Wit boelies dissiplinêr verhoor

Dertien wit leerlinge van die Laerskool Randfontein aan die Wes-Rand in Gauteng, sal na verwagting Woensdag weet of hulle ook geskors is.

Dit volg na ‘n voorval waarin ‘n ander wit kind by die skool aangerand is. ‘n Video-opname van die aanranding het intussen soos ‘n veldbrand op sosiale netwerke versprei.

Een van die skool se leerlinge is reeds geskors.

Die Gautengse departement van Basiese Onderwys het bevestig dat die dertien na ‘n dissiplinêre verhoor sal verneem watter stappe teen hulle gedoen gaan word.

‘n Woordvoerder van die departement, Phumla Sekhonyane sê boelie-insidente sal nie by die provinsie se skole geduld word nie.

Die ma van die seun wat op die video aangerand word, sê intussen sy wil hê al die betrokke leerlinge moet geskors word. Sy het vroeër strafregtelike aanklagte by die polisie ingedien.

Die onderwysdepartement, wat gretig is om negatiewe insidente by wit skole te belig, sê steun aan die leerling wat aangerand is, is ‘n hoë prioriteit.

Dié insident volg kort op die hakke van ‘n swart onderwyser by Randfontein Secondary School wat swart kinders ernstig aanrand. Die beeldmateriaal is ook viraal versprei.

In die eerste voorval verlede maand is drie swart tieners na bewering aangerand deur die swart onderwyser vir ‘n poging om op te staan ​​vir hul klasmaat.

Die tieners na bewering ná die voorval erge kneusplekke gehad, en hul skooluniformhemde is geskeur.

Volgens Eye Witness News, het Phumla Sekhonyane van die Gauteng Onderwysdepartement gesê dat die onderwyser ook dissiplinêre optrede in die gesig staar, maar dit is nie bekend of die swart onderwyser aangekla is nie.

‘n Wit manlike onderwyser by die Randfontein Sekondêre Skool in Johannesburg, Suid-Afrika is ook vroeër op ‘n selfoon afgeneem waar hy ‘n kind wat dreig om hom te slaan, uit die klaskamer boender.

Die anti-wit media het die insident probeer voorhou as “aanranding van een van sy leerlinge”.

Intussen het die Vrystaatse onderwysdepartement het ‘n interne ondersoek begin nadat ‘n swart onderwyser van ‘n laerskool in QwaQwa glo 13 swart leerlinge aangerand het.

Onderwyswoordvoerder, Howard Ndaba, sê die onderwyser, wat intussen in die hospitaal opgeneem is vir onbekende redes, het na bewering ‘n groep gr.5-leerlinge aan die Laerskool Neo in sy klaskamer met ‘n lat op hul hande geslaan.

Ndaba sê die groep, wat seuns en meisies insluit, is kort na die beweerde voorval na ‘n plaaslike kliniek gebring waarna hulle na ‘n hospitaal vir behandeling verwys is.

Hy sê die leerlinge se ouers is vinnig van die voorval in kennis gestel. Die leerlinge is almal terug by die skool, terwyl die ondewyser hangende die ondersoek met siekteverlof is.

Ndaba sê die department beskou die onwettige voorval in ‘n ernstige lig, omdat ‘n groot getal leerlinge betrokke is.

Hy sê die departement sal nie skroom om streng op te tree as die betrokke onderwyser in die interne ondersoek skuldig bevind word nie.

Hy sê die departement moedig die leerlinge se ouers aan om ook individuele klagte by die polisie in te dien, sou hulle dit verkies.

Gedeeltelike sonsverduistering waargeneem

Sondag se gedeeltelike sonsverduistering oor dele van die Suider-Afrikaanse hemelruim het talle na hul kamera’s laat reik.

Suid-Afrikaners het hulself verwonder aan die verskynsel wat ook waargeneem kon word uit ander dele van Suider-Afrika insluitend Zimbabwe, Zambië, Mosambiek en Madagaskar.

Volgens Space.com is Sondag se verduistering ook waargeneem uit Antarktika waar die maan 79 persent van die son se deursnee verduister het.

Omstreeks halfagt Sondagoggend het Namibiërs ook die “gehapte” son teen ’n oranjerooi oggendgloed waargeneem.

Die nag van 27 September sal nog ‘n ruimtelike skouspel lewer met ‘n totale maansverduistering, of bloedmaan, wat vir bietjie langer as ’n uur waargeneem sal kan word.

Beurtkrag wink terwyl steenkoolskermutselinge woed

Beurtkrag kan weer vandeesweek in werking tree nadat dit vir vyf weke lank nie ingestel is nie.

Eskom het vroeër gewaarsku dat die kragnetwerk die volgende paar dae onder druk kan kom weens instandhoudingswerk by die Cahora Bassa hidro-elektriese-aanleg in Mosambiek.

Suid-Afrika sal weens dié instandhouding slegs 650-megawatt kry van die 1500 megawatt wat hy normaalweg vanaf Mosambiek invoer.

Die instandhoudingswerk sal teen aanstaande Sondag voltooi wees.

Eskom het reeds sowat 900 megawatt verloor, weens onderhoudswerk by een van Koeberg se reaktore.

