Nuus Archives - Page 1384 of 1583

IVP gekant teen ontbinding van Skerpioene

Pogings om twee wetsontwerpe wat die Skerpioene gaan ontbind deur die Nasionale Vergadering te forseer, is 'n duidelike aanduiding van die ANC se misbruik van mag en sy totale verontagsaming van die openbare mening.

Die Inkhata-vryheidspartywoordvoerder, Velapi Ndlovu, sê in 'n land wat deur misdaad geteister word, was die Skerpioene se suksesvolle baanrekord 'n hupstoot vir die stryd teen misdaad wat soms vir die man op straat ongelukkig gelyk het. Deur die Skerpioene as 'n afsonderlike misdaadbestrydingseenheid te ontbind, wys weereens die uiterstes waartoe die ANC sal gaan om sy eie agenda teen die wense van meeste Suid-Afrikaners deur te druk.

Die besluit op die ANC se Polokwane konferensie om die Skerpioene die trekpas te gee, is opgevolg deur parlementere- en openbare deelnemingsprosesse wat uit die staanspoor nooit 'n verskil sou maak aan die ANC se politieke veldtog teen die Nasionale Vervolgingsgesag nie. Ndlovu is daarvan seker dat 90% van die publiek wat voorleggings oor die Skerpioene se toekoms gemaak het, nie met die regerende party se planne saamgestem het nie. Hy sê dit was van die begin af duidelik dat die openbare deelnemingsproses skyn was en dat die ANC alles uitgehaal het om van die Skerpioene ontslae te raak.

Die IVP is teen die wetgewing gekant op grond daarvan dat dit die onafhanklikheid van die Skerpioene vernietig deur 'n nuwe direktoraat binne die SA Polisiediens te skep. Die nuwe eenheid kan aan politieke inmenging onderworpe wees omdat die hoof van die eenheid aan die Nasionale Polisiekommissaris rapporteer.

Ndlovu sê bestaande sake wat deur die Skerpioene ondersoek word, moet ook onder die soeklig kom. Die IVP is besorg daaroor dat hoë-profiel- of sogenaamde sensitiewe sake in die slag gaan bly. Die party doen 'n beroep op die minister van veiligheid en sekuriteit om die publiek te verseker dat dit nie sal gebeur nie en dat dié sake dringend opgelos sal word.

Фильчаков Харьков

ANC staan reg om dissiplin?re stappe toe te pas

16:45:10 Die ANC gaan dissiplinêre stappe doen teen enige lid wat lyk of hy besig is om te mobiliseer vir die stigting van 'n splinterparty. ANC-woordvoerder Brian Sokutu waarsku in 'n verklaring dat hulle nie gaan toelaat dat hulle strukture op enige plek in die land gebruik gaan word om die organisasie te ondermyn nie.

Sokutu sê die ANC het met die uiterste walging kennis geneem van stygende vlakke van onverdraagsaamheid wat deur die ondersteuners van die "Lekota-George-Shilowa"- groep vertoon word.

Hy het verwys na die voormalige ANC-voorsitter Mosiuoa Lekota, voormalige adjunkminister van verdediging, Mluleki George, en voormalige Gauteng-premier, Mbhazima Shilowa, wat 'n nasionale konvensie organiseer om die moontlikheid van 'n wegbreekparty te bespreek.

Sokutu sê as die verbranding van ANC-vlae in die Vrystaat en elders enigsins 'n aanduiding is, wonder die ANC wat die groep wil bereik deur 'n boodskap van haat en geweld aan potensiële kiesers deur te stuur.

Die ANC sal nie inmeng met die groepe wat 'n veldtog voer vir die konvensie en die stigting van 'n politieke party nie. Sokutu sê die ANC onderskryf die beginsel van 'n veelpartydemokrasie en sal die vorming van nuwe partye akkommodeer.

Hy sê dit is die kern van dié demokrasie waarvoor baie Suid-Afrikaners gedurende apartheid hulle lewens opgeoffer het.

океанские яхты

Meer voertuie word teruggeneem

Absa neem elke maand 1 350 voertuie van verbruikers terug, wat dit nie langer kan bekostig nie. Marcel de Klerk, senior bestuurder van Absa se voertuig- en batefinansieringsafdeling sê dit is bykans 30% meer as in die ooreenstemmende tydperk verlede jaar.

Ongeveer 80% van die voertuie val in die R120 000 tot R130 000–kategorie terwyl voertuie wat teruggeneem word, gemiddeld R80 000 in waarde beloop. De Klerk sê die waarde van voertuie wat maandeliks teruggeneem word, is moontlik soveel as R560 miljoen.

Ongeveer 30 000 voertuie word elke maand in Suid-Afrika verkoop. Voertuie wat teruggeneem word, verloor 'n verdere 35% in waarde. In die huidige marktoestande verloor die motorindustrie en banke baie geld.

