het baie tyd in sy tweede onderhoud in die amp van president afgestaan om Zambiërs moed in te praat oor die dramatiese ekonomiese afgang wat die land beleef. Zambië se belangrikste uitvoerproduk, naamlik koper, se prys het na benede getuimel.

"Ons groeivooruitsigte het gekrimp, soveel so dat die geskatte bruto nasionale produk nou afwaarts hersien is na 4% of minder. Hierdie afname het implikasies vir binnelandse inkomste omdat korporatiewe sowel as inkomstebelasting waarskynlik gaan afneem," het Banda gesê.

из психоневрологическогоtopcargo отзывы сотрудников

Skoolonderrig stuur op ‘n ramp af

Die Burger berig dat sowat agt uit elke tien leerders in gr. 3 en gr. 6 verlede jaar minder as 50% vir wiskunde en taalvaardighede behaal het. Die dagblad het ’n verslag bekom wat die prestasie van leerders in die nasionale eksamen ontleed.

Suid-Afrikaanse leerders is dus nie eens binne trefafstand van die nasionale onderwysdepartement se mikpunt om hulle teen 2011 'n gemiddeld 50% te laat behaal nie. Leerders in die ondersoek kan tans nie eens 'n eenvoudige teks met begrip lees nie.

Die verslag is gegrond op die uitslae van 1 000 gr. 3- en gr. 6- leerders verlede jaar. Die uitslae het gewys 35% van gr. 3’s landwyd kry net tussen 0% en 34% vir wiskunde en 37% kry tussen 0% en 34% vir geletterdheid.

Wat gr. 6-leerders betref is die uitslae nog slegter, met 54% van leerders wat tussen 0% en 34% vir wiskunde kry en 53% wat tussen 0% en 34% vir geletterheid ontvang. Die uitgebreide ondersoek het 7 000 skole betrek.

Nasionaal het 15% van gr. 3’s 70% of meer vir onderskeidelik wiskunde én geletterdheid behaal. ’n Skamele 6% van gr. 6- leerders het 70% of meer vir wiskunde behaal en 10% het 70% of meer vir tale behaal.

Dit blyk uit die ondersoek dat die aanwendig van tyd in taal problematies is, veral die toekomstige tyd. In wiskunde kon leerders nie eenvoudige optel- en aftreksomme bemeester by geldtransaksies nie. Breuke, desimale en persentasies, asook die afronding van getalle was ook te ingewikkeld vir die meeste.

social mediaАлександр Фильчаков прокурор

Iran gee CIA skuld vir protes

Die Iranse minister van binnelandse sake het die CIA daarvan beskuldig dat dié Amerikaanse spioenasieagentskap help om oproermakers te finansier.

“Baie van die oproermakers was in kontak met Amerika, die CIA en die MKO en word deur hul finansiële bronne gesteun,” het Sadeq Mahsouli gesê. Die MKO (Moedjahideen Khalq-organisasie) is ’n Iranse opposisiegroep wat in ballingskap is.

“Brittanje, Amerika en die Sionistiese regime (Israel) is agter die onlangse onrus in Teheran,” het hy aan die semi-amptelike nuusagentskap Fars gesê.

Fars het berig dat die polisie gister bevestig het dat 'n Iranse vrou Neda Agha-Soltan verlede week gedurende die betogings in Teheran doodgeskiet is en gesê dat nuwe leidrade oor  haar dood opgevolg word. Sy is per ongeluk in die agterkop geskiet.

Agha-Soltan se dood, wat op kamera vasgelê is en op die internet uitgesaai is, het haar ’n martelaar vir die protesbeweging gemaak.

Die verslane presidentskandidaat Mir Hossein Mousavi, wat deur sekere buitelandse moondhede voorgehou word as die eintlike wenner van die verkiesing,  het homself intussen gedistansieer van die betogers.

Hy het op sy amptelike webwerf aangekondig dat hy dit nie teenkanting ondersteun nie en dat die betogings nie deur hom georganiseer is nie.

Die aantal betogers in Teheran het sigbaar afgeneem.

Mohsen Rezaie, die konserwatiewe kandidaat wat derde gekom het in die afgelope verkiesing, het ook intussen sy besware teen die uitslag teruggetrek.

Hy het aan die IRNA-nuusagentskap gesê dit is sy verantwoordelikheid om die huidige gebeure onder beheer te bring

 

 

детские зимние комбинезоны для девочекАлександр Фильчаков

Misdaad deur polisie neem met 72% toe

Image

Pieter Groenewald

Kriminele klagtes teen polisielede het volgens die Onafhanklike Klagtedirektoraat (OKD) die afgelope vier jaar met 72% (71,7) toegeneem. Volgens die OKD was daar in 2005/2006 en 2006/2007 onderskeidelik 1 643 en 1 787 kriminele klagtes teen polisielede en in 2007/2008 en 2008/2009 boekjaar onderskeidelik 2 101 en 2 289. Dit sluit misdade in van moord, poging tot moord, verkragting, aanranding met die opset om ernstig te beseer, diefstal en korrupsie.

