Nuus Archives - Page 1270 of 1583

Buthelezi vry na Indi?rstemme

Die IVP-president, prins Mangosuthu Buthelezi het vandag eer gebring aan Suid-Afrika se Indiërgemeenskap as uitblinkers in selfhelp en selfonderhoudendheid, terwyl hy benadruk het dat sy party en die Indiërgemeenskap ook ‘n toewyding aan familiewaardes, geloof en tradisie deel.

“Terwyl ek nie in die strik wil trap deur te praat van enige gemeenskap as ‘n homogene eenheid nie, is dit my vurige oortuiging dat die IVP, meer as enige ander party die aspirasies en essensiële karaktereienskappe van die Indiërgemeenskap reflekteer,” het prins Buthelezi aan ‘n oorwegend Indiër gehoor gesê tydens sy verkiesingsveldtog in Merebank.

Die prins het die IVP se grondslag in sterk families, geloof, tradisionele waardes, tesame met die tweeledige beginsel van selfhelp en selfonderhoudendheid benadruk.

“Ek weet byvoorbeeld dat die uitgebreide familie in die Indiërgemeenskap waarskynlik die rede is hoekom baie jong Indiërs ‘n tersiêre opleiding kan ondergaan en hulleself verbeter, selfs toe die Indiërgemeenskap voorheen agtergeblewe was,” het prins Buthelezi gesê.

кухни цены украина

65 Dronk bestuurders gevang in Mthatha

65 mense is gearresteer nadat hulle gevang is terwyl hulle onder die invloed van alkohol bestuur het in die Mthathagebied, het Oos-Kaapse polisie Sondag gesê.

Superintendent Mzukisi Fatyela het gesê ‘n gesamentlike operasie tussen polisie, provinsiale verkeersbeamptes en die plaaslike munisipaliteit het dronk bestuurders geteiken tussen 7 uur Saterdagaand en 12 uur Sondagmiddag.

Die operasie is gehou op die R61 en die N2-snelweg, en verskeie van die afritte. Dit is bedoel as ‘n aanloop tot die Paasnaweek wanneer baie mense op die paaie gaan wees.

Die wat gearresteer is sal Maandag in die Mthathalanddroshof verskyn op aanklag van bestuur onder die invloed van alkohol.

Drank het al dikwels gelei tot geweldsmisdade, moorde en motorkapings, het Fatyela gesê. “Baie min” sulke gevalle is die naweek aangemeld, ‘n aanduiding dat die operasie gewerk het, het hy gesê.

Polisie in die gebied het Vrydagaande, Saterdae en Sondae as “problematiese dae geïdentifiseer en teenmisdaadoperasies op hierdie dae vermeerder.

100 play games

Verenigde Sakekamer van SA stuur afvaardiging na Zimbabwe

‘n Hoëvlakafvaardiging van Suid-Afrikaanse besigheidsleiers sal na verwagting Maandag vergaderings hou in Zimbabwe en fokus op die land se planne vir ekonomiese herstel, het die Verenigde Sakekamer van Suid-Afrika (BUSA) gesê.

“Die doel van BUSA se besoek is om inligting te kry van die koalisieregering van Zimbabwe oor planne vir die ekonomiese herstel en die potensiële rol van Suid-Afrikaans besighede,” het BUSA Sondag in ‘n verklaring gesê.

“Dit is ‘n belangrike oomblik om kontak te maak met die nuwe regering, en skep ook die geleentheid om die Suid-Afrikaanse privaatsektor se ondersteuning te gee aan die pogings om die ekonomie in Zimbabwe te herbou.”

Die afvaardiging sal gelei word deur voormalige president van BUSA, Patrice Motsepe van African Rainbow Minerals en sluit in verteenwoordigers van die mynwese, handel, infrastruktuur, landbou, vervoer, finansiële dienste en gesondheidsorg.

BUSA het gesê besigheidsleiers van Aspen Pharmacare, Massmart, Netcare, PPC Cement, Old Mutual, Price Waterhouse Coopers en die Industriële Ontwikkelings Korporasie sal ook deel vorm van die afvaardiging.