Die kragvoorsiener sê hy sal van noodreserwes gebruik maak om die tekort aan te vul.

Volgens berigte het Eskom ‘n kontrak van bykans vier-miljard aan die Gupta-familie toegeken om steenkool aan die kragvoorsiener te lewer.

Die kontrak is onder toesig van Cyril Ramaphosa gesluit, wat die energie-oorlogskamer bestuur.

Daarvolgens sal die Guptas die Majuba-kragstasie in Mpumalanga vir die volgende tien jaar van steenkool voorsien.

Die kontrak is volgens berigte onderteken ten spyte daarvan dat die gehalte van hul steenkool verskeie kere nie die gehalte-toets kon slaag nie.

Die bestuurshoof van die Gupta-familie se Oakbay Investments, Nazeem Howa, het die berigte in `n Sondagkoerant oor swak gehalte steenkool bestempel as feitelik foutief.

Hy sê Eskom se daaglikse toetse sal bewys dat hul steenkool vir die Majuba-kragstasie nie van `n swak gehalte is nie.

Intussen het die Oekraïne se grootste energie-maatskappy, DTEK, Vrydag gesê hulle sal nie meer steenkool aankoop vir die komende winter uit Suid-Afrika nie, het die Russiese nuusagentskap Tass berig.

Aflewerings van die ooste van die Oekraïne, wat beheer word deur anti-juntamagte, sal hervat word.

DTEK se uitvoerende hoof, Maxim Timchenko het aan joernaliste by die jaarlikse vergadering van die Jalta Europese Strategie in Kiëf gesê, dat die steenkool te duur is.

Hy het gesê die maatskappy sal steenkool uit oostelike Lugansk en Donbass-streke per spoor invoer waar sowat twee miljoen ton se voorraad is.

Timchenko het gesê “groot vooruitgang” is gemaak wat voorrade steenkool vanuit Donbass betref. Tot 40.000 ton steenkool word daagliks afgelewer in die juntabeheerde deel van die Oekraïne.

Swartes dink niks van H. Naledi nie

Swart Suid-Afrikaners is net so min beïndruk met gays as met evolusie.

Die voormalige hoofsekretaris van Cosatu, Zwelinzima Vavi het Saterdag getwiet: “Niemand sal my vertel dat ou aapbene wat opgegrawe word ‘n teorie bevestig dat ek was eers ‘n bobbejaan was nie.”

Dit het gelei tot ‘n warm Twitter-debat oor Homo Naledi, ‘n nuwe sogenaamde Afrika-voorsaat wat in die Wieg van die Mensdom ontdek is.

Vavi is hoegenaamd nie oortuig van die evolusieleer as ‘n bewese wetenskap nie. Vavi het met minagting gereageer op ‘n twiet wat dit voorgee: “Bewys eers dat ek voorheen ‘n aap was – moet asseblief nie ou bobbejaanbene bring nie.”

Die ontdekking sal volgens die minister van toerisme, Derek Hanekom, besoekers lok. Hanekom het Vrydag gesê hy glo die ontdekking sal ‘n hupstoot aan toerisme gee.

Maar Vavi soek bewyse wat die teorie van die Wieg van Mensdom-gedagte ondersteun.

“Ek is nie ‘n kleinkind van ‘n kees, aap of bobbejaan nie. Finish en klaar. Bewys nou wetenskaplik dat ek is,” het hy die evolusioniste uitgedaag.

Premier Helen Zille het ook tot die stryd toegetree. “Ons kom almal van pre-historiese hominiede. Hou op om Homo Naledi as ‘n verskoning te gebruik om slagoffer te speel. Bewonder evolusie!”

Swartmense op Twitter het veral gesê die evolusieleer druis in teen hulle godsdiensbeskouing en die meeste het dit summier verwerp.

Plaasvoorman met wielsleutel aangerand

‘n Plaasvoorman van Gauteng word tans vir skedelbreuk behandel nadat drie gewapende swartmans hom Vrydagnag aangeval het in sy huis en hom herhaaldelik oor sy kop met ‘n wielsleutel geslaan het.

Die drie gewapende swartes het Johan Freysen op die Kroons Chicken Farm in Wildebeesthoek, Akasia, noord van Pretoria oorval.

Johan se dogter Elaine, 30, is ‘n professionele paramedikus, het haar pa later te hulp gesnel. Hy is ook gesteek in die arm met ‘n skroewedraaier.

Twee vriende en ‘n jong kleuter was ook ten tye van die aanval in die huis.

Volgens Freysen se dogter het die aanvallers nie daarin belanggestel om hul besittings te steel nie, maar wou glo net haar pa kom doodmaak.

Johan se vrou Rohena, 56, het met die trappe na die egpaar se slaapkamer gevlug om ‘n wapen te kry en sy kon ook die paniekknoppie druk.

Die aanvallers het gevlug met die aanhoor van die alarm. Hulle is met ‘n stel sleutels weg.

Plaasaanval wonderbaarlik gefnuik

Met ‘n geweer teen sy voorkop, het ‘n boer van Hopewell, Mark Anthony, in die koue oë van die swartman gestaar wat op die punt was om hom te skiet, en toe hoor hy die moordenaar die sneller trek.