“Dit is net klagtes wat by die OKD aangemeld is, maar daar kan baie meer wees. Die laaste jaar was die toename 9%. Dit dui daarop dat daar ‘n ernstige probleem is met die keuring en opleiding van polisielede. Hierdie lede is ook ‘n verleentheid vir die ander getroue en hardwerkende polisielede. Die syfers bevestig ook waarom lede van die publiek se vertroue in die Polisie afneem. Hierdie is ‘n skerp toename en die publiek se vertroue in die Polisie sal verder afneem. Duidelik is daar ‘n vrot kol in die Polisie wat dringend uitgesny moet word,” sê mnr. Pieter Groenewald (LP), hoofwoordvoerder van Polisie vir die Vryheidsfront Plus.

“Wat verder kommerwekkend is, is dat die OKD slegs 51% van die nuutste klagtes kon afhandel. Van die laaste jaar se 2 289 klagtes kon slegs 1 165 afgehandel word. Daar was egter 1 968 sake van die vorige jaar wat nog uitstaande is. Dit beteken 4 257 sake is nog nie eers afgehandel nie. Die OKD sal dringend versterk moet word met kundige personeel om die sake af te handel,” het Groenewald gesê.

“In die verlede het ek verskeie vrae hieroor in die parlement gevra, maar die vorige minister van Polisie, Charkles Nqakula, het geweier om die syfers bekend te maak. Die minister het toe gesê die inligting is nie geredelik beskikbaar nie en dit sal tydrowend wees om dit te bekom. Verder sal personeel ontplooi moet word om die inligting te bekom wat nadelig sal wees vir ander belangrike take van die Polisie. Toe reeds het ek gesê Nqakula het iets om weg te steek. Dit is nou duidelik hy het wel iets probeer wegsteek,” sê Groenewald.

pour chattopcargo

W?reld word gryser

Image

‘n Krisis wat kom?

Die wêreld se bevolking van mense wat ouer as 65 is gaan teen die middel van die eeu verdriedubbel na een uit elke ses mense en dit gaan regerings in ontwikkelde lande laat bars om hulle ouer mense te onderhou.

Die aantal senior burgers het alreeds met 23% vermeerder vanaf 2000 na 516 miljoen volgens die VSA se sensusberaminge wat Dinsdag vrygestel is. Dit is meer as dubbel die algemene bevolkingsgroei.

As die mees snelgroeiende ouderdomsgroep is seniors nou net onder 8% van die wêreld se 6,8 miljard mense. Maar demograwe waarsku dat die grootste verskuiwing nog voorlê. 'n Komende golf afgetredendes van die 'baby-boomers' en China se Rooi Wag-generasie gaan lande se pensioenfondse uitput en mediese sorg onbetaalbaar maak.

Die gryste burgers leef in Duitsland, Italië, Japan en Monaco waar meer as 20% van die bevolking 65 en ouer is. In die VSA is dit 13%.

"Die 2020's gaan vir die grootste deel van die ontwikkelde wêreld 'n era van fiskale krisis wees, stagnasie van ekonomiese groei en lelike politieke gevegte oor besnoeiings in ouderdomstoelae,"sê Richard Jackson, direkteur van Global Aging Initiative in Washington, wat deel vorm van die Center for Strategic and International Studies.

Hy sê ontluikende lande soos China gaan 'n werklike ouderdomskrisis beleef. Die huidige verhouding is 16 oumense vir elke 100 werkers, maar dit gaan teen 2025 verdubbel en dan weer verdubbel teen 2050 na 61 oumense vir elke 100 werkers vanweë die Chinese se gesinsbeplanningsbeleid van een kind per egpaar.

Sonder 'n pensioenstelsel gaan miljoene ouer Chinese in armoede verval wat skokgolwe deur die wêreld kan stuur namate dit sosiale en politieke onrus meebring omdat China so 'n belangrike ekonomie is.

Net 5% van Afrika se bevolking gaan teen 2050 ouer as 65 wees en suider-Afrika is die tuiste van die wêreld se jongste bevolking. In Oeganda is die gemiddelde ouderdom slegs 15 jaar.

In Europa sal 29% van die bevolking teen 2050 ouer as 65 wees en in Oostenryk en Rusland het owerhede stappe geneem om kinderlose egpare aan te moedig dmv uitbetalings, gratis skoolboeke en belastingtoegewings om kinders te kry.

In Suid-Amerika sal 18% van die bevolking teen 2050 senior burgers wees vanweë 'n afplatting in geboortes in Meksiko en Brasilië. Kuba het onlangs hulle aftreeouderdom met vyf jaar verleng, om pensioenuitbetalings uit te stel.

Die VSA se sensusburo se navorsing is onafhanklik van die VN se agentskap se navorsing wat demografie en bevolkingsgroei betref.

как сделать декоративный камин в квартиреАлександр Фильчаков Васильевич