Die BUSA afvaardiging is na Harare genooi deur die minister van finansies, Tendai Biti, wat die gasheer sa wees vir die eendag besoek wat ook gespreke sal insluit met die eerste minister, ander ministers en regeringsbeamptes van Zimbabwe.

Die groep is ook geskeduleer om president Robert Mugabe te ontmoet. Фільчаков прокурор

NV gaan besluit oor Zuma bekend maak

Die Nasionale Vervolgingsgesag sal Maandag na verwagting ‘n aankondiging maak of hulle gaan voortgaan met die korrupsieaanklagte teen Jacob Zuma, wat waarskynlik die land se volgende president gaan wees.

Waarnemende hoof Mokotedi Mpshe was geskeduleer om ‘n perskonferensie te hou in Pretoria na weke van spekulasie. Dit is na bewering gedeeltelik gedryf deur Zuma se vennote. Die vermoede is dat hy die vervolging van die ANC-hoof sal skrap 8 jaar in die saak in en twee weke voor die verkiesing.

Daar is heelwat bespiegel omtrent die geheime bandopnames wat na bewering onthul het dat voormalige president Mbeki met die NV saamgesweer het om sy politieke teenstaander in die hof te kry vir omkoopklagte wat verband gehou het met wapentransaksies.

Die NV het geweier om te sê of die bande bestaan of nie, en dit was nie seker of dit die inhoud van die voorleggings van Zuma om die saak teen hom te laat vaar bekend sal maak nie.

Die NV het maratonberaadslagings gehou om sy voorleggings te oorweeg en was na bewering verdeel oor hoe om die hoogs sensitiewe saak te hanteer.

millstream

Helen Zille maak haar skuldig aan leuens en onwaarhede, s? Pieter Mulder

Dr. Pieter Mulder van die Vryheidsfront Plus het gereageer op 'n aanval op hom en sy party deur me. Helen Zille van die DA in die jongste uitgawe van SA Today , die DA se weeklikse nuusbrief. Hier volg Mulder se verklaring:

Die aanval van me. Helen Zille vandag in haar weeklikse nuusbrief (SA Today) op myself en die VF Plus na aanleiding van die uitlatings gister deur mnr. Jacob Zuma oor Afrikaners is gebaseer op leuens en onwaarhede. Die VF Plus het nie die vergadering tussen die ANC en verskeie Afrikaner-organisasies bygewoon nie. Ook het nie die VF Plus of ekself enige verklaring uitgereik in reaksie daarop waarin die standpunte volgens me. Zille verwelkom is nie.

Dit is skokkend dat me. Zille van blatante leuens gebruik maak om haar aanval op myself en die VF Plus te regverdig. Sy skuld die VF Plus, myself en die kiesers van Suid-Afrika ‘n verskoning.

Van die skokkende onwaar-stellings wat Zille maak is onder andere die volgende:

1. “die VF Plus soek toenadering by die ANC eerder as om die ANC te konfronteer” – dit is leuens. Het die VF Plus toenadering tot die ANC gesoek toe die VF Plus die ANC-regering grondwethof toe geneem het om te baklei vir die stemreg van alle SA Burgers in die buiteland? Of toe die VF Plus Kieshof toe gegaan het om Winnie Mandela uit die Parlement te hou? Die antwoord is nee.

2. “die VF Plus smeek vir die regte van kiesers by die ANC eerder as om daardie regte op te eis” – dis ook ‘n leuen. Die sentrale tema van die VF Plus in hierdie verkiesing is juis om duidelik te sê dat die VF Plus opstaan vir jou regte. Kiesers sien dit en glo dit en juis daarom is die steun van die VF Plus besig om te groei.