De Klerk sê die bepalings van die Wet op Nasionale Krediet maak dinge ook nie makliker nie. Die wet bepaal dat voertuie nou oor 'n periode van 72 maande afbetaal kan word, in stede van die vorige 54 maande. Mense koop duurder motors as wat hulle kan bekostig en ná 72 maande sit hulle met 'n enorme finale paaiement wat meer is as wat die motor werd is.

Duurder motors beteken ook dat verbruikers meer vir dienste en versekering moet betaal. Dit word gevolglik vir eienaars onmoontlik om ná twee jaar hulle motors vir nuwer modelle in te ruil. De Klerk sê daar is 'n duidelike verhouding tussen paaiement-terme en slegte skuld.

Die goeie nuus is egter dat die agterstallige vlakke ,moontlik vanweë hoër rentekoerse, gestabiliseer het. Die wet bepaal ook dat deposito's op voertuie nie nodig is nie.

De Klerk is van mening dat jongmense, laerinkomstehuishoudings en eerstekeer-kopers die swaarste deur die Kredietwet getref word.

Sy raad is dat voornemende kopers nie die 72-maande termyn moet kies nie maar liewer goedkoper motors koop. Hy sê verbruikers kies in meer as 50% van Absa voertuigtransaksies die 72-maande-opsie.

Dieselfde persentasie kopers verkies ook om nie 'n deposito te betaal nie en 30 % van alle kopers eindig met 'n enorme paaiement ná die 72-maandeperiode.

Лобановский

Koe?ls vlieg rondom polisie in Kaap

Die Wes-Kaapse polisie ondersoek ‘n skietgeveg wat tussen hoë offisiere van die Oorlogskamer, ‘n hoogs suksesvolle teenmisdaadeenheid en klaarblyklik korrupte reserviste plaasgevind het. 'n Oorlogskamerhoof is beseer gelaat en een reservis is dood.

‘n Polisielid het gesê dat was soos iets uit ‘n film uit, met ten minste 50 koeëldoppies wat daar rondgelê het.

‘n Kaapse koerant is gevra om nie die identiteit van die gewonde Oorlogskamerhoof bekend te maak nie, uit vrees vir sy veiligheid.

Daar word ook geglo dat een van die twee adjunkprovinsialepolisiekommissarisse teenwoordig was en dat hy moet vlug vir sy lewe.

Senior polisielede het laat blyk dat die reservis, Bulelani Ndita, wat in die voorval dood is, die skietgeveg begin het. Die Oorlogskamerhoof, wat onlangs in sy pos aangestel is, is in die maag en al twee bene gewond. ‘n Reserviskonstabel wat by die Philippi Oos-stasie werk is in die been geskiet.

Na bewering het die konstabel die Oorlogskamerhoof se lewe gered deur hom in ‘n veilige plek in te sleep, aangesien hy (die hoof) nie sy koeëlvaste drag aangehad het nie.

Die provinsiale polisiewoorvoerder, inspekteur Bernadine Steyn, het in ‘n verklaring gesê dat die twee lede Sondag gewond is gedurende ‘n roetineondersoekaksie in Philippi. Die offisiere het ‘n rooi Mazda gesien en toe hulle nader gegaan het ,is daar op hulle geskiet, wat twee lede gewond en een dood gelaat het.

Polisieoffisiere het egter die ander besonderhede ingevul.

Die nuwe Oorlogskamerhoof het ‘n wenk ontvang oor die rooi Mazda van die misdaadintelligensie-eenheid, waarna hy vinnig ‘n span van omtrent 10 speurders van die georganiseerdemisdaadeenheid bymekaargemaak het.

Die span is na Philippi in ‘n ongemerkte voertuig, waar die Mazda deur insittendes in ‘n ander voertuig uitgewys is. Daar is ook gesê dat die Mazda se insittendes verdagtes was in ‘n gewapenderoofsaak en dat die polisie in die motor outomatiese wapens sou vind.

Toe die span die Mazda nader het die insittendes in die ander motor verbygery en op die spanlede geskiet.

Die georganiseerdemisdaadspan se lede het teruggeskiet, en daar word geglo dat die insittendes van die ander motor polisiereserviste was wat op die georganiseerdemisdaadeenheid se mense geskiet het.

Die bron het wel bygevoeg dat aangesien niemand uniforms aangehad het nie, daar heelwat verwarring kon wees.

Die bron is meer van mening dat dit ‘n lokval was wat vir die manne van die georganiseerde misdaad eenheid gestel was, en dat die reserviste wat later in die ander motor gevind is, korrup was.