Hy het gewag vir alles om te vervaag tot swart, maar besef hy kon steeds voel hoe sy hartklop jaag en die voor hom het die swartman met ‘n sweetpak-kappie oor sy kop, nog gestaan.

Die swartman het die geweer oorgehaal en die sneller getrek en toe weer en weer, maar nog steeds het niks gebeur nie.

Lees verder.

Rykste sakeman sê SA ‘het homself in die voet geskiet’

Een van Suid-Afrika se rykste sakemannne, Christo Wiese, het die regering daarvan beskuldig dat sy ondeurdagte beleidsrigtings ekonomiese groei en pogings om armoede te verlig, verhinder.

Volgens die Bloomberg Billion-indeks, is die bekendstelling van nuwe visumreëls en tydrowende burokratiese rompslomp om toegang te verkry tot titelaktes van eiendomme waar eienaars vir dekades gewoon het, ekonomiese remfaktore.
 
Hy het verder bygevoeg dat toerisme die een bedryf in die land is wat konsekwent sedert 1994 presteer.
 
Die visumreëls wat vanjaar ingestel is, vereis van toeriste om aansoek te doen in die persoon by ‘n sentrum vir reisdokumente en vir alle kinders om ‘n geboortesertifikaat met volledige besonderhede van beide ouers voor te lê.
 
Die aantal besoekers aan die land het intussen weens die nuwe maatreëls gedaal tot meer as 5% in die eerste kwartaal teenoor die dieselfde tydperk verlede jaar.
 
Verder is sakeleiers huiwerig om die regering voor stok te kry oor beleidsfoute wat bygedra het tot ‘n 25% werkloosheidsyfer en ‘n ekonomiese inkrimping in die tweede kwartaal.

Die ANC hoop dat hulle paleontologiese fonds, Homo Naledi, sal help om toeriste terug te lok, maar ontleders bly skepties.

Polisie vat oproeriges in Potch, Ventersdorp vas

Oproeriges wat Vrydag in Pothcefstroom se middedorp binnegevaar het, sal Maandag in die plaaslike landdroshof verskyn. Nog arrestasies word binnekort verwag.

Dit is volgens Provinsiale Polisiekommesaris Jacob Tsumane, en volg na honderde oproeriges die strate in gevaar het en eiendom beskadig het.

Die polisie moes die plunderaars met rubberkoeëls verwilder.

Hulle is glo gekant teen die voorgestelde samesmelting van die Tlokwe-en Ventersdorp Munisipaliteite. ‘n Memorandum van griewe is later aan die munisipaliteit oorhandig.

In nog ‘n voorval is die ou Ventersdorp Stadsaal, wat tans die Verkeersdepartement huisves, Vrydagnag afgebrand.

Oproeriges het ook motors met klippe op die N14-pad bestook. Volgens Tsumane moet daar nog arrestasies in dié verband gemaak word.

Die situasie in Ventersdorp is na wat berig word vanoggend kalm, nadat nadat die klipgooiers motoriste op die N14 naby die Tshing-lokasie geteiken het.

Intussen het Tsumane bevestig dat ondersoeke na die oorsaak van die brand in Ventersdorp nog nie afgehandel is nie.

Naledi Pandor prys H. Naledi-vonds

Die minister van wetenskap en tegnologie, Naledi Pandor, sê Suid-Afrika moet meer in navorsing belê wat fokus op die paleontologiese wetenskappe, het RSG berig.

Sy het gereageer op die ontdekking van ‘n nuwe spesie van die menslike familie by die Wieg van die Mensdom in Gauteng.

Pandor sê dié fossielvonds is nogmaals ‘n bewys dat ons ‘n baie spesiale plek op aarde bewoon.

Sy glo op dié manier kan Afrika sy geografiese voordeel gebruik, omdat die mensdom se oorsprong hier lê.

Prof. Lee Berger, paleo-antropoloog, sê die skelet is nie dié van ‘n mens nie, maar ‘n “dier in oorgang na ‘n mens”.

Die beendere wys dat die wese ‘n besonder klein brein gehad het en aapagtige klou-vingers.

Deel van N5 onbegaanbaar na wegholveldbrand

Die polisie in die Vrystaat het motoriste Donderdag gewaarsku om die N5-roete tussen Kestell en Harrismith te vermy weens ‘n wegholveldbrand wat buite beheer woed.

Polisiewoordvoerder, Mmako Mophiring, sê drie motors was reeds in ‘n botsing betrokke weens swak sig wat deur die brand se rookwolke veroorsaak is.

Mophiring sê boere van die gebied en ander owerhede werk hard om die vlamme, wat vinnig deur die wind versprei word, in bedwang te probeer bring.

Omliggende gemeenskappe word ook gewaarsku om versigtig te wees.

Mophiring sê alternatiewe roetes sluit in die R712 vanaf Kestell wat aansluit by die R66 in die rigting van Phuthaditjhaba.

Diegene wat vanaf Bethlehem reis moet ook die R66 volg wat later by die R712 na Harrismith aansluit.