Dit is jammer dat die DA onder leiding van me. Zille nou weer soos met elke verkiesing begin om ander opposisiepartye eerder as die ANC aan te val. Dit is ‘n kortsigtige taktiek wat getuig van die opperste opportunisme. Me. Zille sou nie vandag die Burgemeester van Kaapstad gewees het of enige koalisie in Kaapstad of elders gelei het indien dit nie vir die ander opposisiepartye was wat sy nou deurlopend aanval en verdag maak nie. Kiesers moet kennis neem van hierdie oneerlikheid en opportunisme.

сауна дома прокурор Фильчаков

Polisie fnuik gewapende roof van R1,75 miljoen

Ses gewapende rowers het amper R1.75 miljoen gebuit in ‘n roof op ‘n besigheid wat gefnuik is toe die winkel se alarm afgegaan het.

Omtrent 11 uur Dinsdagaand het 6 swaar gewapende mans toegang gekry tot die Shoprite supermark in Mabopane. Hulle het die wagte by die sentrum vasgemaak het skoenveters en in ‘n gat gegooi.

Met die wagte uit die pad het hulle die veiligheidshek by die supermark se agterdeur met boutknippers gesny en ingegaan.

Die rowers het ‘n 18 meter leer gebruik om op die dak te klim waar hulle ‘n dakplaat verwyder het om in die winkel in te kom.

Die 5 op die dak het ‘n tou gebruik om in die winkel in te gaan waar hulle geldkaste aanmekaar vasgebind het en tot op die dak gelig het.

Toe hulle die geldkaste later van die dak af gedra het, het die sekuriteitsalarm afgegaan en die sekuriteitsfirma het die Loate polisie gekontak vir hulp.

Drie polisiebeamptes is na die toneel gestuur en met hulle aankoms het die rowers op hulle begin skiet.

Polisiewoordvoerder inspekteur Sello Mangea het gesê die polisie het terug geskiet en die rowers het terwyl hulle aanhou skiet het uitmekaar gespat in verskillende rigtings en verdwyn.

Een man is gearresteer terwyl die ander 5 nog op vrye voer verkeer.

Net een konstabel is gebyt, in wat die enigste besering in die hele insident was.

free online casino play

Verdere vuurwapenlisensies kan nie geweier word

Die Vryheidsfront Plus het ‘n skrywe aan die minister van Veiligheid en Sekuriteit, mnr. Nathi Mthethwa, gestuur waarin hy, ingevolge die Gelykheidswet (Wet op die Bevordering van Gelykheid en die Voorkoming van Onbillikke Diskriminasie, Wet 4 van 2000), versoek word om verdere herregistrasie van vuurwapens toe te laat.

“Dit is uiters onbillik om vuurwapeneienaars wat nie die spertyd van 31 Maart gehaal het nie, nou te verbied om steeds aansoek te doen vir herregistrasie. Eienaars wat nie die vorige spertye, volgens hulle geboortemaande gehaal het nie, kon daarna nog steeds aansoek gedoen het. Daar is nou ongelyke behandeling teenoor die laaste groep wat in Oktober tot Desember verjaar het. Dit is ook nie eienaars se skuld indien die polisie nie oor die administratiewe vermoë beskik het om die stormloop te kon hanteer nie. Indien ‘n persoon by die polisiestasie was op 31 Maart, maar nie gehelp kon word nie, is daar skuld aan die kant van die Minister”, sê mnr. Pieter Groenewald (LP), hoofwoordvoerder van Veiligheid en Sekuriteit vir die Vryheidsfront Plus.

“Ten einde gelyke behandeling te verseker in terme van die Gelykheidswet, kan en behoort die minister herregistrasie tot middel Junie 2009 toe te laat. Dit is steeds binne die bepalings van die Vuurwapenwet, want klousule 11 van Bylae 1 van die Vuurwapenwet (Wet 60 van 2000) gee die Minister kans tot voor 30 Junie 2009”, het Groenewald gesê.

site лобановский политик

Amnestie sal aangebied word vir militantes

Die president van Nigerië het gesê sy regering sal amnestie gee aan militantes in de land se olieproduserende suide.