Provinsiale polisie het Dinsdag bevestig dat ‘n ondersoek aan die gang is, wat onder andere moet bepaal of die korrekte prosedure gevolg is, insluitende die dra van koeëlvaste baadjies.

Superintendent Billy Jones het bevestig dat ‘n 18-jarige man in die Mazda gevang is en dat hy Woensdag in die landdroshof op Athlone sal verskyn. Op die toneel is ‘n Uzi-masjienpistool gevind, asook ‘n .38 special-rewolwer.

Die nuwe Oorlogskamerhoof is oorspronklik van die Paarl af en het vir twee agtereenvolgende jare die toekenning vir die bevelvoerder van die jaar gekry.

Hy het onlangs direkteur Robbie Robberts vervang, nadat Robberts as deel van die herstruktureringsplan verplaas is.

Drie gevang n? inbraak in Brooklyn

10:12:26 Drie mans is in Akasia in hegtenis geneem vir die besit van ‘n gesteelde voertuig en huisbraak, het die polisie vandag gesê. 'n Woordvoerder, kaptein Lucas Sithole, het gesê die drie mans, 19, 24 en 32 jaar oud, het na bewering Dinsdagmiddag ingebreek by ‘n huis in Brooklyn.

‘n Wit BMW en elektriese goedere is gesteel in die rooftog.

Die voertuig is later deur middel van ‘n opspoorsisteem in Akasia gevind. ‘n Helikoptereenheid het die voertuig raakgesien, waarna die drie uit die voertuig gespring het en dit daar gelaat het. Twee van die drie het in ‘n taxi geklim, maar die voertuig is voorgekeer en hulle is gearresteer. Die ander een is gevind waar hy naby die BMW weggekruip het.

Die gesteelde goedere is nie gevind nie, maar leidrade word opgevolg. Die drie behoort Donderdag in die Pretoria-Noord-landdroshof te verskyn, het Sithole gesê.

perfekta

Zuma bring besoek aan Rice, Bush

Condoleezza Rice

09:40:52 Jacob Zuma het Amerika verseker dat alles nog wel is in Afrika se grootste ekonomie ten spyte van onlangse politieke gebeure in die land. Zuma het Condoleezza Rice en president George W Bush by die Withuis ontmoet in sy eerste hoëvlakbesoek sedert hy as leier van die ANC verkies is.

Sy doel met die besoek was om handelsbetrekkinge tussen Suid-Afrika en die VSA uit te bou. Zuma sê nie genoeg is in die verlede gedoen om beleggings uit die VSA aan te moedig nie.

Rice het die belang van die Dohasamesprekinge beklemtoon en gesê Suid-Afrika sal daarby baat. Sy het die hoop uitgespreek dat 'n handelsooreenkoms dalk bereik mag word voordat president Bush uittree.

Beleggers is bekommerd dat 'n Zuma-presidentskap mag lei tot ekonomiese onstabiliteit vanweë druk van vakbonde. Dié vrese het toegeneem nadat die ANC, Cosatu en die SAKP oor die naweek 'n bloudruk onthul het wat armoede gaan aanspreek. Die plan vra vir groter regeringsinmenging in die sakesektor.

In 'n toespraak wat voor die Council on Foreign Relations in Washington gehou is, het Zuma herhaaldelik benadruk dat die ANC 'n demokratiese organisasie is wat kollektief besluit en 'n beduidende rol speel om die stabiliteit van die land se instellings te verseker.

Hy het sy gehoor verseker dat daar geen rede tot paniek is nie. Hy het bygevoeg dat hy nie beleid eiehandig kan verander nie omdat hy nie die gesag het om dit te doen nie. Dit is in die hande van die ANC, het hy gesê.

Zuma het sy kommer uitgespreek oor die stand van die wêreldekonomie en die VSA gevra om meer in Suid-Afrika te belê.

free no deposit

Paartjie beroof toe hulle tuiskom

09:46:47 ‘n Man en vrou is Woensdag deur gewapende rowers aangehou en van geld en juweliersware beroof, het die Gautengse polisie gesê.

Inspekteur Yakub Rasool het gesê die twee is na hulle huis gevolg teen ongeveer 02:30 vanoggend, en is by hulle huis deur die bende aangehou.

‘n Groot bedrag geld, asook juweliersware, is gesteel waarna die mans gevlug het. Daar is geen beserings aangemeld nie.

10 gevang vir pensioenbedrog in KZN

08:42:28 Tien mense, waaronder 'n staatsamptenaar en 'n oud-polisieman, is Dinsdag in hegtenis geneem omdat hulle na bewering miljoene rande aan pensioengeld van die departement van maatskaplike ontwikkeling in Kwazulu-Natal verduister het.

Volgens 'n woordvoerder "het die verdagtes as agente opgetree en mense oorgehaal om valse pensioene te eis. Dié agente het blykbaar saam met amptenare binne die departement gewerk," het Mandla Ngema gesê.