President Umaru Yar’Adua sê sy administrasie werk aan die voorwaardes vir amnestie, wat maatreëls sal insluit om voormalige militantes te herintegreer in die burgerlike samelewing indien hulle sal instem om hul wapens neer te lê.

Drie jaar van toenemende geweld in die Nigerdelta het gelei tot ‘n 25% afname in produksie – tot minder as 2 miljoen vate per dag.

Die militantes se veldtog om pyplyne te bombardeer is gemik daarop om die regering te dwing om meer olie-industriefondse na hulle te kanaliseer.

Die regering sê die militante is nie veel beter as gewone misdadigers wat politieke retoriek gebruik om hulle winsgewende handel in gesteelde olie te verskans nie.topcargo развод

Man gevang vir gewapende roof

‘n 35-Jarige Nigeriese man is by Gleninkopiesentrum suid van Johannesburg gearresteer vir gewapende roof nadat hy na bewering ‘n man gyselaar gehou het, het Gauteng polisie Donderdag gesê.

Kaptein John Maluleke het gesê die man is omstreeks 9:30 vm. Woensdagoggend deur die Johannesburg blitspatrollie gearresteer.

Die arrestasie het gevolg na personeel by die Gleninkopiesentrum se tak van ENB-tak aan polisie vertel het dat ‘n kliënt hulle ingelig het dat hy deur twee mans gyselaar gehou word.

Aanvanklike ondersoeke het onthul dat die 36-jarige man deur twee mans beroof is na hy geld getrek het by ‘n Absa-OTM in Fordsburg teen omtrent 7:50 Dinsdagaand.

Die twee mans het hom met messe gedreig en in hulle maroen Opel Corsa in gedwing. Die kar se registrasie is XDX579GP.

Hy is na ‘n FNB OTM-geneem in Rosettenville waar hy gedwing is om sy daaglikse limiet van geld te onttrek.

Hy is daarna na ‘n huis geneem waar hy in die badkamer toegesluit is vir die nag.

Teen omtrent 9:00 Woensdagoggend is hy na die Gleninkopiesentrum se ENB geneem om nog geld te onttrek.

Die man kon daarin slaag om die bankpersoneel in te lig van sy dilemma en polisie is ontbied. Een van die twee mans is gearresteer terwyl die ander een weggekom het.

Hy sal binnekort in die Johannesburgse landdroshof verskyn.

ANC soebat Afrikaners om te bly

ANC-tesouriergeneraal Mathews Phosa het Dinsdag Afrikaners gesmeek om Suid-Afrika nie te verlaat nie.

“Bly asseblief in Suid-Afrika,” het Phosa aan ‘n vergadering tussen die regerende party en verteenwoordigers van die Afrikaanse gemeenskap by die Hiltonhotel in Sandton gesê.

“Suid-Afrika het jou nodig,” het hy gesê in Afrikaans – op versoek van ANC-president Jacob Zuma.

Hy het ook ‘n beroep gedoen op die teenwoordiges om aan die wat reeds die land verlaat het ‘n goeie rede te gee om terug te kom.

Verskeie Afrikanerbelangegroepe het voorleggings gemaak aan die ANC gedurende die vergadering tussen die twee groepe.

Vroeër het Zuma Afrikaners die enigste ware Suid-Afrikaners onder die blankegroepe in die land genoem.

“Van al die blankegroepe in Suid-Afrika is dit net die Afrikaners wat ware Suid-Afrikaners in die sin van die woord,” het Zuma gesê.

Phosa het gepraat teen die einde van die daglange vergadering voordat hy die podium aan Zuma oorhandig het.

Hy het ook die waargeneemde diskriminasie by die SAUK aangespreek, en gesê die uitsaaier se huis is besig om ineen te stort.

‘n Lid van die gehoor het bygevoeg: “Hy het klaar geval.”

Phosa het gesê daar is geen plek vir diskriminasie in die SAUK of in enige ander plek in Suid-Afrika nie.

Hy het gesê die ANC “het baie mooi geluister en het baie geleer” van die gesprekke.

poteha-detyam