Ngema het gesê dat een van die oortreders oor die afgelope twaalf maande na bewering bedrog ter waarde van R1,6 miljoen gepleeg het.

Die tien is by Izingolweni in hegtenis geneem. Verlede week het die polisie 15 mense in dieselfde gebied vir bedrog en korrupsie gearresteer. Dit laat die die aantal inhegtenisnames slegs in dié gebied op 25 te staan kom.

"Die departement wil die polisie gelukwens met die werk wat hulle verrig het deur die verdagtes aan te keer, wat blykbaar ook in ander bedrog- en korrupsiesake betrokke is wat nog nie afgehandel is nie," het Ngema gesê.

Die aangehoudenes sal Woensdag in die Izingolweni-landdroshof verskyn.

DRK moet verduidelik oor LRA-rebelleleiers

Alice Lakwena – ‘n Oegandese profetes wat ‘n grootskaalse opstand teen die regering van die diktator Yoweri Museveni gelei het en wie se beweging oorgegaan het in Joseph Kony se Lord’s Resistance Army (LRA)

09:27:25 Die internasionale hof het Dinsdag aan die DRK gevra wat hulle gedoen het om vier Oegandese rebelle wat in die land skuil en vir oorlogsmisdade gesoek word te arresteer.

Meer as een van die vier mense se basis is in die DRK.

Dié land se regering is in September 2005 gevra om die Lord’s Resistance Army (LRA) se leier, Joseph Kony, en drie ander te arresteer.

Oeganda het beweer dat die LRA vir meer as drie jaar in die Garamba-nasionalepark oor ‘n basis beskik het.

Die hof het aan die DRK gevra om gedetailleerde inligting te voorsien voor die 17de November oor wat gedoen is om die arrestasies uit te voer.

Die hof het die reg om negatiewe bevindings te maak teen lidlande wat nie samewerking wil gee nie en hy kan ook die saak aan die liggaam oorhandig wat die hof gestig het deur middel van die Rome-verdrag Die organisasie kom volgende maand byeen vir sy jaarlikse vergadering.

Vroeër vandeesmaand het die aanklaer Luis Moreno-Ocampo hernude oproepe gemaak vir die arrestasie van Kony en ander LRA-lede, ná aanvalle op Kongolese burgers.

Moreno-Ocampo beweer die LRA het op die 17de September aanvalle geloods op dorpies in die Haut Uele-distrik in die DRK.

Die internasionale hof het lasbriewe vir die arrestasies van Kony en drie ander LRA-bevelvoerders, Okot Odhiambo, Vincent Otti en Dominic Ongwen reeds in 2005 uitgereik.

Hulle word beskuldig van verkragting, verminking, die gebruik van kindersoldate en die uitmoor van duisende mense.

In Julie het die Soedanese regering die hof gevra om die aanklagte uit te stel sodat die rebelleleiers ‘n Soedan-geleide Oegandese vredesooreenkoms kan teken.

Kony het sover geweier om die vredesooreenkoms te teken, op grond van die internasionale hof se lasbrief vir sy arrestasie.

Kony, wat net semi-geletterd is, het in 1988 beheer oorgeneem van die streeksrebelle behorende aan die Acholi-minderheidsgroep in die noorde van Oeganda.

Twintig jaar se gevegte tussen rebelle en regeringsmagte het derduisende dood gelaat en 2 miljoen mense ontwortel, hoofsaaklik in noordelike Oeganda.

мир игрушек харьков

Plaas druk op Zimbabwe, s? Zuma aan Afrikalande

Jacob Zuma

07:40:47 Die leier van Suid-Afrika se regerende party het Zimbabwe se regering gekritiseer vir die feit dat hulle die magsdelingsamesprekinge met die opposisie blokkeer.

Die ANCpresident, Jacob Zuma, het Dinsdag ‘n beroep gedoen op ander Afrikalande om druk op Zimbabwe te verhoog.

Maandag het Zimbabwe se opposisieleier, Morgan Tsvangirai, gepraat oor die feit dat die regering nie aan hom ‘n paspoort wil gee nie, wat dit moeilik maak om samesprekinge omtrent magsdeling in ander lande by te woon.

Tydens ‘n vergadering het Zuma gesê dat dit nie reg klink nie. Hy het bygevoeg dat dit belangrik is dat enige burger ‘n paspoort mag hê om belangrike vergaderings by te woon.

Zuma gaan na verwagting volgende jaar die nuwe president van Suid-Afrika word. Hy is in Washington om beamptes van die Bush-administrasie te ontmoet, onder andere ook vir Gondoleeza Rice, die Amerikaanse minister van buitelandse sake.

what to post on instagram for business